و يـٍٍٍٍنــكـ ؟ حٍــبــٍيبــي (ما) وحــٍشـنـٍْاكـ .؟؟. - الصفحة 2

احلى دلوعه · #1 01-04-2009, 11:57 PM

السلام عليكم ورحمة الله وبركاته ,,..

هـــاي اول قصة لي من تأليفـــي وساعدونــي ف تأليف القصه ..

بنـــات خلاتـــي ... وحبيــت انزلها لكم ف المنتدى .. وان شاء الله

تنـــال اعجـــابكـــم ..

والحـــين بنزل لكـــم اول بـــارت ف القصة واذا عيبتـــكم راح اكـــملها ان شاء الله ..

°ˆ~*¤®§(*§*)§®¤*~ˆ°الـــــــــــــــــــــــــــــ ــــــــــبارت الــــــــــأول .. °ˆ~*¤®§(*§*)§®¤*~ˆ°

~*¤ô§ô¤*~*¤ô§ô¤*~الشخصيات~*¤ô§ô¤*~*¤ô§ô¤*~
اليده.. حصه...
محمد~مريم (٢٦سيف ،٢٤سعيد،١٨عواش ،١٥ذياب،حصه٩ ،...) سيف يدرس برع , سعيد يشتغل ف الشرطة ضابط برتبة نقيب ف الشرطه محير بنت عمه خلود ويحبها , عواش اخر سنه ثانويه عامه علمي , ذياب 15 سنه اول ثانوي ربشه وسوالف , حصه تسع اسنين صف ثالث شطوره وحبوبهـ ودلوعة البيت .. )

٢راشد~عليا(٢٦حمدان،٢٢روضه،١٨ميثه،١٥عبود،٨ منصور)...حمدان يدرس برع , روضه تدرس ف جامعة ابوظبي , ميثه ثانوية عامه علمي , عبود اول ثانوي وربيع ذياب وسوالف وربشة بعد , منصور دلوع البيت والكل يحبه ..)
مهره~خالد(٢٤أحمد،٢2خلود٢٠حارب،١٨عليا٥العنود)العين سويحان...أحمد يشتغل ف القوات المسلحه ف ابوظبي ويحب بنت عمه مريوم .. وناوي يخطبها جريب .. خلود 22 سنه محيره لولد خالها سعيد تدرس ف جامعة الامارات ,حارب 20 سنه يدرس ف كلية الشرطة , عليا ثانوية عامه ادبي ويحبها ولد عمها راشد , العنود دلوعة البيت )..
سعيد ~ هند (٢٤عبدالله ،٢٢هزاع ، ٢٠مبارك،١٨فاطمه،١٤سلامه،٥شوق)...عبدالله يشتغل ف ادنوك , مالج ع بنت خالته الريم وعرسهم جريب ,هزاع 22 سنه يدرس ف الجامعة الامريكية وهاي اخر سنه له , فطامي ثانويه عامة ادبي , سلامة صف تاسع وشطوره , شوق الدلع كله ,)..
موزه~عبيد(٢٤ناصرمتزوج ،٢١نوف٢٠سهيل،١٨ حمده ١٤مروه)العين الرماح ... ناصر يشتغل ملازم ف الشرطة يشتغل ف العين وساكن هناك متزوج بنت عمته نوره وهي حامل , نوف تدرس ف جامعة عجمان للعلوم والتكنلوجيا اللي ف العين , سهيل يدرس ف كلية الشرطه ويحب بنت ييرانهم زهره , حمده ثانويه عامة ادبي , مروة صف تاسع هادية وشطوره ) ..
أحمد~حمده(٢٢منصور،١٨ميره،٨حمد) ...منصور يدرس برع , ميره ثانويه عامه علمي , حمد كتكوت حبوب ودلو ع
سلامه ~سالم (٢٣حمد،21مريوم،١٨مهره،١4امنه،١٥حمود)...حمد يشتغل ف ف ادنوك مع عبدالله , مريوم تدرس ف جامعة ابوظبي ,مهره ثانوية عامة ادبي , امون تاسع حبوووووبه وسوالف شطوره , حمود ربيع عبود وذياب وربشه وسوالف مثلهم اول ثانوي ..),..
سلطان أعزب...يدرس برع ..
منال ٢٢ سنه ... تدرس ف جامعة ابوظبي ..
صوب يدة ميره دبي. شيخه اليده..
من صوب هل دبي .. اليده شيخة .. شما 23 سنه .. خالد 25 سنه .. سالم وحرمته ظبيه وعياله .. علي 23 سنه ,, هند 21 سنه خاطبنها ولد خالها خليفه , نواري 18 سنه ثانوية عامة علمي , حميد 14 سنه , لشخصيات التي تدور حولها احداث القصه وفي شخصيات ثانية راح تتعرفون عليها من خلال القصة ..

والحيــن نبدا ..

قبل اربع سنين .. يوم ميره كان عمرها 14 سنه .. ميره كانت مربربه شوي يعني متينه ,, كان وزنها 71 تقريبا ,ميره تموت ف شي اسمه بيتزا وكافي وحلويات وبيبسي واربع وعشرين ساعة تاكل وهذا كان السبب الرئيسي لوزنها الزايد , دوم كانوا ( مبارك وحارب يعلقون عليها ) وهي طبعا كانت اتطنشهم , صح تاخذ ف خاطرها بس ما كانت تبين و تسوي عمرها عادي ف مره مصخوها الشباب وتموا يعلقون عليها والبنات تموا يضحكون عصبت ميره وقامت عنهم و سارت غرفتها وقعدت اتصيح , وقعدت اتجمع ثيابها واغراضها وتحطهم ف شنط سفر ..
واتصلت ف ابوها ..
ميره وهي اتصيح : ابوي .. بومنصور : عيون ابوها .. اشفيح ابوي عسى ما شر .. ليش اتصيحين .. شو مستوي ؟؟
ميره : أبوي خلاص ما بتم اهني بسير دبي عند امي شيخه بقعد عندها هناك ..
بو منصور : ليش ابوي شو مستوي ؟؟ وليش اتسيرين دبي ؟؟ وليش ما تقعدين عند امج حصه ؟؟ حد مزعلنج ابوي ؟
ميره : بس جيه ابا اسير هناك بتم اهناك عندها ..

بومنصور : كيف اتسيرين هناك ابوي ومدرستج , وامج حصه اتهون عليح اتسيرين واتخلينها ..

ميره : امي حصه ما بقطعها وبزورها .. وعن المدرسه بنتقل ف مدرسه هناك ..

( ميره ماكانت تحب المدرسه لان كان فيها شلة بنات أكبر منها , دوم يعلقون عليها , ويتمصخرون عليها وهي حصلتها فرصه انها تظهر من هالمدرسه )

بومنصور : وليش يا ابوي .. ؟؟ ما بتخبرين ابوج ليش ؟؟

ميره وزاد صياحها : ابوي خلاص ما اريدك تسألني ليش كلمهم خلهم يودوني دبي ..

بومنصور طبعا يموت ف بنته ومستحيل يرد لها طلب : خلاص ابووي اللي تبينه يصير بس انتي خلاص لا تصيحين ..ولا تزعلين روحج .. وانا ان شاء الله بكلم حد من عمامج يتابع موضوع نقلج من المدرسه ..

ميره: خلاص اتصل ف عمي سلطان وخله يتابع الموضوع ..

بومنصور : ليش سلطان ف البلاد ..

ميره : هي موجود ياي زياره اسبوعين وبيرد ..

بومنصور : خلاص بكلمه ان شاء الله وبخليه يتابع موضوع نقلج ..

ميره : انزين اتصل فيه الحين وخله يوديني دبي اليوم ,, انا زهبت كل اغراضي ..

