للطواريح خاصه وللصقاقير عامه
 

مساكم الله بالخير وكل عام وانتم بخير
واعتذر عن انقطاعي عنكم ومنكم السموحه
كماهو معروف يستعد الطواريح هذه الايام للمقناص وطرح الطيور عسى الله يرزقنا ويرزقهم بالطير الطيب
وكل واحد من الطواريح والقناصه يترقب وينتظر الاخبار عساه يسمع عن طير مبدر مطروح هناء او هناك

وسؤالي هو عن الطيور المبدره وهجرتها وعن ابدر طير انطرح سمعت عنه او رايته طبعا من طرح السعوديه

والبدايه من عندي انا عن نفسي سمعت عن طير مبدر انطرح بالشمال وكانت قرناسه مثلوثه انطرحت بتاريخ 28/8 في اخر شهر اغسطس وهذا الكلام قبل كم سنه
وفي احدى السنوات تمكن قنوص من ربعنا فالساحل ومعهم ولد عمي تمكنو من طرح حر تام في 9/9 في عام 1415 يقول طرحناه وكان باقي عن اكتوبر 21 ليله

اتمنى من الجميع المشاركه وشكرا