منتدى استراحات زايد - منافسه بين ثنتين سوابر و بيكال و ستوقر 2000

السلام عليكم ورحمه الله وبركاته

مساكم الله بالخير جميعا
والله يعطيكم الصحه والعافيه وعلى من يعز عليكم يارب العالمين

اليوم سوو الشباب تجربه وتحدي على جدار بحدا المزارع من مسافه 30 متر و 50 متر يبون يشوفون ايهم احسن بحراره الرمي
انا ما رميت معهم انا جالس اتفرج عليهم على شان تعرفوني اني محايد مع الحق

والمنافسه كانت بين

سوبر بنلي مولف لها ماصوره كنديه
وسوبر بنلي مولف لها ماصوره ايطاليه
وستوقر 2000 على وكالتها شك 1
وبيكال مولف لها ماصوره كنديه
والفشق الي تم فيه المنافسه
اول المنافسه جربو كلهم الجاكور 6 36 اسود
بعدين جربو بالكاكا 6 36 ازرق
الثالث بالفوشي 6 36
الرابع بالفام ابو غزال 6 36

النتايج

المركز الاول سوبر بنلي ماصورتها كنديه رش وتنظيم وحرار بالرمي
المركز الثاني الستوقر 2000 و الفارق كان بسيط حتى كان فيه تشابه كثير بحراره الرمي والانتشار
المركز الثالث سوبر بنلي ماصوره ايطاليه رميها حار وانتشارها حلو بس الستوقر افضل
المركز الرابع البيكال وصاحب البيكال الحين يدور ستوقر 2000 والي عنده ستوقر للبيع يعطيني خبر على الخاص

حتى ان صاحب السوبر الي ماصورتها كنديه قال وبالحرف الواحد وفيه ناس جالسه شرواكم تسمع
اقسم بالله العظيم لو اتاكد بس ان الستوقر 2000 تصبر وتعيش والله العظيم ما احط ريال واحد بالسوبر الي مكلفتني 30 الف ريال قيمت سياره وراح اشتري الستوقر ام 7500 الي تنافس بارودي وانا الماصوره الي مركبها لحالها ب 10 الاف ريال اغلى من الستوقر كله

وان شاء الله عماء قريب راح اخذ الصور من واحد من الشباب وانزل صور المنافسه باذن الله تعالى

ولكم خالص تحياتي