இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 58

{,.בرايّـر.,» · 09-17-2008, 04:28 AM

ترددت سارة.. أرد والا ما أرد..؟؟؟؟؟؟؟
امممممممم
لأ
خلني أرد عليه أحسن عسب ما يتحرى اني زايغة منه..
سارة ومن غير نفس: نعم؟
حارب فول من طريقة ردها بس حس أن الوقت هب مناسب.
حارب: اظهروا بسرعة أنا برع
وسكر عنها..
سارة: ياحليله.. يتحراني بسمع كلامه وبظهر
وتصد صوب ظبية...
سارة: خالوه.. حارب برع
ظبية: ما علي يما الحين بظهر
ساعدتها سارة عسب تمشي.. ووصلتها عند الباب.. وماكانت لابسة الوقاية عسب يعرف حارب أنها هب يايه..
أول ما ظهرت ظبية انتبه حارب حق سارة وعرف أنها هب يايه..
على طول نزل من السيارة وسكر الباب بقو...
تجدم صوب ظبية وساعدها عسب تركب.. وقبل لا تدخل سارة البيت..
زقرها حارب: ســــــــارة...
صدت سارة صوبه وقلبها يدق حست أن الشرار بيظهر من عيونه..
حارب تجرب منها : سيري البسي عباتج
سارة: بس أنا قلت لك اني بقعد شوي

حارب: بس أنا هب راضي.. شو يعني ما تفهمين الرمسة عدل
سارة: وشفيها يعني إذا قعدت.. وبعدين ليش مكبر السالفة..
قاطعها حارب: اسمعي الكلام.. وسيري بسرعة
سارة: أصلا انت ما لك حق عليه
في هاللحظة وأول ما نطقت سارة بهالرمسة حارب كان برفع ايده عليها بس يود عمره...
حارب ومسك ايدها بقو: حسابج بعدين.. والحين بسرعة تراني هب فاضي لج
ما قدرت سارة أنها ترمس.. وحست أن المكان هب مناسب عسب ترد عليه
على طول دخلت داخل ولبست العباة وظهرت.. وهي مارة الصالة ..
سارة وتحاول تخلي شكلها كـول: أوكي بنات.. بخليكم الحينة... حارب برع
عليا: وين وين.. بعدنا ما سولفنا
سارة: والله ما ودي .. بس مثل ما تعرفون خالوه بترد وما يصير أخليها بروحها..
وعقب ما سلمت عليهم..
لحقتها حصة..
حصة: سارة..
سارة: هلأ
حصة: ادري انج هب راضية تردين.. بس ما علي تحملي.. بعدين هذا ريلج وله حق انج تسمعين كلامه
سارة: أففف خلاص والله مليت لين متى يعني وأنا بتحمل.. أففففففف.. تصدقين كل يوم يزيد كرهه في قلبي
حصة زاغت من رمسة سارة: استغفر الله.. أقول توكلي.. أشك انج صاحية.. __DEFINE_LIKE_SHARE__

{,.בرايّـر.,» · 09-17-2008, 04:30 AM

.. في السيارة ..
سارة راكبة ورى على أساس ظبية جدام..
وسارة طول الطريج تحس أن حارب يطالعها.. رفعت عيونها وتمنت أنها ما رفعتها..

حصلت حارب يطالعا بكل قهر والشرار يظهر من عيونه
.. أونه معصب.. بالطقــــاق.. يتحراني زايغة منه..
أول ما وصلوا الفيلا..
ربعت سارة صوب جناحهم على طول..
فصخت العباة ومسحت المكياج اللي كانت حاطته..
وشوي تسمع صوب باب الحجرة ينفتح بقو..
دخل حارب وسار صوب سارة.. وقعد يطالعها بنظرات ما عرفت سارة تفسرها..
سارة كانت منزلة راسها.. هب رايمة ترفعه ما تعرف ليش..؟؟
حارب: يعني... ما لي حق عليج ها؟؟؟؟
سارة وللحين منزلة راسها ما عندها رد
مسكها حارب بقو ورفع راسها وحط عينه في عينها..
حارب: يوم ارمسج جابليني
سارة وما رامت تتحمل تحس أن ايده قويه شوي وبكسر راسها
سارة وعيونها امتزرت دموع: وخر ايدك عني..
لأول مرة تحس سارة أنها زايغة من حارب..
مـــــــــــــــــــــــــــــــــــــــــــــــــ ـوت
حارب: بس هذا اللي شاطرة فيه.. صياح وبس..
سارة ودموعها على خدها: انت شتبي مني؟ ودك تعذبني وبس هذا اللي تبيه صح.. انزين ليش؟ أنا شو ذنبي؟ حرام عليك والله حرام
حارب: وإنتي اللي تسوينه مو حرام يعني؟
سارة وهي تصارخ: يا أخي افهم ما أحبك ما أطيــــــــــــــــــــــــــقك.. غصب شو؟؟
حارب وبنبرة أحد من نبرة سارة وبصوت عالي: يعني أنا اللي ميت عليج.. والله إني لليوم ألعن الساعة اللي تزوجتج فيها
سارة: خلاص انزين هب مجبور تتحملني.. طلقني
حارب وبنبرة استهزاء: أطلقج؟ لا حبيبتي لا .. هب أنتي اللي تملين عليه شو اللي لازم أسويه.. المهم.. تراني للحين ما صفيت حسابي معاج..
سارة: أي حساب؟
حارب ويقرب منها ويحط عينه في عينها: اسمعيني عدل ترى الرمسة اللي قلتيها اليوم بعديها هالمرة.. بس والله ثم الله لو سمعتج تعيدينها ما تلومين الا نفسج
وظهر بعد ما سكر الباب بكل قوته حتى أن سارة حطت ايدها على أذونها من زود قوة الصكة..
وقعدت سارة تصيح بحرقة وألم

آآآآآآآآآآآآآآآآآآآآآآآآآآآآآآآآآآه يا دنيــــــــا
آه يا دنيا ما أحلى الحب وما أمره..
آه يا دنيا عذابـــــــــي وغرامـــي..
آه يا دنيا ليـــــــش أنــــــــا بالذات؟؟؟؟
ليش أنا بالذات؟؟؟؟؟؟؟؟؟؟؟؟.
.............................................

كـــــــــــــــــــــــــــــأأأأأت __DEFINE_LIKE_SHARE__

شماخي · 09-17-2008, 02:58 PM

يسلموووو اختي على البارت

نتريا البارت اليديد.. لاتبطين علينا
__DEFINE_LIKE_SHARE__

{,.בرايّـر.,» · 09-17-2008, 09:59 PM

المشاركة الأصلية كتبت بواسطة شماخي

يسلموووو اختي على البارت
نتريا البارت اليديد.. لاتبطين علينا

تسلمين اختي على المتابعة __DEFINE_LIKE_SHARE__

غلآآآآآهـ · 09-17-2008, 10:53 PM

نايس رؤؤعه اززززززززقرت وااااااااااااااو كسسسسسسسسسسر تيييييييييم

راااااااااااااااااائع

تسلم ايدج على البااارتس الرووعه واللي يخبل والله كسر التيم هالبارت

ونتريااااااااا اليااااااااااااااي بس لا تتاخرييين علييينااا

صوووري ادري وايد ارمس بس احلى يكون الرد طوويل تراه يرفع معنويات الكااتب بعد خخخخخ .. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
இ♥♥♥இ صيفنا حافل بالمفاجآت .. بكل الحب مبروووووووووك يا طلطميس இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-23-2010 08:30 PM
இ♥♥♥இ بكل الحب مبروووووووووك .. متعني و متصرف இ♥♥♥இ ‏	محروم.كوم	منتدى أخبار المواقع والمنتديات العربية والأجنبية	0	07-21-2010 04:30 AM
இ☜♥☞இ مجموعة الحمام المغربي لتببيض البشرة இ☜♥☞இ	محروم.كوم	منتدى أخبار المواقع والمنتديات العربية والأجنبية	0	06-29-2010 12:20 AM
mahmoud இ☜♥☞இ بكل الحب مبرووك இ☜♥☞இ ‏	محروم.كوم	منتدى أخبار المواقع والمنتديات العربية والأجنبية	0	06-03-2010 03:00 AM
இღஇإنـَـقــَـِشَ الَـَقـَـرآنَ فــ صَـدَرَِ طَفِـَـلِكَ இღஇ	Дјறàl Диsǎήһ	الإسلام والشريعة	10	07-07-2009 02:45 AM