اللي عندهـ كانون ولا نيكون يـــدخل بلييز .. - الصفحة 2

فوشـzebraـيهـ · 04-14-2011, 12:33 AM

تسلم سواف ع المرور ..

بــــــــــس اي كانون انا ابا اعرف عن d 550 مواصفاتها وجي مقارنه بالنيكون d3100 __DEFINE_LIKE_SHARE__

alsaƒeer · 04-14-2011, 03:26 AM

لو ما حصلتي حد شوفي اصحاب المحلات

في بعض المحلات يحطو محترفين تصوير يبيعو وعندهم خبره فهالامور __DEFINE_LIKE_SHARE__

بوفلاسه · 04-15-2011, 11:03 AM

باااااااااااااك للاسئلة الحلوة.. ادورها انا..خخخ

انزيين.. بخصوص الكيمرتين .. ما شي فرق بينهم واايد..

عن النيكون ما عرف وايد الصراحة بس المعروف انه الفيديو في كانون احسن بوايد عن النيكون..و اظني النيكون تعطيج كمن ثانية تصوير فيديو بس بخلاف الكانون اللي تسمح لج بالتصوير على مساحه الميموري و الافضلية فالنقاوة للكانون طبعا..

النيكون 14.2 ميغا بيكسل و الكانون 18 ميغا بيكسل

النيكون 11 نقطة تركيز بينما الكانون 9 نقاط للتركيز الالي

النيكون تصوير HD 1080 WVGA or 720 p
بينما الكانون full HD

النيكون ما عرف كم فريم فالثانية بس الكانون 3.7

الكانون فيها لايف فيو live view و النيكون ما فيها

كلا الكيمرتين تصل فيهم حساسية الايزو ل 128000

بخصوص وضوح الصورة الكانون افضل
و الالوان ايضا كانون افضل.. ( هذا طبعا بعد تجربة عملية بين الكيمرتين)

انا من جهتي انصحج في هذا المستوى بالكانون 550d
و فالنهاية تبقى نصيحتي.. الدائمة شوفي ربايعج شو عندهم و خذي شراتهم عسبت تتبادلون الخبرات و العدسات او حتى الميموري..

ان شاء الله اكون افدتج اختي و اي استفسار انا حاضر..

بوفلاسه __DEFINE_LIKE_SHARE__

فوشـzebraـيهـ · 04-16-2011, 02:10 AM

مشكززززززرين ع المروور

بس اخووي بوفلاسه

اغلبهم بقولون الوان الكانون باهته مقارنه ب النيكون اونه الوانها رويانه .. __DEFINE_LIKE_SHARE__

بوفلاسه · 04-16-2011, 11:08 AM

مرحبا..

لا هالكلام اصلا غير صحيح..

و قلتلج قبل الكانون و النيكون موول ما شي فرق بينهم فالكوالتي.. اللهم المواصفات الفنية

انا ما اتكلم من فراغ.. انا عن واقع تجربة بين الكيمرتين و بسوال شريحة كبيرة من المصورين..
ما قدرت اطلع الفرق بين الكيمرتين..

انا عضو في جمعية تصوير.. و شفت من الكيمرات الكثير.. و خالطت مجموعة كبيرة غير المعارض و المسابقات و التغطيات.. و ما شفت اي فرق فالصور المعروضة..

يعني يوم تنعرض الصور و اشوفها ما عرف نوع الكيمرا المستخدمة. و بعدين الفوتوشوب يغير من الصورة 60%

و الكيمرتين تصويرهن فظييع..

و بعدين ردا على كلام انه الوان الكانون باهتة..

شوفي مصورين ناشيونال جيوغرافيك شو يستخدمون.. و اطالعي الوان الصور الملتقطة.. طبعا كله يستخدمون كانون.. يمكن يستخدمون النيكون بس ما شفت..

كل حلقات برنامج صور تروى كانوا يصورون فيها بالكانون.. اللهم شفت حلقة او صورة صووروها ب leica هاي كيمرا المانية و ما فيها مرايا و موضوعها ثاني يباله شرح اكثر..

و برايان بيترسون يستخدم كانون

ستيف ماكوري يستخدم هاسل بلد ( اقوى كيمرا فالعالم)

امم هاذيلا اللي اذكرهم حاليا..

فالنهاية شوفي الميغا بيكسل و نقاط التركيز و الفريمات فالثانية.. و حجم السينسور..

و ابني على هالاساس..

فالنهاية انا ما اقلل من شان النيكون و لا امدح لكانون.. و الراي لج فالنهاية __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي عندهـ خرازهـ نظيفه للبيع ...	محروم.كوم	منتدى أخبار المواقع والمنتديات العربية والأجنبية	0	05-18-2010 02:50 PM
طلب [ اللي عندهـ نفس الموجود يدخل ] [ ^_^ ]	محروم.كوم	منتدى أخبار المواقع والمنتديات العربية والأجنبية	0	03-25-2010 04:10 AM
نيكون&كانون	محروم.كوم	منتدى أخبار المواقع والمنتديات العربية والأجنبية	0	09-22-2009 06:50 AM
[ طلب برمجه ] : اللي عندهـ ون كآرد أو كآش يو يدخل فقط !	محروم.كوم	منتدى أخبار المواقع والمنتديات العربية والأجنبية	0	06-27-2009 06:30 AM
اللي عندهـ اهتمام وأو خبره فـ الكلاسـك يدخل	محروم.كوم	منتدى أخبار المواقع والمنتديات العربية والأجنبية	0	06-02-2009 11:30 PM