|
من بقايا الذكريات اكثر من خمسين سنه السلام عليكم ورحمة الله وبركاته اليكم هذه الواقعه من بقايا الذكريات http://www.rjeem.com/up/images/mft8sn3ws87nbsbrocqm.jpg ذاك الحين يوم حنا صغار قبل 50 سنه او اكثر كانت الوالده رحمها الله واموات المسلمين اذا كح واحد من عيالها على طول تجيب قارورة الفكس وتنقث لها نقثه بصابعها الاثنين وتفتح افم الواحد وتدعس اصابعها باقصى الحلق اللوزتين لاشافت الاصابع مقبلات ينفهقن عن درب الاصابع كل وحده تلزقله بجحر ويتغبن يمكن بالاذان وتقول نم بسم الله عليك ولاقام الواحد ولاه مابه خلاف والمعروف ان الفكس للاستعمال الخارجي بس عند اهلنا للاستعمال الداخلي والخارجي ويوم صار هالاسبوع ولا فيني كحه عيت تروح بكل العلاجات واتذكر فكس الوالده الله يرحمها وانا اخذ الفكس وانقث لي نقثه ماهي بعيده عن نقثت اصبع الوالده وانا ادخل اصابعي لقصى حلقي عند عيالي ويوم استغربوا يبه هذا للاستعمال الخارجي والله ان يجيك شي وعييناتهم طايره فيني مستغربين يبه رح للدكتور لايجيك شي قلت ماضرني وانا صغير عشاي كل ليله فكس وفطوري وازلين وقطر بعيوني ابوفاس عيالي شافوني اكل الفكس وعلى طول في الوتس اب ابوي ماكل فكس عندهم انها ظاهره عجيبه وينتشر الخبر بين جماعتي تحت عنوان ابوي ياكل فكس الله المستعان ماشافوا الاولين اذا جاء موسم الزرع وبدو يحرثون الارض الواحد يحرث بالمسحات ويقص اصابع خويه ويقول سلامات عسى ماتعورت يقول لامافيني شي ويكمل شغله وصابع رجليه منتثرات بالارض وذا انتهى شغله يلقط اصابعه ويشكهن بحبل ويخليهن قلاده لبنيته ويكمل حرثه شفتوا الفرق بين الاولين والتالين وينك ياجدي تشوف التالين وتس اب وهمبرقع وفلاتيشن وكنبلوتر وفسحه 20 ريال وتردد للمستوصفات الا ماتلاحظون كثرة المستوصفات والصيدليات والمطاعم هالعشر سنين التاليه بين كل مستوصفين مطعمين تدرون وش السبب ياكلون من المطاعم ويغسلون بالمستوصفات انتهت السالفه وقبل الختام سبحانك اللهم وبحمدك لااله الا انت استغفرك واتوب اليك تحياتي للجميع |
| الساعة الآن 01:42 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir