| ||||||
 |
| | LinkBack | أدوات الموضوع | انواع عرض الموضوع |
06-24-2010, 02:12 AM
| رقم المشاركة : [ 51 ] | |
| عضو جديد  |  الحلقه الثالثه و العشرون .. مين يعوضني مكانكـ لو أخذكـ البعد عني ..؟؟ آمة آدم في غيابكـ ما تساوي شي عندي ..!! شذى : هي صدق والله .. شو ع بااالج أخرط ... قلت : عاد خلاااص عقب شوي بنزل لما يروووح .. شذى : ترا عمي بعد تحت مب بس خااالد .. قلت : اووووف هذا شاللي يابه .. شذى : ونحن اش درااانا .. شييوم بنص عين .. : أكيييد يبا يشوووف الحبااايب .. قلت : سكتي لافلعج بهالفروووحه .. ............... من ورا الباااب : من اللي ملعوز حرمة أخويه ومطفر بها .. شيما : كملت .... قلت : حياااج حياتي خوخه .. تعالي طالعيهن يرمسن عنيه .. خلود : بقص لسااان اللي يرمس عن حرمة الغاالي .. ابتسمت وقلت : فديتج أنا .. خلود : يفداااج كلي وربي .. قلت : زين ييتي ولا كانو بيجنون عليه هههه خلود : هذا اذا خليت أحد يجيسج .. ابتسمت وقلت : اش حاالج حياااتي ..؟؟ خلود ابتسمت وقالت : بخير حرمة أخويه .. قلت : دوووم انشالله .. خلود : يدوم عزج ونبض قلبج .. انتي اش حااالج .. شخبااارج ..؟؟ قلت : بخير الله يسلمج حبيبتي .. خلود : يلا بسرررعه نزلي .. حبيب القلب موجود .. طالعت الكل مستغربه وقلت : ماني بنااازله .. فضيحه .. شذى : بس بابا يباااج ... قلت : خل ايي روحه .. رمسه ما برمس ويا خااالد .. خلود : لهالدرجه خاايفه من أخوي تراااه ما يااكل لحوم بشريه .. ضحكت وقلت : ادري .. بس بعد أستحي عاااد خلود : فديت اللي يستحون ههههه .. بس تعاالي برااايج لو ما تبين تنزلين .. قلت : هي ما بنزل شو قالو لكم ما عندي حيااا .. شيما : الله عااد يا أم الحيااا انتي .. قلت : اذا تبين تنزلين نزلي أنا ماني بنازله .. شيما : أحسن ههههه خلود : تعااالي أي يوم بتروحون عسب الفحص .. ومتى بتروحون عسب تملجون .. قلت : شو درااني ههه سألي أخوج .. خلود : قالو نهاية هالأسبوع .. قلت : بس ما يمداااني لا أفصل ولا أتجهز .. خلود : عادي خذي جاااهز .. قلت : جي رااايج ..؟؟ خلود : هي .. طالعت شييوم وشذى وقلت : وانتن اش رااايكن ..؟؟ شيما : الحمدلله تذكرت ان عندها خواات .. شذى : صدقج .. كل شي خلود وخلود .. ماشي شيما وشذى .. ضحكت وقلت : فديتكن عاااد ما بنساكن أنا مستحييل أنسااكن .. خلود : الحينه مستكثرين علي هالدقيقتين اللي ارمسها .. شذى : لا أمي خذو الوقت اللي تبون بس بعدونا عن مشاكلكن .. قلت : اصلا انتي وأختج ساااس البلا والمشاااكل .. شيما : ويه .. ما أقول غير لنا الله .. الحين نحن ساااس البلاا والمشاااكل .. قلت : جيييه فيه غيركن .. خلود : اوهو علينا الحين فكرو شو بنلبس ... طالعتها ابتسمت وقلت : صدق ولا جني عروووس هههه شذى : هي مب جاااهزين لااازم نفكر شو نلبس .. طالعتهن وقلت : أنا أعرف محلااات فــ دبي أعطيج فيهن مليون بالاميه موديلااات طررر تفصيل ولا أروووع ويجهز بسرعه .. خلود : بس منو بيودينا دبي .. قلت : محلوله .. أحلاام مرت عمي عندها الليسن .. نلح ع عمي عسب تودينا .. خلود : بس عمي ما يخليها تسوق بخط .. لو انه بس فالعين هي .. قلت : اممم عاااد مدري منو ما عندنا غير أحلااام .. شذى : وبعد أحلااام يمكن حاامل مو زين لها تسوق وااايد لأنه دبي بعيده .. قلت : صدقج عاااد نشوووف خليفه ولا شهااب .. خلود : وليييش مب خالد .. قلت : شكلج تبيني أذبحج هااا ... خلود ضحكت : هههه لا لا أتمسخر خلاااص .. قلت : اوهووو علينا الحين شنسوي .. شيما : نروووح محلاات الفساااتين اللي فالعين أول ... قلت : أوكي نشوووف ... خلود : في محل أخوات جاابر ياخذن فساتينهن عنه اهني فالعين يمدحونه وااايد قلت : أوكي عيل برمس نوف وتدليني ايااه .. خلود : هي أحسن بدااال ما نضرب خط لدبي .. شيما : هي ... وقت العرس نروووح لدبي .. بس الحين خلونا ع العين واايد علينا .. قلت : هي بس العرس أنا لااازم اروووح عند دااار سارا للأزياااء .. وبصمم عند المصمم الاماراتي هذا .. أحمد الريايسه .. شيما : أعوووذ بالله فاااسقه تبين ريااال يقايسج .. خلود : هذا اذا خاالد خلاها .. قلت : شو لهالدرجه انتي وياها بدوووو أعوذ بالله .. شيما : جيييه شو قالو لج فاسقاات شراتج .. قلت : يالغبيااات .. فيييه حرمه تقااايس ., المصمم ما يخصه ولا بيطااالعني بعد .. بس بيسوي لي الفستاان .. شيما : اهاا .. وكم بتدفعين له انشالله .. شذى : مهرها كله هههههه قلت : لا والله .. وبعدين أعتقد عرسي يعني ع كيفي أسوي اللي ابي .. فاهمااات خلود : سكتو لا تفلعنا هههه قلت : سيري طاالعي أخوووج روح عسب ننزل .. خلود : أوكي .. بعد ما طلعت خلود قلت : أووووف شو يايبنه عندنا خالد بعد .. شيما : مثل ما قلت لج أختي العزيزه .. ياااي عشااان حبيبة قلبه .. قلت : سكتي لافلعج بهذي الفروووحه شيموووه الدبه .. شيما : هههه مب خالد اللي مسوي بج جذا .. قلت : هي ماما نحن محترمين مب شراااتج انتي وهذا خلوووف .. شيما : ما أسمح لج ترمسين عن خلوووف عاااد .. قلت : سكتي الله يخليج .. أونج مسوية لي ليلى وهو قيس .. شيما : أحسن عنج يااا عبله .. مدري عنتر حتى ما تطيقينه .. قلت : مو لهالدرجه عااد بس أستحي الصراااحه منه هههه شيما : هذي خلووود يت .. خلود دخلت بسررعه : وأخيررررررررررا طلعو برع هو وعمي بو شهااب .. شذى : أكيييد يخططون للملجه .. قلت : سكتو صدعتوني ترااكم .. ملجه وملجه .. هههه شيما : هي أكييد يخططون للملجه .. قلت : شو يااربي من خواات عندي .. بلوه صدق .. خلود : يلا ننزل .. قلت : أوكي يلا بنات ننزل .. شذى : أنا يدااام أنا .. ضحكت وقلت : يلااا .. هههه تجدمي عسب تكونين الحيطه المايله .. نزلنا .. طالعت أم شهااب تجدمت عنها وبست رااسها وقلت : اش حاالج أماايه .. أم شهااب : بخير ربي يعاافيج بنتي .. قلت : دوم انشالله .. أم شهااب : وينج بنتي .. ابوووج من ساااعه يباااج .. قلت : ها أمااايه .. لا بس كنت أتسبح .. شيما طالعتني وبهمس : ترقيعه صااائبه .. قلت : سكتي لا تفضحينا .. أم شهااب : توه طلع مع ولد عمج وعمج .. قلت : هيييه .. خير شو كان يبااا .. أم شهااب : كاان يبا يااخذ رااايج باالمهر .. قلت : برااايه أمااايه .. اي شي هو يباااه .. أم شهااب : ماشالله عليج بنتي الله يحفظج .. قلت : أماايه صح أحلاام وعمي سيف ما يو .. أم شهااب : اتصلت بأحلاام .. تقول تعباانه وااايد .. قلت : سوت الفحص ...؟؟ أم شهااب : هي وطلعت حاامل الحمدلله .. قلت : الحمدلله .. يلا زين .. أم شهااب : زين البيت بنترس كتاكيت .. قلت : هيه ههه .. حلاااته .. أم شهااب : يلا عقبااال ما نشوووف عياالج انتي وخاالد .. تلومت ونزلت راااسي .. ثواني الا واسمع : السلااام .. عليكم ... رفعنا رااسنا .. طالعنا صوبه : وعليكم السلااام .. ابتسم وقاال : اش حاالج حرمة أخويه ..؟؟ أم شهاااب : بخير ربي يعافيك ... انت اش حالك ..؟؟ عمي سيف : بخير .. وانتن بناااات اش حالكن ...؟؟ ردينا .. : بخير .. أحلام تسلم على أم شهااب وتقول : اش حااالج خالو ...؟؟ أم شهااب : بخير بنتي .. عمي سيف : عيزت مرت أخويه .. شو خالو بعد .. أحلاام ضحكت بتعب ويت قعدت يمبي .. أم شهااب : برايها ولدي وبعدين أنا كبر أمها .. عمي سيف ابتسم وقاال : عيل أنا بظهر شوي وبرد .. ديرو بالكم ع مرتي وولدي .. أم شهااب ابتسمت : انشالله .. عمي سيف : يلا تبون شي .. أحلاام : سيف اشتر لي ليمون أخضر صغير .. هاللي فالامااارات ينزرع ,, أم شهااب : بنتي الحمضياات وايد هب أوكي لج .. عمي سيف : فهميها .. تعبت وأنا أفهمها بس عيت تفهم علي .. أم شهااب : لا انت روووح وأنا بفهمها هههه أحلام ابتسمت وقالت : ههههه خلااص مابا مب لومي اللي طلبته حشااا .. عمي سيف : توفرين هههه .. يلا فمان الله .. ردينا : فمان الكريم .. طلع عمي سيف .. أم شهااب : بنتي الحاامض مب زين لج ..يأثر عليج .. لو كليتيه واايد .. أحلاام : شسوي خاالو أشتهيه وااايد .. قلت : انزين ذوووقيه وبس .. لا تكثرين منه مو زين .. أحلاام : بحاااول .. معني أعرف اني ما أقدر .. ابتسمت وقلت : بتقدرين انشالله .. أحلام : انشالله .. شيما : يلا وأخيرررا تحققت أمنية عمي وحملتي .. أحلااام ابتسمت : بس تعب وااايد الحمل تصدقين هههه شيما : هذي ناااويه تخوفنا ولا شو هههه أم شهااب ابتسمت : دامه تعب حبيبتي ريحي .. سيري رقدي شوي ولا انسدحي .. أحلام : مابا .. ابا أتم اهني مع البنااات .. أم شهااب : البنااات بيون وياااج الحجره .. أحلاام : لا عااادي بنسدح اهني .. واذا حد دش لااازم قبل لا يدش يهود .. عادي خالو .. أم شهااب : برااايج عاد بنتي .. بس ديري باالج ع روحج واايد .. وخاصتا لأنه أول حمل .. أحلاام : انشالله خالو .. أم شهااب : عيل أنا بروووح بزهب أغراااض العشاا .. قلت : تبين مساااعده ماما .. أم شهااب : لا ما يحتااي وبعدين انتي عروووس لا تدشين المطبخ .. ابتسمت وقلت : مب لهالدرجه عاااد ماما .. أم شهااب نشت وروحت .. أحلام : صح مبروووك يا عروووس .. ابتسمت وقلت : الله يباارك فحياااتج .. بسرعه الأخبااار تنتشر هههه أحلام : يلا ربي يوفقج .. انشالله . قلت : أمييين .. أحلام : ها شو شعووورج ..؟؟ ابتسمت وقلت : شرااات شعورج قبل الملجه .. أحلاام ابتسمت وقالت : هههه أكيد مستانسه .. ابتسمت بحزن بس ما بينت وقلت : هههه ولا شو رااايج .. أحلااام : وينهم قوووم عمي ...؟؟ شذى : هههه لو عمي سيف اهني جااان هزبج .. أحلاام : برااايه .. الحينه أبوووج بعمر ابوي هههه .. قلت : وبعدين هو من الاحترااام هههه أحلام : عمج هو اللي صغير هههه شذى : بخبره ... أحلام : لا دخيلج ما فينا ع زعل عمج .. دلوووع هههه ضحكت وقلت : خلاااص أنا اللي بخبره أحلام : مب كلمه قلتها عاااد .. قلت : نمزح انزين ههه .. شيما : أحلااام شو بتلبسين ..؟؟ أحلام : والله ما أعرف .. أحس الكرش بدا يكبر هههه قلت : حرااام عليج عااد مب من الشهر الأول .. يبااله .. أحلام : لا بس أتخيل أنا هههه قلت : وبتصيرين أم يا أحلااام .. أحلام ابتسمت وقالت : ويـــه الياااهل يباله تربيه عاااد .. قلت : صدقج الحين الواااحد قااام يحاتي عسب التربيه .. أحلااام : صعب وااايد .. أحسه شي يتعب .. قلت : هي صدقج .. صااار الواحد يخااف .. وخاصتا فالمدارس .. أحلام : هيييه ... يباله مراقبه من الأهل ... شيما : دام بدو المطاوعه أنا بسير عند ماما أحسن لي .. أحلام : الحين انتي شو يفهمج فالتربيه .. مدري شقااايل خلوف بغااج ههههه شيما : لا والله .. وبعدين أنا بتفق ويا خلوف ما نييب عيال الا بعد مده .. قلت : أونج عاااد .. أحلام : خليها خليها .. أصلا اللي يقولون جيييه الله يرزقهم عشر خخخخخ ضحكت وقلت : صدقج هههه شيما بوزت : بخبر خلووووف انكم تنكتون علي .. أحلام : منكر منكر والعياااذ بالله ... شيما تتأفف : برووووح أحسن لي .. طالعت أحلاام وقلت : واااايد خذيتي علينا هههه أحلام : هي وبعدين الوحده يوم تتزوج أهلها يكونون هم أهل ريلها .. قلت : قصدج أهل ريلها هم أهلها ههههه أحلام : هيييه هههه .. ما أقووول انسي أمج وخواتج لا بالعكس خلج وياهم .. بس بعد أهل ريلج لهم حق .. يعني يوم يستوي مناسبه ولا شي روووحي مع أهل ريلج لأنه عزه لج ولهم .. وخلج وياهم وحببي روحج .. مب هم اللي ييون يطلبون منج هالشي .. لأنج انتي الدخيله هب هم .. قلت : هي صح .. وطلعتي يا مرت عمي مثقفه ها هههههه أحلام تضحك : ههه لا بس نصيحه مني .. قلت : وبعدين الحمدلله ماخذه من الأهل هههه يعني الحمدلله العلاااقات من قبل اوكي .. أحلام : حضج هههه قلت : جيييه يعني نحن مب عايبينج ..؟؟ أحلام تضحك : لا مب قصدي جذي بس يعني أقول احسن لج هههه ضحكت وقلت : هي اتحرا بعد .. أحلام : انتي وياها جيييه يالسااات ويانا ... خلود بوزت : اسمع نصااايحج .. قلت : بعدج صغيره ع النصااايح .. نشي يلا ... شذى : لا خلونا نسمع يمكن هالشي يفيدنا .. أحلام : عنلاااتكن .. ويااا هالراااس .. صدق آخر زمن .. هههههههههه قلت : دااام هالجيل جذي .. عاد الله يستر كيف نربي عيالنا .. أحلام : هههه صدقج تعب والله .. × × بعد مرور يومين .. ................. : يلا شهووود تأخرتي .. قلت : انزين انزين بس بلبس عيااتي .. شيخه دخلت : كل هذا تتجهزين .. يلا نترياااج تحت .. قلت : حرااام علييج والله بس تسبحت لا ميكب ولا شي .. شيخه : هههه زين يلا لبسي عباااتج عسب نسير .. قلت : ماما جييه ما تي .. شيخه : جيييه تبين القوم كله ايي .. قلت : لا هي تيي زين ... شيخه : أنا أكفي ههه ولا مب تاارسه عينج .. قلت : امبلى تاارسه عيني هههه .. شيخه : أوكي أترياااج تحت .. قلت : أوكي ثواني وأنزل .. شيخه طلعت توها بتصكر البااب .. قلت : أم سعود ... شيخه ردت : هلاأأأ .. قلت : سين سؤال ..؟؟ شيخه : اسأألي ههه .. قلت : منو ومنو بيي ويانا ...؟؟ شيخه : بس أنا وانتي ... وخالد .. طالعتها مبطله عيوني .. : وبابا ... شيخه : طلعت له شغله ضروريه .. طالعتها بخيبة أمل : يعني بنركب مع خالد رواحنا .. شيخه : أنا وياااج لا تخافين هههه قلت : ههه أدري .. بس لو انه بابا ياااي جان زين .. تعاالي شهاب ولا ريلج ما يقدرون يودونا .. شيخه : اليوم يوم الأحد يعني دوامات .. قلت : هييييييييه ... عسب جذا .. تصدقين ناااسيه حتى الجامعه نسيتها هههه شيخه : لاازم .. مستعيله ع العرس تراااج .. ضحكت وقلت : مب لهالدرجه .. شيخه : أقووول خلصيني يلا .. أنا مودره عيااالي وبي وياج .. ضحكت وقلت : خلاااص ثواني هههه طالعت الفون رن .. تجدمت صوبه .. تم استلام رساااله نصيه جديده ... فتحت الرساله .. من رقم غريب .. استغربت .. فتحت الرساله مين يعوضني مكانكـ لو أخذكـ البعد عني ..؟؟ آمة آدم في غيابكـ ما تساوي شي عندي ..!! استغربت .. قريت المسج مره مرتين ثلااث .. منو يطرش لي هالمسج .. أنا بعيده عن منو .. هذا مب رقم أماني .. لأني غيرت رقمي بس أماني أعرف رقمها .. وودي أقطع علاااقتي بها لأني كل ما أشوفها أتحسر .. اممم أنا بعيده عن حسن .. بس ما أظنه حسن لأنه حسن فالسعوديه .. وتزوج أكيييد ما بيرمسني .. وبعدين لو طرش مسج لااازم يكون خط السعوديه .. اممم غوايه .. غااايـــه الله يسامحها هم نستني ولا يمكن أرد لها خلاااص .. ولا بيوم راااح أفكر انه ترجع صداقتنا لأنها بسهولهـ تركتني .. وأكيد مب غاايهـ مايد ما بيخليها .. عاد منو ...؟؟؟ ليكوووت زاااايـــد هذا اش عرفه رقمي اليديد .. اممم هو ولد والولد يقدر ييب اي بنيه لعنده مو بس رقمها .. يعني يمكن زااايد .. بس ما أظن بعد ما كشفته يرد يتصل بي ويرجع العلااقه من يديد .. يمكن طرش لي المسج تحذير .. اويــــــه .. يمكن تحذير لأنه اليوم يوم الفحص ودرا اني بملج .. هذا ليكون يسويها ويخبر خاالد .. لأأأ دخييييييييلك زااايد لا تسويها .. بروح فيها أنا ما أقدر .. كم مره بتطعنوني ..كم ..؟؟ خلاااص بموووت .. انطعنت من الكل .. الكـــل ما بقا حد بهالدنيا ما جرحني .. .................. : يلااا شهـــــــــود .. تذكرت أوووه شواااخ قاعده تترياني .. يلا بسرعه بروووح قبل لا تاكلني .. غربلااات هالمسج نساااني أهم حدث بحياااتي بعد .. واااي بيسحبووون مني دم اليوم وأنا أموووت رعب من الدم وااااااع .. الله يستر جااان ما فضحت روووحي يدااام خالد زين ... نزلت بسررررعه وأنا مسرعه صدمت بشي .. على طول صبعي عورني .. نزلت بسررررررررعه عسب امسك صبعي اللي ذبحني من العوااار ... قلت : آآآآآآآآآآآآع .. شو دعمت بعد .. رفعت راااسي ابتسمت .. وبديت أضحك : هههههههههههههههههههه .................. : بسم الله بلاااج تخلبتي ...؟ قلت وأنا أضحك : لأأأ بس نسيت ان غيرو أماااكن الكنفااات فالصاااله وجااان اسرع وأدعم الكنفه ههههه شيخه تهز رااسها : اللهم سكنهم مساكنهم .. أتحرى بعد دعمتي لأنج مشفوووحه ع الملجه .. ضحكت بصوووت عالي : هههه مب لهالدرجه .. شيخه : سكتي فضحينا .. خالد فالميلس .. وبعدين انتي روووحج متأخره علينا .. طالعتها وقلت : من حقي عروووس ههههههه شيخه ضحكت وقالت وهي تقلدني : من حقي عروووس أونج ... يلا امشي بسرررعه الريااال من متى يترياااني .. قلت : ههه يلا ... شيخه : بسرررعه قبل لا يقول غاصبينها عسب تاخذني .. قلت : لا عاد تفكيره مب جذي .. شيخه : دافعي عنه دافعي انتي .. ضحكت وقلت : من حقي والله .. شيخه : أقووول امشي لاااه .. ابتسمت وتميت أمشي وراااها وشوي شوي ... دخلنا الميلس .. قلت : السلام عليكم .. خالد وأمااايه ردو السلام : وعليكم السلام .. خالد وقف وقاااال : ها خلصتو .. حسيت اني بالفعل وااايد تأخرت هههه شيخه قاالت : هي خلصنا .. خالد : يلا عيل خااالو .. بنروح .. تامرين بحاايه .. أماايه : سلامتك .. الله وياااكم ولدي .. خالد : يلا عيل فمااان الله .. أماايه ابتسمت وقاالت : بس ديرو بااالكم ع شهووود .. ابتسمت وشيخه بعد ابتسمت .. خالد قاال : شهد بعيوننا خالو .. أماايه ابتسمت وأنا استحيت وااايد ومشيت ورااا شيخه الين ما وصلنا السياااره .. ركبت ورا .. وشيخه بعد ركبت وراا .. قعدت وأنا أدعي فخااطري خالد لا يحرجني .. خالد حرك السياره وقال هو يطالع ساعته ,. : وااايد تأخرنا .. قلت فخاااطري أكيييد قاصدني .. شيخه قاالت : هذي شهوود سااعه لما تتجهز .. خالد ابتسم وطالعني من المراايه وقال : لا عااادي .. صااار خير .. نزلت رااسي مستحيه ... × × شذى قاااعده ترمس خلود : هي اليوم بيروووحون .. خلود : غريبه ما خبروني .. شذى : امس بليل الساعه عشر اتصل خالد ببابا .. خلود : هي عيل كنت رااقده .. شذى : هي شكله جذي .. خلود : شذوووه تصدقين أنا مستاانسه وااايد .. شذى : عسى دوووم يااارب .. وأنا بعد .. خلود : أحس خالد بيعيش بسعااده مع شهد .. شذى : وأنا بعد .. يلا يعل ربي يديم السعاده بحياتهم .. خلود : أمييين .. شذى : تعالي شو سويتي حق الفستان .. خلود : بقووول حق خالد يوديني .. شذى : هي لأنه خلوف ما منه فااايده هههه خلود : هههه لو شيما تسمعج .. شذى : بيكون يوم موتي هههه خلود : تدرين فخااطري البس أحمر يوم الملجه .. شذى : أعتقد شهووود تحب الحمر .. خلود : عاد لو تلبس حمر ما بلبس حمر ههههه شذى : ويدي مااال أول انتي .. ههه هالعادات ودروها خلاااص .. خلود : بس يوم العرس أكييد بتلبس أبيض .. عاد أنا بلبس احمر .. شذى : أنا بلبس اسود هههه خلود : حرااام عليج عاااد محد يلبس هاللون .. شذى : احبه شسوي يعني ههه خلود : تعاالي نطقم أنا وانتي وشييوم .. شذى : يباله تصدقين .. خلود : بس أحس شييوم بترفض .. شذى : وانا بعد أعتقد بترفض .. لأنها من النووع اللي يحب محد يشابهها .. خلود : هههه بس صدقها عسب تطلعين استاار .. مس علويه : خلوووووووود وشزززززززززززا .. اسكوووتووو ... شذى بهمس : عنلاااته .. شزااا أونها .. خلود ابتسمت وبااانت ابتسامتها ... مس علويه : في اييييه يا هااانم .. دحكينا وياكي .. خلود : ماشي مس .. مس علويه : هيه الدحكه بتيجي كدا من غير سبب .. خلود وفيها الضحكه : لا مس بس أخوي بيتزوج .. مس علويه : طيب مبروووك بس أجلي كلامك للبيت مش هنا سمعتيني .. خلود : انشالله مس .. خلود بهمس : مااالت عليييج من مس .. × × دخلنا البيت ... حسيت روووحي بموووت من التعب منهد حيلي .. خلاااص شوي وأموووت ... دخلنا سلمنا .. : السلام عليكم .. الكل رد السلام : وعليكم السلام .. تجدمت صوب عمي وابويه .. وبست رااسهم .. قلت : اش حاالكم ..؟؟ عمي بو خالد : بخير بنتي .. وانتي اش حاالج ..؟؟ طالعته وقلت : لا تساأأل عمي .. ابويه ضحك وقاال : هههه يوم اتصلت قالو عنج أغمي علييج .. طالعته ابتسمت وقلت : وصل لك الخبر .. شيخه قعدت وقااالت : شو سوت بي حشا .. واايد ضعيفه شهووود .. خالد يلس يمب أبويه وقال : لا بس هي وااايد تدوووخ عمي : هههه أنا أقووول عنها عصعوصه .. ابتسمت وقلت : عن اذنكم عاد بروووح بريــّح .. أم شهااب : بنتي تغدي ويانا عقب روحي .. قلت : مابا ماما .. منهد حيلي بروح بريح .. أم شهاب : خلاااص عيل روحي ارقدي .. بوعيج العصر .. ابتسمت و ابتعدت عنهم ... مشيت اليـــن وصلت جريب الحجره .. طالعت وراااي ما شفت أحد ابتسمت ودشيت الحجره ... بس في صوت وقفني : شهــــــــــــود .. لفيت وقلت : هلا والله .. شهاابوه .. شهاب ابتسم وقاال : هلا .. اش حااالج ..؟؟ قلت : بخييير ماشي الحااال .. شهاب : سحبو عنج دم وااايد ولا ... ههههههههههه قلت : تطنز ..تطنز اش عليك ... بغو يموتوني .. ههههه شهاب : يلا ارتاااحي وعقب كلي عن تطيحين مره ثااانيه .. اهني ماشي خالد يوعيج .. استحيت وقلت : مليييييييييييق .. دشيت الحجره وأنا أسمع صوت شهاااب يضحك علي .. بس ابتسمت .. هههه لما سحبو عني دم .. طلعت وحسيت بدوووخه .. لصقت فاليدااار .. جان خالد يودني .. يعني مب يشلني عاااد عيب .. بس مسكني عن أطيييح .. وغير شواخ المفهيه تمت تطالع ولا يت مسكتني عسب لا أطيييح بس بصراااحه اليوم كان قمه فالرووووعهـ .. غيرت ملااابسي وتيددت عسب أصلي الظهر ... خذيت وقت لما صليته ... تجدمت عن السرير حطيت راااسي .. أحس روووحي اليوم مستانسه وخاالد انسااان مافي أحسن منه .. انشالله أعيش سعيده معاااه ... أحس ربي عوضني بخاااالد ... ..................... : هلللللللللللللللللللللوووووووووووو .. رفعت اللحاف عني وطااالعت صوب البااب .. ابتسمت طالعتها بدريس المدرسه وقلت : هلللللللللللواااات .. هههه دشت شييوم وقااالت : ها .. شو الأخباااار يا حلوه .. طالعتها ابتسمت وقلت : بخير .. شييوم يت قعدت يمبي وقاالت : شو المعنوياااات عروسنا .. طالعتها وقلت : ههههه لا تسألين الله يخليج .. شيما : وصل لي الخبر ههههه .. قلت : مسرع ما انتشر الخبر .. شيما : الحين من كبر عايلتنا يعني هههه .. انزين تعاالي تغدي ويانا ... خلود عندنا ع الغدا .. قلت : صدق والله .. والله ابا ايي بس مدوخه .. خلاااص بطيييح اهني .. شيما : اها عيل ارتاااحي أحسن ... يلا عيل أنا بسير بتغدا .. قلت : أوكي .. سلمي لي ع خلود .. شيما : أوكـــي .. الله يعيني خلوووف تحت هههه ابتسمت وقلت : شذاوي تعرف دواااه .. شيما : من يينا شغالين الاثنين يتضاربون .. ضحكت وقلت : هههه زين خالد عااقل .. شيما : لا والله شو قصدج يعني خلوووف يااهل .. قلت : لا أمي .. مب قصدي جيييه .. ههههه شيما : اتحرا بعد .. يلا عيل بروح بتغدا ميته يوووع .. قلت : بالعااافيه .. بندي الباااب وراااج .. شيما : أوكي .. × × فالصاااله تحت .... خالد : عيل أنا بستأذن ... بو شهااب : ولدي على ويــن .. تم تو الناااس .. خالد : والله ودي يااا عمي بس وراااي شغل .. واليوم ما داومت .. بو شهااب : خل الشغل يا ولدي .. رييح اليوم ما يباااله .. اعتبرها اجااازه من عندي هههه وبعدين المعرض أموووره أوكي .. خالد : بيتراااكم علي جذي هههه لو اتريا الين باااجر .. بو شهااب : ما عليك بخلي شهااب يسوه عنك .. شهااب طالع شهااب بنظره .. معناها دخيل اللي يحبونك روووح داوووم .... خالد ابتسم وهو يطاالع شهاب .. : دااام جذي موااافق .. بو شهااب : يلا عيل شهاااب نهاية الأسبوع تروووح المكتب وتخلص الشغل ... شهاااب طالع خليفه .. وقال : وخلوووف ... خليفه : لاااأأ أنا بعيد عنكم عندي امتحانات .. شهاب : ودي أعرف انت كله امتحااانات .. ما أعرف متى ما يكون عندك امتحانات .. خليفه ابتسم وقااال : عاااد لا تحبكها يا ريااال .. أم شهاااب .. : ويدي وين البنااات .. كل هااا يغيرن .. حشا ما صااار بيأذن العصر .. شهاااب ابتسم : تبين أروح اشدهن من شعورهن واييبهن لج عسب يساعدنج يوم تنجبين .. أم شهااب : مب جذي عاااد هههه .. خالد ابتسم وقاال بتهديد : خليتك أنا تلمس وحده منهن .. شهاب : دااام المعرس رمس ما نروووم ههههه .. شذى يت وقاالت .. : ماما شييوم مره ثااانيه سألت شهود وتقول ما تبا تتغدا .. شهاب : لوعتو جبد البنيه .. خلوها برااايها .. ما تبا .. شذى طالعتها بنظره وقاالت : ماما قااالت لي .. هه أم شهااب : شذى ازقري أختج وبنت عمج عسب نتغدا .. شذى : انشالله ماما .. × × بعد مرور ثلاااث أياااام ... قاعده فالحجره ومعاااي دفتر التحضير .. قاعده أذاااكر .. بس مالي بااارض في نفس الوقت .. مليت من الدرااسه بس لااازم ندرس . شسوي بعد .. مسكت قلم الرصاااص .. بديت ارسم فستااان .. مب رسااامه بس قااعده ارسم عبط فيني .. ابتسمت .. تذكرت يوم كنت فـ حادي عشر .. وتميت ارسم فستااان فدفتري المدرسي .. كان علينا يومها رياضيااات أكره ماده عندي .. وأنا قاااعده ارسم المس انتبهت لي وزاااعجت .. عاد زفتني عدل .. تقول اللي فحادي عشر المفرووووض ينتبهن لدروسهن وأنا قاااعده ارسم .. بس والله كااانت أيااام حلوه عشتها .. وخاصتا في دبي .. ................ : ممكن أدخل .. سمعت صوت الباااب يندق .. وقلت : تفضل ... دخل بابا وقال : زاد فضلج بنتي .. ابتسمت وقلت : حيااااك أبوووي تو ما نورت الحجره .. أبوي تجدمت ويلس ع السرير .. بست رااسه وقلت : اش حااالك الغاالي .. ابوي ابتسم وقاال : بخير بنتي ... انتي شو مسويه ,,وشو الدراااسه ..؟؟ ابتسمت وقلت : هه مقزره روحي .. ابويه : يلا ربي يوفقج .. قلت : آمييين .. ابويه : مستغربه من ييتي .. صح ..؟؟ قلت : نوعا ما ... ابويه : أدري ما ايي حجرتج الا يوم يكون في موضوع خااص .. ههه ابتسمت وقلت : عسب جذي مستغربه ههه ابويه : شهد أنا أدري ايمااانج بالله قوي .. بقول لج شي بس ياريت لو تيودين أعصاابج وما تزعلين .. طالعته مستغربه .. عسا ما يكووون شي كاااايد .. ياربي شسوي أنا .. ليكووون أمي استوا بها شي .. ولا شييوم .. لالا يمكن خااالد .. يارب خالد ما يستوي به شي .. خالد صااار حياااتي ... قلت : بخووووف : شو صااار بابا .. ماما استوى بها شي .. شييوم .. خااالد استوا بهم شي ..؟؟ ابويه : .................................................. .................................................. .................... __DEFINE_LIKE_SHARE__ | |
| ||
 |
|
06-24-2010, 02:14 AM
| رقم المشاركة : [ 52 ] | |
| عضو جديد | الحلقه الرابعه و العشرون .. ليت الزمن اللي حكمني بــ البعاد يعيد حكمه لـــي بجمع الحبايب ابويه : هدي يا شهد هدي ما صااار الا كل خير .. طالعته وقلت : اي خييير يا بوي أي خييير وانت شكلك جذي ... ابويه : شهد أنا ما بلاااني شي .. الحمدلله بخير .. ومحد صاار له شي ,,, طالعته وقلت : عاد شاللي صاار ابويه .. ابويه حط ايده ع جتفي وقاال : شــــــــــهــــــــــد نتيجة الفحــــــــــص طلعت سلــــــــبــــيه .......... دموعي بدووون سااابق انذااار هلّت .. طالعت ابويه ورميت روحي فحضنه .. وقلت : بــــــــابــــــــــــا ........ ابويه مسح على شعري وقال : لا تحااتين بنتي ...صااار خير .. بديت أصيييح وقلت : كيف بااابااا .. كيف صااار جذي .. ابويه رفع رااسي وقااال وهو يطاالعني .. : ربج كتب يا بنتي .. ويمكن هذا خير لج ولــ خالد .. يمكن اذا تزوجتو بيصير أشيااا أكبر وأكبر .. ومشاااكل .. مسحت دموعي وقلت : صح .. أكييد ربي كاااتب هالشي .. ابويه ابتسم وقاال : يلا انشالله ربي يعوضج .. ويعوض خالد .. طالعته وقلت : ابوي .. شيما وخليفه .. ابويه : بنستعيل فالفحص مااالهم وما بنخلي البنيه تتعلق أكثررر .. قلت : هي أحسن .. ابويه : يلا عيل .. سيري اغسلي ويهج .. وخلج قويه .. ولا تحااتين .. اعتبري خالد شرااات أخوووج لا تستحين ولا شي .. طالعت ابوي .. وين ما أستحي يا بوي وين .. وأنا كنت بااديه أحبه .. قلت : انشالله ابويه .. ابويه : لا تحاااتين .. عمج لا مااخذ بخاطره ولا شي .. لأنه دمكم مب متطابق يعني محد يخصه فالسالفه .. وانتي متعلمه ماشالله وتعرفين هالشي هزيت رااسي وقلت : أدري ابوي .. ابوي ابتسم وقاال : يلا عيل أما بروووح بتغدا .. قلت : بالعافيه ابوي .. ابوي : تعاالي كلي ويااي .. قلت : مالي خااطر ابويه .. ابوي .. تجدم وقاال : بنتي ع سالفه ما تسوى كدرتي خااطرج .. وبعدين ربي يعوضج ويعوضه .. ادعي لروووحج .. طالعت ابوي وقلت : انشالله .. ابوي : يلا عيل تعاالي وياااي .. ابتسمت له وأنا حزينه بدااخلي وقلت : بغير وبلحقك ابويه .. ابويه : اترياااج عيل .. ابتسمت وطاالعت ابوووي يطلع ... تجدمت عن السرير رميت رووحي .. بديت أصيييح ... لييييييييش لييييييييييييش كلما أحب أحد يستوي بي جيييه ليييييييش .. والله اني كل مررره أنجرح وجرحي عيا يبرا خلااااص ... ليييش الزمن فرق بيني وبين زااايد لييييييييش والحين لييييييش فرق بيني وبين خااالد لييييييييش .. ليت الزمن اللي فرقنا يااا خالد يرد يجمعنا ليييييييييييت .. والله اني لو كنت بعيش وياااك كنت بنسااا كل شي .. كل شي ... وهم زااايد غلط بحقي ورمااني .. وأنا اللي كنت معطتنه كل شي .. حتى روووحي .. بس أأأهـ من الزمن غدااار .. نعيب زماننا والعيب فينا ,, وما لزماننا عيبٌ سوانا .. × × نزلت دموووعها وقالت : يلا باااي برمسج عقب ... سدت التلفون وركضت عسب تروووح حجرتها بس في صوت وقفها : السلام عليكم ,.. ردت السلام : وعليكم السلام .. وراااحت ركض صوب حجرتها .. وقفلت البااب .. رمت روحها ع السرير ,, وبدت تصيح .. ثواااني الا وتسمع أحد يدق بااب الحجره .. ما ردت .. الا ويزداااد الصوت .. قاالت : خلوني بروووحي مابا ما بفتح .. خالد : خلووود فجي البااب .. خلود تصيح : مابا .. خالد : والله ان ما فجيتيه بكسره ... خلود تصيح وتجدمت صووب البااب وفتحته .. وردت صووب السرير وبدت تصيح .. خالد مستغرب : ممكن أعرف اش بلاااج .. حد مضايقنج فالمدرسه .. خلود بدون نفس : يا ريت لو فالمدرسه .. خالد : عيل شو بلاااج ...؟؟ خلود صاااحت وقالت : خااالد لييش انت سويت جذي .. خالد مستغرب : انا ....؟؟؟ خلود : هي انته .. ليييش ما خذيت شهد .. خالد طالع صووب البااب وقال : خلود أعتقد انتي كبيره .. وتعرفين اذا نتيجة الفحص سلبيه .. ما يخلونا نملج .. <<< ( للعلم ترا فالامارات قبل الزواج اجباااري يسوون فحص قبل الزواج .. واذا الدم مو متطابق .. يعني اذا حامل ثلاسيما ,, والثاني هم حاامل ثلاسيميا .. وييبون عيال مصابين ثلاسيميا ,, فـ ما يخلونهم يتزوجون .. أو اي مرض آخر فالدم وخاصتا اذا يكونون عيااال عم ..) خلود مسحت دموعها وقاالت : أنا آسفه .. خالد : ماصاار الا كل لخير .. يلا تعاالي تغدي .. خلود تجدمت عنه وحضنته وقالت : زعلااان .. خالد ابتسم وقاال : لأأأ .. خلود : أنا آسفه وانشالله الله يعوضك بزوجه زينه وهم يعوض شهووود .. خالد ابتسم وقال لخلود : عاااد انتي حاولي تطلعين شهوود من الحاله اللي هي فيها أكييد تعبت وااايد .. انزين .. خلود ابتسمت وقاالت : انزين .. خالد : يلا عيل تعالي وياااي .. خلود : خاالد شهوود تدري ..؟؟ خالد : هي عمي خبرها ,, أكيييد تعبت وااايد .. خلود : هي حليلها .. الله يكون بعونها .. خالد بداخله متألم .. بس ابتسم وقاال : يلا عيل دوري لي ع عرووس ثاانيه ههه خلود : تدري خاالد ما تمنيت أحد غير شهووود لك .. حبيتها واايد .. خالد : خلود غيري الموضوووع وتعاالي نتغدا .. × × بعد يومين بليل ... دخلت حجرة أختها وقااالت : هلا شهووود بغيتي شي .. ابتسمت وقلت : تعالي دااخل .. شيما تجدمت ويلست يمب شهد .. شهد قاالت : دريتي باللي صاار أكييد .. شيما هزت رااسها بحزن وقاالت : هي .. شهد : لا تحااتين حبيبتي الحييين أنا اللي كنت خطيبته ما قمت أحااتي انتي تحااتين .. شيما : صااار خير .. قلت : شييوم .. أنا برمس باابااا عسب يودونكم انتي وخلوووف تسوون الفحص .. مو حلوه تتمين مخطوبه وآخر شي يطلع الفحص سلبي .. شيما : بس يمكن خليفه ما يبااني .. قلت : لا عاااد مو جذي .. وبعدين انتو ما يخصكم .. هذا فحص .. أنا وخالد مالنا شغل .. شيما هزت رااسها وقالت : هي رمسي بااباا .. عسب لا أتعلق به زياده وأخر شي يستوي بي شراات ما صاار لج .. قلت : خلااص انشالله برمسه الأسبوع الياااي عسب تروحون .. شيما : شهووود سؤاال .. طالعتها وقلت : اسأألي .,, شيما : شهووود انتي ما حزنتي .. طالعتها وقلت : شيما مو كل الناااس اللي بقلبهم ع لساانهم ,, وبعدين هذا مكتووب .. مب لااازم أذبح روحي وانشالله الله يعوضه باللي أحسن مني .. شيما : ويعوضج انتي بعد .. قلت : انشالله .. شيما : يلا الله يسهل أموورج .. قلت : آمييين .. يلا عيل أنا برقد .. لأنه باااجر ورااي جامعه وأنا يومين مب مداومه .. شيما : تصبحين ع خير .. قلت : وانتي من أهله .. × × يفتر بسيااارته ومعاااه ربيعه ... خالد : والله مدري شسوي يا منصووور .. منصور : يا ريااال خل ايماانك بربك قوي .. وبعدين خلاااص ربي يعوضك بأحسن منها ويعوضها هي بعد .. خالد يطاالع الشااارع : بس أنا ما رضيت أخذ غيرها من بعد المرحومه هي الوحيده اللي حبيتها .. منصور : يا خاالد هذا مكتوب ومقدر ما نروووم نعترض ع أمر رب العاالمين .. خالد : ونعم بالله .. منصور : يا ريااال أحيدك قوي شاللي صاابك .. خالد ابتسم وقاال : بس هي كاانت أكثر وحده بتخااف ع وليد .. منصور : شو دراااك يمكن بتصير مشااكل بينك وبينها .. خالد : يمكن .... منصور : مستوي رومنسي بزياااده ها بو الشباااب .. خالد ابتسم وقاال : ياااريااال وين ... الله يخليك .. منصور : تدري الوالده قااعده تدور لي ع حرمه .. أخاااف ابتلش .. خالد : والله ما أعرض عليك بنت عمي .. بس الصراااحه كامله والكاامل الله .. لكن لو تاخذها تريا شوي .. خل تمر فتره ع هالسالفه .. منصور : سبحااان الله والله الدنيا عجيبه .. خالد : صدقك .. وبعدين الزواااج نصيب ... منصور : خلنا من طاااري الزواااج .. تعاال نروووح نلعب بليااارد .. خالد : صدق متفيج .. منصور : ونشرب كوفي بالمره .. خالد وقاال : بعدك انت مااال أمريكا .. ما تيوووز عن سوالفك .. منصور : تدري اشتقت للربع .. قوم حمود مال الكويت و الشله .. خالد : صدقك .. كشخه كنا كوكتيل ههههه منصور : يوم سرت الكويت قبل ست شهووور شفتهم .. خالد : أنا رمستهم ع المسن وبس .. منصور : ياا ريااال وين نتفيج نحدر نحن يالله يالله للشغل .. خالد : صدقك .. ههه هالسوالف خلها لخلوف وشهاب وعموور .. منصور ضحك وقاال : بركن ع اليمين أقرب شي .. خالد : حاضرين راااعي البليااارد .. × × اليوم الثاااني قاااعده تتريا أخوها يي ياخذها من يدااام الجاامعه .. نوف يت : شو قاااعده تترين أخوووج .. قلت لها وأنا أطااالع الدفتر اللي أشووف اوراقه : هي تأأخر وااايد .. نوف : تعاالي ع الظله بتحترقين ع الشمس .. طالعتها وضحكت .. قلت : هههه أوكي عيل يلااا .. نوف : وين أحلااام ..؟؟ قلت : عندها موعد اليوم .. تدرين عاااد .. الحمل ومشااكله هههه نوف : ههه يلا الله يسهل عليها ولادتها .. قلت : أميين .. بتصل به بشوووف وينه .. نوف : ما يحتاااي .. أنا اليوم برد مع جاابر وجاابر نسيبج تعااالي وياي .. قلت : لا ما بكلف عليكم .. شو هذا .. نوف : يلا عااادي وبعدين هو نسيبج .. قلت : لحظه عيل بتصل بأبوي بسأله .. .. نوف : أوكي .. يودت التلفون .. واتصلت بأبوي .. قلت : هلا بابا ................. وينه شهااب ...؟؟ .................... اها .. .............. انت بتيي .............. أوكي بس نوف تقول جابر ريل شيخه بيردها ............... خلااااص عيل برد وياهم ................ أوكي عيل ............ يلا مع السلامه ... نوف طالعتني وقاالت : ها بشري .. ابتسمت وقلت : يقوول شهااب مطرشينه دبي .. وهو بيي ورااي وبيوديني بيت شيخه لأنه الأهل كلهم عندها .. فـ قلت له جاابر اللي بيردنا .. نوف : هي لأنه حتى قوووم أمااايه عند شيخه اليوم .. قلت : خلاااص عيل برد وياااج .. نوف : زين عيل هههه قلت : اتصلي بـ جاابر احترقنا ... نوف : هههه خلاااص بتصل به الحين .. قلت : خلاااص عيل أنا بروووح بشتري لنا ماااي وبرد .. نوف : اوكي .. وقفت ودخلت دااخل سرت صوووب الكافتيريا طلبت ماااي .. وأنا رااجعه .. طالعت صوووب الجامعه .. تذكرت أمااني معنها مب فالجامعه بس مدري ليييش أتذكرها وااايد يوم أشوووف الجاامعه ... وصلت عند نوف وقلت : هاااج .. نوف : مشكوووره ههه يعل ربي يسقيج مااي الجنه .. قلت : أميين هههه .. ها اتصلتي به .. نوف : هي اتصلت به .. يقوول منصوور يااي وراااي .. بطلت عيوني وطالعتها : أخوووج الثااني هذا .. نوف : هي .. قلت : جيييه ما رمستي من قبل كنت برمس بابا .. عسب ايي وراااي .. نوف : عاد لا تكبرين الموضوع ما فيها شي .. قلت : لا شو ما فيها شي .. أنا قلت لأابوي جاابر بيردنا .. نوف : انزين .. بس جاابر طلع عنده شغل وطرش منصور .. قلت : لا سمحي لي أنا بتصل بأبوي .. نوف : هااا .. هذا منصووور .. وصل .. سيارته .. قلت : سيري الله وياااج بتصل بأبوي .. نوف سحبتني : بتحترقين بهالجو .. قلت : انزين عيل ركبي ويااي ورا .. نوف : منصووور وااايد جدي .. بيقوول شو أنا دريول عندكم .. قلت : دفش وااايد ههه يلا عيل .. نوف : غريبه تغشيتي .. قلت : سيري نوووفوووه أنا روحي معصبه منج تبيني اذبحج .. ركبنا السياااره .. وقعدت وراا نوف .. واكتفيت بالسكوووت .. نوف : هلا منصوور اش حاالك ..؟؟ منصور يحرك السياره : بخير ... نوف : بتودينا بيت بيت شيخه أوكي .. منصور يطاالع الدرب : أوكي .. نوف قاالت : شهووود بتسيرين بيت شيخه لاااه ...؟؟ شو هذي الا تفضحني .. قلت بهمس : هي .. فجأه رن تلفون منصووور .. منصور رد .. وقال : السلام عليكم ............. هلا والله بو وليد .. حسيت ان قلبي طاااح .. هذا خااالد .. يا ربي لييش كل ما أسمع طاااريه قلبي يعورني ... مدري ليييش القدر فرق بينا ... آآآهــ .. تميت سااكته طول الدرب الين ما وصلنا بيت شيخه .. نزلنا أنا ونوف ,, ودخلنا داااااخل .. ونحن نمشي .. قلت : فضحتيني .. نوف ابتسمت وقاالت : ما فيها شي عااادي .. قلت : هي عشااانج .. نوف : تعاالي تعاالي نرووح نسلم عليهم .. دخلنا وسلمنا ع الكل .. رحت قعدت يمب أم شهااب وقلت : هلا أمااايه .. البنااات وين ..؟؟ أم شهااب : كلهن فووق .. قاعدااات مع عياال شيخه .. قلت .. : اها .. عيل أنا ابا اطلع عباااتي .. نوف : أنا ساايره أطلع عباااتي .. قلت لها : أوكي أنا بيي وياااج .. شيخه : شهووود لحظه .. تعاالي ويااي بغيتج بموضوع .. قلت : انشالله .. قلت : نوافي روحي أنا بي عقب .. نوف : أوكي .. شيخه : شهووود تعاالي وياااي المطبخ .. لحقتها الين ما وصلنا المطبخ .. شيخه بندت البااب وقاالت : شخبااارج ..؟؟ قلت : بخير .. انتي اش حاالج ...؟؟ شيخه : بخيررر .. طالعتها مستغربه وقلت : بلاااج ..؟؟ شيخه : ماشي .. قلت : عيل جيييه طلبتيني .. شيخه : شهووود بغيت ارمسج بسااالفتج انتي و .............. قاطعتها وقلت : خالد ...؟؟ شيخه هزت رااسها وقاالت : هي .. قلت : شيخه لا تحاتين .. تراني خلاااص احسه شرااات أخوي وما في قلبي اي شي .. شيخه طالعتني : اكيييد .. قلت لها : هي أكيييد .. وذا فتحتو الموضوع مره ثااانيه بزعل .. قولي للكل .. شيخه قالت : لا خلاااص أهم شي راااحتج .. قلت : وأنا راااضيه ومقتنعه بحياااتي خلااص .. شيخه : عيل السموووحه .. ما رمستج بوقت منااسب لأنه عندي نااس .. وبعدين العيااال ما يخلوني ايي عندكم وااايد .. قلت : لا ما عليج .. شيخه : أوكي عيل يلا سيري طلعي عباااتج قبل لا تاخذين ريحة الطباااخ .. قلت : هههه عادي .. ترااني ميته يوووع .. شيخه : مب باااجي شي جاااهز بس ننجبه .. قلت : تبين مساااعده .. شيخه : سيري طلعي عباااتج وتعالي ... قلت : أوكي .. شيخه : سوي بسرعه سيري طلعيها فالحجره اللي تحت .. قبل لا جابر ايي ويهزبني ويقول الغدا مب جااهز .. قلت : هههه لا ما عليج ساايره الحين .. شيخه : يلا عيل .. رحت صوب الحجره اللي تحت يمب المطبخ .. طلعت عباااتي ولبست الاوقااايه .. وطلعت سرت صوب المطبخ .. قلت : شواااخ ...؟؟ طالعت الحرمه محد وين رااحت .. تجدمت صوب برااادة الماااي وجبيت لي مااي .. ووقفت اترياااها ... فجأه سمعت صوت واااحد .. : هلا حرمة أخــــــــــوي ... جني عرفت الصوت ... ما لفيت أساسا كنت معطيه ظهري للباب .. حسيت روحي ارتجف .. مدري خوف ولا شو .. ................ : السموحه منج .. تحريتج أم سعود .. ثواني الا وما أحس بأي أحد موجود .. لفيت .. ما شفت اي أحد تنفست بصعوبه .. آآآآآآآآهـ الحمدلله رووح .. الظااهر هذا منصور ويوم أنا معطيه ظهري للباب ما ميز بيني وبين شيخه .. بس الحمدلله كنت لافه .. ويـــه خوفني والله .. بس زين اعتذر طلع راااعي مذهب مب خربطيشن .. .............. : شهووود يلا ساعديني نجهز الصحون .. ابتسمت وقلت : أوكي .. × × .................... : لأأأ .. عمر : انزين سوو الفحص .. وبعدين تفاءل يا ريااال ,,, خليفه : قلت لأابوي .. انشالله الاسبوع الياااي بنروووح للفحص .. عمر : هي أحسن لك .. وبعدين مب حلوه البنيه تكون معلقه وآخر شي يطلع الفحص سلبي . خليفه : تدري عمووور .. وااايد خااايف .. عمر : ليييش الخوف يا خليفه .. انشالله الفحص بيطلع أوكي .. خليفه : ما أدري أخااف يستوي بنا شرااات ما استوى بخاالد .. عمر : خل ايمانك بربك قوي .. يا ريااال لا تحاااتي .. خليفه : يلا عسى خير .. عمر : تدري يا ريااال شككتني .. يبالي أسوي الفحص من الحين .. خليفه : هي أحسن لك عسب لا تتم البنيه حليلها معلقه .. عمر : هي وتستوي مصيبه .. خليفه : لو محد خذا البنت بيفروون اللوم عليك .. عمر : مب لهالدرجه عااد البنيه من الأهل مستحيل يسوونها .. خليفه : هي صدقك بس بعد الفحص مهم .. عمر : بس هذي تدعي اني ما أخذها أخاااف من دعواتها يطلع الفحص سلبي ههه خليفه : عمر انت ربيعي وبسألك سؤااال جاوبني بصرااحه .. عمر : اسأل .. وبعدين انت من الأهل لا تنسى هالشي .. خليفه : ادري .. لو اني مب من الأهل جاان ما رمست وياااك .. عمر : قول اش عندك ..؟؟ خليفه : الحين البنيه لو ما تباااك جيييه تاخذها ...؟؟ عمر طالع خليفه وقاال : يمكن انت أول واااحد تسألني هالسؤااال .. خليفه : هي لاااحظت حتى أخوانها عادي عندهم مع البنيه ما تباااك .. عمر : تعرف انه عمرها خمس تعش سنه ... خليفه : هي أعتقد اللي بعمرها أول يتزوجون .. عمر : ماااخذه الحياااه لعبه .. أبد ما تتحمل المسؤوليه .. وبعدها صغيره مب قد الكلام اللي تقوله .. عشان جذي اطوووف رمستها .. والكلااام اللي تقطه .. وبعدين أكيييد يوم من الأيااام بتعرف الصح من الغلط .. خليفه : انشالله .. عمور ليكون زعلت آسف لأني تدخلت .. عمر : لا بالعكس عاادي .. انت ربيعي .. خليفه : ونعم بك والله .. عمر : اقووول خلوووف خلنا من سوالف الحريم وتعاال نروح نفتر .. خليفه ضحك : ابد ما تدور سوالفك .. عمر : ياريااال نقزر حياتنا .. ترا عقب الحرمه بتتصل تعال وتعاال .. خلنا نعيش الحين .. خليفه : هههه صدقك .. ترا الحرمه بتغاار منك بعد .. عمر : هي اكيييد عيل شو ع باالك .. × × يوم الخميس العصر ... الساااعه اربع ونص .. قمت من الرقاااد .. ماشي جاامعه اليوم .. الحياااه ممله لكنها مستمره .. ومثل ما هي ما شي اي تطورات من اي صوووب واي نااحيه .. من ذاااك اليوم ردينا بيت من بيت شيخه وأنا ملااانه ماشي غير درااسه وأكل ورقاااد .. حتى النت ما قمت أحدر . حبااايب قلبي أعضاااء نور الامارات ما قمت أرمسهم مررره خلاااص قطعت .. أحس روحي مهمومه مالي خلق لأي شي بهالحياااه .. وايجت من البلكون .. شفت واااحد لااابس بنطلون جينز وتيشرت ومعاااه جنطه اسبورت .. حطاااها فالدبه وهو ياالس يرمس فالفون ..مبتسم .. ركب سيارته وحركها .. أكيييد رااايح الجيم .. ابتسمت خاالد انسااان وسيم .. كنت بتزوجه بس للأسف الفحص طلع سلبي لكن الوسااامه مب كل شي .. بس بعد خاالد أعتقد انه متوفره فيه صفااات كثيره وااايد .. اي بنيه بهالكون تتمناه .. مال وجمال وكل شي .. حتى شخصيهـ .. ودين .. خالد وااايد أحسن مني .. لأنه كاان صاادق ويااي .. بس أنا ما كنت صاادقه وياااه لأني ما خبرته عن زاايد .. بس أحسن لأنه خلااص ما شي نصيب .. وبعدين ربي يرزقه بوحده أحسن مني .. ................ : ممكن أدخل .. ابتسمت وقلت : حياااج حيااتي ... دخلت ومعاها البيبي الصغير .. وقالت : هلااا والله شهووووووووود .. ابتسمت وقلت : هلااا بج زووود .. حياااج .. شيخه تبوسني : اش حاالج حيااتي ...؟ قلت : بخير ربي يعاافيج حبيبتي .. ومن صووبج ..؟؟ شيخه : بخير .. قلت وأنا العب بويه حامد : واش حاله الحلو ... شيخه : بخير .. زعلاان من خاالته .. قلت : له له له .. وليييش .. بناازع خالوته أنا .. شيخه : ما تمت عندنا ع العشااا .. بستها وقلت : السموووحه حبيبتي بس عاااد انتي تدرين كنت تعباانه وراااده من الجامعه مب مريحه ووراي تحضير وسوالف .. شيخه ابتسمت : هالمره سامحناااج المره اليااايه ماشي .. قلت : عطيني اياااه .. شيخه عطتني حاامد وقالت : هاااج .. فكه شوي هههه قلت : حرااام عليج يااهل ماله ذنب .. شيخه : أمزج انزين .. وانتي بعد ربي يرزقج بولد صاالح .. قلت : امييين يااارب .. شيخه طالعتني مستغربه وقاالت : شووو .. قلت وأنا أضحك : شو شوووه ... شيخه : لا بس نحن على ايامنا وحده تقول لنا جذي نصير طماااط ونستحي .. قلت : ها أول الحين عاادي وازيدج من الشعر بيت بسمي ولدي فااارس ههههه شيخه ابتسمت وقالت : صدق انج حركااات شهووود .. قلت : هي شو ع بااالج بعد وحده ما تعرف ولاشي .. شيخه ابتسمت وقاالت : الله يرحم بناات أول هههه قلت : مستويه لي مصلحه اجتماعيه شيخوووه هههه شيخه ابتسمت وقاالت : تعاالي ذاااك اليوم منصوور ردكم .. قلت : هي .. شو دراااج .. شيخه : جابر خبرني .. انزين تعاالي كيف رضيتي تركبين ويااه .. أنا أحيدج من ريلي تستحين عااد من أخووه شو تسوين .. ضحكت وقلت : صدقج .. بس هذي العنزه نوفوووه خلتني اركب هههه شيخه : زين سوت .. ههههههه قلت : لييش بلا .. شيخه : يمكن منصور يااخذج شهووود .. طالعتها مصدومه .. أنا كلما أطلع من مصيبه يدخلوني بمصيبه ,, ما با أتزوج يا ناااس مابا .. صدقوني أبا أتك جذي أحسن .. شيخه : بلاااج سكتتي ... طالعتها وقلت : ها لااا .. ماشي .. شيخه : أنا آسفه اذا ما عيبج كلاامي .. بس تبين الصدق شكله صدق منصور ناااوي على جذا .. طالعتها مستغربه وقلت : لا ما زعلت .. شيخه : أوكي عيل تعااالي ننزل نقعد مع ماما .. يالسه روحها .. البناات رقوود .. قلت : هي اليوم ترا مداارس من ردو رقدو .. شيخه : شو مسويه فالجامعه ..؟؟ قلت : ماشي .. كالعاده .. واليوم خميس طلع ما علينا ولا شي جاان أغيب .. شيخه : شهووود تصدقين .. تذكريني برووحي ايااام أول ههه ضحكت وقلت : زين زين .. يعني سعود وحامد بيشوووفون أمهم الصغيره هههه شيخه : هي أحس يوم كنت فالجامعه جذا شرااتج .. قلت : لييش ما تشتغلين ..؟؟ شيخه : جابر ما يخليني .. وبعدين هذي شهادتي فالكبت مثل مااهي .. قلت : بس زين عندج شهااده .. شيخه : من هالنااحيه هي ... قلت : وبعدين يمكن جاابر يوم من الأياام بيخليج تشتغلين شو دراااج ..؟؟ شيخه : يمكن جااايز هالشي .. قلت : هههه كل شي بهالزمن جااايز .. شيخه : بس تدرين أحسن مكااان للحرمه بيتها هههه قلت : صدقج .. يالسه مرتااحه من الهموم وكل شي .. شيخه : هي والله ,, قلت : ترا الشهااده تفيد وااايد .. حتى ولو عندج بيزااات الدنيا ومب محتاايه تدرسين .. بس ادرسي .. شيخه : هي أكييد .. تخيلي لا سمح الله .. اذا بيوم صاارت ضروووف وانجبرتي تشتغلين .. قلت : هي .. شفتي كيف الشهاااده تفيد .. شيخه : تدرين أنا وانتي مدري اش صاابنا اليوم هههه قلت : صدقج .. دراااسه ودرااسه هههه × × يوم الجمعه ... عقب الغدا الكل متيمع .. طالعت خلود وقلت : شخباار الدرااسه خوخه ..؟؟ خلود نزلت راااسها مستحيه : أوكي .. عرفت ليييش خلود مستحيه .. أحسها مستحيه ع الكلااام اللي كاانت تقوله لي عني وعن خاالد وآخر شي ما خذينا بعض .. بس أحسه شي عاادي غير محرج لأنه بالفعل وقتها يمكن كنت بااخذ خاالد حتى أنا ما حطيت ببالي ان أنا وخالد ما بناخذ بعض .. شذى : بناات تبونا نطلع اليوم .. شيما : ياريـــت ع الأقل نغير جو .. قلت : أنا مالي باارض بتم فالبيت وبرقد .. هـ الأسبوع كان بمعنى الكلمه تعب .. كله تحضير .. خلود : الله يعينج .. قلت : هي والله ادعو لي عسب أنجح هههه أخااف لا اييب كيكات .. خلود : ماال اول هههههه قلت : وينه وليد .. اليوم مب مبين ..؟؟ خلود : فالميلس مع ابوووه .. حزنت شوي .. بس رديت طبيعيه .. : اها .. سيرو ييبوه فخااطري اشوفه تصدقون ههه .. خلود : أوكي عيل بسير بييبه .. خلود روحت .. قلت : شيمووه بلاااج .. شيما : ماشي بس متزجمه .. قلت : اها .. سلااامات سلااامااات .. شيما : الله يسلمج .. قلت : عاد لا تعدينا .. هههه شيما : لا تتقربون عنيه ههه ولا بعديكن صدق .. قلت : لا أمي بتم بعيده عنج لا الزجااام ما بييني رقااد بليل .. روحي تعبااانه هالأسبوع .. شيما ضحكت وقاالت : خوافه .. قلت : هي الواااحد من المرض يخااف لاازم هههه شيما : انزين ما بعديج لا تخاافين هههه قلت : خلوووف اهني .. شيما : هي ما جفته .. اليوم .. قلت : أحسن عسب لا يتخرع من صووتج ههه شيما : بالعكس صوتي اليوم حلو ههه قلت : خاارطه ع روووحج وين حلو .. ترمسين من بطنج هع شيما : تشبيه فاااشل ههه قلت : وينها هذي خلود تأخرت .. شيما : الحين بتيي تشوفينها يالسه ترمس وياهم ههه قلت : عادة هالعايله جذي .. يـتأخرون بكل شي .. يت بسرررررررعه وهي تقووول : شو بلاااها العاايله هااااا مب عايبتنج يعني ههههههه قلت : لا حشاا والله .. شو يعني تبوني اذم عيلتي لا نو ويـــه .. خلود : ههه اتحرا بعد .. يلا سير عند خالو .. ابتسمت له وقلت : تعاال حبيبي .. وليد لصق بخلود أكثر .. خلود قاالت : بلااك ..؟؟ قلت : خليه الرياال يستحي .. خلود : ههه يستحي .. جيه ما يعرفج ... أونه قلت : لأأأ بس جم من يوم ما شاافني نساااني ههه .. صح وليد .. وليد تجدم شوي شوي وقاال : ثهووود .. بسته وحطيته فحظني وقلت : عيون ثهووود انته .. وليد : عندج حواواه .. ابتسمت وقلت : غاالي والطلب رخييص .. عندي حلويااات مب حلاوه وحده .. وليد : انذين اباا .. بث لا تخبرين بابا .. استغربت وطالعته قلت : لييش حبيبي ..؟؟ وليد : بابا ما خلاااني اثتري حواواه .. قلت : بس عيب حبيبي محد يسوي شي من ورا باباته .. وليد هز رااسه : بث أنا ابي حواواه . قلت : حبيبي اللي يسوي شي من ورا بابا ويجذب الله يوديه الناار .. وليد : انذين خبري بابا عثاان يعتيني .. بسته وقلت : انشالله حبيبي بس انت لا تجذب زين .. وليد : زين .. بث ليييييييييييث .. قلت : لانه جذي الشيطاان يحبك والله يوديك الناار .. وليد : خلااث ما بكذب .. بسته وقلت : الله يحفظك حبيبي .. وليد نزل من علي وقاال : بروووح بابا أنا .. قلت له : رووح حبيبي .. بباي هههه وليد سوا لي باباي .. خلود : شيطووون هالولد ههه قلت : حراام عليج بعده يااهل .. شيما : سعود ولد شيخه أخس عنه .. معنه أصغر عن وليد .. شذى : لااازم هذا .. عمته اندر تيجر .. خلود ضحكت وقاالت : حرااااام علييج .. ههههههههه شيما : لا ترمسون عن مريوووم هذي حرمة ربيع خطيبي ههههه قلت : كملت المخبل تجمعو .. ههه شيما : لا صدق عااد مريوووموووه طيوبهـ .. قلت : بعدها صغيره .. يوم تكبر بتستوي شيخه الحريم هههه شذى : يعني حتى أنا يوم أكبر بستوي شيخه الحريم ههههههه قلت : لا انتي بتستوين ست الستااات هههه شذى : ههه حلوه هاااي .. ابتسمت وقلت : يلا بناات أنا بروووح برقد شوي .. شيما : تمسين ع خير ههه قلت : وانتي من أهله ههههه صعدت حجرتي .. رميت روحي ع السرير وخفيت ع ضوووء الابجوره .. بس أخر شي طفيته لأنه بالفعل ضاايقني .. بديت أرقد .. الا واسمع بصوووت التلفون بنبهني باستلااام رسااله جديده .. طالعت الرقم استغربت .. نفسه اللي طرش لي مسج يوم رحت للفحص ... فتحت الرساااله بسرعه .. لقيت مكتوب فيها .. شهد أنا زااايد يا ريت لو تردين علي يوم أتصل .. حسيت نبض قلبي وقف .. خفت هذا اش يبي بعد مني .. بس حراام عليه .. شو يبا يهدمني ويحطمني أكثر من جذي .. يمووت خلااص ما قمت أستحمل غدر وطعوون أكثر عن جذي .. ترددت اني أرد عليه .. خفت لا السالفه تكبر أكثر وأكثر .. ما اروووم استحمل اي شي من تجاهك ياا زاايد .. تعبت .. وخاصتا منك .. توكلت ع ربي وقلت برد عليه .. رديت عليه بمسج .. خير اش تبي .. اكفينا شرك لو سمحت .. ما رقدت .. ترييت الين ما يرد .. أصلا ما بييني رقاااد .. فجأأه سمعت صوت التلفون يرن .. فزعت .. وطالعته نفس الرقم .. رديت بسرررعه .. وقلت بدون نفس : الو ... قااال بنبره شوق ووله : هلا والله .. قلت : خيييييييير .. زايد : شهد اش حاالج ..؟؟ قلت : مب بخير .. قول اش عندك ..؟؟ زاايد : شهد .. ممكن تكلميني عدل .. قلت له : والله لا تقرب لي ولا اقرب لك كيييف تباااني ارمسك يعني ... .. قول اش عندك .. زاايد : شهد أنا زااايد تعرفين من زااايد .. زاايد اللي كنتي تموتين وتحيين به .. يا شهد .. سكتت للحظه هلت دموعي اللي ما قدرت أمسكها .. وقلت : زااايد ما أستحمل منك اي شي أكثر .. انت لو سويت اي شي يمكن بموووت زايد بنبره حزن : شهد أنا أدري باللي سويتيه بروووحج .. أدري انج حاولتي تنتحرين .. قلت وأنا أصيح : زااايد بس بــــــــــــــــس خلااااص .. ما قمت أتحمل اي شي منك أكثر ... ما أقدر والله ما اقدر .. زايد : شهد سامحيني .. قلت : اسااامحك بشو يا زاايد ولا على شو .. خبرني .. على خيانتك ولا لأنك رخصت بي .. خبرني .. زايد : شهد انتي غلطاانه أنا ما رخصت بج .. قلت له : عيل شوو يا زااايد شووو ... زااايد : شهد افهمي اللي شفتيها مب حرمتي مب حرمتي .. مب حرمتي .. فهمتي ولا لأأأأ ... يا شهد ... __DEFINE_LIKE_SHARE__ | |
| ||
| |
|
06-24-2010, 02:15 AM
| رقم المشاركة : [ 53 ] | |
| عضو جديد | الحلقه الخامسه و العشرون .. أنا مابيك تعطيني كثر ما أعطيك يالقاسي .. و كل اللي بغيته بس تقدر موقفي مره ,, أنا دايم على ذكرك أعيش بحرقة أنفاسي يمر يومي مثل أمسي وأقول يمكن يحس بكره مب حرمتي ............ مب حرمتي ............... مــــــــــــــــب حرمتي .. كلمه ترددت في بااالي وزاااد صدى صوتها ... تميت ساااكته ما علقت وأناا خااايفه ,, زايد شو يقصد ... لالا زااايد مره ثاانيه يجذب علي ... زايد : شهد صدقيني .. أمـــــــــاني مب حرمتي .. دموعي نزلت وقلت : زااايــــد بسك .. بس حرااام عليــــك لي متى بتعيشني بوهم لي متى ... حرااام عليك حس فيني شوي ... زايد : شهد صدقيني .... قلت : زاااايد لا تجذب دخيلك .. ذيج المره شربت كلووور هـ المره شو تباااني اسوي .. اشرخ ايدي بالشفره .. عاااد بهالطريقه مستحيل أعيييش .. زايد : شهد صدقيني والله ما أجذب عليج .. أماني تستوي حرمة حمدان أخوي .. انصدمت وقلت : بس انت ما عندك أخو زاااايد ... زايد : بلا عندي بس أنا ما خبرتج ... قلت : يعني كنت تجذب علي ...؟؟ زايد : شهد انسي اللي طاااف .. وخلينا نفتح صفحه يديده .. قلت : زااايد اسمح لي الحين أنا بنت محافظه ولا يمكن أتكلم وياااك .. زايد : بس يا شهد انــــــــــا ............................ قاطعته وقلت : انت ولاشي بحياااتي انتهيت يا زااايد انتهيت ... زايد : شهد سألي أماني بعد والله انها مرت أخوي .. قلت : صدقتك بس دخيلك ابعد عن دربي .. زايد : شهد أنا كنت ابا اتقدم لج صدق صدق عقب ما حاولتي تنتحرين .. قلت : عقب شو ... عقب ما أذنبت بحق نفسي ياااي تصلح غلطتك .. زايد : بس يااا شهد ولد عمج تقدم لج وانتي وافقتي عليه .. ولو اني مب زين جااان رمسته عنج .. قلت : لا تخاااف ما بيصدقونك .. زااايد : بس لا تنسين يااا شهد عندي دلاااائل أنا مو بس دليل واااحد .. خفت بس ما بينت وقلت : ترا ناوين نااس ثانيين من أهلي يتقدمون لي .. يعني انساني يا زااايد .. زايد بمكر : وشوووو رااايج يا شهد أراااويـــه كل شي .. واقول له كل شي عنج ... قلت : بس خــــــــــــــلااااص انت شو ... ما تحس ما عندك خوات ... زايد : خواتي الحمدلله ما يرمسن الفريج كله .. وبعدين لو راااويته يتطيحين من عينه وعين أهلج كلهم .. بديت أصيح وقلت : الله يراااويك يااا زااااااااااايد الله يااخذ حقي منك ... زايد : هههه مستوية لي شريفة مكه .. قلت : زااايد ابعد عني أحسن لك ولا تراااك بتشوووف شي ما شفته أبد .. سمعتني ... وصكرت التلفون بويهه .. بديت أصيييح .. هذا كاابوس ظهر لي من يديد .. ناوي يحطم لي حياااتي ناااوي يذبحني .. حرااام عليك ياا زايد ودي أعرف اش هي مصلحتك يوم تسو فيني جذي .. يوم اني بديت أنساااك أو بالأحرى اتناساااك رجعت .. ياااريت ان قلب حس بي وعورك ع اللي تسويه بي .. بس انت خنت الثقه خلاااص ولا يمكن نرجع لبعض يااا زااايد لا يمكن .. رووووح وانساااني خلااااص .. لأني بديت اتنااسااك وأمحيك من حياااتي اللي بديت اتـأقلم وياها من جديد .. .................... : شهوووود تصيحين ... مسحت دموعي بسرررعه وقلت : هااا لاا حبيبتي ماشي .. بس حسيت روحي تعباانه .. شيما : شهد صدق انتي تعبااانه .. مريضه ولا فيييج شي .. قلت : يوووووووه .. شيما قلت لج مافيني شي .. بلاااج ... شيما : انزين انزين خلاااص كليتيني بقشوووري .. بس ييت أقول لج نحن بنسير بوادي مول تيين ويانا .. قلت : لأأأ سيرو رواحكم .. مابا .. شيما : شهد أنا أختج لو في شي مضااايقج خبريني .. قلت : لا شيما ما بلاااني شي .. سيرو الله وياكم .. شيما : شهد .. عشااان خاالد ... دموعي نزلت وقلت : ياريـــت لو خالد ياشيما ياااريت جااان هااانت .. شيما : عيل شو ياا شهد ...؟؟ من اللي مضااايقج ومكدر خااطرج ... نزلت دموعي وحضنت ريلي وقلت : زااايـــد يا شيما زااايد .. شيما مستغربه : زاااايد ... شو بلاااه زااايد .. قلت : شيما زااايد رد يتصل بي وعرف كل شي عن حياااتي .. الحين .. يهددني .. شيما : وصلت فيه المواصيل انه يهددج .. قلت : هيييه يا شيما هيييه ... شيما : انزين هدديه بأنج تخبرين حرمته عليه .. قلت : يا ريـــــــــت لو السالفه جذي .. يا ريت .. شيما : عيل شاللي صاار يااشهد ..؟؟ قلت : أماااني طلعت حرمة أخوووه هب حرمته .. شيما : شو درااج يمكن يجذب .. قلت : لأأأ أعتقد صدق ما يجذب ... شيما : والحـــل يااا شهد .. قلت وأنا أصيح : أخااف يطلب مني شي كااايد ... وأنا مقدر اسويه .. شيما : لا مستحيل يسويها عنده خوااات .. قلت : أمثااله ياا شيما ما يحسووون .. شيما : لا يااا شهد ايااني واياااج تسوينها ولا تروحين له ... قلت : هي أكييد شو أنا غبيه اروح له .. شيما : ما عليييج انشالله السالفه بتنحل .. يوم يتصل خليني أنا أكلمه .. قلت : لا ما فيني يمسك عليييج شي .. انتي رووحج مخطوبه .. شيما : يصير خير انشالله بس لو اتصل لا تردين .. عطيني أنا برمسه .. قلت : خلج بعيد يا شيما .. شيما : انزين ما بكلمه بس بسمع كلااامه .. قلت : تدرين مو بعيده هو اللي لااعب بالفحص .. شيما : لااا مستحيييييل ما يصير هذي مسؤوليه وبعدين الدوله أمااان .. قلت : هي صدقج .. بتأخرين الجماعه شييوم .. شيما : هي صدقج نسيتهم .. يلا عيل ديري باالج ع روحج وما أوصيج .. قلت : انشالله .. شيما : يلا على خير .. نحن بنروووح تامرين بحااايه .. قلت : سلامتج حبيبتي .. الله وياااكم .. راااقبت شييوم وهي تطلع ... تمنيت للحظه ان حياااتي تكون مثل حياااتها ... كنت بعيش بسعااده أكيييد كنت بنسى همومي وكل شي .. بس في حاالتي أنا مستحيييل أنساااها مستحيل ... داام زااايد ظهر لي من يديد بحياااتي .. آآآهــ يا زااايد .. وربي مابيك تعطيني كثر ما عطيتك .. ولا ابيك تسوي لي اي شي .. بس أبيك تقدر موقفي وتحس فيني بس هذا اللي بغيته منك لا أكثر .. دوم أقووول يمكن تحس فيني بس مستحيل هالشي لأني طاايحه من عينك ,, توني عرفت هالشي توني بس بعد شو يااا شهد عرفتيه يا شهد .. بعد ماا ضاااع عمرج .. مدري بشووو تفيد الحسره الحين مدري ... ما أنكر انه ذكراااك وسط قلبي يااا زاايد عياااا الزمااان يمحيها .. يلا عسى باااجر تحس فيني .. بس ما أعتقد لأنه يمر يومي مثل أمسي وما في اي تطور بحياااتي .. × × .............. : تقول ما تبا تيي بترقد .. خلود : ليكووون بعدها تفكر فالسالفه هذيـــج .. شيما : لا لا .. شهود ما تفكر جذي أبد .. وبعدين هي مقتنعه ها نصيبها .. وهي وخالد مو مكتوب لهم يااخون بعض .. خلود : عيل شو بلااها ...؟؟ شيما : ما بلااها شي بس هـ الأسبوع كاان عليهم وااايد ضغط فالجامعه وتحضير الدروس اللي طافتها عسب جذا .. خلود تهز رااسها شرا الهنود وتقول من بعد استوعاب : اتشــــــــــــــا ... يعني درااسه .. شذى ضحكت : ههههههه شو هذي اتشـــا بعد مستويه هنديه انتي الثاانيه .. شيما ضحكت : تغيير اللهجه ههههه شذى : بس والله عجبتيني يبتيها صح هههههههه خلود : هههه زين يلا عسب نروووح تأخرنا بنااات .. شذى : هي مب بااجي شي ع أذاان العصر .. شيما : يلا عاااد سرينا .. شذى : اقووول شليتو ويااكم بيزااات .. خلود : اوووه نسيت .. شيما : وأنا بعد .. شذى : وانا بعد هههه لو ماني راامسه جااان رحنا بدوون فااايده .. شيما : عااادي لاااه شهاابوه بيدفع عنا .. خلود : بفلسه صدقوني ههههه شذى : زين تسوين هههه وأنا بعد .. شيما : يلا بسرعه تأخرنا أكييد شهااب يتريانا .. خلود : سؤااال ...؟؟ شيما : هلأأ .. خلود : الحين شهااب كيف واافق يودينا .. شيما : اقووول لكم بس ما ترمسووون .. شذى وخلود : هي قووولي .. شيما : ترا أنا قااايله شهوود نفسيتها تعباانه .. عاده هو قاال بيطلعنا .. وهناااك شهووود ما تبا تطلع .. بنقول له شهووود كنسلت على أخر لحظه هههه خلود : اسميج عجيبه .. شذى :انتي سوبر سيستر الصراحه .. شيما : يلا سرينا .. لفت شيما ولا تطاالع شهااب واقف ورااها ويطالعها .. شيما تخرعت : بسم الله الرحمن الرحيم .. شهاب ابتسم : الحين أنا اللي خارطين علي .. وغير جذي بتشترون على حسااابي .. شيما طالعت البنااات بمعنى سمعنا .. رحنا وطي يا جماااعه .. خلود ابتسمت وقاالت : مب قصدنا جذي بن عمي .. افهم السالفه انت أول .. شهاب : اسكتي انتي .. وياها .. ماشي رووحه خلااص .. شيما : لا دخييييلك أخوووي حرااام والله ما بنعيدها بس طلعنا دخيلك .. شذى : هي حرااام .. شهااب : ماااشي يعني مااااشي .. خلود تجدمت عن شهااب وزخت ايده وقاالت : حرااام شهاابوووه ودنا .. شهاب سحب ايده مستغرب من حركة خلود .. هذي صااار لها فتره مطوعه وتلبس شيله وعبااه شاللي خلاها تسوي هـ الحركه .. خلود ردت ع ورا وقفطت صاارت طماااط بمعنى الكلمه .. شهاب : أوكي عيل يلا .. ركبن السياره .. مشو البنااات وشهااب يطاالع خلود اللي بالفعل تغيرت صاارت خجوله وااايد بمعنى الكلمه .. معنه أكبر عنه بوااايد بمعنى الكلمه .. بس ليييش تستحي منه ما يدري .. خلود منزله رااسها وقاالت بصوت وااطي لشذى : بلاااه أخوووج .. شذى : شو درااني عنه .. برااايه .. المهم يطلعنا .. شيما : أنا بركب جدااام .. شهاب ابتسم وهو يركب وقاال : كلمه زيااه بركبج وراا وياهن ههه شيما ابتسمت : لا خلاااص بسكت ههه .. شهاب ابتسم وهو يطاالع خلود من الجاامه اللي يدامه وقااال : على وين بنااات ,,,..؟؟ شيما : بوادي مول .. خلود رفعت رااسها عسب تقول شي .. طالعت شهااب يطالعها .. نزلت رااسها بسرعه .. واستحت .. شهاب ابتسم وقاال لشذى وخلود : الشيله والعباااه اممممممررررررره هب لااايقه عليكن هههه شذى : شنسوي مجبورين .. خلود طالعت شذى وقالت : بس الشعره بجمره .. شهااب : أوووه خلود شو هالتغير المفاجئ .. خلود نزلت رااسها فهمت ان قصده هي صاايره تستحي وااايد .. بس قاالت : أنا أدري ....!!!! شهاب : ورجعت ديمه لعادتها القديمه .. شيما : مب جنك حرفت المثل .. شهاب : لا اللي أنا اقوله هو الصح ههههه شيما ضحكت وقاالت : شهااابوووه سمعنا شي .. شهاب : اخااف نسوي حاادث وخلود تموت وعقب تروووح النااار هههه خلود : مليييق شهاابوووه .. شهاب : هااي الثاانيه بعد استوت لي كويتيه .. اش سالفتكن انتن .. شيما : بابا .. فينا عرج .. طالع دربك عن نسوي صدق حااادث .. شهاب : خلود بشغل أغنيه اهدااا لج أوكي .. خلود طالعت صوب الدريشه وسوت طاااف وقاالت : مابا شكرا .. شهااب : سمعيها انزين بس .. شيما : أنا بسمعها عنها شغل شغل .. شهاب ابتسم وطلع سيدي وركبه وشغله ... وبدت الاغنيه .. : شكرا شكرا يا دكتور الواوا رااحت من اسناني .. (مدري اذا خربطت ولا لأأ هههه ) خلود بوزت وقاالت : خل الاهدااا هذا لك .. شهااب ضحك : ههههههه زين طلع عندي هالسيدي هههه شيما : هههه تعااال اتخبرك الحين انت تسمع هالاناشيد ههههه شهااب : لا ويـــن ها سيدي وليد ولد خالد ذاااك اليوم يا ويانا ههههه شيما بنص عين : ويـــن ياااه هااا ...؟؟ شهاب : رحنا دبي وشليناااه ويانا .. شيما : اهاا .. اتشااا ع قولة خلود هههه شهاب : طلعت خلود هنديه هههه خلود : تعاال اتخبرك جيييه تخربون اليااهل وتودونه ويااكم هااا ..؟؟ شهااب : اش درااني سألي خليفه أخوووج هههه شيما : هي صدق جييه وديتووه حليله .. مسكين .. شهاب : أقووول سكتي انتي وياااها ولا بردكن البيت .. شيما : ما ترووم وصلنا خلاااص .. شهاب لف الدوااار وقاال : وصلنا هاا .. نشووف من اللي بينزل شيما : اووو اووو سووووري والله ههه أخوي الغاالي ,, شهاب : أكبر مصلحجيه فالدنيا .. شيما : طاالعه عليك تراااني .. شهاب : ما تنلامين عاد .. × × المغرب السااعه سبع وعشر بتوقيت مدينة العين .. قمت من النوووم .. نزلت تحت شفت البيت فاااضي .. مافيه أحد وينهم .. رحت صووب المطبخ .. شفت أسيل ,, قلت : اسيل وين ماما وبابا .. أسيل : في روهي شااارجه بيت أهل مال ماما .. قلت : هيييه .. عيل البناات بعدهن ما ردن .. أسيل : لا هوه فيييه يتصل ويقول في عسا برأ ما في يجي .. قلت : اتشاااا .. عيل خلااص .. أسيل : مدام انتي لما في كلااام هندي في يستوي اشوريا راااي ههه طالعتها وقلت : صخي لافلعج هههه .. سويلي سندويشه جبن .. وسويلي لي عصير يبي لي ايااه فووق .. أسيل : أوكي .. طلعت من المطبخ .. صعدت ع الدري وأنا اتوجه لحجرتي .. حسيت روووحي بختنق من شي ما أعرف شو هو ... قعدت ع الدري بشكل غير طبيعي ومسكت راااسي اللي بداا يعورني .. بغيت أصرخ ما قدرت .. حسيت صوتي راااح .. بديت أكح الين حسيت الاحمرااار غطاني كلي ع بعضي مو بس ويهي .. ثواني الا وأشوف أسيل تهديني وعطتني ماااي ... مسكت ايدها بقوهـ ولويت عليها .. مدري شاللي خلااني اسوي جذي .. اسيل رجعتني لورا وعطتني المااي .. قالت وهي خاايفه : شهد شربي ووتر .. شربت شوي .. الكحه خفت .. طالعتها وقلت : خلاااص .. اسيل تمسح ع شعري : خلااص استويتي أوكي ..؟؟ هزيت رااسي وقلت : بس وصليني حجرتي .. اسيل مسكت ايدي وودتني صووب الحجره ورقدت ع السرير .. حطيت رااسي ع المخده وقلت : اسيل اطفي الليت .. وشغلي المكيف .. اسيل : أوكي .. قلت : خلااص روحي سوي لي الأكل .. اسيل : ما يبغى شي تااني .. قلت : لأأأ بسررعه ييبي الأكل والعصير لا تسوينه باارد .. اسيل : أوكي .. مسكت رااسي اللي بدا يألمني .. هذا الربو أكيييد رد لي .. حتى ذاااك اليوم يوم رقدوني الدكتور قاال عندي حساسيه فالصدر .. بس هي مب حسااسيه أنا أعرف اني يوم أفكر واايد أو أتعب نفسيا الربو يزداااد عندي .. طالعت صوب الأدويه .. كلها أدوية حساسيه ما بتنفعني شسوي الحين عااد .. لااازم البخااخ .. بس أنا من زمااان مودرتنه .. لكن الحين مجبووورهـ ارجع استعمل البخااخ .. بتصل بشييوم خل تشتري لي من الصيدليه .. ................ : ( صوت البااب وهو يندق ) قلت : ادخلي اسيل .. انفتح الباااب .. ودخل وليد .. تجدم عني بسرعه ويااه نط فوووق السرير .. وقال : ثهووود حبيبي .. حضنته وقلت : علني افداااكـ .. فديتك وينك عني .. وليد ابتسم لي وقاال : أنا هني .. ضحكت وقلت : أدري حبيبي هههه .. يلا خبرني .. وين رحت اليوم .. وليد : ولا مكااان .. شييوم ما ودتني وياها الالعااب .. طالعته يتني الغبنه .. بغيت أموووت من الصياااح .. كنت بستوي لك أم يا وليد .. يمكن كنت بحبك أكثر من عياالي بس شسوي ... ما باليد حيلهـ .. قلت : خلااص حبيبي أنا بوديك الألعااب انزين ههههه دخلت أسيل خاايفه وقاالت : شهووود شفتي وليد .. طالعتها وقلت : هكوو يمبي ما تشوفينه .. أسيل تنفست بسررعه وقالت : آآهــ .. كاان ضاايع وأبوووه يدور عليه .. قلت : اها .. خلااص عيل خليه عندي .. أسيل : بابا مال هوه يباااه قلت : وليد جيييه انت شااارد .. وليد هز راسه بالنفي وقاال : لأأ .. قلت : شو قلنا وليد اللي يجذب الله يوديه الناار صح .. وليد : آثف .. خلاااث .. دخل خاااااااااطري .. بسته بأقوى ما عندي .. وقلت : علني أفدااااك ماشالله عليك .. الله يحفظك .. أسيل : بابا مال هوه يباااه تحت .. قلت : سير وليد خل أسيل توصلك عند بابا .. وليد : مابا .. قلت : يلا سير .. حبيبي بيي عندك بااجر .. وليد : مابا .. انتي تعاالي وياااي ما أهب اثيــــل .. بسته وقلت : علني أفداااك هههه وليد مسكني من ايدي : انتي وثليني .. شو هالوهقه يا ربي .. خالد تحت .. كيف بقابله .. أنا من يوم عرفت عن الفحص ما رمسته .. ياربي شسوي .. قلت : حبيبي خل أسيل توصلك .. وليد يراافس : لا لا ابا ثهووود .. قلت : اسيل خلاااص روحي قولي لبابا خالد يروح ووليد يتم عندي .. اسيل : أوكي مدام .. وليد يصيح : لأأأأأأأأأأأأأأأأأأع ابا بابا ماااااااااالي .. قلت : عيل شو تبا خل أسيل توصلك ,, وليد يصيح : اباااااااااااااج انتي .. وقفت وأنا البس شيلة الصلاااه : أوكي يلا بوصلك .. ويا راااسك يالهرم هههه وليد استانس : شيليني .. اسيل : لا هبيبي أنا في سيلك شهووود في تأبااانه .. وليد : لا عيل بمثي روووحي احثن .. بسته وقلت : يلا تجدم رووحي .. وليد مسك ايدي وبدينا نمشي .. وهقه الحين كيف بقااابل خالد شو بقول له أصلاا .. والله حاله ما أرووووم .. كيف اقاابله اصلا أحس روحي بمووت حيا .. نزلنا تحت .. رفعت رااسي طالعت خاالد .. تجدمت مع وليد ورفعت راااسي بحيا قلت : هلا ولد العم .. خالد : هلا بج زود بنت عمي .. اش حاااالج ..؟؟ قلت : بخير وسهالهـ ومن صووبكـ ...؟؟ خالد : بخير ربي يعاافيج ويسلمج .. قلت : وليد هكووو بابا يلا سير .. وليد : تعاالي ويانا .. حسيت الألم رد لي وقلت : حبيبي ما اقدر وراااي واجبااات .. بعدين المس بتضربني .. وليد : أوكي تعالي غير يوم عندي .. قلت له وأنا ابتسم : انشالله حبيبي .. خالد : تامرين بحاايه بنت عمي ...؟؟ قلت : سلامتك .. خالد : يلا عيل نحن بنروووح .. قلت : الله وياكم .. وليد : بباي ثهووود .. سويت له بايباي .. وقلت : باااي حبيبي .. رحت صوووب الدري ورجعت الحجره وأنا متألمه بدااخلي ليييش القدر فرق بينا ليييش .. زااايد ولعب بي .. خالد وفرقنا القدر .. من بقى لي من ..؟؟ والله اني انطعن دوووم .. دخلت الحجره رميت روحي ع السرير .. ابتسمت وأنا أطااالع صوب اللاب .. خل أحدر نور الامارات اليوم من زمااان ما حدرت .. بدش البوكس وبرمس يتوم فديتها .. هذا اذا حاادره .. أوووه صح وبتصل بـ شييوم عسب تييت لي البخااخ مال الربو .. × × في بوادي مول .. شيما : أكرمكم الله .. شهااب : قصدج أكرمك الله .. شيما : هي ترااك انت اللي داافع .. بس عنااد أكرمج الله خوخاني .. خلود تضحك : حمدي ربج انه طلعنا اليوم و عشااانا وغير جذي تحمل صدعتنا .. شيما : هههه الحمدلله الحمدلله زين جذي .. خلود : هي زيـــن هههه .. شهاب : هذي الذوووق هب خواتي المجلع .. خلود استحت وتوترت .. شيما : هههه خلاااص .. شكرا أخي الكريم ع هذي الطلعه اللي تخبل شراااتك .. شهااب : العفو خيتو .. تعاالي انتي جيييه سااكته ( أشر ع شذى ) شذى : ماشي بس فيني رقاااد .. شيما : هي صح .. شهود اتصلت بي وقاالت انها تبا بخااخ .. شهاب : بخاااخ لـ شو ...؟؟ شيما : بخاااخ الربو .. شهاب يطالعها مستغرب : جييه رد لها الربو .. أحيده فيها يوم هي صغيره بس .. شيما : لا ما ودرها بعده فيها .. شهاب : اهااا .. عيل خلااص ذكروني عسب أخذ لها قبل لا نطلع .. شيما : أووووكي .. ................ : ماشالله العيله الكريمه كلها اهني .. شهاب ابتسم : حياااك حياااك .. خليفه ابتسم وقاال : غريبه متيمعين وأنا أخر من يعلم .. شهااب : جيييه فجأه صنفن وطلعناهن .. عاد انت ادرى بالبناات لحوحااات ههه خليفه يضحك ويقول : تعلمني فيهن هههه .. شهاب : تعاال تعشا ويانا .. خليفه : لا والله متعشي .. تسلم .. شهااب : زين توفر هههه خليفه : ههه ويا رااسك ,, ( طااالع شيما وقال ) اش حاالج ..؟؟ شيما : بخير .. ومن صوبك ..؟؟ خليفه : بخييير .. تعاالي وين الغشوه .... شيما نزلت رااسها مستحيه ... شهاااب : يا ريااال برااايها توها صغيره هاااي .. خليفه : بعده مب بيدي .. بس بنشوووف عقب ههه .. عيل يلا أنا بروووح ربيعي يتريااااني .. شهاب : خلااص أنا بعد ما بردهن البيت بتصل بك .. خليفه : أوكي عيل نترياااك نحن .. شهاب : أوكي .. × × بعد مرور يومين ع الأحداااث السابقه .. شيما : مابا مابا .. قلت : مب شارحه لج يعني مب شااارحه .. شذى : وأنــــــــا ...؟؟ قلت : حتى انتي ... فهمتو ولا لأأ .. شيما : حرااام سيس حراام .. شذى : هي حتى أنا .. يعني ترضين أختج ترسب .. قلت : سيرو لاااه .. الله جيييه عطاكم عقووول .. عسب تقعدون ع النت ليل ونهار وايام امتحااانات التقويم .. شهود وشهود .. شيما : حرااام سيس .. شذى : حرااام شهووود .. لا تكسرين بخااطرنا .. قلت وأنا أوقف : والله مب شاارحه لأحد .. ابا اعرف انتو فالحصص وين باالكم .. شيما : عند خليفه .. قلت : لا بقوااات عين تقولينها .. عنااد ما بشرح لج .. وانتي ..؟؟ شذى : هممم أنا باالي عند عرس أختي حبيبتي شو بلبس ..؟؟ قلت : هي قردينيني انتي الثاانيه .. يا حبج للقردنه .. شيما : والحـــل .. قلت : سيري عند خليفه يدرسج هههه شذى : ههههه شيما : لا تفرحين وااايد وانتي منو بيدرسج ...؟؟ شذى : هي صدق .. قلت : سيري شوفي تعلم لأجل الامارات ههههه فجأأأه بااااب الصااله تبطل .. شفنا ابويه داااخل .. طالعته وابتسمت .. شييوم وشذاوي هم ابتسمو ... قلت : هلا بابا .. ابويه قااال بدون اهتمام : هلأأأ .. وين أمكم .. قلت : فـ المطبخ .. ابويه مشى بعصبيه .. خفت وقلت : شو بلاااه بابا ..؟؟ شيما رفعت جتفها : ما أدري .. شذى : أويه بنااات نحن مسوين شي غلط .. هالحزه انصدمت .. انـــــــــــا .. هي أنـــــــــا ليكون زااايد كلمه لا لا ما أعتقد .. لأأ بس زااايد هددني يعني بيسويها اللهم اجعل خير .. ياااني فضول وبنفس الوقت خوف .. رحت بسرعه صووب المطبخ أشوووف شو السالفه .. سمعت ابويه يقووول .. ................ : ما أدري شوالحل ...؟؟ خفت أكثر دخلت طالعت ابوووي .. وقلت : بابا خير صاااير شي .. ابويه طالع أماايه : بنتي هدي مب صااير الا الخير ... قلت : بابا شو صاااير قووول .. أمااايه نزلت دموعها ... طالعتهم وقلت : خير شو صااااير ارمسووو ... ابويه بطولة باال : بنتي هدي مب صااير شي .. بس ولد أختج طاااح ومتعور شوي .. قلت : سعوووود .. شو صااار بسعووود بابا ارمس .. ابويه : يوم يسبحونه تزحلق وتعور شوي .. قلت بخوف : والحين شخباااره .. ابويه : بخير ما فيييه الا كل خير .. بس أغمى عليه والحين مرقد .. قلت : بابا ودنا عنده .. ابويه : بنتي الحين العشاا .. باااجر بوديكم .. بس انتي اتصلي بشيخه رمسيها وهديها .. قلت : انشالله حليلها .. مدري شخبااارها .. أماايه تصيح وتقول : ولدي ماا فيييه شي يا بو شهااب .. ابويه : يا حرمه صلي ع النبي ما فيه الا كل خير صدقيني .. أماايه : اتصلو بشيخه ابا اتطمن ع سعود .. قلت : أماايه أنا بتصل بها .. تعاالي نرمسها .. وبعدين لاتخاافين عااادي تصير وااايد .. ويقول لج بابا سعود أوكي .. أمااايه : اتصلي بها أماايه .. قلت : ابويه فحصوووه كامل وعدل .. ابويه : هي الحمدلله ما به شي .. قلت : الحمدلله .. يلا عيل أمااايه تعاالي نرمسها .. ابويه .. : أنا بسير برقد من الظهر فالمستشفى .. منهد حيلي .. أم شهااب : من الظهر متعور ومحد مخبرني .. ابويه : قلنا لج ما به شي يا أم شهاااب .. أم شهااب : الحمدلله الحمدلله .. ابويه : وعييني الفير باااجر .. عندي شغل .. أماايه : انشالله .. اهاااا طلعت السااالفه جذي .. حليله سعودي ما يستااهل فديته .. بس عادي هذي تصير وااايد اليهاال يتزحلقون ويتعورون .. بس الحمدلله طلع ساالم ما به شي ولا صاابه شي .. قلت : يلا ماما نتصل بشواااخ نتطمن ع سعود .. امايه : وحامد عند منو حاطتنه .. قلت : لا تحااتين نوف ما بتقصر .. أمايه : فيها الخير .. قلت : باااجر الصبح انشالله بنروووح نشوووف سعود .. لفيت طالعت شيما وشذى وقلت : الصبح سمعتو .. يعني تجهزون ما تعطلونا .. شيما عبست بويهي .. : بس باااجر عندنا مدرسه .. قلت : اها ههههه عيل طافت عليكم الروحه .. أحسن عسب اروح مع ماما روحي .. شيما : امف .. مااالت .. طالعت شذى وقلت : وانتي الثااانيه بلاااج .. شذى تصيح : سعود ما صاابه شي .. ضحكت وقلت : انتي جيييه قلبج رهيف جذا .. قالو لج ما به شي .. حمدي ربج.. في ناااس يستوي بهم أكثر عن جذي ... شذى : بس أنا أحب سعووود .. قلت : أنا بعد أحبه .. بس ما صاار فيه شي الحمدلله .. أماايه : بنتي خليهن واتصلي بشيخه .. ابتسمت وقلت : هههه انشالله ماما .. حتى انتي قلبج رهيف .. ههههه × × اليوم الثاااني .... بالأحرى .. اليوم اللي عقبه .. الساااعهـ تسع ونص الصبح ... توني طلعت من الحمام وانتو بكراامه .. بديت أجفف شعري اللي مبتل ومايه ينزل ع السيراميك .. ابتسمت عن اتزحلق بعد وعقب بنستوي علتين .. أنا وسعودي ههههه .. غيرت ملااابسي واكتفيت بأني ما أحط ولا شي ع ويهي غير كريم الاطفااال ههههه .. لأنه بنسير المستشفى وحتى لو تغشيت مب حلوه اني أحط ميكب وأنا راايحه أزور مريض .. نزلت وشفت ماما يالسه وتترياني .. قلت : صباااح الخير يالوجه الصبوووح .. أماايه ابتسمت : هلا فديتج صباااح النور .. طالعت صوب وليد وقلت : اهلين حبيبي .. وليد ابتسم قلت له : جييه مب رااايح الحضانه اليوم .. وليد : ما ودوني حداااانه .. أمااايه : خفت عليه قلت بوديه وياااي اليوم وبالمره نشوووف سعود .. وليد : هي أنا بيي وياكم .. أحب شهوود ما أحب مث الحدااانه .. ابتسمت ع رمسته و قلت : ها تريقتو ..؟؟ أماايه : الحمدلله .. قلت : يلا سرينا .. أماايه : وين تو الناااس تريقي .. قلت : لا مابا .. عبال ما نركب ونروح المستشفى تصير عشر .. أمااايه : لأأأ الا تتريقين .. قلت : هههه أوكي أمري لله .. × × بمدرسه من مدااارس البنااات فالعين .. ........... : تشوفينهم راااحو الحين ومتهنين .. خلود تضحك : ههههه حرااام .. خليهم .. شذى : انزين جيييه ما ترييو للعصر اروح وياهم .. خلود : يمكن بيرخصون سعود للعصر .. وبعدين امج حليلها أكيد امسااات ما ياها رقاد من المحاتاه .. شذى : هي يلا الله كريم .. مدري متى نخلص من المدرسه ونفتك .. خلود : صدقج عسب نطلع وياهم هههه شذى : والله ما بخلي مكااان الا وأسير له .. الصبح .. عسب ابرد حرتي .. خلود : ههههه مره وحده يوميا تطلعين الصبح .. شذى : هي ههههه خلود : صح اليوم عاااد اذا رخصو سعود بتروحين بيتهم .. شذى : هي أكيييد أمسااات أنا مقطعه روحي من الصياااح ههه خلود : صدق متفيجه قالو لج مابه الا كل خير .. شذى : شهووود تقول لي أوني عاااد قلبي رهيف .. خلود : ههههه شذى : وأخيررررررررررررا ما بغو .. خلود : هههه يلا نطلع .. شذى : والله قامو يأخرون البريك للساعه عشر ونص .. خلود : أصلا هو لااازم احدعشر ماما .. شذى : اش درااني عادهـ ههههه خلود : يلا تبين شي من المقصف .. شذى : هي انتي اشتري لي .. طولانه هههه خلود : هع .. ابا أوصل طوول شهووود ترااني .. شذى : وااايد طويله أحسها ههههه خلود : بس شييوم شوي قصيره .. شذى : مب وااايد بس أقصر عن شهووود .. بس شهووود طويله وااايد .. خلود : ههههه مدري طالعه ع منو .. بس مستحيل طالعه ع أمها لأنه الفلبينيات قصاار .. شذى : تعاالي انتي ما تشوفين أخوااانج كل واااحد أطول عن الثااني .. يعني أكييد طالعه ع أهل بابا هههه خلود : ياااي .. ابا أصير شراااتها .. لأنها من فوووق الين تحت شرااات العارضات ههههه × × يدااام مستشفى توااام .. نزلنا من السياااره ومسكت يد وليد وقلت : شو ما بتنزل .. شهاب : لأأأ .. بيي الساعه اثنعش ورااكن وبنزل .. قلت : أوكي .. أم شهااب : هالله هالله فالدرب يا وليدي .. شهاب ابتسم : انشالله أماايه .. قلت : يلا أمااايه ندش .. مشينا عسب ندش .. أنا متغشيه .. فـ مسكت يد وليد عن أطيح ههه ونعم اللي مسوتنه بودي جااارد .. أول ما دخلنا .. أماايه : تعرفين كم رقم الحجره .. قلت : هي أمااايه رمست شواخ الصبح .. أمااايه : يلا عيل اسرعي ودي اشوووفه .. ما بتطمن الا يوم أشوووفه .. ابتسمت وقلت : أماايه بس ما شرينا له هديه .. خل نروووح ناخذ له شي من اهني .. أماايه : لا بنتي .. بنااخذ له يوم نروووح بيتهم .. يلا ترااني مستعيله ما فيني صبر .. ابتسمت وقلت : أوكي يلا .. هههه وليد ماسك ايدي : بنلوووح نثوووف ثعود .. طالعته وقلت : هي بنلوووح نثوووف ثعود هههه .. __DEFINE_LIKE_SHARE__ | |
| ||
| |
|
06-24-2010, 02:16 AM
| رقم المشاركة : [ 54 ] | |
| عضو جديد | الحلقه السادسه و العشرون .. كل جرح فات لي منكـ هديهـ .. وش بلاكـ ..؟؟ تخاف من رد الهدايا .. مشينا أنا وأمااايه ووليد الين وصلنا حجرة سعود ودخلنا .. ابتسمت ونزلت الغشوه وقلت : السلااام عليكم .. شيخه ابتسمت وشكلها مبين عليه التعب وقاالت : وعليكم السلام .. أماايه دخلت سلمت ع شيخه وعاااد رااحت صوووب سعود وبدت تقرا عليه .. ضحكت وقلت : ههه زين ماما اقري عليه عسب يطلع ولد صاالح .. وليد ياااه ومسك ايدي .. وابتسم .. طالعته وقلت له : شو حبيبي تبا شي .. وليد هز راااسه بمعنى لا .. قلت له : عيل شو تبا حبيبي ..؟؟ وليد : وديني فوووق عند ثعوود .. شلته وبسته وقلت : فديتك أنا .. ( يسلته ع سرير سعود ..) يلا ارمسو ويا بعض هههه سعود طالع وليد وابتسم وليد قال له بأسلوب طفولي يخبل : انته تحت .. ( طحت ) سعود تلوم .. وحط صبعه فحلجه فديته جااان أقول : هي هو ما سمع كلااام أبوووه وطاااح .. وليد ابتسم وقاال : أنا اثمع كلااام بابا .. بست سعود وقلت : فديتك ما تستاهل .. وليد : بوثيني انا بعد .. ابتسمت له وبسته وقلت : غيووور هههه .. ( طالعت شيخه وقلت ) هاا شووواخ شو قااال لج الطبيب .. شيخه : بخير الحمدلله قلت : فحصوووه عدل .. ماياااه شي لا سمح الله .. شيخه : هي الحمدلله ... طلع أوكي .. ما بلاااه شي .. بس رقدووه عسب يتأكدون .. ابتسمت وقلت : هاا عاااد متى بيرخصوون البطل .. شيخه : العصر أو المغرب انشالله .. قلت : انشالله لا تحاتين فديتج .. ما صاار الا الخير .. شيخه : الحمدلله ع كل حااال .. أمااايه بعد ما خلصت قرايه قالت : ربي يشفيه .. شيخه : آمييين أمااايه .. أماايه : عند منو حاطه حامد .. شيخه : نوف حليلها أمسااات يت البيت عندي ومسكت لي حامد .. أماايه : فيها الخير هالبنيه .. شيخه : هي والله حليلها متعنيه ويايه .. أمااايه : شيخه وينه جابر ..؟؟ شيخه : توه ظهر راااح ييب أهله .. أماايه : ربي ييسر أموره .. تريقتي بنتي .. شيخه : لأا وين ييني باارض أكل وسعود تعباان .. قلت : بس لو انتي تعبتي عياالج بيتعبون ويااج .. اكلي ع الأقل .. أمايه . صدقها أختج .. مو زين جذي .. شيخه : هاييل أكلهم مب شي استغفر الله أماايه : تبين تاكلين شي .. شيخه : لا أماايه الحين ياابر بيي وبييب وبقول له يشتري لي .. أماايه : حليله متعني .. وبعد تزيدون عليه .. هذي شهووود .. خل تروح لج .. قلت : هي تبين شي بروح بااخد لج .. شيخه : مابا اتعبج .. أمايه : شو تتعبينها أختج هذي يا بنتي قلت : صدقها ماما .. يلا قولي شو تبين .. شيخه : اي شي .. خذيلي سندويشه وعصير بسني .. أماايه : بنتي خذي لها شي يفيدها هب هذا الكوفي اللي تشربونه ع الريج .. ابتسمت وقلت : انشالله أمااايه هههه أماايه : خذي ويااج وليد .. وقفت ومسكت يد وليد وقلت : أوكي أماايه .. تبين شي .. أماايه : لا توني متريقه .. مابا حبيبتي .. قلت : يلا عيل أنا بروح بشتري .. طلعنا أنا ووليد من الحجره وتغشيت .. قلت : حبيبي عطني ايدك .. وليد مسك ايدي وقاال : نلووووح دكااان ...؟؟ قلت له : هي بس ماشي تشتر لك حلاو ما حلااو .. ضروسك بيتفلعن .. وليد : ذين .. بث اثتري لي ماي .. قلت له : أوكي فديتك .. ابتسمت .. مدري طاالع ع منوووه عياار ,, ماشالله عليه عنده اسلوب من هو يااهل هههه .. عيل يوم بيكبر البنااات بيركضن ورااه مشينا الين ما طلعنا من قسم الأطفاال ... تميت ارمس وليد الين وصلنا صوب المقصف اللي بالمستشفى ,, حسيت بأحد يطاالعني مستغرب .. ما لفيت ويهي فالبدااايه .. وأنا اتريا لما اللي يداامي يخلصون .. حسيته بعده يطااالع صوب .. لفيت ويهي بحيث انه ما يلاااحظ اني بشووفه .. أو اني أطاالع وراااي .. انصدمت .. هذا .. هـــ ........ ــــــــذا .. زاااايد .. زااايـــــــــــــد شو يااابه اهني .. بغيت ارجع فوووق .. بس شيخه بتسألني وين الأكل ..؟؟ يا ربيييه شسوي الحين مصيبه .. عن ييي عندي ويرمسني .. ويي واحد من الأهل وأبتلش وياااه أنا عااد .. حسيت انه تم يطاالع وليد .. ويعرف وليد .. بس هذا اش دراااه بوليد .. لا لا نو وي يعرف وليد .. بس يمكن يعرفه شو دراااني أنا .. هذا يعرف خالد أكيييد يعرف انه وليد خالد ... ثواني وأنا قاااعدهـ أفكر .. سمعت وااحد يقول : لو سمحتي يالأخت ...؟؟ لفيت وأنا متخرعه وأقول يااارب مب هو .. ما رديت على الرياال .. قال : لو سمحتي .. ممكن تتجدمين .. انتبهت انه المكااان خفو الناااس فيه .. ابتعدت .. وما رمست .. عسب يشتري الرياال وأشتري عقبه .. وليد : ثهوووود ليييييييييث ما اثتريتي ...؟؟ اهني حسيت روووحي صدق انفضحت .. طالعت وليد .. وما رديت عليه .. ثواني الا والريااال يخلص .. تجدمت .. وطلبت الأغراااض اللي نبيها ... وخذيتهم عن الرياال بعد ما حاسبته .. لفيت عسب نرد أنا ووليد .. وقفني صوت زاايد وما بيني وبينه الا شوية مسااافه : هـــلا شهد .. ما رديت عليه قال : طلعتي شهد هااا .. كنت شاااك الصراحه .. بس ما عرفت انج تغشيتي .. مبروووك .. مشيت عسب ابتعد عنه .. بس مسك يدي ووقفني وقاال : لييش تمي شوي برمسج .. قلت بصوووت وااطي وأنا اتكلم بحده : وخر عني أحسن لك ولا بتشوووف شي ما شفته بحيااتك .. زايد : أهلج مثلااا يعني .. اممم شو بيسووون يا ترى ..؟؟ قلت : زايد انسااني انساااني خلااااص .. ما أباااك ما تفهم ما أباااك .. زايد بحنااان : شهد شو هالرمسه أنا حبيتج .. طالعت وليد اللي يطاالع النااس اللي رااايح واللي راد وقلت : الياااهل بيسمعنا .. ودرني أحسن لك .. هذا مب مكااان للنقاااش .. زايد : ع العموم .. زين اني شفتج .. لأنج وحشتيني .. والشي الثاااني ... أماني مرت أخوي ( شدد على مرت أخوي ) ربت البااارحه وياابت بنيه سمتها شهد ... لفيت ويهي مستغربه وقلت : أمااني ربت ...؟؟ زايد : هي .. مثل ما قلت لج .. قلت : عيل أنا بروووح .. زايد : شهد ارجوووج ردي علي يوم اتصل بج .. بتصل بج المسا .. ما رديت عليه ومسكت يد وليد وابتعدنا .. وأنا مدري شو يااني .. زااايد أكيييد يجذب علي .. ما يحبني يبي يقص علي مره ثاانيه .. وليد : ثهوووود .. منو هذا اللي كلمج .. طالعته وقلت له : حبيبي هذا مااال الحساااب يسألني بكم اللعبه اللي شريتها لك .. وليد : حلوه لعبتي صح .. ابتسمت وقلت : هي وااايد حلوه .. دخلنا الحجره فريت غشوتي .. وقلت : السلام عليكم .. الكل رد السلام .. : وعليكم السلام .. انتبهت لواااحد منزل رااسه .. بسررررعه رديت تغشيت مره ثااانيه .. وااااء فشله .. وراااحت وطي البنيه .. أم جاابر : دشي بنتي دشي ماحد غريب .. دشيت وسلمت ع أم جاابر وبستها ع رااسها : اش حاالج خاالو ..؟؟ أما جابر : بخير بنيتيه ومن صوووبج ..؟؟ قلت : بخير ربي يعاافيج .. ورحت صوب نوف ويلست يمبها وقلت بهمس : دبوووه متى ييتو .. نوف وفيها الضحكه : قبل خمس دقااايق .. قلت : اها .. منصور وقف وقاال : يلا عيل أنا بستأذن .. أماايه : وين تو النااس وليدي .. منصور : وراااي شغل خالو .. أماايه : الله يوفقك .. وليد ياالس علي وقاال : عمي تااالع لعبتي حلوه صح .. منصور ابتسم : هي حلوه هههه وينه بابا .. وليد طالعني معني متغشيه .. بس قاال : ثهوود وين بااباااتي .. قفطت الصراحه .. ما رديت .. نوف قاالت : في الدوووام باباتك .. وليد : أختك تقووول في الدواام .. منصور ابتسم وقاال : يلا عيل فمان الله .. الكل رد ما عدا أنا : فمان الكريم .. أول ما طلع نزلت الغشوه .. وحطيت أكل شيخه ع الطااوله .. أماايه : وااايد تأخرتي بنيتيه .. قلت : هي أماايه زحمه .. نوف طالعتني وقاالت : عنلاااتج محلوه .. قلت : وين الله يخليج .. بس حاطه كريم أطفاال هههه نوف ابتسمت وقاالت : ها كليتيها اليوم شهوود ههه قلت : هي .. عنلاااتج جيييه ما خبرتيني ان أخوووج اللي بييبكم .. أنا ع بااالي جابر .. نوف : كالعاااده غير رااايه .. قلت : يلا صاار خير .. نوف : شو يديدج ..؟؟ قلت : ماشي .. غير اني اليوم ما بداوم هههه نوف : اجاازه من جيبج هااا .. طالعتها وقلت : ترااني طالعه عليج هههه × × الساعه خمس العصر .. قمت من النوم .. حسيت روحي بختنق .. دورت ع البخاااخ .. والحمدلله حصلته .. بخيته وبعد ما بلعت ريجي وخذيت نفس طويل حسيت روحي صرت أحسن .. جني توني مولوده .. لهالدرجه الربو زاااايد عندي هالفتره .. الله يستر .. رحت تيددت وصليت العصر .. بعد ما خلصت شفت التلفون قااعد يضوي .. استغريت .. عقب تذكرت اني حاطتنه ع الصامت .. تجدمت عن السرير ورفعت التلفون عسب اشوف من .................. انصدمت .......!! يوم شفت رقم زايد .. ما برد لو شو صااار ما برد .. زايد يبي يذبحني ولا شو ... ثواني الا وييني مسج من رقمه ... ( شهد ردي اباااج بموضوع ضروري ) .. اتصل مره ثاانيه .. مدري شاللي خلاااني ارد .. رديت عليه ... سمعت صوت زايد وهو يقول : مرحبااا الساااع .. ما قلت شي بس تأففت وقلت : خير اش تبى ..؟؟ زايد : لا يااا حلوه ما ينفع تزعلين ... قلت : تقول اش تبا ولا بسكره بويهك ترااني ... زايد : بقول يا حلوه بس اباااج تسمعيني عدل .. قلت : ارمس بسرعه أحسن لك .. زايد : أوكي .. بما انه يا حلوه منصور صدق صدق هالفتره نااوي يتقدم لج ......... قاطعته وقلت : اش درااك انته ..؟؟ ولا تييب كلام من جيبك .. زايد : يا حلوه أعتقد انه عايلتي وااحد واااحد يعرفون عيلتج .. وبعدين نحن من سكاان العين يعني لاازم يكون بينهم سلااام .. قلت : قول اش عندك انزين بلا جباايل بلا بطيخ .. زايد : لاازم تقولين هالرمسه بنت الفلبينيه تراااج .. صاارخت وقلت : والله ان ما قلت اش تبي بصكره وماني براااده .. زايد بشموخ : صكريه وشوفي شو بيستوي بج .. قلت : زاايد ودرني بحاالي دخيلك .. والله مب نااقصه .. بتييننن خلاااص .. زايد : انزين يا حلوه لا تتيننين .. بقول لج الحين .. يعني قبل لا ايي منصور ويخطبج .. وما أعتقد عندج سبب ترفضينه .. فـ قلت بتقدم لج أنا قبل .. فرحت عن خاااطر .. زاايد .. زااااااااايــــــــد بيتزوجني .. على كثر اللي سواه فيني اللي اني بسااامح ع كل غلطاته لو تزوجني .. لأنه الانساان اللي حبيته من خاااااااااطر .. بس كرااامتي فووق كل شي .. قلت : هه ومن قاال اني بوافق .. زايد بتكبر : أنا ... قلت : يالواثق انته .. زايد : هي .. لأنه بس بسيدي .. يتشتهر .. شهد أحمد الــ .................... لا وأزيدج من الشعر بيت .. بملاابس نانسي عجرم يعني مال قوووم حركااات ... نزلت دموعي .. شو هالمصيبه .. قلت : ما تروووم .. زايد : قد أعذر من أنذر يا حلوه .. قلت : زااايد انت اش تبي اش تبي فيني خبرني .. أنا كرهت حيااتي بسبتك وربي كرهت روووحي ... ( وبديت أصيح ) زايد : نتش نتش نتش .. ليتني يمبج عسب أمسح دموعج حبيبتي .. قلت : قول اش عندك .. وزواج ماني متزوجتك .. زايد : عيل خلي منصور بتزوجج وعقب يوم من زواجكم بيتحسف ع الساعه اللي فكر بها فيج .. مب اللي تزوج بها بعد .. قلت : حرااام عليك انت شو من قلب عليك .. زايد : تزوجيني وبيكون علي قلب رهيف شراتج .. قلت : زااايد بسوي لك اللي تبا بس ابعد عن دربي .. زايد : تزوجيني وبنسااا كل قلتي لي عنه وسويتيه .. وكل شي .. قلت : زايد انت ما بتتزوجني أنا أدري .. زايد : ما تصدقين .. عيل اليوم العشا الساعه تسع انزلي صاالتكم وشوفي أمي ومعاها عماتي أوكي يا حلوه .. قلت له بسخريه : لأا وييب أبوك بعد وعمامك مب أحسن .. زايد صرخ بالتلفون والصرخه هذي روعتني : يالغبيـــــــــــــه .. ابوي متوفي .. صخيت ما عرفت شو اقوول بلحظة طيش نسيت كل شي .. حتى نسيت أنا منو ... قلت بترردد : أنا آسفه .. زايد : ما علينا الحين المهم .. وافقي ولا بتشوفين شي ما شفتيه بحياااتج .. قلت : زاايد اسمح لي .. انت ما باخذك لو تنطبق السما ع الأرض زايد : عيل بنشوووف بتاخذين من .. ولعلمج اللي بتاخذينه غيري .. من ثااني يوم بيردج بيت أبوووج .. نزلت دموعي و صكرت التلفون رميت الموبااايل ع الأرض وقلت وأنا أصيح : الله يلعنك .. × × بعد مرور يومين ... شيما حاضنتني وتقول : شهووود حياتي لا تسوين بروحج جذي .. قلت وأنا أصيح : شاللي خلاااه يتقدم لي تعتقدين .. شيما : يمكن صدق يبا ياخذج .. قلت وأنا أصيح : ما أظن .. كلمني والحين بياخذني ما في انسااان عاقل بالدنيا يسويها .. شيما : شهد يمكن حس بج وعرف انج ما كنتي ترمسين غيره .. قلت : لأأ مستحيل هو بس يبي يتزوجني عسب ينتقم .. شيما مستغربه : ينتقم من شو ...؟؟ قلت : ما أدري ما أدري من شو .. شيما : انزين انتي وافقي خلااص ,, ويمكن نيته صااافيه خلاااص .. قلت : لأأأ مستحيل .. أنا أعرف زاايد أكيد يبي شي عسب جذي تقدم لي .. شيما : شهد فكري ... قلت : أنا فكرت عدل .. وزواج مب متزوجه ... انشالله لو بحياتي بعد .. شيما : شهد استغفري ربج .. رميت روحي بحضن شيما وبديت اصيح وقلت : شيما أبي أموووت خلاااص .. تعبت من كل شي .. كل شي .. حتى من حياااتي .. ما في يوم تهنيت فيه .. تعبت والله .. شيما : شهد استغفري ربج .. شو هالكلام ... وبعدين لو ما تبينه لا تاخذينه .. مسحت دموعي وقلت : هي ما بااخذه .. شو أنا غبيه ارمي روحي عليه مره ثاانيه .. شيما : انزين انتي سيري غسلي ويهج واهدي .. قلت : شيما كيف بقول لبابا أني ماباااه .. وهو ما فيه شي شين .. شيما : بابا قاال ع راااحتج .. وانتي قولي انج مب مرتااحه للسالفه .. قلت : يصير خير اليوم بليل بفكر وبشوووف .. شيما : يلا حيااتي محد بالكون يستااهل تبكينه فديتج .. يلا غسلي ويهج .. قلت : شييوم بسألج سؤال ..؟؟ شيما : هلأأأأ .. اسألي .. اللي تبين .. قلت وأنا أمسح دموعي : شيما أنا بعدني أحبه .. الواااحد مستحيل يقدر يكره اللي يحبه بيوم وليله .. بس ليييش ابي ارفضه .. شيما : والله ما أدري بس يمكن خجل .. لأنج كنتي تكلمينه قبل والحين عرفتي ان اللي سويتيه غلط .. قلت : هي جاايز .. يلا يصير خير .. × × شيخه : عطيني الكوب حبيبتي نوف .. نوف تمده لـ شيخه وتقول : هاااج .... شيخه : سمحي لي نوافي وااايد تعبتج وياااي .. نوف : لا بالعكس .. وبعدين شو هالرمسه .. حامد وسعود عيااال أخوي .. شيخه : فيج الخير فديتج .. نوف : شواااخ .. بقول لج شي بس لا تخبرين شهووود .. شيخه : هههه قولي فديتج .. بس جني أعرف اللي بتقولينه .. نوف : هههه أدري .. انزين منصووور صدق رمس ماما وقال انه يبا شهود .. شيخه ابتسمت : زين زين يعني اختي بتصير سليفتي .. نوف : انتو عايلتكم ساحرين أخواني هههه شيخه جنها تذكرت شي وقالت : نوف .. تدرين توني تذكرت في واحد متقدم لأختي من يومين .. نوف استغربت وقالت : محد خبرني .. شيخه : هي ترا بعدها شهود ما ردت عليهم .. مريوم وهي تطالع تلفزيون : انشالله ترفضه وتاااخذ منصور .. نوف : مريوووم شو هالرمسه ويا رااسج .. وبعدين ما بتاخذ غير نصيبها .. شيخه : يلا اللي بيكون زين لها تاخذه انشالله ... نوف : انشالله .. مريوووم : يارب متى تعرسين ونفتك .. نوف : لا تخافين حبيبتي بتم يالسه ع جبدج الين ما تعرسين وعقب بعرس .. مريوم تعبس بويهها : امـــــــــف .. من قال لج تذكريني بعمور الياااهل ... شيخه تضحك وتقول : عاده انتي الكبيره ماشالله عليج .. × × فليل الساعه تسع ونص ... بااب الحجره اندق ... قلت : تفضل .. دخل أبوي وهو مبتسم وقال : هلا شهووود .. انصدمت وقلت بخاااطري يااارب ما يسألني .. رديت له الابتسامه وقلت : هلا ابويه .. ابويه : عسا مب رااقده بس وخربت عليج رقاادج .. قلت : لأأ ابويه وااعيه .. ابويه ابتسم وقال : ها فكرتي بالموضوع اللي رمستج فيه .. تأتأت ما عرفت شـ أقول .. بس قلت : لا ابويه بعدني .. ابويه ابتسم وقال : بنتي اذا ما تبينه عاادي قولي وأنا برمس الرياال .. ما أدري كيف طلعت مني كلمة : لأأ ابويه تريا شوي بفكر .. ابويه ابتسم وقاال : خذي راحتج بنتي واعرفي اني ما بجبرج ع شي انتي ما تبينه .. قلت : مشكووور ابويه .. ابوي : يلا عيل بنتي أنا بروح برقد تبين شي .. قلت : لأأأ سلامتك الغاالي .. ابويه ابتسم وقال : تصبحين ع خير .. قلت : وانت من أهله .. × × كالعااده يمعة شبااااب يدااام احدى المحلااات الشبااابيه في مدينة العين .. خليفه يطاالع عمر ويقوول : قدها .. عمر بتأكيد : قدها وقدود .. شهاب : أنا برع اللعبه مابا .. خليفه يضحك : ههههه ما هقيتها منك يا ولد طلعت ردي هااا .. عمر : ههههه خله خله بعده يااهل .. شهاب : هي عااده انتو الكباار .. سيارتي يديده .. وهب نااقص يستوي بها شي .. خليفه : يااريااال ما بيستوي بها شي صدقني .. شهاب : تريو بعد ما تكمل شهر بنترااايس هههه عمر : خلااص عيل ... خلوف أنا وانت .. خليفه : يلا عيل .. شهاب : ابوووي الدنيا ليل مب نااقصين مشااكل نحن .. خليفه : الشاارع فااضي ما فيه أحد .. شهاب : بس الدوريااات عيونهم كل مكاان ماشالله .. ما يخلون قطوه تمشي هههه عمر : تدري صدقه شهااب .. وبعدين هذا مكان عاام لو ففريج ولا شي قلنا هي .. شهاب : صاحي انت فالفرجاان يهال .. يدورون .. عمر : خلوف شو ياينه ولد عمك مستوي لي شريف مكه اليوم .. خليفه يضحك وبقول : دلووع باابا ما تعرفه ههههه ................: منو دلوع بابا .. يا دلوع خليفه يلف ويضحك ويقول : هلااااااا بو وليد .. خالد يتخااشم ... : اش حاالكم .. الكل : بخير .. خليفه : غريبه يالأخو .. يااااي صوبنا اليوم .. خالد : اش درااني عاده منصور يبااا يلعب بلياارد .. خليفه يضحك ويقول : هذا ربيعك فيه عرج صدقني .. شهاب : طالعو مو جنه الاف جي هاااي مالت زاايد .. خالد .: اول مره ييي ع الموعد هههه شهاب : من زماان عنه .. عمر : ما تعرفه عااد هذا كله فـ دبي .. ما يطب العين الا كل شهر .. خالد : يقولون حمداان أخوه صاار ابو .. زاايد من بعيد يرفع ايده ويي صوبهم ..... عمر : هي منصور خبرني .. قبل يومين شافه فالمستشفى يوم سعود مرقد .. يااه زايد وبعد ما سلم .. قال : وينه منصور .. خالد : يااي فالدرب .. خليفه : عيل أنا وربعي بنشرد هههه خالد : زين تسووون .. هذا مب مكاان يهال .. شهااب : هاهاها ... خلوف عرفت من الحين صدق يهاال .. خليفه : اقول شهاابوه اسكت عنيه لادوسك بالسياره .. زايد : انتو بعدكم يهاال ما بتودرون العبط ماالكم .. عمر : هههه للأسف ... نحن كلما نكبر يزداد العبط عندنا .. زايد : يقولون يوم الواحد يكبر يعقل .. بس انتو العكس هههه خالد : اوووهو علينا وينه هذا منصووور عمر : عنلاااته واايد تأخر .. خالد : اقوول انتو الثلاااث فارجو ولا روحو مكاان ثاني أحسن لكم .. عمر : سؤاال انزين .. زااايد حسن ما بيرد من السعوديه ..؟؟ زايد : والله شكله لأأ .. بس أكيد بيرجع يوم من الأيااام .. خالد : هي من بعد ما توفى سلطاان الله يرحمه ... الشبااب قالو انه حسن ساافر .. شهاب : يقولون كانو وااايد ويا بعض .. زايد : هي وااايد ... خالد : هكووو قطونا وصل .. منصور : قطوكم هاا .. عيل خلااص برد البيت أحسن لي .. خالد : تعاال تعااال يا رياال نتمصخر ههههههه × × الساعه هنتين ونص بليل .. بعد ما صكرت اللاب حطيت راااسي عسب ارقد ... سمعت التلفون وهو يرن ... طالعت رقم زاايد .. ياربي متى نااوي يتركني بحاالي هالانسااان .. ما رديت فالبدااايه .. رن ورن .. حقرته .. ييت برقد .. مره ثاالثه يمكن رن .. سلمت أمري .. وقلت برد يلا .. قلت : السلام عليكم .. زايد : وعليكم السلام هلا وغلا .. قلت : خير اش تبا .. زايد : بس حبيت أتطمن على خطيبتي .. قلت : خطيبتك في الأحلاام فااهم .. زايد : له له له ... زعلتيني حيااتي .. قلت : زااايد قول اش تبي ..؟؟ زايد : حبيت أقوول لج واايد طولتي مب رااايم أستحمل بعااادج .. قلت : زاايد ما بواافق .. وباجر بيوصلك ردي سمعتني .. زايد : اااام شي راااجع لج .. لأنها حيااتج .. قلت : عيل خلااص انسااني واتركني بحاالي .. زايد : بهالسهوووله تبيني أنساااج .. قلت : هي انساااني خلاااص نحن ما ننفع لبعض .. زايد : بس أنا أقووول انه ننفع لبعض .. قلت : زااايد لو سمحت ابعد عني أحسن لك .. زاايد : هذا أخر قراااار لج .. يعني بترفضييني .. قلت : هي.. وباجر بيوصلك الرد من أبوووي .. زايد : أوكي بيبي أز يو لااايك ... بس حطي فبااالج اني بنساااج بس لااا يمكن أطلع من حياااتج ,.. قلت : شو انت ما تفهم .. قلت لك ابعد عن دربي .. وللمره المليون ابعد خلاااص مابيك .. زايد : يعني تبين منصوور هااا ...؟؟ قلت : لا انت ولا منصووور ولا غيره .. زايد بجديه قاال : مزحت وياااج واايد .. بس بقول لج اذا رفضتي انتي بتتحملين نتيجة أفعاالج ولا تلوميني اذا صاار شي فالمستقبل يالمحترمه ... بااااااااااي .. قلت : يعني تهددني ...؟؟؟ ترييت رده ماشي رد .. صكررررره .. أوووووووووف مالت عليه من انسااان .. أبد ما يحس ما عنده مشااعر .. انت مو زاايد اللي اعرفه .. زايد انسان ثااني زايد انسان حنون .. وفي قلبه رحمه هذا مب زاايد ... الله يسااامحك ياازايد ... لييش تغيرت فجأأه .. لو انك مب متغير جااان وافقت .. بس وااايد تغيرت .. جلبت لي حيااتي ... حراام عليك .. رد مثل أول وأنا بعد برد مثل أول وأكثر بعد .. أنا كل جرح فااات لي منك ياا زاايد هديه ع قلبي وربي هديه ع قلبي .. لأني حبيتك بكل ما فيني .. ليييش الحين يوم ابي ارد لك اياااه .. خايف لييش يعني تهديني جرووح عادي وأنا يوم ابي أهديك تحرمني وتهددني .. × × الساعه سبع الصبح .. .............. : بتتداومين اليوم ... قلت : هي .. لييش ..؟؟ شيوم : بس أقووول صااار لج يومين مب مداااومه .. مب زين الغياااب .. قلت : طاااعو من ينصح .. شيما : ههه يعني مب عايبتنج هااا ... قلت : لا بلا عايبتني هههه وتااارسه عيني بعد ... شذى : شهووود اليوم ما بتروحين مكاان ..؟؟ قلت : لأأأ جيه حبيبتي ,, شذى : بس أقووول يعني اذا طلعتي تطلعينا ويااج هههه قلت : حرااام عليكم انتو توكم طالعين يوم الجمعه العصر وأنا كنت محبوووسه فالبيت بين أربع طوف .. شيما : محد قااال لج تمي فالبيت وبعدين تعاالي ماما انتي توج قبل يومين طاالعه .. قلت : وين يالظالمه .. وبعد تتبلين علي هاا .. شذى : ما أدري عيل من اللي راااح المستشفى قبل يومين .. قلت : الحين رووحه مستشفى تحسدوني عليها .. شيما : تعتبر طلعه بس .. قلت : حسد حسد أعوووذ بالله .. شيما ضحكت وقاالت : تعاالو وين بابا وشهااب ... قلت : رقووود .. شيما : جيييه ما وراااهم شغل اليوم .. قلت : اظن لأأ .. شذى : مستانسه ماما .. اليوم ما ورااها توعي وتنااافخ .. قلت : هي ههههه شهاابوه يباله سااعه لما ينش من الرقاااد .. شيما : الله يعين حرمته .. قلت : جييه أمس بليل السااعه جم ياااه .. شيما : ثلاااث الفير .. قلت : والخيبه ... وبعدين تعاالي انتي اش دراااج .. شيما : نشيت لأني يعت يا أختي .. قلت : علي هالرمسه هاااه ... يعني سهرااانه أمس .. شيما : جييه السهر حرااام .. قلت : بس ورااج درااسه يا ماما .. شيما : عادي لاااه مافيها شي .. قلت : انتي بتتحملين نتيجة افعااالج .. شذى : شهوود السااعه كم بتسيرين الجامعه .. قلت : الضحى يمكن جيييه ..؟؟ شذى : قلت اذا تروحين الحين بنروووح ويااج بالسيااره .. قلت : تبوني اروح من الحين عسب انظف الجاامعه هههه شذى تضحك : ههه صدقج .. شيمووه يلا بتصير سبع ونص والبااص بيي مب نااقصين ينااازع .. شيما تشل الجنطه : هي يلا .. لبست أوقاااية الصلاه : أنا بوقف وياكن بس فالحوي هاا .. شيما : أوكي .. عيل نحن بعد بنوقف فالحوي خخخخ قلت ونحن طالعين : جييه يهزبكن رااعي الباااص .. شذى : يقووول لا تتاخرون ولا بروح عنكن وبودركن .. قلت : وعليه لساان بعد ماشالله .. أنا أحيد على أياامي رااعي البااص يخااف عنيه ههه شذى : ههههه جيه .. قلت : يوميا أهزبه الله يخليج .. شيما : في يوم تأخرنا وقاال من بااجر اذا تأخرتو بودركن وبروح .. جان الأخت تحرج .. وتقول انت هاااي شغلتك تترياني يعني تترياني ومدري شووو ... وأنا سااكنه فبناايه والمصعد أترياااه لما يفتح وينزل .. كلته أقول لج .. شذى : قويه هههه .. ما قاال شي .. شيما : وين يقوول وأختي المصووون كانت زعيمة العصاابااات فالمدرسه هههه قلت : أوني عااد .. الله يرحم اياام المدرسه بس زين افتكينا هههه شذى : أوووويـــه البااص يااه .. يلا شييوم الحق ما تلحق .. ضحكت وقلت : يلا بسرررعه عن يهزبكن بس ... لفيت عسب أرووح صوب البيت وأدش .. شفت خليفه توه قااعد يحرك سيااارته ابتسمت وياا راااسه زين اليوم تأخر ولا كنت بااكله مع شييوم .. مسوين لي عصاافير الحب هالثنين .. خليفه يااي بسياارته نزل الجامه ابتسم وقاال : صبااح الخير .. قلت له : صبااح النور .. خليفه : كيف الحاال ..؟؟ قلت : بخير ... ومن صوبك ..؟؟ خليفه : ماشي الحاال .. قلت : اشوووفك نشيط اليوم .. ها شو السالفه ..؟؟ خليفه وهو فيه رقااااد : وين نشيط الله يخليج .. فيني رقااد وابو الرقاااد بس الشاايب الله يهديه ملزم أدااوم اليوم .. قلت : ههه تستاهل .. جيييه الساعه جم رااقد .. خليفه : ثلاااث الفير .. قلت : والخيبه ... أمس كل العااايله رااقده ثلاااث شو السالفه خليفه يضحك : هههه متفقين ترانا أقول لج .. قلت : هههه عنلااتك .. خليفه : دشي دااخل ويا هالراااس .. باااب الحوي مبطل وطالعه لي بأوقاايه .. قلت : عادي شو فيها .. خليفه : دشي لادوسج بالسياااره .. قلت : هههه ويا رااسك انزين بدش .. بس نو ويــه تدوسني بالسيااره .. خليفه : جييه انشالله ...؟؟ أسويها وأنا خليفه .. قلت : احلم عاده ابوي يعطيك شيما ههههه خليفه : ههه ويا هالراااس .... دشي يلاا .. أنا بروح .. قلت : هالله هالله فالدرب شكلك رااقد هههه خليف وهو يرفع الجامه : يلا مع السلامه .. سويت له باي ابتسمت وتجدمت من الصاله وأنا يااالسه أَضحك ع سوالفه .. واااي انسااان مرح يا حظ شييوم فيه الصراحه .. × × ............. : يلا أخوي ... حبيبي انت اليوم اباااك توصلني .. منصور يشرب من العصير ويطاالع الأوراااق اللي يدامه ويقول : منااك يلا منااك .. ماشي .. نوف : دخيلك اليوم بس انت وصلني ... حرااام ... منصور : انزين جاابر بيوديج وبعدين جامعتج بطريجه جيييه تبين تتعبيني يعني .. نوف : الحين يوم اني ابا ارتز ويااا أخوي أأتعبك .. منصور : جييه يعني جابر هب أخوج .. نوف : بس جاابر متزوووج .. عاااد .. منصور : شو الفرق انزين .. نوف : يعني البنااات ما بيرمسن عنه .. أما انت لأأأ .. بيتفدونك بعد .. منصور : ماشالله وجيييه تبينهن يعرفن انه عندج أخو اسمه منصور .. نوف : عسب جييه أكوون شخصيه .. منصور : اللهم سكنهم مسااكنهم ... أنا قلت مريوووم جذا طلعتي انتي بعد ... نوف : مب لهالدرجه عاااد .. يلا دخيلك .. منصور : نوفوووه حلي عن سمااي .. خليني اركز بشغلي .. نوف : أووف انزين شكرااا على لا شي .. منصور يضحك : عفوا أختي الخبله ... نوف تبتسم : حسن الفااظك .. منصور : سيري سوي لي نسكاافيه .. ملينا من هالعصير .. نوف : من عيوني بس توصلني .. منصور يضحك : لاأأ .. نوف : عيل ماشي نسكاافيه .. منصور : غصباا عنج تسوين سمعتي .. نوف : انت تدري اني ما أرد لك طلب عسب جذي بسوي .. منصور : عفيه ع الأخت اللي تسمع كلاام أخوها ... نوف : هي قص عليه انته قص .. نوف راايحه صوب المطبخ .. منصور ابتسم و قاال : ترااني بوصلج اليوم بس .. ههههه نوف ابتسمت وقاالت : فديت أخوي الشااطر أنا هههه × × دخلت الجااامعه وأنا متوتره .. وخاايفه .. مدري اللي سويته اليوم الصبح صح ولا غلط ... مدري رااايي صح ولا غلط ..... ياربيييه لييش تسرعت واليوم رديت على ابوي ... أبوووي أكييد بيعطيه خبر .. أحس روحي تسرعت وبظيع حيااتي جذي .. هذي فرصه يت يداامي وظيعتها بس أنا دووم جذي .. متسرررررعه ومتهوره .. __DEFINE_LIKE_SHARE__ | |
| ||
| |
|
06-24-2010, 02:17 AM
| رقم المشاركة : [ 55 ] | |
| عضو جديد | الحلقه السابعه و العشرون .. ما بقالي قلب يشفع لك خطيه .... ذوبته جروح صدّك والخطايا صاحبي بالله لا تعتب عليه .... العتب ما عاد تاسعه الحنايا دخلت الكلاااس ... بدون ما أسلم وطول الوقت ياالسه أفكر لييييييش لييييييييش سويت جذي لييش وافقت على زااايد .. زااايد طول عمره بيذلني لييش اني كلمته .. لو اني مااخذه منصور ولا خااالد أحسن .. لأأأ بس منصور وخااالد لو درو بيذلوني ع الساااعه اللي عرفوني فيها .. بس زااايد بعد بيذلني طول عمري لأني كلمته ... أنا لييش واافقت عليه .. جذي بثبت له اني ضعيفه .. ومب قد الكلااام ... يعني عشااان تهديده واافقت .. بس هو صدق يمكن كاان بيخبر اللي بتزوجه عن كل شي وكاان بيعطيه دلااايل بعد .. والله اني بين ناارين .. مدري حيااتي صاارت كلها جحيم .. أأأهـ ياربي سااعدني والله ما اقدر ... تعبت .. زااايد والله اني ما اروووم أشفع لك اي شي سويته لي .. قمت أتذكر كل شي .. كل جرح فااات لي منك ... دخيلك لا تعتب علي تعبت منك ومن صدك اللي كنت أشوووفه بس الحب كاان عاميني .. × × ................ : بس أنا ما أقدر .. جابر : يا شيخه هذا شغلي وغصب عني ... شيخه : بس أنا مابي أودر العين .. جابر : وبعدين ما بنروووح أخر الدينا الا هي بوظبي .. شيخه : جااابر نحن ما عندنا أحد هناااك ... وبعدين هلنا كلهم أهني .. جابر : بس هذا شغلي يا شيخه وبعدين انشالله ربج يسهل علينا .. شيخه : والله ما أدري شقول لك .. جابر : توكلي ع ربج .. وأنا برمس الأهل ومستحيل يرفضون لأنه هذي حياتنا وأعتقد انه أنا المسؤول عنج وعن عيالي .. شيخه : من هالنااحيه أكيييد .. بس بعد فرااقهم صعب .. جابر : شيخه فكري .. مردهم كلهم بيفترقون وبيلتهون بحياااتهم ... شيخه : هي صح ... جابر : يلا عيل .. نتوكل على الله .. شيخه : متى بنرووح ..؟؟ جابر : جهزي روووحج انشالله الأسبوع اليااي شيخه : على خير انشالله .. جابر يمسك يد شيخه ويقول : زعلااانه حياتي .. شيخه ترفع رااسها وتطالعه وتقول : لأأأ .. وبعدين المكان اللي انت فيه يريحني .. المهم انت ويااي .. جابر يبتسم ويقول : فديت حرمتيه الشااطره أنا ههههه شيخه تضحك وتقول : جااااااابر .. جابر : صح شو بغيت أقول لج .. زين ذكرتيني .. شيخه مستغربه : شوووه ..؟؟ جابر : خلااص يعني شهد هب من نصيب منصور .. زاايد بياخذها .. شيخه هزت راسها : هي وبعدين الزواااج نصيب محد يخصه .. جابر : يلا ربي يسعدها .. بس أحسها بعدها صغيره ... شيخه : وين حراام عليك .. مدري عمرها واحد وعشرين وبعدها صغيره .. جابر : ههه هي أوقاات أحسها يااهل .. شيخه : انت سولف ويااها وشوووف .. والله تقول أكبر عني أنا بعد .. جابر : يلا الله يوفقها ويسعدها .. شيخه : آميييين .. × × الساعه خمس العصر .. قمت من النوم وأنا كلي ع بعضي كسل .. ودي أرقد أكثر وأكثر .. تجلبت ع الفراااش وأنا كسلااانه .. الين ما شفت السااعه صاارت خمس وخمس دقاايق .. تخرعت ومشيت .. عسب أصلي .. لأنه راااح وقت وااايد .. تيددت وصليت عسب لا تطوفني صلاااة العصر .. بعد ما خلصت .. مالي باارض أحضر لأي شي .. وبعدين بااجر ما بداااوم لأنه الخميس .. بنزل تحت بااكل لي لقمه لأني من الصبح وأنا ع النسكاافيه اللي شربته .. نزلت وشفت شييوم قاعده تذااكر ويالسه ع الأرض وحالتها حاله .. قلت : مساااء الخير .. شييوم وهي تطالع أورااقها : مسااا الخير .. قلت : وين الأهل ..؟؟؟ شيما : ما أدري ... قلت : انزين وين شذااوي .. شيما : بحجرتها .. والحين لو انج خلصتي اسئله فارجي ولا تسألني لأنه عليه امتحاان .. قلت : عندج حجرتج سيري ذاكري فيها .. لأنه أنا بطالع تلفزيون .. شيوم وقفت وهي تتأفف : أنزين أووف ما يخلون الواحد يركز بعد .. بعد ما صعدت شييوم ضحكت : ههههه صدق والله خبله .. سمعت صوت وااحد : عسااها دوم هالضحكه .. طالعت وراااي وأنا متخرعه .. قلت : حشا خرعتني .. شهاب يضحك ويقول : مبروووك مبروووك ع الخطوبه .. تلومت وقلت : الله يبااارك في حيااتك .. شهاب تجدم وقاال : شهووود تستحي .. ابتسمت وقلت : شو ع باالك ما فيني حيا يعني .. شهاب : لا بس أقووول بعد .. ابتسمت له وقاال .. : تعااالي اقعدي ويااي برمس وياااج .. خفت في البداايه قلت ليكون يدري عن ساالفتنا ؟؟ لأأأأ بس ما أظن .. لأنه مبين عليه راايق .. قلت : انشالله .. شهااب يلس ويلست يمب الكنفه اللي هو ياالس عليها .. قال : ايلسي شرااات العالم والنااس .. ابتسمت وقعدت .. قلت : انشالله ههههه شهاب : هي جيييه زين .. ابتسمت وقلت : ارمس .. قول شو تبا ..؟؟ شهاب ابتسم وقاال : اصبري انزين .. ابتسمت وقلت : أوووكي ههه بس ترا صبري بينفذ اذا ما قلت لي .. شهاب ابتسم وقاال : أنزين خلاااص بقول لج ههههه قلت : هي أباااك جذا ههه شهاب : شهووود الحين أنا أخوووج وما عندج أخ غيري .. يعني أكيييد يوم تبين شي تيين عندي .. قلت : هي صح .. شهاب : انزين عشاان جذي ابا أقول لج انتي مقتنعه صدق بزااايد ولا استحيتي من الوالد وما رديتيه .. قلت باستغراب : ممكن أعرف شو سبب سؤالك ..؟؟ هل شفت ع الولد شي .. لا سمح الله .. شهاب : لأأأ .. بس انتي صدق الحين مقتنعه فيه .. هزيت راااسي وقلت : هي .. بس اذا انت مو مرتاااح له عادي اقول اني ماباااه .. شهاب : لا بالعكس زااايد رياااال .. وما ينرد .. بس أنا سألتج .. قلت يمكن انتي انجبرتي ولا شي .. يعني أنا اللي مو زينه وانت الزين يااازااايد .. شكلهم ما عرفو انك لعبت على بنتهم .. ابتسمت وقلت : أنا راااضيه بقراري ياخوي .. شهاب ابتسم ومط خدودي وقاال : يلا عسا ربي يوفقج .. قلت : آمييين .. شهاب ابتسم : بييول وبرزف وبرتبش فعرسج صدقيني .. استحيت وقلت له : يلا عقبااالك .. شهاب : شهود .. تدرين انه أنا خااطري بوحده .. هههه قلت : قوول من وأنا بخطب لك اياها ... هههه شهاب : المشكله صغيررررررره وااايد .. قلت : حتى ولو المهم انك تااخذها هههه شهاب : أول خليني أكمل درااستي وأشتغل وأكون نفسي عقب بتزوج .. قلت : ما يباله بابا موفر لنا كل شي .. شهاب : بس بعد لاازم أشتغل وأخلص درااسه بعد .. ووو حاااله الله يخليج .. ابتسمت وقلت : زين من هي سعيدة الحظ .. شهاب ابتسم وقاال : سر .. قلت : أماانه أنا أختك يلا خبرني .. شهاب : ماشي .. يلا مناااك .. طالعته وقلت : حرااام يلا أخووووي شهاب ابتسم وقاال : انزين بخبرج ياللحوحه .. ابتسمت وقلت : عفيه ع أخوي الشااطر .. يلا خبرني .. شهاب بهمس : خلود الخبله بنت عمج .. فتحت ثمي تفاااجئت .. قااال خلوووود خلووود .. يعني يحب خلود .. لا لا بس نحن ما عندنا حب .. يعني يبا خلود شريكه لحياته .. ياربي يا شهااب لو تدري ان خلود تموووت فيك .. ابتسمت وقلت : بتكون محظوظه لو خذت أخوي هههه شهاب قال : بس هذي هبله .. كلما تكبر تشفر .. أخاااف ترفض قلت : يووووه .. تفكر فالمستقبل انت .. ما عليك انشالله يوم تكبر خلود بتوافق .. وبعدين أنا أظمن لك انها بتوافق .. شهاب مستغرب : ليييش ...؟؟ قلت : لأانك ولد عمها وبعدين أولى من الغريب .. شهاب هز رااسه وقال : يلا يصير خير فالسنوات اليايه .. قلت : مب بااجي شي .. كلها كم سنه وبتكبر .. شهاب : ههههه أقووول غيري السالفه لأني ما أحب هالطاااري .. ابتسمت وقلت : انزين انزين .. هههه × × الساعه ثمان حزة العشااا .. شيما : يلا ع العموم مبروووك .. لا تشيلين هم ولاشي وتوكلي ع ربج .. هزيت رااسي وقلت : صدقج .. الله كريم .. شييوم : وبعدين شهوود افرحي يمكن زااايد نيته من البداايه زينه بس شكوكج خلتج تسوين جذي وتفكرين بهالطريقه .. قلت : ما أعتقد .. شيما : شهود مو زين تظنين به السوووء .. قلت : صدقج .. شيما : شو قاال ابوي عنه .. قلت : ماشي .. بس قلت له اني موافقه ومن ذيج الحزه ما شفت ابوووي .. شيما : والعرس شو قالو عنه .. قلت : تو النااس شييوم شو عرسه بعد .. شيما : ما أدري لييش أحس زااايد مستعيل .. نزلت دمعه وقلت : شييوم أنا غصب عني واافقت .. شيما : ياربي شهد .. شو هذا .. وبعدين لييش غصب .. قلت : تراا زاايد يهددني .. شيما : يهددج بس ما بيسوي شي صدقيني ولو ما تبينه رفضيه قولي لبابا غيرتي راايج .. قلت : من بعد ما عطيناهم كلمه .. شيما : هي عاادي تصير وااايد .. قلت : مأ أروووم يا شيما ما أروووم .. شيما : تبيني أكلمه روحي .. قلت : لأأأ خلاااص أنا رضيت الحين .. شيما : عيل لييش الهليله هاااي كلما .. وبعدين قلت لج زاايد يمكن نيته صاافيه .. قلت : والله ما أدري كيف بعيش حياااتي مع زااايد .. شيما : انشالله بسعاده شهود .. قلت : انشالله .. شيما : تدرين .. أتخيلج عرووس .. ابتسمت بحزن وقلت : أنا بعد كنت أتخيل .. بس الحين حتى الخيااال انحرمت منه .. شميا : شهووود انتي ليييش جذي تعقدين الأمور .. قلت : ما أعقدها بس لو ان زاايد متقدم لي في ظروف أحسن يمكن الحين تحصليني ادور فستااان العرس .. شيما : وانشالله يكون أحسن منما كااان قبل .. قلت : أميين الله يسمع منج .. شيما : يلا تعاالي نتعشا .. قلت : مابي تعشو روحكم .. شيما : الا تيين شهود وبعدين بابا اليوم اهني يلا عشاان خاطري .. ابتسمت وقلت : بصلي وبيي .. شيما : يلا عيل في انتظاارج .. قلت : لا تتريوني تعشو وأنا بيي .. لأني بطول .. شيما مستغربه : جيييه شو بتسوين ..؟؟ قلت : ترااني بصلي .. شيما ابتسمت وقاالت : يلا ربي يثبتج أكثر .. قلت : أمييين .. × × ................ : هي وافقت .. منصور : مبروووك عيل .. خالد طالع منصور وابتسم وقاال : شكله مالنا نصيب .. منصور : كل واااحد يااخذ نصيبه ياخوي .. خالد : يلا ربي يوفق زااايد .. منصور : أميين .. خالد : اشوووفه الريااال مستانس أمسااات .. منصور : شكله عسب جذي تم فالعين المره هااي اسبوع .. خالد : هي السالفه جذي .. منصور : من درا واافقت البنيه طااار دبي هههه خالد : يا ريااال هذا لو يطلع من دبي يمووت .. تقول جنه يسجنونه .. منصور ابتسم وقاال : خله يارياااال يتسكع أحسن له قبل لا يعرس .. خالد ابتسم وقاال : وليد اليوم يسألني بابا وينه عمي كبييير .. منصور ابتسم وقاال : حلوه هااي عمي كبيييير هههههههه خالد : هههه قصده ضخم .. منصور يطاالع روحه ويقول : والله ان عندي ليااااقه هههه خالد : هي هي ماشالله ههه قاص ع روحك انت .. منصور : شسوي يااارياال .. الله خلقني طووويل هههه .. خالد : حرمتك انت بتطلع قزمه يمبك لو شو ما تسوي .. حتى لو أطول وحده فالعالم .. منصور ابتسم وقاال : حظها عااد بتااخذ شيخ الشباااب .. خالد : قاااص ع روحك هههه منصور ابتسم وقاال : خلود عن المصخره لاطلعك من سياارتي الحين ههههههههه.. × × .............. : الحمدلله شبعت .. بو شهااب : ماشي تقومين يلا كلي .. ابتسمت وقلت : باباتيه شبعت .. بو شهااب : لو قمتي بزعل منج ترااا .. ابتسمت وقلت : انشالله ههه خلاااص بااكل .. بو شهااب : هي كلي عدل وراااج فستااان ما فستاان .. كليت اللقمه بس حسيتها ثجيله ع قلبي .. واقفه عاالقه فالمريء .. يعني بالفعل عرسي الكل قااام يقول عرسي وعرسي .. ماشي طااري غيره .. شكلهم يبون يزيدووون مواجعي .. شيما ابتسمت وقاالت : بابا هاا عاااد متى قلتو العرس .. ابويه طالعني وقاال : غريبه أختج ما سألت .. نزلت رااسي من الحيا وطالعت الأكل .. وما رديت .. شيوم قاالت : بابا أنا مديرة أعمالها هههه أم شهااب : يا بو شهااب .. البنيه تستحي طاالع شقاايل تلومت حليلها .. وانت وأختها مب مقصرين فيها ههههه ابويه ابتسم وقاال : والله ما ندري متى العرس .. بعده ما حدد .. أمه بتي عندنا وخواته .. أم شهااب : انشالله .. بس متى ...؟؟ ابويه : بيرمسني قبل .. بس قاال خل تمر أيااام .. لأنه مرت أخوووه توها مربيه .. أم شهااب : هي أمااني ربيعة شهد حليلها .. ابويه : بس انتو خلكم جااهزين ,,, ما نبا نعطل الجمااعه .. أم شهااب : انشالله .. شيما : بابا انزين هذا اللي اسمه زااايد بيعيش شهووود وين ..؟؟ ما أدري لييش عجبني سؤال شييوم .. .. ابويه قااال : المكاان اللي يباااه هو ريلها وبرااايه .. ولا شوو راايج يا شهد ..؟؟ رفعت رااسي ما عرفت شقول بس قلت : صح أبويه .. وقفت وقلت : اكرمكم الله .. أم شهااب : هني وعاافيه ينتي .. ابتسمت وقلت : ماما باااجر وعيني الساعه عشر اذا ما نشيت أوكي .. أم شهااب : انشالله بنتي .. × × بعد ما خلصت تحضير حطيت راااسي ع الوساده .. بديت أفكر .. هل كل اللي قاااعده أمر فيه صدق ولا حلم .. بس كل شي قاااعد يصير جدام عيني يعني صدق .. آآآهـ الواحد يتمنى يصير له شي بس أوقااات يوم يتحقق هالشي يحس روحه مهموم .. سمعت تلفوني يرن .. غمضت عيني بألم .. أكيييد هذ زااايد وبيتشمت فيني .. طالعت التلفون بدون نفس .. ماشي اسم ,, رديت بدون نفس : آلـــو ..... .............. : السلام عليكم يالقااااطعه .. استغربت .. وقلت : وعليكم السلام .. ............... : ها العرووس اش حالج ..؟؟ قلت وأنا مستغربه : بخير .. منو وياااي ..؟؟ ............... : افا افا .. الأيااام نستج ربيعتج يالخاااينه .. ابتسمت وقلت : حياااااااااتي آمووووووووون .. أماني ضحكت وقالت بسخريه : هي حيااااتج أمووون ( نازعتني ) حياااتج ومناااك ناستني انتي هااا .. لا تمسجين ولا تتصلين .. ابتسمت وقلت : سمحي لي عاد .. تدرين مريت بظروف صعبه .. أماني : مسموووووحه .. مبروووك ع الخطوبه .. ابتسمت وقلت : الله يبارك في حياااتج .. أماني : تراااني يبت بنوته وسميتها شهد .. ابتسمت وقلت : مبرووووك .. بس تعاالي مب جنج ربيتي مبجر .. أماني : لااا لاا أول ما دشيت التاااسع ربيت .. ابتسمت وقلت : يلاا مبروووك .. عاده شهووود الصغيره يت .. أماني : أنا وحمدااان نتضاارب ع الاسم هههه آخر شي سميناها ع الاسم اللي اختاره عمها أحم أحم ههههه استغربت زااايد اختاار الاسم .. انزين شو يخصه .. قلت : زين .. بس بغاار منها خذت اسمي .. أماني ضحكت وقالت : هههه فديتج أنا .. لا لا انتي أختي وهي بنتي ... قلت : ها .. تشبه منو ...؟؟ أماني : أكييد تشبهني أنا .. ضحكت وقلت : عاااد حلوه أكيييد .. أماني : تعاالي ذااااك اليوم انتي سحرتي أخو ريلي .. استغربت وقلت : متى ..؟؟ أماني : مدري عنج .. اسألي روحج .. استغربت وقلت : جد متى ..؟؟ أماني : يقول شاااافج ويباااج .. هزيت رااسي وقلت : أهااا .... ههه والله ان مالي خص بالسالفه .. أماني : هههه ما علينا انزين .. وبعد شخباارج ..؟؟ قلت : ماشي يديد .. غير الدراااسه مستويه تعب أحس .. أماني : الله يعينج ويوفقج .. قلت : آمييين .. أماني : يلا عيل حبيبتي بس حبيت أتطمن عليج وابارك لج .. قلت : فيج الخير والله تسلمين .. أماني : ربي يسلمج .. يلا عيل تامريني بحاايه .. قلت : سلامتج .. سلمي .. أماني ضحكت : ههه السلام يوصل بس أسلم ع منو هههه..؟؟ ضحكت وقلت : خلاااص لا تسلمين ههههه أماني : اليوم حمدان كااان في بيتكم مدري فالمعرض .. هو اللي مرمس أبوووج .. ابتسمت وقلت : تراااه أخووه العود .. أماني : أمه وخواته بييون لكم خلااال هالاسبوع انشالله .. قلت : انشالله .. وانتي بعد لازم تيين .. أماني : انشالله ... يلا عيل مع السلامه قبل لا تنش شهووود .. ابتسمت وقلت : مع السلامه .. × × اليوم الثااني الصبح الساعه عشر ونص .. تجهزت وخلصت عسب أنزل .. أتريق وعقب بروووح الجامعه .. سمعت الفون يرن .. شفت رقم زااايد .. ياااربي اش يبا هذا متصل .. موافقه ووافقت عليه اش يبي بعد .. ماني براااده .. بس كسر خااطري مدري ليييش بعدني أحبه .. رديت وقلت : السلام عليكم .. زايد : وعليكم السلام .. صباااح الخير .. رديت عليه وقلت : صبااح النور .. خير اش تبي ..؟؟ زايد : فـ حياتي ما شفت وحده ترمس خطيبها جذي .. قلت : زااايد موافقه ووافقت عليك .. شو تبا بعد .. اتركني بحاالي دخيلك .. زايد : انزين بس بسووولف .. قلت : عشاان أطيح من عينك أكثر وأكثر .. صح .. زايد : شهد بلاااج ...؟؟ قلت : ماشي .. يلا مع السلامه .. بروح الجامعه .. زايد : انزين تريي .. ترا هلي بييون لكم هالأسبوع والملجه يمكن بعد اسبوع أو اسبوعين .. انصدمت ما رديت عليه بس قلت : بتأخر ع الجامعه .. زايد : أوكي .. الرب لج حاافظ .. قلت : مع السلامه .. زااايد يقول الملجه جريبه ؟؟ يعني عااادي يرمسني عقب .. بس هو هـ الأيااام يرمسني باستحقاار جني وحده طاايحه من عينه .. بس من حقه أنا اللي غلطت ورمسته من البدااايه .. أوقااات أحس روحي غلطت يوم رمسته .. بس أكبر غلطه أحس روحي سويتها اني واافقت عليه يوم تقدم لي .. ليييييييش ياربي سويت جذي .. ح كنت خاايفه منه .. بس هالشي ما يجبرني اني أواافق عليه .. × × في احدى مدااارس البنااات في العين .. شيما : مـــــــــس اهيه استفزتني .. مس منى بعصبيه : بس هالشي ما يخليج تمدين ايدج ع البنيه .. شيما : هي استفزتني وبعدين أنا ما أحب حد يرمس عليه .. مس منى : تعاااالي رمسني انزين هب لااازم تتكفخون .. عقب وحده يصير بها شي أهلكم ييون يقطون كل شي ع رااسنا .. شيما صدت الصور الثاااني وقالت : مااصاار بها شي .. بس عطيتها اسطااار يأدبها .. عسب لا ترمس ع النااس .. مس منى بعصبيه : وتعترفين بعد .. شيما : لأني ما سويت شي غلط .. مس منى صبرها نفذ طالعت البنيه وقالت : وانتي شووو قااايله عنها .. البنيه : ولاشي .. مس منى : عيل ليييش كل هالمظااهرات اللي مسوينها وميمعين المدرسه .. البنيه : هي مدت ايدها علي وأنا بااخذ حقي .. مس منى : لااا كملت وانتي بعد تبين تكفخينها .. شيما رفعت راسها وقالت : هه ... اتخسين ... البنيه : مس طالعي هذي اللي اسلوبها جذي .. شيما : مس أقووووول لج سبت أهلي .. والله العظيم .. مس منى : اطلعي انتي وياااها برع وعقب ربع سااعه دخلن .. شيما تتأفف : انزين انزين .. ( وطلعت ) مس منى بصوت عااالي : دشي انتي وياااها خلاااص .. دخلت شيما وهي تتأفف بتفس الحاله وقالت : خير .. مس منى : تعاالي انتي وياااها وقعي تعهد .. ما نبا السالفه توصل لحد .. شيما : الله واااحد مب موقعه .. مس منى : شيما احترمي اللي أكبر عنج وتعاالي وقعي تعهد ما تعيدينها .. شيما تأشر ع البنيه : أول خلي هاااي توقع .. انها ما تسب النااس .. مس منى : استغفر الله العلي العظيم .. بعد ما وقعت البنيه .. مس منى : يلا روحي لصفج وما هالسوالف تنعاااد سمعتي ... البنيه : انشالله ... مس منى طالعت شيما وااقفه وقالت : تعاالي وقعي .. شيما : مابا .. جيييه غصب ..؟؟ مس منى : شيما تعاالي وقعي أحسن لج .. شيما : قلت لج لأأأأ .. ما بوقع .. مس منى : يعني جذي ...؟؟ شيما : هي .. شو بتسووون ..؟؟ .. أنا ما غلطت .. خذيت حقي .. مس منى : اسأألج انتي ما ربوووج .. ولا ما عندج احترااام .. شيما : هي ما ربوووني تصدقين .. وتعرفين هالبنيه شو قاالت .. قاالت ان أمي فلبينيه كاافره ما ربتنا .. مس منى بطلت عيونها .. وقالت : جيييه انتي أمج فلبينيه ..؟؟ شيما ضحكت بسخريه وقاالت : عن تخبرين حد بس .. مس منى طاالعت شيما باستغراااب وقالت : شو قاالت لج البنيه .. شيما : رمست على أهلي .. مس منى : انزين .. وانتي جييه ما ييتي رمستي بدااال ما تكفخينها .. شيما : شو درااني .. الحين انتي يوم حد ييي يرمس ع أهلج ترضين .. مس منى : خلاااص أنا بصك ع السالفه بس لا تعيدينها واذا اي أحد رمس تعاالي خبريني مب تكفخينه .. شيما ابتسمت وقالت بمزح : لاالمره الياايه بدفنه يدااام المدرسه ههه مس منى ابتسمت وقاالت : أقوول فاارجي أحسن لج .. لأنج من ييتي المدرسه وراافعه ضغطي .. شيما ابتسمت وطلعت شااافت البنيه وااقفه مع ربيعاتها ابتسمت بانتصاار وراااحت صوووب كلاسها .. × × قاااعده أحضر لباااجر .. تعبت كلماله ضغط الدراسه يزيد عليه .. اوووف ياربي تعبت متى أخلص وأفتك .. توني الا ثاني سنه .. بعدني يديده هممم متى أخلص وأفتك لأني بالفعل ملييييييييت .. طالعت شييوم وقلت : شو عليج امتحااان باااجر ...؟؟ شيما : لأأأ جيييييه .. قلت : بلااج ماده البوز عاااد .. شيما : اليوم تضاااربت مع وحده .. بطلت عيوني وقلت وأنا متخرعه : هاااااااااا ..........؟؟ شيما : هي صدق .. شسوي لها استفزتني وعصبت عاد .. قلت : انزين شو قاالت لج عسب تعصبين .. شيما : رمست علي اني بنت فلبينيه ومدري شو .. وابونا اصلا ما يبانا .. عاد أنا سكتت فالبداايهـ .. بس يوم زودتها وبدت تعلي صوتها تعاندني .. تجدمت عنها وعطيتها ذاااك الكف اللي يأدب .. بطلت عيوني وقلت : عطيتيها كف ......!! شيما بدون اهتمام : هي عطيتها كف .. قلت : أنا اللي الكل كان يزيغ عني يوم أمشي فالمدرسه ما عطيت أحد كف .. شيما : بس انتي محد كان يرمس عليج صح ولا غلط .. وأنا هذي رمست على أهلي مب علي أنا .. قلت : جان ترمسيني أنا كنت بتصرف .. شيما : صار وخلاااص .. قلت : والمدرسه شو سوو وياااج .. شيما : الوكيله زختني هع .. قلت : وشو سوت .. كتبتج تعهد ولا فصل كم يوم .. شيما : ياريت لو فصل كنت برتاااح كم يوم .. قلت : عنلاااتج هههه رمسي شو سوت .. شيما : خلتني أوقع تعهد بس أنا ما وقعت تضااربت وياها .. قلت : عنلاااتج من وين هالقلب عليج .. شيما : ههه صلي ع النبي .. قلت : اللهم صلي وسلم على سيدنا محمد .. قولي اش صاار .. شيما : اسمها مس منى .. يزقرونها جذا .. فالبداايه عصبت علي بس يوم قلت لها السالفه ابتسمت وقاالت اني من دخلت هالمدرسه وأنا مغايضتها هههه .. قلت : بشو يعني ..؟؟ شيما : من يوم أنا داااشه والبنااات كلما يقولن شي للأبلوات وأنا أداافع عن الأبلواات هه مستويه شاااطره أختج .. قلت : أوووه أوووه شو هالتغير شييوم .. شيما رفعت رااسها للسما : حبيب القلب عطاني نصااايح .. قلت : مالت عليييج وعليه .. شيما طالعتني بنظره : تبيني افلعج الحينه هاا .. قلت : أمي مب نااقصه أنا .. اليوم تضاربتي مع الوكيله .. عاد أنا شو بتسوين ويايه .. شيما : هههه زين عرفتي روووحج .. قلت : دبوووه وحده .. شيما : حوووووووه لا ترمسين عني .. ترااني بفلعج .. قلت : حاولي وبنشوووف .. شيوم : لأأ مب نااقصه وراااج عرس بعد .. ههه مب نااقصه يقولون فالعرس أختها ضاربتنها .. شو ها كلهم يقولون عرس وعرس .. قلت : زين عرفتي روووحج .. شييوم : هاااه يت الدبه .. طالعت صوب ما تطالع شييوم شفت خلود وقلت : حيااااج .. خلود ابتسمت ويايّه معاها كتااب : الله يحييج ... وانتي دبوووه فعينج .. ابتسمت وقلت : اسكتي عنها مسويه مشكله فالمدرسه عن تفلعنا .. خلود : هي وصلت لي الأخباار ههههه شيما : شفتو أنا سوبر سيستر .. هههه خلود بنص عين : حبيب القلب سلم عليج .. شيما : الله يسلمه هههه قلت : حشا شو ماشي مستحى .. خلود ابتسمت وبانت غمازاتها ماال اليهاال وقالت بنص عين : وترااا قاال قولي لشيما السالفه وصلتني وتراااني أعرف دواااج .. شيما بطلت عيونها .. : ومنو خبره بلا ... ضحكت وقلت : هههه تستاهلين .. هع .. شيما : سكتي انتي .. هذا شو دراااه .. خلود : وأنا شو دراااني ... قلت وأنا اتراااقص : ناوي لك على نيه بس انته اصبر شويه ... ناوي لك على نيه بس انته اصبر شويه .. خلود : اهااا .. اهااا .. عاااشو عااااااااااشــــــــــــــو .. شيما طالعتنا بطرف عينها وقالت : والله ان ما سكتتن بعطيكن كف .. قلت : تعاالي عطيني بشوووف كيف .. شيما : امــــــــــــف > < منكن .. بسير حجرتيه أحسن لي .. خلود : هههه تريي خلوف يهزبج أوكي .. شيما : على شو انشالله .. خلود : ع طولة اللسان هههه شيما : هه .. ما أقووول الا مالت عليكن .. بعد ما صعدت شييوم ضحكت وقلت : منو خبر خلوووف ...؟؟ خلود : أنا بس لا تخبرينها هههه قلت : جيييه خبرتيه انزين .. خلود : تستاهل .. وبعدين انتي ما تعرفين بنااات مدرستنا .. والله لو يبون يسوون شي يسوونه .. خل تشتكي بس تبتعد عن الضرابه قلت : هممم والله ما أدري .. خلود ابتسمت وقاالت : مبروووك ع الخطوبه .. ابتسمت وقلت : الله يبارك في حياااتج .. عقبااالج .. خلود تلومت وقاالت : وين تو الناااس .. قلت : المعرس جااهز ترا بس العروس خل تجهز هههه خلود : عن المصااخه شهووود .. تعاالي انتي متى بييون هل ريلج .. قلت : مره وحده هل ريلي .. أول خلي الخطوبه تكون رسميه .. خلود ابتسمت وقاالت : ترااني برقص فعرسج هههه قلت : وأنا بعد برقص ههههه خلود : عييييييييييب .. قلت : هههه لا هب عيب وبعد برقص ع لحن هندي هااااااادي .. هب اجنبي هههه .. خلود : صدق خرفت البنيه .. ضحكت وقلت : وأبا الكوشه والقااعه استاايل أجنبي هههه خلود : القااعه والكوشه برااايج بس انج ترقصين .. هذا اذا ريلج ما قص رقبتج هههه ضحكت وقلت : مب ع كيفه .. خلود : عاااد زين خالد ما خذاااج هههه حسيت السالفه صاارت عاديه لأنه بالفعل لااازم أنا وخالد نرضى بالأمر الواقع .. فقلت : ههههه شفتي كيف .. خلود : تدرين شهود تمنيتج لأخوي بس هذا نصيب .. قلت : هي صدق .. وبعدين هالأشيااا ما نزعل عليها لااازم نرضى بالأمر الواقع .. خلود : هههه تعاالي أنا وانتي ندور عروووس لخالد .. قلت : بيوافق انه يتزوج .. خلود : اممم حسب البنيه بس ساعديني .. قلت : من عنوني يا أحلى بنت عم فالدنيا .. خلود طالعتني بنص عين : ليييش عندج بنت عم غيري .. طالعتها ضحكت وقلت : للأسف لأأ بس عما قريب بيكون عندي .. خلود مستغربه : منو بعد ...؟؟ قلت لها وأنا أَضحك : شكلج ناااسيه انه عندنا عم اسمه سيف .. خلود ضحكت وقالت : هيييييييه ههههههه والله نسيت تصدقين .. قلت : أفاا في أحد ينسى سيفاااني .. ............. : سيفاااني بعينج .. لفيت طالعته وضحكت وقلت : هلا والله هلا تو ما نور البيت .. عمي : منو سيفااني ..؟؟؟ قلت وأنا أطاالع السقف وبدلع : واااحد مزيون معذب قلوب العذارى عمي تجدم ضحك وقاال : ها اش حااالج دبوووه ..؟؟ قلت وأنا أضحك : بخير وعااافيه .. انت اش حاالك واش حاال حرمتك ..؟؟ وينكم ضاايعين ما تنشااافون .. عمي سيف : بخير دورينا بتحصلينا ههه .. خوخه .. بطيخه اش حاالج ..؟؟ خلود : ههه بخير عمي سيف وخنجر ههههه ضحكت وقلت : ها ها ها ي ....... حلوه هااااي ... خوخه بطيخه وسيف وخنجر هع .. عمي سيف : ضحكه بليا ضروووس .. قولي آمين قلت وأنا أضحك : أنا شهود العسل هههه عمي سيف ضحك وقااال : مصدقه روحها عروووس تتخقق علينا .. تذكرت اني عروووس .. هذيل شو ما يخلوني أنسا كل شوي يذكروني .. حشا مب خطوبه .. قلت : هي مصدقه شـ بلاني يعني .. عمي ابتسم وقاال : شهووود العصعوصه بتتزوج والله ما أصدق .. تلومت وما طالعته اكتفيت بأني أقوول : كل هالمتن وتقول عصعوصه .. ما حسيت الا وعمي يمسكني من حنكي ويقول : وين متينه وهالعظاام مبينه .. ابتسمت وقلت : عمي ودرني عورتني تراااك .. عمي تركني وقاال : امتني ترااا هالفستاان اللي بتلبسينه بتطيحين ويااه من ثجله .. ابتسمت وقلت : هههه عشان عيونك بمتن .. عمي ابتسم وقاال : كل ها حقي أنا يعني ههههه قلت : هي شو ع بااالك وبعدين كم سواف نحن عندنا .. عمي ضحك : صخي أحسن لج .. ههههه ولا بييج بوكس يأدبج .. ضحكت وقلت : حراام عليك عرووس وبتكسرني .. عمي : شو فيها هااي ..؟؟ طالعت خلود ميته من الضحك وقلت : ما عليك منها خبله هااي .. عمي وين حرمتك .. جييييه ما يبتها وياااك .. عمي : هذي كله رااقده مدري شو ياها من احملت ترقد .. ابتسمت وقلت : هي يقولون في واايد حوامل جذا .. عمي : هي الدكتوره قالت لي .. وينهم الجماااعه ..؟؟ ابتسمت وقلت : خير .. في شي .. عمي : لأأ بس أبي أخبر أبووج انه حمدااان أخو زااايد قاال انه أهله بييون لكم بااجر .. حسيت قلبي طاااااااااح فبطني .. وقلت وأنا متفاجأه : هااااااااه ..؟؟ ما توقعت أبد ان أهل زاايد بييون .. ولا تخيلت .. كنت ادري انهم بييون بس ما فكرت كيف بتكون يلستنا ولا كيف بسولف وياهم .. أحس روحي .. بعدني مب مستوعبه سالفة جيتهم لنا .. __DEFINE_LIKE_SHARE__ | |
| ||
| |
|
| مواقع النشر (المفضلة) |
« روايةةِ " و من يلوُم ألقلبّ أنَ حبگ و ذآبْ " للكاتبه :: » ھہُدنيّ حبْيبيَ . .
|
يضويني طيفه في خيالي.. واسري مع الاشواق مطعون »
| أدوات الموضوع | |
| انواع عرض الموضوع | |
العرض العادي
| |
الساعة الآن 11:48 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227