منتدى استراحات زايد - اتهمنا بسرقة مواطير كهرب قيمة الواحد 30000 ريال

السالفة طال عمركم رحنا ديرة خلا مافيها سكان قرية مهجورة وذبحنا الذبيحة والعزب والعلوم الطيبة ومتونسين الا وهاك المطر رحمة من الله وننحشر في السيارات حول ساعتين او ثلاث الا والشغله ماخارجت معنا وجانا هبوب لا اله الا الله وكشح المطر يهول وذا هاك السقيفة جنبنا مقفولة وفاضية مافيها حتى فرش وخشينا مع الشباك مفتوح لان الباب مقفول وحطينا عزبنا الا القدر المنحوس كبير مايخش مع الشباك وعود واحد اسمه احمد كسر القفل وليلنا نطبخ والمطر شغال والسوالف والجو قسم بالله يخوف الى درجة ان جانا رياح خوفتنا وصرنا نتدعى خفنا تهدم السقيفة لاننا على سفح جبل المهم جينا ماشين قال اكبرنا نبي نحط رقم جوال للرجال يمكن يزعل والا يدعي علينا ومعنا واحد ذيبان قال كب الكلام نمشي والشغلة قفل بعشرة ريال لايجيب لنا مشكلة قلنا لاوالله كلام خوينا زين ونسجل رقم جوال كبيرنا ورقم محدثكم ونسري في سيول والله اذا برق البرق تشوف كل وادي ماشي من راس الجبل للاسفل ونصبح في بيوتنا ونصلي الجمعة ونداوم يوم السبت الا وشرطة العزيزية يدقون يقولون فيه واحد مدعي عليكم انكم كسرتم باب بيته وسرقتم ماطورين قيمة الواحد 30000 الف ريال ههههههههههههه
ندق علي الرجال اعطانا رقمة العسكري ابشر بالحق وابنجيكم بالشيخ حقنا ويحلها مع شيخكم تكفا ياولد ونعطيه السالفة قال مابي حقوق انتم ماتستحون ونحاول في الرجال ياشيخ ابنصلح الباب قال لا مابي الا الشرطه قلت له تدري اللي ماتطوله بيديك طوله برجليك وانت منت كفوا للحق وعلوم الرجال وادق علي العسكري قلت هذا الموضوع بالصحيح واطلبنا عن طريق اعمالنا هذي اماكنها موزعين على كافة مناطق المملكة يبي لهم خمسه شهور لين يجمعونا قال والله مصدقكم لو انتم حرامية ماحطيتم ارقامكم المهم ماعاد احد دورنا من ثلاث سنين المقصد ياطويلين العمر لاعاد تفعل خير هههههههه
راحوا الطيبين

افعلوا خير امزح