| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-09-2011, 04:09 AM
| |||
| |||
 البارت الرابع بعد ما وصلنا العزبة الكل نزل .... سرنا نحن البنات بصوب و الشباب بصوب و الشياب و العيايز بصوب قلت و انا الهث: بسسسس قسسسم بالله تعبت يلسنا شوق بنت خال ذياب: ما وحى لج اتعبين يلا كملنا ميثا و هي تضغط ع ريولها > اخت راشد: و الله حتى انا تعبت خلونا نستريح و عقب نكمل ميوه: و احد يمل من ركوب هالعراقيب بالله عليكن مريم بنت خال ذياب : ههههههه اطالعن نحن نركب العراقيب بريولنا و الشباب بالسيايير جوفن > و تاشر عليهم >>>>>>>>>>>> عايلة ذياب خال ذياب >ابو محمد< عنده خليفة و محمد و سالم و مريم خال ذياب الثاني و اللي ساكن عنده >بو راشد< عنده راشد و ميثا و شوق و شمسة و فارس عمره 5سنوات و طبعا ذياب و امه روحهم عايلة و ما اعرف شي عن ابوه و اهله منه و يدته ساكنه في بيت بو راشد كونه اخر العنقود والكل ساكن عنده هع >>>>>>>>>>>>>>>> سلامة: انا بنزل بسير صوب العيايز احسن لي انا: شليني وياااااج تعبت ميوه: صدق انه صلاحيتكن منتهية قلتلها: يدديهااا ها ها ها الكل: ها ها ها سخييييييييييفة عطيتهن ظهري و روحت صوب العيايز و طبعا مسكن سلامة و حلفلها ما تسييير ... مشييييت ليين ماسمعت صوت وحده من العيايز و تاكدت انهن يالسات في الخيمة بس استغربت ليييش يالسات هناكـ و الجو طررررررررر قربت من الخيمة و انا اسمعها و انا شاكة انها ترمس ياااهل على هالاسلوب .. فديتك حبيبي يمة علني ما ذوق حزنكـ ... شكييت في الموضوع بتكلم جي قدامهن ... زاااد عندي الفضول 180 درجة .. دخلت الخيمة و انصددددددددددددددددددمت > < > جفت ذياب و منسدح ع ريول امه و هي تلعب بشعره و ترمسه مثل اليهاااااال لا و يصيح ... و من جافني لف راسه عجهت بطن امه و هو حاضننها و انا مثل وضعيتي منصدمة .. ليييش يصيييح؟؟؟؟؟ شوو المكدرنة؟؟؟؟ وصلني صوته و هو نفس الحركة: مطولة هناااك؟؟؟ قلتله و اانا شبه مصدومة من اللي اجوفه ذيااااب القوي يصيييح و لا و امه ترمسه شرات اليهال : هاا قالتلي امه: يمة اليازية فديتج هاتي كوب مااي لو ما عليج امر قلتلها: تامرين .... و طلعت و سمعته يقول: ما بغت تفج ... و امه قالتله: عييييب ما يصير هالكلام ... و هو رد عليها مثل اليهال: زييييين ابتسمت و انا مكملة طريقي صوب كرتون الماي اييب كوب ماي.. اخذت اثنينه له و لامه و رجعت الخيمة قبل ما ادخل .. استاذنت : ممكن ادخل ياني صوت ذياب: لااااا ابتسمت و دخلت : يبت المااي جافني و رفع حاجبه الايمن: انتي سمعج فيه شي؟؟ جفت امه تقرصه بطريقة ما تباني اجوفها بسسس انا ما يطوفني شي جفته هع حطيت الماي قدامهم و ييت بظهر بس صوت ام ذياب وقفني: مشكورة يا بنتي قلتها : العفو .... و ركضت برع و انا مستانسة قالتلي بنتي يعني في امل >>>>>>>>>>>>>>>>>>>>>>>>>>>>>>>>>>>>>>>>>>>>>> خطفت علي هالذكريااات مثل الحلللم و نزلت دمعة حاااارة شقت طريقها ع خدي ... مسحتها يوم جفته ظاهر من الحمام و هو يطالعني باستغراب.. طنشته و روحت المطبخ اللي في الشقة و صبيتلي قلاس مااااااي بااااااارد يبرد علي ... شربت الماااي و لكن في حرارة من ورايه .. كملت شرب المااااي .. لكن تاكدت انه الحرارة من انفاسه اللي ورايه . ذياب و هو لاصق بظهري: شو اللي مكدرنج... من تزوجنا و انتي بهالحالة بلاااج؟؟ نزلت دمعتي.. تقدمت احط القلاص ع الطاولة و لفيت صوبه .. جفته يالس ع الكرسي ويطالعني: انته لييش جي؟ طالعني بنظرات ما فهمتها : كيف يعني جي؟ قلتلها و انا ماسكة دمعتي لا تنزل: حاقرني .. مب معبرني .. ما توقعتك جي قاسي و بدون قلب عطاني ظهره و دخل الغرفة لحقته و دخلت عنده .. كان قدام التسريحة و يمشط شعره و كانه يبا يطلع قلتلها بالم:بتطلع؟؟ رد علي ببرود: هييه قلتله: من ييت و ما ظهرت مكان الا مرة وحدة بس ذياب: ما وحى لج يومين بسس هيدي قلتله بانكسار: انته من ييت تظهر و تطلع و انا هني قال: انا ريال رديت عليه بسرعة: و انا بنت طالعني من المنظرة و رفع حاجبه و شبه ابتسامه ع شفاته: كنتي .. طلعت من الغرفة قبل لا يكمل و انا منحرررررجة .. عرف يحرجني السبااااال ... يلست عالكنبه و انا افكر في حياتنا لييين متى ؟؟؟ متى ما كان رااااايق لازم اكون و من يكون معصب اتجنبه انزيين لييييش ؟؟؟ اباه بسس يوضحلي .. قطع افكاري صوته: يلا تزهبي بنتعشى برع و كان حد صب فوقي ماي باااااارد ... بطلع بيعشيني برررع .. ركضت غرفتي و طلعتلي قميص احمر و جنز ازرق غامق.. عقب ما لبست روحت قدام المنظرة و رتبت شعري وسويت قصتي بف و و كحلت عيوني و حطيت ماسكرا و بلاشر و قلوس احمر لبست عبايتي و شيلتي .. اطالعت نفسي فالمنظرة اخر مرة و شليت الهاند باق و طلعت الصالة ما جفته فالصالة قلت اكييد فالمطبخ .. و فعلا لقيته فالمطبخ حطيت يدي ع خصري و قلت بدلع: لا والله و انا اتريااااك طلعت تشرب نص كافيه ابتسم و طالعني من فوق لين تحت و ساااكت قلتله و انا منحرجة: في شي غلط قرب مني و مسكني من خصري و انا احس قلبي بيطلع من مكانه و قال: غيرت رايي ما بنظهر حسييييت بخيبة امل عقب هالتعديل و هالكشخة ما بنظهر مديت بوزي و لفيت ويهي عنه رفع راسي باصابعه و خلا ويهي مجابل ويهه : اخاف عليج من العين رديت عليه بسرعة: ما بتصيبني عييين .. دخييلك ظهرني زهقققت من اليلسة مشى عني و طلع من المطبخ : اترياااج برع يلا مشيت وراه و انا احاسب نفسي .... لييش انا اسويت ؟؟ شو قلت ؟ ليش قلب علي ؟؟ الله يستر. طلعنا برع الفندق و كان يمشي قبلي بسررعة و انا اربع ورااه ... لحقته و وصلت عنده اطالعني و ابتسمت له و اطالع قدام حبيت اسولف وياهـ: متى بنرد البلاد؟ انصدمت من رده: لييش مليتي مني؟ ما عرفت شو ارد عليه .. معقولة يفكر جي ... اكتفيت بالسكوت و هو سرع بمشيته و صار يسرع و يسرع و ما قدرت الحقه يلست ع اقرب كرسي و انا اطالعه و هو يمشي حتى ما انتبه اني ما امشي عندهـ! سندت راسي هالكرسي و انا اطالع الساير و الراد و هم نفس الشي .. اطالعت صوب الفندق .. كنت اجوف قمته قررت اني ارجع الفندق و الا اذا تميت اتريا السيد ذيااااب جان خست فبقعتي مشييت فـ شوارع ماليزيا ... الدولة اللي يسيرون الها المتزوجين لقضاء شهر عسلهم .. سويت مالت ع حظي ... أي شهر عسل أي بطييخ .. انتي حتى طلعتي عنده مرة وحدة مشاج قرب البحر و ردح و الحين خلاج بروحج اتلفت يمين و يساااار و انا مستغربة المكاااان ... ويين انا لا يكون ضيعت رفعت راسي ابا اجوف قمة الفندق بس جفته بعييد و الكل يجوفني .. عدلت شيلتي و رصيت عليها .. دورت فوني في الشنطة بس مالقييته لا يكون نسيته شتتتت جفت وحدة لابسة عباهـ توجهت صوبها ..عسى اتساعدني .. لـــــكـــــــن !!!!!!!!!!! جفت وحدة لابسة عباهـ توجهت صوبها ..عسى اتساعدني .. لـــــكـــــــن انصدمت من الشخص اللي قرب منها و عطاها ايس كريم اطلقت العنان لدموعي انها تنزل ... يعني انا مافتكر فيني ... مشى عني و راح عندها ... حتى ماسال عني وصلت الفندق و لا اطالع فيني حتى فكرت اكثر عن مرة شو لازم اسويه ... فيني فضول ابا اعرف شو علاقة هذي فيه .. لا و بعدنا في شهر العسل مشو مع بعض و كل واحد مبتسم للثاني .. مشيت وراهم من دون ما يحسون ..دخلو مطعم راقي و يلسو ع طاولة و هم يسولفون و يضحكون يلست برع المطعم و انا انتظر حضرته ... بعد نص ساعة طلع من المطعم و شكله مختبص لا يكون عرف اني اراقبه .. لكن مشى بسرعة الا ربع .. ركضت وراه بشويش و كان يسبقني و انا امشي وراااه لييييين ما وصلناااا > < المكااااان اللي خلاني فيه .. ضرب بايده ع يبهته و هو يتحلطم ما فهمت شو يقول؟؟ ... كان يدور حول المكان .. مشيت لين وراه و قلت: انا هنيه لف صوبي بسررعة و حضني بقوو: الحمدلله ... وين رحتي؟؟؟ نزلن دموعي بغزارة و بديت اشاهق و انا اجوف الخيانه فعيونه... عطيته مقفاي > ظهري< لكن الشي اللي انصدمت منه حضني من وراه ... حاولت اني ابعده عني و هو يحمدالله انه ما صار فيني شي ... بعدت عنه باشمئزار و قلت: اكرهك يا حقيييييير جفت فعيونه الصدمة ... مسكني من يدني و تم يسحبني لين ما وصلنا الشقة و عقب فرني عالارض و قرب مني و صارت انفاسه مسموعة بالنسبة لي : منو الحقير يا روح امج؟؟ خفت من نبرة صوته بس قوييت نفسي: انته ... منو غيرك الحقير و الخسيس و النذل >و قلدته< يا روح امك مسكني من رقبتي و يضغط عليها و انا اسحب نفسي بصعوبه و لكن ما رحمني بدى يرافسني و يضربني الا انهل علي بالضرب ... و انا اصرخ عليه : ياااااااااااا حيواااااااااااااااااااااان فجججججج عنيييييييييي قرررب مني الا لصق فيني و انا منقرفة من قرربه حاولت ابعده عني ولكن من دون فايدة يظل هو االريااال هو اللي بنيته اقوى بعد عني شوي و بدا يضرب مرة بريله و مرة بايده .... فرني بعيد عنه و ضرب كفيه ببعض و كانه مشمئز مني و قال: هذا بس لانج قلتي يا روح امك ... امي الله يرحمها ... و الا حيوان و حقير و نذل هااااي حسابه بعدييين ... > و دخل الغرفة وعقب عشر دقايق رد و شكله كان ماخذ شور طالعني بنظرات ما فهمتها .. لمييت شعري اللي كان متناثر و ارص ع عبايتي و انا اطالعه بخوف ... لمحت ابتسامة انتصار ع وشفايفه و عقبها ظهر طلع و خلاني بروحي جثة هامدة لا حول لها و لا قوة ....تكورت ع نفسي و انا اصيح و اشاااااهق و احس بروحي بتطلع ..مشيت ثمي و جفت فايدي دمممم .. دم!!!!! القاسي المجرم الحيوان الخاااااين و له عيييين يضربني .... تذكرته يوم قال حساب السب بعدين تسحبت ليين الغرفة و انا احس بويع فـ ريولي ... حاولت اقفل الباب اكثر عن مرة بس ما قدرت .. تساندت ع مقبض الباب بس ما قدرت و تسحبت لين الحمام و انتو بكرامة دخلت البانيو و انا بملابسي و منقرفة من لمساته و من قربه ..شغلت المااااي و بدى يررش علي .. امتزجن دموعي بالماي بدييييت اشاهق و اصيح و اتذكر قربه و اصيييييييييح بقوووو .. و زاد صياحي يوم دخل علي الحمام و هو مبهت مستغرب .. قرب من البانيو و حاول يطلعني و ماسك ايدي و انا اسحبها عنه بخووووف... همس باذوني: حراااام اللي اتسوينه صارخت عليه و بكلمة بعد عني .... و انا ارشه بالمااااااي و كانه حالة هستيرية صابتني طلع من الحمام عزكم الله و عقبها بشوي ما تعدى دقايق دخل و في ايده روب بند المااي ولبسني اياه و انا اضربه عصدره و ايده و هو مب مهتم .. بعد ما لبسني اياه و انا لازلت بعبايتي ... شلني و شعري يقطر ماااي .. سدحني عالكنبه و بند المكيفات وياب الفودة و يلس عالارض و بدا ينشف شعري مسكت المنشفة عنه و قلتله: بعععد ما ابا شفقة من واحد نذل كان ساااااااااكت ثلللج يالس قدامي و هو يطالعني بهدوء .. مسك المنشفة عني مرة ثانيه و كمل ينشف شعري وقفت .. لكن حسيت الدنيا اتدور علي مسكت اجتوفه اتساند بهن .. مسكني و ردني عالكنبة و سدحني : لا اتعبين روووحج نااامي بدن الدموع يتجمعن فعيوني و انا اتذكر البنت اللي واقفة عداله و الموقف اللي من شوي و الدناءة اللي هو فيها .. صديت عنه و قلت: اطلع برع قالي ببرود: انا مقدر موقفج .... قاطعته بصريخ ممزوج بدموووعي: اطللللللع اكرررهك ما ابا اجوفج .. يالخااااااااااين اكرهككككك بررررررررررع .. ما اباااااا اجوفك احس بغثيان من اجوفج برررررررع طلع عني و ما عبر دموعي حتى ... تكورت ع نفسي و انا اجوف ملابسي اللي كلها خاااايسة ماااااااي و بديييت اصيييييح و اصيييح و احس اني بمووووت من كثر ما اشاهق قويت نفسي ما اباه يجوفني ضعيفة اكثر من جي .. حاولت اوقف بس ما قدرت __DEFINE_LIKE_SHARE__
 مدونتي ] ..~ آه من قلبٍ غدى حبه جنوني ] ..~  |
|
12-09-2011, 04:13 AM
| رقم المشاركة : [ 2 ] | |
| مشرفة  |  تكملة البارت السادس اوووف الحينه هذا وينه .. يلست و انا افكر وين ممكن يروح .. لا فالحمامات >عزكم الله< و لا عند تهاني يعني ويييين .. خطرت فبالي فكرة ناديت المظيفة و الحظ يا مظيف المضيف: أأمري بابتسامة توتر: ابا تنادون شخص ضيعته المضيف: آسف ما بنأدرش و بعدين نحنا فالطيارة يعني هون و الا هون شو هالوهقة: انزين ناده انته ما لقيته المضيف: شو اسمه؟ ياااااي بيزقره: ذياب حمد المضيف: اوكي ازا شفت طفل رح اسأله عن اسمه و اخبرك > وروح هههههههههههههه طفل و الله لو درا ذياب بيفرني من الطيارة ... يسويها .. ترييت وقت طويل و الحين بيعلنون عن هبوط الطيارة و ذياب بعده ما يا قالولنا نربط الحزام و في هالوقت لمحت ذياب ياي صوبي .. يلس مكانه و ربط الحزام بعد ما ربطت الحزام افتريت صوبه: ويين كنت؟ كااااان سااااااكت آآآآآآه يا برودكـ رديت سألته: وييييين كنت؟ ذياب باستهبال: فالطيارة قهرني رده و سويت عمري طبيعية و قلت: حتى انا كنت فالطيارة كمل استهباله: زين عيل ... و سكت خاطري اصفعه ارفسه امط شعره الطويل سألته بفضول غبي: ليش شعرك طويل قصه اطالعني بنص: اعوذ بالله من الحسد رفعت يدي ابا اظربه و حطيت قوتي و غيضي كلها فهالضربة بس كان اسرع مني و مسكها و قرب مني و همس: آخر مرة >و صك اسنانه< اترفعين يدج عليه نادو باننا ننزل للطيارة و انا كنت فحالة صمت من اسلوبه طلعت جوازاتنا من شنطتي و عطيته و كان الصمت سيد الموقف بعد نص ساعة طلعنا من المطار .. و طبعا انا فيني فضول ابا اعرف منو بيوصلنا .. لفيت صوبه ابا اسأله بس حرك و سار متوجه صوب سيارة البورش .. حتى ما كلف نفسه يعزم .. تحركت وراه فتحت الباب اللي ورا و جفت السايق ريال هب غريب هالانسان ... اوووف حتى ها خقاق ما التفت صوبي يسلم حتى بس رد السلام و سكت فتح ذياب الباب و ركب قدام و انا كنت وراه ذياب: السلام عليكم رديت عليه السلام و الشخص اللي يسوق و عقب تخاشمو ذياب و راشد عرفته يوم جفته عدل و كلام ذياب اكد لي ذياب: شحالك بو سنيدة؟ راشد: بخير و سهاله و من صوبك؟ ذياب: يسرك و لا يضرك راشد: ها صوب العين و الا بتريحون؟ و طبعا انا ملقوفة درجة اولى: العييين جفت راشد ابتسم و ساكت .. أما ذياب: لا بنريح و عقب بنسير بسيارتي راشد: اللي يريحك على الاقل خل لكلامي اعتبار اونه انريح .. و الله لا راويك ان ريحت ماني بنت ابوي و الله و طحت يا ذياب و محد سمى عليك وصلنا الفندق و نزلنا من السيارة انا و ذياب بس اليازية: ليش راشد ما نزل؟ ذياب: ما احب الفضولين قلت بقهر: عساك ما حبيتهم و مشيت عنه .. اول مادخلته عجييييييييبة فنادق ابوظبي يا ناس الله يحفظ دولتنا و شيوخنا الحين وين بروح جفت ذياب عند الاستقبال .. اوف هذا ما بيصطلب مخلني في ماليزيا بروحي و الحين يتحوط و انا ما دل شي مشيت صوبه و انا اسمعه يكلم موظف الاستقبال و أول ما وصلت صوبه صد صوبي و قال يلا نروح فجيت عيني: وين نروح؟ ذياب بابتسامة: شقتنا ركبنا اللفت و اتجهنا صوب جناحنا ..دخلنا و انا عاد اوني اول ما بطل الباب مسكته من ايده و صد صوبي و رافع حاجب واحد قلته : ادخل بريلك اليمين سوالي طااااف و قالي: عيوز ... و دخل اما انا دخلت بريلي اليمين و وقفت منبهره من رروعة الاثاث ... كانت عبارة عن صالة و غرفة بحمامها عزكم الله و مطبخ ع قدنا دخلت الغرفة كان أثاثها كلاسيكي .. و كانت فيها بلكونه .. فتحت باب البلكونة و طلعت .. حلات جوج يالامارات .. خذيت نفس طويل .. اتساندت ع سورها و انا اطالع السياير كانت مطلة ع الشارع يعني ما اقدر آخذ راحتي .. حسيت بايد تسحبني و ادخلني داخل .. اطالعنه و هو يقفل باب البلكونة .. يوم جفت المفتاح صرخت بصوت عالي: لااااااااااااااااااااااااااااء اطالعني و كأن شكله متفاجئ اليازية: لا تقفله .. و بوزت حاوطني بايدينه من خصري و سحبني صوبه بطريقة انا لاصقين فبعض .. رفعت راسي اطالعه لكن هو قرب مني عبالي بيبوسني و لكن همس: كم مرة قلتلج كافي تصنع على شكل ياهل و خلاني بصدمتي و طلع من الغرفة ... يلست عالارض و انا افكر بكلامه : لييين متى يا ذياب ؟؟ ليين متى و انته تعذبني شو ناوي تعيشني بعذاب قمت اصارخ و اتكلم و اعاتب و كنه قدامي انسدحت فمكاني من التعب و انا بعدني بعبايتي >بعد ساعة و شوي< نشيت من الرقاد و احس ظهري متكسر كله و تذكرت اني راقدة عالارض .. حسيت بحركة عدالي صديت صوب هالحركة ذياب بابتسامة : مساء الخير تلفت حولي انا راقدة فوق الشبرية بس انا كنت راقدة عالارض هذا اللي اذكره: كييف؟ و ما قدرت اكمل كلامي من الصدمة .. أشرت عالمكان اللي كنت راقدة و عقب اطالعته ذياب: ههههه بلاج غمضتيني راقدة عالارض تكرمت و شليتج و حطيتج عالشبرية و كمل بخبث: طلعتي ريشة آآهـ يا ذياب خاطري افهمك ... شخصيتك عكس اسلوبك انته انسان متناقض من جميع الجهات ... ما رديت عليه لاني ادري بينقلب علي فأي وقت و رديت انسدحت و دفنت راسي فالمخدة قرب مني و قال: يلا بنروح صوب أهلنا فالعين قلتله بحزن: ما ابا ارد هني ذياب: كيف ما تبين تردين هني .. نحن بنسكن فابوظبي اليازية: ما ابا ابتعد عن أمي شكله عصب: جيه و الا جيه بتبتعدين عنها ... و هالدلع ما اباه نش و سار خذ فودته و دخل الحمام عزكم الله دفنت راسي فالمخدة و صحت ايامي اللي طافت و اللي رح اين ... أووووف من هالعيشة اوووووف بعد ما خذيت لي شور اتجهزت لبست مغربي أحمر و حطيت ميك اب خفيف و قلوس أحمر لبست عبايتي و حطيت الشيلة ع جتوفي و جهزت الهاند باق و كان لونها اسود و لبست كعب اسود طلعت من الغرفة و سمعت صوت من المطبخ .. دخلته جفته قاعد ع الطاولة و حاط ريوله عالكرسي .. و يتعبث بالبي البي ماله و يشرب عصير يا عيني ع الصحي قربت منه ابا اجوف شو يسوي فالبي البي قربت راسي و بعد فونه عني و اطالعني ذياب: و بعدين يعني؟ ابتسمت: ناثينق > ما شي ذياب: اوكي قو أوت > انزين طلعي برا قلتله: انزين يلا بنسير نقز بسرعة و تحرك صوب الصالة و انا كنت وراه .. شل غترته اللي كانت ع الكنبة و بدا يتعصم قدام المنظرة اللي عدال الباب بعد ما خلص: يلا نسير مشيت وراه و انا ساكته ركبت سيارته الرنج السودا أول ما ركبتها ... ضحكت من الخاطر و انا اتذكر العمايل اللي سويته فهالسيارة ... شغل السيارة و عقب لف صوبي: مينونة؟ قلتله و ورا كل كلمة ضحكة: تذكر الجلاد ههههه قرب مني و كان ويه مجابل ويهي: زين ذكرتني و رفع حاجب واحد و قال: ياك الموت يا تارك الصلاه قلتله: ههههههههه بخبر نهيان ترا سوالي طاف كالعادة و حرك .. مسكت البي البي و بديت أجوف البرودكاست و و المسجات قلت و انا ويهي صوب الشاشة: كم الـ PIN مالك؟ ذياب و هو مركز عالسواقة: ما يخصج اليازية: احسن .. و بعدين لو أبا ايبه اقدر أيبه ذياب: اتحداج عيبتني الفكرة: اوك فتحت مسن البلاك بيري و جفت ميروه كاتبة (مارينا مول تاااايم) اووووبس نسيت ميروه فابوظبي و انا بسكن هناااك أوييييه شو هالصدفة الطرررررررررررر التفت صوب ذياب: اقول تعرف حامد ناصر الـ.... >أخو ميروه< ضرب برييييييكـ قوي و صد صوبي و الشرار تطلع من عيونه: و من وين تعرفينه؟ بلعت ريجي بصعوبة و كملت: أخو ربيعتي ذياب كمل دربه: مب معناته تسألين عنه قلت: لانهم انتقلو قريب لابوظبي و ابا ازور ربيعتي سكت و ما رد عليه .. آهـ يا ذياب بشو تفكر فيه بس قلتلها بصوت مسموع ذياب:و انشالله حتى تفكيري تبيني اخبرج به ... انصدمت امبيييه سمعني ... كمل كلامه: و لا يهمج فابوظبي ما اباج تزوين حد و لحديزورج مفهوم صرخت باعتراض: نوووو وييييي بتحبسني بين اربع جدران ذياب: انتي اول شي لازم اعلمج اياه كلمة انشالله و الفضول انسيج اياه سكت عنه لاني ادري لو تجادلت وياه ممكن توصل للضرب الله يصبرني ع عيشتي يا رب شغل أغنية يا دكتور لـ سيف الضامي .... كااانت روعة و كلاماته حلوة و مؤثرة دكتور قلبي يشتكي عوق دكتور ابشرح لك عنايا من العوق دمعي ذارفن الموق خديي تجرح من البكايا ذكراه باقي عبرة وشوق وجروح في صدري خفايا حبه غدا ف الدم مرفوق دمي مع عشقه سوايا له منزلن بالحيل مرموق وسط الحشا بأقصى الضمايا حسن و دلع و اخلاقن و ذوق حلون و به زين المزايا شروا القمر اللي عالين فوق في دنيتي منور سمايا دكتور قلبي شاق له شوق ظني ترا مالي دوايا الا اذا شفته برا العوق و انسى همومي و العنايا بندت الاغنية