رواية ~>> كنت اشوفك شي ثاني .. شي غير هالوجود<<~ - الصفحة 2

حسبتكـ لي · #1 05-04-2012, 07:23 PM

اتوقع بتستوي ضرابه

بطي مع الشباب بس عقب بيخوزون عن بنت عمه واخته ولا شوو هههه ؟؟

ياليت لو تحطين بارتين او 3 >> طمااع ههه __DEFINE_LIKE_SHARE__

سهام الروح · 05-04-2012, 07:51 PM

بطي وهو محرج : اقول الشيخ*
..: خير اخويه ؟
بطي : اريد اعرف شو تبون من هالبنات ؟
..: وانت شو يخصك ؟
بطي : احترم نفسك وارمس عدل ,, تسمح لحد يضر خواتك*
..: مايخصك ,,
بطي : وانت شو يخصك فخواتي ؟

...: خواتك ههههههههههههه ضحكتني
بطي : اقولك تحرك وان شفتك صوبهن ياويلك*
...: شو بتسوي ياعمي بتقصبني ؟؟
بطي جان يعصب منه ويعفد عليه ويضارب وشوق تتصل فأخوها ويا صوبهم يركض*

هزاع : بطووي خله يولي عنك*
بطي : ماشفته شو سوا مسود الويه*
..: ماعليه انا بتصرف ويااك*

وبعدين راحو تعشون وعقبها روحو ,,

في بيت بو بطي :*

بطي كان معصب فسار غرفته وسبح وصلى ورقد*
وكانت شوق ترمس مهره ع المسن*

,,:: الشيخه شوق ,,:: >> شوق*

,,:: يامهرة العام لا والله غديتي فرس ,,:: >> مهره*

الشيخه شوق : ياويلي اسمني كنت خاايفه من الي صار اليوم*
يامهرة العام لاوالله غديتي فرس : شفتي خويه فديته عفد عليه وكسره*
شوق : ههههههههههههههههههههههههههه ماشاء الله عليه بطووي*
مهره : حشى لو طرينا مليوون احس
بطي يا وقعد حذال خته وشاف رمستهن ,,
بطي : قولي لها محد ينادي ببطوي غير حرمتيه*
راحت مهره وخبرتها ,,

شوق : ههههههه خلااص بسحب رمستيه مافيني ابتلش فيه ,,
البارت الثاالث ,,

بطي شال اخته وقعد مكانها ,,
ويرمس شوق*
بطي : ههههههههههههههههه لو حطيتج فراسي ياويلج*
شوق : هههههههه بطي انت ؟
بطي : لا الشيخ بطي بن خالد .......
شوق : أوونك يالخقااق انته ,,
بطي : خقاااق ريلج*
وطلع عن اخته*
مهره : شوااقي شوقووه شوشو*
شوق : هلا هلا هلا بلاج ؟
مهره : أكتشفت شي*
شوق : خير شو شو في ؟
مهره : أحسااسي يقول ,, بس احسااس ان بطوي يميل لج*
شوق استحت وتخبلت ,, لانها بالمره مافكرت في هالشي ,, وتعتبر بطي ولد عمها شروا اخوها هزاع*

شوق : هااه لا تقولين انا اعتبره شرات اخويه بلااج ياخي*
مهره : عليينا اوكي انا بحاول ادرسه بس عشان أتأكد ,,

شوق : اقوولج انتي انسانه فااضيه وانا فيني رقااد ,, تصبحين ع خيير بباي
مهره : اوكي بنشوف الفضاوه شو تسوي ,, وانتي من اهله ,,بباي
سكرت شوق لابها وسارت تبا ترقد بس ماقدرت قعدت تفكر بكلاام بنت عمها ,, معقووله يميل لي بطي ,, وتفكر في الرمسه ومن التعب رقدت ولا حست بعمرها*

يوم السبت فبيت بو بطي*

بو بطي : شرايج ياأم بطي نسافر هالصيف*
ام بطي : والله انا ماأقدر أخلى البلااد وأسير*
بو بطي : لا خلينا انسير ونغير جو ونونس الاعياال*
ام بطي : والله مادري بنشوفهم*

وعلى الغدا فبيت بو هزاع :

هزاع : شرايكم اقول لعمي انسير نبات في العزبه*
مريم : هزاع عن الخباال عمي يمكن مشغول*
هزاع : لا هب مشغول اصلا بطي خبرني اخذ رايكم*
شوق : يعني انسير نبات كلنا في العزبه ؟
هزاع : هييه وبعدين بلاكم اول مره ماتبون اتسيرون العزبه*
وتدخل عليهم شهود*

شووووه شووه شووه انا ابا اسير ,,*

هزاع : خلااص انا برد عليهم وبقول لهم موافقين ,,

اتصل هزاع لبطي وخبره واستاانس حييل لانه بكون مع الحبب مااله ,,

العصر الكل يجهز قشاره لانهم بيباتون 3 أياام في عزبتهم الي في الفجيره*

وظهرو وسارو صووب العزبه,, في سيارة بو بطي*
بطي واايد قريب من اخته*

بطي : مهرووه أريدج تسمعين رمستيه اقولج تعالي تعالي اقولج سيري سيري*
مهره : شو انا اشتغل عندك*
بطي فخاطره هب عندي عند قلبي : لالا بس جذا وغمز لها*

وصلو العزبه وفي العزبه في فله والفله فيها غرفتين تحت وثلاث غرف فووق

وطبعا مطبخ وصالتين فوق وتحت ,, فأم بطي وابو بطي فالغرفه الي تحت والغرفه الثانيه لمريم ,,

والغرف الثلااث الي فوق وحده لشهد وحمده ووحده لبطي وهزاع ووحده لمهره وشوق ..

وصلو العشا وسبحو وبدلو وصلو ونزلو تحت اجتمعو*

بو بطي : انا بتعشى وبررررررررقد*
هزاع : عمي احنا عيل بنطلع البليستيشن والعده وبنلعب مابتلعب ويانا ,,

بو بطي : لا انا برجع دبي باجر الفير عندي اشغال والدريول مالكم بيظل عندكم*

بطي : ابووي عيل حط لنا في في البنك بيزات*
بو بطي افا عليك عند امك كل شي لاتحااتي ,, وهزاع يبا جان تبون شي امرره عند عمتكم لاتستحون*

وراح يتعشو ,, وعقبها بو بطي را ح يرقد*

ام بطي : بنات يلا انسير انرتب اغراضنا في الغرف

هزاع : لا انا برتب اغراضي بروحي*
بطي : مالت عليك احنا بنجهز البليستين*
هزاع : مالت عليك انت شو ماتستحي تباهن يرتبون لنا*
بطي : شو فايدتهم البنات عيل ؟
ام بطي : هزااع الله يعينيك ع ولد عمك ,, اكبر فاااااااااسد في البلااد

كلهم ضحكو ماعدا بطي ,,~*

وراحن يرتبن وجيه وخلصن ع الساعه 11ونص*

ام بطي : انا بسير ارقد وهالله هالله فعماركن*
بطي : امايا احنا بنسهر ولاتحاتين بنحرس لج البيت
كلهم : ههههههههههههههههههه
شوق : أصلا لو في حرامي بيدخل بيخاف من كشتك*
بطي : شوفي اصلا كشتي مافي شرواها ويلعب بشعره*
مهره : أمحق كشه وياراسك نبا نلعب بلستيشن*
ام بطي : انا بسير ارقد تصبحون على خير*
مريوم : اانا بعد حمد حمده شهد يلا رقااد هذولاا مخبل وسارو كلهم يرقدون*
والشله راحو فوق يرتبون في الصاله الي فوق*

مهره : بسرعه تحركو نبا نلعب*
شوق : هيه صح فيني رقااد*
هزاع : خلااص سيري ارقدي ,,

شوق : لالا أنا أبا أغسل شراع هذا وتأشر على بطي*
بطي : ههههههههههه هذا بيصيحج اليوم*
شوق : ههههههههه بنشوف*
مهره : خلااص انا الشاهده*
هزاع : الله يعيييييييييين مهره شهدت ,,

كلهم هههههههههههههههه ماعدا مهره*
مهره : وليش ياحظي بلاها مهره ؟
هزاع : لا مافيها شي عسسسل وربي*

استحت مهره من هزاع ,, وهزاع بعد اول مره تظهر منه هالرمسه*

بطي يتقرب من شوق ويدزها خفييف*

بطي : شوفي شوفي*
شوق : نعم عفون ايدك عورتني*
بطي : ايدي عورتج وانتي يالطمه سنه لين تفهميني هب لازم تصارخين
شوق : ههههههههههههههههههههههههههه

وقعدو يلعبون شوق وبطي*
بطي : هههههههههه اشوي اشوي انزين*
شوق : ............ ابا اركز*
بطي : ههههههههه بسم الله عليج بنت العم*

وهزاع ومهره قاعدين كل واحد شاغل عمره بشي*

واشوي يسمعون صراخ ,, بطي فاز على شوق*

بطي : شوفي بطلب منج طلب*
شوق : اوكي بس بحدود المعقول*
بطي : كيفي الي اريده بطلبه*
شوق : أوكي يلاا وتتأأفف*
بطي : امممممممممم ارررريد*
شوق : خمس ثوان بس*
بطي : اممممممممممممممم اريد كيكه بأيدج*
شوق : خلااص اوكي تم*

وسارو البنات برقدون ,, والششباب يلعبون*

بالباجر الظهر*

مريم : شوق شوق يلا قومي*
شوق : مابا مابا مابا*
مريم : اففففففف منج*
شوق : مريووومتي*
مريم : خيرخير*
شوق : انا بنش بس بشرط*
مريم : شو ؟؟
شوق : تسوين كيكه لولد عمج*
مريم : ههههههه من عيوني خلااص*

ونشت شوق وسبحت ولبست وصلت ونزلت ومهره كانت ناشه قبلها*

تحت ع الغدا بعد ماخلصو ,, سارو يقعدون يسولفون*

طبعا كلهم ماعدا ام بطي*

مريم : شرايكم نظهر بررع نتمشي*
حمد حمده شهد : هييه بنسير نشوف الالعاب الي يابوها*
مريم : يلاا انسير*
وسارو مريم واليهال ,,

ونزل بطي من فوق الي بعد ماخلص غدا رجع فوق*

بطي : شحالكوو

شوق مهره & هزاع : بخيير*

طبعا شوق سارت المطبخ ويابت الكيكه وتبا تقصها*
بطي : لالالالالالالالالا
شوق : شو لالالالالالالا << وتقلده*
بطي : ها ها ها ماتضحك*
شوق : ههههه طلبت منك ,,؟
بطي : شوق انا بقصصها لانها مالي واانا اعطي الي اريده ع كيفي*
شوق : عطته وقالت له اوكي*
ويلست حذال اخوها*
شوق : هزاعووه تولهت عليه*
بطي : ههههههههههههههههههههههه
شوق : شو الي يضحك*
هزاع : مهره حلييله اخووج وايد غيور*
مهره : شفت عااد شسويله انا*
هزاع : شكله يحب الرياال*
مهره : هههههههههههه بديت اكتشف هالشي
بطي : لو اقول لكم عن الي فقلبي ماتصدقون*
البارت الخاامس*

شوق كانت قاعده تشوف بطي كيف يقصص الكييكه*
شوق : لاترمس وانتبه لكيكتي*
مهره : ههههههههههههههه
بطي : تعرفون انا احب ااااااه فديت الي فبالي يرمس وعينه بتاااكل شووق*
هزاع : انزين ومنو هاي تعيسة الحظ*
بطي : ههههههههههههههههه فقتتك هزاعوه اسكت*
هزاع : هههههههههههههههههههه*
شوق : اقوول انا بخبر عمي وبخليه يزويك*
بطي : يطالعها ويبتسم لها بأبتساامه حلوه :: بتوفرين عليه*
شوق : انزين نبا نعرفها*
بطي : عاد شوفو وايد عطيتكم فيس ,, مابخبركم موتو قهرر
مهره :اافاا بو مهاري تخبي عليه*
بطي : بسم الله عليه منو قال اني بسمي عليج*
مهره غصب عن خشمك*
بطي وعينه ع شوق وشوق كانت تطالع اخوها*
بطي : شوفي يامهره يبي لابي وبخبرج*
طبعا يلسو ياكلون وعقب نزلو لاباتهم من فوق وقعدو ع المسن*

بطي : هزاع اريد ايميل اختك اللوث*
شوق : دامني لوووث شو تبا فيني وفي ايميلي*
هزاع : عفوا مارضى ع الغلا*
شوق : واافدييت اخوويه انا وتسير صوبه وتبووسه*
بطي من شاف حركت شوق سار ويلس حذال هزاع وباسه ع خده الثاني وقال له*
بطي : فدييييييييتك انا*
هزاع : بسم الله عليكم بلاكم عليه*
بطي : نحبك يااخي*
كلهم : ههههههههههههههههههههههههههههه

وعقبين العصر ظهرو يتمشون في العزبه وماقدرو يلعبون بالبانشيات لان حرر وااايد*

المغرب في الصاله*

ام بطي : ها ياأعيالي مرتاحين*

الكل : هييه*

بطي : انا لا هب مرتاح*
ام بطي : ويدي ولدي بلاك شي يعورك*
بطي : قلبي هههههههههههههههههههههه
ام بطي : غربل الله سوالفك*
هزاع : عموه ولدج مستصاب في القلب ,, زوييه*
بطي : صدقه صدقه ولد عمي*
مهره : أماايااا ولد هب مستصاب في قلبه لا مستصاب في عقله وكلهم ضحكو ماعد بطي
بطي : تنكتين*
مهره : لا أحاول*
بطي : سخيفه*
مهره : حرمتك*
بطي وهو يطالع شوق : حرمووج من الي تحبيه يارب*
مهره : خييييييبه استغفر*
بطي : ههههههههههههههه ملغووثه ع الريل البنيه*
الكل : هههههههههههههههههههههههههههههههه
وبعيدن بعد العشا سارو غرفتهم البنات*

شوق سرحانه فحركات بطي ولد عمها ونضراته لها*

ومهره تلعب في اللاب وترمس بطي خوها*

بطي : مهااري شو تسوي شوق ؟
مهره : مادريبها شكلها تسمع في ال mp4
بطي : اوكييك اريد ايملها بسويلها مقلب*
مهره : مواهاهااهاه اوكي ياحبي لشر انا*
بطي : تحركي بلا هذره زياده وقوليلها تفتح ايميلها بس

وطبعا خبرتها تفتح ايميلها*

شوق : مهروووووووه اضاافه غريبه*

مهره : اقبلي*
شوق : لالا اخااف ولد مافيني*
مهره : لالا لو ولد بلوك ودليت*
شوق : ع مسؤليتج*
مهره : يلا اوكي خلينا نلعب ع البنات*

قبلت شوق الاضافه ,,

...: مرحبااني السااع*
شوق : مرااحب*
..: شحالج الغلا ؟
شوق : يسرج الحال ,, بس انتي منو ؟
..: انا وحده أتنفس هواج ,,
شوق ترمس مهرووه ,, امايااا هذي وحده خبله شكلها*
مهره يات تشوف وعرفت وتأكدت ان بطي يحب شوق*
مهره : هااه شو هالرمسه ,, كملي عشان تعرفينها*
شوق : لا ماريد بسلويلها بلوك ودليت*
مهره من الربكه والدهشه قالت لها اوكي*

عند الشباب :*

هزاع : واايه فدييتك منصوور من متى اعدييبك*
منصور ربيع هزاع ووايد ويا بعض*
منصور : فدييييييييتك هزاع والله تولهنا عليك ,,*
هزاع : شسوي من ياتنا الاجازه واحنا مستاانسين ونظهر نبا نحلل ايام الدراسه*
منصور : ههههههههههههه صدقك والله*
هزاع : يالله من ارجع دبي عشاك عندي*
منصور : وين انا مشغول والله عرس اختيه الاسبوع اليااي
هزااع : مبروكين وعقباالك شيخ المزاييين
منصور : ههههه بسم الله عليك يالغالي اعرس قبلك لالا منو قال*
هزاع : ههههههههههههههه لا لا بنعرس جماعي شرايك !!
منصور : يباله والله هههههههههههههههههه
بطي : لحظظظظه هزاع شو يبالكم شو بتسون ؟
هزاع : بنعرس جماعي انا ومنصور*
بطي : منصور ال***** ماغيره ؟
هزاع : هييه فديته ربيعي*
بطي ويسحب الفون : يالخااااام يامنصور فدييتك انا وينك لج وحشه يااخي*
منصور : أووووبس بطووووووووووووي ففدييت رووحك انا أعديبكم من متى*
بطي : شحالك ربك الا بخير يالغالي ؟
منصور : بخيير يعلك الخيير*
هزاع ويسحب الفون : شو عندكم انا هنا ماشبعت منك*
منصور : ههههههههههههههههههه تعال صح قبل لا انسى*
هزاع : نساك الموت الغالي ,, تفضل ؟
منصور : لاتنسى عرس اختي واباك اتي واتيب ولد عمك وهلك ,, ياخي ختيه تباهن يحضرن*
هزاع : افا علييك ماطلبت ,, لخميس اليااي صح ؟
منصور : هييه وخبر بطي*
هزاع : من عيووني والله*
منصور : تسلم عيونك يلا بخلييك الحين ,, ربي يحفظك*
هزاع : فدااعه الرحمن وهالله هالله بعمرك*

سكروو وخبر هزاع عن اخت منصور الي بتعرس وقرروو البنات يروحون ياخذون لهم لبسه حلوه للعرس*

بطي : انا أكره البنات لا قلتو لهم عرس*
هزاع : هيييييييههاا اسمنا الا بنتلعوز*
مهره : شوفو محد قال لكم تعزمونا ,,
شوق : شوفو من نرجع بنسير ناخذ لنا لبسه وبنحجز*
بطي : اااااااااااه شو بتحجزون بعد*
شوق : الصالون نبا نتعدل ولا تبون يقولون بنات ال******ي مب راعيات كشخه*
مهره : هييه صح شو هاا يااخي فكرو انتو

بطي : أسمني الا طحت بحلوجهن ,, بنات ********ي ماينلاامن*
هزاع : هههههههههههههههه يقوولون الشرده نص المريله*
بطي : ههههههههههههههههههه غاااايته*

وسارو عنهم وهم قاعدين يقروون وين يحجزون وحالتهم حاله .. __DEFINE_LIKE_SHARE__

سهام الروح · 05-04-2012, 07:57 PM

وإن شاء الله بكمل باجر ~> اوووووف تعبت..*.^ __DEFINE_LIKE_SHARE__

حسبتكـ لي · 05-05-2012, 04:59 PM

؟؟؟

اتريا البارت __DEFINE_LIKE_SHARE__

راقيه باسلوبيْ}~ · 05-05-2012, 06:02 PM

واااو رووووووعه
من حقهن تراهن بنات يحقلهن يتكشخن ويتعدلن هههههه وقوليلهن لا ينسني يحجزلي وياهن ههههه
نتريااا الغلا __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عاجل / ثاني شهيد في ثاني أيام الفورملا	محروم.كوم	منتدى أخبار المواقع والمنتديات العربية والأجنبية	0	04-21-2012 09:20 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
-_- (( كنت اشوفك شي ثاني)) -_-	aa1122	تصاميم الاعضاء	18	05-03-2009 09:39 PM
اسمحلي اشوفك	اسير العذاب	المواضيع المكرره	1	01-14-2009 03:07 PM
ما اشوفك	اسير العذاب	الشعر المنقول	3	12-31-2008 05:14 PM