| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-09-2011, 04:47 AM
| |||
| |||
 البارت 5 من رواية آبنسى آللي ] جرح [ قلبي آعيش وخآطري ] مرتآح [ روضووو بصدمهه وشهقت مره وحده : شو تسووو اهني ......... : مستعد اوآجه الكل لفرحتج روضو : هاي مابتكون فرحه ,, خلها فوقت ثااني ......... : لا الحيين بيكون وبدش ميلس الريااييل وبخبرهم روضو : دخييييلك ماللهـ دااعي يداام النااس عقب مر بيتنا وخبرهم .......... : روووضو لتووقفين يداامي مب غلط وابووج ترااه ماعاد يهمني تقبل الموضووع ولا انا هب مسوي شيء غلط هو اللي فاهمني غلط ,, ولا بس لآني يتيييم برابع ورا ابوج عسب يربييني ابوج على عيني وعلى راسيي بس اللي سوااه فيني هب شوي والكل يدري ,, روضوو : خلااص دخييييلك لتذكرني فزمآآآن لتذكرني فاللي امي عاشته والسبب آبووي ماتدري انه كل يووم كاان يذلها ......... : تخسي الآ هوو يذلها ,, لتتحريين اني ساكت عسب شيء لآ ترآني سافرت وهاي الفتره اللي كلهم نسووني يا رووضو الا انتي الوحييييده اللي كنتي تتواصلين وياااي رغم صغر سنج وسلطان بعد ثركم ماقصرتو حتى هي نستني يا روووضو نستني اللي ربتني قدرت تنسااني . روضو لوت عليه : مانستك صدقني ما نستك كل يووم كانت تتذكرك وتصيييح سوو اللي تبغيه ما بمنعك من شي ,,, صوب حمدآآن واللهـ يا نووره دوومج على بالي ماقدرت انسااج لحضه انتي الوحيده اللي كانت تفهمني عند منو ارووح انا عند منو هلي زوجوني غصب و اللي تزوجتها خااايسه من اول يوووووم عرفتها ~> حمدآن يشكي حاالهـ على اساس ان نوره تسمعه ومايدري ان كل هموومه ضهرت للبحر ,,, حمدآن بتنهييدة قهر : آآه يالله ارد البيت وانا بااالي فشيء ثااني ولاماارد وافشل ابوي يداام النااس أي بفشله مابرد ما بيستوي شيء وغير الوجهة لمكاان ثآآآني ,, نرد لروضو مسكها من ايدها وتوجهوآ لميلس الرياييل روضو : انا ادخل عاادي ولا احس اني غلط دااشه ميلس رياييل ........ : تغشي بطلت عينها : هاااا !!! ........ باصرآر : قلت تغشي روضو : نتغشى نتغشى ماعندي مانع لحظه لحظه قلبي يدق ......... : لتسوييلنا افلاام الحين روضو : انت بشو بتخبرهم بالظبط ......... : اول شيء الشيخه روضه بدون مصخره ثاني شيء بلا طناازه لا اهفج طرااق يطرلج رااسج روضو : تآمر عمي ,, شورآيك نخبر مريم .......... : سااعه واقفين عند البااب يلا تغشي خل ندخل دق الباب مره فتحهه الكل وجهه نظره للشخص اللي فتح الباب وبما انه روضه متغشيا محد عرفها ......... : السلآم عليكم و الرحمه الكل رد السلآآم .......... يطالع عبيد و سلطان و وبوسلطان وركز على ملامحههم : ماعرفتوني سلطآن : اسمحلنا بس ماعرفناك .......... : اصلن مستحيل حد يذكرني اذا غبت عنكم و انت يآشر على سلطان عمرك كان 17 و الحين اكيد شيء وعشرين وانت يا عبيد كنت صف خامس اعتقد عمرك كان 10 او 9 سنيين بتتذكرووني الحين ها حد فيكم عرفني غيررها هي الوحييده اللي ما ودرتني معنك ياسلطاان اكبر واعقل منها كنت ,,, دخلت رووضو اللي كانت عند الباب ........ : عقي الغشوه خلييهم يعرفوونج يمكن لا شاافووج تذكرووني روضو بدوون تردد عقتها وشافت ويووهم اللي مبين عليها الصدمه بوسلطان على طوول تذكر سيف ومتاكد انه سيف وضحت ملامح ويه سيف اللي كان بوسلطان حاافظنها بس سكت وسوا عمره مايعرف شيء سلطاان مصدووووم بشكل كبييير وبعد هالغييبه رد سيف بدون أي كلمه حضن سييف وسلطان تيمعت دمووع الفرح فعينه و سيف بعد ^^" عبيد وبدآ يذكر آخر موقف استوى ويا سيف ومن بعدها غااب سيف . . . بوسلطآآن : نحن ربيناك وعيشنااك ويانا صدق ما تستحي سيف كان طايح على الارض : بس يا بوووي ما سوييت شيء والله واحلف بسم ربي اني ما سوييت شيء cut ليش بو سلطان يكره سيف !! شو السبب اللي يخلي روضه متعلقه فسيف جي لدرجة انها الوحيده اللي عرفت بردته !! ام روضهـ كيف بتكون يوم بتشوف سيف !!
 مدونتي ] ..~ آه من قلبٍ غدى حبه جنوني ] ..~  |
|
12-13-2011, 01:12 AM
| رقم المشاركة : [ 2 ] | |
| مشرفة  |  وين ردودكم على البارتات -_-  ماعيبتكم الرواية ؟!؟! خبروني عشان ما اكملها !!
