ذاك الزمان .وقصه من الموروث الشعبي **مـحــمــد الـــظــاهـري ذاك الزمان الي مضى جعله يعود والارض خضرا ماشكت من ذجبها وذاك الزمان الي مافات معهود والنار تشعم دايمٍ من حطبها وذاك الزمان الي مضى صارمفقود يكون ذكرى في ضميري كتبها ايام كنا ننـزل خبوت وعدود لياليٍ قفت وقفو عربها ..................... حيــاكـم الله اخوانـــــي .. زوار .واعضاء.ومشرفين ..منتديات مـــكــشات.. مرحباً بكم بسالفه جديده من سوالفنا الشعبيه والتي تبقاء في ذاكرتنا والذي انشئت لها خصيصً الخيمه الشعبيه لققص الشعبيه والقصص الواقعيه بعيداً عن القصص الغراميه والقصص التي لا تليق للخيمه سالفتي لكم رواها الشيخ والراوي الكبير سيف الاكلبي والذي ورد منه في تعاليل يقول الراوي فيه واحد طلع من ديرته رايح مدري وين رايح ويوم شاف الا وهاك الذيب يسحبله طلي ساري فيه طول الليل جايبه من عربٍ بعيد ويجي عند هاك الكهف ويجدع الطلي ويدخل ويقود له هاك الذيبه العمياء يدري انه امه الله اكبر وتجي امه وتاكل من هاك الطلي ويقوم هاك الرجال يذبح الذيب وإلاامه تسمع صوت الطلق وسمعت صوت عواء ولدها وعواى الحزين وهي تعرف صوت الطلق وولدها وهي تتسحب لين وصلت عند ولدها وهي تششم ولدها وهي تعوي هاك العويه الي مابعدها عواء وهي تموت عند ولدها وإلا الرجال ما يحس بنفسه انشلت يديه ورجوله وامرح بهاك المكان وهاك الليل صوت ذيابه ويوم اصبح الصبح وهو يرمي بالهواء لين سمعوه ربعه ويجونه ويشيلونه ويودونه للبيت وينشد الرجال لولده ويقول قم ياحمد شاك عين مريضه كأن بها مر الغضى امسى لبايق يد ورجل والله على الامرطايق وراك يارجلي تعافين ربه مرب عصم الصيد بروس الشنايق والابيات كثيره وما حفظتها وسلامتكم وهاذي القصه مثل ما سمعتها من سيف الاكلبي واعذروني اذا حصل اي تقصير وتقبلو تحيات محبكم .محــمـد الـظـاهـري . |
الساعة الآن 03:15 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir