இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 7

{,.בرايّـر.,» · 07-12-2008, 07:48 PM

تسلم يا الظاهري على المرور الطيب منك

وانا واايد فراحنة ان اتابع قصتي

يالله وينكم يا اعضاء ابا اشووف ردودكم

.

. __DEFINE_LIKE_SHARE__

الظاهري · 07-12-2008, 09:52 PM

العفوو الغااليه __DEFINE_LIKE_SHARE__

رحلت عن بلادي · 07-13-2008, 10:32 AM

هاااااي سيلاانيه وانتحر ..
بصراااحه البااارت طرر ..
وانا قررت اني اكمل القصه وياااج ..
متى ى ى بتنزليين الباارت الياااي ؟؟
والسمووحه منج الغلاا ..
لاااا تزعليين عليي .. __DEFINE_LIKE_SHARE__

{,.בرايّـر.,» · 07-13-2008, 04:10 PM

أحمد: شت
حصة وهي ترتجف من الزيغة: أ..أ حمد؟
ويصد أحمد بعد ما سمع صوت حصة المخملي اللي خلاه يذوب: عيونه..قلبه..رووووحه
حصة وهي منزلة راسها مستحية: خير شو تبى بسرعة؟؟
أحمد ويسوي عمره معصب : شو أبى.. ياي أطر منج شو؟
حصة: أحمد والله زايغة.. أخاف حد يشوفنا
أحمد : ويعني.. ولا انتي نسيتي أني بصير ريلج
حصة وماتت من قالها ريلج ونزلت راسها..
أحمد: فديت اللي يستحون والله..
حصة وبدلع: أحمممممممممممد ، يلا عاد اتكلم جد
أحمد: هذي يزاتي إني متوله عليج وأبي أشوفج..
حصة: حتى أنا يا عمري .. بس أنت ادرى بالظروف
أحمد: هب شغلي المهم أنا كنت بقولج إني بخطبج رسمي.. شو رايج؟
انصدمت حصة من رمسة أحمد .. هي تحبه ومستعدة تضحي على شانه بس هي هب مستعدة للزواج الحينة.. تبي تكمل دراستها بالأول..: أحمد أنت من صدقك؟
أحمد: لا عيل اتمصخر وياج...بصراحة أنا ما أقدر اصبر زيادة..وابيج حليلتي بأسرع وقت
حصة وخانتها العبرة: أحمد.. شو يعني بأسرع وقت..هذا هب اتفاقنا..
أحمد وشكله بدى يفقد أعصابه: لا والله..ومتى إن شاء الله ناوية؟
حصة وهي مصدومة من طريقة كلام أحمد معاها: لا لا ما أصدق أنك أنت أحمد اللي يحبني ويعزني لاااا ما أصدق
أحمد وحس أنه مصخها شوي، وبنبرة رقيقة: حصوه.. حبيبتي أنا ما بسوي جذه الا لأني أحبج وأموت فيج.. وبعدين شفيها إذا عرسنا الحينه ودراستج بتكمليها وما بتغير شي
حصة وهي تبتعد عنه: قلت لك لأ يعني لأ..وإذا أنت ملزم عالزواج.. ترى بنات الحلال وايد .. ومشت عنه..
أحمد شكله فول من طريقة كلامها معاه وبدى يعلي صوته عسب تسمعه قبل لا تبتعد: بالطقاااااااااق ومثل ما قلتي بنات الحلال وايد وأنا هب ملزوم فيج..
على الرغم من أن حصة ابتعدت شوي بس صراخ أحمد كان يرن في أذونها

ووايد حز في خاطرها رمسته: معقولة هذا الكلام يطلع منك يا أحمد وأنا اللي كنت متخيلتنك سندي في الدنيا..
دشت حصة الصالة ودموعها على خدها شلال وعلى طول سارت حجرة سارة وعقت عمرها على السرير..
سارة اللي كانت في الحمام.. من سمعت صياح حصة زاغت وعلى طول سارت وقعدت يمها..
سارة: حصوه حبيبتي بلاج، شو السالفة، شو قالج أحمد؟
حصة: ما أحبه..ما أحبه.. أكرهه
انصدمت سارة من رمسة حصة أول مرة تقول أنها تكره أحمد: شووووووووو؟
حصة: آخ يا سارة بس لو تسمعين شو قالي؟
سارة: شو قالج؟؟؟؟؟
حصة: أونه بنات الحلال وايد وهو هب فايج يصبر الين ما أخلص دراستي.. أكرهه..أكرهه
سارة: معقولة أحمدوه يقول جذه.. لا لا ما اصدق يمكن يبي يختبرج بس.. لا لا ما أصدق
حصة: يتمصخر؟؟ أقولج كان بياكلني وهو قاعد يصارخ علي.. أنت بس لو شفتيه..

سارة وهي مصدومة: معقولة يطلع كل هذا من أحمد.. بس ما علي يا حصوه أنا باخذ لج حقج منه.. وظهرت من حجرتها حتى من غير ما تسمع رد حصة . ..
سارة وهي تدق باب حجرة أحمد: أحمد؟؟؟ فج الباب أبي أرمسك
أحمد وهو ما له نفس يرمس بعد السالفة اللي صارت قبل شوي: أفففففففف ساروه مالي خلقج ما ابي أفتح الباب.. أبي ارقد تعبان
سارة: أحمد صدقني ما بتحرك قبل لا تفج الباب..وقعدت تدق بقو على الباب
أحمد وهو مفول من حركات سارة.. وما قدر يتحمل أكثر وسار فج الباب بقو: نعم خيييير؟
سارة وهي ماتت من الزيغة بعد ما شافت منظر اخوها ..كان الشرار يبان من عيونه .. لا شكلها السالفة صج..
سارة وهي مرتبكة.. ضاع منها كل الكلام اللي كانت بتقوله... شكلها حتى لو سألتها عن اسمها في هاي اللحظة عادي تقول سعيدة بدال سارة من الخرعة..خخخخخخخخخ
.

.

شو تتوقعون يسوي احمد بسارة؟؟

وهل تعتقدون ان حصة و احمد بيرجعون لبعض ولا لا؟؟

وهل احمد كان ادق في الكلام الي قاله حق حصة؟؟

شو رايكم في البارت؟؟

رحلت عن بلادي انا ما زعلت منج..و انا فرحانة انج اتابعين قصتي
.

. __DEFINE_LIKE_SHARE__

{,.בرايّـر.,» · 07-13-2008, 04:12 PM

صح ان البارت قصيربس سامحوني لاني ظروفي ما سمحتلي

و ان شالله البارت الياي بنزل بعد يومين او ثلات ايام

ان شالله ما اطول عليكم

.

.

سيلانية و انتحر __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM