|
مطوع لالالا ما أبغي .. السلام عليكم ورحمة الله وبركاته شحالكم جماعه الخير عساكم بخير موضوع فـ بالي لانه الموقف صار جدامي وصار لي بس بمعنى ثاني بعد . . شوووووو .... مطوع ..... لا .. لالا مب موافقه انا اتزوج مطوع مستحيل ... >> البنت >>> أنزين ليش يا بنتي شو بلاه المطوع ريال والنعم فيه وما فيه شي ينعاب <<< الأم >> لا ما ابى اللحيه تخرعني ... واستحي امشي وياه فالسوق وكندورته قصيره ماابى .. وبعدين شو بيقولون عني ربيعاتي ... وانا ابى واحد يونسني نروح ونرجع وما يقولي تغشي وإلا لا تحطين مكياج .....إلخ <<< البنت .................................................. هذا الموقف اللي صار جدامي . .................................................. . الموقف اللي صار لي . >>> يـ نسايم في واحد متقدم لج وهو من الأهل وريال ملتزم وماعليه كلام وانا متطمن عليج عنده وامج ما عندها مانع <<< الوالد >> إذا الريا لزين وما عليه كلام اللي تشوفه يا ابوي ... الراي رايك انت والوالده انتوا اهلي وتعرفون مصلحتي < انا ...... >>> نسايم ؟؟ !! انتي بتاخذين هالمطوع ؟؟ عيل بيلبسج الغشوه وعباة الراس خخخخ <<< العمه . >> هذا بدل ما تقولين لي مبروك والله يهنيج .. وبعدين ما فيها شي يوم بسوي جيه والله يهدينا اجمعين ع الأقل بكون متطمنه على مستقبل عيالي بيتربون تربيه سليمه .. وين الوحده تحصل واحد جيه الحين .<< انا >>> والله كيفج هذه حياتج بس لا تندمين بعدين وتقولين والله ما يطلعني وما يخليني وما ادري شو . << العمهـ >>> ؟؟؟؟؟؟ !! << أنا .. مب عارفه شقول لها إذا عمتي تقول لي هالكلام . عيل شبقى للغير . ............................ للأسف هذا صار كلام البنات عن هالإنسان والأدهى حتى المتعلمات والجامعيات والمدرسات ..! لايريدون من يتبع سنة الرسول عليه افضل الصلاة والسلام يستحون من مرافقة من يتشبه بحبيبنا ورسولنا .. لم يعوا قوله ( سبحان الذي زين الرجال بلحاها ) فعلا ما عرف شقول غير ( كن فالدنيا كأنك غريب ) . بالفعل صار الملتحي والمقصر كندورته غريب أو متخلف في نظر مجتمعنا . أبى اشوف رايكم فالموضوع . علما بأن كثير من البنات لازم يستوعبون معنى الملتزم الصحيح .. ومب مثل ما يدعي البعض وهم مب أهل لهالشي . تقبلو تحياتي اختكم نسايم كلباء |
السلام عليكم ورحمة الله وبركاته رأيي بصراحه الرجال مهما كان ملتزم ولا محافظ لاصار مايعيبه شي ليه تردونه؟؟ ((اذا اتاكم من ترضون دينه وخلقه فزوجوه)) البنت اللي تقول ماابيه لحيته تخرعني!! هذا مهب عذر وبعدين ياحظتس فيه تلقين 1000 من يتمنى هالرجال بهالزمان واللي تقول الملتزم مايخليني اكشف ولا احط مكياج اقولها حتى اللي مهب ملتزم بس محافظ وفيه خير ماراح يرضى ان حرمته تكشف والكل يشوفها.. للأسف البنات الحين هذا تفكيرهن الا من رحم ربي مايعرفن مصلحتهن ولاهن فاهمات المعنى الحقيقي للحياه الزوجيه يشوفن هالمسلسلات ويحسبن انه طرب وفلة حجاج.. نصيحتي لتس: اذا ان هالرجال ماعليه ولا يعيبه شي استخيري واتكلي على ربتس، والله يوفقتس و يكتب لتس كل مافيه خير وصلاح.. آخــوتس: الخــآلــدي |
في خاطري سؤال الاي بنت ترفض المطوع سؤالي تخيل مجرد تخيل انه ما تقدم للبنت الى هالانسان وعنست البنت وعقب جت قدام الله وسبحانه وقال له ليش رفضتي هذا المطوع شوه بتكون ردة فعله...؟ والله فخر لكل بنت انه تاخذ واحد مطوع بس المشكله البنات في هذي الايام يفكرون بطريقه بحته وغريبه حبهم الانفتاح والتحرر .. |
تسلمين اختيه نسايم ع الموضوع الغاوي فعلا هذس حال اكثر البنات.. اتشوفينهم يرفضون الي هو زين و يرابعن و رى الشي!! الغاليه هذا شي يخص الفرد نفسه.. موافقته او رفضه للأشخاص فقط بالأعتماد على حاله " مطوع" او حتى على كشخته و زينته.. وعلى موديل سيارته و حالته الماديه!! الوحده فينا ادور ع الستر منو ما كان الشخص.. دامه ولد ناس و ما ينعاب.. و الله هاديه بدينه.. المفروض انها تصلي استخاره لربها و اتشوف شو الحال عليه من بعدها.. هب ترفضه لأنه مطوع؟! هذي الفئة ما تفكر بعقولها 100% صح.. و الغلطه بيعرفنها عقب ما يتخيرن الشين و بيذوقن الويل منه.. انا لو تقدم لي واحد مطوع ما برده ..يسدني انه ملتزم واكيد بربي اعيالي معاه صح ^_^ والسموحه منج.. هذا مجرد راي |
احيييج اختي نسايم على موقفج الطيب من ها الموضوع للأسف بناتنا غالبيتهن يبن التكشف والسيرة والرده صوب الاسواق والمولات .. وشوفيه المطوع ، غير انسان يخاف ربه ويغار على هله شوفيها !! هل انتي كـ بنت ماتبين ريال يغار عليج ويخاف الله فيج !! تبين القاصي والداني يشوفج متبرجة ، هل ترخصين فـ عمرج ؟!! اتقوا الله يابنات الله يهديكن .. وتذكرن ان الدنيا لها نهاية ومابيبقى الا العمل الصالح ... اخوكم / النعيمي |
السلام عليكم ورحمة الله وبركااته.. بصـرااحه انا الاستغـــــــرب من هالتفكيــــــر...ليش ويش فيه مطووع..؟؟ماشاءالله رجل محاافظ و يخااف ربه ..و راح يســــتر ع بنت..واحده بنت شو تبي الاكثــــر من هذاا شـي.غير انه رجل يخاف عليه و يحبه و يستـــــر عليه...وااايد بناااات يقولون انه رجل مطوع لا يعرف يحب و لا شي..من قااال..؟؟؟ليش هو مب أنسااااان ما عنده مشااعر ولا شي...هو بعد مثل الباااى رجااااجيل..يقدر يحب و يتزوج مع اي بنت... :) أشكرج يا الغاليه ع الطرح المميز...لاهنتى.. ربي يعطيج الف عاافيه |
تسلمين اختي الغاليه على الموضوع.. عني انا والله عمري ما افكر اني اخذ مطوع مو عشان لحيته ولا شي بس في هالزمن موكل من قصر كندورته تقدر تقول انه مطوع لا والله في بعضهم الا جي ... |
وعليكم السلام والرحمهـــــ ،،،،، استغفر الله العظيم احين الوحده المفروض ادور واحد يسترها ويستر عرضها،،،،،،، حتى لو ما خذت مطوع ما بيخليها متكشفه من بين الناســــــــــــــــــــــ ،،،،،، وبعدين اللي بتاخذ انسان اختارته بلا اخلاق مدري كيف بتعيش وياهـــــ،،،،،،،،،،، والله يعلم حالتهم وين بتوصل الله يعلمــــــــــــــــــــــــــــــــــــــــــ،،،،،،، |
اقتباس:
تسلم اخوي ع الرد الغاوي وبي يعطيك ألف عافيهـ دمت في حفظ الرحمن |
اقتباس:
صدقتي اختي يوم بتنسال بعدين ما بتعرف شبتقول المشكله انه البنات هالأيام ما يعرفون مصلحتهم وين صاروا يمشوون ورى سراب وهم مب دارين عن شي تسلمين حبوبه عالمرور الطيب أعذب تحيه لج |
اقتباس:
تسلمينـ حبوبه ع الرد الحلو وربي يعطيج العافيهـ أعذب سلام وتحيهـ دمتي بسعادهـ |
اقتباس:
تسلم اخوي على هالبصمة الرائعهـ .. وربي يعطيك العافيه دمت بسعادهـ |
اقتباس:
وربي يعطيج العافيه أعذب تحيه مني لج |
اقتباس:
ربي يوفقج أرق تحيه مني لج |
آستغفـٍـٍـٍـٍرر الله البنت مااتعرف ويين مصلحتهـإأ؟؟ مآتـأخذ واااحد يــسترر علييهـأإ و يحآإفظ عليهـإأ ...اكثرهن يقوولوون عسبت ان ماايخليهـأ تظهر بمييك آب ..! آستغفر الله ربي يهديييهن ويسلموو ع الطررح واناا عن نفــسي لوو تقدم لي وااحد مطوؤع ماابرفــض ^.^~< عقب 50 سنه هااع .. |
اقتباس:
تسلمين غرشوبه ع المرور الحلو والكيوت ربي يعطيج العافيه دمتي بود |
السلام عليكم ورحمه الله وبركااته الصراحه موضووعج طرررر انا عن نفسي لو ياني واحد مطوع ويخاف ربه اكيد بوافق دام انه يخاف ربه اكيد بيتقي الله فيني وحق شو الطلعات يا بخته اللي بياخذني والله يرفع ايده للسما ويحمد ربه مليوون مره ان الله رزقه بوحده ما تحب تطلع بس تحب البر ^^ يالبيه وايد احلم لوولز يسلمونيشن خيتوووو ع الموضوع الغااوي |
اقتباس:
صدقتي والله النبات الحين ما يعرفون مصلحتهم تسلمين حبوبه ربي لا هانج نورتي موضوعي ببصمتج |
اقتباس:
لا خلا ولا عدم والله برزقج اللي فـ بالج |
اللهم آميـِـِـِـِـِن |
°ˆ~*¤®§(*§*)§®¤*~ˆ°صج ماعندها ساالفة >> شو بيكون موقف المطوع >> حليلا ما يستااهل°ˆ~*¤®§(*§*)§®¤*~ˆ° |
اقتباس:
يسلمو ع المرور الطيب .. وربي لا يحرمني من هالطله دمتي بسعاده |
مساكييين المطاوعة الله يجزاهم خير على إللي يسووونه مشكووورة نسايم كلباء على طحش الغاوي |
الحين الله يسلمج اللي اتفكر بالظهره والدخله والكشخه والميكب و .. و.. و ... إلخ ما فكرت هالانسان اللي بيدلعها اليوم بكل سهوله بيدلع غيرها مب الكل لكن كل شخص ونيته يعني انتي ماخذه واحد عسب يدلعج وهالواحد بيدلعج وبيمل منج سبحان الله يوم اتردين واحد يعرف ربه جنج ترفسين النعمه بريلج لأنج لو ابتعدتي اشوي عن شهواتج فالدنيا بتحصلين كل اللي تبينه فالآخره ان شالله وبالعكس يقولون المطاوعه يدلعون اكثر بس الشرط الوحيد عندهم انج تكشخين لهم مب لغيرهم الريال المطوع مب يعني ( متخلف ) ولا الزواج منه ( احتكار ) لكن المجتمع والمسلسلات عكست شي مخالف لهالمفهوم وقالوا ان المطوع متخلف وجاهل وما يعرف شي وياخذ حقوق الحرمه اذا اللي يطبق شرع الله ما ينقبل وقاموا يعتبرونه من الناس اللي ينتهكون الحقوق شة بجا للباجين اللي ما يدلون المسيد لا واللي يقول لي يوم بعرس حرمتي بتعقلني وبصلي شرات الخلق خخخ ^__^ الله يرحمنا برحمته ويهدي اليميع ان شالله وتسلمين خيتووو عالموضوع وربي لا هانج |
اصلاااااااااا نااااااااااادرا ماااا نلقاااااااا ناااااس ملتزمه الحييين الله يستر عاليميييييع |
مطوع عن مطوع يفرق في مطوعين لحد التزمت يعني بصراحه كل شي ما يعجبهم وكل شي بنظرهم غلط و الثقه تكون معدومه وهالشي اكيد يخنق ومحد يتحمله . بس اذا انسان يعرف ربه و ملتزم ليش لا يعطيج العافيه الغلا ع الطرح |
انا رايي من راي الأعضاء و الله كلامهم هو الصدق انا لو كنت في هالموقف بالعكس بوافق و بستانس و يسلمووو ع الطرح المميز |
فعلا والله البنات هالأيام آخر شي يفكرون فيه يتزوجون مطوع قال شو ما يعطينا راحتنا ما يعرفون ان معظم هالراحة محرمة في الإسلام وتظطر البنت في اغلب الأحيان الزواج من واحد غريب عن مجتمعها اجنبي مثلا عشان تسو الي تباه واستوى المطوع ظاهرة من أغرب الظواهر في مجتمعنا .......... والله شي غريب وانا لو مكان امها او ابوها بحاول اقنعها بشتى الطرق لانه المطوع احســــن من غير ه [/font] |
يسلموو اختي ع الموضوع لان انا بعد من جم شهر كنت اعاني منه لان اللي خطبني مطوع وكنت خايفة من واايد اشياا مثلا : ما يخليني اشتغل في اماكن مختلطة يعني بس ابروز شهادتي واعلقهاا على اليدار .....الخ ، اعتقد تعرفين تفكير البنات بس عقب نصيحة امي وربيعاتي بصراحه صليت استخارة وحسييييييييييت براااحة عمري ما حسيت فيها .. وانا وحده الحينه خطيبي مطوع وحمدلله مستانسة وانا اقوولج اتوكلي على ربج وصلي وارضي وعلى قوولتهم المطاوعة يدلعوووووون والحمدلله مطوعي مب واايد مشدد والله يوفقج يارب ويوفق الكل =) .. اختج القلبـ الخفاق |
آلبنت المفروض ادور على اللي يصونها ويحفظها ويخآف عليهآ واللي تطمن آنه عيآلها بيتربون تربيه إثلاميه صحيحه بوجودهـ .. بث معظم بنآت الحينه مآيبون المطوع .. إلآ من رحم ربي .. وكلن يعرف مصلحته .. !! تثلمين حبووووبه ع هالطرح الطيب .. لآعدمنآآآآيديدج .. |
وعليـكم آالســلآم والـرحمـه .. طيبــه طآب حآلج .. ومن صــوبج .. فـي هآلـزمــن هـذآ الـذي يــحدث بالفــعــل... لآكـن الـلـوآتي يفـكرون لمصـلحــتـهم فـي الدنيآآ وآلآخـره .. سيـرون انـهم لهـم الشـرف بأن يتـزوجو > مطـوع< لآنـه سيـربي أولآده عـلى الصلآه وسنـه الرسـول .. وسيــخآف مـن ربـه فـي السـرآء والضـرآء .. ولآكـن الكثـير مـن البـنـآت الـلـوآتي يفـكرون أنـهن يتـزوجون بـشآب شعـره طويـل ونعيـم .. عيونـه زرقه ـ خضره ـ بنفسجيه ـ بنيـه .. يمكـن فوشيـهـ الله وأعلـم .. ويـريـدونـه جميـل ووسيـم .. ولآكـن هـل يفـكرون ولـو للحـظه أنـه سيـكون قـدوه لأبنـآئـهم ..؟ هـل سيـفكـرون أنـه سيـحب أبنـآئـهم ويخآف عليـهم ويربيـهم تربيـه حسـنه .. كآلمـطوع الـذي يتـبع سنـه آللهـ ورسـوله فـي كـل أمر.. المـوضوع بآيـن مـن عنوآنـه أخــتـي نســآيـم .. المـطوع هـو مـن تـتـشرف البـنت بـزوآج مـنـه .. وتسلـمين أختـي عــلى المـوضوع والجـهـد . ولآتحـرميـنآ مـن هآلآبـدآ‘ع .. نتـرقب مـأهو جـديد لـك .. السمووحه .. |
لاحـــــــول ولاقــوه الا بالله الحــــين صـــاحبــ الدين واللي يعرفـــ ربه وخــايف على عرضه شي عيــــب ويفشل عقليه جدآآآ جـــأهله بصرآآآآحــه الله يستر علينـــآآآ من اليـــآآآي |
تسلمون اخواني واخواتي على هالردود اللي تشرح القلب لا خلاولا عدم ان شاء الله تحياتي لكم |
السلاام عليكم الصراااحه في ايامنا هذي في ناااس يعتقدون انه الموطوع انساان معقد وكل شي عنده حرااام بالعكس هو فااهم الحياه بشكل ديني يعني الحمدلله يعرف الحلال والحرام .. بس الصراحه في مطاااوعه وااايد يبااالغووون في التدين والالتزاام وهذا الشي الي يقهرني انا يعني تحصل الكندوره واااصله الين الركب جنها تنوره والدين مال قال الين الركب لازم الثوب يكون فوق عظمه القدم وتحصل واحد مطوع مايحطي في بيته تلفزيون موووول وحاارم اليهاال اللبس الي عليه صور حرام يعني هذيلي اطفااال متى بيتهنون في حياتهم وفي بعظهم يلبس بناااته عباه وشيله والبنت بعدها عمرها 6 سنوااات وين تبى يا ريال ايام الرسول صلى الله عليه وسلم ما كانوا جي الصحااابه الدين يسر هب عسر :) |
تسلمين حبوبه ع المرور الغاوي لا لا ولا عدم تحياتي لج |
سلااااااااااااااااام عليكم ورحمة الله وبركاته ........... اول الشي هذا الراي بيكون رايج الشخصي اي انتي بتختارين حياتج اتكون وين منووووووووووا مطوووووووووع او كشيخ ....او غني ......الخ............ونفس الوقت ماعليج من الناس تراي ماواراهم الا المشاكل بدون تحديد ....... نصيحه منى استخيري ربج ...واذا الج نصيب وياه الله سبحانه وتعالى بيسر الاموار ...... نصيحة للك البنات (الستر زين ولا اتفكرون في الدنيا مطوع غني وغيره فكروا في الاخره ) (عيش عمرك لو على تونه لوحليب وخبز لبناني لو بتملك برج بينوة انت فاني والعمر فاني) |
تسلم اخوي ع النصيحه تحياتي لك |
السلام عليكم ورحمة الله وبركاته اختي انا صار لي تقريبا نفس موقفك اقرب الناس لج تقول لج كذا اجل شيقولون الاغراب وراي اخواني واخواتي الاعضاء يكفي ويوفي 0من اتاكم من ترضون دينه وخلقه فزوجوه. ورايي انج اذا استخرتي وارتحتي له اتكلي على ربك يسلموو اختي عالطرح تقبلي مرروري |
| الساعة الآن 09:25 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir