حبيبي حبك العذري جرى مجرى شراييني . . }~

MarayemoOH · 07-06-2011, 07:02 PM

part 2

انا : تعالي حمدوه بنروح عند خالو بخيته( يرانا الي جدام بيتنا بيون فالقصه اتريو هع )
يلسنا نمشي وانا توني بفج باب الدروازه انفج وكان سعيد وحمدووه دزتني السخيييييفه وطحت عليه اووووف موقف باااااااايخ جني لاويه عليه ويهي يا ع صدره لانه اطول عني
سعيد : سلمتي الشيخه
انا استحيت خخخ بس مب شموووه الي تستحي : الله يسلمك ,, شحالك سعود ؟
سعيد : بخير وسهاله ,, انتي شموه صصصصصصصصصصصح ؟
انا : يب يب شموه
سعيد : تغيرتي واااااااااااااااااااايد انا من 3 سنين يمكن ما جفتج
انا : كبرت مثل ما انتو كبرتو هع
سعييد : بس في شي بعده ما تغير فيج لسااانج الطويييييييل
انا : جب جب انا عقلت الحين
حمدووه : اووووووف تبوني اخيس انا هنيه ,, شموه تحركي بدخل داخل انا
انا دشيت داخل عسب حمدوووووه ام ضروس ووقفت ع طرف اعدل شيلتي الي منلعن بو خامسها هع
سعيد : اووم مريوم
حمدوه : مريوم فـ عينك انا الشيخه حمده >هاي حتى فالصدق جيه لسانها طوييييل هع
سعيد : حشى حشى فلفل بتاكليني ,, بلاج ؟
حمدوه : والله استهبال محد خبرنا انه محد فالبيت وما عدنا المفتااح عشان جييه يينا عندكم خسنا رطوووووووووووبه
سعيد : ههههههههههههههه يلسو داخل ميـآري بس هناك
دشينا ويلسنا
ميرو يايه من فوق اتغني : مبروووووووك تستاهل عسى الله يهنييييييك ,, عقبال ما تنسى وعقبال ما انساك
انا: كح كح كح شو هالاغاني المغبره
ميروه تصااااااااارخ :اشييخه شما هنيييه يت وسلمت علي
ميروه : وينج يالقاطعه ترا والله ما بيستويلج شي لو ييتي ودقيتي الباب
انا : ههههههه اتعرفين انتي الدنيا والمدرسه وجيه يعني
ميروه : مااالت جنه محد عنده مدرسه غيييرج يالدحيحه
انا : امحق هاذاك قبل يوم كنت شاطره ,, عيوني الحين انا نسبتي فاول الثمانين
ميروه : لا والله يعني الحين استويتي كسلانه بس مستواج اوكيه جيد جدا"
انا : فكينا من طـآري المدرسه عطيني فون بدق لماما وخبرتها السالفه
ميروه تضحك : احسن احسن ع الاقل فكرتي تمرين جدانا
انا : سكتي شويه و دقيت لماماه
واول ما ردت يلست تضحك انتي وين الحينه
انا : لا والله وتضحكييين بعد
ماماه : ههههههههههه لانج غبيه انا قلتلج قبل لا تروحون خله يوصلكم بيت يدج بس انتي مادري من وين تسمعين انتو وين الحينه ؟
انا : عند خالوه بخيته
ماما : خلاص عطيني ربع ساعه وبيي
انا : ويتنق يو يلا باي وماما سكرت
سولفت ويا ميروه ودش سعيد ويلس ويانا
سعيد : شموه انتي فـ تـآسع صح
انا : هيه
سعيد : يعني السنه اليايه ثننوي شعليييج
ميروه : اهئ اهئ بدشين الثنوي قبلي
انا : خخخخ محد قالج ترسبين
سعيد : كم نسبتج شموه ؟
انا : اممم احس احس انها بتكون 86 جيه
سعيد : لييييييش مب انتي الي نسبج اتكون دوم فالتسعينات
انا : هيه ولا زلت بس هالفصل كنت وايد مستهتره بشكل غير طبيعي استويت ما ادرس
سعيد : افاا لييييش اكيييد في سبب
انا : اسرااااااااار
ميروه: طاااع هاااي اسرار اونه ,, تخشيين عني
انا : هههه لا والله بس هاشي مستحيل اخبر حد عنه
ميروه : ما علييه ويا هالويه
انا : يلا برووووووح اظن ماماه يالسه ادق ,, وينها حمدوه ؟
ميروه : ههههههه تسلم عليج فالميلس انخمدت
انا : قومي ويايه حمدوه اتلوع جبد الواحد يوم اتكون راقده
انا وميروه سرنا لحمدوه ويلسنا انمشيها وروحنا بيتنا وروحت عني ميروه وانا يلست اتحرطم ع ماماه خخ كيف تودي البشاكير هناك بيت يدي يعني منوه بيتم فالبيت
ورحت ارقد وعقب يومين انا ناشه من الساعه 6 الصبح
انا اغني مع الآيبود : بتعدي بحته انا البي يتكسر من حته انشالله لست الصبح بفكر فيه .....
اميه تظهر من الميلس الي دوم اتصلي فيه : استغفرالله العظييم استغفري ربج بدال ما تذكرين ربج يالسه اتغنين ,, بلااااج صارعتنا من فير الله شو موعنج من الحين ؟
انا : خخ اليوم الشهايد امييه انا خااايفه
اميه : انتي درستي وخلاص ويعني الا شهادة الفصل الاول ما تسوي شي >احبهاااااا يوم تشجعني
سرت للاب خخخ ويلست اقرا قصه وخلصتها بسرعه لانها كانت قصيره واستوت الساعه 9 ونص رحت المدرسه مشي لانها وااااااااااااااااااااااايد قريبه وبما انه الجو استوى كوول فـ عادي شليت وياي البشكاره وماماه عطتني الفون لاني بروح مدرسه ميمي بعد الصراحه الوضضضضع موول مايطمن محد من بنات تاسع مستانس ع درجاته
دشيت وسرت للغرفه الي يوزعون فيها الشهايد خخ ما جفت مس العلوم الي هيه مربية صفنا قلت اكييد ما بتي عشان ما ترتكب فينا جريمه >ههههه هالمس نحن مطلعيلها قرون حليلها اول مره ادرس بنات من بوظبي هي متعوده ع بنات راك عقولتها بنات بوظبي مستقويات بنات راس الخيمه بنظره يسكتن هع مب انتو عيونا تنجلع وصوتنا يروح وماشي فايده بعد وياكم
مس فاطمه : شحالج شمه ؟
انا : الحمدالله مس انتي شحالج
مس فاطمه : والي يجوف درجاتكم ليش يكون بخير
انا ياني احباط : يعني واااااااااااايد نازلين مس ؟
مس فاطمه : يودي شهادتج وجوفي انا يلست اجووفها وامشي ويلست ع اقرب كرسي
شيخوه : شموه بلاج ؟
انا : مستواي يوووووووووووصل لجيه اووف ورن التلفون وكان الدريول
شيخوه : عادي حبيبتي كلنا نااااازلين يلا انشالله بنعوض الفصصل الثاني
انا : انشالله يلا عيل انا بخليج الدريول يتريا
شيخوه : انزين لا تتضاايقين لانه شي ما يرزا
انا : اوكيه يلا باي حياتي
وروحت ركبت السياره واول ما دشييييت بدت احلى اغاني عيضه اتذكرني بعرب ليوا وااااااااااايد (عهد المحبه –عيضه المنهالي )
رن فوني وكانت الطبجه الي ادق رديت
ميثوه : بلاه حسج ؟
انا : ميثووووووووووه تخيلي اناااااااااااااااا راسبه فامتحاااااااااااان العلووووووووووووووووووووم يايبه 38 فالامتحاان وصحت
ميثووه : عادي شموه انا 40 يايبه الله يساااااااااامح الي كان السبب
انا : كم نسبتج ؟
ميثوه : 83 وانتي
انا كنت اصيح : شرااااتج

ميثوه : خخخخخ المهم ناجحين لا تصيحين وتعورين راسج يعني الوقت ما بيرد عسب اتعدلين درجاتج
انا مسحت دموعي : هيه والله يعني الا شهاده ليش انا اصيح
ميثوه : ههههههههههههه انا بعد يلست اصيييح واصيح عقب قلت ليش انا اصيح الا شهاده
انا : اوكيه وصلت مدرسه ميمي بييب شهادتها
ميثوه : بتم وياج عالخط
انا دشيت داخل وسرت لمكان صف سابع
انا: لو سمحتي ابا شهادة مريم محمد ال*****
المس: انتي خت مريم ؟؟؟
انا : هيه
المس : مووووووول ما تشبهج مريم
ميثوه ترمس: وهي شولها خص تشبهينها ولا تشبهج
انا : ميثوه جب ...