__DEFINE_LIKE_SHARE__
| |
| ||
| |
|
12-19-2011, 12:56 AM
| رقم المشاركة : [ 3 ] | |
| مشرفة | البارت 7 من رواية ابنسى اللي جرح قلبي اعيش وخاطري مرتاح ام سلطان وبدت ملامح سيف تتضح لها : ســ...يـــ...ــــــفـ......... سيفو ع طوول لوى على امه : هي يامي سيف .... سيف ام سلطان : توك تتذكرني بعد هالغييبه سيفو : ليش انا نسيتج دوم كنت اسال عنج وروضو كانت تخبرني عبيد واقف شوي بعيد : بدينا افلاام هنديه روضو ادزه ع الخفيف : جب انته عبيد يرمس مريم اللي كانت ويا البناات : نشي سلمي ع سيف ولا ماشفتيه مريم فخاطرها هاالفصعوون يصرخ علي : تامر عبيد روضو ضحكت بصوت خفيف سيف نش عن حضن امه وياي بيلوي ع مريوم بس صدمته يوم وايهته واكتف بهذا الشيء ما سوالها أي اعتباار ورد سلم ع امه وخبرها انه بيمر بيتهم وضهرو هو وعبيد . . . ام حمدان : ياهلا بعروستنا روضو : هلا فيج عمووه ميثو : نزل الادب ام حمدان : ميثو عن طولت اللسان ام حميد : وانتي ميثو هب ناويه تعرسين ميثو : خل اللي اكبر عني يعرسن عليا ومريووم و ودووم وفطيم وتاشر ع باقي الشله > ودوم و فطيم ربيعات عليا < ام حميد : ماعليج منهن هالعياايز انتي و يزووي عرسو ربااعه يزووي : لا امي اعرس ويا الدفشه ميثو لا بلاه شرد الريل ام حمدان : يلا عاد مارضاها ع بنتي ميثو تصفق : عاش ماما واللهـ ههه مشو ع السواالف وقررو يكون العرس عقب ما تخلص المداارس بكمن اسبوع حاولت روضوآ تمنعهم بسبب ماعندها وقت تجهز بس عطوها من الهزبه المحترمه ,,,, ع الساعه 6 المغرب فبيت بوحمدان ~> المعازيم بعدهم ماراحن صوب ميلس الرياييل بوحمدان يرمس خليفه : وينه اخووك من الظهر وهو مايا ناوي يفظحني خليفه : هد يابوووي الحين بدقله بشووفه وين بعد 5 رناات من خليفه رد عليه حمدان حمدان : ها خلووف حرقت الفون شتبغي خليفه : لا حقك علي عيل ماكنت ادري اسمحلي واللهـ حمدان : خلصني شتبغي خليفه : من الظهر ضهرت لين الحين الغرب ابوي ينشد عنك بتفحنا عند العرب حمدان : الحين حاشرني بس عسب جذا دقاايق واوصل البيت ~> ماعطا مجال لخليفه انه يرمس و بند ,,, ربع سااعه ودخل حمدان الميلس منصور : مرحبا المعرس حمدان انتبه لنظرات ابوه وحب يخفف من توتر ابوه : اسمحولي بس واحد من الربع سوى حادث ورحت اشوفه الحمدلله بس عنده كسر فايده حميد تعرفه حموود حميد يسير ويا حمدان : اووه حموود حليله والله منصور حس ان في شيء فالساالفه وضحك على الخفيف بعد جي ساعتين الكل ضهر من بيت بوحمدان وركبوآ مواترهم وراحوا الشباب خذو ارقام بعض والبنات نصهم ضهروآ يعرفون بعض عن طريق المدرسه سلطان + سيف Starbucks سلطان طالب moka سيف طالب Frappuccino سلطان : خبرني وين رحت عقب ماضهرت من بيتنا سيفو : لتذكرني والله ضهرت من بيتكم وانا مووول مادري وين ارووح كان عمري 18 هالوقت كنت ادور ع دوام وانت تدري ماكنت ماخذ شيء من بيتكم تعرفه خياط هزاع اللي ع الدوار سلطان : هي هزااع اللي دوم نروح عنده سيفو : فصلت عنده كمن كندوره ورحت خذيتلي كمن عطر امشي فيهن عمري هههه اللي يضحك انتي ماكنت البس بدل سلطان : زين زين استويت رياال عيل سيفو : هههه هي يقلك وجي شهرين بيتي هو الموتر ماشيء ارقد فيه وانش فيه وعقب اجرتلي شقة وكنت ارمس رووضو كان عمرها 12 سلطان : طلعت هب هينه هاي الرووضو وهي عمرها 12 عفريتته ولووتيه سيفو : هي واللهـ وجي يقلك استوى عمري 19 كنسلت الشقة وطلعتلي بعثه واشخطه اسبانيا سلطان : اسبانيا ياالهرم شو تسو سيفو : قول شوماسويت قوول بس والله وانا فالطارية والدرب طويل كل شوي كنتو ترتسمون فباالي هي والله كان شيء صعب يلا شو نسو بس تدري وايد كانت تنقصني بيزاات بس ماقصرت الحكومه يشرب شوي ويكمل يعني كل شهر كانت توصلني منهن 3500 سلطان بطل عينه : هي والله يحلييلك يا سيفوو بس سيفو : هي والله شهر كثر ماكانت اقدر ما اصرف والجامعة شوي كانت غالية يعني سلطان : أي جامعة درست وشو تخصصك سيفو : والله شوف لين ماخلصت لغة تقريبا سنة فجامعة كومبلوتنسي مدريد {COMPLUTENSE DE MADRID } درست فاينانس وجي لين ماخلصت رديت البلاد سلطان :اداوم الحين ولا سيفو : هي لقيت دوام وداومت الحمدلله سلطان : ياحيك عيل ولد اسباانيا ضهرت سيفو : وانت ليكون عطالي بطاالي سلطان : لا اطمن ههههه اداوم احم احم سيفو : اوو يا حيك عيل تمو يسولفون عن بعض وجي وعقب يو مايد ومنصور وبدو بتعليقاتهم وشوي يحصلوون عبيد وفيصل هزبووهم اونهم يهاال يعني بس يلسو وياهم و عقب اليلسه وجي بدا كل واحد يرووح وعقوا الحسااب على سيف > من ايام الدراسه وقوم سلطان يخلونه يدفع هههه وجي مرت الآيآم والعلاقة استوت قويه بين العايلتين ,,, وتعرفوآ ع اهل بعض خصووصا البناات ,,, سيف يروح ويرد ع بيت بو سلطان ولين الحين ماالتقى ويا بوسلطان وكانوا على انفراد بس شو الشيء اللي مخلي بوسلطان يكره سيف > يبين مع الاياام كل شيء وعبيد يلتقي كل يوم ويا فيصل وكل يوم مسويلهم مصيبه فالمدرسه وحاليا منفصلين اسبوع وهذا اول يوم من الفصل الاحد عقبه باسبوعين بالظبط الامتحانات ><" 7 الصبح بتوقيت دبي بيت بوسلطان روضو نازله من ع الدري وتبند سير السااعه : ميري ميري ميري : نــأم روزا روضو : اقلج لتييلسين تويمين عندي رووحي زهبي لبس الريااضه بسرععه ميري : انا مافي بشكاار مال انته يريد ملابس رووه برووها > ورااحت < تقهربي ><" سلطان : واااك حتى البشكااره معطتنج احلى طاااف كااااك روضو : روح زييين > راحت فووق بسرعه ضهرت لها قميص وجينز حطتهن فشنطة الريااضه و نزلت ادور شنطتها شلتها دخلت الكتب روضو : مالت وين عبدالرحمن بتاخر انا عبيد سوى الفيس الحزين : مريييض روضو : وانا منو يوصلني سلطان ينش من طاولة الريووق : يلا عالمووتر بسرعه روضو بدون رد راحت المووتر وركبت سلطان ركب الموتر : مره ع ميثو ماشيء ماعندي وقت انا متاخر ع الدواام روضو : نعمم شو مااشيء مره ع ميثوو بعد جان قلت من البيت سلطان ودر لفة بيت قوم ميثو : ماشيء قلت ,, بعد محااولاات روضو راح سلطان عند بيتهم كان موتر حمدان شغاال وهو فالموتر يتسفر والباب مبطل سلطان دخل فالحوي : يلا نزلي نااديها واتريااكم فالمووتر نزلت روضو شافت حمدان فالمووتر طنشته ودخلت البييت > بيتكم هو جي داخله راحت غرفة ميثو شافتها توها ضهره من الحمام { عزكم الله } روضو : الشيخه متى بتخلصين ميثو : مادري هههه صوب سلطان نزل من الموتر راح عند حمدان سلطان : مرحباا النسيب حمدان : هههه مرحبتين شياايبنك الصبح سلطان : يايب حرمتك عسب تنادي اختك بيروحن المدرسه حمداان : اهااا سولفو شوي وميثو وروضو ما ضهرن شخطه سلطاان بالمووتر روضو سمعت صووت وييل : ليكون سلطان ودرني ونزلت تربع تحت ع الدري داست ع حبل الجووتي وطااخ ع الارض دش حمدان شافها طاايحه وخشمها ينزف : وقتها هااي بعد تنقع مب فاضلها رد ضهر من الصااله عسب محد ينتبه انه موجود وماوعااها يعني شوي جي نشت روضو ومانتبهت ع الدم اللي ينزف كملت ضهرت لين برع تربع خايفه سلطان يودرها ~> ياهبله يعني سمعتي صوت الويل اكيد بيكون راايح بطلت باب الصااله دعمت نعال وداست ع حبل الجووتي وطااخ ع حمداان كان ويههها على جتفه نشت روضو بسرعه عن حضنه حمدان : اووه سلامات بلاه خشمج روضو طاااف : وين سلطان حمدان طاااااف روضو سكتت وراحت حطت عليه ثلج وجي لين ماوقف عقب راحت نادت ميثو وربطت حبل الجووتي وتحرطمتلها شوي و مشو لين الحوي ميثو شلت شنطتها وركبت ورا وروضو شلت شنطتها وركبت ورا وحمدان يالس يداام حمدان : ميثو هب دريولج انا نشي يلسي يداام ميثو : يالسه تلبس زلااغها : روضو نشي يلسي انتي انا بلبس الجوتي و حتى مب لابسه السااعه وبدخل كتبي فالشنطه روضو : روحي يلسي وانا بييب اغراضج ميثو : اقلج ترا والله انه ريلج يلسي وفيكنا روضو فرت قووطي الكلنكس ع ميثو : مسودة الويه برااوييج وشلت شنطتها وركبت يداام كانت منحرررججه وتمت ساكته ماكانو يرمسسوون الا ميثو ترمس من بينهم لين وصوولهم المدرسه ميثو : حمدوون اخووي بعد قلبي ما اوصييك ع حرمتك ودها بيتهم قميصها دم عليه حمدان يطالع ميثو بنظره مافهمتها روضو يايه بتنزل من الموتر مسك ايدها حمدان : خلاص يلسي بوصلج بيتكم روضو تاففت وردت ركبت وبهدوء : انزين فنص الدرب وقف حمدان ياخذ كرك وماسالها تبغي ولا روضو : كندوورتك عليها دم وبنفس الوقت الرياال عطا حمدان الجاهي حمدان : سمعها شيء ثاااني ونصب عليه الجااهي ,, شييت احترقت بطل باب المووتر ونفظ الكندووره اخ مب وقته موول رد ركب المووتر روضو :اصب عليه ماي بارد حمدان : هبله انتي روضو اكتفت بنظره وعقبها سكتت وصل حمدان بيتهم نزلت رووضه بدلت قمييصها و ردت ركبت وقبل ما يوصلون المدرسه وقف حمدان ع الرصييف حمدان شخطه صووب بيتهم وروضو ماعلقت ولا شيء وصل البيت نزل خذااله شاور ع السرييع جلب الكبت فووق وتحت يدور فاانييله هب محصل حمدان : يعني شووو وين الفناايل اختفن نزل تحت تذكر انه الباارحه فر كل الفناايل فالغسااله وعنده وحده فالمووتر راح عسب ياخذها حمدان : عطيني الفاانيله اللي ورا روضو تطاالعه بصدمه خير وين يبا هذا حمدان يصرخ عليها :حوو ماباكلج عطيني الفاانيله روضو : صدت ورا ادور الفاانيله هب محصلتنها : ماشيء حمدان يصرخ اكثر : بقره انتي ما تفتهمييين بطل البااب اللي ورا وعفس المووتر لين ماخذ فانييله توه بيلبسها ويشووف خلوف ياي خلوف : يضرب ع رااسه : استحوو توكم الا ماالجين وتبدل يداامها اخ عليك روضو منزله راسها وبصوت خفيف : اكتملت وفخاطرها الحين ماشيء فانيله الا فالمووتر شو هالمخ بعد حمدان : شفت كيف انا فااضي خلوف : عااش حمدان ياخي متى وحاالك تحبها حمدان طنش خلووف و خلووف ركب المووتر وقبل مايركب يا صوب رووضه غمزلها وعلق عليها وروح روضو : طااع والله استويت مصخره حمدان : هاتي الكندووره البنية روضو : كبت هذا مب موتر حشى حمدان صرخ : اقلج هااتي الكندووره روضو عطته وحده من الكنااديير حمدان يعلي صوته اكثر قيجه ارتفع لانه متاخر ع الدواام : اقلج هاتي البنية بقره انتي شو بطل باب المووتر وضهر حرته كلها فرووضو المسكيينه يرهاا طرااق لدرجة انه طبع ع ويهها روضو مب من النووع اللي تصيح بسسرعه بس صدق حست بحراارة الطرااق و ع شيء ما يرزى يضربها نعم يعني : هب بشكااره اشتغل عندك تيلس تصاارخ وتسب وهاي مشكلتك يوم انك ما تعرف تيود كوووب جاهي هب مشكلتي نزلت من المووتر ورقعت البااب وضهرت من بيتهم حمدان : والله يا روضه شوفي عقب العرس شوه بسو فييج لبس ع السرييع وضهر بالموتر شافها واقفه عند الباب : ركبي الموتر هب متفيج حق سواالف يهاال روضو وهي صدق مفوله : اقلك اذلف عن ويهيي مابغيك توصلني الشيخ حمدان تسلم ماتقصر حمدان غبر علييها ورااح تمت رووضه شوي تكح وهي مبنده عينها ومشت لين ماوصلت مدرستهم طبعا وااصله 8:40 روضو : كيف ادخل المدرسة الحيين صدق وهقه وهذا الثوور يولي مالت عليه والله زين يوم ييت مشي ابركلي بداال ما ارووح ويااه ~> المدرسه جريبه من بيت قوم ميثو دخلت رووضو شافت مس شيخه { الاخصاائية } فوييهاا مس شيخه : خير ان شااء الله وين كنتي تحووطين ا روضو : والله ماكنت احووط بس ياايه مشي مس شيخه : مبين يايه مشي وبلاه خدج احمر شو مسويا روضو اخ لازم اقلها ان حد ضاربني يعني : ماشيء مب مسويها شيء طبيعي من الشمس مس شيخه : طبيعي من الشمس و الشنطه وينها اختفت من الشمس بعد تحقيقااات الاخصاائية قالتلها روضو انها ضهرت وياريلها وراحت اتييب رقم حمدان من عند ميثو وردت عند الاخصائية دقت ع رقم حمدان شوي ورد حمدان رمسته الاخصائية عسب ايي المدرسة وهو بعده ماوصل الدواام وشكله اليوم ما بيروح اصلن مس شيخه : تفضلي روضة لين ما ايي ريلج روضه يلست وهي مول هب مطمنه لحمدان فصف ميثو عليهم فيزيا والابلة تكره ميثو لوول ميثو ادز يزووي : مادري شو استوابها روضو يزوي :ليش ميثو : يت خذت رقم حمدان اضااهر مخبصين هي وحمداان يزووي : هههه حليلهم توهم الا مالجين ميثو : لازم اظهر اروح اشووفها ولا ما برتااح شلت مزييل وصبته ع ايديها تعلي صوتها : يزووي يا الهبله شسوييتي مس برووح اغسل ايدي بسرعه بسرعه وحده من البناات اللي يالسات ورا : جذاابه صبته رووحها ميثو : ليش شفتييني هبله اصبصب مزييل ع ايدي مس زينب : رووحي رووحي دقيقتنين وتردين ميثو : اوكي اوكي ضهرت راحت الحماام خوزت المزييل ولين ماتخوزه فالاداره وصل حمدان ودخل داخل مس شيخه : انت حمدان حمدان : هي خير في شيء مس شيخه : انت ريل روضه روضه كانت يالسه منزله راسها وتهز رييلها حمدان : ليش ماشيء شغل انا آخذ هااي روضه بطلت عينها ع الآآخر : عن الخرط صدقني بخبر عمي مس شيخه : روضه بلا قلت ادب روضه : شوقلت ادب والله العظيم انه ريلي cut
__DEFINE_LIKE_SHARE__
توقعآتكم !! | |
| ||
| |
|
12-19-2011, 12:56 AM
| رقم المشاركة : [ 4 ] | |
| مشرفة | البارت 8 من رواية ابنسى اللي جرح قلبي اعيش وخاطري مرتاح فالاداره وصل حمدان ودخل داخل مس شيخه : انت حمدان حمدان : هي خير في شيء مس شيخه : انت ريل روضه روضه كانت يالسه منزله راسها وتهز رييلها حمدان : ليش ماشيء شغل انا آخذ هااي روضه بطلت عينها ع الآآخر : عن الخرط صدقني بخبر عمي مس شيخه : روضه بلا قلت ادب روضه : شوقلت ادب والله العظيم انه ريلي حمدان نكر كل شيء وقال انه هب ريلها وانهن متواعدين ويت ميثو وقال انها هب اخته ويوم يت روضه ادق حق سلطان قال انها ضهرت ويا سلطان الصبح فعسب جي بيدافع عن روضة وصدقته الاخصاائية وماخلت روضه تتصل روضة صرخت : حمدااااااااااااااااااااااااااان حمداان عصب يوم صرخت وعسب يخلي دمها يفور يرها طرااق يدام الاخصاائية ويداام ميثو و الكل فحاالة صدمة واخس شيء روضو يعني لين الحين ثاني مره يضربها ع سبب تاافه تيمعت فعيينها الدمووع بس بسرعه مسحتهم عسب ما ينتبهون روضه ترمس مس شيخه : عطيني الفوون مس شيخه : ليش ان شاء الله بكل وقاحه تتبلين ع الرياال روضه : اقلج هب من زيينه ترااني اتبلى عليه لو تبيين بييبلج بناات عمه هنا انزيين شلت الفوون ودقت حق سلطان ولا سوت سالفة حق الاخصاائية ربع سااعه و وصل سلطاان لوت عليه رووضو بسرعه سلطان : رووضه حبيبي شفيج روضه : لا تعليق حمدان ايهيج الحين شو بيفكني من سلطان مس شيخه : انت اخو روضه سلطان تيدم و روضه بعدها فحضنه : هي خير مستوي شيء مس شيخه : تقدر تقولي ليش اختك يايه المدرسة متاخره وشنطتها هب وياها و .. حمدان : حمدان تكمل وحمدان يقول انها كانت وياه فالموتر سلطان : هي انزين حمدان يستوي ريلها و هي يايه ويااه ضهر حمدااان ع طوول من الاداره وركب مووتره وشخطه انحلت السالفة عقب واعتذرت الاخصائية لروضة و سلطان وروضو ماكملت خلت سلطان يردها البيت وحمدان فهم سلطان انه حب يسو مقلب فروضو مر اليوم ورضو كارهه حمدان وميثو صدقت ان حمدان كان بيسو مقلب فميثو و استوت روضو الصبح تمر ع ميثو عسب يروحن المدرسه و مسوياا احلى طااف لحمدان و هو كل مايشووفها يعطيها نظراات وهي تشوف من هني وتنسى من هني / \ / اليوم الثااني الصبح بنفس الوقت كان سيف بيوصل روضو المدرسة وميثو بتروح ويا اخوها وروضو خبرت ميثو ان اخوها بيوصلها عسب جي ميثو ماطاعت تروح سيف وقف الموتر برع نزلت روضو شافت حمدان يتسفر كالعاده طنشته بس وقفها صوته يوم سالها : منو موصلنج روضة ردت وهي رافعه حايب واحد : سلطان تآففت وراحت وراحت فووق استغرب حمدان ان سلطان مادخل داخل فضهر بموتره عسب يتآكد وومايبغي يبين انه يبا يعرف منو اللي موصلنها شاف موتر ثاني و اللي فالموتر ما يشبه سلطان خذ لفة ع الفريج لين ماراحوآ قوم روضة ورد البيت حمدان ابدا مب معقوله هاي البنت تضهر ويا وااحد ماتعرفه لا ويوصلها المدرسة ماعليه كمن اسبوع وتستويين عندي انا اللي بربيج ع ايدي ,, مرن اسبوعين وروضو مستغربة من تصرفاات حمدان لها كان يعااملها بوقااحه استوت يوم تروح بيت قوم ميثو اتم فالمووتر ماتضهر لين مااتي ميثو ضهرن النتاايج الكل نجح واللي فالثانوية العامه مايد 66.2 روضو 88.7 حمدو 90.2 وجدموآ موعد العرس استوى اليمعه يوم الاربعاء فموتر عليو الصبح الساعه 10 ~> ثاني مره تسوق هههه اللي موجودين روضو + ميثو + لطوف كبر عليو وبنت عمها + فطيم كبر روضو بنت عم عليو + يزوي كبر ميثو عليو تسوق و لطوف يداام و ميثو و روضو و يزووي ورا ميثو : لزو شوي كسرتو عظمي لطوف : مشكله اليهاال ميثو : جب انتي جب يااخي لزوو عليا ماشافت المطبة ونقزو كل اللي فالمووتر يزووي : عياااا كسرتينا عليا : جب بس جب لو لاي جان مارحتو ولا الشيخه روضه تشرت روضو : عليا والله ابغي عمري يعني وصلينا بالسلاامه عليا وقفت : اقلكم انتو الثلااث نزلو يلا نزلوو يزووي : لا لا خلااص بنسكت لطووف : ههههههههه وكل شوي يعلقون على عليا بعد دفاان اللي تبغي مول الامارات واللي تبغي مادري وين لين ما استقرو ع دبي مول / \ / نروح صوب بيت بوراشد ونشوف الاجواء مايد يايب اليدر فالصاله ويدق عليه و محمد يرقص وحمد يصفق حمد : مسمع الصفققققه وييين عاااشو ماايد : اخييرا خلصنا المدرسة وافتكينا ~> يقوولها وهو يلحن ههه حمدو نازله من ع الدري : وش صاار وش اللي غيرني يرد مايد : ماعدت اعرفني طبيت فالمطب حمد : نزل شلق من الموتر ونقعه فاالصاله واللي يصرخ و اللي يضحك الجو عندهم ربشة على الآآخر ومخيسيين الصاله حمود يايب غلفة مااي ويرشها ع ميوود مايد : حموود يالهرم برااويك ويربع وراه يا حمد و زخ مايد و حمدوو زخته من ايده الثانية حمدو : حمووود هاات غلفة مااي هذاك ماقصر يابلهم دبتيين حمد شل وحده وحمدو وحده والماي كان بارد صبووه مره وحده ع ميوود ماايد يحرك راسه ويذهم برييله بس ماشيء فايده حمود : ههههههههههههههههه > يالس ويضحك حمدو : هدية نجااحك بعد قلبي ههههههه { وجي كان الجو عندهم ربششه ع الاخر لين ما دخل بو راشد } بوراشد وهو يشوف كيف الصاله خايسه : شوو هاا حمد + حمدو + حموود شرررررده فووق مايد : تعاالو يا الهرووم ابوي شوفهن خيسو الصاله هزبتهن صبو علي ماي بوراشد معصب : مايد ياهل انت جي مسو فالصااله شو هالمذهب بعد تتلاعبن بالمااي وجي انهزب ماايد حليله )),, On dubai mall يالسين فمطعم فور كورت يتغدن ميثو : وين الاكل بطني يصاوي روضو : انا بطني قام يعورني يزوي : يلعن شكله لطوف : سكتو فضحتوونا هب صووت عليكم الناس كلها تطاالع روضو : لطوف سكتي لا افلعج بنعاالي ميثو تسو عمرها مسكينه : لطووف يووعاانه انا عليا : حد ييب يهاال وياااه يزووي صوتها شوي علا : حسستيييييييييينيي لطووف : انطبي يزوووي ~> تمو ع هاي الحاله لين ما يابو الغدا وتغدن خذولهم اخر لفة على المحلات و راحوآ يجربون فساتينهم كلهم اوكي مالهم الا لطوف مالها مخربين القيااس لطوف : انا قلتلج سويه وسيع جذا سوزان راعية المحل لبنانية : ياحبيبتي انتي اعطيتينا هازا الايااس شو بدنا نعموول لطوف : قيااسي كان صح انتو اللي مخبصين سوزان : لك يا مدااام خلصنا بئآ بنعدلك الفيستاان ماتزعليي لطوف : خلاص باجر بمر اشله سوزان : مابيووخلوص لي بوكره لطوف : مشكلتج انتي اللي مربه الفستان { بعد دفان لطوف وياها قالت سوزان بتخلص الفستان باجر الفليل } اليوم الثاني الخميس الصبح الساعه 11 بيت بوحميد يزووي : حد يوديني بيت قوم روضوو منصور : ليش ان شااء الله يزووي : لان اليوم الخميس وباجر العرس وبتي الحناايه وبتحنيينا كلنا منصور يتعبث فالفون : هب لازم تتحنين يزوووي : منصوور لتستغبى علي منصور : لا انا عندي موتر ولا فيصل الا اذا بترووحين تهفيين أي سويج مووتر من حجرة امايا بوديج يزووي : اهاا قوول جي الساالفهـ لا ابووي ارتااح مافيا يستوييبكم شيء ويحطوون علي فيصل : شو بيستويبنا يعني يزووي : متفيج تراك ,,, جقت حق ميثو ميثو : هلا يزووي يزووي : اهليين الميث علوومج ميثو : تسرج ,, وين انتي يزووي : فالبيت ميثو وتلبس العبااه : لين الحين ما رحتي بيت قوم روضوو يزووي : مافي حد يودييني ميثو : تدرين شو لبسي وخلصي الحين بمر عليج يزووي : اوجي بيت بو حمدان ميثو نزلت تحت كانت امها و خليفة موجودين : صباح الخيير > تبوس راس امها ام حمدان : صباح النوور بنتي خليفة : صباح النووور شو موعنج من الصبح ولابسة ومخلصة ميثو ترفع ايدها : عسب نتحنى حق عرس اخووك خليفة : اهــــآآ ميثو : عليو ويين ام حمدان : راحت من فير الله ميثو : خييييييبه خليفة بنش من ع طاولة الريووق : يلا انا طاالع تامريني بشيء امي ام حمدان : بسك يا ولدي تظهر جي بتتوهق عقب خليفة : أي وهقة امي عاادي ما بيستويبي شيء وضهر بسرعه > يدري ميثو بتلحقه ميثو تربع ورا خليفة لين المووتر : خلووف اترياا يااخي خلوف وهو فالموتر > يسوق بدون ليسن < : نعم ميثو ميثو تغمز له : ماروووم ع الكششخة بس وين بترووح خلوف : ادريبي االفت النظر احم ميثو : هوو هوو عن تصدق بس خلوف يبند باب المووتر : يلا يلا بتاخرييني انتي ميثو : طلبتك وصلني بيت قوم روضوو خلوف : روضو هاي اخت سلطاان صح ميثو : هي هي خلوف : هااييل من جميرا ونحن المزهر تتمصخرين علي انتي شو ميثو ترمس بجدية : لا من بوظبي لين رااك ترد ترمس عادي حسستني خلوف : ركبي فكيينا يلا ميثو : يا البيي ع اخووي انا بس وركبت المووتر و ضهرت سيدي من الشنطه وركبته خلوف : بامر منو ان شاااء الله ميثو : خلوف يلا عاااد حلني مرتبششه لتخرب علي { ربشتها دووم الصبح هههه } طولت ع الاغنية وغنت ويا الاغنية أنا الي سكر عيونك يذوبني ,, دخيلك لا تذوبني وسكرها خلوف : خبله والله ميثو : ههههه انزين اقلك مر بيت قوم خاالو حمدة { ام حميد } خلوف توه كان ضاهر من البيت وجس برييك : نزلي نزلي طلبااتج واايد ميثو : خلووف حرام عليك مافي حد يودي يزووي خلوف : جب انزين جب ميثو : هههه اقلك عااشوآ خلوف بطل الفتحة و على الصوت ويدق ع السكاان { خريييش هالاثنيين } {{ بيت قوم روضو كان فالمزهر وعقب ماخلصوآ المدارس راحوآ جمييرا لان بيتهم الاساسي هناك }} cut __DEFINE_LIKE_SHARE__ | |
| ||
| |
|
12-19-2011, 12:58 AM
| رقم المشاركة : [ 5 ] | |
| مشرفة | تكملة البارت الـثامن من رواية ابنسى اللي جرح قلبي اعيش وخاطري مرتاح {{ بيت قوم روضو كان فالمزهر وعقب ماخلصوآ المدارس راحوآ جمييرا لان بيتهم الاساسي هناك }} بيت بوراشد روضو فالميلس لابسة قميص كت احمر وبرمودا بيضآ : وينهم وايد اتآخروآ عليو : صدقيني مافي حد اييبهم مريم يالسة ادلي الحنااية البيت : هي وعقب يمين ،، ع يمينج مركاتوآ ,, هي هي عقب الاشااير سييدة ,, يوم بتوصلين دقيلي عليو ادق ع ميثو ميثو : توج ادقيين يالهرمه مودرتنيي وراايحة ماعلييه برااويج عليو : ول ول جبريييت خفي علي ميثو : اترييني يوم بوصل برااويج عليو : هههههه كلتيني حشى وين انتي اسمع حشرة عندج ميثو : هي مرتبشيين انا وخلووف الحين بنشل يزووي و بني عليو : انزين خفي صوتج ما ارمسج من الــ ..... كانت بتكمل بس ميثو بندت فوييهاا ’’’ والله بندت فويهي روضو : ههههههههههه صوب ميثو يت يزووي يزووي : بطلت باب المووتر : مرحباا السااع خلوف : مرحبتيين ساعتين ميثو : هلا هلا يزووي خلوف : يزووي وينه منصوور يزووي : لتسال سواالي ساالفة الا يبااني اهف سوييج المووتر قلتله مااشيء هههه خلوف : عيل بنزل عنده شوي وبييكم ميثو : خلووف بنتاخر والله خلوف : اقوول انطبي ولا بنزلج هنا ميثو : انزين انزين و صدت صوب يزووي يسوولفوون منصور : طاع منوو ياي انتو بس ويتخااشم ويا سلطاان خلوف : ها ميلس فالبيت عيل منصور : شسو ماعندي موتر خلوف : قم قم بنرووح انحووطلنا شوي فيصل : وانا ايلس هنا جني حرمه اتييهم ام حميد : شو حرمه بعد كل من يلس فالبيت سوييتوه حرمه خلوف : شحالج خاالووه ام حميد : اسكت انته لترمسني منصووور : مغيظييين علييك خلووف خلوف : افا خالووه شو مزعلنج مني ام حميد : لا تمر ولا تسال ولا جنه عندك خااله خلوف : السمووحه منج والله شنسو بعد اشغاال الدنيا منصور يهمس له : هي ماشاء الله اشغاال واايده واااايده خلوف يدزه : يلا خاالوه بظهر انا تاامريني بحاايه ام حميد : سلاامتك وتحمل بعمرك خلوف : يلا منصوور منصور : يلا يلا وراك انا مع السللااامة ويغمز حق امه يا بعد قلبي والله ام حميد : منصور اصطلب لا اقووم امرغك بالخيزراانه منصور وهو ظااهر : هههه هي مرره وتووبه منصور : علوومج ميثو العيووز ميثو : عيووز حرمتك يا الدعله هب انا خلوف : ركبي وراا منصور بيركب يداام ميثو رافعه واحد من حياتها : نعمممم منصور يبطل باب الموتر وين يالسه ميثو : يلا يلا بسسرعه ميثو تبند باب المووتر اركب ورا ما بيستوييبك شيء خلوف : ركبي ورا وفكييني من صدعتج ميثو : انـــــــــــــــزيـــــــــــــــــــــن منصور : ايوا خلج مطيعه سوتله ميثو ماالت وركبت ورا هههههه ساعة الا ربع و وصلن كل البناات بيت بورااشد اللي تحول من هدووء الى حششرة ويوولة تدخل ميثو : مرحبااا بناااتااات روضو : مرحبتيين و تواايه ميثو ميثو : اهلا والله مرت اخووي يا هلا روضو : جب انزيين ورااها يزووي : مرحبا فمرت ولد خاالي والله روضو : يالله حسستوني مااخذه شيخ وبغروور الا هو حمدااان عليو توقف : أي أي ماارضا على اخووي تراا روضو : ههههههه ربع ساععه و وصلو كل البناات اللي كانوآ فالميلس تعرفونهم بس بوظح اكثر للي ناسين روضو ومريوم - خوات حمدوو – بنت عمهم ودوم 19 سنة تعرف تسوق بس ماضهرت ليسن و شما كبر ميثو – ربيعات روضوو البست بس ما اييون بيتهم واايد اكثر شيء يتلاقون برع البيت اسوم و موزو – بنات خاال روضو اسوم كبر ميثو موزو 22 سنة ميثو و عليو – خوات يزووي – بنت خالهم تعرفونها كبر ميثو لطوف – بنت عمهم 20 اعقل وحده فييهن ههههه فطيم – بنت عمهم 17 كبر روضوو للعلم : متيمعين كلهم عسب يتحنون وبتعرفوونهم عقب اكثر و في شخصيات راحوآ صوالين Stoop ~> يوم بيي وقت العواايل بذكرها فطيم : وينها اللي تحني سنة لين ماتووصل يزووي : مووترها بنجر فالدرب فطيم : اتخيلها تنزل تعدله هههههه الكل ماعادا لطووف : هههههههههههههههه لطوف اونها العااقل : بسكم تعلييقات ع الحرمه يزووي : ماالي انا والحب فطييم : عااشوآ ههههه اسوم : مادار في باالي الخالي اتعلق بغاالي مووزوو : شو يسكتهن الحييين ميثو : لا لا تخيلو صدق موترها بنجر روضو : اتوقعها لافه الوقاايا ومسوتنها حجااب وتعدله مريوم : ولتنسيين انج وياها عليو : ههههههههههه ودوم : مجذباات الجذبه ومصدقااتها روضو : ههههه اقلكم الحين بيمر علييها واحد و اونه بيعدل موترها يزوووي : هي وعاد هي ما بتقصر مرره بتعطييه الــ ............. وسكتت ودخلن الحنايات هني الكل نقع ضحك وحدة من الحنايات : شاللي يضحك روضو : حيااج حيااج ماشيء كنا نطري نكته وضحكنا والكل ميود عمره ودوم تهمس ليزووي : يزووي شحاالج ههههه يزوي : جب جب الحناية : انا اسمي وديمة الكل يطاالع ودووم وفيهن ضحكة من الخااطر ميثو واونها يعني : عاشت الاسامي واللهـ وجي يسلو وتحونوآ شوي يضحكن ويسوولفن }},, نروح صوب سيف ,, هب مداوم اليوم وماخذ اجاازه نتكلم عن سيف عسب تعرفونه اكثر كانت شقته فخمه وآيد بما انه يداوم ودوامه ترتووب وراتبه عجيب بالنسبة لشخص واحد ,,, شقته اطل ع شارع البحر فـدبـي الصآله كانت عوده وآيد و فيها غرفتين هب كبار وايد بس اوكي حجمهم شيء مطبخ تحظيري ولكل غرفة حمام سيف عدل الشقة وجنهآ بيته للعلم انه شاريها ,,, كآن وآقف فآلبلكونة ويطآلع البحر ,, للعلم ان الجو كآن ومغيم ,, والموج مرتفع سيف تنهد تنهييده آلم : الحين بعد هاي السنين كلهآ وينهن آهلي ليش محد بين فيهن معقوله ما يبووني رد يوم كآن عمره 8 سنين وآذكر اني كنت رآيح غرفة امي وانا راد من المدرسة وسمعت ابوي يرمس امي ابوي : يا ام راشد الولد يوم بيكبر بيعقناا مهما يكون نحن مب اهله امي : انت هب اهله بس انا وحده من هله امه وصتني عليه و انا مابهده لو شو ما يستوي ابوي : ما بتهدينه بس ما تتخيلين يوم بيكبر ما بيذكر هله شو بنقووله امي : ليش انته ناوي تخبره ترى محد بيقله وهو من وعى على الدنيا وانا مربتنه ما بينساني وانتي تدري انه امه تــكـــون ,,ما كملت كلامها لآني دخلت عليهم كنت ياي وانا مستاانس من المدرسة اليوم الآبلة مدحتني ياحيي منو قدي سمعت رمستهم طنشتها بحكم اني صغير ومافهمت شيء ,, قطت حديثهم وانا اقول حق امي انا : اليوم صفقوني الاولاد في الصف كنت شاطر ماما حليت مساله محد عرف يحلها امي وجنها تذكرت شيء ونزلت دمعتها وبسرعه مستحتها وجنها ماتباني اشوفها : شاطر ولدي عسب اليوم بنودييك الالعااب انا : صدق مااماا وانا تشققت من الونااسه وقمت انااقز وطحت ع رااسي وتعورت وقمت اصيح دخل علينا ابوي : سييف جنك ياهل تيلس تنااقز وانتي لوطاح و استوابه شيء بتتحملين المسؤووليه بندت اذني مابغي اسمع صرييخ ابووي علي وعلى امي هو واايد زين ويا امي بس يوم انا مووجود يعصب عليها رد سيف لواقعه ونزلت دمعه من عينه ,,, يعني الحين هي ماتكون امي انزين منو امي عيل وعلى صووتي اكثر ودخلت الصااله منو تكوون امي ومنو ابووي وينهم هـــلـــي ومن قلت هاي الكلمه كان شيء كوب فايدي وجني ضهرت كل حرتي فالكووب بكل قوااي فريييته سيييده ع المرااايا العووده اللي كانت محليا الصااله و شفت الغرش و النسكافيه اللي خيس الصااله كلها والغرش اللي تناثرت فكل مكاان مسكت غرشة من الغرش وعصرتهآ فآيدي وانا هب حاس بالعوآآر اللي فآآيدي لين مانكسرت الغرشة وبقت بقاايااها بآيدي يلست ع الارض وانا اشووف الدم طايح فمكاان واحد و الغرش الصغيرة اللي منتثره يلست ع ركبي و عيني كانت حمراا بمعنى الكلمه مسكت رااسي وانا اصاارخ وييينهن هلليي لييش بااعووني ليش محد يااااني كل شيء سوييته رووحي وبدآ صوته يخف بتدريجاات رووحي ... رووحي ... روووحيي نشييت من مكااني بسسرعه متجه للمطبخ شلييت الصحون و الاكواب مادري هم شدخلهم ههه وفريتهم واحد ورا الثااني ع اليداار لين ماحسييت عمري ين ينووني وتوني احس بالم ايدي شوي استوعب اللي سوييته وانا اطالع منظر الصاله اللي تحول الى مزبله جنه اثنين مداافنين فيه ,,, غسل ايدي بمآآي بآرد وحطيت فوده عسب الدم و ضهرت من الشقه مستعيل واشخطه المستشفى لفولي ايدي بشااش وجبس حسسوني فيه كسر دورتلهم أي حجه و ضهرت من عندهم وحاولت اهدي عمري ,, هديت عمري وتذكرت ان بآجر عرس روضة وانا لين الحين مب مفصل لاكندوره ولا شيء ولا اعرف ريلها اسميني يوم بعرفه بحلله تحلييل هههههه رحت ع محل هزآآع ماعرف اسمه بس الرياال اللي يشتغل اسمه هزاع دوم نتعامل وياه انا وسلطاان هههه فصلت عنده وبالمره خذتلي سفره و بعد محايل وياه قالي بيخلصها باجر الظهر عيل في واحد اليوم يفصل وباجر يباها هههه و رحت محل روديو اماريتس مول خذتلي نعالين و مريت خذتلي ساعة شوبارد كان عليها ربل اسود وستيل ياي ع النحاسي وخذت ساعة حق روضو دامها بتعرس هههه كل ها ع السريع هههه واشوف السااعه وصلت 4 شهقت من خاطري مسرع مامر الوقت والله هههه رحت اقرب محل يغلف الهدايا غلفت الهديه وادري روضو بتسبني لاني هب يايبلها غير ساعه هههههه ركبت الموتر و فريت الاغراض مريت ع بيتنا هه اقصد كان بيتنا بركنت الموتر نزلت دشيت الصاله مافي حد غير عبيد اللي كان منطبن في الصاله وبعده ما ودر هاي السالفة دومه ينخمد فالصاله وعيته سالته وين روضو عبيد بصوت رقاد : هـــآآآ انا : وين روضو عبيد : عرست يتني ضحكه من كثر الرقاد مايحس باللي يقوله : لا لا وينها فالبيت يعني ههه عبيد : الميلس قبل ماروح الميلس كنت اشووف كل مكان فالبيت كنت اذكر يوم كان يضربي ابوي ولين الحين اقله ابوي مادري على شووه هههه المهم كنت اذكر كل موقف و بتفااصييله تميت سرحان شوي وعقب رديت للواقع يلا شليت الافكار من رااسي دورت امي ماحصلتها ييت بروح الميلس بس ياني فضوول اشووف غرفتي شوسووبها للعلم اني اول مره ادخلها من عقب ماغبت شعوور صعب واللهـ اني ادخله بس حبيت اسويها مفاجآآآه دامهم كلهم حنوآ علي ادخله رحت غرفة سلطان اشووفه منطبن شوهالبيت اللي كله رقوود هههه ماحبيت اوعيه مريت غرفة روضو مقفوله دوم هالبنت تقفل غرفتها حتى وهي فالبيت هههههه لاني دوم افتش فكاامها واغراضها وتعصب اللي يضحك انها تحط نووت وتكتب عليه سيف لتدخل الغرفة هههه مريت عن غرفتها وانا اذكر كل دفاانا ومصخرتنا هههه ومره كسرت ايدها كان سلطان حابسنا انا وهي ومريوم فالغرفة قمت فتحت الجامعه وقلتلهم بنروح ع غرفتي كانت غرفتي وغرفتها { روضة } حذال بعض بالضبط و دري اللي يودي فوق البيت بينهم من برع الفلا يعني عفدت انا و وقفت ع الدري جيكت ع جامعة غرفتي مقفوله ما في غير نروح فوق البيت وكان الفليل ونحن من العصر قافلين الباب علينا ماذكر شوكنا مسويين ههه اعتقد فلعنا سلطان بالبيض وقفت ع الددري وسحبت روضو بس مادري شو استوى فايديها وانعوت هههه وعقب عاد فتحت منااحه و قلتلهم هي ومريم يتمن فالغرفة ورحت فوق البيت واستويت سبايدر مان والله لاني عفدت من البلكوونه ع الموتر وضهر صوت وعى ابوي من الرقااد نش وجي وخبرته وعقب ودينا روضو المستشفى وما انسى انه ضربني ضرب والله ما انسااه الله يبحصه كيف اكرره يبط الجبد وجي ’’’ كنت ياي ادخل غرفة مريم بس ياني شعوور غريب وانا اذكر يوم تقلي نحن هب خوات مدمن رديت لورا كانت وايد اوكي وياي بس ابوها لعب فمخخها رحت عاد غرفتي تميت متردد ابطلها ولا اخااف انصدم انهم غيروآ كل شيء فيها مسكت القبضه وبعد تردد فتحتها بس للآسف مقفوله حسيت اني مستاانس يعني مب مخلين حد يدخل غرفتي هههه والله اني اهبل عقبها رحت تحت ومانكر اني كل شوي اوقف واذكر شيء هي واللهـ ذكرت كل شيء بالتفااصييل يلا اهم شيء ان محد يقدر يذلني الحين و حمد { بو سلطان } اللي كان يعلق علي ييت وانا وياي شهااادة اسباانيا ههههه رحت الميلس بطلت الباب بدفااشة واكيد روضه بتنقز بس انصدم بصوت الصرييخ اللي قوم البييييت واشووفهم كل وحده نشت من مكاانها وانا بعدني واقف مانكر انهم كلهم حلوآآت ههه بس طاحت عيني ع وحده طرر والله انها خطييره جمالها غيير عنهم مادري ليش ,, فريت الهديه وبندت البااب بسرعه وانا اسمعهم يتحرطموون ودووم : طيحلنا قلووبنا موزو وصووتها عاالي والله صمختني : يعني ماتدري ان شيء بناات هنا امف علييك ميزت صوت روضو اللي كانت يالسه وتضحك : ههههههههههههههههــ حراام عليكم لطووف : أي حراام يقربلج هو روضو : يب يب بس مايدري انه شيء بناات اهنا مريم اللي دشت عرض وميزت صوتها عدل : لاماعليج يعرف بس تعمد روضو بحده : لا ماكان يعرف ولعلمج سيف غير عن اللي فبالج وديمة الحنااية : وحدة تروح تقله شيء بنات هنا ودوم بما انه لين الحين مابدوآ فيها شلت الهديه وقالتلهم : لا لا يايب هديه بعد كلهم بشووق : فتحييها ودوم فتحتها بشوييش يت ميثو دزتها وبطلتها بدفااشه روضو : ميثوو لتخربيييين الغلااف ميثو : واثقه انه حقج يمكن يكون هب لج : بطلتها ولقت كرت ميثو : حق منو تتوقعوون الهديه شمييم : يا روضو يا مريووم لانه اخوهن هههه ميثو تبطل الكرت : بقرى وانطبوآ محد يرمس : احم احم روضو العنز واخيرا بتعرسين وبتفكيينا تراني ماشفت ريلج ولا حللته هههه يعني خبريه انه مابيفتك مني ترد عليه ميثو , ول ول الله يعين اخووي اكيد هذا سيف صح روضو : هي هي كملي الحناية كلثم : بس لايحرك وايد كله خرااب بعدين > هنديه و ترمس حمدووآ حمدو : انزين انزين ميثوو كملي ميثو : و مبروك ع العرس وادريبي زطي مايبت غير هديه وحده بس الهديه الثاانيه فيوم عرسج خخخخ وكاتب آخر شيء سيف فتحت ميثو البكس و لقت السااعه مررتها ع البنات كلهن روضو بصووت عاالي : يا الـــــزط بـــــس ســـــــــآآآآعــــــــــــه سمعت صووتها وانا ورا الباااب بعدني واقف ترا هههه ضحكت بصووت عاالي ميثو : طع بعده وااقف روضو : انا ياللسه اتحنى وحده تروح تخبره وتطالع ميثو ميثو : لتطااالعييني مابرووح ودووم : حتى انا روضو توجه نظرها لآسووم : لتطاالعين استحي ارووح الحناية وديمة خلصت من روضه : يلا اللي بعدها يلست اسووم وبدت تحنيها وفهمتها اسوم شو تبا روضو : يلا وحدة منكن ترووح بعد ترجي رااحت ودووم ولبست عباتها مريوم : روضو شو اطرشين البنت تعرفين اخوج عدل ما يحتاي اخبرج عنه cut I want your expectations __DEFINE_LIKE_SHARE__ | |
| ||
| |
|
| مواقع النشر (المفضلة) |
« تكرهون البنات ؟؟ تعال وبتغير رأيك ..
|
آخْذيڹي ڵيـآ ξـجْبتـﮕ بـ๛ رُدينْي «...» ۉانْ مْـآ ξـجْبتـﮕ خڵآڝ آخْذيڹي مـآبينْي. »
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| آبنسى آللي [ جرح ] قلبي آعيش و خآطري [ مرتآح ] | حرم زايد | استراحة قصص وابداعات الاعضاء | 21 | 11-28-2011 03:24 PM |
| آبآ ، ، ، ، ، آرحل مع وجع قلبي و حزني . . . . . . . و آعيش آلعمر بذكرى هيآمه . ، | Ƨнωαήνy | عدسة الاعضاء , كاميرا الاعضاء | 5 | 12-23-2010 04:52 PM |
| [ موضوع المسابقه ] آنتـﮧ مرتآح ! | مـ » آنسـﮯ هۈآڪ « | الحوار والنقاش - الرأي والرأي الآخر | 15 | 11-04-2010 04:40 PM |
| في { قلبي } شي بقۈلـھ * ’ ۈأبيڪ تسمع ’ ـني للآخ ’ ـر ~ ᴘᴉᴄ’s | я o ό о 7 i | المسنجر وملحقاته , توبيكات , ماسنجر بلس , msn | 24 | 11-07-2009 09:53 PM |
| آلطعنه آللي من ورآ آلظهر تنهيك .. وشلون لآ جآتك من آللي يودك | البطة البيضاء | شعر و خواطر | 6 | 09-24-2009 04:52 PM |
الساعة الآن 10:13 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227