اووف اللي يجوفنا و يسمع الاغنية ما يقول زوجين بعدهم فـ شهر العسل ... سويت لروحي مالت و انتبهت انه ذياب رافع حاجب واحد و يطالعني بنص عين .. ابتسمت بحيا يعني يزوووي ما تقدرين تمسكين روحج شوي ... رد ذياب يشغل الاغنية و انا ابندها و على هالحالة لين ما لامست ايدنا بعض .. اتكهربت من لامست ايديني ايدين ذياب بس اللي استغربت منه ذياب و لا باين عليه شغل المسجل و أشر لي بصبعه >تهديد بالسبابة< : ان بندتيه يا ويلج فاهمة قلت و انا مبوزة: ما ابااااااا شغل لنا اغنية ربشة ذياب بعصبية : قولي مفهووووووووووووووم و بسسس نقزت من صوته العالي و حاولت اهدي زيغتي .. خيبة كيف يعصب قلتله بخوف: انشالله بـــع ـد هالموقف صخيييت و لاررمست موول حتى البي البي خذه عني وانا ساكتة لا علقت و لا هم يحزنون و السبب في أحد كان يطرش ping! Ping! لي ما عصب ذياب و أغلقه مااااااااالت مرت ساعة و شوي و كاااااانت مملة بكل ما تحمل الكلمة من معنى >وصلنا دار الزيييين يا لبى قلبي أنا و الله مابغينا نوصل اححح< قلت: بيت أهلي أول شي سكت و بعد فترة تكلم: أنا اللي احدد مفهوم نسيت اللي قاله لي خخخخ: لاااااوالله نحن مب فـ حصة رياضيات مفهوم و الا لا مسكني من ايدي و كان يرص عليه و يزيد كل شوي لييييين ما صرخت هذيييج الصرخة حتى غمض عيونه منها: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآيييييييييييييييييي و طبعا انا البيبي صحت ع طول .. غطيت ويهي بايديني و صحت بصوت و عقب تميت اشااااهق ذياب بتعجب !!!!!!!!: يالدلع اليازية بدلع: جب عني ماحبك ذياب ابتسم: كنت ناوي أوصلج بيت اهلج بس الحينة غيرت رايي اليازية: يعلني ما اذووووووق حزنك .. أفا عليك مفهوم و نص شو ما كان > و بدلع عليه حبتين< وصلنييييي ذياب: هههههه انزين يالبيبي فيس بوصلج نقزت من مكاني مستانسة و تعلقت فايده : ونااااااااااسة ذياب: بابا نزل معاشه > و على آخر كلمة طولها ضحكت من خاطري: ههههههههههههههههههههه انا الحينه بيبي فيس ما تجوف روحك تسمع أغاني أطفال ذياب: جببببببببببببببببببببب كنت برد عليه بس تذكرت انه بيوصلني بيت اهلي و الله لطلع عينك عند نهيان: مفهووووم حط ايده فوق راسي: عفيه عليج قلتله بضحك: الجواز لو سمحت اكتفى بابتسامة و سكت لانا وصلنا بيتنا قصدي بيت أهلي ^_^ فتحت الباب بسرعة بس ذياب مسكني من ايدي: قبل ما تنزلين .. أسرارنا ماتظهر امحححححق أسرار: اوووكيييييييي ذياب بنظرات شك: أهاا يلا ركضت صوب البيت صدق اني ياااهل و ذياب كان يمشي ورايه بس صوته وقفني: يزوووي صبر انتظرته و عقب صديت ورا: يلاااااا كان يمشي ع بيض و يطالع فونه و يلعبه .. كان مثل السلحفاة وصل عندي و قلتله: ما بغيت رفع راسه: هاا رديت عليه انا امشي:سلامت راسك ذياب خطفني ووصل عند الباب: هوود هوود سمعت صوب ابويه يقول: هدا هدا دخلنا و سلمنا ذياب + أنا: السلام عليكم أبويه و أمايه: و عليكم السلام ربعت أسلم ع أبويه و عقب سلمت ع امايه و كان شكلها جنه معصب و هي اتطالع صوب ذياب ذياب كان واقف و مجتف ايدينه : الحينه انا الريال و الا انتي؟ ضحكت ع أسلوبه : هههههههه طب بعمل ايه أشتاتلهم > بالمصري ترا اشك انه فيني عرق مصري سار ذياب يسلم ع ابويه و عقب امايه ابويه: شحالك ذياب ؟ ذياب: بخير و سهالة و من صوبكم؟ اليازية: و انا ليش ما تسلم عليه خزني ابوي بعيونه: عسى ما طفرتك هالياهل ؟ رديت عليه و مب جنه السؤال لذياب: ابوووووويه شو بعد طفرته و لا بعد ياهل عيل ليش يوزتوني؟ ذياب: هي و الله ياعمي طولت اللسان هي المشكلة فجيت عيني ع وسعهن لا والله و يعني نسى انه يضربني و دوم: لاااااااااا والله بعد السوالف أذن العشا و ما حسينا طبعا ابويه حلف انا نتعشى عنده > منقود عند العرب لو ماعزمه هيه حسيتو هع ركضت غرفتي و أول ما دخلتها .. طاحت عيني ع الدريشة .. روحت صوبها و اتساند و انا اطالع بيته ... آآهـ كل احلامي اطايرت فالهوا .. فتحت الدريشة و لفحني نسيم باارد طبعا نحن فـ شهر 12 و الجو طر.. خطفت علي ذكريات كانت جميلة بالنسبة لمراهقتي اللي انتهت بتحطيييم و خيبة آماااال سببها انسان كنت أحلم فيه ليل و نهار .. و الحين صار همي الوحيد (( ليييييش يعاملني بالمعاملة؟؟؟؟)) لازم أعرف .. أو لازم أخبر نهيان .. يلست أقولبها اخبر نهيان و الا ميروه ...لا أنا اكيد بخبر ميروه .. بس نهيان أخاف ذياب يدري و أروح فيها .. يا ربي ساعدني شو الحل ؟؟؟؟ و توصلت لقرار ألا و هو ...... اطالعت نفسي فالمنظرة و انا اقيم نفسي .. مشيت صوب الباب بس انفتح بسررعة ركضت صوبها و كانت بكرشتها ..شهرها الاخير صرخت: ميووووووووووووووووووووووووتي و ربعت احضنها ... و في نفسس الوقت صححححت ميوه تيلس ع الشبرية و اتيلسني عدالها: حبيبتي بلاج؟؟ و انا اشاهق: اشتقتلج يالدبة ميوه بابتسامة: و انا اكثر .. ها شو الاوضاع و يا حبيب القلب ترا ميوه تسمي ذياب حبيب القلب من كثر ما كنت اصدع راسها به: هههههه عال العال ميوه: هي ترا امبين من الويه ابتسمت لها و رديت اطالع الدريشة ميوه ظربتني ع جتفي بالخفيف: ها تتذكرين مراهقتج .. كبرتي ترا بحزن ما يبين: ههههه هي انتي متى بتربين ؟ متى بستوي خالوه؟ ميوه: اتخبرج انتي حبيب القلب ما علق ع لقافتج و فضولج اللي يتعدى الحدود؟ اسوي روحي اصيح: اهئ اهئ ما يدزلي فييس لو حس بذرة بس ذرة من الفضول خقاق ميوه: انزين يالهبلة نزلنا .. ترا امي فالمطبخ و ابويه مدري عنده شغلة يعني فالصالة نهيان و حبيب القلب قلتلها بخبث: و انتي منو يابج؟ ميوه بدلع: حمدااااني يابني رديت عليه: وعوووو >و اقلدها< حمداني يابني ميوه دبستني ع ظهري: جب جب قلتلها: بس لو مانتي حامل ... تعالي يالهرمة متى بتربييييين؟ ميوه: عقب ما كمل تسع شهور رديت عليها بطنازة: حصة علوم هي .. ادري الحامل لها تسع شهور .. بس انتي كم التاريخ الدييييييت ميوه: صمختي اذني يعلج ... لا حرااام عروس وين يا حسرة: ههههه حسستيني وصلنا تحت و رحبي طبعا نهيان بعبط نهيان: هلا و الله اظلمت الصالة .. يا مرحبا >و اطالع ذياب المبتسم< زين فكيتنا منها ما حس الا بدبسة ع ظهره نسته اسمه نهيان : آآآي يالحمارة .. رققققققة لو سمحتي بس شوي > و سوا بصبوعه شرات اليهال< ذياب باستهبال: أنا بس ابااعرف شي واحد وراثة هااي حركات اليهال الكل: ههههههههههههه نهيان: آثاريها مطلعة الشعر الابيض منك أنا باستهبال حبتين: و أحمر و أخضر و أوردي موجود أسود > و رقصت حواجبي ميوه: ألوان علم الامارات مثلا نهيان : لا الكويت ذياب: اقول بس استهبال نهيان: أووه ما رضاها ع نفسه الشيييخ اليازية بغيض: خقاااااااق واحد ظربني نهيان ع راسي بالخفيف: عييييب ذياب: أدبها ياخي سكت اتريا بسميوه تنط أي مكان بعيد و قلت: ميوه فديتج أمايه فالمطبخ بروحها نهيان خزني بعين: و ياالبشاكير منو قالج بروحها ميوه: أحم أحم نهيان شكلها عقب ببطردك انته بعد و روحت ميوه عنا .. و قام نهيان: أروح بكرامتي أحسن بس انا قمت عند نهيان و صححححت فـ حضنه وقف ذياب عندنا و قالي:بلاااج؟ قلتله بضيج: بسك تصنع .. انا ما اباااكـ نهيان قوله ما اباه نهيان: يزوي شو بعد ما اباه؟ قلتله بخوف: يضربني > و عقبها بدت شهقاتي تعلى و صوتي بعد رفعت راسي ابا اعرف ردت فعل نهيان ... و شكله كااااان منصصصدم و يطالع ذيااااب بغيض و عصبية ................................ توقعاااااااتكم؟؟؟؟ شو بيكون رد نهيان لــــ ذياب؟؟ و ذيـــاب عقب شو بيتصرف ويـــا اليــــازية ؟؟؟ و اليازية بشو تفكـــــــر ؟؟؟؟ __DEFINE_LIKE_SHARE__ | |
| ||
| |
|
12-09-2011, 04:15 AM
| رقم المشاركة : [ 3 ] | |
| مشرفة | الــــــبــــــارت الســـــابـــــع رفعت راسي ابا اعرف ردت فعل نهيان ... و شكله كااااان منصصصدم و يطالع ذيااااب بغيض و عصبية حدر أبويه الصاله و جافنا واقفين و انا اصيح فحظن نهيان قرب منا بسرعة و مسكني: بلاها اتصيح؟؟؟؟؟ نهيان بارتباك: أأ ما فيها شي.. هي كنا انا و ذياب نمزح معها و شكله مزحنا كان ثقيل عليها اطالعت نهيان بصدمة و عرفت انه ما يبا ابويه يدري و عقب كملت: هييه كانو يغلسون عليه ابويه بتنهيدة راحة: قلت فيج شي يالدلوع .. يلا عيل عشا طلعو ابويه و نهيان و ذياب مروحين غرفة الطعام بس قبل ما ذياب يطلع اطالعني بنظرة ما فهمتها خوفتني بعـد ما طلعو يلست ع طول ع اقرب كرسي ... حطيت ايديني ع ويهي و بدييت اصييييح مب ندم اني قلت لنهيان لا خوف من ذياب اللي ما ادري شو بيسوي فيني بيذبحني .. بس لا مستحيل ارجعله .. ع موتي لو روحت عنده .... ع هالافكار دخلت امايه و وراها ميوه ... قربت امايه مني : بلاج اميه؟ طحت فـحضنها و طلعت كل اللي فخااااطري و بدت شهقاتي تعلى .. رفعت امايه راسي و مسحت ع راسي: بسسم الله عليج يزوي بلاج؟ قلتلها من بين شهقاتي: ما ابا اعيش بعيد عنكم ميوه: يالدلع هكو بيت ذياب فرت حصى اووف شقول ؟؟: لا بيسكني فابوظبي امايه: فديتج مرد البنت لبيت ريلها .. و هناكـ شغل ريلج يلا عن الدلع دلع دلع دلع ...شو ما يعرفون غير هالكلمة ... لو ع شو ما رديت لكـ يا ذياب شوي و يرن فون ميوه ... قامت و بعدت عنا شوي ... و ردت امايه اتكلمني: مب عليه يلا ارمسي شو اللي مضايقنج؟ صدق محد يعرف حالك غير امك .. قلت بابتسامة: و لا شي بس بتوله عليكم مب متعوده ابعد عنكم قربتني امايه من حضنها و حطت راسي ع صدرها و هذي أول مره تسويها من كبرت : و الله و كبرتي يا بنتي ضحكت بحيا و حسرة: ههههه بعد شوي يت ميوه: يلا انا اترخص صرخت: لاااااااء يلسي شوي ظربتني امايه ع راسي: لا يكون فضحتينا عند الريال انتي و هالصريخ؟ نزلت راسي بحيا : انا بريئة ميوه و امايه: ههههههههه امايه: انزين اتعشي و عقب سيري ميوه بحيا : لا بنتعشا برع .. مرة ثانية صرخت: يااااا عييييينييي عالرومانسية ما نقدررر أنا العروس لا تحسبينها انتي فرتني ميوووه بالكلينيكس: جب جب ما تقدرين الا علي هكو ريلج سيريله و قوليله و روحت عنا قلتلها: سييييري اتعشي بررااااا يالعروس المغبرة امايه : الله يكملج بعقلج حطيت راسي ع ريول امايه: فدييييييييييييييييييييييتج و يلسنا نسولف أنا و امايه سوالف سطحية و شو صار و اللي ماصار و جي لييين ما قالولنا انا بنتعشى .. سرنا انا و امايه غرفة الطعام و تعشينا و بعد ما خلصنا زقرني نهياااان ... صدق ياكـ الموت يا تارك الصلاة مشيت صوبه : خيير شـ بغيت؟ نهيان: ريلج يترياج بررع فجيت عيوني عوسعهن: شوووووووو مابا ...ترا بخبر ابويه نهيان:شو تبينهم يقولون الناس عنا .. اول ماردو من السفر بينفصلون قلت: يعني همك كلام الناس و انا لا ........اقوووووولك يضربنيييييييييييي و دمعت عيني ... يعني اذا مااخويه دافع عني منو بيداااااافع بديت اضربه ع صدره بطريقة هسترية و انا ما احس بنفسي و هو يحاول يهديني .. و عقب مشى عني ..يوم كنت بمشي وراه ايد مسكتني >طبعا نحن برع فالحوش< لفيت ورا جفت ذياااب ... انهلت عليه بالضرب عشان يتركني و كنت ابا اصرخ عشاان يي ابويه و امايه و ينقذوني منه .. حط ايده ع شفايفي و حاوط جتوفي بايده و انا احاول اتفجج منه .. و طبعا هو الاقوى ركبني السيارة ... هددني: ان فجيتي باب السيارة ما تلومين غير نفسسسج و اسرع يركب من الطرف الثاني .. و استغليت هالشي و كنت ببطل الباب لكن مسكني و قفل الباب و حرك بسرررعة كنا طول الوقت ساكتين و انا ميته خووووف ياربي ارحمني .... اكيد الحين بيلعن خير خيري الله يعييييين ... ما خذنا وقت طويل لانه البيت عدال بعض .. أقل عن خمس دقايق بند السيارة وقال من دون ما يطالعني: نزلي يلا و نزل و نزل معاه .. عند الباب ذياب:ها مدام اليازية قوليلي اذا بتخبرين احد عن علاقتنا عشان اجهز اللي بقولها > و ابتسم بقهرو غيض ابتسمت بخوف و في نفس الوقت بغايضه: لا تحاتي ذياب يطالعني و خمنت انه معصصصب الا مفوووووووول: هووووود هوووود و دخل و ما انتظر الرد و دخلت وراه ... أنا و ذياب: السلام عليكم جفنا بنوتة صغيرونة اعطيها 3 سنين تقريبا.. مشى ذياب صوبه و مسكها .. كان يتأملها ما فهمت هالنظرات و عقب باسها برقة .. يا ربي يالحنان .. مالت علي بعدها فترة قصيرة من تأمل ذياب للبنوتة دخلت شوق شوق: السلام عليكم انا و ذياب : و عليكم السلام وقف ذياب و بعد عن البنت ما سويت سالفة للحركة .. قربت من شوق و بستها: شحالج شواقي؟ شوق: بخير و سهالة شحالج العروس؟ ابتسمت بـحيا: بخير الحمدلله يلسنا و انتبهت لـذياب اللي ما سلم ع شوق و قاعد يتعبث بـفونه .. قلييل ادب شوي و الا اسمع صوت يدته و هي تزاعق .. وقف ذياب يدة ذياب و هي تهلي: يا مرحبا الساااع .. يا مرحبا بـمن لفانا ذياب: المرحب لا هان سمعت شوق تقول بهمس: بدينا بالنفاق ما فهمت قصدها .. وقفت عشان اسلم ع اليدة قعدت و قعد عدالها ذياب و يلسوا يردون الحال ع بعض و غقب صدت صوبي: عسى ما لعوزج مسود الويه؟ هههه حتى اهلك يعرفون انك شري و ما اتعاشر .. نزلت راسي بحيا و ابتسمت: لا اليدة: هي جي البنات يستحن >و اشرت ع شــوق< مب هذي شوق: يدووووووووووه ذياب: ههههه شو اليديد .. عاد يدوه كله و لا شوق انتبهت انه شوق عصبت شلت البنوتة و مشت عنا لمح ذياب يطالعها الين ما اختفت .. انقهرت منه هذا هالكثر يموووت فالحريم .. حتى أهله مالت عليكـ قطع افكاري صوت ذياب: يدوه ليش ما رقدتي؟ اليدة: ازقر هالبشكارة نست تبيلي مااي ذياب: اليازية بتيبلج ..> و اطالعني بلعت ريجي .. يعني انا ما ادل شي .. ما قد ييت هالبيت غير مرة أو مرتين اكثر طلعاتنا برع وقفت و سألته: المطبخ وين؟ اطالعني .. :سيري قسمنا و يبي مناك و أنا شعرفني وين قسمنا أول مرة ايي و يأمرني حامض ع بوزك .. مشيت عنه ..و حسيت بأحد يمشي وراي التفت صوبه: ذيااب!! ذياب ابتسم: ع وين؟؟ نزلت راسي: ما ادري قرب مني و مسكني من ايدي بس سحبتها منه بسرعة .. التفت صوبي و لا علق و مشى قدامي وصلنا عند باب .. طبعا كان فالطابق الارضي .. اشرت له ع غرفة عدال الباب: غرفة منو هذي؟ اطالع ذياب وين ما اشرت و قال: ما يخصج هع سويتله طااف و اشرت ع غرفة عداله : انزين و اللي هناك؟ نزل ايدي و قال: غرفة يدوه فتح الباب و دخلنا... كان القسم مبخر و ريحته حلوووة و كان منسق كان عبارة عن صالة .. اول ما ندخلها عاليسار تيلفزيون بلازما عوود و تحته طاولة باللون البني ديزاينها روعة و عاليمين كراسي متصلة بعضها بشكل دائري باللون البني و المخدات باللون البيج و البني .. و عند نهاية الكراسي من كل طرف طاولة و عليها ابجورة بشكل راقي وروعة و قدامهن طاولة دائرية في وسطها تحفة على شكل صحن فيه ورد مجفف .. خطفت ذياب و دخلت الغرفة كااااانت أروع من الصالة .. عاليسار التسريحة و عالزاوية اللي عداله كبت صغير باللون البني بعد ... و مكان الشبرية كان مرتفع .. يعني اذا بنسير صوب الشبرية نخطف درجة وحدة و كانت بالشكل الدائري و فوقها جبس منزل مزين باكسسورات روووعة و عاليمين باب مفتوح لغرفة التبديل و فيها باب الحمام ... اطالعت ذياب و هو داخل.. سألته: وينها الثلاجة؟؟ ذياب: تعالي .. مشيت وراهو طلع من الغرفة و روح صوب الكراسي من اليسارو كان عدالها كبت فتحه من تحت و كانت ثلاجة .. قلت بصوت عالي: ناااااااايس طلع دبة ماي و عطاني اياه: سيري اعطيه امايه عطيته ظهري و قلت بخقة: ما اشتغل عندك لفني صوبه بقو: شوووووو ... اسمعيني مب معنى اني سكت عنج لما خبرتي نهيان بسكت عنج الحين قلت و انا عيوني تدمع: بخبر ابويه مب نهيان و ما احس الا بكف ع ويههي و قال بعصبية: انا شو اللي بلاني بياهل .. انا لو ماخذ اللي فـبالي جان اريحلي من هالعذاااااااب و طلع من القسم و صفق الباب بقووو اللي في باله!!!! عذاااااااب!!!!! بلوووووة!!!!!! يااااااااااااااهل!!!!!!!!!!! شوووووووووووووووو يعنييييييي .... ؟؟؟؟ توقعاتكم؟؟؟؟ شو بتسوي اليازية؟؟؟؟؟ و هل فعلا بتخبر ابوها؟؟؟؟؟؟ ذيااااب لييش قال هالكلام؟؟؟؟؟ __DEFINE_LIKE_SHARE__ | |
| ||
| |
|
12-09-2011, 04:16 AM
| رقم المشاركة : [ 4 ] | |
| مشرفة | البارت الثامن يلست ع الكرسي و أنا منصصدمة ... اللي فبالـــه شو يعني؟؟؟ يعني مغصووب عليه و لييش ؟؟ و منو غصبه عليه؟؟؟ كنت افكر و افكر ... ما عرفت شو اللي بيصير أو شو اللي يـــاي .. بس اللي اعرفهـ اني لازم ما اتم مع ذياب دقيقة وحدة زود مسكت فوني و اتصلت بـ نهيان نهيان: ألـو حاولت امسك نفسي عن الصياح و بصوت مجروح: نهيااان > و صحححت نهيان: بلاج يزوووي؟؟؟ قلتله و انا اصيح: تعال شلني من هني مابا اعيش هني دقيقة وحدة نهيان بصدمة: ضربج؟؟؟؟؟؟؟؟ قلتله بصدق: لا نهيان: عيل لييش؟ رديت عليه: ما احبه .. مابا اعييش وياهـ نهيان عصب: عن هالدلع الزايد و ان سمعتج مرة اتشكين ع ريلج يا ويلج .. و بعدين مشاكلكم الشخصية تكون مـ بينكم محد لازم يدريبها .. الا اذا ضربج قولي لي سكرت فويهــه من الضيجة اللي فيني .. دقيت ع ميروه عـ طول هي اللي بتفهمني اتصلت مرة و مرتين بس ما ردت .. خمنت انها ممكن تكون راقدة لانه الحينه الساعة 11:30 انـسدحت ع الكنبة و دموعي تنزل ع خدي آآهـ يا اليازية شو مصيرج فـهالدنيا ..؟ شو العيشة اللي بتعيشينها..؟ كيف بتعيشين ويا واحد ما يحبج ..؟ بس لا ذياب مب أنـا اللي تنباع برخيص و الله لـعلمـكـ منوو اليازية و ببدا من بــاجر و البادي اظلمـ و ع هـالافكار أذن صلااااة الفجر ... الله لين الحين افكر و ما رقدت .. وين ذياب لين الحين مارد .. و انا شلي بالطقاق تيددت و عقب صليت .. قريت كم صفحة من القرآن الكريم .. سمعت صوت الباب ينفج .. عقيت شيلة الصلاه بسررعة و انخشيت فـــالفراش بعد فترة حسيت انــه عـ الشبرية .. قمت من ع الشبرية و وقفت و هـو يطالعني .. و اشرت عليه بصبعي باستصغار و احتقار : هي انته .. انشالله تباني انام عدالكـ عطاني ظهره و قال: مب مجبورة دوري اي مكان يعيبج و انخمدي فـيـه فريته بالمخدة بغييييييييض و ربعت الحمام أكرمكم الله و قفلت عليه الباب تنفست بسرعة و أنا خايفة اظهر و بنفس الوقت خايفة ايلس في الحمام >عزكم الله< بعد مدة قصيرة ظـهرت من الحمام و انا اوايق ... جفته منخمد .. النومة اللي ما تقوم بعدها .. شردت صوب الصالة و رقدت عأقرب كنبة فتحت عيوني شوي شوي .. و انا تذكر بارحة..انتبهت اني مب في المكان اللي كنت راقدة فيه .. قعدت و سمعت صوت فالحمام عزكم الله ... ثواني و انفتح باب الحمام ... بعدها طلع و كان لاف الفودة ع خصره قلتله بعصبية: هي انته مرة ثانية لا تطلع بهالمنظر .. > و اشرت عليه سوالي أكبر طااااااااااااااااااااااااااااااف و دخل غرفة الملابس و رد صوبي .. لبس وزاره قدامي .. عـطول غمضت عيوني .. بعد دقايق فتحت عيوني جفته لابس كندورته وواقف قدام المنظرة و يتكشخ و يغني: بالأمس دورك تجرح واليوم دوري بأخذ بثأري منك والبادي اظلم لو تبكي عمرك ما تغير شعوري ما التفت صوبك لو عينك تهل دم اصبح وجودك عندي ماهو ضروري حرماني من عطفك ترا صار ارحم بفرض وجودي بكبريائي وغروري لأني بشعورك صدق ما عدت اهتم امشي برايك وانا بأمشي بشوري لكن يجيلك يوم تبكي وتندم وان تكلمت بغيبتي او حضوري ما همني منهو علي تكلم وقفت و مشيت صوبه و ظربته ع جتفه بغيض ... اطالعني من المنظرة قلتله: اسمعني ... مثل ما قلتلك هالمنظر اللي من شوي آخر مرة يصير ... و انا اعتبرني مب حرمتك .. أي شي موجود فـ حياتك بالغلط أوكـ .. و انشالله بنفتك من بعض قريب لين ما نهيانو يعقل .. و بعدين قربكـ ما اباااااهـ .. احس جبدي تلوع يوم بسسسسس اطالعك و دقيت راسه بصبعي و انا اقوله: و افتكر كلامي هذا ... بييي اليوم اللي تيني و تقولي أحببج و وقتها بقولكـ تأخرت لانه الخاطر عافكـ من بارحة و مشيت عنه .. و دخلت الحمام اتسبح طــلعت من الحمام >عزكم الله< و توجهت صوب الكبت .. لبست كندورة بما أنا فالعين يعني .. و كان لونها أخضر فيها تداخلت بالوان ثانية و قرشي لين تحت توجهت للتسريحة .. و مشطت شعري .. لعوزني لانه فوق الركب بشبر و لفيته و عدلت قصتي .. و حطيت ميك أب خفيف جدا .. و لبست عقد من الزمرد كان شكلة ناعم و حلو.. و حطيت شيلتيه ع راسي و طلعت من الغرفة لقيت ذياب قاعد و مجتف ايدينه و جنه سرحااان ... طبعا سرحان فـحبيبة القلب .. زقرته: ذياااااااااب انتبه عليه و قال: هاا اليازية: يلا نطلع وقف و مشى لين عندي وكان يبا يتكلم .. بس ما عطيته فرصة طلعت من القسم بـسـرعة و يا ورايه و قال: دواج عندي بعدين ابتسمت بخوف و قلت: ان حاولت تظربني بخبر نهيان مشى عني وو صلنا الصالة أهل البيت كلهم كانو متواجدين خال ذياب>بو راشد< & راشد & أم راشد & اليدة & البنات : شمسة 18 ثانوية عامة و ميثا 21 سنة ذياب: صباح الخير كلهم: صباح النور و سار يسلم عليهم واحد واحد .. أما انا سلمت على الحريم بسس عقب السؤال عن الحال و رده .. يلست عدال البنات في نصهن ميثا: هلا و الله بحرمة ذيوب ابتسمت: اهليين شمسة بصوت واطي: انشالله انا بعد اعرس شراتج و ما ادش الجامعة رديت عليها بنفس مستوى صوتها: يالهبلة انا بدخل جامعة ميثا بصوت عالي: انا فتاة جامعية مب من مستوايه ايلس وياكن راشد يصفق: يااااا عيينيي ع الخقة مب كافي علينا ذياب الكل: ههههههه ذياب: لا و الله و بلاه ذياب بعد .. مثله بالتواضع ما جفت شمسة : و بعدين نحن من زود تواضعنا ما بندخل الجامعة و الا شرايج اليازية ؟ قلتلها و نا متوترة: هي صح ذياب: اجوف سكتوج ميثوهـ راشد: هههههه مثيا: لا سكتوني و لا شي >بدلع< بس اتريا احد يدافع عني و سولفنا شوي و انا مييييتة يووع متعودة أول ما انش اتريق قبل ما ارمس احد .. بس هني العكس بعد دقايق ذياب: تريقتو و الا بعدكم؟ بوراشد: متريقين من زمان .. ترييناكم و تأخرتو فتريقنا اليدة: فديتك سر انته و حرمتك و تريقو وقف ذياب: انشالله وقفت عنده اوووف بنتريق بروحنا... مشيت وراهـ و لين غرفة الطعام .. يلسنا كانو مسوين أكلات شعبية طبعا يدتهم هني (بلاليط و هريس) و اكلات خفيفة (كرواسون و سندويجات و خفايف يعني) حط له في صحنه بلاليط و بدا ياكل .. حتى ما عزم ذياب: اسمعي.. الكلام اللي من شوي قلتيه كأني ماسمعته قلتله: أنا اباك تسمعه .. و اذا ما سمعته برد اقوله ذياب عصبية : لو سمعته بتمنين الارض تنشق و تبلعج و انا عند كلمتي خفت منه و نزلت راسي ... شو ها انا طول الليل افكر و ارتب هالكلام و احفظه و آخر شي تقول كأني ما سمعته .. عـ كيفك هو ..قلت : انسدت نفسي عن الريوق كان ساكت و ياكل و ما يهمه شي .. انا عبالي بيغصبني اتريق لاني مب ماكلة شي من عقب العشا .. كان قطعة ثلج تاااااااكل .... يعلك تغص في لقمتك يارب و شوي ذياب: كــح كــح ضحكت من الخاطر: ههههههههه مسرع ما استجاب دعائي > و حطيت يدي ع فمي و هو يطالعني ما فهمت نظرته بس شكلها اجرامية مشيت عنه و روحت صوب المغاسل .. شغلت الماي اغسل ايدي مع اني مب ماكلة شي و رديت ابا اطلع بس صوته وقفني: لا تروحين الحين بعد ما اخلص قلتله: و ليييش ؟؟ مابا بعصبية خفت منها: بسس جي زييييين .. يلا انثبري هناك خفت منه و نفذت طلبه و قعدت بعد شوي و هو ياخذ صحن ثاني نظيف و يحط فيه بلاليط: تعالي اتريقي من هالبلاليط واااايد حلو قلتله: ما ابا منسدة نفسي خلا اللي فايده ووقف رايح صوب المغاسل: دوم هب يوم انصقععت من ردهـ خيييييييبة لهالدرجة مب طايقني استغليت فترة وجوده فالمغاسل و صبيتلي جاهي حليب و بديت اشربه بسرعة بس كان حااااار طلع ذياب و أول ما جفته حطيت كوب الجاهي و قالي: كملي شرب و يلس .. رديت عليه: راسي يعورني عشان جي اشرب قالي من دون نفس: ما طلبت تبرير ... صبيلي جاهي و الا بتزطين بعد ما رديت عليه و صبيتله جاهي و حطيت الكوب فالصحن قريب منه اطالعني و قال: ليش ما عطيتينيه إيد بإيد قلتله: هالشي راجعلي شربنا الجاهيو عقب وقفنا متوجهين للصالة الرئيسية بعد خمس دقايق يدة ذياب سارت العزبة ووياها راشد .. و أم راشد روحت صوب وحدة من ييرانهم .. أما ذياب و أبوراشد طلعو و ما ادري ويين بقينا نحن البنات بس شمسة: شوورايكن انطرش الدكان؟ ميثا: لا الكفتيريا و الله اني ميييييييته يوووووع بس شقول: اممم شو رايكن انسوي كافتيريا فالبيت و نطرش الدكان ميثا+ شمسة: و كييف؟ اليازية: بنسوي بطاطس مقلي و همبرغر هني .. أما الدكان بنطرش بيبسي و ديو و شبسسات و كافيات شمسة: نااااااايس انا بطرش الدكان > و مسكت فونها< ألو السلام عليكم رفيق.. أقول نبا ....... و 3 ماي> و سكرت< طرشت شبسات و كوالا و كافيات وماي ميثا: انزين ندري كنا وياااج اليازية: انزين ليش طرشتي ماااي شمسة: طولي بعمرج .. هني عسب تشربين الماي .. تروحين صوب الكبت و اطلعين الكوب و تغسلينه و عقب تتوجهين صوب الثلاجة و اتصبين لج مااي و عقققققب اتشربينه .. أما من الدكان .. طلعيه من الكيس و فتحيه و عقب شربيه ظبتها ع راسها بالخفيف: يا زوله ضحكنا: ههههههههههههههههههههههههههههههههه ميثوه: حلوووووة هذي زولة شمسة: يلا مطبببببببببخ تاااااااااايم ميثا: و الا تكتب مطبخ تاايم بذبحها منقوووووود الكل: ههههههههه و توجهنا صوب المطبخ العود ... اليازية: التاوه وين؟ شمسة: صراحة ما ندري بكل شي فهالمطبخ بس بنسوي سيرش>بحث< و بدينا اندور هني و هناك و فالادراج و الكبتات ميثا و ترفع التاوه: لقيييييييييييه اليازية: و نبا دهن >زيت< شمسة: كأني جفته > و سارت مكان ما جافته و رفعته< هاذو حطينا الدهن فالتاوه و حطيناه عـالغاز توجهت صوب الفريزر ميثا: شو تبين من هناك؟ اليازية: بدور اذا شي دياي همبرغر فتحته و بالفعل الحمدلله لقيت ..حطيناه فـ صحن و قلت: منو بتحطه عـ الزيت شمسة: افكورس نت مي .. انا ثانوية عامة و رايه مستقبل قلت: و انا عروس وورايه ريل> امحححق اطالعنا ميثا ميثا: و طبعا هب انا .. انا ورايه عرس فجيت عيوني ع وسعهن: متى انخخخخخطبتي؟؟؟؟؟؟؟؟؟ شمسة: لا انخطبت و لا هم يحزنون .. بس محيرة اليازية: اها ميثا: عندي حل أنا + شموس: و اللي هو؟ ميثا: نزقر وحدة من البشاكير و هي تحطه كلنا وافقناها و زقرنا وحدة من البشاكير و كل ما تحط وحدة نصرخ و نبتد لا تينا قطرة زيت .. بعد ما خلص الدياي استوت الحرب ميثا ماسكة صحن البطاطس: يلا بحطه صرخت: لاااااااااء .. عقب بتكون فيه طعم الدياي شمسة: ما نبا نباه فرش ميثا: ماعندي سالفة اسمع كلامكن الياهلات يلا مناااااك شليت التاوه اللي فيها الزيت بحذر: ما بعطيج اياه ميثا بعناد: و ما بعطيج الصحن شمسة: اييييييه يوعانين يلا قلتلها بتهديد: ترا برش الزيت كلللله فويهج و فهاللحظة يدخل علينا واحد ما عرف اسمه بس جايفتنه قبل ميثا بدلع: حمووودي قولهن يعطني التاوه الريال يطالعني: حطي التاوه هنـاك انتي منوو؟ لا و بترش الزيت فويه حرمتي ميثا: لا هي بس كانت تهدد .. ما عرفتها هاي اليزوي حرمت ذياب حطيت التاوه الطاولة و انا اطالعه بغيض شمسة: محمد ما جفت الدكان برع محمد: لا .. اقول حرمة ذياب ريلج وينه؟ حسيت بقشعريرة من سمعت كلمة ريلج و قلت: طلع ويا خاله مدري وين محمد: عند خاله ها.. هو فالبيت بس فأي مكان تحديدا .. يقولي اونه اترياك ميثا: اتصلبه زين محمد بابتسامة: من عيوني > و يرقص حياته< و اتصل بـ ذياب و حطه سبيكر محمد: الجذاااب و ينك ما لقيتك؟ ذياب: الجذابة حرمتك .. انا موجود .. و عندي لك خيييييير محمد: اولا احترم حرمتي لا أثور فيك .. ثانيا وين موجود؟ ثالثا>بصوت عالي< شووووو من خير بيي من وراااااااكـ ذياب: خيييييييييبة .. أولا هي بنت خالي قبل ما تكون حرمتك و كيفي .. ثانيا انا عند التلة اللي في البيت .. ثالثا > و على صوته< الدكاااااااان يايب شبسات و بيبسي و ديو و كافيات و هالسوالف حتى الماي مسكين ياااابه .. يحسبي ياخي صرخنا كلنا: لااااااااااااااااااااااااااااااء الدكااااان شمسة: ذيوب لا تاكل منه شي اكلنا هذا بذبحك جان كلت منه شي و ركضن كلهن ووراهن محمد و سرعت بمشيتي و راهن توقعاتكم؟ شو بيستوي في مكان التلة ؟؟؟ و ذياب كيف بيتعامل مع اليازية؟؟ و اليازية كيف بتتعامل مع ذياب عقب ما عرفت انه يحب غيرها؟؟ __DEFINE_LIKE_SHARE__ | |
| ||
| |
|
12-09-2011, 04:17 AM
| رقم المشاركة : [ 5 ] | |
| مشرفة |  البارت التاسع مشيت وراهم لمكان التلة ..... هو مكان عند زاوية البيت من ورا عبارة عن تلة يغطيه العشب و فهـالجو رووووعة ..... جفت ذياب متربع ع التلة و ماسك الجيس قدامه و ينبش فيه ما اجوف الا غبار شموس ... تربع صوبه و هو حاط الجيس فـ ثبانه و يضحك .... قربت منهم شمسة: هاااات الجيس اقولكـ نحن مطرشينه ذياب: ههه انا دافع البيزات ميثا: محمد بيردهن لكـ بس هات الجيس محمد: خير مدامتي من الحينه بدينه نسرف .. بس يلا عادي ذيوب هات يلا ذياب: لا أبا بيزاتك و لا بيزاتهن سيرو عني يلا محمد: شوف ذيوب يا تعطينا الجيس مقابل ما نرفع قضية ع حرمتك او العكس ذياب بصدمة: خيبة ليش؟؟ بسم الله انا شسويت محمد: عيل تبا تشوه جمال حرمتي .. تبا ترشها بالزيت الحاااااار ذياب يطالعني و انا اعرف هالنظرات زييين ما زين .. عطا شموس الجيس و روحو كلهم و يوم كنت امشي صوبهم وقفت ذياب: ويــــــــــــــت وقفت و انا مييييييتة من الخوووووف و لفيت صوبه و قلت و انا استجمع قواي:خيير ذياب و أشرلي عداله: تعـالي قربت منه بس ما يلست كانت بينا مسافة: هني مرتاحة ذياب بأمر:يلسسسي قلتله بعناد: مـا ابا قالي: تبينا نسير صوب أهلج؟؟ انصدمت و حاولت استوعب الموضووع .. بيوصلني عند اهليه وناااااااااسة .. نطيت فوقه: هيييه هييه اباكـ اتوصلني يلا اتطالعني و قال: كم عمرج انتي؟ بعدت عنه و انا منحرجة كل ما ابا اقول ببعد عنه شي يجذبني صوبه صرخ عليه: سألتج أنا ترا رديت عليه: 18 بدخل 19 وقف و مشى عني .. حتى العمركله ما قالها .. الله يسااااااامحك بس .. ميرووووووووه كيف نسيتاها:بسير البس عباتي والا ما يحتاي ذياب: سيري البسيها بسررعة مشيت عنه و دخلت البيت و عطول القسم .. مسكت فوني و اتصلت بها ميروه: هلا يزوي قلتلها و انا مشتاقتلها: اشتقتلج وااااايد .. بارحة اتصلتبج كنت محتاجتنج ميروه: حبيبتي .. ما قدرت ارد عندي ظرووووف قلت بصدمة: و من متى نخبي شي عن بعض؟ ميروه: فديتج ما اخوفج .. و الا مب عشان اخبي عنج قلت بخووف: بلاج؟؟؟ شو مستوي؟ ميروه: ما قلتلج بتخافين اليازية: ميروه لا تلعبين باعصابي بلاج؟ ميروه: ما شي بس تنومت فالمستشفى ... قلتلها: ليييييش شو فيج؟ ميروه: اتكسرت ريلي و حطولها جبس لا تخافين اليازية: فديتج يا ربي و الحين شي يعورج؟ ميروه: لا الغلا ما فيني الا العافية اليازية: و من شو انكسرتي؟ ميروه: ابد .. بس لما كنت في المول كنت لابسة كعب و طحت اليازية: هههههه فاتني ميروه: يالسبالة و الله اني تقفطت .. بس لو اتشوفين حامد كيف كان خااااايف علي اليازية: طبعا بيخاف من اخته ميروه تغير السالفة : شو كنتي تبين تقولين لي؟ و فهاللحظة يدخل ذياب: مطولة شو؟؟ قلت بهمس: ميروه ارمسج بعدين باي ميروه:باي و سكرت عنها ... اتجهت صوب الكبت و اخترت اي عباة و لبستها ... ماكان فيها شغل سادة ... اليازية: جهزت مشى قدامي و لا نطق بأي كلمة ركبنا السيارة لفيت صوبه: قلت للبنات ذياب و هو يشغل السيارة : هـيـه ذياب و هو يطالع الدرب و يريوس: منو كنتي ترمسين؟ قلتله بغيض: كنت ارمس اللي ارمسها فيها شي؟ سـكـت و لا قال شي .. ابتسمت و قلت: خاااايف اخبر نهيان لو ضربتني؟ و فجأة مسكـ بريك قوي و لف ناحيتي .. و هجم علي ..مرة يعطيني كف و مرة يرص ع ويهي ..و انا ابعدهـ عني بس لا حياة لمن تنادي ... كل الشياطين راكبات راسه... ما وقف الا بعد ما بدن السيايير يضربن هرن حرك بالسيارة .. و انا كنت اصيح .. حطيت راسي ع ورا ... و بلحظة ما احس بنفسي > < < فتحت عيوني شوي شوي و أنا مب عارفة أنا وين؟ حسيت بإيد تمسح ع راسي .. رفعت عيني صوب صاحبها.. ذيــاب !!! شاللي صار؟؟ تذكرت لما ظربني و نزلت دمعة حار خذت طريقها ع خدي ... مسح موعي بصبوعه الدافية .. وحط راسه عدال راسي و همس: آسـف بس نرفزتيني بأسلوبج اللي يهدد صحت بصوت عالي و انا احاول ابعدهـ عني بس ما كنت اقدر احس اني ضعيفة بدون قوة.. بعد دقايق مرن علي مثل الساعات .. طلع ذياب عني و قال: بروح ايبلج شي تاكلينه و ما انتظر ردي و راح __DEFINE_LIKE_SHARE__ | |
| ||
| |
|
| مواقع النشر (المفضلة) |
« تكملته رواية يوم الله بلاني بلاني بالحب حبيته طفله
|
رِوايَـة مَـا أَبِيْے شيے يَـاخْذِڪْ مِنِّيےْ بِـاسْمَ النَصِيبْ »
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ٳللـﯥ يـ ح ـب يـבֿـۈن ... و لآ يـ خ ـون بجنۈن بـع ـد | وحيدة زماني ..~ | استراحة قصص وابداعات الاعضاء | 119 | 02-18-2012 04:18 AM |
| م̈قـِأٳطع سْڵٍيم̈ ۈڵٍـأٳ م̈حم̈ڍْ م̈ڹْ أٳڹْټأٳج .. ڲْڵٍٻأٳۈـٍۓْ .. ڲْشيخ ههـٍ 2010 | مزيۈטּ اڷِمزٱٱييـِטּ | قسم المقاطع | 16 | 09-15-2010 03:04 AM |
| .،|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ |/.، | « ݕڨـﭑﯦﭑ בـطٱم ™ | المسنجر وملحقاته , توبيكات , ماسنجر بلس , msn | 69 | 07-13-2009 02:18 PM |
| { أבֿـۈيـﮱ ۈهُۈ أבֿـۈيـﮱ ( لآ صَد ) عنّيـﮱ مآ ترבּـيتَـﮧ .~ | « ݕڨـﭑﯦﭑ בـطٱم ™ | هواتف , مسجات , وسائط , برامج , ثيمات , نغمات , بلوتوث | 17 | 04-23-2009 10:43 PM |
| مَزيۈنْ فِـﯥ -[ ۈَصْفَــِہَ בــلـآ ..]~* | !!..يمكن طيبتي غلطه..!! | عدسة الاعضاء , كاميرا الاعضاء | 26 | 03-22-2009 12:12 AM |
الساعة الآن 04:24 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227