حبيبي حبك العذري جرى مجرى شراييني . . }~

MarayemoOH · 07-12-2011, 12:27 AM

part 4

ظهرت برع جفت سعيد يالس ع دجة بيتهم وزاخ الـBB
انا : سعيييييييييييد بيي معاكم
سعيد : حيااااااااااج
وسرت ركبت البورش وكان هو يسوق سعيد
انا: انته يالمستخف بعده عمرك 17 كيف تسوق ؟
سعيد : عندي ليسن السعوديه
ميروه : مزووووووووووووووووور مستحيل يعطونك وانته 17
سعيد : خخخخ كاشفه حركاتي
انا : هاي ماي سكول
سعيد : اي باب تبين الي جدام ولا هاذا
انا : لا هاذا ,, ثانكيوو سعيد نخدمك بعرسك انشالله
سعيد : يور ولكم يلا سكري الباب تعالي كل يوم
انا : ماعليه السبال ورضخت الباب
ودشيت المدرسه جناحنا كان شويه وبتجوفون ثلج والله موووووووووووووووووووووت برد برد
حمدوه: حيييييييييييييييييها بنت محمد وخاشمتها (خخخ مدرسه شباب ما نتعامل الا بالخشوم نحن هع )
انا : اللله يحييج ,,, ززززززززز( انا اتنااافض ههههههههه ) برد حشى ليش جيه ؟
عفرووه : هههههههههههه سرنا الاداره يقولج المكيف اشتغل واخترب وما يروموون يسوون شي لين الويكاند
انا : يعني نحن بنتم فهالاسكيمو ؟
حمدوه : هيييييه
انا : باجر بييكم ببرنوصي وماعليه من حد
عفروه وحمدوه : ههههههههههههههههههههههههههههههههههه
ميثوه يايه : ليش جذيه بررررررد من اول الممر صوتها ينسمع
انا : هااااااااااااااااااااي
ميثوه : هاياااااات سولفنا شويه عقب بدت الحصه الاولى
الحصه الاولى كان علينا فن وكانت المس غايبه فكتنا من حشرتها والثانيه والثالثه كان علينا عربي
اخيس حصه عندي وحيااااتكم مسلسل مكسيكي من تدخل الكلاس لين ما تظهر بس تتكلم لغه عربيه فصحه خخ بس المس كانت وايد الطيبه وقالت لانه اول يوم ما بعطيكم شي >حليلها هالمس كانت اوكيه بس عليها حركات ترفع الضغط
انا الصراااحه مع البرد رقدت هههههههههههه وعتني عفروه يوم دق جرس الفسحه
عفرووه : امييييه بسم الله تزيغين شموه عدلي جحالج واصل لين حلجج ههههههه
انا طالعت عفروه بنظره هههه : مب متفيجه للسخافه عفروه
عفروه : عوذ بالله انتي جيه يعني يوم اتنشين من الرقااد الله يعينه ريلج بيعاف حياته
ميثو واقفه عند الباب ومربعه يدها : الشيخه وايد بيلس اتريااااج
انا : ميثوه شو رايج نيلس فالصف والله بليييييييييييز مافيه اتحرك
ميثوه يتني : ههههههههههههههههههههه ليش جيه الجحال واصل نص ويهج
انا : وااابوي يعني عفروه ما تستهبل صديت وين المنظره ههههههههههههههههه شكلي كان لا تعليق الجحال ع قولت ميثوه واصل لين نص ويهي لاني رقدت مسحته وتجحلت مره ثانيه
ميثوه : انتي كنتي راااقده صح ؟
انا : هييه يا ميثوه وحلمت حلللم طررررر ما كان ودي انش منه كله من عفروه الحماره نشيت والله ماعرف شو تفسيره
ميثوه : هههههههههههههههههههههههههه اكيد عن عرب ليوا
انا : هههههههههههههه ساحره كيف عرفتي
ميثوه : ما بكون ميثه بنت محمد اذا ماعرفت
انا : والله يا ميثوه الحلم طرطريييييييييشن
ميثوه : شوه ؟
انا : هههههههه حلفي انج ما تضحكين
ميثوه : والله ما بضحك
انا : الله يسلمج اول الحلم انا اكون فمكان مظلم ولابسه اسود انزين واسمع حس ريال
"انا : منو انته ؟ ,,, ....: انا هدووووفج ,,, انا : انا وين وانته شو تسوي عندي وبروحنا ,,. هدووف : انا ياي اظهرج من الي انتي فيه بلبسج بدال الاسود الابيض ,, انا : كيف خلوك ويايه بروحنا ,,, هدوف : عادي حياتي انا ريلج "
ميثوه : هههههههههههههههههههههههههههههههههههههههههههههههههه ههههههههههههههههههههه يلست ع الارض ويلست ادقدق ع الارض هههههه جنها خبله انا ظحكت عليها
انا : ميثوووه ايه سمعيني هزرج شو تفسير هالحلم
ميثوه : تعالي نسير المكتبه نظهر تفسيره
سرنا المكتبه وفجينا الكمبيوتر ودشيا لموقع تفسير الاحلام و كتبت الحلم وعقب 5 دقايق ظهرلي التفسير
بما معناه " انه الشخص هاذا بيظهرج من حالة حزن وبيخليج مستانسه "
انا وميثوه متنا من الضحك
ميثوه : شموه تخيلي انتي بس تخيلي هدووف يكون ريلج
انا : خخخ لا تخيليني اتخيل وايد
رحنا الكلاس ومر اليوووم وااايد بسررررررعه ما استوى شي فهالاربع ايام يوم الاربعا كنت ملانه ويالسه بالدس ع لاب باباه لانه هو مسافر بعده وقلت بطرش لعرب ليوا ايميل دورت ايميل منااسب وحصلت ايميل عنوانه " ويبقى الدمع تذكار الاحبه " وكتبت اول شي ( اهداااااء بالحرف ,,, ابا اعز الدموع الي غشت خدي عقب فرقـآك ,, واداوي نزف جرحـ(ن) سـآل دمه من شراييني ,,, واعز النفس عن حبك مدام اني عجزت القاك ,, تعبت من الصبر واتعبت من كثر السهر عيني ) وتم ارسال الرساله
ورقدت هع وثاني يوووم الصبح فالمدرسه كان عندنا احتياط و ودتنا المس المكتبه وانا سرت يلست ع الكمبيوتر قلت خلني اجيك ع الايميل دورت كمبيوتر فمكان مخشوش وفجيته وعفروه يالسه فالكمبيوتر الي حذاي انا كتبت ايميلي وباسووردي وانا ارتجف واول ما ضغطت ع صندوق الوآرد صرخت
عفروه : جب فضحتينا فالمكتبه ما يتكلمون
انا: عفرووه طرشولي ايميل وعيوني دمعت
عفروه : ههههههههههههه ليش انزين اتصيحين ابا اعرف
انا : ههههههههههه بس جيه
عفروه : شو تتريين انزين فجيه
انا : خايفه
عفروه ضغطت ع الايميل وفج " مشكووووووووره فديتج ع الاهداء الطر الي متعودنه منج > دواج عندي عقب ,,, شمـآني ابا ارمسج L ,,, ردي ضيفيني اترياج يالدبه ^_* "
انا يلست اضحك واصيح
عفروه ميته من الضحك : شمووه تخبلتي ؟
انا : عفروه صخي عني ممكن
عفروه : حاضر عموه – هههههههههههههههه حليلها عفروه متحمله غلاستي
وسجلت خروجي وع طووووول يلست اركض لصف ميثوه وفجيته بكل دفاشه وكان عليهم تاريخ (المس مدرستنا من 5 سنين)
انا : مس ممكن مــــ قاطعتني
مس عاشه : سيريلها ميثه >هههههههه اتعرفني عدل حليلها هالمس والله وايد طيبه ادرسني من سادس ههههههههههههه مطلعيلها كلنا قروون
ميثوه يتني : بلاج شموه ؟
انا : ميثوووه تخيلي طرشلي ايميل
ميثوه: حلفي شو مكتوب
انا : والله العظيم(خبرتها شو مكتوب )
ميثوه : ما بتضيفينهم شميم ,, يلا الحين انقلعي صفج وانا بلتعن داخل واجوفج فالفسحه >هههههههههههه ميثوه الحصه الاولى ترفع الضعط
ويوم رديت البيت ياني نشاط غير طبيعي تسبحت وتكشخت عشان بنروح بيت يدي ومسوين عزيمه عسب احمد بيرد من السفر فدييييييييييييييييته يمكن انتو ما اتعرفون لين الحينه كيف انا ويا احمد لاني ما يبت طاريه وايد فالقصه بس بتعرفون بالبارتات اليايه,, لبست تنوره هالمره عفت الكناادير كله كنادير كله كنادير هع لبست تنوره جنز وقميص ازرق ايده طويله وساروه مطقمه ويايه
انا صححححححح كيف راحت علي :ساروه ويزوي تعالن بنروح الميلس وغمزت لهن
انخشينا فميلسنا
ساروه : شو مسويه من بلاوي الشيخه شماااااا ؟؟؟!
انا خبرتهم السالفه
يزوي : ضيفييييييه شموه حراااااام
انا باسف: ميثوه قالت لي لاء
يزوي: ماعليج منها لو قالت اي شي قوليلها يزوي قالت
انا : احببببببببببببج يزوي وقمت بستها وربعت لاخر الميلس كنت خاشه لابي هناك هع
ساروه : عافاناالله جنج مب مصدقه
انا : هيه هاذا هدوووفي والله محد يعرف غلاته عندي
يزوي وساروه صدو علي انا اطالعهم : اخووووووويه اخووووويه حشى ويا هالعيون بتاكلوني
يلست ويزوي وساروه حذايه وع طوول دشيت ايميلي وضفت هدووف
يزوي : حافظه الايميل بعد
انا : وصم بعد وانا مغمضه اكتبه

ساروه : بديت اشك شموه انا الصراحه
انا : لا يرووح بالج بعييد والله ما افكر شرات ما انتي تفكرين
واول ما ضفته ع طول كان حادر
انا : انته وييييين ياخي انته تعرف شو سويت فيني ؟
هدووف : شو سوييت بعد ؟
انا : قووول شو ما سوييييت انته تخيل اني رسبت فامتحان العلوم عسبك !!> ههههه بذله
هدوف: حللللللللللللللللفي شماني
يزوي : ههههههههههه شماني اونه ههههههههههه احس غلط
انا : حليله يدلعني
انا : هيه رسبت وتخيل نسبتي كم وصلت
هدوف : كم
انا : 83 تخيل انا شموه الي دوووم فالتسعينات اييب هالنسبه صدمه كانت
هدوف : انزييييين لييييييييييييش انا ما سويت شي
انا : هيه ولد عمك المستخف يطرشلي ايميلات قالي انك مت ومادري شوه قبل امتحان العلوم بيوم عاد انته تخيل حالتي هاااك اليوم والله واايد صحت
هدوف : فدييييييييييييتج والله ماعليه ها الحمار براويه
اما : هدووف اوعدني مره ثانيه ما تيلس تسرع وتزيغنا عليك وتسوي حوادث حشى انا من عرفتك 3 مرات مسوي حادث
هدووف : اوعدج شماني اصلن الحادث كان بسيط بس ترقدت فالمستشفى اسبوع وظهرت
انا : شحااااالك الحينه ؟
هدووف : الحمدالله بخيير
انا : انا بظهر شي فالخـآطر ؟
هدوف : لييييييييييييييييييش شماني تمي متوله عليج

انا : ماعليه برمسك عقب الساعه 12 وبروحي ههههه الحينه عندي يزوي وساروه
ساروه ويزوي ضربوني ع راسي
انا : آآآآآي يعور خس الله هالشيف
انا : يلا انا بظهر الحينه برووح خـآري الدنيا مشتله عسب خالي وانا هنيه منخشه فالميلس
هدوف : ليش بلاه خالج ؟
انا : الحين بيرد من السفر تخيل ما جفناه اربع سنين فدييييييييييييييييييت روحه والله متولها عليه واايد
هدووف : الساعه12 بالضببببببببط اترياااااااااااج
انا : اوكيه
هدوف : باااي فديتج
ظهرت من المسن
ساروه : هاااااااااا بردت دودتج
انا استهبل اوني اطييح عليهم : آآآآآآآآآآآآآآآآآآآآه اكيييييييييييييد
ساروه بشك: شموووووووووووووووووووووه
انا : لااا يروح بالكم بعييييييد و الله مافي شي من الي فبالكم
ساروه : يلا نظهر برع
طلعنا
يزوي : وصلووو ؟
ماماه : لا بعدهم
خوالي وعيال خالو الشباب كلهم راحو يستقبلون احمد فديييته
ونحن الحريم يالسين فالحوي ( الحوي عووووووود والبيت بعد عود بس الحوي اكبر )
ووصل مسج لماماه كلنا نقزنا عليها (يلا نحن جريب البيت ) كان المسج من سلطان
سارت ماماه يابت المله الي فيها الحلاوه(الخقه سايره باتشي وماخذه حلويات بالفين ما دري اكثر ) ومحطيه نيطان خمسين اول ما انفج الباب كان احمد داخل احنا كلنا صرخنا واااااااايد ضعف هههههه نست حتى تفر الحلاوه
انا اول وحده ربعت له فديييييته ولويت عليه وتميت متعلقع ع رقبته وهو شلني وصحت ههههه
احمد : هههههههههههههههه فديييتج والله شمووه ونزلني هو عيونه دمعت بس ع طول مسحنهن ,, طبعن انا قزمه جدامه خخ مع انه انا طويييله اعتبر ويت عقب ماماه ولوت عليه وصاحت بعد عقبها شموس
احمد : شموووووووووووووووووووووس حبيبتي ولوا عليها بالقو وشموس صاحت >لانه عرسها بعد ماياه حليله بس كنا نجوفه ع المسن
احمد : شحاله احمد ولدناا >بتسميه أحمد على خوهـآ وعلى عمها بو سلطان
شموس : ههههه بخير يسلم عليك ويو عقب كلهم يسلمون عليه
ورحنا داخل
احمد : محلااااااااتها ريييييييييييحة البلااد والله متوله ع بوظبي واااااااااااايد
انا يالسه عـ ريوله : هيه مره ثانيه لا تظهر منها حشى اربع سنين مب شويه
احمد : ههههههههههههه لا ما بظهر بيلس ع جبودكم
بروك واقف وحاط يده ع خصره : هيه يا الحينه الدلوووع بيخرب عليه محد بيسوييلي انا سالفه
ماما : فدييييتك انته ولدي العود وحبته ع راسه
احمد : لا والله تبريتي مني اجوووف
خالوه مريم نشت وراحت فوق خخخ مب عايبنها الوضع
احمد : بلاها
شموس : طبها عنك ياينها اليوم > ههههههههههههههه الزيارين قصدها
خالو موزه : هههههههههه على منوه
شموس : علّي انا حليلي
احمد : الله يهديها .. يقولكم يا حال حالي ياليتك تنظر لحالي الحال في بعدكم يا زين يرثاله ,, همن وغربه وبعد وشوق قـــتـــآلي يدعي المحاجر على الخدين همــآله ,,احم اهدااااااااااااااااااااء لعرب يالسين فالصاله هنيه
انا : احم احم ادري انه لي فديييييييييييييييييت روحك انا
احمد : ههههههههه هيه حقج وحق الي يشــآبهج
انا : انا يونيك مالي شبيه
ساروه : اكيييييييييييد شمووه مالها شبيه اصلن مــآله شبيه صويحبي
انا : وفدييييييييييييت ساره انا
بروك : معلوووم وانا الي انتي طالعه علي مب عايبنج
ماماه:انتو سوالفكم ما بتخلص يلا البوفيه جااااهز
احمد : بوووفيه بععععد !!
خالو شيخه: هيه لاااازم عيل شوه يلا نش نش انا بأكلك
وظهرنا كلنا خاري وتعشينا كلنا وعلى الساعه 11 احمد سطل ههه وراح يرقد وكلهم راحوو خالوه موزه وعيالها بعد راحو ومحد تم احنا بعد روحنا
انا : ماماه بسرررررررررعه ياخي بتستوي 12
حمدوه : بخصووووووووصج يعني متأثره بسندريلا مثلن >>حتى اليهال علموهم هع
انا : هههههههههههههههههه حمدووه جب ماماه بلييييز بسرعه
ماماه : شو عندج انتي
انا : ابا ارووح الحمااام
ماما: ههههههه وشو يخص الساعه 12
انا : اووووووووووف ماماه بسرعه ياخي قومي انا بسوق
ماما: لاتخليني اوقف ع طرف ويوم بتستوي الساعه 12 اتحرك
انا : مااااااااااااااماااااااااااااااه بليييييييييييييز بدون نحاسه
ماماه : اوووكيه يلا وصلنا ومشت ماماه بسررعه وفجأه ظهرلنا واحد من ع اللفه وماماه ظربت برييييييك قوووووي خخخ حتى عويش طارت يتنا جدام
انا نزلت الجامه وظهرت راسي واباغم :انته يااااااااااااااااالعمي مره ثانيه بطل عيونك عدل وانته تسوووووووووق
ماماه : هههههههههههههههههههه كله منج يالسخيفه
ووصلنا البيت يلست اركض بسرعه و وصلت فوق وركضت بعد فوق ورحت حجرة عموه انا الحينه مستقره فيها هع
وبسرعه فجيت اللاب وعقيت عباتي وطحت ع السرير وفجيت المسن بسررعه
وفجت الصفحه وكان هدوف حادر
هدوف : (فيس معصب ) 5 دقاااااايق متأخره
انا : هييييييه انته ما تعرف شو كان بيستوي
هدوف : شوه ؟
انا: ماماه كانت بتسوي حادث وانا وهيه كنا بنروووح فيها
هدوف : ليش ؟
انا : خخخخ لاني قلتلها ماماه سرعي ابا اوصل قبل 12
هدووف: فديييييت روحج ,,, وعلوووومج بعد
انا : مشتااااقه يااااااخويه هع
هدووف : هههههههههههه فديتج والله انا بعد متوله عليج وايد
تميت لين الساعه 4 ارمسه سولفنا عن يمييييييع المواضيع خخخ عقب رقدت
الويك اند الي عقبه خالوه شيخه قررت انها اتظهرنا كلنااا
خالوه : بنروح منتزه خليفه
كلنا البنات يلسنا نتحرطم شو منتزه خليفه مكان هنوود ومن هالرمسه
خالوه : انتو بس سمعو الشوور مره وحده والله بتستانسون
قلنا خلنا بنجوف ع قولتها بنستانس وصلنا هناك والله المكااااان فااااااااضي محد فيه وناسه بروحنا
سارو الحريم وبسطو فمكان وفرشو حصيرهم ونحن البنات رحنا عنهم
خخخ كنا فاصخين الحيا شويه عقينا الشيل لانه المكان فاااااااااااااااااضي
ريموه : شموه يايبه الكام >انا عندي الكانون بروفشنال
انا : يب يب عند مريوم اظن
ريموه اتااابغم : مريوووووووووووووووووم ييبي الكااااام
مريوم يت : يودي
وروحت هي وحمدوه بروحهم و انا وريموه ويزوي وساروه بروحنا
يزوي : رييمووه صورييييينا انا و شماني وساروه

انا: سيكيوزمي محد يزقرني شماني
سارووه : ليش ياحظي ؟
انا : بس عرب ليوا يزقروني شماني
يزوي وساروه :مااااااااااااااااااااااااالت
انا : عليه وعليكم اغصان الينه
كلهن : آآآمين
ريموه : منوو عرب ليوااااااااااااااا شمووه
ساروه : وحده من ليوا وتظهر لسانها وشموه تحبها
ويلسنا نتصور صور هبل
انا : محد هنيه صح
ساروه : ليش انتي تجوفين حد هنيه غيرنا
انا : خخخخ بفج شعري توني كنت متسبحه خرسان واباه ينشف عقب بصدع
ساروه : دخييييلج لاء لا تتهورين شموه انتي شعرج طويل وايد فرضي حد يا وين بنخش شعرج
كلنا ضحكناا
ريموه : انتي ليش مب متجحله ؟
انا : ما تفيجت وترا اقولج توني طالعه من الحمام ما وحالي احط شي الا يلست اتبااااغم خالتج
يزوي : تعالي بسولج شراتنا انا وساروه
ويلست ترسملي عيوني وصورتنا ريموه صوور طررررررررررر
وعقب ما تعبنا من التصوير رحنا صوبهم وكانو توهم يايبين العشا كلنا ويلسنا نسولف وياهم
وظهرنا من هناك الساعه 11 و وصلنا البيت سرت اوني امثل ع ماماه خلاص بروح ارقد ومسطله خخخ وسرت حجرة عموه ويلست ع اللاب و اول ما فجيت المسن اشتغلت (رديلي روحي اوكسجيني )
ويلسنا نسلوف وراويته الصور >ع فكره يعني الصور كلهم انا اكون متلثمه او متغشيه او من ورا هع وما ابين يعني خخخ بعدني ما تخبلت عشان اعرضض صوري لكل حد
هدوف: انتي ضعيييييييييفه واااايد شماني
انا : هيه بس حلو عليه
هدوف : كم طولج انتي ؟
انا : 167
هدوف : انا طولي 176 خخ عكسج
انا : طووول بروك
هدوف : بروووك خالج صح
انا : يب يب عمره 19
هدوف : اها
انا يلست ادور صوره بروك وحطيتها : جوف هاذا هوو بروك ع فكره انا كوبي بست منه
هدوف : ماشالله يعني انتي مزيوونه
انا : ههههههههههههههههههههههههههههه
هدووف : انزييين شماني ابا اجوووووفج
انا : لا هدووف افهمني انا بنت عيب
هدوف بغباء : عيل انا ولد
انا : ههههههههههههههههههههههههههههههههه اقوول انا الحين بظهر مسطله ع الاخير اليوم من الساعه 6 واعيه وما رقدت العصر بعد
هدووف : نوم العوافي فديتج
انا : الله يعافيك
هدوف : عافانالله قولي ع الاقل فديتك خويه
انا : هههههههههههههههههه خل موازي اتقولك >موازي اخته اكبر عنه اظن
هدووف : ماحبج
انا : انا احبك
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدري خيال مدري كلام الحقيقه ( جديد 8-8-1431هـ)	محروم.كوم	منتدى أخبار المواقع والمنتديات العربية والأجنبية	0	07-20-2010 01:30 PM
موقف محرج تتعب وتقول محرج ..... ياسر والامير سلمان ....شوف واضحك هنااااااااا	محروم.كوم	منتدى أخبار المواقع والمنتديات العربية والأجنبية	0	03-30-2010 06:00 PM
حبيبي طرشيلي صورتج ! ليش انا مب حبيبج !	عيناوية العرج	الحوار والنقاش - الرأي والرأي الآخر	13	02-27-2010 11:22 PM
تعبت من كثر ما ادور على حبيبي بس ما راح اتعب من كلمة احبك وببقى احبك لو صديت عني وتخليت يا حبيبي	بنت البلاد UAE	شعر و خواطر	6	02-22-2010 01:28 PM
جراح أشعلت حسره بصدر العذرى مكسورة	قـلب دبـي	الشعر المنقول	3	09-28-2008 03:53 AM