منتدى استراحات زايد - أنا أعشقك (بقلمي)

السلام عليكم ورحمة الله وبركاته

أنا أعشقك يالحزن لأنك.. خليلي
معي وقفت من الصغر وقفت رجال

كم كنت..تسهرني وحيداً بليلي
وكم كنت تحرق مهجتي واهج اللال

يااما على كسر الخواطر.. تجيلي
وتسقي ثرى ..جرحي من الدمع همال

لك في خفوقي ألف فارس.. قتيلي
ولك في جروحي عزوه وجاه وعيال

صورتك في وجه الكأبه جميلي
كنك.. بكسري بين الأقراب تختال

ظلم..وجفآ ..وفراق هذا حصيلي
منك هجرت من الغثى.. راحت البال

ياوقت هذا الحزن هذا عديلي
ودي أشيدله من الروح ..تمثال

بيني ..وبينه عشق ياهو طويلي
في داخلي ..كم له قصيده وموال

أيه أبتدي يافتنه ..وأسمعيلي
قصيدت (ن) تبكي لها أجيال..وأجيال

فيها بكى وحش الفلا ..من عويلي
وفيها يحطون العرب درس وأمثال

يتيم..مامن بالخلايق ..يجيلي
وحيد مامن ناشدي ..كيف الاحوال

كني حبيس (ن) عاش عمره ذليلي
حكمه صدر والسيف بيدين قتال

ولا كمآ عوداً..دموعه هميلي
محداً سمع في شكوته والذي قال

وحيد مطروح (ن) بدرب السبيلي
ولاله عيال ولا عمومه ولا أخوال

كسير ساق وشوف عينه قليلي
وجسمه نحيل وحاملً كل الاثقال

هذا أنا وياه ظل.. وظليلي
حصان ..فالبيدى وأنا أجيه خيال

هذاا الحزن بين الخلايق عميلي
أجيه وأحبـــه من الجــال للجال

وسلمتكم
..........