المس : ماشالله عليها مريم طالعه الاول
انا : هاي الشهاده الي تبيض الويه ,, تسلمين وروحت
ميثوه : كم نسبتها ؟
انا : 97 المصريه
ميثوه : الله يحفظها ,, شموه بسكر عنج امايه تبا التلفون
انا : يلا عيل باي , انتو بتروحون العين صح ؟
ميثوه : هيه خخخخ اصلن نحن فالطريج
انا : يلا عيل سي يااا باي
ميثوه : باي وسكرنا
رديت البيت لقيت ماماه وميمي يتريوني
ماما : ليييش ما تردين يوم ادقلج ؟
انا : فضى الفون ما فيه جرج
ماما : فضى ولا ترمسين ميثوه
انا : خخخخ الاثنين
ميمي : كم طلعت
انا : الاولى يا بنت المصريييييه
ماما فرتني بالمخده : انا مصريييه هااا
انا : خخ لا محشومه
يت ميمي خذت شهادتها عني ويلست تناقز من الوناسه
ماماه: ييبي شهادتج شموه
انا : تحلموووووووووون اتجوفونها
ماما: كم نسبتج ؟
انا : 83
ماما: ليييييييييش نزلتي وااايد
انا : ماماه بليييييييييييز ما ابا اتذكر دخيلج الحين يعني الوقت مابيرد عسبي خلاص نزلت نزلت انا بس انشالله بعوض فالفصل الثاني
ماماه : انزين ابا اجوف الشهااده
انا : لو المووووت ما بخلي حد يجوفها
ماماه : ييبي والله ما بنازعج حلفت انا والله ما بنازعج
انا : ومابتشلين عني اللاب ولاشي ؟
ماما: ما بشله يبيها فكييني
انا عطييييتها الشهاده وماماه بققت عيونها : 38 فالعلوووم ليش انتي تحبين العلوم !!!!!!!!!!!!!!!!! شموه شو هااااااا
انا : ماما عاااد دخيلج انا اصلن مادرست العلوم ما كنت اوكيه
ماماه : اوعدييني انج ما بتردين اتييبين شرات هالشهاده
انا : وععععععععد انا بروح ارقد يلا باااي
ورحت فوق وطرطرت الشهاده وحرقتها وعقيتها خخخخ من الحره الي فيه
عقب اربع ايام كان عندي موعد عسب دكتور التخدير يجوفني لانه باجر عندي عمليه هع انا يوم كنت صف ثالث طحت تحت حلجي وكان شي علامه بسييطه فقلت بسوي عمليه عسب اشلها لانها قامت اتبين الحين يوم كبرت(منكر بنااااات بس ) سرنا انا وماما الموعد يلسنا فغرفه الانتظار لين ما يودونا عند الدكتور فوق و يت النيرس وزقرتني انا وكم حرمه بعد ورحنا فوق وقالت تريوو هناك انا وماماه يلسنا مكان بس كان فيه واحد يالس ويرمس بالفون
يلسنا انا وماماه نطنز ع الرايح والراد عقب ربع ساعه زقروني والفضيحه بصوت عالي شمآ محمد ال*****
دشينا عند الدكتور مال التخدير يلس يرطن بالانجليزي مافهمت شي منه عقب استوعبت انه الحيييييييييييييييينه عمليتي

انا بصدمه: ماماه شو هاذا انا مب مستعده نفسياً
ماماه : ههههه لا والله يلا قومي الدكتور يترياج داخل
دشينا قسم مكتووب فوق " العمليـات " اوووف الاسم يروع

ودخلوني حجره قالولي لبسي هاللبس ولازم افصخ ملابسي
انا: ماااااااماااااااه هونت مابا اسوي العمليه
ماما : شموه عن حركاات اليهاال يلا بسرعه الدكتور يتريا
لبست اللبس مال العمليات وانا العن الساعه الي فكرت فيها اني اسوي فيها العمليه
عقب ما خلصت يابولي كرسي
انا: بعدني ما عيزت ليييش ياايبيلي كرسي والله ما يلست عليه
صديت ع ماماه لقيتها ناقعه من الضحك اسويلها ماعليه ما عليه
ودخلوني مكان يزيغ و يا الدكتور كان عراقي الله لا عاده
انا : دكتوور يعور صح
الدكتور : لاء نفس غزة السمسومه ما تعوووووور
انا : تقص عليه
الدكتوور : انا اقص عليج افا والله افا ما هقيتها منج
وسدحوني ع السرير ومادري شو حطولي ع صدري ويت حرمه تتدرب
الحرمه : شمه انا اسمي جوااهر انا بكون وياج يوم عمليتج بساعد الدكتور اوكيه فديتج
انا : اوكيه
وقال الدكتور بسم الله وضربني ابره تحت حلجي يلست اباااااااااااااغم : الله ياخذكم يعلكم المووت يعووووووووووور ويلست اصييييح واصييييييح وغربلاته الدكتور مسولي اكبررررر طااااااااااااف ويالس مادري شو يسويلي والله يعوووووووووور
عقب نص ساعه خلصت العمليه وخوزو كل شي عني نشيت و لقيت الطاوله الي حذايه كلها شاش وفيه دم !!
انا : الله ياخذكم خلصتو دمي بروحه عندي فقر دم تووووووبه آخر مره اييييييييكم
جواهر : هههههههه انتي وااايد دلوعه شمه
انا : جب ما ارمسج انتي يالسه اتعوريني ويا الدكتور السخيف هاذا
جوااهر : ههههههههههههههههههههههههههههههههههههه اوكيه يلا نشي يايبيلج كرسي شعليج يدلعونج
انا : تخسي والله بعدني ما عيزت ولا انكسرت ريولي عسب ايلس ع هالكرسي بمشي ريولي بعدها صاحيه
جواهر : شمووه يلا عاد يلسي انتي توج ظاهره من عمليه
انا: مااااااااااااااااااااابااااااااااااااااا
جواهر : كيفج
والثنينه من النيرسات يوني كل واحد زاخه ايد ويلسو يمشوني غربلاتهم وقريت "غرفة الانعاش"
انا: عثثثثثثثثثثثثثره تعثر هالدكتووور ياربي,, انعاش ليش شو مسويه انا الا يشلون شخطه هالكبر كرسي وحاله حسستوني جراحه قلب مب تجمييل
سمعت حس ثنينه يضحكون صديت لقيت ثنيه من الشباب يضحكون عليه اووووف يلعن هالمواقف البايخه عاد انا شكلي حدث ولا حرج لابسه لبسهم وكانو محطيلي شي يغطي شعري هههههه بس انا يوم اتضاربت ويا النيرسات نص شعري ظهر من الكاب وغير عيوني الي منتفخات من الصياح ومع اللزقه الي حاطينها يعني شكلي باختصار حبتييييييين هع
يلست فهالحجره وكل شوي جواهر اتيني حليلها عقب ما استوت عشر دقايق بطلت كل الوايرات الي عليه وشردت خخخ سرت للحجره الي فيها اغراضي وتلبست وتغشيت وظهرت عند ماماه
مااماه : ههههههههههههههههه يا الدلووووووعه صوتج وصلنا لين هنيه اتعرفين
انا: ماماه دخيلج بنظهر من هنيه لانه لو جفت الدكتووور بذبجه يلعنه
ماماه ضربتني ع راسي : لا تلعنيين ويا هالويه
ظهرنا من المستشفى فالسيياره
انا: سراج مر باسكن داخل شيشة المشرف
ماماه: شتببيبه باسكن حزة غدا الحينه
انا : كييييييييييييييفي سراج مر
ماماه : خذي لخواتج
انا : مابااا
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدري خيال مدري كلام الحقيقه ( جديد 8-8-1431هـ)	محروم.كوم	منتدى أخبار المواقع والمنتديات العربية والأجنبية	0	07-20-2010 01:30 PM
موقف محرج تتعب وتقول محرج ..... ياسر والامير سلمان ....شوف واضحك هنااااااااا	محروم.كوم	منتدى أخبار المواقع والمنتديات العربية والأجنبية	0	03-30-2010 06:00 PM
حبيبي طرشيلي صورتج ! ليش انا مب حبيبج !	عيناوية العرج	الحوار والنقاش - الرأي والرأي الآخر	13	02-27-2010 11:22 PM
تعبت من كثر ما ادور على حبيبي بس ما راح اتعب من كلمة احبك وببقى احبك لو صديت عني وتخليت يا حبيبي	بنت البلاد UAE	شعر و خواطر	6	02-22-2010 01:28 PM
جراح أشعلت حسره بصدر العذرى مكسورة	قـلب دبـي	الشعر المنقول	3	09-28-2008 03:53 AM