بومنصور : يابوي اني قعدي هني لحد ما يخلص موضوع نقلج من المدرسه خلاف سيري هناك ..

ميره اتصيح : ما اريد قلتلك بسير اليوم يعني اليوم .. كلمه الحين يوديني ..

بومنصور : يابوي جذي بتضيعين عليج دروسج .. خلي يخلص الموضوع بعدين فالج طيب .. متى ما بغيتي بخليهم يوصولنج هناك ..

ميره زاد صياحها : ما ابا اليوم بسير ما اريد وتمت تصيح ..

بومنصور كسرت خاطره بنته وهي تصيح : خلاص ابوي خلاص بتسيرين اليوم بس لاتصيحين انتي .. الحين بكلم عمج خله يوديج .. وينه هو الحين ..

ميره وهدت شوي : محد اضني ساير صوب العين اتصل فيه وكلمه ..

بومنصور : خلاص بكلمه الحين .. يالله ابوي شي بخاطرج بعد ؟؟ تأمريني بحايه ؟؟

ميره : هي سلم ع امايه ومنصور وبوسلي حمد .. والله تولهت عليكم واااااااااااااااااااااااااااايد ...

بومنصور : يبلغ ان شاء الله واحنا بعد اتولهنا عليج واااااااااااااااااااااااايد .. يالله فمان الله ابوي ..

ميره : فداعة الرحمن ..

وبعد ما كلمت ابوها حطت راسها ع الفراش ورقد ت من كثر الصياح ..

(بومنصور عايش برع بحكم ظروف شغله . وميره ما سارت وياهم لانها ماتحب تقعد بروحها وهي متعوده ع ربيعاتها وما قدرت انها تفارقهم وتسير وتم هناك روحها ما عندها احد , وابوها ما جبرها خلاها ع راحتها وهو اكيد متطمن عليها وهي بين اهلها .. اما منصور فسافر وياهم عسب يكمل دراسته هناك .. )
وعند سلطان كان هو وحمدان وسيف ف العين مول قاعدين ف الكافيه ( الثلاثي المرح كانوا يدرسون برع , وكانوا يايين زياره لأهلهم اسبوعين وخلاف بيرودون ,, )

رن فون سلطان: ها بو منصور متصل ,, غريبه شو عنده ؟؟

حمدان : رد انزين ليشم نقعنه ع الخط ..

سلطان : ها هي صح والله نسيت تصدق .. ورد سلطان ع اخوه بومنصور سلطان : مرحبا ملايين ولا يسدهم ..

بومنصور : المرحب لا هان .. هلا سلطان اشحالك ..؟؟..

سلطان : يسرك الحال بومنصور ... وعلومكم انتو عساكم مرتاحين ؟؟

بومنصور : طيبين طاب حالك ,, احنا ما نشكي باس بس اللي صوبكم محد يدري بحالهم غير ربك ,, حالهم مره ما يسرك ..
سلطان الف علامة تعجب ف ويهه .: شو قصدك ياخوي .. منو اللي ما يسرني حالهم .. شو مستوي يا خوي..

بومنصور : ميره ماادري شوفيها متصله وهي تصيح .. تبا تسير بيت يدتها اهناك ف دبي وتنتقل من مدرستها ..

سلطان : وليش ؟؟ ما قالتلك ليشي اخوي ؟؟

بومنصور : ما قالتيلي بس اكيد في حد مزعلنها ..

سلطان : افا من اللي يتجرأ ويزعل ميره وانا راسي يشم الهوا .. ما عليه انا بشوف السالفه بومنصور انت لا تشيل هم ..

بومنصور: سلطان .. طلبتك .. سلطان : تم .. انت ما تطلب ياخوي انت تأمر ..

بومنصور : اباك اتابع موضوع نقل ميره من مدرستها .. واتسير اليوم واتوديها صوب دبي ..

سلطان : ليش يا بومنصور خلني انا بكلمها يمكن تسمع مني وتغير رايها ..

بومنصور : لا تعب عمرك يا سلطان ميره عنيده وراسها يابس .. صدقني خلاص هي حطت هالشي فبالهاوما بتقدر تقنعا تغير رايهاا..

سلطان : انزين ما عليه بجرب انا وياها وان كان ما اقتنعنت خلاص بسوي اللي تباه .. احنا كم بومنصور عندنا وكم ميره عندنا ..

بومنصور : تسلم يا خووووي .. ما تقصر .. شي فخاطرك الغالي ..

سلطان : سلامتك ,, بس سلم ع الاهل هناك ..

بومنصور يبلغ , وانت بعد سلم ع الكل ..

سلطان : يبلغ .. فداعة الرحمن بومنصور : فمان الله ..

وبند سلطان عن بومنصور , وقاموا الشباب عسب يسيرون صوب ابوظبي ..

بوظبي حجرة ميره ... ميره راقدة ودشت عليها منال .. شافت شنط سفر محطوطه ف خاطرها

( شو السالفة شو ميره ناوين تسافرولا شو ..؟؟..))

منال : ميره ... ميراني ...ميره نشي فديتج صلاه .. قومي صلي ..
ميره تبطل عيونها . منال : قومي صلي ..
وقامت ميره من مكان وسايره صوب الحمام ( الله يعـــزكم )
منال: ميره شو الشنط .. وين سايره انتي مسافره ؟؟ ..
ميره وصلت عند باب الحمام (الله يعــزكم ) وقبل لا تحد رالحمام : بنتقل دبي خلاص .. ودخلت الحمام (الله يعــزكم ) وخلت منال ف حالة صدمه ..
منال تكلم عمرها : شو تنتقل شو السالفه لا اكيد تمزح وياي اكيد تسولف لا لا مستحيل .. وقعدت ع السرير ..
وظهرت ميره من الحمام بعد ما توضت .. (الله يعزكم )
منال : ميره شو تقولين انتي .. انتي تمزحين صح اكيد تمزحين ..
ميره ما ترد عليها وسارت لبست شيلة الصلاة وفرشت السياده وصلت ..
منال تأكدت ان ميره جاده وما تمزح ,,..
وطلعت من الغرفه ع طول ونزلت تحت وسارت صوب البنات .. بنات لحقوا ميره مجمعه اغراضها تقول خلاص بتنتقل دبي ..
البنات : جذابه ..
منال اتصيح : والله مااقص عليكم والله وصدت صوب مبارك وحارب .. كله منكم يالخياس ارتحوا الحين خلاص ..
والشباب ساكتين وماقالوا ولا شي ... والشرده نص المريله .. شردوا عسب ما يحصلون هزاب من حد ..
صوب ميره اتصلت فابوها تسأله اذا اتصل ف عمها وخبره ,,وابوها خبرها انه كلمه ,, وهي زقرت الخدم عسب ينزلون شنطها تحت .. وهي بعد نزلت تحت تتريا عمها ..
ميره قاعده ف الحوش والبنات كلهم حواليها ويصيحون ويحاولون يقنعونها انها تغير رايها .. بس هي لا حياة لمن تنادي ما كانت تكلمها هي كانت شاله ف خاطرها منهم لان لما الشباب كانوا يعلقون عليها هم كانوا يضحكون ..
وبعد ربع ساعة دخلت سيارة انفنتي سوده البيت .. ونزلوا منها .. سلطان وحمدان وسيف .. و
شافوا البنات ف الحوش وساروا صوبهم ..
سلطان شاف البنات يصيحون وقال : لا حول ولا قوة الا بالله .. الله يرحمه كان طيب بس هذا يومه والموت حق وكلنا لها .. ويوم لك ويوم عليك ..
والشباب نقعوا ضحك هههههههـ ؟..
سيف : الحين انتو ليش اتصيحون ابا افهم انا حد ميت عندكم ..
منال : ميره تبا تسير دبي خلاص ما تبا تقعد هني .. وزعلانه منا ما تبا تكلمنا ..
سلطان صد صوب ميره : ميره ليش شو مستوي حد مزعلنج حد ضايقج حد قالج شي خبريني وانا برويج فيه ..
ميره : ما حد ضايقني ما فيني شي بس انا ابا اسير دبي خلاص ما ابا اقعد هني ..يالله ممكن انسير الحين .. ممكن توصلني ..
سلطان : انزين ما بتخبرين ليش ؟؟ انا ابا اعرف شو السالفه واذا ما خبرتيني شو السالفه ما بوديج ..
ميره اتصيح : شوف ا ذا ما بتوديني بتصل ف خالي خالد وبخليه يشلني ..
سلطان : ليش انزين شو السالفه .. ميره : بس جيه ما ابا اقعدهني .. اخاف اقعد واكل حصتي وحصت غيري وليش انا اشبع وغيري يموت يوع اسير احسن عسب محد يموت يوع ..
سلطان : ومن قالج انج انتي تأكلين حصته .. انتي تأكلين من خير ابوج .. ما عاش من يقول عنج كلمه وانا راسي يشم الهوا ما عليج انتي بس خبريني من قال هالكلام وانا اأدبلج ايااااه ..

ميره : ما اباك تأدب حد اباك توصلني دبي وبس ..
سلطان : وأتهون عليج ام محمد تخلينها وتروحين ..
ميره : مااتهون علي فديتها بس ما عليها انا ما بقعطها وبزورها ..
سلطان : انزين هي تعرف انج انتي سايره ..
ميره : لا ما تعرف خبروها بعدين بعد ما اسير انا ..
سلطان : وينها هي الحين ..منال : سايره صوب اهل سويحان ..
سلطان : انزين خبريها ان ميره سارت دبي .. منال هزت راسها بالقبول .. طبعا الكل متضايق ان ميره بتسير وبتخليها .. ميره كانت مسويه جو والكل يحبها ..
ساروا حمدان وسلطان يوصولون ميره وسيف ماسار وياهم وقعد يسأل البنات عن السالفه وخبروه وتوعد لمبارك وحارب وقال انه بيأدبهم ..
((من يومها وميره قاعده ف دبي ؟.. طبعا ميره اتراضت ويا عيال عمها , وعادي بس ماردت عندهم عيبتها القعده ف دبي بس كل ويكند تسير صوب بوظبي .. طبعا خلال هالفتره ميره سارت لنادي رياضي خالتها شما شجعتها تسوي رجيم وفعلا ,, ميره سوت رجيم وضعفت .. واستوت رشيقة وها كله بفضل تشيجع خالتها .. طبعا كانت حلوه بس الحين احلوت اكثر ..هاي السالفه كانت من اربع سنين...
طبعا كل ويكند ميره بيت يدتها..
يوم الخميس ..
ميره رجعت من سكولها ع طول سارت بدلت لبست عباتها ونزلت
شيخه(اليده)هايمايه سايره ..
ميره: هي امايه سايره حبت راس امها :شي بخاطرج الغأليه .
اليده:مابي غير سلامتج ديري بالج ع عمرج .
ميره: ان شاء الله من عيوني وانتي بعد فداعة الرحمن .
اليده:ما تغديتي فديتج..
ميره : شبعانه يماكلت فالسكول..
اليده:الله يهديج والسندويجات هاي تسمينها اكل ..يالله يامايه توكلي على الله وسلمي ع الاهل هناك ..
ميره : ان شاء الله يامايه يبلغ .. وسارت ميره صوب اهلها فبوظبي ..

][®][^][®][بانتـــظار أأرائكم اعـــزائي القـــ{ــراء أعضــاء المنتدى ..][®][^][®][ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري