**** تجديد بوية حديد وخشب الخرازة ( يوجد صورة ) **** السلام عليكم ورحمة الله وبركاته http://im21.gulfup.com/fDi61.jpg عندي سلمكم الله هالخرازة البرنو وجاء على بالي أجدد بوية الحديد حقها والخشب وفكيتها مثل ما إنتم شايفين والحقيقة ودي أشتغلها بنفسي وما أوديها لأحد وفيه أشياء أعرفها وأشياء أجهلها وما أستغني عن مساعدتكم وأرجو التفصيل في الرد قدر الإمكان مع شكري لكم 1 / كيف أشيل بوية الحديد الحاليه ؟ 2 / كيف أدهن البوية الجديده يعني فيه قبلها بوية أساس مثل السياره أو لأ وكيف طريقة الدهان ؟ 3 / ماهو إسم أفضل بوية ممكن أستخدمها ؟ وبأشتريها من محل الرمايه فرع خميس مشيط لأن ماعندنا أفضل منه هذا بالنسبة للحديد ونجي الحين للخشب 4 / أعرف طريقة الصنفره بحيث أبدأ بالخشن ثم الناعم مع التنظيف المستمر بين صنفرة وأخرى ولكن هل أصنفر الجزء المخطط اللي يعطي خشونه في المقبض وإلا أتركه حفاظاً على ملمس المقبض يبقى خشن ؟ 5 / أبغى لون الخشب يكون بني غامق مثل ماهو في الصوره فهل أحتاج لون وإلا أصنفره وأدهنه أورنيش شفاف على طول ؟ 6 / أورنيش بخاخ مالقيت ولازم أخلط تنر لتخفيف الأورنيش اللي يجي في علبه فكم المقادير ؟ يعني إذا أخذت فنجال شاهي أورنيش فهل آخذ نفس المقدار تنر وأخلطه معه وإلا أقل ؟ 7 / بعد مايكون الخشب جاهز للدهان أرجو الشرح بالتفصيل طريقة الدهان وكم أحط وجه للأورنيش ؟ مع شكري وتقديري لمن يعطيني من وقته الثمين جزء ويرد علي ولا يمنع أدراج أي رابط مفيد وسوف أوافيكم بالنتائج بإذن الله في نفس الموضوع |
الساعة الآن 04:48 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir