இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 66

غلآآآآآهـ · 09-22-2008, 10:32 PM

أيـــــــــن البــــــــــآآآآآآرتــــ ؟؟؟؟؟؟؟

__DEFINE_LIKE_SHARE__

فروشة الملاك · 09-22-2008, 10:37 PM

البــــــــــآآآآآآرتــــ ؟؟؟؟؟؟؟

__DEFINE_LIKE_SHARE__

{,.בرايّـر.,» · 09-23-2008, 01:14 AM

اوووف اوووف كيف معصبين علي

حراام تراني اغمض والله

ثواني و البارت عندكم __DEFINE_LIKE_SHARE__

{,.בرايّـر.,» · 09-23-2008, 01:25 AM

.............................................
... في بيت الخالة ظبية...
ظبية وسارة قاعدات في الحديقة يسولفن..
سارة: ههههههههه معقولة؟
ظبية: اصبري ما كملت لج السالفة
كانت ظبية تخبر سارة عن سوالف حارب يوم أنه كان صغير... وسارة وايد كانت مندمجة ... ما تدري ليش يهمها تعرف عنه؟؟؟
ظبية: في مرة كان حارب ويا أخوج سهيل وحامد ولد خالته.. كان عمرهم 6 سنوات تقريبا.. على ما أعتقد.. وهذيج الأيام كانت في عز الشتا.. يعني الواحد ما يروم يظهر من بيته أبد.. المهم أقولج كانوا كل يوم يتواعدون ويسيرون رحلة أونهم.. وهذاك اليوم كنا محذرينهم أنهم ما يظهرون..عسب كانوا متوقعين أنها تمطر وغزير بعد... عاد منو اللي يسمع الرمسة.. في البداية نحن كنا نتحرى أنهم في الحجرة قاعدين يلعبون.. وأنا اللي مثل حد نبهني وسرت أطالع في الغرفة وطلع شكي في مكانه.. على طول زقرت أمج " أم سهيل" اللي كانت عندي في البيت هذاك اليوم.. وسرنا ندور عليهم.. ما خلينا بقعة.. وبعد ما درى أبو سهيل وأبو علي قعدوا يدورون عليهم وخبروا الشرطة بعد.. وفعلا مثل ما قالوا.. مطرت الدنيا ما شاء الله.. اسميه كان صبيب.. وهذا اللي زاد من خوفنا على هالصبيان..المهم ألين الساعة 12 فليل تقريبا.. تجمعوا أهل الفريج كلهم في بيت أبو سهيل.. وأم سهيل وأم حامد حالتهن حالة.. أما أنا للحين كنت برع قاعدة أوني عند باب الحوش وعندي أمل أنهم يظهرون في أي لحظة.. __DEFINE_LIKE_SHARE__

{,.בرايّـر.,» · 09-23-2008, 01:27 AM

وفجأة.. سمعنا أبو علي يصارخ: حــــــــــروب؟
سارة وهي مترقبة: من وين ظهر؟؟؟
ظبية وهي تبتسم: فديته.. ياحليلهن كانوا راقدين فوق السطح..كان هناك مخبأهم السري.. عبارة عن خيمة صغيرة.. الظاهر كانوا راقدين فيها وبعد ما تخرست بالمطر حسوا فيها وتوهم ناشين
سارة وهي تضحك: هههههه ياحليلكم والله..وأنتوا ما خليتوا مكان الا ودورتوهم فيه.. وآخر شي ظهروا فوق السطح
ظبية: هههههههه أقولج أبو سهيل ما خلاهم غسل شراعهم.. ونبههم مرة ثانية ما يظهرون فوق السطح الا بعد ما يعلمونا..
قعدت سارة تضحك وهي تحاول تتخيل منظر حارب كيف كان...هههههههههههههههههه
شوي ويطب عليهم حارب...
سارة اللي ما انتبهت له وهي قاعدة تضحك..
حارب وهو يمشي من وراها: عسى دوم الضحك يا ربي
تيبست سارة أول ما سمعت صوته وعلى طول عدلت يلستها..
حارب وهو يبوس ظبية على راسها وعيونه على سارة..
ظبية: تحب الكعبة إن شاء الله
حارب: وياج إن شاء الله

ظبية: أنا الحمد الله حجيت مرتين.. الدور لك انت وسارة تحجون ويا بعض يا رب
حارب وهو يبتسم: ها سارة شو رايج؟
سارة اللي ما كانت وياهم كانت سرحانة بالورد اللي من حولها..
حارب وهو يحرك ايده جدام ويه سارة اللي توه تنتبه...
سارة: ها.. باك؟
حارب: انتي اللي بلاج؟ بشو سرحانة؟ لو أنا هب موجود بنقول تفكرين فيه.. بس أنا كاني جدامج
انحرجت سارة ع الآخر... شلون يقول هالرمسة ولا جدام الخالة ظبية بعد.. بس اطرت أنها تبتسم..
ظبية: وااااأبوي عليك أنته.. ما تيوز
حارب ابتسم بمكر وهو يطالع سارة..
أفففف هذا بلاه عليه اليوم.. ؟؟؟؟؟؟؟؟؟والله أن نظراته أرف.. يتحرى إني من سالفة البارحة كنت قاصدة... الله يخسك ويخس هالنظرات.. والله لو أقدر جان جلعتهم لك..
وقفت سارة: أنا بسير بتمشى صوب المزرعة شوي؟
ظبية: زين تسوين يما.. وصدت صوب حارب: يما قم سير وياها.. ترى سارة أول مرة تسير المزرعة.. أخاف تضيع
آخر شي كانت سارة تتوقعه أن حارب ايي وياها وهي اللي كانت قاصدة تسوي هالحركة عسب تتهرب منه
عاد حارب ما صدق على طول وقف..
حارب وهو يجرب من سارة ويهمس بصوت يكاد ينسمع بحيث ما تسمعه ظبية: والله أنا مشغول حتى ما ودي أسير بس عسب خاطر أمايا بسير وياج
سارة: لا والله.. خلاص عيل ما ابي أسير... خلها مرة ثانية
حارب طنشها وصد صوب ظبية: عن اذنج أمايا
ظبية: الله يحفظكم.. دير بالك يما.. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM