الا يالسفاري قلبي من المدينه عاف .... الا يالسفاري قلبي من المدينه عاف وعيني تطالع بالدروب وتناظرها ابا خوتك لون فيها عليك اكلاف وابا اطيع نفسي لينه يطيب خاطرها ورد االسفاري لا تردد ولا تخاف بحول الله ان كل المسافات نعبرها انا الوافي اللي بالمواقف وفاه يشاف اليا جا مجال لوقفتي وانت خابرها وقلت اشهد انك وافي ولا عليك اخلاف ياكثر الجمايل والله اني مقدرها اقدرك يومن المواتر تصير اخلاف اليا زان خطك واستوى ماتعبرها واخاويك لانك بالسطر وافي وعراف وانا خوة اللي دون ماني مدورها رموزك ثلاثه فا وتاء وبعدها كاف رموزن بها نيسان تعلن تفاخرها ابا اسج رجلي بالخلا وازبن المشراف وابا افزع لنفسي من عناها واحررها مايطرب خفوقي غيرخبت به الارياف يعطر هوى الغربي نسايم عبايرها بجاله شعيبن سايلن فيه ماه يشاف طبيعه وسبحان الله اللي مصورها ابا فيه اشب النار وابدع جديد القاف وانزل دلالي جال ناري وابهرها واطيب هوى نفسي قبل ساعة الانكاف وفيه ادفن همومي وابيح سرايرها وسلامتكم انا مبتدئ واتمنى ان تبدو ارائكم بدون مجامله يشهد الله اني ابي الانطباع الحقيقي بدون مجامله وتهمني الانتقادات اكثر من الثناء وشكرا |
الساعة الآن 05:51 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir