|
روايه همس الموت من تاليف دُجَى اللّيل االسسلام عليكم اليوم بنزل روايه اسسمههها هممس الموت من تاليف دُجَى اللّيل واتمنى القا تفاعل ف هل رواييه:a040: |
~| الهمســــــــة الأولــــــى |~ \\ ..: بــــــس الله يخليك بس.. ..: جــــــــب ولا كلمة أقولج سكتي... كانت تبكي بحرقة والم وحسرة وضعف..وهو بلا رحمة ممسك بشعرها ويشده نحوه بقوة ..وهي تحآول جاهدة ان تتخلص منه وتنقذ ما تبقى من بقآيا شعرها الكستنآئي.. أرخت بصرها للأرض ورأت خصلات شعرها المتناثرة عند قدميها..وصوت المقص الكريه لازال مستمر..! قالت برجاء وضعف: خلاص ..بس..بـــس ..ليش تسوي فيني جذي..؟! ولكن رجآئها لم يحرك فيه ساكناً..قآومت كثيراً لكنه اقوى منها ..حآولت الصمود أمام جبروته..لكنها لا تجرأ..! بعد مدة.. تنهد برآحه: رفعي رآسج اجوف.. لكنها لم تنفذ رغبته..بل زااد صوت نحييبها.. صرخ عليها بصوته المرعب: أقوووولج رفعي راسج ولا ابي اسمع صووتج .. توقفت عن البكاء ولم يسمع الا صوت شهقاتها التي لم تستطع إخفائها..رفعت رأسها ببطىء ..لكن عينيها بقيت معلقة في الارض.. نظر اليها بتمعن.. .....: حلوووو..يلا ذلفي حجرتج ياا بنت ****** ما ان انتهى من جملته..حتى اطلقت سراح ساقيها ..وفرت هاربة الى ملجئها.. لم تكن لديها الشجاعه بان تتحسس راسها او تنظر الى المرآة لترى ما تبقى من بقايا شعرها..كانت خاائفه من ان تنصدم بواقعها المرير.. جلست في زاوية غرفتها الكئيبة او بالأحرى مستودعها !! فهذه لا يمكن ان تسمى بـ غرفه..كانت قذرة بكل معنى الكلمة ..الارض خشنه وصلبة..النافذة لا يتسللها ضوء اشعه الشمس بسبب الجدار الذي يمنعها من التسلل..والفئران المختبئة في الشقق الصغيرة والحشرات الواقفه على الجدران..كل هذا مثير لتقزز والخوف.. ضمت رجليها..كانت خائفة...تآئهه ..ضعييفه..اغمضت عينيها.. تمنت لو انها ماتت في حادث السير ذاك الذي توفي فيه ابويها وإخوتها..واحترقت معهم..ولا تكون تحت رحمة هذا الشخص الذي تشك ان لديه قلب انسآن!! . . بعد مدة ..استيقظت..ووجدت نفسها نائمة على وضعيتها السابقة..نهضت وتجوهت الى الحمام.. صدمة!!! نظرت الى المرآة المكسورة..بعيون مفجوعه..صدمت من شكلها الذي اصبح شكل " صبي"..!!!! رفعت يدها ببطىء وتحسست شعرها كان لديها امل بان تكون الصورة التي في المرآه ليست صورتها..! لكن الامل تلاشى.. نزلت دموعها بصمت ..خرجت من الحمام وجلست في زاويتها المفضلة..لتشكي اليها هموومها..!! \\ ...: لاااا!! انت شكلك تخبلت.. ...: لا ما تخبلت ولا شي..وخلاااص..اللي فراسي بسويه.. ....: إبراهيم لا تتهوور..تراا الساالفه مب هينه..مثل ما انت شايفنها.. إبراهيم: سلطان لا تحااول فيني..انا تقريباً خلاص نفذت نص اللي فراسي..بس باقي شويه.. سلطان : انزين ما حصلت اي معلومات عنها او عن اهلها..؟ ابراهيم: اللي اعرفه ان اهلها ماتوو في الحادث وهي الوحيدة اللي نجت بس دشت ف غيبوبة لمدة شهرين بس ع كلام المستشفى انه محد زارها..وماحصلو لها اهل عسب يتواصلون ويااهم.. وقدرت اظهرها من المستشفى على انه انا اللي برعاها..وطلعت لها اوراق مزوورة.. سلطان بتفكير : بس لو تخليها رقاصه ولا مغنية..مو احسن..؟ ابراهيم: لالالا..كذي عادي اي حد يعرفها..جيرانها ولا ربيعاتها.. سلطان:افف منك تراك فريت راسي..مو تووك تقولي محد بيعرفها.؟ ابراهيم وقف: الحينة بتجووف وانت احكم.. ذهب ابراهيم..وعاد بعد دقائق وهو ممسك بذراعيها بقووة..ودفعها نحو سلطان..الذي غطاه الذهول .. سلطان وقف وهو منصدم: لاا..مستحييل..هي نفسها هذيك البنت.!!!!! ضحك ابراهيم وبان ضرسه الذهبي: هاا..؟ شراايك..؟ تنفع ولا لا.؟؟ ابتسم ابراهيم بخبث: والله انك مب هيُن...(بتفكير) بس يمكن ما بتقدر..؟ ابتسم ابراهيم بخبث: ما عليك..تطمن..انا بأهلها..(صرخ عليها) يلا ذلفي.. لم تدري كيف وصلت الى مستودعها ..كانت ترتجف من شدة الخوف..وساقيها للم تعدان قادرتان على حملها..جلست على الارض بقوة..وهي تحاول ان تهدىء قلبها الذي ينبض بقووة..! \\ سلطان: خخخخ..يعني الشباب برووحهم ضعيفين..هالبنت الضعيفة بتكون احسن عنهم..!! ابراهيم: ماعليك..هالبنت انا بشرف عليها بنفسي.. سلطان بتفكير: بعد اللي انا جفته..والله انك قدها وبتسوي اللي براسك.. وجلجل الاثنان بالضحك..! ~| انتهت الهمســــة الاول |~ |
~| الهمســــــــة الثـــــانية |~ \\ أسرت قلوب جماهيرها بصوتها العذب وشكلها الجذاب ورقصاتها التي تسحر عقولهم..ويميلون معها كلما مآلت.. وصيحآتهم تتعالى " شهرزآد" أو الملقبة بـ " حورية الغنآء" تغني بصوتها الذي يشبه صوت العندليب ..ووجهها الطفولي الجميل وجسمها المتناسق الذي يتمنى كل المراهقات ان يصبحن مثله.!! نعم...فهذه هي شهرزآد .. حورية الغنآء..!! استمر الحفل الغنآئي الرآقص حتى سآعات متاخرة من الليل..وبعدها ذهب البعض الى منازلهم..وبعضهم يكآد ان يطير من السعادة بمجر حصوله على توقيع "حورية الغناء"..او لمجرد مصآفحته لها..!! \\ جلست شهرزاد في الغرفة الخاصة باستراحة الفنانين..وهي تكاد تموت من شدة التعب.. فتح الباب ..ودخل منه رجل في الثلاثين من عمره.. ..: يلااا ..شوو تترييين حضرتج..؟ يلااا جدامي ع السيارة.. شهرزاد بصوت خافت: اووك.. نهضت وذهبت معه الى السيارة المتجمهرة حولها بعض المعجبين الذين لازالو ينتظرون خروجها..وبعض المصورين لالتقاط صور لها لكي يجنوا ارباح من ورائها..!! شهرزاد بداخلها " افففف لوعتوا بجبدي..سير ذلفوا عن ويهي.." همس لها وهو يصر على اسنانه: ابتسمي يال ****** ابتسمت شهرزاد بسرعه..لكنها كانت ابتسامة خوف.. ركبت السيارة وركب هو ايضاً.. شهرزاد" الله يااخذ يا اسمااعيلووووه..اكرههههههك..متى بس بفتك منك.." اسماعيل تكلم: ادائج اليوم ماشي حاله..بس حصلت ورآآه بيزاات..المرة الياية ابي احسن من جذي..ويوم يخلص الحقل مافي داعي تمدين بوزج شبرين..!! ترا حركاتج مقيدة..والصحفيين ع كل حركة تسوينها..! لو صاار وفضحتينا باي حركة ..بتندمين..! شهرزاد بصوت خافت ومرتجف بشخصية مناقضة عن التي كانت واقفة ع المسرح تغني بصوتها الواثق :ان..ان شاءالله.. ~><~ وصلو للقصر الذي هو ملك لاسماعيل..والذي كان قبلاً يعيش في بيت شعبي بسيط..! لكن بعد ما جعل شهرزاد مغنية حصل على كل هذا الثرآء ..!! بفضل شهرتهآ.. دخلا الى القصر..ذهبت شهرزاد الى قسمها الخاص..وقد كان فخم وراقي للغاية..يليق بفنآنة مشهورة..! بعدما قامت بتبديل ملابسها..وارتدت بيجامة مريحه..استلقت على سريرها وهي منهكة..! ترقرقت من عينيها الدموع..وتخطت خدها الصافي بألم وحرقة..! يحسدها الجميع على ما نالت من شهرة ومال..! لكنها ليست سعيدة بما وصلت اليه..!! بل تشعر بحرقة داخلها والم مع كل كلمة تلفظها ورقصة تقوم بها..! كيف لاا؟! وهي تعصي خالقها من فوق سبع سمآوات..؟!!! لكن كل ماتفعله ليس بإرادتها..بل بالرغم عنها..,,,انتظروا..فلست انا من سيروي حكايتها ..سادع شهرزاد هي من ترويها لكم..لكن تشاركوها آلامها..! شهرزاد... " بقولكم قصتي..عسب تعذروني ع الوضع اللي انا فيه.. كان عمري وقتها 15 ..كنت في قرية ريفية فقيرة..لكن الحلو فيها اهلها وناسها الطيبين..يجمعهم دين وعادات وارض وحده..ماكان فيه احد يكره الثاني ..او يحقد عليه..قلوبهم كلها مع بعض صافية.. عآيلتي..كنا عائلة فقيرة..تعتمد ع انتاج مزرعتنا الصغيرة..اللي نص الانتاج نبيعه و الباقي نسد فيه يوعنا ..! انا البجر..واللي عقبي اختي سارة والحينة عمرها 13 سنة..وعقبها نورة 10 سنوات..عقبها مريم 8 سنوات..وسلمى 7 سنوات ..واخيرن عبودي 6 سنوات.. ابوي كبر في السن والامراض بدت تتلاحق عليه..مما خلاه يقعد ع الفراش وما قدر يكمل شغل المزرعه..! قررنا انا وامي نتشتغل في المزرعه بما انها مصدر دخلنا الوحيد..! لكن الانتاج كان اقل عن اللي قبل..وفقرنا قام يزييد.. في يوم من الايام..اليوم النحيس اللي مستحيل انساه..ياا ريال غريب عن القرية..الناس كانت متجمعه حووله و مبهورة تشوف البضايع اللي يايبنها..رحت انا وامي نجوف شرات الناس..وخاطرنا فاشياء وايد ناقصتنا ..بس البيزات ما تكفي..يالله تسد بها يوعناا.. انتبهت ان الريال الغريب قام يطالع فيني بنظرات تفحص من فوق لتحت..خفت...وبعدت من المكان ورديت انا وامي البيت.. ع المسا..سمعنا حد يدق الباب..سرت انا ابطله..جفت الريال نفس الغريب....خفت وااايد وقام قلبي يدق..مادري ليش.. قالي: وين ابوج..ابي ارمسه.؟ قلت: ثواني..بعطيه خبر .. قلت لابوي..قالي خليه يدخل..زقرته وصلته عند ابوي اللي بحكم حالته ماقدر يروح لين عند الباب.. انا سرت الغرفة الثانية عند خواني وامي.. بعد مدة زقرني ابوي..ولييته مازقرني ..الريال كان محد.. قالي ابوي: جهزي اغراضج .. قلت بفزع: ليييش.؟ قالي: يا بنتي..انتي املنا الوحيد بعد الله..سيري ويااه واشتغلي..هوو قالي يباا وحده تخيط ملابس..وهوو بيعلمج..والله يفتح علييج من ابواب رزقه.. بطلت عيووني ع وسعهن..و امي شهقت..!! امي: كيف تباا بنت تسير وياا ريال غريييب..؟!! ماندري عنه ولاشي..وتونا اليوم اول مرة نجووفه في القرية..؟ ابوي: لا تخاافين يا ام عبدالله..ربي بيحفظها...والله وياها..وما بيغفل عنها..( ناظر فيني) كوني قووية..سيري ترزقي..موو عشاني..عشان اخوانج..اللي يموتوون يووع جدام عيني وانا عاجز ماقدر اسوي لهم شي..! نزلت راسي ....مارديت...كان ردي اني جهزت اغراضي وسرت وياا الرياال الغريب..اللي عرفت عقب انه عطاا ابوي مبلغ محترم..مقاابل اني اشتغل ويااه.. سرت ويااه المدينة اللي اول مرة اجووفها...بس طبعن لا تقاارن بقريتي الغالية.. شهر مر..وفيه تعلمت كيف اخييط..وكنت احصل ع بيزاات و اطرشهن حق اهلي اللي فرحوو فييها واااايد..وكان بالنسبة لهم بداية خير.. لكن عقبها..قرر يخليني مغنية وبنفس الوقت رقااصة..!! يتلي جلطة..هذا تخبل ولا شوو..؟ طبعن رفضت بكل ما اوتيت من قوة..موو انا اللي اعصي ربي..و انزل راس اهلي في الارض..! قررت اشرد..لكنه حبسني..طرشت لابوي رسالة بالسر اقوله عن اللي استواا.. بعد ايام ..جفت ابوي جدامي واسماعيل (الريال الغريب) وياه... خيرني اسماعيل بشيئين..!! كل شرط منهم اصعب من الثاني.. " تستوين مغنية ورقاصه..!" أو " أقتــــــل أبووج..!! " صدمــة..! مصييبة.. طاحت ع راسي..طالعني ابوي بانكسار..حسيت كانه يقول : الخيار الثاني..!! ناظرت ابوي بالم وقلت: " إقتـــــل ابـــــــوي" طالعني اسماعيل بصدمة..! عقبها ابتسم بسخرية..ومشى وخذ ابوي..ويااه.. صرخت بألم و باعلى صوتي ودموعي تنزل : ابوووووي نلتقي بالجنة ان شاءالله.. لف علي..وابتسم بألم..وحب.. هذي كانت آخر ابتسامة له اجوفها.. عقبها راح ابوي..ومارد..!!!! اليوم الثاني...وانا بعدني ماصحيت من الصدمة الاولى...تفاجات بصدمة ثانية..ياب لي الحقير ... عبودي الصغير.. نفس الشي..عرض علي مرة ثانية الشرطين.. طالعت فـ عبودي..جفت كيف ويهه خاايف..ويناديني بصوته البرىء: "شهلزااد..ماابي امووت..شهلزااد..تعاالي ادلبي الوحس " تقطع قلبي علييه وانا اسمع كلماته الخاايفة..ماقدرت اتحمل..واتخيل شكله وهوو ميت..! اخييرن وافقت..لان لو مات عبودي اخواني وامي بيلحقووه.. جفت الحقير يبتسم بنصر..ومن هاك اليوم وانا اشتغل ع الشغلة..الين ما اشتهرت.. 5 سنوات مرت وانا ماسرت اجوف امي ولا اخواني ..مالي ويهه اجابلهم..! كان يطرش لهم اسماعيل بيزات بس هم مارضو ياخذون ولا فلس..باختصار لانه " مال حرآآم " .. \\ البطلة الثآنية..~ شهرزآد " 20 سنة" \\ في هذا البرد القارس والظلام الدامس.. في هذه الغرفة المخيفة الواقعه في سطح المنزل.. فتاة قابعه في احد زوايا هذه الغرفة..محتضنها جسدها بيدها..محاولة ان تدفىء جسدها النحيل الذي يكاد يتجمد..شعرها الطويل المنسدل على وجهها بفوضوية وعدم ترتيب ولا يُرى من وجهها الا عينيها التي تنبض بالخوف وعدم الامان..ملابسها الرثة الممزقة..التي تغطي جسمها.. في هذه الغرفة..حيث لايمكن لضوء اشعه الشمس من التسلل للداخل..لانافذه..لا مصدر للضوء..وحتى الباب مقفل ..! شعرت بحركة خفيفه عند الباب ..وبفتحه صغيرة اسفل الباب تفتح بمفتاح صغير ..دخل منه صحن..ثم أُغلقت الفتحه.. كل يوم وفي كل مساء يتكرر نفس المشهد..اقتربت من الصحن وتحسسته..فتات خبز..القليل من حساء بارد مثل العصير ..وربع كوب من الماء.. هذا هو طعامها منذ خمــــس سنوات..!!!!! فجاة سمعت صوت خطوات اقدام..ا فرت هااربة الى اخر الغرفة..مبتعدة عن الباب..و التفت حول نفسها بهلع وخوف شديد فقد بدأ " التعذيب النفسي " ...ضرباات شدييدة على الباب..وصرااااخ يخرم الآذان..و اصواات مخييفه .. كانت تصرخ هي ايضاً بكلمات غير مفهوومة وتردد بداخلها " بس ..حراام اناا أخااااف" صوت مخيف همس بالقرب من الباب: بدور اليوم وانتي راقدة ..بيي واذبحج " ضحكاات تعاالت بعد هذه الجملة..ثم ابتعدت الخطوات عن المكان..وعم الصمت.. \\ البطلة الثالثة..~ بدر البدور " 13 سنة " \\ ~| انتهت الهمسة الثانية |~ |
الرواية بدايتها رائــعة وتحمست لقراءتها بكملها ^^ إن شاء الله باجر لانه ويكند صراحة عيبتني البداية وشكرا على النقل اللي يدل على حسن ذوقج ^^ أتمنى تشكرين الكاتبة بالنيابة عني على الأسلوب الرائع ^^ ما شاء الله عليج شكلج قريتي روايات كثير دام جي نتريا منج رواية وبكون أول القراء إن شاء الله بانتظار إبداعج ^^ مع تحياتي حمدان وأتمنى تعطيني رابط أفضل رواية قريتيها عسب أستفيد أيضا في كتاباتي اللاحقة ^^ أكرر شكري لج أختي تقبلي مروري |
تتامر اممر م طلبت شي وتسلم |
ناو بحط لكم كم بارت قبل لا اطلع برع |
~| الهمســــة الثــــــــالثة |~ \\ دخلت عليها الخادمة لتخبرها بان سيدها يرغب في رؤيتها.. ارتعدت اوصالها..! فالمرعب يريد رؤيتها..! اسرعت اليه قبل يغضب.. راته جالس على الاريكة..وقفت بعيداً عنه.. ....: نــ ..نــعم...؟ ابراهيم بنفس خايسه: نعامة ترفسج.. بعلت ريقها بخوف..وهي تردد بداخلها " الله يستر..الله يستر" ابراهيم: تعاالي يلسي..! جلست بعيداً عنه قليلا.. ابراهيم: الموهيم..يااااا...صبح..؟! مادري ظهر ولا عصر..؟!! قالت بهدوء: فجر...فجر الليل.. ابراهيم باستهزاء: هه فجر..! والله انه متفيج اللي سماج هالاسم.. الموهيم..هالاسم..بتنسيينه..ولا كانه كان في يوم من الايام اسمج..! فجر منصدمة: لــ..ليش.؟ ابراهيم وهو يحط ريل ع الثانية: الله يسلمج..من اليوم ورايح اسمج بيكون..........فآرس..!! ألقى بحزمة من الاوراق امامها..وبينهم جواز سفر.. ابراهيم: جوفيهم.. أخذتهم..وقرات ببطىء وتمعن..والصدمة لاتزال على محياها.. هويتها تغيرت 180 درجة. الاسم: فارس محمد الــ.....!! الجنس: ذكر..!! وصورتها الحالية ..!! من قد يصدق ان هذه فتاااة..؟ بل لن ياتي في بال احد ابداً..! تذكرت ان ابراهيم..قد اخذ لها صورة ..بعدما غير من شكلها.. ياللفظاعه..أهذا بشرٌ حقاً..! فجر الليل... " مصدوومة..مصدوومة..مصدوومة ..الحينة يوم شكلي تحول لولد..قلت يلا مو مشكلة..هويتي تبين اني بنية..الحينة لا هوية ولا شكل..طاحت الاوراق من ايدي..ماكان عندي اي طاقة اني بعد اقراا..! تكلم ابراهيم:الموهيم..مو عشاان هذا ابيج (ابتسم باستهزاء) اقصد ابيك...الموضووع اهم من هذا كله..طبعن..انا انقذتك من الموت..وخليتك تعيش عندي..بدل ما تتشرد في الشوارع..وصرفت عليك..(وبسخرية) وعوضتك حنان الابو والام اللي فقدتهم.. يعني ..ما فكرت ترد لي ولو شوي من الجميل هذا كله..! انا يت فـ بالي فكرة..بدل ما انت كذي لا شغل ولا مشغلة..قلت خل نستفيد منك شوية..ووو مالقيت غير اني اخلييك .. . . . " لاعب كـــــــرة قـــــدم " الجمت الصدمة لسانها..فالصدمات الان تتلاحق عليها ..واحدة تلو الاخرى! كمل ابراهيم: ..صح نسيت اقولك هالمعلومة اللي اظن ما تعرفها..انا مدير نادي " الصقر " خخخخ اكيد ما سمعت عنه..ترا ماتنلام..لانه فــاشل.! ولا مرة خذ البطولة..وو اللعيبة..فشلة وكسلانيين..وهمهم..المعاش اللي ياخذونه..وو الرقااد..ولو مني كنت طردتهم كلهم..لكن العقوود اللي موقع عليهم وياهم شوو نسوي بعد..اترياا العقد يخلص.؟ اماا انت ياا فاارس..فـ بايدي هذي بأهّلك..واخليك افضل لاعب ع مستوى الفرق... ، ومازال ابراهيم..يتكلم..ويتكلم..عن آماله وطموحاته التي ستتحقق من خلال فجر..! او لنقول فارس..!! اما هي..فلا تسمع ما يقوله بل ابحرت في التفكير لحل لهذه الازمة..! ، " حسيت اني بتخبل..!! مبطله حلجي وعيني ع وسعهن..!! هذا صج يرمس ..ولا يمزح..؟ ابراهيم بحنية غريبة : بـس ..بــس..اذا ما تباا..اقصد ماتبين..عادي قوولي..الامر راجع لج..وو انا مابجبرج ع شي ما تبيينه.. " حسييت برااحه..انا قلت هذا اكيد يسولف وياي..هه لاااعبة..وين عايشين نحن.؟" قلت وانا مبتسمة براحه: لا طبعن..اتخيل بس ..ههه.. ما ان انتهت من جملتها..حتى ثار ابراهيم..وتفيرت ملامحه الى ملامح تملؤها القسوة..اخرج من ورائه سوط ..! " اوييه انا شقلت الحينة..؟ عصـــب..ياويلي منه ><..يارب ..ساعدني...خاايفه..اكيد بيذبحني.." قلت بسرعه: لا لااا.. امزح.. موافقة..موافقة..!! لكن ابراهيم..كان قد تحول الى وحش مفترس..يريد ان يتلذذ بصراخ الالم..!! ابراهيم: لا يااقلبي..لازم تذوقينه..توه يديد هالسوط..وو..ابي اجربه عليج..مممم لج الشرف طبعن...؟ وو عسب تعرفين اذا فكرتي مرة تعصيني..بيكون هذا (اشر ع السوط) ردة فعلي..!! ، رفع السوط عالياً لينهال على جسدها ...ويلسعها..بدون رحمة...وو.. !!stop \\ >>قطع المشهد..مراعاة لذوي القلوب الضعيفه..! << \\ البطـــلة الأولـــى ..~ فجــــر الليل ( 18 سنة ) \\ كانت تستعد لحفل هذا المساء..فاليوم ستظهر لجمهورها كـ الأميرة "سندريلا"ارتدت فستاناً ابيض طويل بدون اكمام..وارتدت قفازاً ابيض..وضعت على راسها التاج.. ارتدت الكعب الزجاجي ..كانت حقاً كـ سندريلا..!! دخل سليمان وعلى وجهه نظرات الاعجاب والانبهار نظرت اليه باحتقار.. سليمان:الجماهيير بتزدآد اذا جافوج..وبيزيد الطلب عليج..!! شهرزاد"مارديت..احتقرتة..ادري انة مابيرد علي الحينة اهم شي اني اسوي اللي يبيه وعقب الحفلة بيغسل شراعي!! جفتة ظهر..انا الحينة يالسه فـ غرفة استراحة فنانيين..اتريا لين مايبدا الحفل.. جفت سليمان مرة ثانية دخل ويياه حد وقاعد يرحب فية .. سليمان:يامرحبا ..هلا والله تفضل..تفضل.. دخل الريال... سليمان:شهرزاد هذا المغني المشهور في البلاد سعيدالــ...اكيد تعرفينه.. افضل مغني في البلاد..!! "لا والله ماعرفة..اكيد بتستغربون كيف مغنية وماتعرفة..؟! لاني باختصار مااتابع اخبار الفنانيين ولا اهتم لهم!! سليمان: شهرزاد..اليوم الفنان سعيد..مسوي مفاجأة للجمهور..وبيغني وياج.. جفت نظرات الاعجاب منه سويت روحي مب مهتمة..! وبدون مقدمآت.. تقدم سعيد وركع امام شهرزاد بطريقة مسرحية..وامسك بيد شهرزاد وقبلها..!! سعيد:تشرفت بمعرفتج يااا...... سندريلتي..!! "انصدمت من جرأتة ووقاحتة كنت ناوية اعطية كف يصلبة لكن جفت نظرة سليمان المرعبة..واشر لي اني ابتسم..ابتسمت ابتسامة باردة..!! وقف سعيد..وجلس على اقرب كرسي اما سليمان فاعتذر وخرج بحجة ان لدية عمل ما.... اما شهرزاد ..فلم تدري ماذا تفعل فجلست بعيدة عنه.. تكلم سعيد: اظن..انه هاي اول مرة تغنين ويا حد..؟ " لاا رد..سفهته..خخخ..حسييته يباا يرمس ويااي..ويدقها سوالف..بس انا مو معطيتنه مجآل.. مر الوقت بطىء..الين ما زقرونا..بعد شويه دورنا..وقفت ..وهوو بعد...يت العاملة تعدل فستاني والمكياج.. سرنا انا وسعيد..الين وراا ستارة المسرح..الين ما المقدم يعلن اسمائنا.. بعدت الستارة شويه..اجووف الجمهور..اخخ واااااااايد..كل مرة يزدااد اكثر واكثر..!! تنهدت وسندت ظهر ع الطوفه القريبة..غمضت عيني..اهدي اعصاابي.. سمعت سعيد يقول: ليش سندريلتي زعلانة..؟ طالعته باحتقاار...وايد لاعب الدور حظرته..! سعيد وهو يقرب مني: له..له..منوو مزعلج..؟ خل اسير اراويج فيه.! جفته قرب واايد مني..مسك ذقني.. قالي بهمس: ارمي همومج ورا ظهرج..واستانسي.. اوعدج اخلي هاليوم احلى يوم فـ حياتج..!! مسكت ايده بقووة..وفريتها بعيد عني..حسيته انصدم من حركتي..بس خله يستااهل..قليل الادب..! جفته راح عند مقدم الحفل..ماسمعت غير انه قال له..مايزقر اسمه وياي.. استاانست شوي ع الاقل مابيرتز ويااي.. " والآن..نقدم لكم أعزائي الحضور مغنيتكم ..والتي حآزت على رضآكم...حورية الغنآآآء .............."شهرزآد".. تعالت الاصوات...وصفير ..وصراخ وتصفيق الجمهوور..!! تقدمت عل خشبة المسرح ببطء وضوء وحيد موجه اليها ويتحرك معها..مع بداية موسيقى الاغنية.. " استغربت..! الاغنية هاي المفروض يغنيها اثنين..؟! ليش ما غيروها.؟! يمكن يحسبون سعيد الزفت بيغني وياي..؟ حسيت اني توهقت..بس يالله بمشيها وبغني مقاطعي ومقاطعه.. بديت اغني مقطعي..ومن خلصته..تريت الين ماتبدى موسيقى المقطع الثاني..بطلت حلجي بغني....! بس سمعت حد يغنيه..!! وضوء ثاني توجه ..للشخص اللي لابس بدلة أمير ومسوي روحه" أمير سندريلا"..واللي هو ما غيره ....سعيد..!! كان يغني ويطالع فيني.. لاعب الدور الحبيب..جفته يتجدم صوبي..مد ايده لي..وهو بعده يغني..مثل حركات افلام سندريلا.."يطلب مني ارقص وياه"!! طالعت فـ ايده الممدوده..حركته وايد سخيفه..! جفت الجمهور..اللي يصاارخون بحماس..يبون ارقص وياه.. عيوني لاا إرادياً ..كانت تدور سليمان..اللي من جفته .. سوالي حركة بايده " كانه يقص رقبته" فهمتها ع طول..قصده بذبح امج وخوانج.. بدون مافكر مديت يدي له باستسلام.. اما هو فابتسم..وباس يدي مرة ثانية..والجمهور استاانس واللي يصفق ويصارخ..واللي يصفر..! رقص وياي نفس مارقصت سندريلا ويا اميرها.. سكت يوم خلص مقطعه..وباقي مقطعي الاخير..وبين مقطعي ومقطعه موسيقى.. همس لي قبل ما ابدأ : قلتلج..بخليه يوم ما ينسي فـ حياتج..! طالعت فيه بنظرة..وانا احاول اخفي الانكسار اللي فـ عيني..! حسيته ضغط ع ايدي ينبهني..عسب اغني مقطعي.. بعد ما غنيته ما صدقت اني خلصت الا يوم سمعت تصفيق الجمهور الحآر.. اخييرن انتهت المهزلة هذي..!! " وانسدل الستار اخيراً ..بعد شكر الفنانين الذين أقاموا الحفل..! " فيني غصة..وابي اصيييح..من الصبح وانا ميودة دموعي.. يالله متى بس برد البيت.. انتهيت اخيرن من الاجراءات الروتينية بعد كل حفل.."اوقع..اسلم ع الجمهور , لقاءات صحفية, تصوير, الخ "!! ماصدقت ان الحينة فـ حجرتي..ع طول فريت عمري ع السرير.. و تميت اصيح واصيح واصيح..وطلعت كل اللي فـخاطري.." ! \\ في احد البيوت المتواضعه.. الام تتحدث في الهاتف مع احدى صديقاتها..واولادها الخمسة ينشرون الفوضى في ارجاء المنزل بصراخهم ولعبهم ومشاكساتهم.. والاب..لم يرجع من عمله بعد..! ام خالد : هييه..واقولج ..سرت اليوم عند ام عبدالله..هيه..هيه..كانت ملجة بنتها مريم.. جاء ابنها اليها..واخذ يشد سلك سماعة الهاتف..يريدها ان تتحدث اليه.. رشود: يمه..يمه..جووفي حموود يضربني.. ام خالد: خلاص..حبيبي..عقب براويه..سير العب الحينة.. لكنه رفض ذلك.وجلس على الارض امامها..واخذ يصرخ ويبكي.. اعتذرت الام الى صديقتها..وبعد توديعها..اقفلت السماعه.. ام خالد: افف منكم..عورتوو رااسي..!! حمود: يمه..هو يبا ياخذ سيارتي.. رشود: لا يقص عليج..كنت ابي العب فيها شوي.. ام خالد: بـــــــــس..سيروا يلا فوق السطح..وخوفوا الشريرة ..!! رشود استانس: يلاااااااا..يلا بنسير نخوف الشريرة.. همسة " خالد 10 سنوات...حمود 7 سنوات ...رشود 6 سنوات..نورة 4 سنوات..نوف..سنتين.. " خالد يرفع ايده : يلااا هجووووووووم.. صعد الاطفال الى السطح..واتجهوا الى الغرفة الوحيدة الموجودة في السطح...و ابتدأ عملهم الذي اعتادوا عليه لكي يسيلهم وقت ضجرهم.. و بدر البدور ترتجف من الخوف..!! قصة بدر البدور ترويها لكم لمسة برآءة.. " بما ان بدور ما تروم ترويها لكم ..لان حالتها ما تسمح..فانا بقولكم قصتها.. بدور كانت بنت تعيش ويا امها وابوها حالها حال أي بنية..وابوها كان قبل متزوج ام خالد..واللي بسببها نكدت عليهم عيشتهم.. بسببها طلق ابو بدور .امها..اللي ظهرت عليها ام خالد رمسة..وان بدر البدور موو بنته..وانها هي خانته...وو الخ.. كان عمر بدور وقتها 7 سنوات..بعد سنة من العذاب اللي ذاقته بدور ع ايد ام خالد.. اقنعت ام خالد ابو بدور انه يعقها في الغرفة اللي فوق السطح..وانها اصلا مو بنته..هي بنت حرام...المفروض انه يذبحها من زمان..!! واقل شي يسويه يخفيها من الوجود ويعقها فـ هذيك الغرفه.. سمع كلامها..وحطها فـ هذيك الغرفة..بدون أي رحمه..لان الغضب اعماه..! لدرجة انه ما فكر يتاكد هي بنته او لا..!! اما بعد من سوايا ام خالد..زرعت افكار غلط فاولادها..وان هاي وحدة شريرة كانت قبل تحاول تقتلها هي وعيالها..وتحرق بيتهم..وتسرق فلوسهم.. ولانهم يهاال صدقوها.. ومرت خمس سنوات...وبدر البدور لا تزاال مسجونة..!" |
~| الهمســـــة الرابعـــــــة |~ \\ قابعه في مستودعها النتن..محاولة التخفييف من آلامها.. فجـر الليل " جسمي مستوي خريطة ملونة..!! رفعت ايدي جدام عيني اجوفها..خطووط ودواير ومنحنيات بنفسجية وحمرا و زرقاا..!! ابتسمت وقلت: فنآآآآن يا ابراهيم..فنآآن ..!! ( طالعت فـ ريولي ) إلا مبدع ..في التعذيب..! ~><~ بعد مرور ستة أشهر ..!! \\ وقف أمام المبنى الذي يقابله..نظر إليه بتمعن.. تنهد بعمق..تقدم بخطوات ثابته الى المبنى..وهو حامل حقيبته الرياضية.. لم يعرف بالظبط اين يذهب او ماذا يفعل..!! فقد قال له مساعد المدير ان يذهب الى هنا.. توقف داخل المبنى ..وهو يفكر بالظبط أين يذهب..؟ لم يرى احد هنا لكي يساله او يدله على المكان المقصود..! سمع صوت من خلفه : هلا اخووي ..بغيت اساعدك..؟ كان الشاب قد مر بالصدفه من هناا.. تكلم بصوته الرجولي: اهلين..احم..( وهو خجل ) مم انا لاعب يدييد..وو مساعد المدير قالي ايي هنيي..والحينة ماعرف وين اسير بالظبط.؟؟! قال الشاب : يااا مرحباا والله.." صافحهه بقوة " عيل انت اللاعب اليديد..؟! توو ما نوور النادي.. لف الشاب ذراعه حول رقبة اللاعب الجدييد..كحركات الشباب اللامبالين..!! قال الآخر وهو متضائق وحرج..بابعد ذراع الشاب عنه : مرحبتيين..منوور باصحاابه.. قال الشاب: يلا تعال بنسير عند المدرب اكيد بيستانس عليك..هههههه تراا نحن نسد نفسه ونطلع له الشيب..لاعبين فششله..! ابتسم: هييه سمعت انكم فاشلين ( وضع يده بسرعه فمه بعفويه) آآسف ما كنت اقصد..! نظر الشاب اليه للحظة..! ثم قال: هههههه..لا ابدن عادي ..خذ راحتك..تراك استويت مناا.. بس انا مستغرب..ليش ييت اهنيي..؟ حتى يوم قالنا المدير ان في لاعب يديد بيي ..استغربنا..!! النادي هذا فاشل محد اييه..! ونحن نفسنا خاطرنا نظهر منه.. بس ما نقدر بسبب العقود اللي موقعينها..! وغييره ان النادي كحياان مادري متى بيعدلوونه..؟! هز الاخر راسه بتفهم ..ولم يتكلم..وصلا الى الملعب..توقف لبرهه ينظهر اليه بتمعن.. كان ملعب جيد ..لم يرى فيه أي عيوب..ملعب مثل غيره.! اتجه نظره الى اللاعبين ..حقاً كام قيل عنهم..! من اول نظهرة ادرك انهم أُناس غير مباليين..! احدهم نائم على العشب بكل راحه..والاخر يضحك وهو يتحدث في الهاتف..ومنهم من ياكل ويشرب..وبعضهم يتبادلون الاحاديث والضحك..! والمدرب..!!! يصرخ..يتكلم..يصفر..ينادي..!! ولكن.. " لاحياة لمن تنادي " احس انه لايملك سلطة عليهم..! توجها الى المدرب.. رأى وجهه المحمر من شدة الغضب..نظر اليهما المدرب بحده.. لم يدرك بان هذا هو اللاعب الجديد.. المدرب سامي: كنت فيين يا استاز فهد..؟!! ابتسم المدعو فهد وبانت اسنانه " احر ما عنده ابرد ما عنده " وقال: لأه ..لييه معصب ..؟ مين اللي زعل المدرب سامي..؟ نظر اليه المدرب بحنق..وهو يكاد ينفجر من الغضب..! ضحك فهد بخفه : آآسف.آآسف.. اسوولف ويااك ياا رياال.. عندي لك هدية بسيطة..بتعيبك واايد.. ضرب فهد على ظهر اللاعب الجدييد بقوة.. واكمل: هذاا ..اللاعب اليدييد.. تغيرت ملامح المدرب سامي بسرعه..وارتسمت على وجهه الابتسامة في وجهه اللاعب الجدييد.. المدرب سامي: اسمك إييه يابني..؟ ..: فارس محمد ...الـــ .. صافحه المدرب بحراارة..وهو يامل..ان يكون مختلف عن الجميع..! المدرب سامي: اهلاً ...أهلاُ ...يا فارس.. صفّر المدرب بصافرته..لكي يجتمع اللاعبين..ولكن " طآآف" فهد وهو يحاول ان يكتم ضحكته: ماعليك انا بزقرهم لك.. وضع اصابعه في فمه ..واطلق صافره عالية..ثم قال بصوت عالي: شبآآآآآآب..تعااالو بسسرعه..عندي لكم خبــــر..!! وما ان انتهى من جملته..حتى تحرك اللاعبين باتجاه فهد.. ..: ان شاءالله يقولون ان النادي بيتكنسل.. ..: هييه والله طفرت من هنيي..لاشغل ولا مشغله بس اضيع وقتي.. كان هذا من حديث اللاعبين الذين ينتظرون الخبر الذي سيقوله لهم فهد.. اجتمع الجميع ..ينظرون الى فهد.. فهد: احـــم..ههههههه..ليش تطالعون فيني جذي.؟ " لاحظوا انه قاعد يتسخف دمه " جاء احدهم ليرد عليه..لكن قاطعه حضور مدير النادي..! اصطفوا بانتظام..الا فارس الذي لم يعلم ماذا عليه ان يفعل..! تكلم المدير وهو ينظر الى اللاعب الجديد: اظن اللاعب اليديد وصلكم..! قال فهد: هيه استاذ ابراهيم... همس اللاعبين بتعجب ..! ..: اوونه.؟! ويينه..؟ ..: يمكن هذا الخديه اللي واقف..؟ ..: هههههه هذ الاهبل..؟ شكله هوو.. قاطعه صوت ابراهيم..: هذا اللاعب فارس محمد ..الــ.... يدييد..وانضم ويانا في النادي..لا تستهينوون فيه..لانه لاعب قوي..ومب أي لاعب..تدرب على مدربين اكفااء.. تدربوا وياه وتعلموا منه.. ومن اليوم ورايح مابي أي استهتاار..او كسل..بداا وقت الجد.. واي تصرف ما يعيبني ع طوول بخصم من معاشاتكم.. واايد خذيتوا راحتكم في الفترة الاخييرة.. نظر ابراهيم الى ناحية المدرب سامي الذي يتصبب عرقاً من شدة التوتر..! ابراهيم : اما انت فــ مطرووود..تراا ما منك فاايده..ما كان ناقص الا هم يدربوك..!! انعقد لسان المدرب المسكين..وهو يوجه الى المدير نظرات الرجاء ..لكن الاخر صد عنه متجاهل نظراته..! ابراهيم: احـــم..انا يبت لكم مدربين..يدااد..اللي هم.. تقدم المدربان اللذان لم يلحظوا وجودهم.. اكمل ابراهيم : المدرب يوسف..والمدرب ستيفن.. تكلم المدرب يوسف بجدية : انا يوسف سعد..الــ ... مدربكم اليديد.. بعدها تكل المدرب ستيفن .. المدرب ستيفن : Im steven,, Hi Guys !! اما الشباب..فهم بلا حركة..في صمــت رهييب..!! ويدور في راسه حان وقت " الكرف " ووداعا لايام الراحه والنوم والكسل..! علموا ذلك من جدية ابراهيم هذه المره..!! بعدها ذهب المدربان الى اللاعبين ليتعرفوا عليهم.. اما المدرب القديم..فكان يتوسل الى ابراهيم ليمنحه فرصة اخرى.!لكن من ذا الذي يرغب في مدرب ضعيف الشخصية..؟! وخرج المدرب من النادي بكل انكسار وهو مطأطأ الرأس..! فهذه شهاده..بانه مدرب فآشل..!! بعدما تعرف المدربان الجدد على اللاعبين.. وقفا مستعدان للذهاب ..نظر المدرب ستيفن الى فارس.. وابتسم له ابتسامه تشجيعية.. رد فارس الابتسامة..والقى نظرة خاطفة على المدرب يوسف..الذي كان يرمقه بحده..! ابعد عينيه بسرعه عنه..بعدها ذهبا المدربان الى مكتبيهما... وبقي الشباب ليتعرفوا اكثر على اللاعب الجديد..فارس..! تقدم احدهم الى فارس وصافحه.. ناصر: هلا فيك بيينا..انا ناصر.. صافحه شخص اخر.. سالم متحرطم: من ييت..يبت النحاسة ويااك.. ضحك ناصر: لا تزعل ..ترا دووم جذي طبعه..هذا سالم.. ابتسم فارس: هلا فيك سالم.. سالم ومازالت التكشيرة ع وجهه: اهلييين.. خليفه وهو يصافح فارس: انا خليفة ..حيااك الله بينا.. ابتسم فارس: الله يحييك.. اتى بعده سيف الذي صافح فارس بقوة..مما احس فارس بالالم قليلا في يده...: انا سييف.. اكتفى فقط بالابتسامة.. مايد: مرحباا الساااع.. انا ماايد.." غمز له" ان شاءالله تستانس ويانا.. فاارس: مرحبتيين ماايد.. وبعده جاء حميد وعمر وصافحاه.. بعدها جلسوا ع العشب..يتحادثون ويضحكون..وفارس فقط يبتسم.. بعد مده راى فارس شخص قادم.. تكلم فهد : مب جنه هذا علي..؟ حميد: صباااااااااح الخييير..تو الناااس ياا ريااال لييش ييت بعد.؟! عمر ضحك: شكله موووده زفففت.. خليفه: حسييت..زين ان المدير ما نتبه انه موجود .. اقترب علي..وجلس بالقرب منهم..وعلى وجهه ملامح الغضب والحنق..ويبدو في مزاج سىء جداً ..!! ناصر: اوو علي فااتك اللي استواا..!! قاطعه علي: ادري..مافي داعي تقول شي..بروحهم عكروا مزاجي اول ما عديت عتبة الباب..!شوو هالمصخرة...؟! لاااا واللي قهرني المدرب المسكين ..!! طردووه..!! حميد: عاااااش..اكييد بتدافع عنه..ترااه حبييبك.. عمر : هيييه والله..محد كان يسمع كلامه الا علي.. فهد تنهد وهز راسه بأسف: آآآآه اللي يرحم أياام اول..كنا مرتاحيين فـ عز مدربنا سامي المسكين.. ضرب خليفه راس فهد بخفه : بلا مصخره..!! تكلم علي فجاة : كأني اجووف ويووه يديده..؟! فهد: هييه ..هذا اللاعب اليدييد..خخخخ الذي سيحيي مجد نادينا العريق..! لوى عليه فمه باستهزاء..ونظرات فارس لازات معلقة عليه.. بعد دقائق معدوودة..جاء المدربان.. أطلق المدرب يوسف صوت صافرته..ولكن..!! لم يبقى اللاعبين في مكانهم كما تجري العادة..! بل ذهبوا اليه .. يجب عليهم ان يعرفوا نوعية شخصية المدرب الجديد..! المدرب يوسف: يلااا تجهزوا..سيروا لبسوا بدلات الفريق.. نظر الى فارس.. واكمل: اما انت يا فارس..هذي بدلتك.. القاها نحو فارس ليلتقطها...قلبها فارس بين يديه..لينصدم الجميع.. مكتوب من الخلف..Faris واسفله رقم 10..!! نظر اللاعبون الى المدرب باستنكاار..! كيف يحصل على رقم 10..؟! وهو لازال لاعب جديد..؟ وهذا المدرب جديد ..ولا يعرف ماهي مهارات فارس..؟ تكلم ناصر: بس يا مدرب..تراا رقم عشرة لسالم.؟ تلك يوسف بحزم: هذي اوامر ادارة النادي...وسالم له رقم ثاني.. سالم بلامبالاة : تراا مافرقت ويااي..10...9..0..كلهم واحد.. صفّر المدرب ليعلن للجميع الذهاب لغرفة التبدييل.. في غرفة التبديل.. ثوان قلييله حتى تحولت الغرفة الى فوضى عآآرمة..!! وفارس واقف في وسط الغرفة..وهو ينظر ما يحدث باندهاش.. استدار بسرعه خجلاً ..عندما رأى فهد ينزع قميصه ليرتدي آخر..!! بعد دقائق..لم يبقى احد منهم..! ذهب فارس الى الحمام لكي يستبدل وعاد الى غرفة التبديل.. نظهر الى نفسه في المرآة..مرر يده على شعره.. فجر=فارس " تحسست شعري..الحمدالله..طول شويه..اخييج قبل كيف كان ..ماكنت اتحمل اطالع نفسي في المنظرة..! حالقني ابراهيم ع 2 ..شكله..! طالعت في شكــلي..ولد ×ولــــد ..!! كتاافي عرييضة..وعضلات جسمي احسه استوت قووية...لا وصوووتي بعد " آآآآع " (بصوت مسموع).. افف ماحب اسمعه ابدن!..صووت ريااااال..!! سمعت صوت من وراي : تخبلت ..؟ ولا شوو.؟ صديت بسرعه اجوف منوو.؟ فششله انحرجت منه مممم شوو اسمه كاان..؟ اظن علي..؟.. علي: ترمس رووحك في المنظرة..؟ الحمدالله والشكر.. طالعت فيه بس مارديت .. علي: عيل اسمحلي قاطعتك انت والاخ اللي في المنظرة..كمل..كمل..سوالفك وياه.. هزيت براسي "بهيه" ورديت اطالع في المنظرة..اغايضه.. جفته هز راسه..وسوا حركه يعني اني انا مينوونة..! عقب ظهر براا الحجرة.. ضحكت..شكله انسان جدّي وعصبي.! هييه صح.بقوولكم شوو استوا في الستة اشهر اللي طاافت.. الله يسلمكم...ابراهيم خذني لواحد ..كان يعطيني هرمونات.الظاهر انه دكتور متخصص فهالسوالف.. بعد فترة اكتشفت انها هرمونات ذكرية..!! جفتوا الين وين وصلت حقارة ابراهيم.؟! واستويت انا انثى محبوسة فـ جسد ريال..؟! بس احس ملامح ويهي تمت نفس ماهي..عاد مادري اذا بتطلع لي لحية وشنب هههههه.... اكملكم شوو استواا بعد... ابراهيم كل مارفضت له طلب او اعترضت على شي ..اسوط هو الجوااب..! عقب..ياب لي مدربين..اكييد عرفتوهم..ستيفن ويوسف الكرييه.. اللي ذوقني انواع العذااب..بسبب هالتمارين القاسية اللي يعطيني..! اما ستيفن صح انه شديد في التمارين لكنه طيب..! صح نسيت اقولكم..الحينة انا اسكن بروحي..ابراهيم ما يبي حد يعرف انه له علاقة فيني..ولو لاحظتوا انه سوا روحه و كانه ما يعرفني..! بصراحه مادري لييش.؟ المووهيم احسسن بعد.. احس اني تغيرت واايد فـ هالستة اشهر..! مادري يمكن بسبب هالهرموونات.؟ نقززت من الخوف..يوم تبطل الباب بقووة..! سالم بعصبية خفيفه : انت هنييي..؟! ونحن نتريااك.؟ المدرب يسال عنك...؟! بسرعه تحركت وظهرت مافيني ع المدرب..! \\ شهرزاد " الحينة قاعده اتجهز حق السفره.. صح ما قلتلكم..! اشيااء وايد استوت..فــ هالستة اشهر..! تقريبا بعد اخر حفلة قبل 6 اشهر استويت مطلووبة بين البلدان !! يبون احضر حفلاتهم واغني فيها..ومن هالسوالف.. والجمهور..يطالب اني اغني وياا سعييدووه..ماشي شغله والله.! انا رافضة الفكرة طبعن..بس مادري شو بيستوي عقب..؟ اليوم الحفلة اللي بسير لها بتكون كبييرة.. بيحضر فيها اكبر الفنانيين..وسليمان واايد متحمس..وكل شوي يدخل علي الحجرة..ويهددني ان غلطت فـ شي ولا نقص مستواي..ووووالخ.. هه انساان متخلف..!! تدرون احياانن افكر اخليه ينفذ تفكيره وما بيهمني شي..! لكن قلبي ما يطاوعني..يكفي ابووي..اللي ذنبه طول عمره بيكون برقبتي..! مادري كيف يتني الجرأة وقلت لسليمان إقتل ابوي.!؟ لييته بعده عاايش..ولا احس بتانيب الضمير اللي بيتعبني طول عمري..؟! ليته ذبحني ولا ذبح ابووي..! جفت سليمان دخل..وشكله متووتر..مادري بلاه هالغبي..؟ جنه بنية يايين يخطبوونها..؟! سليمان: يلا بسرعه..اتجهزي..الطيارة تترياانا.. حسسني انها بتطير الحينة..مو جنها طيارة خاصه.؟ سرت بسرعه خذيت شنطتي الصغيرة.. كنا ناويين نتم ليلة وحده.. ،،،،،، بالليل.. كانوا تقريبن خلصوا تجهيزات الحقل.باقي اللمسات الاخيرة.. جفت فناانيين واايد...يوو يرحبون فيني ويتعرفون علي..ما كنت اعرف ولاحد منهم..او سمعت عنه.. بعدها سرت اقعد ع الكرسي يالسة اطالع في اللي رايح واللي راد..حطيت ايدي ع خدي بملل..مادري متى برتاح من هالنكد.! حسيت بحد قعد عدالي..مالتفت ..مب متفيجه..! ...: اووه القمر هنيي..! تأفأفت بصووت مسموع..ما بقص عليكم تفاجات بوجزد سعيدوه هنيي..؟ قلت: خيير..؟ تراني مب متفيجه لك ابد.. سعيد: هههههه انتي دوومج جذي ..كله معصبة ومب متفيجه.! شهرزاد معصبة: ياخي من شيفتك النحسه..! سعيد:لأ..لأ..لا تغلطين رجاءن...ولا بقول لسلــ.... " قطع كلامه" الموهيم..ماعلينا.. شرايج نعيد هذيك الحفلة الاسطورية..؟! انصدمت...! هو ممكن ان سليمان قاله عن سالفتي.؟ يوم انه يهددني بسليمان.؟ بس كيف سليمان بيفضح عمره,.؟ قلت: تحلم طبعن..! ضحك..أأخ كيف اكره ضحكته..اقبح ضحكة في العالم..مرت من جدامنا مغنية..اظن اسمها عبير..عرفتني على نفسها قبل شوي..! سمعت سعيد يصفر باعجااب.. سعيد: له..له..ماقدر ع كل هالحلاوة.. ضحكت عبير بميااعه....ضحكة بلا ضرووس ان شاءالله.. عبير: هلا حبييبي سعّوود..( باسته ع خده) انتي هنيي والله وحشتني موووت.. اووه ..."ضحكت" انت عند سندريلتك..؟ سعيد: هههه وانتي اكثر قلبي..هيه لاتقربيين صووبها بلييز.. عبير : ههههههه " غمزت لي " شكله طاح فـ حبج..! وقفت ..اعطيتهم نظرة احتقار محترمة ..وسرت بدوّر لي ع غرفة فاضية ارتاح فيها.. عبير تهمس لسعيد: اوويه..؟ غاارت ولا شوو.؟ سعييد بصوت عالي: واا فدييت اللي يغاااااروون.. سرعت شويه من خطوات وانا اضرب الارض بقوة احط حرتي فيها.. الحينة انا اغاااار..؟ ياا حسرة اغاار ع شوو..؟ غبي متخلف,وو دب وااحد.. اخييرن حصلت ع غرفه فاضية..سرت وقعدت ع الكرسي..حطييت راسي ع الطااولة..وبدون ما احس رقدت..! ,,,,, حسييت باصابع تتحرك ع خدي..لفيت براسي الصوب الثاني..والاصابع ردت تتحرك ع خدي الثاني.. اتضايقت..رفعت راسي وانا اتافاف.. قلت بصوت عاالي وعيوني بعدها مغمضة : اففف ابي اررررررررررررقد.. اما هو فابتسم : موو هنيي الناس ترقد.. بطلت عيوني جفت سعييد.. شهرزاد: كاابووس..كابوووس.. ردييت و حطيت راسي.. سعييد: افاااا..الحينة انا سرت كاابووس..؟ يلا بسسرعه سليمان قالب الدنيا عليج....يحسبج شردتي..مادري بلاه هالشيبة.. رفعت راسي بسرعه..شهقت..اوييه..بيذبحني سليمان..؟!! قلت بسرعه: كم السااعه..؟ سعيد طمني: لا تخافين تووه بداا الحفل..يلا بسرعه نشي.. طلعت..وطلع هو ورااي..يلحقني.. اول ماحطيت عيني ع سليمان بلعت ريجي..! جفت الشرر يتطاير من عينه.. سليمان بهدوء ماقبل العاصفة : وين كنتي..؟!!! قال سعيد بهدوء : كانت وياي..كنا نتناقش..مقررين نغني ويا بعض.. تفاجا سليمان: صج شهرزاد..؟ كنت بقول لأ..لكن خفت من ردة فعل سليمان.. هزيت براسي بايجااب.. وبجذي وقعت في فخ سعييد الززفت.. خلص الحفل.. رحنا للفندق نريح..ع طوول ختن لي شور سريع ورقــــــــــــــدت..! ،،،، اليوم الثاني.. قعدت..وكانت العاملة ..مجهزة لي ملابسي اللي بلبسها.. لبستهم ع السريع..كان بنطلون جينز وو بلوزة كت..وعليها جاكيت قصير.. يلست تعدل شعري..كانت بتحط لي مكياج بس قلت مب لازم.. ظهرت من الحجرة جفت سليمان..شكله كان يتريااني.. نزلنا تحت في صالة الفندق..كان اغلب الفنانين موجودين فيه... يلست ع طاولة فاضية..اما سليمان فـ سار عند حد من ربعه.. جفت سعيد..و جنه يدور ع حد..جفته جافني ع طول صديت..حسيته يقرب صوبي..سويت روحي ماجفته ييت بوقف.. قال : يلسي ..عارف انج جفتيني... تأفأفت..وقعدت..خلاص بنفجر منه.. سعيد طالعني بتامل: تدرين..انتي احلى بدون مكيااج..!! طالعته بنظرات احتقاار... ابتسم سعيد: انتي تحسبين انج تقهريني بهالنظرة..بالعكس..تعيبني عيونج واتم اطالعها حتى ولو هي نظرة احتقار..!! هالنظرة هي اللي اسرتني.. قاطعته وانا مفوّولة : بس..بس..تقدر تكرمنا بسكووتك..؟! يااي تتغزل بكل قوات عيين..!! صج قلييل الادب.. سكت يوم جفت سليمات ياي صوبنا.. قعد..عقب قالي: متى تبين نرد..؟ قلت: لو بعد الريوق يكون احسن.. سليمان: هيه..انا بعد عندي اشغاال لازم اخلصها وابي ارد بسرعه.. بدق لهم يجهزوون الطيارة.. سعيد: برد وياكم.. طالعه سليمان مستغرب: بترد..؟ بالطيارة ويانا.؟ سعيد: هيه..طبعن لو ماعند شهرزاد أي مانع.؟ كنت بقول عندي ماانع..بس قاطعني سليمان.. قال: لا طبعن عاادي..هي ما عندها مانع.. ابتسم سعيد وهو يطالعني..اكيد يالس يغايضني..اكرهه .. بعد الريوق ركبنا الطيارة..وردينا.. بعد مانزلنا من الطيارة ركبنا السيارة..قال سعيد ..يبا يمر ع المول مادري شو يبا منه الحينة..؟! الموهم..ما كنت ابي انزل..لكنت بعد ماجفتهم نزلوا وساروو..قلت خل انزل واتمشى شويه ..قبل ما ارد انكتم ويا سعيد وسليمان.. دخلت المول..ما مشيت شويه..الا وفجاة..دعمت بيااهل.. طاحت..وطحت انا ع ظهري..حسييته تكسسر.. ..: حبيبتي ميثآآني..!! تعوورتي..؟ ..: أأأأخ...شوويه .. وقفت وعدلت ملابسي.. قلت: السموووحه بس فجــ قاطعني الرياال وهو ينزل عينه : استغفرالله..استغفرالله..صج بنات هالاياام ما يستحن..!! طالعته بصدمه..ييت بتكلم. قاطعني : انتي وحده فاجرة..ماكلم ناس ماتخاف ربها..ما تنازل ارمس وحده مغنية مادري رقااصه..!! \\ ~ | انتهت الهمســة الرابعه |~ |
لا تحرموووني من ردوكم :) وتوقعاتكم |
تسلمين ع نقلج للروايات الرب لا هانج |
العفو ولو الغاليه |
~| الهمســـة الخامســــــة|~ \\ فجر \ فارس..~ " بسرعه ركضت ورا سالم ..سايرين للمدرب.. طالعت فـ شكلي..خخخخ تححفه..!! انا عبالي الهرمونات بطولني..! لكن تميت نفس طولي.. الشورت واصل الين تحت ركبي.., وقفت اعدل دلاغي..مطييته الين فوق ركبي.. خخخخخ عسب ما تنبان ريولي.. تحركت بسرعه صووبهم..تنهدت براحه..ما هزأني المدرب.. بس فجاة...سمعتهم كلللهم يضحكووون بقوووة..!! طالعت فييهم مستغربة..؟! حتى المدرب ..احسه كام ضحكته...بس يسوي روحه يعابل نظارته..! ضحكت يوم جفت فهد كيف يضحك..! كلهم يضحكون الا علي اللي جفته ابتسم ابتسامة جانبية.. حسيته يغايضني..! سالتهم: شوو فيكم...؟! مايد وهو يمسح دموعه: ياا مدرب يوووسف..الله يهداكم..ليش ما يبتووله قياس اصغر عن هذا..؟! ما تجووفه ضايع فيه..؟!!! فهد وبعده يضحك: هههههههههههه لا والدلاغ بعد...هههههههههه تقوول هيلاهووب..ههههههه رجعوا وضحكوا مرة ثاانية..حتى المدرب صد ورا يضحك..! ضحكت شويه ويااهم ..عقب سكت..بصراحه حسيت اني تنرفزت..مصخوها وهم يضحكوون..! قلت بنرفزة واضحه : هاا هاا ..اونكم تضحكوون..؟ جفتوا ويوهكم قبل ما اتييون تنكتون..؟ جفت يطالعون بعض..خخخخ شكوا فـ عماارهم... فهد : ماايد..ويهي فيه شي..؟! مايد: والله انا ماجوف شي غريب..غير ويهك الخسف..وانا ويهي حلوو..؟! طنشتهم..وسرت قعدت ع الكرسي..الين ما تنتهي هالمزهله..! شويه وصفر المدرب..ووقفت وسرت صوبهم..وانا مقهورة منهم.. بس سويت روحي مب مهتمه لهم.. المدرب يوسف : يلا الحينة ابدا فـ تمارين التسخين..! بعد تصفيرته..بدينا في التماارين.. طالعت الشباب..اشكاالهم تحححفه..خاطري اضحك عليهم..جنهم عياايز..!! الظاهر اهم من زمان ما خذوا هالتمارين..! هههههه كسلاااانين" سالم : هاا بلاه يبتسم ويا رووحه..؟!! علي سمعه : ههههه ماعليك منه الظاهر انه مسكون ..! طالعت فيه ها بلاه عليه..؟؟ سويت لهم طااف.. بعد نص ساعه..صفر المدرب.. توقفت من التمرين..شويه الا واجووف الشباب كلهم طايحين ع الارض ومتسدحين..ويلهثون من التعب..!! تكلم المدرب يوسف: يلااا يا شبااب.. الحينة بنقسمكم لفريقين..! فهد وهو منسدح ع الارض: مب الحينة .. مب الحينة..الحينة عطنا برييك.. المدرب يوسف بحزم: أي برييك..؟!! انا الحينة قلت بعطيكم بريك.؟ يلاا بسسرعه..دقيقتين واجووفكم منقسمين لفريقين..! دقيقتين واستوينا فريقين..!! فريقي..~ انا وفهد ومايد وسيف وعمر وحميد.. اما الفريق الثاني..~ سالم و علي وخليفة وناصر واثنينه توني من شويه جفتهم اللي هم محمد وجاسم.. المدرب سامي : الحينة بتتباارون ويا بعض..عسب اجوف مستواكم..! قسمنا فريقنا...انا وفهد لاعبين هجوم..وعمر وسيف وحميد دفااع..ومايد الحاارس.. اما الفريق الثاني..سالم وعلي هجوم..وخليفة وناصر ومحمد دفااع..وجاسم الحارس.. عدد اللاعبين في النادي واايد شويه 12 لااعب بسس.؟! موو مهم العدد اهم شي المهاارة..! وو صفّر المدرب..و بداا الحمااس واللعب.. بصرااحه..جفت مستواهم ضعييف..طبعن خخخ لا يقارن بمستواي في البداية يوم كنت ادرب..!! بس اكييد مو انا بنت..؟! ابتسمت يوم خذيت الكورة من سالم..يت ف بالي فكرة اني انتقم منهم الحينة..! بخليهم مصخرة جداامي..وبنجووف منوو بيضحك في الاخير...! جفت ناصر ياي صوبي مررت الكورة لفهد...وانا ركضت صوب المرمى,,! علي كان بياخذ الكورة من فهد..لكن بسرعه فهد مررها لي... وو انا شوتها بكل قوتي ......ووو.......قووووووووووووول..!! خخخ جفت كييف فريقي استانس ويايين يناقزون عندي..! فهد : كفك..كفك..! ضربت كفي بكفه..وانا ابتسم.. مايد: ع فكرة اول مرة نسجل هدف على فريق علي وسالم..! دووم الفريق اللي يكونون فيه هو الفايز..! طالعت صوب سالم وعلي..اللي طالعوني بغيض..رفعت حاجبي لهم ..وابتسمت ابتسامة جانبية اغايضهم خخخخ..وكاني اقولهم هذا ولا شي ..بعدكم بجووفون اكثر..! ردينا نلعب..سجلت علييهم واايد اهدااف..وهم ولا هدف..؟! مهارتي اعلى منهم بواايد..حتى فريقي واايد ضعيف بعد..يمكن فهد شويه اهون ويلعب عدل شويه..بس يحتاج لتدريب..! سجلت هدف..جفت جاسم يضرب بقبضته ع العاارض.. قلتله : تبااا تصد كورتي..؟! طالعني وما رد ! قلت : لا تطالع حركة ريولي..يمكن انا اسويلك تمويه ..انت طالع بس ف الكورة يوم اشوتها..!! وصدقني بتصدها..! مشيت بعيد عنه...وو المدرب صفّر ..نهاية الشوط الاول..~ قعدت اريّح..الين ما يبدا الشوط الثاني.. جفت فريقي يضحكون ويسولفون ومستانسين..يالسين يغايضون الفريق الثاني..! طالعت فريق سالم..وقلت : بخلييكم تفوزون علينا.. كلهم طالعووني ..حسيت خاطرهم يكفخوني..يحسبون اطنز عليهم.. قلت: والله صدق..بس بشرط واحد.... تسجلون علينا هدف وااحد..!! قال سالم وكانه تنرفز..: حضرتك يالس تتمصخر عليينا..؟! قلت: ابدن..انا بس عطيتكم فرصة..وانت تعرف الفاارق بينا واايد كبيير..! تحرك سالم صووبي معصب..لكن علي حط ايده ع كتفه يهديه.. سالم معصب : هدني علييه..هالخقااق..شوو ع باله نحن ما نعرف نلعب.؟! طالعته بنظرات متعالية اغايضه فيها..وبطلت غرشة الماي اشرب وانا اطالع فيه .. عقب..صفّر المدرب..يعلن بداية الشوط الثاني..! التفت لجاسم : ركز ع الكلام اللي قلته لك.. جفت نظراته المتشككه..يمكن يحسبني اقص عليه..! بداا اللعب..خخخخخ حسيت فريق سالم يلعبوون بعصبية...خخخ يمكن كلامي عطاهم power!! الكورة الحينة ويااي...وو سجلت هدف الـ مدري كم الحينة .. طالعت فـ جاسم : ياخي اسمع كلامي...جرب تراك ما بتخسر شي..! حالين الكوورة ويا سالم..اللي يتجه لمرماانا.. ركضت ابي الحقه لان ادري الدفاع مالنا وايد ضعيف..ووجودهم ك عدمهم..! كنت باخذ الكورة منه لكن مررها لـ علي..! وعلي لاحظت انه واايد سرييع.. ماقدرت الحقه ..!! صرخت لماايد : مااااايد صدها..!! انتبه ع الكوورة..ركز ع الكورة بس..!! و علي سدد الكوورة صوب المرمى...و و... صدها ماايد باييده..! لحظة صمت... الكوورة طاارت فووق..وعقب..طاحت قريب من المرمى,, ومايد ما تحرك وخذها..!! حسيت انه مب مستوعب انه صدها ههههه.. ركضت صوب الكوورة بشوتها بعييد..انتبه علي علّيه..وهوو بعد ركض يبا يسجل هدف.........لكن..! مايد اخيرن استوعب..وخذ الكوورة بسسرعه..! جفت فريقي..كلهم ساروا يركضون صووب ماايد..يباركون له..!! ع الاقل من الفريق محد جد صد كورة علي..! هههههه يضحكوون..بس اسانست لان مايد فهمني بسرعه..! فهد قال لعلي : لازم نسجلها في التاريخ ..اول مرة حد يصد كورتك..! بس علي..طالعني بنظرة.. تكتفت اقهره.. جفته ابتعد عناا..! رديينا نلعب...بس هالمرة كنت واايد اساعد فريقهم..امرر لهم الكورة اوني ما اقصد..واعطيهم ناصيح عسب يقدرون يهزموني..! شويه وصار اللعب ممتع..! واستوينا وكان نحن فريق واحد..! نلعب ونضحك..ونتمصخر ع بعض.. وفي الاخييير...صد جااسم كوورتي..!! سرت صووبه وانا مسااانسة.. صربت كفي بكفه..وابتسمت اشجعه..! طالعت فـ سالم اللي احسه بعده حااقد علّيه..! ابتسمت له..بس هو صد عني..! باقي دقايق ع نهاية المباراة.. الكورة الحينة ويااي..تعمدت ابطىء سرعتي عسب سالم يلحق علّيه! تظاهرت ان الكورة ضاعت مني..فخذها سالم بسرعه..! وركض صوب مرمانا ..ركضت ورااه.. وقريب المرمى ..تعثرت متعمده وطحت.. مايد انتبه علّيه وطالعني..وسالم استغل الفرصة ..وسدد الكووورة في المرمى..وو..........قوووووووول..! جفت ساالم كيييف استااااااااانس..ويركض وفريقه بعد مستاانسين..اونهم فازوا.. مادري منوو اللي كان رافض اتفاقي..! صفّر المدرب.... ابتسمت " نهاية سعيدة " لكل الفريقين ! سرت صوب سالم...صاافحته بقووة.. قلت: اعترف بهزيمتي..انتوو اللي فزتوا..! مارد علّيه..بس اكتفى انه يضغط ع ايدي وابتسم..! جفت علي وااقف بعيد عنهم..ومب مستانس شراتهم..! سرت عنده.. مديت ايدي له.: مبرووك الفووز... لكن...ما مد أيده..! قال: انا ماجوف اني فزت..! مر من عدالي وهمس: لانك متعمد تخليهم يفوزون..! نزلت ايدي وابتسمت..شكل مزاجه صععب..! عكس سالم..! بعد هالمباراة..كلهم ساروا ياخذون شاور ويبدلون.. تميت انا في الملعب..العب بالكورة برووحي.. الحينة..بسير البيت..اكل وعقب اسير عند المدرب يوسف..عسب التدريب..افف ما عني وقت للراحه..واااايد تعب.. يعني ممم الحينة الساعه 11:40..الظهر.. الساعه 1:00 بالظبط لازم اكون عند المدرب يوسف..!! ممم يعني الين ما اوصل البيت ممم يحتاج ربع ساعه..الين ما آكل واصلي واخذ شاور وابدل..تقريبن نص ساعه..! والين ماا اسير الصاله اللي بيدربني فيها.....تبعد عن بيتي بشارعين.. مممم مادري يمكن الحق ع الوقت.؟! المدرب يوسف ..واايد حريص ع الوقت..دقيقة وحده لو تاخرت..مادري منوو بينقذني من عقابه ><.. عقب..اتم اتدرب في الحرر الين الساعه 10 بالليل..وبعدها ارد البيت..! انا مليييييييييت من هالنكد...قلت يمكن من ادخل النادي بيتغير كل شي.. بس ماا شي تغييير..!! آآآه كييف اكــــره هالمخلوووقين...يوووسف وابرااهيييم..!! رفست الكوورة بقووة وبعصبية: أليييييييييييين متى..ألييين متى..!!!! تحركت..خذيت شنطتي..مشيت وانا منزله رااسي .. لمحت الشباب واقفين ويطالعوني.. طفت من عدالهم من دون ما اطالعهم..! ظهرت من النادي وانا احس اني بموت من القهر.. آآآه..المووهيم..ما بنكد ع عمري.. خل اقولكم وين انا ساكنة.. الحينة انا اعيش بايجار في الطابق الثاني لبيت متواضع..والطابق الاول لصاحب البيت .. مممم البييت موو واايد بعييد من هنيي.. بس واااايد تعب المشي وخااصه بالحررررر..! ,, وصلت البيت...بسرعه صعدت فوق..من الدري اللي براا.. بسرعه خذت شاور سريييع وباااارد.. صليييت..عقب سرت المطبخ الصغير اكل كم لقمة تعطيني طااقة.. طالعت فـ الساعه..شهقت..!! ربع سااعه بس..!! و لو تاخرت ياااااااا ويلي..!! بسرعه سرت البس الجوتي والكااب..خذيت شنطتي.. وو بسرعه..ظهرت من البيت ركض عل وعسى اوصل بسرعه .. ,, وصلت للبناية اللي فيها الصالات الرياضية وانا الهث من التعب.. دخلت بسرعه..وسرت صووب المدرب يوسف..اللي كان قاعد يشرب كوفي ويقرا كتااب..! طالعني..عقب طالع فـ ساعته.. قال: دقيقة وحده..! لو تاخرت ..ما كنت بتنجوا من العقاب..! تنهدت براحه... طلعت برااا.. عسب اتدرب فـ هالحرر.. وهو يكتفي انه يراقبني من ورا الزجاج..! \\ شهرزآد ..~ " وقفت متصنمة..!! طالعت فـ الريال..! وكانه يعرف نقطة ضعفي..! هالكلااام الوحيد اللي يألمني..! هيه..الحقيقة المرّة..! نزلت راسي..احاول امنع دموعي تنزل.. سمعت ريال وقفه وقال : ياا خوي..الناس مب جذي تنصح..! النصتـ .... قاطعه : انت ما تجوفها..؟! طاالع عدل..هذي مغنيـــة..مغنيـــة..! هاي وحده ما تخاف ربها..حتى حجاب مب لابستنه..؟! رد عليه الريال: ليش هي بالذات قلتلها هالرمسه..؟! جوف هاا..واايد ما يلبسن حجااب..؟! لا عاد خل يلبسون اول شي لبس ساتر..عقب يفكرن بالحجاب..! بعدين لا تحكم ع الناس..هم يخافون ربهم..او لا..! يمكن هم يخافون ربهم اكثر عناا..!! وو..ممكن سؤال اخوي..؟! الريال : تفضل..اسال..؟! رد: كيف عرفت انها مغنية..؟!!!!!! سكت الريال مفتشل..وبنفس الوقت مقهوور..!!! رمست النية الصغيرة: عموو..انا الغلطانه..انا كنت اركض صوبها ووو طاحت..! جفته ير البنية وظهر من المول بكبره..!! طالعت فـ الناس المتجمهرة.. قال الريال اللي قبل شويه كان يرمس : ياا جمااعه الخير.. تراا ماشي مستوي عسب جي تتجمعون.. يلااا بارك الله فيكم..تراا مسوين زحمة.. لمحت الريال ..وهو يحاول يبعد الناس.. نزلت راسي..وظهرت من الموووول..! ركبت السيارة وانا احاول اكتم غصــتي..! بعد شويه..جفت سعيد ركب السيارة.. بس سليمان بعده ما شرف..! سعيد بحنان: شهرزاد..ليكون ضايقج رمسة هذاك الهمجي..؟!!! طالعته مستغربة كيف عرف..؟ ما جفته هناك..! كانه عرف اللي فـ راسي وقال: جفتج يوم ظهرتي بسرعه..سالت حد شو السالفه .وليش متجمعين..وقالي.. طنشته..صديت اطالع براا..! حسيت بايده ع ايدي..!! جفته حط في صبعي خاتم فضي وعليه جوهرة الماس ..! وقال بهمس: هذي هدية بداية حبنا..! طالعت فيه.. ابي استوعب اللي صار قبل شويه..! ظهرت الخاتم من صبعي بعصبية وفريته عليه.. قلت بعصبية: كم مرة قلتلك..احترم نفسك..والزم حدوودك.؟! أي بدااية حب واي خراابيط..؟ سير دور حد يشيل حبك.. "قلت بطنازة " عبير مثلا َ..! اظن تنفع..؟! جفته يبتسم ابتساامة كبيرة..لايكون فاهم اني غيراانة..! قال وهو مبتسم : آآآه بنتحمل...صدق يوم قالوا الحب عذااااب..!! مسكت راسي..احس اني بمووت من القهر ..!! جفته بطل باب السيارة..وظهر..وقبل ما يبند الباب..طرش لي بوسه في الهواا.. كنت بصاارخ عليه..بس هو بند الباب بسرعه.. حقيير..و وااطي..وغبي ومتخلف..!! افففف..متى هذاا الززفت بس بيي..؟!! راااسي يعوورني..! جفته يااي من بعييد..! وسعيد..شكله ركب سيارة ثانية ورااح.. رووحه بلا رده ..! ركب سليمان..وسالني عن سعيد وجاوبته.. اخييرن رديينا.. سرت حجرتي..خذيت شاور.. انسدحت ع شبريتي.. وو خليت دموعي تنزل بدون ما امنعها..! رجعت اقلب الرمسة اللي قالي الرياال..! انا لازم اسوي شي.. انا شهرزااد.. انا القوية..واللي دوم اوقف ف ويه الكل.. الحينة استوي ف ايد اشخاص يحركوني مثل مايبون..!! وين قوتي..؟ وين شخصيتي اللي بناها ابوي..عسب اوقف في ويه الغلط..؟! آآه الله يرحمك ياابوي.. امي..؟! اخواني ..عبودي..؟! شخباارهم الحينة..! مادري هم عايشين ولا ميتين..؟! منوو يعطيهم اكل..؟! منوو اللي يشتغل في المزرعه..! ابي اجووفهم..ابي اسمع صووتهم ع الاقل..! بس..بس ماعندي الجراة..مابي انزل راسهم..ادري ان امي تعرف.. بس مابي اخواني يعرفون.. ومابيهم يجوفوني..وينصدمون.. اختهم نزلت رؤوسهم..! انا ابيهم دوم مرفوعين الراس..ومعتزين بنفسهم..حتى ولو كانوا فقرآء..!! يلست بسرعه..يت فـ بالي فكرة..!! مشيت دمووعي بسرعه.. وظهرت من الحجرة.. سرت صوب مكتب سليمان.. دقيت الباب.. سليمان بدون نفس: تفضل..! حسيته تفاجأ يوم جافني..! مو من عوايدي أيي عنده في المكتب..في العادة هو اللي ايي عندي..!! يلست ع الغنفة القريبة.. طالع فيني وقال : غرييبة يايه مكتبي..! ابتسمت له ..اقردنه..! جفته استغرب زيااااادة..بس سويت روحي مب منتبهه له..! قلت بهدوء وانا بعدني مبتسمة : ممم والله ييت ابي اطلب طلب..! وو بس اذا بترفض خلاااص.. مديت بوزي.. قال بسرعه : لااا اطلبي...اطلبي اللي تبينه..بس اهم شي تكونين دوم رااضية..!! ابتسمت بدلع : ممم ..ابـــي.. ابتسم يشجعني ... هههه خاطري اضحك عليه..! قلت: ابي تحدد لي اجازة..! يعني الويكند ابي دوم يكون اجازتي.. يعني اظهر السووق..اتمشاا..ووو " قلت بحيآآ " و اظهر ويا ماي فريندز,, فركت ايدي بتوتر.. حسييته كان يفكر... عقب ضحك بقووة وقال: هههههههه...بس هاا اللي تبينه..! ماعندي مشكلة..! شكلج انتي وسعيد كونتوا صداقه..! سويت روحي منحرجه..!! اما هو تم يضحك علّيه..!! استغليت الفرصه وقلت : وو بعد في الايام العادية..ابيك تحدد لي ساعات استراحه..واظهر فيها وين ما ابي.. جفته سكت.. عقب قال: مممم انا مواافق..موافق ع كل طلباتج.. بس عندي شرط..!! حسيييت..عيل هذا بيوافق بدون مقابل..! جفته يتاملني...شكله يبا يجوف ردة فعلي..خخخ لانه شاك بتغيري المفاجىء..! بس ابتسمت اتريااه يقول شرطه..!! قال: في استديوا عرض علي نسوي لج البوم..! وو انا كنت برفض..لان جفت عليج وايد ضغوط..وهذا بياثر فـ مستواج..! بس دام عندج اجازات وجي..خلاص بوافق..! قلت : خلاص حتى انا مواافقة..! اهم شي انه وااااااافق ..! الحمدالله.. قلت : خلاص عيل اتفقنا...يلا الحينة انا بظهر.. ضحك سليمان : ههههه بديناا من الحينة..! بس تعالي اول وقعي ع هالورقة.. وقعت ع الورقة... وبسرعه ظهرت من القصر..ركبت السيارة..وقلت للدريول يحرك.. آآآه احس اني الحينة استويت نص حرة..!! بس المهم الحينة شوو اسوي..! مافكرت ..! اهم شي عندي ان سليمان وافق يعطيني اجازة واظهر ع كيفي..! طالعني الدريول من الجامه وقال: شهزاد ياا هلووو..وين يريد يرووه..؟ رمسته بعصبية: شوو هلووو بعد..؟! عيييب ! مافي يقول هذا كلام مرة ثانية..ولا انا في يطرد انتاااا..! حسيته خاااااف .. الدريول : لااااا كلاااس شهزااد انا ااسف..ان شاءالله مافي يقول نفس هازا كلام مرة ثانية..! ههههههااي احس ان عندي سلطة الحينة..ونااسه.. قلت: ممم انت شوو اسمك..؟! قالي: اسم انا..؟! ايواا ...جوهان..جوهاان.. قلت: انزين..يا جوهان..معلوم معلوم مكان في وايد سوق..؟ هز راسه لي: ايواا شهزااد..انا معلووم كل مكان داخل هازا بلاد.! قلت: اوك يلا وصلني مناك.. ,, وصلنا المكان اللي ابيه.. قلتله يرووح ..اذا ابيه بتصل علييه.. وقفت افكر شووو ممكن اسوي هني..؟! طالعت في المحلات.. لفت انتبااهي محل واحد.. ابتسمت ابتسامة كبيرة..وسرت صوب المحل.. وانا مخططه انفذ كل اللي برااسي.!! \\ مشت مترنحه من شدة التعب..نحو المنزل.. فقط تريد ان تصل..الى الوسادة وتضع راسها ..وترحل الى عالم الاحلام.. دخلت فناء المنزل..رات طفلا صغيرا يلعب.. ابتسمت له بتعب..ومسحت على راسه.. اما هو ف ضحك لها بفرح...فقد جاء من قد يلعب معه.. تكلم الصغير : تلعب معاي..؟! تكلمت: لااا حبيبي موو الحينة..مرة ثانية..! مد الطفل شفتيه قليلا " بدلع".. قرصت خده بخفه..وصعدت الى الطابق الثاني.. اما الطفل..فقد ذهب الى امه..وهو يبكي... رشود : مااااااامااا..محد يلعب وياااااااااااي.. الام تشاهد التلفاز..بعدها انتبهت لصغيرها الذي يبكي.. ام خالد : شوو فيك رشوود..؟! رشود : محد يلعب وياي..جوفيهم..! ام خالد: سير العب ويا حمود وخالد.. رشود وهو يحفر باصابعه الارض : ما يبون يلعبون وياي.. ام خالد: لييش..؟ اكيد سويت شي..؟ رشود يدافع ع نفسه : لاااا..بس بالغلط " اخفض صوته " بندت البلاي ستييشن..! بعدين عصبوا علّيه ..وخاصموني..!! بس انا والله ما كنت اقصد.. مااااماا قولي لهم..يلعبووووني..!! قالت الام بضجر : سير قولهم ..اذا تبون تسيرون وياي عند الشريرة نخوفها سامحوني وخلوني العب.. وياا ويلك لو رديت لي..صدعت راااااسي.. فرح الطفل كثيرا بفكرة امه.. ذهب راكضاَ الى اخوته.. رشود: حموود..خاالد..نوااري..سمعوووني.. تقوول مااماا..اذا ما خليتوني العب وياكم وما سامحتوني.. ما بتخليكم تسيرون وياي عند الشريرة.. حمود: امي قالت بتخليك تسير.؟! نواري: انا مابي اسير اخااف..خالد بتسير..! خالد: هيه..هيه يلا بنسير.. خلاص رشود سامحناك...نواري لا تخافين انا قوي واايد وكبير.. اقدر اموت الشريرة.. رشود : يلاااااااا بنسير.. ذهبوا يتراكضون الى الخاارج..نحو الدرج المؤدي الى السطح.. وبينما هم يركضون ... سقطت نورة على الارض..واخذت تبكي متالمة.. خالد: نوااري..تعوورتي..؟!! نواري وهي تبكي: هييه.. قام الاخوة ..بمحاولة لتهدية اختهم نورة.. لكن..فُتح الباب..وخرج منه شخص ينظر اليهم بنظرات ناعسه.. بالطبع عرفتموه..! انها فجر الليل.. تقدمت نحوهم وقالت : شوو فييها...؟ ليش تصييح..؟!! انحنت للطفلة..مسحت على راسها بلطف.. فجر : حبيبتي ليش تصيحين..؟ رشود: كانت تركض..وطااحت.. فجر : خلاص حبيبتي..سلامات..الحينة العوار بيرووح.. عدي الين الثلاثة وبيرووح..! يلا قولي وااحد.. لكنها لازالت تبكي.. فجر بحنان : يلا حبيبتي قولي واااااااحد..! نواري وهي تمسح دموعها : واااااحد.. فجر: اثنيييييييين.. نواري: اثنين.. فجر: ثلااااااثة .. نواري : ثلااثة.. فجر تصفق: هييييييي..راااح...الحينة خلاص ما يعوور صح..! نواري هزت راسها ببراءة: هييه رااح بسرعه..! حمود: نواري..الحينة صدق..ما يعور..؟!! هزت راسها بنعم.. حمود يكلم فجر : كييف سويت..؟ علمني الله يخلييك.. ضحكت فجر: هههه سهلة عد الين الثلاثة وبيروح العواار.. خالد: والله طرييقة حلوة...بنجربها ..صح رشوود.. رشود : هييه ..هيه..يلا تعال بنطيح حموود وبنجربها.. فجر : هههههه... لاا جذي ما يستوي..لازم يتعور بدون قصد.. "تثاوبت " يلا الحينة سيروا ارقدواااا.. خالد بحماس: لا نحن بنسير فوق السطح عند الشريرة بنخوفها.. بتيي وياناا..؟ رشود: هييه يلا تعاال وياانا.. فجر : ههههه خياالكم واايد واسع..حبيبي مافي شريرة هنيي.. حمود : امبلاااا فييييه..انت تعاال جوف.. فجر: هههه ..لا انا الحينة بسير ارقد تعباااان.. ذهبت عنهم ..اما هم ..فقد عادوا الى مغامرتهم الشيقة..! اخذوا يصرخون ويضربون الباب بالعصي..مسببين الرعب لهذه المسكينة .. ,, بعد مرور فترة من الوقت..توقف الاولاد وقد انهكهم التعب..وتحركوا متجهين..الى امهم..ليحكوا لها ما جرى..!! اما هي..فلا زالت ترتجف..كآرنب مبتل..! بعد ان احست بدر البدور بالأمان قليلا.. سمعت صوت صحن الطعام..يندفع من فتحة الباب.. ثم ابتعد الخطوات مسرعه.. اقتربت بحذر نحو صحن الطعام.. تحسست الطعام..سااخن..تنبعث منه رائحة شهية..!! اصنااف من الطعام..وليس فتات خبز وربع من الماء..!! اليوم..لقد وصل لها الطعام على دفعتين..!! احدهم يتكون من فتات خبز.. والاخر..لحم..وارز..وطعام طازج وساخن!! اكلت بنهم..لا تعرف مالذي تاكله ..! او ما شكل الطعام بسبب هذا الظلام..! الاهم هو ان تسد جوعها..!! \\ فجر ..~ " رديت ارقد..بس ماياني رقااد..يلست اتجلب ..اففف بااجر ورااي كرااف لازم ارقد.. تذكرت كلام اليهال..هههههههههه ..حليلهم..متاثرين واايد بالرسوم.. استغربت اهلهم..ما يخافون عليهم يوم يطلعون بروحهم فـ السطح..! طالعت في الساعه...11 بالليل.. اليوم اغلب الوقت دربني ستيفن..! لان المدرب يوسف قال عنده شغل..وساار..! الحمدالله اليوم ارتحت منه شويه.. ,, نشيت الفير..صلييت..وسويت لي ريوق.. انسدحت ع الغنفه الين ما تطلع الشمس.. ,, و ع الساعه 6..ظهرت من البيت.. وصلت النادي.. سرت البس بدلتي..وظهرت عندهم.. احس اني بسرعه اندمجت ويااهم..! ابتسمت لهم : مراااااااحب شباااب.. ردوا علي بكسل ووببرود.. ضحكت ..يمكن مب متفيجين اليوم.. يلست اعدل جوتيه.. اما هم جفتهم متجمعين..ويرمسون ويا بعض بصوت خفيف.. استغربت حركتهم.. " اما هنااك... همس عمر : والله اني امس جفته بالليل..ظهر من الصاله الرياضية.. وشكله كان يتدرب.. عقب جفت المدرب ستيفن ويوسف يظهرون من نفس المبنى,,,! سالم: انا اصلا من جفته ما ارتحت له..! حميد : يعني هو يعطي المدربين رشوة بس عسب يدربونه برووحه!! سيف: يبي يستوي احسن..نحن لازم نقول للمدير يطرده..مانبا شخص اناني يلعب ويانا.. جاسم : بس لازم تتاكدون اول..!! فهد ينظر الى عمر : وين المكان اللي جفته يظهر منه..؟! ووصف لهم عمر المكان.. فهد: خلاص اليوم بنسير..وبنجووف..علي بتيي ويانا..؟! علي: لا..مابي اسير.. فهد : براحتك..خخخ بس كنت ابيك تستانس.لاني...حسيت انك تكرهه..! نظر اليه علي ولم يرد.. بعدها أتى المدرب..وابتدأ التدرييب..! ,, بعد الانتهاء من التدريب..خرجت فجر من النادي.. لتعود الى البيت وبعدها الى التدريب .. اما الشباب فقد كانوا يخططون..لما سيفعلونه اليوم.. سالم: خلاص اليوم الساعه 9 ونص بنراقب المكان.. كلكم لازم تكونون موجودين..! وانتبهوا يجوفكم فارس..! وبعد اتفاقهم..ذهب الجميع...على ان يلتقوا بالمساء..!! . . بالمساء..تحديدا الساعه 9 والنصف..! الشباب مجتمعين ويراقبون مبنى الصالات الرياضية من بعيد..! فهد : هذاا جوفوا...المدرب ستيفن ظهر ..!! سالم: بس لازم نتاكد فارس داخل ولا لا..! مايد: انا بسير وبجوف.. سالم: خلاص اوك سير..بس انتبه حد يجوفك..! تسلل مايد بخفه الى المبنى..! اخذ يجول بنظره يبحث عن أي شخص هناا..! لمح المدرب يوسف..!! قرر ان يخرج بسرعه.. التفت..فراى فارس من وراء الزجاج يتدرب.. ابتسم...فقد اكتشفوا حقيقة فارس..!! خرج بسرعه..وذهب الى رفاقه وهم يبتسم بنصر..! وقال لهم ما راى..!! بعدها ذهب كل واحد في طريقه..وهم غاضبون من فارس..! ,,, اماا هنااك.. في مكتب مدير النادي ابراهيم.. علي واقف امامه.. ويتجادل مع المدير بشان المدرب سامي ..! ابراهيم بحزم : اسمعني يا علي..المدرب هذاك مابرده.. ولو واحد غيرك ناقشني بهالموضوع كنت طردته من زماان.. بس لانك لاعب نشيط ملتزم بتدريباتك...هذا اللي يشفع لك.. سكت علي بغيض.. بعدها قال: وهاللاعب اللي يايبنه لنا..اليوم سمعت عنه رمسه.. نظر ابراهيم اليه باستغراب..؟! علي : واحد من اللاعبين..جافوه يظهر من صالة رياضية..وشكل كان يتدرب..وو..جافوا المدرب يوسف و ستيفن بعد ظهروا من نفس المكان..؟! شو ممكن نفسر هذا..؟! رفع ابراهيم حاجبه : يعني تقول ان بينهم رشوة..؟! و وستيفن ويوسف يدربونه..بشكل خاص..؟ لم يرد عليه علي ..بل اكتفى بالنظر اليه.. ابراهيم: اسمعني...!! و هالرمسة وصلها للفاشلين فريقك.. فارس ..هو اللي تكرم عليكم..واقترح علي أخلي يوسف وستيفن يدربونكم..عسب تتطور مهاراتكم..!! وتكونون لاعبين اقوياا..!! اما يوسف وستيفن فــ هم مدربينه من قبل.. يعني باختصار ..هالمدربين المفروض طول الوقت بس يدربون فارس..!! سكت علي وهو منحرج ومنصدم .. لانهم قد ظلموا فارس..!! اعتذر للمدير بشدة.. وخرج ليحذر رفاقه قبل انا يفعلوا شيء يندمون عليه فيما بعد..! ,, فجر " تعبااااانة حييل.. الحينة انتهى تدريبي..سرت اخذ شنطتي..بظهر.. جفت المدرب يوسف .. سويت روحي قوية ومب تعباانة..احسه يوم يجوفوني اتعب..يزيد التمارين علّيه..ويخليها اقسى..!! تكلم : اظن بترد البيت..؟! هه بترتاح مني..! مارديت عليه.. صدت عنه..وتحركت بظهر.. لكن..!! حسيت بشي بقووة يضرب ع ظهري وطحت متالمة..! جفت الكورة طاحت عدالي..! الحقير ضرب الكورة بقوة ع ظهري..!! آآآآه احس اني انهديييت..ماقدرت اتحرك.. القوة اللي كنت امثلها..كلها راااحت.. قال باستهزاء : اونج قوية...هذا عسب اثبت لج انج ضعيفه..!! الظاهر انج ما استوتي تتدربين بضمير..!! وانتي اليوم اظن تاخرتي دقيقة ونص ع الوقت المطلوب.. تحسبيني سويت طاف..؟ هه لاااا حبيبتي..كنت انتظر الفرصة المناسبة..عسب اعاقبج.. انتي تعرفين اني دقيق في الوقت... بس انتي تتعمدين تعاندين.! رفع ايده وهو ماسك السوط..!! نقطة ضعفي الوحيدة اني اخاف من هالسوط..!! قال وهو يضحك : هههه..ممم شرايج فيه..؟! خذيته من ابراهيم..!! قالي ان هذا الوحيد اللي يادبج..! ارتجفت بخوووووووف... قلت بضعف: لااااا.. الله يخلييك..بدرب عدل..بس....بس لا تضربني..! " لكن.. هاا قد ابتدى عذاب فجر الليل..! ومن خلف الزجاج ..عينان تراقب ما يحدث من وحشية وقد غطاها الذهول والصدمة...!! \\ وقفت اما البناية التي امامها (( الهيئة العامة للشؤون الاسلامية والاوقاف)) تقدمت الى داخل البناية.. كانت مغطاة بالسواد..لم يُرى منها شي.. رات امراة..ذهبت اليها.. : لو سمحتي اختي..ابي ارمس المدير هني.. ردت عليها المراة : ممم سيري قسم الحريم هناك...ومناك بيدلونج وين مكتب المديرة.. شكرتها..و ذهبت الى المكان الذي وصفته لها.. وقفت امام باب مكتب المديرة.. خاائفة من الخطوة التي ستقوم بها..!! لكن..كل هذا لكي تريح ضميرها..! طرقت الباب .. دخلت بعد ان اذنت لها المديرة بالدخول.. جلست امام مكتب المديرة.. المديرة: هلا فيييج اختي..انتي اللي رمستيني في التليفون.؟! قالت بارتباك : هيه..انا... المديرة ابتسمت : خلاص ان شاءالله ..بتشتغلين عندنا.. الله يجعل هذا في ميزان حسناتج.. بس ما قلتيلي شو اسمج..! ترددت في ان تقول اسمها.. شجعتها المديرة : نفس ما وعدت..البيانات سرية وحد بيعرف.. قالت بتردد : شـ .. شهرزاد أحمد...الــ.. \\ ~| انتهت الهمسة الخامسة|~ |
~| الهمـــسة الســــادسة |~ \\ عند تلك العيون المفجوعه من الوحشية التي امامها..! وصوت السوط الذي يهبط على الجسد الملقى .. يقشعر له البدن..! انعقد لسآنه..وانشـل تفكـره..هل يذهب ويوقف ذلك المفترس الهائج..؟! ام ينتظر و ينظر..؟! ام يعود من حيث أتى..! تســلل الخوف الى قلبه..! أيعقل..ان يكون هذا مدربه الجديد ذو الوجه السَمِحْ..! أيعقل..ان يخرج من ذلك الانسان هذه التصرفات الوحشية..! تسآؤلات ..و تسآؤلات تدور في رأسه.. توقف الوحش المفترس عن الضرب..و هو يلهث..فقد بذل مجهوداً جباراً في تعذيب الجسد الملقى أمامه..! ركل ذلك الجسد بقوة..مما صرخ الآخر بألم..! أدرك المراقب من خلف الزجاج..ان المدرب قادم.. فارتبك..ولم يعلم الى اين يذهب..! دار على المكان بخوف..يريد مكان يختبىء فيه..! سمع صوت خطوات قادمة.. المدرب يقترب..والخطوات الاخرى تقترب..! وفجأة اسرع باتجاه طاولة في مكان مظلم قليلا.. واختبأ تحتها.. ودخل المدرب يوسف..واقبل المدرب ستيفن.. تحـدثا مع بعضهم.. ثم اخذ كل منهم حاجياته..وخرجا.. انتظر الى ان يهدأ المـكان.. بعد دقآئق.. شعر بالأمان.. تسلل بخفه من تحت الطاولة..و خرج بهدوء الى حيث فارس المسجى على الارض.. اصابته القشعريرة من مرأى فارس.. همس بصوت خافت : فآآرس..فآآرس..هذا انا علي..! انت بخــير..!؟ لم يجبه إلا صوت أنين فآرس المؤلم..! اقترب اكثر من فارس وهو يلتفت بحذر.. هز فارس لعله يتكلم.. لكن أنين فارس يزداد.. علي: الله يخليك يا فارس..تكلم..! رد علي..؟ فتح عينه فارس..واخذ ينظر الى علي.. تامل علي وجه فارس..المكان الوحيد الذي لم يصبه سوط يوسف.. علي: فارس..انت تسمعني..؟؟ ولازال فارس ينظر الى علي بدون هدف.. وضع علي ذراع فارس خلف عنقه : يلا يا فارس..بسرعه بنطلع من هنيي قبل حد ايي.. كان فارس خفيف الوزن نوعاً ما..مما ساعد علي علي مساندته.. وقف فارس بصعوبة..ومشى بخطوات متثاقله.. اخذ علي حقيبة فارس.. وخرجا على الفور.. بعد ما حس علي بالأمان.. قال لفارس: فاارس..بودييك المستشفى..! انتفض فارس فجأة..وكانه بدا يستوعب ما حوله.. ابعد علي عنه.. ومشى مترنحاً بعيداً عن علي..! تعجب علي من تصرفه..ولازالت كلمات المدرب يوسف تتردد في اذنه.." اونج قوية...هذا عسب اثبت لج انج ضعيفه..!! الظاهر انج ما استوتي تتدربين بضمير..!! وانتي اليوم اظن تاخرتي دقيقة ونص ع الوقت المطلوب.. تحسبيني سويت طاف..؟ هه لاااا حبيبتي..كنت انتظر الفرصة المناسبة..عسب اعاقبج.. انتي تعرفين اني دقيق في الوقت... بس انتي تتعمدين تعاندين.! " كآن يخاطب فارس على انه فتاة..!..لكن كيـــــف.! هز رأسه يريد ان ينفض الافكار بعيد عنه.. ولحق بفارس.. الذي لايعي ما حوله.. . . وصلا امام بيت متواضع..رأى فارس يدخل اليه.. فكــر قليلا هل يدخل وراءه..؟! ولكن..حالة فارس لا تسمح بان يتركه بمفرده.. لحق وراءه الى الداخل.. رآه يصعد السلالم.. صعد خلفه.. وبعدها في الطابق الثاني.. وفتح فارس الباب الوحيد الموجود.. دلف الى الداخل.. تردد علي في البداية بان يدخل..لكن الصمت الذي يلف المكان.. اكد انه لايوجد احد هنا..! دخل اليها.. رأى صاله صغيرة..عليها أثاث بسيط جداً.. وبجانبها..مطبخ تحضيري.. و غرفه مجاورة للصاله.. توقع ان يكون فارس فيها.. ذهب الى هناك.. وكما توقع.. فارس ملقى على سريره بلا حرااك.. توجه اليه.. علي: فاااارس..فارس..قوم بوديك المستشفى احسن.. فتح فارس عينه على الفور.. وعين علي تنظر اليه بقلق.. تكلم فارس اخــيرا : شـ ـ ـ و تسـ ـوي.....هنـ ـيي..! علي: فاارس..ماتجووف عمرك كيف تعباان..بوديك المستشفى ..يلا قووم.. نظر اليه فارس بخوف: لا...مـــ ـابـ ـي..أسـ ـ ير.. عقد علي حاجبيه: انزيين لييش..خل يعالجون جروحك.ماتجوف جسمك كله دم و مقطع من الضرب.. مسك فارس بثوب علي بضعف فارس بهمس : الله..يخـ ـلـ ـيك..خـ ـلاص رو..ح..انـ ـا بخـ ـيـ ـر.. مسك علي بيد فارس المرسوم عليها باتقان انواع العذاب لذي ذاقه فارس ..! علي: اووكي..الحينة بسير بس انت ارتااح ولا تتكلم.. وبااجر ما اتيي الناادي..ارقد وارتاح..وانا برمس المدرب والمدير.. ارتجفت يد فارس بيد علي..ضغط علي على يده ليطمئنه.. علي: اتريا الحينة بيب لك ماي واكل.. توجه الى المطبخ الصغير..الذي يوجد فيه ثلاجة صغيرة.. اخرج منها بعض الطعام..وجلب الماء.. ووضعه اما فارس.. علي: انا الحينة بسير..باجر ان شاءالله عقب التدريب بوديك المستشفى.. اغمض فارس عينيه ولم يرد عليه.. تنهد علي بعمق.. وخرج عائدا الى منزله.. ~><~ في صبآح اليوم التآآلي.. كان اجتماع بين اللاعبين.. سالم : علي..قول اللي عنك..ليش ميمعنا..! علي بهدوء: ابيكم تسمعوني للآخر..فارس نحن ظلمناه.. كاد سالم ان يتكلم..لولا ان قاطعه علي.. علي: قلت سمعووني الين ما اخلص كلامي.. امس سرت عند المدير........... وسرد اليهم فارس ما حدث معه مع المدير..وماذا قال.. وبعد ما انهى حديثه.. صمت اللاعبين..وشعورهم بالذنب..يؤرقهم..! فهد وهو يحك راسه محتار : والله مادري شو اقوول..فضيحه والله..لازم نعتذر منه.. هز جاسم راسه موافقا..وكذلك البقية..! علي ابتسم براحه : خلاص اليوم بنسير بيته وبنعتذر.. سالم : ليش..هو مابيي اليوم النادي..؟! همّ علي بالرد..لولا ان صوتا قاطهم.. فارس بحماس منطفىء وصوت متعب : مرآآآآآآآحب شبآآب.. وجلس على اقرب كرسي..وهو يجاهد بان يكون طبيعيا..وقد لبس جاكيت وبنطلون طويل لكي يخفي الآثار.. صدمة×صدمة.. نظر اليه علي بدهشه.. اسرع علي باتجاهه..امسك بكتفيه.: تستهبــــل انت..؟! تالم فارس من قبضة علي..وبانت على ملامحه.. ابعد علي بسرعه يديه.. همس فارس: مابي حد يعرف..ولا ترمسني في الموضوع ابـد.. علي : بس..بس كيف بتدرب ويانا وانت تعباان..زيين منك ييت هني..؟! قاطعهم قدوم اللاعبيين.. الذين رحبوا بفاارس..وقدموا اليه اعتذاارهم..لسوء ظنهم به.. سيف يتامل وجه فارس : فارس اليوم شكلك مب طبيعي..تعبآآآن..؟! ابتسم فارس بمرح : لا..بس امس رقدت متاخر.. قطع عليهم صوت صفّارة المدرب يوسف.. الذي كان ينظر الى فارس.. والاخر يتحاشى النظر اليه.. المدرب يوسف: يلا ابدووا تمارين التسخيين..اركضوا ع الملعب.. فهد : يلا..فارس..سير بدل..وتعاالي..مادري منو يلبس جاكيت فهالحررررر... ابتسم فارس بتعب: لا بس انا برداااان..! عقد فهد حاجبيه ومد يده ليتحسس جبهة فارس.ربما درجة حرارته مرتفعه..! لكن يد امتدت وامسك بيد فهد.. علي: خلاص براايه..يلا بسرعه قبل ما المدرب يعصب..ويزيد التمارين علينا.. وذهب الجميع للركض حول الملعب.. فجر..~ " تعبــــــانة ياا نااس..ماقدر اتحمل اكثر..احس بسكاكين تقطع جسمي وانا اركض..آآآخخ.. الله لا يوفقك يا يوسف لا انت ولا ابراهيم.. ربي ينتقم منكم..!! وهالــدب..مابيغطي ع عمره ويقول استريحي اليوم..آآخ خاطري اقتله..! بدت سرعتي تخــف..والشباب..سابقيني بمسافة بعيدة.. يركضون عدال بعض ويسولفون.. وشكلهم مب منتبهيين علي..! آآه...مادري كيف برقع السالفه لعلي.. كنت احسب اني اتوهم..يوم جفت علي امس.. طلع صدق..! صرخت بصوت خفيف من الالم..آآآآآآآآآآآآآه.. توقفت..خلاااااااااااص مااقدر اكمل..اكثر... غمضت عيوني بقوة احاول اتحمــل الالم.. اللي بداا ينهش جسمي.. مشيت خطوة.. ووووو طحت ع الارض ..ماااعندي اي طاااقه..ابي ارتااااااح.. ما قدر اتحمل هالالـــــم..! غمضت عيوني باستسلام.. سمعت اصواتهم تنااديني..بس انااا.. غصت في الظلااااام اللي بيرحني من الالم..!! " اســرع اللاااعبين نحو فارس الملقى على ارض الملعب.. اول من وصل اليه كان.....علي.. رفع راسه..وضعه على ذراعه..وباليد الاخرى.. اعطى فارس صفعات خفيفه على وجهه..واخذ يناديه.. حاول فارس ان يفتح عينيه.لكن..لا فائدة.. علي يصرخ : يلا وين الحمّاله..ييبوها بنوديه المستشفى.. اخيرا تقدم المدرب يوسف من بين اللاعبين.. قال ببرود : خلّه عنك..بيودونه بيته.. قال علي باستنكار واضح : انت ما تجووووفه كييف تعباااااان..!!؟ تحسس جاسم جبهة فارس : مب محمووووم..؟؟! قال المدرب يوسف: جفت..اذا كان محموم بنوديه المستشفى..اما اللي فيه الحينة..هوو ارهآآآآآق..بس..! شد علي على قبضته بغضب.. صمت للحظة.. وبعدها قال علي: خلاص انا بوصله بيته..! رفع المدرب يوسف حاجبه بتعجب : تعــرف وين بييته..؟! علي بحذر: هيــه..امس وانا امشي..جفت فارس من بعيد يدخل البيت.. صمت المدرب و لم ينطق.. اما الشباب فساعدوا علي على حمل فارس.. علي: يلا بنحطه فـ سيارتي.. وضعوا فارس على الكرسي الخلفي للسيارة... ركب علي السيارة..وانطلق متوجه الى منزل فارس.. ضرب بقوة بقبضة يده على المِقْوَد بغضب جامح.. اي قلب قد يحمله هذا المدعو يوسف.. لديه احساس يقول انه ليس مدرب عاديا..! بل ورائه..اسراااار وغمووض.. ومن يكون ابراهيم ذاك الذي قال في حديثه..؟! أيعقل ان يكون المدير..؟! وصل الى منزل فارس..واستطاع حمل فارس ويصعد به الى الطابق الثاني..! ووضعه على سريره.. احضر الماء وبعثر قطرات على وجه فارس لعله ينهض.. اخذ يناديه..يهزه..يسكب عليه الماء..لكن لافائدة.. سمع صوت طرقات على الباب.. ذهب لفتحه.. رأى المدرب يوسف..ومعه طبيب.. المدرب يوسف ببرود : وين فارس..؟! أشار علي الى الغرفة التي يتواجد فيها فارس.. دلف المدرب ووراءه الطبيب..اغلق علي الباب..ولحق بهما.. رأى الطبيب..يضع حقيبته على الطاولة المجاورة لسرير فارس.. وهمّ بفتحها.. اما المدرب..فقد اشار لعلي..بان يخرج معه الى الصاله.. جلس علي ع الاريكة..ومقابله جلس المدرب يوسف.. باله الان مشغول بفارس.. عندما يتعافى فارس..سيجاوب على جميع تساؤلاته.. رفع بصره الى المدرب الذي يجلس امامه.. كان ينظر اليه بثقة وببرود شدييد.. اخافته تلك النظرة.. اخفض بصره.. تكلم المدرب بهدوء : غريبة اهتمامك بفآرس..؟! نظر اليه علي باستغراب... المدرب : يعني امس..جفت نظراتك له غير..واليوم غيير..؟! فهم علي مغزى حديثه...يريد ان يقطع الشك بانه رأى فارس على حالته البارحه,, علي: صح اني ماحبيته من البداية..بس غلطت بحقه..فارس انسان يستحق الاحترام..كنا نحسبه يعطيك رشوة عسب تدربه..بس طلع العكس..وفهمني المدير السالفه.. هز راسه يوسف..وبقايا الشك لاتزال في نظراته.. بعد مروور ربع ساعه.. خرج الطبيب.. نظر اليهما.. الطبيب : شكله اتضارب وياا حد..! هز المدرب راسه متفهما.. علي: كيف اتضارب ويا حد..؟! نظر الطبيب اليه بحده.. تكتف علي وهو ينظر اليه.. علي يحدث نفسه : هييه..هييه..ماعلييكم رقعوا الساالفه..بس انا اللي بعرف شوو اللي وراكم..! الطبيب ينظر الى يوسف : انا حطيت له مرهم ع الجرووح...وبعطيه دوا مسكن للآلام.. يوميا يستعمل الدوا عسب يرجع بسرعه للتدريب.. علي: خلاص انا اللي بعطيه الدوا وبتم عنده.. رفع المدرب حاجبيه: بتــم عنده..؟! علي: هييه بتم عنده...شكله محد من اهله هنيي..وهوو تعباان..! لازم حد يتم عنده.. الطبيب : خلاص مب مشكلة..بعطيك الدوا ماله..وانت احرص على انه ياخذه..! علي: ان شاءالله.. شكر علي الطبيب.. وبعدها ذهب المدرب ومعه الطيب.. . . توجه علي الى غرفة فارس.. رأى فارس ينظر الى سقف الغرفه..ويبدوا عليه الشرود.. علي: فآآرس..بسير اييب اكل من المطعم..وبعد ماارد..لي رمسة وياك..! لم يلتفت فارس اليه بل واصل النظر الى الاعلى..! و خرج علي لاحضار الطعام..! \\ شهـرزاد..~ " ماا تدرووون شكثر انا مستااااااااااااااانسة..الحمدالله...الحمدالله.. مسحت دموعي اللي نزلت.. ابتسمت المديرة فـ ويهي: الله يوفقج ياابنتي..وان شاءالله بيآناتج سرية ومحد بيعرفها..حتـــى اسمج..! بتشتغلين ويانا من باجر ان شاءالله..بما انه لج ظروف خاصة.. فـ متى ما ييتي هني... تبدين الشغل...و اسمج المستعار بيكون ....نــوف..! شهرزاد : والله مادري كيف اشكرج..سااعدتيني واايد..يزااج الله خيير..!! المديرة : الله يكثر من امثاالج يارب.. شهرزاد: ممم ماقدر ابدا الشغل من الحينة..؟! لان الحينة فاضية..! ما وراي شي.. المديرة ضحكت : شكلج واايد متحمسة للشغل.. براحتج..ماعندي مانع.. الشغل هنـي عبارة عن اعمال خيرية.. " وقفت " تعالي وياي بعرفج ع المكان..وكيف طبيعة شغلج.. سرت ورااها وانا مستااانسة حيييل.. الحينة ببدا شغل اكسب من وراه مال حلال.. و بيرتااح ضمييري.. عندي وااايد مخططااات..لازم انفذها..! ... رواتني المديرة الاقسام الموجودة.. و مكتبي ..جفت ثنتين يشاركوني الغرفة.... وقالتلي كيف طريقة شغلي.. بالبداية بيكون بس بالاوراق بما اني ماعرف شي في الكمبيوتر.. زين مني اعرف اقراا واكتب.. في قريتي ..البنات..بس يتعلمون الين الابتدائية.. اهم شي تعرف تقراا وتكتب..وخلاااص.. وعيب تكمل تعليمها..لانها كبرت.. غير ان تعليمنا مختلط..! الحمدالله ان المديرة وافقت عليّه.. واايد تسااهلت ويااي.. عرفتني ع اللي ويااي.. وقالت حق و حده تساعدني كمن يوم ع الشغل..الين ما اعتمد على نفسي..! بعدها سارت المديرة.. شما بابتسامة : يلا استريحي...بنبدا الشغل.. ابتسمت ...وقعدت..شكلها حبووبة.. اما البنية الثانية..اسمها عايشة..اندمجت فـ شغلها.. قالت شما : عقي غشوتج..محد ريااييل هنـي..! قلت : لا مرتااحه جذي.. حسيتها استغربت..! بصراحه ما اضمن اذا حد جااف ويهي ما يعرفني..! وآخر شي بيحتقروني ..وعادي يطردووني..! بديينا نشتغل.. حسيت دوخت من الاوراق..واايد..تشتت.. ضحك شما: ههههه الحينة بتقوولي شوو هالاوراق اللي وايد..بس صدقيني يوم يومين..بتتعودين..! شهرزاد : ان شاءالله اتعلم بسرعه..! شما : يلا ركزي ويااي.. \\ فجـــر ..~ " سمعت صوت باب يتبند..اكييد علي وصل..! من ظهر وانا افكر بعذر مقنع..! بس المشكلة ماعرف هوو شو جاف او سمع بالظبط..! جفته دخل وبايده اكياس الاكل.. تعدلت وقعدت.. علي : السلام عليكم..هاا..كيفك الحينة..؟! ردتيت السلام وهزيت راسي اني احسن.. جفته يقرّب الطاولة صوبي..وبطل الاكياس..وحط الاكل ع الطاولة.. قلت : لييش تعبت عمرك...!! ابتسم : خل عنك هالكلام..نحن ربع ما بينا هالرسميات..! قعدنا نتغدا.. بصراحه ماالي خاطر آآكل..نفسي مسدوودة..! غير جسمي احسه ميهووود..! بس حلييله بروحه ياب الاكل وتعب عمره..! حسييته يرااقبني.. ومن اكلت ما شال عينه علي.. فجر : الحمدالله..الله يعطيك العافية.. علي: وييين..ما اكلت شي..؟!! فارس..لازم تتغذى عدل..وتاكل الدوا..ولا ما تبا ترد للنادي..؟! نزلت راسي وماردييت.. علي: ههههه وياا ويهك..شكلك تباا تتم مريض..و ما تحضر التدريب.. سكت.. باالي مشغوووول..انا مادري هذاا يستهبل ويسوي روحه ما يعرف شو الي صار لي..؟! او انه صدق ما يعرف.. جفت..يلم الاكل..ييت بساعده بس رفض.. ع فكرة..توني اكتشف ان علي له قلب طيــب حيييل..وحبوب.. خذيت الدواء ..بلعته وشربت مااي.. دخل مرة ثانية..وسحب كرسي وقعد عليه وهو يواجهني.. علي: أكلت الدوا..؟! هزيت راسي بهييه.. تغيرت ملامح ويهه للجدية..! بلعت ريجي..الله يستر.. قال بهدوء : اظن انك عارف شو اللي ابي ارمسك فيه..! تصنعت الاستغراب..! قال : فارس..شوو بينك بين المدرب يوسف..! قلت بهدوء : شو بيكون بينا مثلاا..! علي خذ نفس طويل : اسمعني للآخر..واوعدني انك ما تكذب عليّه بشي.. انت تعرف اللاعبيين وشو كانوا يحسبونك..! امس ساروا الصاله اللي تتدرب فيها..وجافوك تتدرب فيها.. انا بعد ما سالت المدير واستفسرت منه ..عرفت ان صار سوء فهم.. سرت المكان اللي قاله عمر لنا.. بس ما حصلتهم.. دخلت الصاله..وجفتك من ورا الزجاج..وو.... جفته يلع ريجه.. كمّل : جفت المدرب يوسف ...يضربك..! ... ... شكووكي طلعت في محلها..غمضت عيني.. علي عرف..عرف كل شي.. من ثاني يوم كشف حقيقيتي..! عيل باقي الشباب شو...؟! كمّل: وو..سمعت كل شي.. عضيت ع شفايفي..وبعدني مغمضة..! علي: مم..أأ..يعني..انت...مم كان يرمسك على انك بنية..!!!!!!!!!! مارديت عليه.. عليك بشـــك : أأ..يعني..انت...بنــــــــــــية....!!! بطلت عيوني اطالعه.. انترست عيوني بالدموع..! اما هوو..فكانه تاكد ان شكووكه طلعت صح.. . . غبـــــــــي..ليش يسمــع..ليش جاااف كل شي ليييش؟؟! اكييييد يوسف ولا ابرااهيم..بيذبحوووووونه..غبــي..غبي.. شهقت بصوت عالي وانا اصيح وقفت وسرت يودته من كندوورته... فجر: ليييييييييييييش..سمعت ليييييش..! ياااغبـــي بتمووووووت...بتمووووت..بيذبحووووووونك..!! ضربته ع صدره..الغبي ما يعرف ان حيااته مهدده.. ويوسف اكييييد ما بيرحمه..! ولو ابراهيم عرف....اكييد بيذبحه..!! لاااااا حرااااام..حراام.. علي طيـــب..وو حتى سالم ..فهد ..و فارس..وجاسم..وكلللهم.. مابي حد يصير فيه شي... بس....! لانه كشفني..! بسببــــــــــــــي..!! طحت ع ركبي..غطيت ويهي بايدي..وتمييت اصيح..! اماا هوو.. متصنم بمكاانه.. حسيته منصدم واايد ..واايد..! ما ينلام.. من شكلي.. ولد..ويصيح شرات البنات.. لا والصوت بعد..!! كيف بنية عيل..! 100% شكلها ولد سكت شوي.. همست : حد يـ ـعرف ....غيـ ـرك..! علي:لا....! رفعت راسي له : صـــدق..! محد يعرف..؟! يعني الشباب ما جافوني .! علي: هيه جافوج..بس قبل..ما يضربج المـ ـدرب..! طاالعت علي بانكساار واضح.. مد ايده لي..مسكت ايده وقفت.. قعت ع السرير وهو ع الكرسي.. علي والصدمة مبينه ع ويهه احسه بعده مب مستوعب شي ابدن : ممكن تفهمني شو السالفة ...ياا فارس.؟! طاالعت فيه.. لين الحينة ..شكله مب مستوعب اني بنـــية..! همست له : بس دامك كشفت حقيقتي (بلعت ريجي)...........اعرف انك بتموت..! احس عيوونه زاغت..ويهه تغير 180 درجة.. قلت: المدرب يوسف..عرف انك جفتني امس بهذيك الحالة.؟! قال بسرعه : لااا..ما يعرف.. تنهدت براحه : الحمدالله..! جفته يطالعني..يترياني اقول السالفه.. مشيت دموعي.. فجر : قبل ستة اشهر........... \\ اما عند بطلتنا الثالثه..بدر البدور..! في تلك الغرفة النتنه الواقعه في سطح المنزل.. حيث الكائنات الصغيرة..التي خرجت من جحورها من شدة الحر.. لتاكل بقايا الطعام..الذي قد تناولته بدر البدور قبل قليل.. . . اصبحت تاتيها يوميا اربع وجبات..! شخص آخر غير الخادمة ياتيها بهذه الاصناف الشهية..! فقط يدخل الطعام ويرحل..! الجو هنآ خانق..وغير مريح ابداً.. . الى متى هذه الحآآل يا تُرى..! . الآن.. ما عليها سوى الانتظآر............ان تنتظر موتها ببطء.........! المــوت الذي تنتظره ولم يأتِ..! \\ ~| انتهت الهمسة السادسة |~ |
كملي روايه انشالله ولحد الحين ماعرفت اسم بطله مره فارس مره فجر مره نوف مره شهزاد مادري شو ع عموم ثانكس ع بارت نبا تكمله |
بتعرفين مع الايام |
~| الهمســـــة الســـــابعه |~ \\ فجـــر.. \\ نشيت من وقت بس كنت بعدني منسدحه وافكر.. صراع بيني وبين نفسي , من بعدت ما قلتله كل شي...يتلي صدمة..! انا تخبـــــلت..لا صدق ..تخبــــلت..!! مم مادري كيف قلتله.. اكييد ما كنت فوعيي.. ماقص عليكم لو قلتلكم اني مادري كيف قلتله..كنت منهاااارة.! , أخـــاف حد يعرف اني قلتله كل شي..؟! , عادي.عادي يا فجر..لا تخافين هو اكيد بيخاف وما بيقول لحد..! بـــس..! لو.. لو.. لو كان من طرف ابراهيم.....!!! , حسيت برجفة رعــب سرت فـ جسمي..! هزيت راسي اطرد هالفكرة... عيل لييش ساعدني.؟! لا يافجر..هالدنيـــا خلاص مافيها امـــــــــاان..لا توثقيين بأي حد.! خلييج حذرة..! لا تخليينه يقص علييج.. , بس حــــرام ..حسييته طيب وااايد..وبروحه خاطر بنفسه بس عشان يساعدني.! , شدييييت شعر راااسي من الحيـــــرة اللي انا فييها.. يلست بسرعه وانا متنرفزة : افففففففففففف...ياااااربــي.. لمحت طيف انســـان جدامي.. رفعت راسي ببطىء اجوفه.. و جحظت عيني من الخوف والصدمة من وجوده.. قال باستهزآء وآضح : صبآآآح الخيير.. انكمشت ع روحي وانا ميته خووف..مادري ليش احس من نظرته انه كان يعرف في شو كنت افكر..! جفته سحب اقرب كرسي و قعد مجابلني.. انكمشت زياادة..وانا احس دقآت قلبي مسويه عرس.. لمحته يحط ريل ع ريل.. كابتن يوسف : سلامات ما تجووفين شر..ياا " بطنازة " شو اسمج؟ عصر..؟!.. مارديت عليه..اصلن لساني مادري وين اختفى..! كابتن يوسف: الموهيم..ماييت عشان سواد عيونج..,ييت اذكرج بموعد التمارين " وباستهزاء" ولا صدقتي انه بعطييج اجاازة..؟! نزلت راسي.. كابتن يوسف: اتيين تحضرين التمارين عندي..واذا.." اشر بسبابته بتهديد" واذا تاخرتي ربع دقيقة شرات هذيك المرة..انتي تعرفين شو بيستوي..اما عن النادي داومي الاسبوع الياي عسب ما نثير الشكوك.. وقف...شكله بيسير..الحمدالله.. , بس فجاة..جفته يقرب صوبي..هني حسيت دقااات قلبي وقفت..! ريجي نشـــف..و..ويهي احس لونه خطف من الخووف..!! مسكني من ذقني بخفه..غمضت عيني بســــرعه بخوووف.. بس حسيت انه ما تحرك..وبعد ماسك ذقني... فتحت عيني ببطىء..جفته يطالعني بنظرات ماقدرت افسرها..؟ و فجأة...تغيرت ملامح ويهه للاشمئزااز.. فــرّ ويهي بعيد عنه.. قال بنبرة غريبة : تدرين...من اجوف ويهج..تلوع جبــــــدي.؟! هه ...بنت ع ولد.. والله مادري كيف تفكر يا ابراهيم..! دمعـــــت عيني..انا احااول اتناسى هالشىء..وهوو يذكرني فيييه.. شكله اكتفى من العذاب الجسدي..ويبا يذوقني الحينة العذاب النفســـي..! , رفعت راسي..جفته اختفى..! شرات مادخل فجاة..ظهر فجاة..!! , الشي الوحيييد اللي اتمنااه.. اني اقدر اوقف فـ ويهه..! ما تمنيت اوقف فـ ويه ابرااهيم..كثر ما اتمنى اوقف فـ ويه يوسف..! \\ علــــي.. ، قعدت افكر شو صار امس.. , بعد ما ظهرت من عنده....أأأ اقصد من عندها..ع فكرة بعدني مب مستوعب..! احس بضييييقه مب طبيعية.. انا مادري ليش بلشت عمري.. الحينة هالكلام اللي سمعته صدق ولا لا.؟ يمكن هي ما تباني افضحها وو اختلقت كل هالساالفه..؟! . لكن..شو سالفتها وياا الكابتن يوسف؟! . مممممم..يمكن اكتشفها؟؟! او يمكن يستويلها.؟! , تذكرت شكلها وهي منهاارة..! معقولة تكــــذب..؟! , ظهرت من شارعهم.. ماييت بسيارتي.. لان تقريبن بيتنا قريب من هنيي.. , مادري ليش احس اني مب مرتااح.. احس في حد يرااقبني.. التفت بسرعه وراا... طالعت يمين ..يسار.. ما حسيت بشي غير طبيعي..! تنهدت برااحه..ابتسمت بسخرية..الظااهر واايد تاثرت بسالفتها..! , اففف رد لي نفس الاحسااس.. احس اني المح اشخــاص يرااقبوني..!! , وقفت وسويت روحي منشغل ادور شي فـ بوكي.. لمحت حد يراقبني من بعييد.. التفت صوبه..بس بسرعه اختفى.. سويت روحي مب مهتم.. كملت طريقي ... لمحت اكثر من شخص يراقبني..!! , وصلت بيتنا اخييرن.. بعد ما بندت الباب تساندت عليه.. تنهدت برااحه.. طول ما انا امشي وانا اتييني وسااوس.. يقتلووني.. يضااربوني.. يسوون لي شي..! اتذكرت كلامها " بيذبحـــــونك..! " , نفضت هالافكاااار من رااسي.. دخلت داخل ..جفت عمتي يالسة في الصاله ..سرت صوبها وسلمت عليها.. وع طوول سرت غرفتي.. , مادري احس اني متندم.. لييش عرفتها..ولييش تدخلت فــ شي ما يخصني..! , فريت عمري ع السريير.. غمضت عيووني..ابي اريح رااسي من التفكيييييير..., , فجاة بطلتها بخوف من حسييت شي نقز فوووقي.. طاالعت..جفت قطوة اختي الدلووعه.. صرخت علييها افرغ كل الخووف .. خخخخ حلييلها شردت بعييد عني.. سمعت صوت اختي حنان تزقرها : ميــــــمي..ميمـــــي..!؟ شوي وجفتها تطل من الباب..طالعتني : جفت ميمي..؟! طالعتها بنظرة ...فهمت ان قطوتها كاانت عندي... حنان : أأأ...علي.. أنا: كم مرة قلتلج ماااابيها تدخل غرفتي..؟! انتي ما تفهمييين؟؟! انااا مااحب القطاوة وانتي تعرفيين هالشي..! حنان مدت بوزها بدلع: والله ما يخصني..انت ليش ما بندت الباب..؟! انت تعرف انها تحب ترقد ع لحاافك.. تذكرت اني ما بندت الباب.. قلت: اووكي خلاص..اخر مرة..يلا شليها وذلفي براا.. شلت قطوتها وظهرت وهي تتحرطم.. ابتسمت ... ، احم احم..بطل يديد يظهر ع الساحه.. مممم اكييييد تبون تعرفوون عني..! انا علي..عمري 20 سنة.. عندي اخت وحده اللي هي حنان.عمرها 15..الحينة اول ثانوي.. وهي دلوعتي واختي و صديقتي.. أمي وابوي متوفييين من 7 سنواات.. عمتي سلوى ارملة ومن بعد ما توفى امي وابوي يت تعيش ويانا.. وعوضتنا الحنان اللي فقدناه..الله يخلييها لنا.. طبعن انتووا تعرفون انا لاعب كرة قدم..في فريق الصقر..لي سنتيين فــ هالناادي.. عشــــقي كرة القدم..واتمنى مستقبلا استوي اكبر لاعب محترف.. بتقولون تبي تستوي لاعب محترف وانت بهالناادي..؟! صح ان نادينا فااشل..لكن له مكاانه فــ قلبي.. هالناادي الفاشل..كان له ماضي عريـــق..! كان حلمي من انا صغير استوي لاعب من هالفريق.. والحمدالله صاار..وان شاءالله يصير نادينا احسن نادي.. // بعد مرور شهـــــر على أبطــــالنا.. // شهرزآد.. ، الشهر اللي طااف استوت فييه وااايد اشيااء والحمدالله انها للاحسن.. في هالشهر..اكتسبت ثقة المكان اللي اشتغل فييه.. والحمدالله للحيين محد عرف هويتي.. والاهم من هذا كله ..ارتحت نفسيا.. عقبال ما افتك من سليمان..اما هذا يباله تخطيط دقييق..!! معااشي اليوم استلمته.. ماتدرووون شكثر استاانست..طرت من الونااسة..صدق المال الحلال اللي من تعب جبيينك له طعم غييير..مع انه معااش متواضع..! اما عن فلوسي اللي اتييني من الغناا... من فترة لفترة..ارووح اتبرع فيها..بدوون محد يدري.. هذي وحده من مخططاتي.. اما عن المخطط الاهم..هوو ان هالمعااش بطرشه حق اهلي..كل شهر.. وو الخبر المفرح..انه بعد يوومين بسير عندهم..طبعن بالسر.! آآه..مادري كيف بقدر اتحمل هاليوومين..! , يت البشكارة عندي تقول ان سليمان يبيني..؟! سرت اجووف شوو يباا.. , يالسة ع مكتبه كالمعتااد.. رفع راسه يوم دخلت.. قال: تعاالي يلسي.. سرت وقعدت مجابله.. قال : بعد يومين..ربيعي يمكن يسوي حفلة وطاالبينج..تجهزي.. طالعته بصدمة وخيبة امل: ليييييش..بعد يومين عندي موعد..! قال: موعد.؟! بوزت منقهــــــرة.. قال مستغرب : لهدرجة مهم الموعد..؟! قلت بقهر مكبوت : هييييه.. جفته يحك راسة يفكر..عقب تم يطاالعني.. فجاة قال: انزيين ليش اليوم ما تسيرين هالموعد...؟! استااانست..صح لييش اترياا يومييين..؟! ماافيني صبر.. قلت واوني افكر : ممممم اليووم..؟! مممم اووك مب مشكلة.. , ظهرت من عنده..وع طوول رحت اتجهز.. , بعدها دقيت للدريول..اللي يتستر علي مقابل الفلووس.. ركبت وياااها..ودلييته ع قريتنا..بينا وبينها 3 سااعات.. , فينيـــــي شووق كبيــــــر.. انتظر بس اوصل..ابي ارتمي فـ حضن امي..! ابي اجووف خواني وخواتي..كيف شكلهم الحينة..؟! كبروا...تغير شكلهم..؟! هل بيعرفووني..؟! افف مادري متى بووصل..ماافيني صبر.. , وقفنا عند بيت متهاالك..هذا هوو..هذا اللي ولدت فيه وعشت طفوولتي فييه.. نزلت من السيارة وقلت للدريول ينزل الاغراض.. طبعن ما فاتني انظاار النااس اللي مستغربة..واليهاال اللي يطالعون السيارة بانبهاار..! خذت نفس عميييق..ودقيت الباب.. تريييت دقايق.. عقب بطل الباب..ولد صغير.. عرفته ع طوول..هذا عبوودي.. قلت : السلام عليكم. نزل عينه باحترام : وعليكم السلام..تفضلي خاالتي.. تالمت..ماعرفني..صح كنت متغطية ..بس ماعرف صووتي.. كيف تبينه يا شهرزاد يعرفج بعد كل هالسنواااات..؟!!!! مشيت وراه..وانا اتامله..فدييته والله..مسوي رووحه كبيير.. دخلني غرفة..قعدت اترياا امي..شليت الغشوة.. حسيت انها تاخرت.. كنت بسير اجووفها..ألمـها ..اصيح فـ حضنها.. بس مابي..مابي حد من خواني يعرفني..ابي اكوون بنظرهم ميـته..! مابي انزل رااسهم.. مابيهم يعرفون ان اختهم من امهم وابوهم الملتزميين..وحدة مغنية ورقااصة..! , وصلتلي ريــحة عبيـــرها قبل ما توصل لي صورتها.. غمضت عيني واستنشقت.. اعبي رئتي من ريحتها.. ، القلب يمي لك مشى .. بالعطف والطيب انتشى في حضنها عمري نشى .. ومن حبها قلبي يميل امي حياتي وجنتي .. انتي عيوني وبسمتي حبك شعاع بمهجتي .. والشعر من حبك يسيل القلب سعده من رضاك .. والكون عطره من شذاك كلي على بعضي فداك .. إن غبت سموني القتيل يانبض قلبي والوجود .. ياروح عمري يا الودود يا أغلى من كل الحشود .. المدح في حقك قليل عبد العزيز المقرن ، من ظهرت لي صورتها..وكأنّ كل شي توقف..! تاملت ويهها اللي ينبض بالنوور والحنان.. قلت بألم: يمـــه..يمـــه..لا تقولين نسيتي ضنااج..يمة لا تقولين ما عرفتيني.. يمــه ما عرفتي بنتــــج البجــر..!؟ بنتــج..بنتــج شهـــرزآد..! شهقت بصوت عاالي..والدمووع غطت ويهي.. اما هي..جفتها تطالعني..تتاملني..منصدمة..حسيتها مترددة.. جفتها قربت مني...احتضنت ويهي بكفوفها اللي غطتها التجاعيد.. قالت بصوت مبحوح:شهــ.. شهرزاادي..؟! طالعتها..وطالعتني..ابي اطبع صورتها في مخيلتـــي.. يلا يمه..ضميني..احتويني بحنااانج..! سحبتني لحضنها...هييه..هذا اللي ياية عشاانه..هذا اللي بينسيني معاناة هالسنيين.. صحت فـ حضنها..افرغ كل اللي فـ قلبي.. وهي تضمني اكثر واكثر..وتصيح بصمت..وتمتم بالشكر.. حبيت ايدها وويهها وراسها.. مابي ابتعد عنها...ابي ارد نفس قبل..ابي ارد اعيش تحت ظلها.. , بعد فترة....هديت شوي.. قلت بصوت متهدج : يمــه..سامحيــ... قاطعتني من حطت صبعها ع شفايفي تمنعني من المتابعه... قالت: هذا كله ابتلاء..والمااضي انسييه..انتي الحينة في االحااضر .فكري..في الحاضر والمستقبل..لا تضيعين عمرج ع ذكريات مرت.. نزلت رااسي.. قالت تغير جو : تريي بزقر خوانج..يجوفونج.. نقزت بسرعه ومسكت ايدها: لااا يمه..لا مابيهم يعرفون...الله يخليييييج.. تاملتني للحظة..وكانها فهمتني..تنهدت.. جفت وحدة دخلت وبايدها صينية فيها عصير..هذي اختي سارة.. تذكرت ايامي معها قبل..كنت كله اضارب وياها لانها كسوولة..ابتسمت بس الحينة كبرت واستوت قد المسؤولية.. حطت الصينية جدامي..ويت تسلم عليه.. قالت امي : سارة سيري زقري خواتج يسلمون ع الضيفة.. طالعت امي بامتناان.. جفتهن يدخلن وهن مستحياات..سلمن عليه..عقب قعدوو شويه..وبعدها ظهروا.. , قلت لامي كل شي اللي استواالي..حسييتها تتالم عشاني بس ما تبين..وتبين العكس.. يالسة تصبرني.. عطيتها هدايا خواني..والمعاش اللي استلمته.. رفضت في البداية تااخذه..لكن فهمتها واقنعتها..اخواني محتاجين حد يصرف علييهم.. وقفت بودع امي..مابي اتاخر..عسب سليمان ما يشك.. بــــس...سمعت صووت حشرة براا.. عبودي بصوت عالي: انت ما تستحي..ما تجوفني ريال جدامك..؟! كيف تدخل البيت بدون استئذاان..؟! وسمعت خواتي يصاارخن.. ركضت بسرعه اجوف شو الساالفة.. صدمــــــــــة صدمــــــة صدمـــة : سليمــــــــــــان...!!!!!!!!!!!!! \\ بدر البدور.. ، تنتظروني ان اتحدث عن الفترة المااضية..؟! لا اعلم كم مرة علي وانا هنا.. فلا شي جديد يحدث معي..اليوم مثل الامس..والامس مثل الغد..لا شي مختلف.. كل يوم انتظر العذاب النفسي في رعب شدييد.. اتمنى الموت حقاً..فهو فرجـــي..! , سمعت خطواته قادمه.. وبنفس التوقيت كل يوم..يحضر لي ذلك الطعام اللذييذ.. انتظرته حتى سمعت خطواته تبتعد.. اسرعت نحو الطعام الذي داعبت رائحته انفي.. ما ان لمست الطعام بيدي.. حتى سمعت خطوات سريعه..وصوت ضحكات.. هاا قد بدأ عذابك يا بدور..! ابتعدت بسرعه لاحتمي في تلك الزاوية.. وبدأوا هم بالصرآآآخ..وضعت يدي على أذني ..وصرخت بصوت عالي مرتعب..لامنع صوتهم المخيف من الوصول لمسامعي.. لكن لفت انتبااهي صوت مختلف...صوت.جعل خطواتهم تتراكض بعيدا.. صوت ارعبني بشـــــدة.. بعدها هدأ الصوت..واقتربت خطوات هادئة نحو الباب.. وقلبي يكاد يخرج من مكانه..!!!! عرفته..هو نفسه من يحضر لي الطعام..نفس صوت الخطوات..! قال بلغة لم افهمها..!! : لا تخـــافين انا بحمييج منهم...!!!!!! \\ ~ | نهــــاية الهمـــــسة الســــابعة |~ |
له له له له له حبيبتي رواية تجنن ولج تقيم بعد ع قلبي قلبووووو |
اقتباس:
نااو بنزل البارت دقايق بس |
~ | الهمســـــــة الثــــامنة |~ \\ فجــــر ، فــ هالشهر اللــي طاف تعرفت اكثر ع الشباااب.. كلهم طييبيين ويونسوون..كانوا ينسوني همــــي .. اذا كنت زعلانة وشفتهم...اضحك.. احسهم اهـــلي اللي فقدتهم.. كلهم متعااونين ويحبون بعضهم البعض..! , في هالشهر تدربنا واااااايد..كان التدرييب مكثف علينا.. والشباب تحسن لعبهم.. امس ابرااهيم ياا عندنا..وقال ان عندنا بعد يومين مبااراة ودّية ....! جفتو كيف..؟ ماا قال لنا من قبل عسب نستعد..فاجأنا كالعاادة.. الشبااب عصبوا..وتموو يتحرطمون..لكن ما باليد حيلة.. زين انه قالنا..عادي اتوقع منه في نفس يوم المباراة يقولنا..! والصدمة الثانية للشباب.. انه فريق النسر..وهالفرييق ماعرفه..لكن ع قولتهم..انه فريق قـــوي..ولا يستهاان فيه.. هههه حسييتهم كانوا بينجلطوا من الخبر المفجع قولتهم..! لكن قبل ما يروح ابراهيم ..وعدهم بحفلة ما شافوها فـ حياتهم اذا فازوا..! , الحينة عندنا بريك..مسكت غرشة الماي بطلتها وشربت منها.. مسحت جبيني بالفوطة اجففه من قطرات العرق.. سمعت فهد وعمر يتناقشون عن المباراة.. عمر بحالمية : فهوود تخيل لو نفووز..؟! ههههه احس ما يلييييق..اصلن بتصير صدمة للجميييع..! فهد: ههههه هيه والله..بس مسود الويه المدير يالس يغرينا بالحفلة اللي بيسويها اذا فزنا..! هه عاارف ان نحن ما بنفووز .. يغاايضنا.. قربت منهم وانا مبتسمة.. عمر : ياخي ماتدري شكثر اكرهه.. فهد : هه يعني اانا اللي احبه..؟! لا هوو ولا هذاك الزفت الكابتن.. قلت وانا مبتسمة: فهد..انت تبا تفووز..تبا الحفلة..؟! فهد يتنهد: والله يااليييت..احس ونااسة..كل الفرق اللي تفوز يسوون لهم حفلة..ويستاانسون فيها..اما نحن نطاالع فيهم شراات الاغبياا المسااكين.. ضحكت: ههههههههههه..حلييلكم والله.. فهد طالعني بنص عين : يعني انت مب ويانا..؟! ولا متبري مناا..!؟ كتمت ضحكتي : لااا افاا منوو قاال..؟ بس صدق تبوون تفووزون..؟! تبوون الحفلة..؟ تبوون كل اللي يستهين فيكم ينقهروون..؟! جفت باقي الشباب تجمعوا حوولنا.. قال عمر : اكيييييد نبااا....بس كييييف نحن مااا نقدر..! انت ما تعرف نادي النسر..! طالعت في الكل اتريا ردهم.. كلهم يبووون..لكن مصاابين بالاحباااااااط..! قلت بحمااس: مافي شي اسمه مانقدر..انتوو ما تدربتوااا هالشهر..؟! انتوو ما تعبتوو.؟ تبوون الكابتن يزييد التدريباات عليكم اذا خسرتوا..؟! : لاااا..بــــس.... قاطعتهم بتحـــدي: عيل..يااااا النسر...ياا الصقــر..وبنشوف منو يهزم الثااني..!! شفتهم تحمســــوا..ورجعت ثقتهم فــ نفسهم.. وكلهم ركضوا للملعب يدربون ..حتى قبل ما ينتهي البريك....!!! \\ شهـــرزآد ، قلبـــــي وقف..اللي اشوفه صدق..؟! سليــــمان..؟! بسم الله الرحمن الرحيم..غمضت عيوني برعب..ياارب يكون حلم..يااارب.. لكن سمعت صوته الكريــه ينطق باسمي.. شفته يتجدم صوبي..مسكني من ذراعي بقووة..شفت امي..وخواني يطالعون برعب .. همست بضعف له : هدني..مب وقته..يوم نظهر سووي اللي تبااه.. لمحت ابتسامة سخريه مرسومة ع ويهه..لكن ترك ايدي..وهذي اول مرة يسمع فيها كلامي...!! ودعت امي بنظرة..وابتسامة الم.. جفت دمعتها تنزل ع خدها...صديت بسرعه مابي اشوفها.. ظهرنا انا وسليمان.. دزنــــي داخل السيارة بقوة....ارتجفت.. الله يستر..مااادري شو بيستوي....مادري منوو اللي قاله..؟! لايكون الدريول..؟ اخااف يكون عرف عن شغلي...؟! اسميني اليوم بنذبح انا واهلي.. قال بصوت المرعب للدريول: تحــــــــرك...!! بعد ما ظهرنا من قريتي... قالي بنبرة كلها استهزاء : عندج موعد مهم اليوم هااه..؟! هه..كنت شاااك فيج اصلا...وطرشت حد وراج يشوف وين انتي سايرة.."رص ع ضروسه وبنبرة تحذيرية " انتبـــــــــهي تستغفليني مرة ثانية...فااهمة...!!!! انكمشت ع روحي..ارتحت شوي..من كلامه واضح انه بس اليوم تتبعني.. الحمدالله.. جفته يربت ع كتف الدريول...اللي من اول ما ركبنا وهو خااايف..مسكييين كآآسر خاطري...ورطته معاااي.. قاله : سووق ..سوق..حســـابك عندي عسير..! , وصلنا.. اول مادخلت الفيلا...مشيت بسرعه بسير جناحي..لكن حسيته مسك ايدي بقوة..وفرني صووبه.. تسارعت انفاسي بخوف..حاولت ما ابينه.. قالي: انتي ليـــش راسج يآآبس..؟! ليش ما تفهمييين..؟! تبيني اذبح امج واخوانج بعد..؟ ارتعشت من الفكرة..! قلت بقوة مزيفة : وبعديــــن..؟! ذبحتــهم وبعدين..؟ تذبحني انا..؟! انزين اختصر الطريق...هذي انا جدامك..؟! رفع حاجبه : يعني عادي عندج اقتلهم...؟! طالعته بتحدي : في الاخيير كلنا خسرانين..بس انت بتكون خسارتك اكبر..! فاجأني بضحكته : ذكـــية..! بـــس..منوو قالج اني بذبحج..؟! عادي اقدر استفييد منج باشياء وايد..! كشرت....لكن فجاتني ملامحه اللي تحولت لوحش مخيف.. لف ذراعي ع ورا.. غمضت عيوني بألم... اطلقت صرخه خافته : آآآه.. قال : شهــــرزاد ..لا تحطــــين راسج براســـــي...لا تحسبيني بتغاضى عن تصرفاتج...! شد ذراعي بقوة..صرخت بالم...حسيت ذراعي بتنجلع..عقب تركني.. ركضت صوب جناحي..ارتميت ع السرير واطلقت العنـــان لدموعي.. , بعد ما طلعت كل اللي فـ خاطري..حمدت ربي..صحيح ان اللي صار خرب كل شي..بس ع الاقل استمتعت بشوفه اهلــــي..وسليمان توقعته يسوي شي اكبر من جذي..الله يستر بعدني مب مطمنـــه.. \\ بعد مرور يومـــين \\ فجـــــر.. \\ اليوم هو موعد المباراة المنتظر ..! رسمنا الخطة اللي بنمشي عليها.... وكلنا دربنا عدل..مع اني احس في شوية توتر بين الشباب.. بعد نص ساعه بتبدا المباراة.. الكراسي بدت تمتلي بالجماهير........لا يغركم...مب جمهوورنا خخخخخ.. جمهوور الفريق الثاني...مشاءالله والله لهم شعبية كبييييرة...! صديت ع الكراسي اللي المفروض تكون لجمهورنا.. هههههه غمضت عييني مابي اشووووف..والله تووحفه فريقنا.. تخيلوو انه سييد واحد الجمهوور..ههه..!!!! فهد ومايد يسوون تمارين التسخين ويا بعض.. سمعت مايد يقول: شف شف...مالت بس....فرق بين جمهوورنا وجمهوورهم..هذيلاك مسوين عـــــرس ..يطبلون ويغنوون...انت شوف هذيلا بس..تقول يايين عزااا..! كل واحد متربع وحاط ايده ع خده وماد بوزه شبرين.. فهد : هه ويااااليت جمهووور ....الله يخلييك كل هذيلا اهلنا...وبالغصب خليناهم يقعدون هنيي..ولا خاطرهم اصلن يشجعون الفريق الثااني.. انا من سمعته..نقعت ضحـــــــك... طالعووني بنظرة..خلتني اكتم ضحكتي.. تكلم خليفة اللي كان يسمع : مااا عليكم..بعده وقت ع حضور الجمهوور..ع بداية المباراة بيزيدووون.. طالع جاسم فــ عمر : هذا اونه يشجعنــــا..؟! عمر يبتسم : والله حسييت..كل مباراة نفس الكلام... جفت خليفة يعقد ذراعه جدام صدره.. قال : وليش ان شاءالله ما تشدون حيلكم وتفووزون ..وترفعون راس جمهوركم..؟! حميد هز راسه بملل: صح صح كلامك... علي ابتسم ع كلام حمد: يلا شبااب بسرعه سخنو..وشدوا حيلكم في المباراة.. سالم بتشجيع : هيه..خلينا نفاجئهم..مب مهم الفوز...اهم شي نحن نشد حيلنا ونسوي اللي مطلوب منا نسويه.. ناصر يؤشر : شوفوهم..وصلوااااا... , بعد مرور بعض الوقت.. كلنا بدلنا ملابس التدريب..و تجهزنا...ظهرنا جدام الجمهور ونحن صافين طاابور.. عقب ظهر الفريق الثاني.. ووسائل الاعلام تصوور..وتصوور..بدييت احب اني اكون لاعبية كرة قدم.. حسيت عمري مشهوورة ..خخخ... عقب وقفنا في النص متراصين.... وبداا النشيد الوطني.. انشدنا بحمااس.. عقب النشييد..تصافحنا ويا الفريق الثاني... , وقفت و مجابلي كابتن فريق النسر وبينا الحكم.. كان يطالعني بغرووور...انقهرت من نظراته..حسيته متصغرني..او ان نحن مب قد مستواهم.. تذكرت كلام الشباب عنه...خقااق..وكريه.. خيّرنا الحكم عن اختيار اي جهة من القطعه المعدنية.. اختار كابتن النسر..وانا الجهة الثانية.. رمـّى الحكم القطعه المعدنية فووق...عقب مسكها بايده... وكانت ع جهتي.. يعني فريقنا اللي بيبدا في اللعب.. , وقفت في النص وعدالي سالم..وجدامنا الكوورة.. اول ما صفّر الحكم بداا اللعب... ونفس الخطة...كل واحد كان في موقعه المحدد... ركضت ومعااي الكوورة....جفت لاعب من الفريق الثاني ..يتجدم صووبي... مررت الكوورة بسرعه لساالم....اللي كان يركض وحاول يعدي اللاعب اللي جداامه.. عقبها شاتها لحميد...لكن حميد ما لحق ياخذها...لان لاعب الفرق الثاني سبقه.. وراح يركض للتجاه المعاكس لنا.. مررها للاعب من فريقه....واللاعب يمررها لثاني.. الشي اللي يميزهم سرعتهم...! شفت علي...خذ الكوورة عن اللاعب... عقب مررها لخليفة الل كان قريب من عمر..وشاتها له.. ركض عمر..وهو يعدي اللاعبيين... عقب خذها سالم منه.. انا كنت تقريبن قريبة من المرمى... بعد ما خذها سالم الكورة....مررها لفهد....اللي مررها لي... عاد هني انا اغتنمت الفرصة وركضت باسرع ما عندي للمرمى..! سمعت صوت الجمهووور يزداااد...والتشجيع والاصواات تعــلى....وانا ازيد من سرعتي... شووت الكوووورة باقوى ما عندي صوب المرمى..................لكن في العاارضة....!!!!!!!! طالعت منصدمة....كنت بدخل قووووووول.....مسحت ويهي اهدي عمري من القهر.. و اصوااات المشجعيين المحبطة توصلني... \\ في مكان آآخر...بالتحديد...أمــام شاشة التلفاز.. حيث الاخوة المتحلقين امام الشاشة..و ويتابعون المباراة بحماس.. صقر: هههههاااااااي مصخرة... شهاب : هيه والله..... عادل: والله وتطورا...صاروا يعدون منطقة الجزاء...! شهد المستلقية على الاريكة: ههههههههههههههه... اقبلت وهي متحمسة...نظرت الى اخوتها....وضعت يدها حول خصرها.. مريم : لييييييييييش ما قلتوولي ان المباارااة بدت.....؟؟! لمار وهي تاكل الفشار : تعاااالي والله فااااتج....شووفي فريق الصقر..هههه ما اتابع الا مبارياتهم عسب اضحك ع لعبهم..والله يونسوون.. شهد: لاااا تعالي شوفي اللاعب اليدييييد....مشاءالله علييه..يجــنن.. تقدمت مريم واخذت الفشار من يد لمار بسرعه....ثم ارتمت على الاريكة المجاورة.. في التلفاز...المعلق: فارس محمد...الـ... لاعب يديد انضم لنادي الصقر..يقال ان مستقبل الفريق بيكون ع ايد هاللاعب..!! شوو رايك استاذ رائد بهالكلام..؟! الاستاذ رائد : والله ...انا اول مرة اشوفه يلعب...بس بصراحه مستواه جيد جدا..والدلييل انه كان بيدخل هدف في الدقائق الاولى لولا انه ما حالفه الحظ...؟! ومستوى لعيبة الصقر بشكل عاام اشوفه تحسن واايد عن قبل..؟! ( اعادت الكاميرا..ركلة فارس...ومن ثم وجهت العدسة نحوه..) بينما مريم كانت تضحك مع لمار....انمحت ابتسامتها بالتدريج..وهي ترى الشخص الظاهر على التلفاز.. دققت كثيرا....لعل ذاكرتها تسعفها ... فجاة..اكتست ملامحها الحزن..لذكرى رفيقتها المرحومة..!!! همست : الله يرحمـــج يا فجر...!!!!! نظرت اليها لمار باستغراب: فجــر..؟! نظرت اليها بحزن : واايد يشبه فجر....ذكرني فيها.. اعادت لمار نظرها الى الشاشة..ثم قالت : هيييه واناا اقوول منوو يشبه..! \\ فجر.... جفت لاعب النسر خذ الكوورة من ناصر...ويركض صوب مرمانا.. المرة الاولى خليفة شات الكوورة بعيد عن المرمى..لكن الحينة لا خليفة ولا حمييد قريبين من المرمى....ومادري اذا جاسم بيقدر يصدها اولا... اللاعب مررها لكابتن الفرييقين...كانوا يشتتون جااسم... وفجاة....ما سمعت الا هتااااااااف المشجعيين.." قوووووووووووووووووووووول" هــــــــــدف....! , ردينا نكمل اللعب... لازم نسجل هدف التعاااادل..! شفت اللاعبيين شاديين حييلهم..ويحاولون يسجلووون اهدااف... لكن...............! هدف اخر اخترق مرماانا..؟!!!!!!! هنــــي..حسيت الفريق بداا ينطفىء حماااسه.. واللي انقذنا.....صفّآآرة الحكم...! , قعدنا نستريح..ونجدد نشاطنا.. وكابتن يوسف..غير الخطة..وقاعد يفهمنا.. وصوب الكراسي...شفت ابرااهيم..وهذااك اللي يوم قص شعري ابرااهيم هو اول من شافني..؟! مممم شو كان اسمه.... اظن سلطان..؟! وبعد في واحد عداله بس اول مرة اشوفه....كانوا يطاالعوني بنظراات خرعتتني..!! , بدا الشوط الثاني... والشبااب في قمة نشاطهم وحمااسهم... ومقررين ياا ييبون التعاادل..ياا يفوزوون..! . لعبنـــا...وهالمرة بقوووة.....بس هالمرة حسيت الفريق الثاني مستخف فيينا.. يعني سجلوو هدفين ما نقدر نفوز عليهم...! بس نحن بنرااويهم منهم الصقووور.. عشـــنا..خخخخ.. , مشينا بالخطة بالظبط.... انا حطوني قريب من المرمى.... شفت سالم يمرر الكوورة لفهــد..ومن فهد لعمر....اللي عطى الكور لعــلي.. هني..بتبدا خطتي انا وعلي..وهي تشتيت اللاعبين.. في منطقة الجزااء...انا ع صوب اليمين وهوو اليسار... اللاعبين كلهم تجمعوا حول علي عسب ياخذون الكوورة... اوهمهم انه بشوووتها...لكن فجاة شاتها باتجااهي.. وانا بدووري...ركلتها باقوى ما عندي.. وو قووووووووووووووووووووووول... , وناااااااسه..كلهم ركضوا صووووبي...وحييوني..والجمهوور التعيس..استاانس اخيرا..! هههههه... اما الشباب..اللي يلعب فـ شعري ويخربه..واللي يضرب كف بـ كف...واللي يكفخني آآخ..ويكسر عظاامي..>> من الفرحه..خخ مسامحتهم.. اما فريق النسر..حسيت من نظراتهم بياكلونها....احسن..اننننننااا...:p , ردينا للعب.. كم من محاولة منهم يدخلون هدف..لكن نحن سوينا حراسة مشددة ع المرمى :p و نحن واايد ضاعت منا فرص.. باقي ع انتهار المباراة عشر دقاايق.. حسيت ان فريقهم..يركزون علي اناا.. فاضطرينا نستخدم الخطة الاحتياطية.. , بسرعه غيرنا الخطة.. وعند مرماهم... الكوورة ويانا... انا وعلي وسالم وخليفة..متوزعين حول منطقة الجزااء... كل واحد كان يمرر الكورة للثاني...اليين ما حسيت طفرا صدق مناا.. وبدووا يعصبون ونحن راايقين رغم تعبنا.. لكن كنا نظحك... خليناهم مصخرة.. الكابتن سار صوب سالم اللي كانت وياه الكوورة.. كان يبا ياخذها.. مررها لعلي.. ركضوا اللاعبي صوب علي الواقف.. خخخخ مررها لي.. طالعوا فيني بقهر... سويت حركة انه ما يخصني.. مررتها لخليفة...اللي فاجاهم..وركض صوب المرمى.. وووو...قووووووووووووول... " صفّــــــــــر الحكم " كلنـــــــــا ركضنا صوب خلييفة...وناقزنا من الونااسة.... بالرغم انه تعااادل... الا ان كلهم استانسوا..حتى ابراهيم ويوسف وستيفن شفتهم مبتسميين.. اداء الشبااب كاان واايد متحسن... اما فريق النسر.. مافي داعي اقولكم عن اشكاالهم ... سرنا كلنا صوبهم...مديت ايدي للكابتن بود.. قلت بمزح : مبرووك علينا التعاادل.. جفته يطالعني باحتقار وما مد ايده: ما تنلامون..مب شايفين خير..مستاانسين ع التعادل اللي يشوفكم يقول فزتوا...." صد عني ومشى " آآخر زمن....فريق الصقر يدخلون اهدااف عليينا...!!!!!!!!!! ، بعد اللقاءات التلفزيونة وياا الشبااب...طبعن انا مارضييت..بصراحه استحي..وماعرف شوا قول يعني...بعدني مب متعوودة.. تلقينا التهااني من جمهوورنا السعيد ههههه اللي كان تعييس...! وبعد ما كل الجماهير ووسائل الاعلام رااحت.. قعدنا في غرفة التبديل.. تمينا..نسولف عن المبااراة.. ع قولت الشباب..احلى وامتع مباراة لعبوها فـ حياتهم...! ونحن نسوولف...سمعنا حشره برااااا... واغااني وساالفه..! كلهم ظهروا بسرعه براا ..وانا لحقتهم.. سمعتهم يصارخوون بونااسة واللي يصّفر واللي يصفق.. تجدمت اشوف شو السالفه.. جفت منصة صغيرة..بنص الملعب... وفي نصها.. مغنيــــــــــة...تغني وترقص..!! , قرب صوبنا ابراهيم ووياه هذاك الشخص الغريب..وكابتن يوسف وستيفن.. ابراهيم مبتسم :هاااا شوو راايكم بالمفاجاة...مع انكم ما فزتوا...لكن لعبكم الكل مدح فيه...! غير انكم كنتوا شادين حيلكم الفترة المااضية.. فهد مصدوم : هـ..هــ هذي الفنآآنة شهــرزااد....شهرزااد....!!!!! عمر اللي مصدوم نفسه : كيف..؟! كيف قدرت تييبها..؟! ناصر : والله انك مب هيّـــــن...!! ضحك ابراهيم بضحكته اللي اشمأز منها : انا كل شي اقدر اسويه.. ماااالت بس....خاطري بس ادووس ببطنه.. قدم لنا الريال اللي وياه.. ابراهيم: هذا سليمان...مدير اعمال الفنانة شهــرزاد.. , تعرفوا الشباب عليه وتكلموا وياه...وعن هذي شهرزاد..! , عقبها كلهم توجهوا حول المنصة مستانسين... قربت منهم مع اني متضايقة..من ابراهيم ومن هذا سليمان اللي وياه.. مادري هو يعرف اني بنت..؟! اتوقع هيه..من نظراته اللي تتفحصني..! , طالعت في المغنية اللي ترقص.. تاملتها..لابسة فستان طويل لونه احمر..ظهرها عاري...وفيه فتحه توصل لفوق الركبة..مظهره ريولها النحيلة منه.. بصراحه اشمأز من هالاشكاال.. طالعت في الشباب كيف مندمجين ويطالعونها....!! ويرددون وراا صوتها العذب..اغانيها اللي شكلهم حافظينها صم...! وصوت تشجيعاتهم لها.. طالعت ويهها اللي مغطيه هالكومه من الالوان.... طالعت فـ عينها...تأملتها..احس فيها بريق حزن.. ابتسامتها مب طالعه من قلبها..؟! حركاتها متصنعه..! شفت الشباب...احس محد انتبه لها..او يمكن متعودين عليها..؟! نظرت لها بحزن...مادري يمكن معاناتها نفس معاناتي.. مع اني احتقرها...! احتقرها..؟!!!!!!!!!! هه والله انج تضحكين يا فجر..؟!!! تحتقرينها..؟! ليش انتي شوو..؟! ما شفتي عمرج قبل.؟! .. ردييت التفت لها..ابتسمت بحزن ع حالي.. شفتها تطالعني ومركز عينها علي...ردت لي نفس الابتساامة..!!!!!!!!!! عقب صرفت نظرها عني.. \\ ~ |نهــاية الهمسة الثامنة|~ |
~| الهمســــــــــة التـــاســــــــعه |~ \\ شهــــرزاد..~ ، ما تدروون كيف مقهوووورة من سليماان...من رديت من عند اهلي..وهو معذبني نفسيــا...خاايفة ع اهلي واااايد..ادري انه يتريااا غلطة وحده مني...! وبينفذ تهديده اللي كل يوم يسمعه لي... واللي قاهرني زيادة هالحفلة الغبية..!! اللي يقوول فاازوا...شادين حيلهم ويبون حفلة..؟!! ماالت بس.. , لمحت لاعب منهم.. بس حسييته مب متحمس شراتهم... كنتي اغني..وكل شوي اطاالعه.. ملامحه بــريئة...نظرته لها معآآني.. جفته سرح وهو يطاالعني...مادري ليش حسيت نظراته مشفقة لحــالي..؟! ابتســم لي بحـــزن..رديت له نفس الابتساامة بالم اكثر.. .. عقبها ابتعد عن المكان.. لحقته بنظراتي لين اختفى... , خلصت من الاغنية...قعدت استريح ع الكرسي القريب.. و المتخلفين هذيلا..سارو ياكلون..مسوين بوفيه صغير..ههه لو فازوا شو بيسوون؟ , جفت كم من واحد ياي صووبي.. فهد: آآآآآآآآآه بعدني مب مصدق اني اللي جدامي شهرزاد..!!! طالعته باحتقاااار.. انصــــدم.....! عمر: شهــرزااد...خل نغني ونرقص وياا بعض..تراا انا عندليب الفريق... قبل ما اعطيه هذيك النظرة.. دزه واحد ثاني دبدووب.. جـاسم وبايده صحن ياكل منه : لااااا..اول تصوري معااااااي..وعطيني توقيعج.. حميد : لا صدق...غني وياا عموور..والله صووته عذاااااااب...!! فهد يصفّر باعجاب : هيه...سوو نفس ذيك الليلة اللي غنيتي ويا المطرب سعيد ورقصتي معااه..! عضيت ع شفايفي بقهر.. بطلت حلجي بطيح فيهم مسودين الويه...لكن سمعت صوت سليمان.. وطالعني بنظرة خلتني اكتم نفسي .. سليمان: ههههههه..منوو يباا يعيد هذيك الليلة..؟! جاسم : عمووور..الله يخليك استاذ سليمان..قول لها تغني وياااااه.. سليمان : شهرزاد ما ترفض اي طلب لجمهورها..وهي اكيد موافقة..ولا...؟! آآآخ يالقهــــــر..! هزيت راسي موافقة... و هالسبلان ناقزوا من الفرحه..! نزلوو الاغبيااا..وبقيت انا وهالعموور..نتفق ع الاغنية اللي بنغنيها..! قال بحاالمية: لاااا..ابي شرات الغنية اللي غنيتيها ويا المطرب سعيد..! وانتي تكونين ساندريلا وانا الامير..ونرقص ويا بعض... طالعت بـ سليمان اللي قاعد ع وحده من الطاولات وكان يطالعني.. رديت عليه وانا احافظ ع ابتسامتي وبنفس الوقت ارص ع ضروسي : طبعن لااا..وععع الله يلوع جبدك..ما تشوف عمرك متسبح من العرق..وتباا ترقص ويااي..؟!!!!!! لالالا...بنغني غنية "......" وكل واحد برووحه وماله داعي الرقص.. جفته يطالع عمره...عقب مسح عرق جبينه باحراااااج.. قال باحراج : أأ..اووووكي..ع رااحتج....! قلت : حافظ الكلمات..؟! قال : مممم لا مب كلها.. قلت: اوكي..بعطيك كلمات مقطعك.. \\ فجر ، دخلت دااخل..وانا رااسي مصدع من الاغااني.. رحت غرفة التبديل.. شفت علي هناك منسدح ع كرسي طوييل.. من شافني قعد.. قلت مستغربة : انت ما ظهرت براا..؟! علي: لا ظهرت ..بس ما عيبني الجووو ..ورديت هني.. هزيت راسي بتفهم.. يلست ع الكرسي اللي عدال الطوفه وسندت عمري عليه.. قعدت افكر.. ابي اسال هالبنت منوو ابراهيم وربعه..؟! يمكن تعرف شي عنهم..؟! او يمكن في سر ورااهم..؟! بس كييف اسالها..؟! ويمكن هي وحده منهم...؟! افففففف.. .يااااربي..بمووت لو ماعرفت.. احيانا..افكر اروح ابلغ عليهم الشرطة..بس...مادري اخااف.. لان احيانا اجوف حد يراقبني..؟!!! فماقدر اخذ حريتي.. غير ان ابراهيم هددني لو رحت للشرطة..! بس لااازم اكلمها...! بس كيــــــــــف..؟! تنهدت..؟ جفت علي رافع حواجبه : شوو سبب هالتنهيدة..؟! هزيت راسي بمعنى مافي شي.. علي: شو اللي مافي شي..؟ لمحت كابتن يوسف دخل ..واقف عند الباب..ويطالعنا..سويت روحي ما شفته.. قلت : لا بس رااسي يعورني.. هز علي راسه بتفهم..وشكله لمح الكابتن بس ماالتفت له.. قال: انزين رد البييت ...ارتااح.. قلت : بعد شوي برد.. ، التفت لكابتن يوسف اطاالعه برود..رد لي نفس النظرات... قــــهرني ..خااطري اكفخه..خقاااااااااق.. ، بعد مروور الوقت...حسيت الاجواء براا هدت.. وقفت.. ظهرت من حجرة التبدييل..وسرت براا صوبهم.. شكله خلص حفلهم ..! الشبااب يالسين ياكلوون ويسوولفون.. وابراهيم و ربيعه سليمان وكابتن ستيفن وياا بعض يتكلمون.. .. التفت ادوور البنت المغنية..؟! شفتها قااعدة بعييد عنهم و تشرب عصير.. ترددت اروح عندها..؟!! رديت اطاالع فيهم..محد منتبه.. , مشيت ببطىء صووبها.. وقفت جدامها.. قلت بهمس : ممكن اقعد...؟! شفتها تطاالع فيني..عقب هزت راسها بـ " هيه ".. يلست قريب منها.. علقت نظرااتي في الارض.. ماعندي كلام اقولها.. اما هي حسيتها كل شوي تطالعني.. ، بعد مدة..تشجعت وتكلمت.. قلت: أأأ..مم...ابي اقوولج شي...بس....بس..ابيج توعديني اول انج ما تقولينه لحد.. قالت وهي مبتسمة : لا تخاااف..قول..اوعدك ماقول لحد... ياااربي ..اقوول ولا مااقووول..؟! والله اني خااايفه لو يدري ابراااهيم... قالت تشجعني: قوووول..انا وعدتك.. طالعتها وانا مرتبكة: مم ابي اسالج سؤال..يعني قولي فضوول.. سليمـــان..اللي وياا ابــرا....اقصد ويا المدير..منوو هذا..؟! أأأ..مم.. مادري شوو اقوولها بالظبط..؟! سكت..هي ما تعرف شوو ابي بالظبط..ابي اعرف ابرااهيم ويا هذا سليمان..منوو هم..؟ لاني احس ابرااهيم وكل اللي يعرفهم..ورااهم غمووض..وابي اعرف ولو شوي عنهم.. طالعتني تتريااني اكمل..شافتني مرتبكة..وماقدر اكمل.. رفعت راسها فوق ..تنفست بعمق..عقب زفرت بضيق... تكلمت بصوت هادىء : خذني من وسط اهلي..انتزعني من حضن امي... .خذ مني روح ابويه....وو برضاي بعد.. ارواح امي واخواني بايده..متى ما يبا يذبحهم بيذبحهم..!! بعد من خذني..حولني من بنت من اسرة محافظة،..الى فااسقة..مغنية..راقصة..!! وو..غصبن عني بعد.. حرمني من شوفة امي..مثل ما حرمني من شوفة ابوي..! مادري شو بالظبط تبيني اوصف لك عنه بالظبط.. لكن هوو.. وباختصاار.. " وحش في هيئة انســــان " وحش في هيئة انســــان وحش في هيئة انســــان وحش في هيئة انســــان هذي الجملة اللي ترددت في رااسي..! معقـــولة..اللي يالسة اسمعه...؟! بعدني مب مستوعبة اللي قاعدة تقوله..؟! الحينة هذي..شهــرزااد..اشهر مغنية...وراها سالفة...وبعد مب اي سالفه.. ما توقعت انها تقولي كل هذا..! توقعت تقول ماعرف..هو مدير اعمالي وبس..او تكون مخدوعه فيه..؟ ، التفتت لي..ومسحت دموعها باطراف اصابعها.. كملت ... قالت لي كل شي..كل شــــــي.. طالعتها بخوف من اللي اسمعه.. حسيت حالتها اسوأ بمئآآآآت المرات من حــآلتي.. نقلت نظري صوب ما ابراهيم وسليمان قاعدين.. يتلي قشعريرة.. مادري شوو مصيري بيكون.. مثل ما توقعت ابرااهيم مب هيّن ابدن...ابراهيم وسليمان و يوسف مجرمين.. همست : مجـــرمين..! شهرزاد : ليش تبا تعرف عن سليمان..؟! وشو سالفة ابراهيم مديركم..؟ طالعتها بحزن : لان نحن الثنتين طحنا في ايد نــاس ما ترحم...! طالعتني باستغراب : " الثنتيـــن "....؟؟!! غمضت عيوني ... وسردت لها قصتي.. : انا فجر..عمري 18 سنة...بنية.." شفت نظراتها المستنكرة " فقدت اهلي من 8 شهور..كيف وليش..؟ مادري..اللي اذكره..انه صار لنا حادث واحترقت السيارة.. بس انا قذفتني السيارة بعيد قبل ما تحترق.. اخر شي سمعته صرخت امي بــ " فجـــــــــر " واللي عرفت عقب انها احترقت مع ابوي في السيارة.." سكت..ابلع غصتي ".. اللي انقذني..وبنفس الوقت موتني..هو نفسه ابراهيم.......( وكملت لها قصتي ).. طالعتني مصدومة..في البداية ما صدقتني.. لكن شوي شوي..بدت تصدق كل اللي قلته.. ، حطت ايدها فوق ايدي...تواسيني.. حطيت ايدي الثاني بعد فوق ايدها... نواسي بعض..! \\ علــــي.. ، وقفت..وخذيت شنطتي..برد البيت.. ظهرت براا غرفة التبديل..بسال فارس اذا يباني اوصله البيت او لا..لان ما عنده سيارة.. تفاجأت بالكابتن يوسف..متسند ع الطوفه ويرمس في التلفون.. من شافني بند...وقرب صوبي.. عدل نظارته اللي ع عينه...وطالعني.. قال: بترد البيت....؟! قلت: هييه.. قال: ليش ما ييت تحتفل ويا الشباب..؟ قلت بملل : مالي خلق.. رفع حواجبه ...جفته كان بيكمل سوالفه وياي..بس صديت عنه..وسرت ادور فاارس.. جفته قاعد ويا المغنية ....!!!!!! شوو يسوي..؟! لا وحاط ايده ع ايدها..؟ سرت صوبهم قبل ماحد ينتبه.. من جافني وقف وياا صوبي.. قلت بهمس : انتبهــي لتصرفااااتج..تراا انتي بنظرهم ولد..! هزت راسها وكانها توها تتذكر..! طالعتها.. منزلة عيونها...حسيت جسمها فيه رجفه.. طالعت فــ " شهرزاد" اللي من شافتني اطالعها نزلت عيونها.. ؟؟؟؟؟؟ فييه شي..؟! جفت الكابتن يوسف يقرب صوبنا.. اففففففف...هذا شفييييييه...؟! قال وهم مبتسم على غير العادة : اشووف كونتوا صدااقة ....فارس و شهرزاد..! فاجأتني شهرزاد يوم ابتسمت..توها كانت مبوزه..!! فارس ابتسم ببرود لـ كابتن يوسف..واشر عليه وهو يكلم شهرزاد : هذا مدرب الفريق ...كابتن يوسف.. شهرزاد مبتسمة : تشرفنا..! لحظة صمت.. قطعتها : فاارس بتيي وياي اوصلك..؟! قال : هيييه..يزااك الله خيير..والله جسمي متكســـــر..! مافيني امشي لين البيت.. بسير ابدل وبيي.. ، دقاايق..ورد فاارس.. ظهرنا من النادي وركبنا السيارة... , قلت : فجــر..؟! انتفضت...قالت بهمس : لااا تقول فجر...الله يخلييك..! طالعت فيها ..مسكينة والله..خاايفة اغلط جدام حد واقولها فجر..! شفتها ترتجفت..!!!!! مسكتها من كتفها اهزها.. علي: شوو فيج....؟!!!!! طالعت فيني بخوف : خـــآآآآآيفه..خــآآيفه وااااااااااايد.. قلت مستغرب : خاايفة من شوووو...؟! قالت : من....من كل حد..من ابراهيم..ويوسف ..وستيفن...وحتى سليمان هذاا.. قلت مستنكر : شوو الساالفه...؟! وليش خاايفة منهم....؟! انفجرت تصييييح...وتصييييح..وتصيييييح...!!! وقفت ع جنب..بعد ما تاكدت ان مافي حد كان يراقبنا.. خليتها تصيح ع راحتها..يمكن ترتاح..او يروح الخوف اللي فيها.. ، بعد مدة هدت.... وو قالتلي كل شي...! عرفت سبب خوفها.. انا خفت عليها بعد...لان ابراهيم وشلته..ناس مب عاديين ابدن.. مجرميــــن..! قلتلها بشتكي عليهم..ترجتني..وترجتني..وترجتني ماقول لحد..! اخر شي رضخت لها.. في النهاية هي ما تثق الا فيني..! بس ...هل بقدر اشوف انسان يتعذب واسكت...؟! ماادري..! انا بروحي مادري شو اسوي...؟! ، وصلتها بيتها.. وعقب رديت بيتنا.. \\ ~| نهــــاية الهمســــة التــاسعة |~ |
:1711:لا تحرمونيي من تتوقعااتكم ^^ |
يسلمو عنوني ع هيگ بارت كشخه |
اقتباس:
|
الذين يشاهدون محتوى الموضوع الآن : 2 ( الأعضاء 2 والزوار 0) روحي بلقااكك, غايه العمر رضاك منورهه خيتي لا تحرميني من توقعاتج |
~| الهمســـــة العــــآشرة |~ ، بعد يومين ، شهــــــرزاد ..~ \\ مادري شوو اقوول.. واااايد تاثر من اللي صار لفجر..حمدت ربي مليون مرة.. ع الاقل انا عندي اهل.. هي ما عندها..؟! وبعدين اللي ما يتسمى هذا ابراهيم واااايد عذبها ونكد عليها عيشتها...! صدق اللي يشوف مصايب غيره تهون عليه مصيبته.. حبيبتي .. الله يكون فـ عونها.. ، هاليومين واايد تمردت ع سليمان..حقدت عليه وعلى ربعه المجرمين.. كل ما يقولي سوي شي.اعاانده.. شوو يعني لين متى بتم ع هالحال.. حتى شغلي..طلبت منهم يعطوني اجازة لين ما تحسن اوضاعي.. وحلييلهم واافقوا ...!! , الحينة يالسة افكر...كيف اقدر اروح للشرطة واشتكي...؟! بس بالاول..لازم اهلي يكونون فـ اماان..!! بس وين ايييبهم..؟! , سمعت تلفوني يرن..! شليته..شفت رقم فجــــر..! ابتسمت.. من يومين وانا ارمسها في الفون..عطيتها رقمي يوم قالتلي كل شي عنها..! ، رديت : آآلوووو.. ردت علي بصوتها الرجولي : آآلووو..مرحبااا شهرزااد.. شهرزاد : مرحبتييين فجوور...شحاااالج...؟! فجر : يسرج الحااال...وانتي..؟! شهرزاد : مديم حاالج..والله تمااام.. فجر: اشووفج هالاياام فااضية ما ورااج شغل..؟ ولا مرة دقيت ومارديتي علي..! شهرزاد : واللي يسلمج مسويه اضراب على سليمان..قلتله ما بسوي ولا شي..! فجر " منصدمة" : من صدقج..؟!!! لا تستهبلييين شهرزااد يمكن يسوي فييج شي.. شهرزاد بالم : خليي يسوي اللي يبااا....لين متى بتم ع هالحاال..؟! فجر :........ شهرزاد بعزم : انا مخططه اروووح الشرطة واشتكي عليه... شهقت فجر وقالت بصوت مرتجف : لااااا الله يخلييج شهرزاد لا تتهورييين..!!!! بتموتين قبل ما توصلين للشرطة,. بعدين فكري فـ اهلج..! وشو ممكن يستوي فيهم..! شهرزاد : لا تخافين..اهلي اول شي بحطهم فـ مكان آآمن..عقب بنفذ مخططاتي.. فجر: ......... شهرزاد : وكذي ما يقدر يسوي شي سليمان..اما اذا يبا يذبحني انا..ف حلال عليه.. فجر بصوت مخنوق : شهرزاد.......مابي اخسرج انتي بعد..! والله حبييتج..واعتبرج اختي اللي ما يابتها امي...، الله يخليييج..ارجووج..تحملي..تحملي..اكيد في يوم بنتحرر منهم..! شهرزاد بصوت حنون : فجوور حبيبتي...اي يوم اللي تتريينه ايي..؟! انتي ما تبين تعيشين حيااتج شرات الناس..؟! ما تبين تردين بنية ..؟! ماتبين تردين تدرسين ....؟! وتشوفين ربعج..وكل اللي تحبينهم..؟ فجر بالم : اصلا منوو اللي بقى لي...؟! ، سكت ما رديت عليها.. ، شهرزاد : يلا الحينة ببند..تامريني بشي..؟! فجر برجاء : الله يخليييييييج فكري........! شهرزاد: ان شاءالله.....مع السلامة.. فجر : فمان الله.. ، بندت وانا افكر فييها... منوو يصدق انها بنية...؟ احس بشعوور غرييييب يوم ارمسها في الفون..صوتها رجوولي..بس طريقة كلامها توحي انها بنية.. صدق مجرم اللي سوا فيها كذي.. , سمعت صووووت حششرة براا..؟!!!! ظهرت برا بسرعه.. سرت صووب الدري.. طاالعت تحت ابي اجووف شو الساالفه.. , انصدمت من اللي شفته..؟! سليماااان وهوو في قمة غضبه..! وجدامه حرمة مرتمية ع الارض وحاط ريوله فوقها......! صااااارخ وهوو يدووس بريووله عليها : خليييييها اتيي تجووفج الحقـ*****..يمكن تتادب..! انتفضت يوم سمعت اسمي.. سليمان بصراخ : شهــــــــــــــرزاد......! رفع راسه وجافني واقفة في اول الدري.. ابتسم باستهزاء : تعااااالي يا عمري..تعااالي جوفي اللي جنيتي بايدج ع نفسج..! ، بدااا قلبي يدق بقوووة.. نزلت حبه ..حبه..ع الدري..وانا اطاالع الحرمة اللي طايحه ومنزله رااسها.. بلعت ريجي.. غمضت عيني واحاول ابعد تخيلاتي..! ياااارب مب هي..ياااااااااارب.. وقفت قريب منهم.. امثل القوة جدام سليمان.. قال : هه....انا برااويج كيف بكسر راااسج هذا..! مسك الحرمة من رقبتها.. ووقفها بقوة..! ، تدروووون بشو احس الحينة..؟!؟ اجوووووف الحينة مشهد ابوووي يتكرر جداااااااااامي...!!!!! بـــــــــس.. على امي..!!!!!!! ، تاملتها...! لسااني انربط....! مادري شووا سوي..!! \\ هاهو السيناريو يتكرر امام انظار شهرزاد... ، تلك المرأة الضعيفة..تنظر الى ابنتها بتقاسيم وجهها المؤلمة.. وذلك عديم الرحمة ممسك رقبتها بقوة..يمنعها حتى من معانقة ابنتها..! اسرعت ابنتها لترتمي في حضنها...تشبثت فيها بكل ما تملك من قوة.. تحاول منع ما سيحدث بعدها..! لا تريد ان تفقدها ايضا..! نظرت امها الى عينيها بأسى.. كانت تريد ان ترفض...ان تتوسل الى ذلك المتوحش.. لكن.. تكلمت لغة العيون.. منعتها والدتها.. لانها....على صواب.. والدتها مستسلمة.. وهي تنتظر بصيص من الامل لكي تنقذها.. ليس لديها الا خيارين احلاهما مر...! كاادت ان تركع عند قدميه..ليترك امها.. توسلت اليه بــ ان يحررها.. و تموت هي...! نعم..يقتلها..يمزقها..يفعل بها ما يشاء.. الا امها..! لكنه...ابتسم بابتسامته المرعبة.. و ، حاول بكل وحشية انتزاعها من احضاان ولدتها.. تمسكت ..وبذلت كل مالديها لكي تبقى في احضانها..! لا تريد ان تنحرم من استنشاق عبيرها..للابد.. ، صـــــــــــرخت.. ركضـــــــــت.. حاولت ان تتعلق فيها..لكنه ابعدها بكل قسوة...! رأتها وهي تبتعــــد.. و تبتعـــــد.. و تبتعــــــد.. ولم يبقى سوى طيفهـــــــــا.. صـــــرخت بكل ألـــــــــم....وبعدها اطلقت لدموعها العنــــــــان..!! \\ ، ياالسين نتمرن.. و طوووول الوقت وانا سرحآآآآآآآنة ... وخاااايفة فـ نفس الوقت.. مااادري شوو اللي بتسويه شهرزااد.. اللي عرفته عنها فـ هالايام اللي طاافت..ان راااااسها يااابس.. واللي فراسها بتسويييه...! , يااااربـــــــي.. ابي اعرف هي راحت ولا لا...؟! شوو سوت بالظبط.؟ وقفت من التمرين... سرت صووب الكراسي..هناك حطيت مبايلي... , الكابتن يوسف : فآآآآآآآآرس...!! التفت بسرعه له.. قال باستغراب: وييين سااير..؟! التمرين ما خلص...؟! ضحكوا الشبــــاب.. حكييت راسي باحرااااج.. قلت بارتباك : كنت ابي غرشة المااي.. طالعني و ما تكلم.. ردييت اتمرن وياهم.. ، عقب التمرين.. مسحت ويهي بالفووطة اجفف قطرات العرق.. حسيت بحد وقف ورااي.. التفت اجووف منوو.. طلع علي... واقف متكتف ويطالعني... طنشته.. فتحته غرشة الماي وشربت منها.. قعدت ارتاح شوي.. وهوو بعده واقف.. رفعت راسي له.. قال: شووو فيك...؟! طالعته بدون ما اتكلم.. ماادري كيف يعرف ...دووم اذا فيني شي يعرف على طوول.؟! قال : عرفت..لان اللي فـ قلبك..مطبوع فـ ويهك..! جفتوو..؟! يقدر يقراا اللي فـ داخلي..! قلت : شي مب مهم.. قال باصرار : لا شي مهم..وبتقولينه.. قلت ابي افتك من حنته : عقـــــب بقوولك.. , شليت مبايلي ورحت بعيد شوي.. دقييت عليها.. انتظرت.. وانتظرت.. ماردت...؟ دقيت مرة ومرتين وثلاث......ولا ردت..؟! بدييت احاااتي..اكييد صاار شي..؟ تمييت ادوور في المكاان... شووا سوي..شو اسوي..؟!! سمعت صفارة الكاابتن.. افف مب وقته ابدن.... ، ردييت للتمرين..وانا نص التمرين اسويه ونصه اتم وااقفه وسرحاانه..! عقب ما خلصنا.. بسرعه بدلت..وشليت شنطتي وظهرت... وانا فـ طريقي للبيت..دقييت حق شهرزااد..وبعد ماردت.. جفت سيارة علي وقفت عدالي.. فتح الدريشة وقال : اوصلك..؟! هزيت راسي بـ لا .. قلت : مشكوور ما تقصر.. طالعني ...عقب قال : ما بتقووولين..؟! قلت بضيقة : عقب ما اخلص تمريناتي ويا الكابتن ..تعالي وبنروح مكان وبقولك.. هز راسه موافق ...اشر لي بـ " مع السلامة " وتحرك.. ، اللــيل.. ، مشييت وانا مترنحه.. الله يااخذه ويفكني منه ياااااارب... ما خلى جزء من جسمي الا وكسره من الضرب..! كريــــــــــــــــــه..حقــــير..يبااا أي سبب بس عسب يكفخني.. " : اليوم انتي تعرفين شو سويتي.. انتي بنفسج تبين تنضربين وتتعاقبين.... انا اللي علي لازم اسويه..ابراهيم قالي اذا ما تمرنت عدل..أدبــها..! ( وبدا السوط يرسم اشكال على جسمي ) " يااربــــي..صدق تعباانة من الخااطر مادري متى بوصل البييت.. ابي انخمــــــــــد وارتــــاح..! لحظة...!!! علـــــــــــــــــــــي...نسييت سااالفته..! ماابيه يجووفني وانا فـ هالحااااله.. يكفي انه جافني مرة..! ، وصلت البيت.. طلعت الدري بالموووت .. فتحت الباااااب.. دخلت وبندته من وراي.. مشيت خطوتين وطحــــت... خلاااص انهد حيلـــــي..! احس ان غرفتي بعـــــــيدة..مع انها بس تبعد خطوتين..! انجلبت ع ظهري.. وغمضت عيوني.. شكلي برقد هنـــــي..! , تذكرت شـــــي...؟! كاني شفت الليتااات مبطله...!!!!!!! فتحت عيوني بسرعه.. خفــــــــت ..! جفت ويه علي جدااامي.. قلت بتعب : بسم الله..علي...؟! شو ياااابك هني...؟! مارد علي.. بس ساعدني اوقف..ووصلني لين السرير.. انسدحت..بس لفت انتباهي شخص ثاالث في الغرفة..؟! طالعت..جفت وحده لابسة عبااااة وشيلة...؟! دققت فــ ملامحها..! شهــــــــــــــــــــــــــرزاد...؟!!!!!!!! كنت بقوم..ابي اروح لها.. لكن هي بسرعه يت عندي..ومسكتني تمنعني.. مست ايدها بقوووة.. قلت بصوت تعباان ومنفعل : شهــرزااد..انتي..انتي بخيير..؟! وشووو صاار..؟! ولييش انتي هني.؟ تاملت ملامحها ....كانت تصييييييح..؟! عيوونها منتفخه ..وخشمها احمر..! طااح قلبي ...اكيييد صاار شي..؟!!!! بس هي ما ردت علـــي.. تمت تتفحصني منصدمة..! \\ علــــــــــي.. ، عرفت كل شي من شهـــرزاد..واللي صاار لها.. , شفت وحده واقفة عند بوابة النادي.. متغطية كااامل ولا ظاهر منها شي..وكانت تسال الحارس عن فارس..! شفته يعطيها عنوان بيته.. وركبت التاكسي..ولحقتها.. , عقب اكتشفت انها شهرزاد.. كانت منهاااااااارة..! طلعتها شقة فجر.. وقااالتلي كل شي...! الله يصبرها ياارب.. ، بس تفاجات من شكل فجـــــر...! انا توقعت خلاص...ما بيضربها هالحقير.. والله كل وحده حالتها اخس عن الثانية..! , رحت المطبخ التحضيري اللي موجود..فتحت الثلاجة..بسوي لها اكل خفيف.. , بعد ما جهزت اكلها..سرت الغرفة.. شفت فجر يالسة,و شهرزاد حاضنة راسها وتصيح .... والله حاالتهم صعبــــة.. تقدمت.. حطيته الاكل فوق الطاول القريبة.. بعدت فجر من شهرزاد.. قالت بتعب : ماااباااا علي..والله صدق ما لي نفس. سويت لها طااف : وين الدواا..؟ اللي هذيك المرة عطاج الطبيب..؟ اشرت لي ع الكمدينو..فتحته..وظهرت المرهم والدوا والضمادات.. خذته مني شهرزاد.. طالعت ف ايدها ورقبتها وريولها... كلها خطوووط واشكااال ....تشوهت المسكينة...! ومن كثر الضرب..بعض الجروح تنزف..!! خليت شهرزاد تداوي جراحها.. , قعدت في الصاله الصغيرة.. الحينة انا اسير اشتكي علييهم..؟ ولا شووا سوي بالظبط..؟ اتم وااقف و اطاالع فيهم..؟ ، شفت شهرزاد يت وقعدت عداااالي.. قالت : رقدت مسكيينة من التعب..! حبيبتي والله ما تستاهل اللي يصيرلها..! " دمعت عيونها" الله يااااااااخذهم يااارب..الله ياخذ حقنا منهم.. عدلت قعدتي وقلت بجدية : الحينة شو بتسوين....؟ قالت: اليوم ببات هني.., وباجر بسير دوامي..وعقبها بدور لي مكاان اعيش فيه.. قلت بتفكير: لكن سليمان على طول بيحصلج.! افضل اتمين هنيي..محد بيشك انج هني.. ويوم بتظهرين من البيت..بيحسبون انج من اصحااب البيت اللي تحت..! قالت بتردد: بس...بس اخااف اورط فجر ويااي..هي برووحها مب نااقصة..! قلت: لا ماا علييج..انتي خلييج هني مؤقت..لين ما افكر شوو اقدر اسوي.. قالت بسرعه : علي..ارجوووك لا تتدخل في مشاكلنا..انت مالك ذنب..! اذا دخلت اول شي بيسوونه بيؤذوون اهلك.. قلت بانفعال: حتى انتوو بعد مالكم ذنب..!؟ واهلي......." سكت " عقب كملت.. : الله بيحفظهم ان شاءالله.. وقفت بسرعه : قلتلك لاااا تتدخل ارجوووووووووك..انتي ماااا تعرفهم..!!!! قلت : لااا اعرفهم...." سكت شوي " خلاص انزين لااا تخافين ما بحط راسي براسهم.. طالعتني بنظرات شك...؟ عقب تنهدت براحه..ويلست.. وقفت..ترخصت برد البيت.. ظهرت من البيت بس من الباب الخلفي..عسب محد يشك.. ورديت البييت وانا افكر في شوو اللي اقدر اسوييه عشانهم.. \\ بعد يومين.. \\ بدر البـــدور..~ وهاا قد وصل طعــــامي اللذيذ..! ومن الشخص المجهول ذو الخطوات المختلفة عن الخطوات اللي اعتدت عليها.. اكلت بشهية وبسرعه قبل ان تاتي المخلوقات الصغيرة وتلتهمها قبلي.. , بعد ان انتهيت ....استلقيت على الارض لاناام.. , سمعت صوت خطوات تقترب..و...صحن يدخل ... هوو بقايا الطعاام الذي كنت اكله في الماضي..! اصبح الان طعام المخلوقات الصغيرة التي تعيش معي.. بعدما ابتعدت هذه الخطوات.. سمعت خطوات اخرى قادمة.. دققت السمع.. انه الشخص المجهوول..! جلست بسرعه.. هو ليس موعده الان ليأتي..؟! , سمعت احدا يتعبث في الباب..؟! ابتعدت الى اخر زااويه.. ارتعدت اوصاالي.. .. و انفتــــــــــــــــح الباب المؤصد اخيرن..!!!! تسللت خيوووط النووووور بقوة الى الداخل.. اغمضت عيني بسرعه من شدتها..! سمعته يتكلم لكن لم افهم ما يقول..؟ بصوت خافت: انتيي ويين..؟! بدووور..بدوووور....؟! سمعت خطواته تقترب..وتبتعد..وهو يتكلم..وانا ارتجف..واتمنى ان لا يجدني..! , لكن فجاة توقفت خطواته....ثم اخذت تقترب مني شيئا فشيئا.. احسست بـ انفااسه قريبه مني.. ومن ثم.. احتضني بقوووووة..ليهـــدأ من روعي.. يتكلم..ويتكلم..ويتكلم..وانا لم افهم ما يقووول...!.!!! : يلااا بسرعه بظهرج من هنــــي...! لاا تخــــاافين ما بسوي لج شي..بحمييج انااا.. احسست بشيء يلتف حول عيني... : بغطي عينج عشان الشمس...! ثم..شعرت بنفسي ارتفع عن الارض..حملني...ولم ادري الى اين.....!!!! ~ | نهــــاية الهمســـة العــــاشرة |~ |
~| الهمســــة الحادي عشـــرة |~ \\ بدر البدور ، بقيت انتفض بين يديه..احسسته يضمني اليه بشدة.. همس: لا تخاافين..انتي فـ اماان.. ارتعبت عندما همس لي بكلامات لم افهمها.. تمنيت لو اني بقيت هناااك في ركني المظلم..او ان أمووت...!! ، شعرت بنفسي انزل على الارض...ومن ثم سمعت خطواته تبتعد.. تحسست المكان بيدي.زحفت ..وانزويت في ركن من اركانه.. ، : حيااااك دكتوور تفضل.. سمعت بخطوات تقترب من المكان..احدها خطوات ذلك الشخص..اما الاخرى لم اتعرف عليها.. انكمشت على نفسي.. : بدوووور...؟ بدوور ويينج..؟! الدكتور: يمكن شردت ..؟ : لااا ماظن..هي واايد تخااف..( اشار بسرعه الى مكان بدور ) هذي هي.. , حمل بدر البدور بين يديه..ووضعها على السرير.. اقترب الدكتور وبيده حقيبته التي تحمل اغراضه الطبية.. الدكتور : كم تووقع عمرها الحينة...؟ ...: مممم اظن 13 سنة..! الدكتور: الحينة بشل الربطة من عيونها...لازم نخليها تشوف الضوء تدريجيا..المدة اللي انحبست فيها في الظلام مب قصيرة..واحتمال يكون عندها قصر نظر.. نظر الى الطبيب باهتمام..وهو ينزع الرباط ع عينيها.. ما ان ازاله عنها...اغمضت عينيها بشدة..و من ثم بدات بفتحها تدريجيا... اقترب منها الطبيب ليفحص عيناها.. ولكنها فاجاته بصرااخها الشديد.. نطقت بعبرات غير مفهوومة.. وانكمشت على نفسها بقوة وهي تصرخ وتصرخ وتصرخ لعلها تمنعه من الاقتراب..! اقترب الاخر ليهدىء من روعها..لكنها ايضا رفضته.. حاول الطبيب مرات ومرات محاول الاقتراب منها..لكنها رفضته وبقوة.. نظر الى الطبيب باستغراب..يريد منه تفسيرا.. الطبيب وهو يعدل من وضعية نظارته: شكل عندها اضطرابات نفسية وخوف ورهبة من الناس..ووو....احتماال..تكون فقدت قدرتها على النطق..لكن تعرف لازم بعد اسوي لها فحوصات في المستشفى عشان نتاكد.. هز راسه متفهما..ونظر اليها باسف... شعرها الطويل والاشعث.. ملابسها الممزقة والرثة.. اظافرها الطويلـــة.. عينها الزائغه من الخوف.. الطبيب : يبالها اهتماام..ولازم اتييبها عندي افحصها.. ...: ان شاءالله بوصي من يهتم فيها...وبييبها عندك في اقرب فرصة .. حمل الطبيب حقيبته وخرج.. \\ فجــر..، كــــــــــــرهت كل شي في الدنيااااااا..! من عقب ما قالتلي شهرزاد عن اللي سووه في امها..كرهتهم اكثر واكثر واكثر..! يالله احس كل ماذكر يوم كانت تقولي شهرزاد عن اللي صار..احس اتييني غصــه..! ما اتمنى ابدن اكوون فـ موقفها.... انا انضرب..اتكفخ..يذبحووني..يحولوني من بنية لولد...كله بالنسبة لي يهوووون ولا انهم يسوون شي فـ اهلي..! ، مستحييل اصلن اكوون في قوة شهرزااد.. هي قدرت تتمرد..اناا..مااقدر..مااقدر..اخااااااف.. كم مرة حاولت اتمرد على ابراهيم ويوسف..ومصيري كان الجلد...! , شهرزاد نفس ما قالت بتسكن عندي مؤقت..ردت لشغلها...وانا هاليومين بعد اتمرن في النادي..وفريقنا كله يحاول يشد حيله لان ورانا دوري.. علي..يوميا يمر عليينا في شقتي ..يطمن على اخباارنا.. بصرااحه انساان مافي مثله..منوو بيدخل في مشاكل غيره ويحاول يحلها..؟ لو غيره..كان فضحنا..ولا ..ولا كانه يعرفنا.. صدق..صديق وفي..! ، الحينة خلصت من تمارين النادي.. برد البيت عقب بروح الصالة قبل ما اتاخر ع الكابتن يوسف .. ، الساعه 10 ونص بالليل.. ، خلصت من تدريبااتي ويا الكابتن يوسف.. رديت البيت.. وفي المدخل التقيت بشهرزاد اللي توها يااية.. دخلنا داخل ويا بعض.. كانت تسولف عن شغلها..وعن اللي سوته اليوم.. مع هذا كانت حزيينة..من الخااطر..! كل شوي تسرح..وتم سااكته.. ، قالت بشرود : ابي اسير اشووف اخواني..شصار فيهم.؟! شوو سوو بعد ما راحت امي عنهم.؟ منوو عندهم.؟ منوو يهتم فيهم.؟!!!! تدرون..نسييت سالفة اخواانها..؟!!! صح شصاار لهم..؟ قلتلها مستغربة : ليش ما سرتي عندهم..؟!! قالت بانكسار : علي منعني..قال اكيد سليمان مشدد المراقبة على بيتنا.! قلت بتاييد: هييه اكيييييد..! , كل وحده سرحت ...فــ عالمها...ما ندري شو بيكون مصيرنا في النهاية..! ، سمعنــــا صوت حشرة بـــرا... شهرزاد مستغربة: انا من ييت هنــي وانا اسمع هالحشرة براا.؟ قلت: هيه..هذيلاا اليهـــال.."ابتسمت" حلييلهم..كل يوم تقريبن يطلعون فوق السطح يلعبون.. شهرزاد باستنكار :يلعبون في السطح.؟!! وبالليل.؟ مب خطير عليهم وهم بروحهم.؟ قلت: حتى انا استغربت..وفكرت اكلم اهلهم..بس مرة ضحكت عليهم..يحسبون في فوق السطح وحش..واونهم بيخوفوونه.. شفت شهرزاد تبتسم بحزن...اكييد تذكرت خوانها..! وقفت : بسير اردهم عند اهلهم.. هزت راسها توافقني.. ظهرت..صعدت لفوق السطح..كانت فيه غرفة او مستودع قدييم.. شفت اليهاال يضربوون البااب ويصاارخوون..! بصراح انا بنفسي خفت..الاضاءة واايد خاافته..استغربت كيف ما يخاافون.؟؟؟ رحت صووبهم...حاولت اسكتهم... وبعد ما هدوو..تجمعووا حولي.. قالولي اسمهم : خالد..حموود..رشود..نورة.. قلت : شوو تسوون انتوو هنــي بروحكم...؟؟ ما تخاافون.؟ خالد : نخوف الوحش.. قلت بهدوء: حبيبي..هني ماشي وحش..اصلن مافي وحووش ابدن.. صرخ رشود : مااماا تقول هني في وحشه..روحو خوفوها عشان تتادب..! كنت بضحك ع برائتهم.. بس ابتسمت : لا حبيبي..مافيه.. نورة: انا ثمعت ثووته..يحــوف..! ( انا سمعت صوته..يخوف ) طالعتها..كانت لاصقة فــ اخوها.. حمود: هيه والله..حتى انا سمعته..! حطيت ايدي ع خدي : وشو قاال.؟ خالد بانفعال: طلع صوت نفس صوت الوحش..! هـنـــي..ماقدرت امسك نفسي..ضحكت علييهم...وعلى خياالهم الوااسع شفتهم عاقدين حواجبهم..ليش اني ما صدقتهم.. سحبني رشود من ايدي.. وقفت جدام الباب.. رشود: انتي دقي الباب بقووة..وهي بتصاارخ.. طالعت في الباب..اللي لونه رااح وعليه خدووش...هههه من كثر ما يضربونه..! حسيت شكلي بيكون غبي لو ضربت الباب..بس شو اسوي..لازم عسب يقتنعون.. حاولت افتح الباب..بس كان مقفل.. شفت تحت في الباب فتحة على شكل مربع.. نزلت تحت على مستواها..حاولت افتحها ماقدرة..عليها قفل..! خــالد: هالفتحه مقفلة..المفتاح عند خدامتنا.. طالعته مستغربة: وليش هالفتحه.؟ حمود: عشان الخدامة تفتحه وتعطي الوحشه اكل.. زااادت حيرتي..؟!!! شو الساالفه.؟ وليش الخدامة تحط اكل هني.؟ ولا كل هالكلام اليهال ظهروه بروحهم.؟ اعتدلت فـ وقفتي.. قلتلهم: يلا يا شطوورين..الحينة بننزل تحت..ما بصير تتطلعون بروحكم مرة ثانية.. خالد: بس امي تقول عادي رووحو.. حطيت ايدي ع خالد: خالد انت شاطر وكبير..لا تخلي اخوانك يطلعون..يمكن حد يطيح من السطح..او يصير له شي..يعني هالمكان مب حق الصغار نفسكم.. لا تلعبون هني..العبوا تحت......يلا الحينة تعاالو وياي بنزلكم تحت.. استغربت من اللي يقولونه عن امهم..؟ معقولة تكون بهالاهمــال.؟ مسكت يد نورة..ونزلت وياهم تحت.. خالد : فاارس..انت لاعب كوورة صح..؟ ابتسمت : هييه.. خالد : انا احب الكورة..ويوم اصير كبير بستوي لاعب شراتك بعد.. حمود: وانا بعد.. رشود : وانا بعد ابا اكون الكابتن.. ابتسمت: ان شاءالله..كلكم تصيرون اقوى لاعبين.. وصلنا تحت.....بس فجاة شفت خدامتهم ظهرت جدامي ووياها صينية فيها اكل..وشكلها كانت بتطلع فوق..ارتبكت.. طالعت في الاكل..كان بس البقايا..احترت..! رشود صاح بانفعال: شفتي..فيي وحش..الحين جوليا بتعطيه اكل.. ارتبكت خدامتهم اللي اسمها جوليا.. سالتها: وين مدام.؟ قالت: د..دد..داخل...مدام..موجود داخل..الحينة ينادي.. ردت بسرعه لداخل.. شويه وظهرت لي وحده....لابسة جينز رااص..وبدي..وترمس في المبايل..وتطالع اظافرها الطويلة المصبوغه بالاحمر..وشعرها الاشقر ع كتوفها.. ام خالد: هييه...لاااا..حلـــفي..؟!! " ضحكت بمياعه "..حبييبتي والله..اوكي حياتي عقب برمسج..الحينة مشغولة شوي..يلا بــاي.. جفتها تبند مبايل..و طالعتني اخييرن..جفتها رافعه حواجبها.. قلت : احــم...ام خالد..؟ قالت برقة زايدة : سميرة..اسمي سميرة..لا تزقرني ام خالد..بسم الله علي..احس رووحي كبيرة بهالاسم وانا بعدني شباب.. انصدمت..ما توقعت انها امهم..قلت يمكن اختهم..؟ عمتهم..خالتهم..اي حد يقربلهم.. بالله هاا شكل ام..؟ قاطعت تفكيري : آآآآآمر...؟ قلت بسرعه : لا بس شفت عيالج كل يوم يطلعون للسطح بروحهم..وحبيت انبهج عليهم..لانه مب زين يصعدون بروحهم وبالليل بعد..! قالت بدلع: لايكون يزعجونك كل يوم..بس ما تبا تقوول.. قلت ابرر: لاااا..بس..همــ قاطعتني..وطالعتني بنظرة صارمة خفت منها.. قالت: ما بخصك فـ عيالي..انت بس ساكن هني..مو يعني تدخل في كل شي..فااااهم.. بــــــل..!! مادري شوو سويت.. طالعتها منصدمة.. قالت : احم..ع العمــوم..حبيتـــ قاطعتني بعد وهي تاشر بايدها اني اسير.. قالت: بـــس...بـــس..اجلب ويهك وريحنا من فلسفتك.. استنكرت تصرفها..بصراحه.........وقحة..! صديت..وصعدت الدري..وقفت جدام الباب قبل ما ادخل..افكر في اللي يصير من حولي وانا مب حاسه..شوو يعني تصرف اليهال..؟ خدامتهم.؟ وامهم..؟ والمستودع اللي فوق.؟يمكن فيه حيوانات..؟لالا ماظن..لان مافيه دريشة او شي يدخل الشمس.. ، سمعت صوت خطوات ع الدري.. ما عرفت شو اسوي..! فتحت الباب ودخلت بسرعه.. خليته شوي مفتوح.. شفت الخدامة نفسها ووياها الصينية.. شهرزاد من وراي: فجر شوو فييج.؟ حطيت صبعي ع شفايفي : اششششش.. رديت اشوف الخدامة اللي طلعت فووق.. قلت لشهرزاد: تريي هني..الحينة بيي.. ظهرت..و صعدت فوق ورا الخدامه..من دون ما تحس.. شفتها راحت صوب مكان معين قريب من المستودع اما انخشيت في مكان مظلم عسب ما تشوفني.. شفتها شلت شي..واضح انه مفاتيح لاني سمعت اصواتها.. بطلت القفل اللي في فتحة الباب المربعه.. عقب يابت الصينية ودخلت الاكل.. وردت قفلت..وردت المفتاح مكانه.. مشت بتنزل..لكن انا ظهرت فـ ويهها.. كانت بتصرخ بس حطيت ايدي ع فمها اسكتها.. قلت بهمس: لا تخاافين..لا تخاافين..ما بسوي شي. طالعتني برعب.. سحبتها من ايدها..وديتها مكان معزول ع السطح.. قلتلها: الاكل هذا لمنووو..؟ كانت ترتجف..وخاايفة.. قلت: جووليا..ما بسوي لج شي..قوولي هالاكل حق منو.؟ لا تخافين ما بقول لحد.. تلفتت يمين ويسار.. عقب قالت بصوت مرتجف.. جوليــا: هازا مال وهش.. قلت وانا ارص ع ضروسي محاولة اني اخوفها: قلتـــلج قوووولي..هذا مال منوو..لا تقصين علي... بلعت ريجها وقالت: انا بيقول..بس الله يخلييك..مافي يقول لمداام..بعدين مدام بيودي انا بلاد.. قلت بهدوء اطمنها: اوكي..انا ما بقوول.انتي قولي الحينة... قالت: انا اشتغل من سنة ونص في هازا بيت..مدام كل يوم يقول ودي هازا اكل..فوق.. كدامة " خدامة" قبل يشتغل هني..قالت فوق هني في صغير..هازا صغير خمسة سنة موجود,, كل يوم كدامة يعطي هو اكل..مدام يقول اللي مافي يقول حق حد..مسكينة هازا صغير.. انا طوول الوقت مصدوومة من اللي اسمعه..معقوولة..؟ صدق اللي اسمعه.؟ مع انه كل شي يثبت لي.. الاكل.. الصوت اللي سمعوه اليهال..؟ هالبييت غرييييب..! قلت: خلاص رووحي..ولا تقولين لحد انج قلتيلي فااهمة..! هزت راسها بسرعه..وعقب راحت تركض تحت.. نزلت عقبها.. شافتني شهرزاد...وسالتني شو السبب اللي خلاني اظهر بسرعه.. ما قلتلها..بس قلتلها عن اليهال..وعن امهم الغريبة؟ \\ في اليوم التالي،، ، شهــرزآد.. ، بعـــد ما خلص دوامـــي..رحت قســم ثانــي..قسم التبرعات والاعمال التطوعية.. من فترة لفترة اروح هني واتبرع..باسم " فاعلة خير " , شهرزاد : السلام عليكم.. الموظف ابتسم: وعليكم السلام.. اختي فاعلة خير.. طلعت المبلغ اللي بتبرع فيه شهرزاد : هالمبلغ ***** كله بتبرع فيه.. عدالي ريال واقف..من قلت المبلغ اللي بتبرع فيه طالعني.. الموظف باعجاب: والله مب غريبة عليج..ان شاءالله يكون فـ ميزان حسناتج.. ، خلصت الاجراءات بسرعه... وظهرت من المكان.. ,, نظر الرجل الى الموظف..: هذي دووم تتبرع هني..؟ الموظف مبتسم : هيــه..مشاءالله عليها.. ...: ومنوو تكوون..؟ الموظف : والله مادري..بس دوم تسجل التبرعات بفاعلة خير.. ..: ودووم تتبرع بنفس هالمبلغ..؟ الموظف : ما تتبرع الا بمبالغ كبير...الله يبارك لها فـ حلالها.. ,, ردييت لبيت فجر بعد ما خذيت لنا غدا..بس ما كانت موجوودة..ما لحقت عليها...اكييد راحت الصاله.. مالي نفس آآكل...حطيت الاكل في المطبخ.. وسرت غرفة فجر اللي صارت غرفتي المؤقته بعد.. عقيت عبااتي...و ارتمييت فوق السرير ارتآآآآآح.. واطلقت العنان لدمووعي.. يقولون احيانن الدموع تخفف الهم.. ، \\ المســـآء ، فجــــر.. ، تونــي خلصت من تمااريني.. بسرعه ظهرت من الصاله ركض صوب البيت.... اليوم بظهـــر وياا الشباب...عازميني ع العشاا.. تاخرت عليهم..! , وصلت البيت... شفت شهرزاد قلتلها اني ما بتاخر.. وبسرعه خذت شاور سريع ولبست بدلة وظهرت.. دقيت لـ علــي اقوله اني خلصت.. وخمس دقايق وكان واقف جدامي.. ركبت .. فجــر: تاخــرت وااايد.. علي ابتسم : لا عاادي..اليوم فهد بيعزمنا لازم ما تفوت هالفرصة... ابتسمت..اليوم كلهم متوعدين لفهد..هههه بيخسرونه..ما يسوى عليه يوم عزمهم.. , نحن مشتركين في دوري كاس البلاد.. واليوم كانت اول مباراة لنا..والفريق اللي لعبنا وياه كان ضعييف..وقدرنا نفوز عليه..طبعن مب لانه ضعيف بس..فريقنا بعد واايد تطورت مهاراته..بفضل التدريب المكثف الاياااام الماضية.. وبمناسبة فوزنا.. قرر فهد انه يعزمنا.. وطبعن الشباب هم من اختاروا المطعم... , والحينة رايحين المــول اللي فيه الشباب متجمعين.. \\ فـــي مركز التسوق.. تحديدا عند المواقف.. , نزلت من السيارة مع عائلتها.. الام بامر : يلااا ريـــم..انتبهـــي لاخووج عدل..ياويلج اذا ضاع.. ريم بتذمر : مااابا..ليش ما تقولين لعويش.؟ عائشة تنظر الى نافذة السيارة وتعدل من هيئتها..: بس..بس..اللي تقولج امي سمعيه ونفذيه وانتي ساكته.. امسكت بيد اخيها وقد كشرت بوجهها علامة لضيقها.. الاب: يلا تحركوا..انا وامكم بنتسوق بروحنا..اما انتوا اذا خلصتوا دقوا علينا.. عائشة : ان شاءالله بااباتيه.. ذهب الاب مع زوجته لوحدهما...وبقيت عائشة وريم واخيهما الصغير.. عائشة : سمعي ريموو..انا ابي اتسوق واتمشى ع راحتي..انتي انتبهي لسعوودي..يلااا سي يوو.. نظرت الى اختها بغيض.. تكلمت بغضب : ريييم..ريييم..ريييييم..كله ريـــــــــــم..! لازم اهتم فـ سعودي..ولازم اللي اسوي للي هم يبونه..ولازم ما اتحرطم.....وكل هذا...لييش.؟ لانه ( ريــم انتي الكبييرة ) وهالخسفة عويش راحت تتمشى وتاخذ راحتها ..لانه محد يقولها شي..اففف..والله سخاافه.. انتفضت عندما سمعت صوت من خلفها.. ....: حليــــــــــــــــــلج والله..!!! سمعتها منصور شو قال...؟ ....: ههههههه عورت قلبــي ياخي.. نظرت لهم باحتقآآر.. .....: اووه محمد شووف كيف تطالعك...! دنا منها الاخر..ليصبح قريب وبشدة منها.. ....: لااا افاا ليش هالنظرات...ما سوينا شي..؟ ارتبكت من قربه الشديد..وماكان عليها الى ان تشد قبضتها على حقيبتها وتضربه بها بكل قوتها.. امسكت بيد اخيها و اسرعت الى داخل مركز التسوق واختفت بين الناس.. اما هو..فقد بقي متصنما في مكانه...وكانه لم يستوعب ما قد حدث له منذ لحظات..! منصور منصدم هو الاخر : ضربتك..!!!!!!! نظر اليه بعينين مفتوحتين.. محمد: تخيــــل..!! منصور: والله قويـــــــة...!! محمد : مستحيــل أعديها لها..! امسك بهاتفه المحمول..ظغط على ازراره بسرعه.. محمد: آآلوو...ارسلي مجموعة رقم 76 الحـــينة...! منصور يخرج سيجارة ويشعلها : الله يعيــــنها..! محمد: الحينة بنفترق..اذا لمحتها..اعطي اشارة للمجموعة..! هز رآسه موافقا.... وافترقـــآ.. \\ علـــي.. ، وصلنا المول اللي بنجتمع فيه.. نزلنا انا وفجــــر.. ودخلنا لدآآخل.. , رحنا للمطعم اللي اتفقنا عليه...شفنا خليفة و جاسم بس اللي هناك.. علي: ويين بااقي الشبااب..؟ خليفة: راحوا يتحوطون..بعد ربع ساعد بيكون الاكل جاهز وبيجتمعون.. علي: خلاص عيل..حتى نحن بنتحوط..عقب بنيي.. جاسم : بس رجاااءن ما نباا تاخيير..لاني يوعاان مووووت.. فجر: ههههه وانت من متى مب يوعآآن.. علي: هههه وانت شوو حارنك..خلييه يآآكل..لين ما يستوي ع حجم المرمى..وما يقدر حد يسجل اي قوول.. شفت جاسم يطالعنا بنظرة بدون ما يرد...ههههه شكله من صدق يوعاان.. , مشيت انا وفجــر...و شفنا الشباب يمشون ويا بعض.. انضمينا لهم.. وطوول الوقت.. ســـوالف وضحك وطنــآآزة ...طالعت فـ فجر..اللي تضحك على فهد اللي حالف ما يدفع حق اكثر من وجبة للشخص الواحد.. ابتسمت..غيرت جوو ويانا.. , كنت اسولف ويا سالم.. بس التفت بسرعه لصوت اشياء تطيح.. كانت اغراض.. رفعت راسي..شفت فجر ماسكة ايد البنت اللي كانت بتطيح ويا اغراضها..شكلها اصدمت فـ فجر.. مريم : آآ آآآآسفة..ما نتبهت.. فجــر: لااا عاادي... شفت فجر نزلت تجمع الاغراض اللي طاحت.. وقفت وعطتها البنيــة...اللي كانت منزلة راسها من الاحرااج.. رفعت راسها مريم : مشكووور ما قصــ ( قطعت كلمتها وتمت تطاالع فـ فجر ) شفت فجر اللي تطـــالعها وشكلها مصدوومة بعد.. سمعت البنية تهمس ومحد سمع الا انا وفجر.. مريم : فجــــــــــــــر.....؟؟! عقب شفتها تهز راسها كانها تنفض الافكار.. قالت بسرعه : مم مشكور..والسموحه... ومشت عنـــا بسرعه..!! \\ ~| نهـــــــاية الهمســة الحادي عشرة |~ |
روحي بلقاكم الله يخليج كملي الروايه وربي روووعه |
ان شاءاللهه بكلمهها |
الروايه تجننن ❤ واتمناه تكملينها |
شحآلج آختيه انا قريت هالروآيه وعجبتني وآييييد مشكوره لنج حطيتيها هنيه خيتج مس جرينييش |
мѕ.ѠяЭǝиѕԋ™ تمام ربي يعافيج العفو ولو #بنات اكمل الروايه هيه ولا لا |
كملييييييييييييهااااا ططر ورببيي |
اختي انا ف عرس ولد عمي باجر بنزل بارت :) |
شكرا على الموضوع الرائع , تجربتى فى شركة اسواق اليوم Aswaq today رائعة وشركة ممتازة ولها مصداقية https://www.youtube.com/watch?v=mf-RQHn7YlI |
انا بقالى 3 سنوات بتعامل مع شركة اسواق اليوم aswaq today وانصحكم بالتعامل واليكم رابط الشركة www.aswaq-today.com https://www.youtube.com/watch?v=cWcTR91ZnSI |
| الساعة الآن 04:08 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir