تقرير مبسط عن اسعار الخيام 4*4 عامود .. تفضل لتعطينا رايك السلام عليكم ورحمة الله وبركاته ,, في البدايه احب ان ارحب فيكم في هذا الموضوع المتواضع والذي نبحث من خلاله عن تفاوت اسعار الخيام 4*4 في السوق وايضا عن جودتها ومتانة صناعتها وتحملها مع الزمن الطويل .. جاءت هذه الفكره بعد رغبتي في شراء خيمه (( لي وللزمن )) وكان التقرير كالتالي : بالنسبه للخيام مقاس 4*4 انا لفيت اغلب محلات الخيام وسعرت جميع انواع الخيام والنتيجه كالتالي : 1 - محلات الغرابي : لقيت خيام باكستانيه تتراوح اسعارها من 900 ريال الى 1750 ريال واللي سعرها 1750 هذي عند التميمي وعند رجالن شرواكم اسمه ابو سليمان الخطيب وعلى كلامه يقول هذولي اطيب شي بالسوق .. ولقيت الوطني اللي هو صناعه وطنيه واسعاره مابين 1100 الى 1300 ريال 2 - محلات الخيام بطريق الميه مخرج 15 : طبعا مريت خيام بيت الفال واللي اتوقع انهن اطيب خيام واسعاره من 900 ريال الى 1800 ريال طبعا الخيمه السوداء اللي ذكرها احد الاعضاء في موضوع سابق باسم (( الخيمه السوداء )) موجوده عند بيت الفال وهي اللي سعرها 1800وبصراحه انها ممتازه وقماشها ممتاز جدا لكن هل تستاهل القيمه ؟؟؟ 3 - الخيام الصباحيه بالكويت : وصيت واحد من ربعنا كويتي الله يخليه لنا وراح لسوق الخيام بالكويت وعطان التسعيره للصباحيات وقالي الصباحيه 4*4 (جمالون ) 1870 ريال واللي تجي عامود سعرها 1600 ريال 4- كثير من الناس نصحوني بخيام الدفاع المدني وسعرها 500 ريال ويقولون انها ممتازه وعمليه وسعرها مناسب جدا ولكن لاندري عن جودتها ومتانتها هذا تقرير بسيط عن اسعار الخيام لكن بالاخير لانعلم ماهو الجيد وماهي النوعيه الممتازه بالرغم من تفاوت الاسعار الواضح !! اتمنى ممن كان له خبره او معلومه ان يفيدنا ويفيد الاخوان .. واعتذر لكم عن الاطاله ,, وشكرا |
الساعة الآن 07:35 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir