وش تفيد الملامه دام دمي سفيح .!~ - الصفحة 9

[ملاك الروح] · #1 10-07-2009, 04:08 PM

[align=center]الريم ردت ع امها و خبرتها بالسالفة ... لكن هب السالفة كلها .. بس قالت لها انه مايد يبا يكمل دراسته برع ... عشان ما تستوي مشاكل بين الاهل ..

ومرت الايام .. و مايد سافر بريطانيا يكمل دراسته .. و الريم الحين في ايامها الاخيرة من الحمل .. و كل يوم يمر يحمل ساعات احلى .. محمد من كثر ما حب مهره و تعلق فيها اكثر نساها مايد ولد عمها .. و سلطان ما يمر يوم الا و هو مستوي شاعر للريم ..

في بيت بو سلطان :....

ع مسامع اذان الفجر و عوار الريم اللي بدا يزيد بطلوع الشمس .. ما قدرت تستحمل ..

الريم :. سلطان ... قوم نش ..
سلطان :. هااا حبيبي ..
الريم :. سلطان .. بولد .. الحقني سلطان ..

سلطان فز من مكان ... ما عرف شو يسوي .. و سيدة يلبسها عباتها و يركبها السيارة و يتجهون للمستشفى ..

في الدرب :...

سلطان :. افففففففففففف .. هذا وقته ..
الريم :. ليكون هب عايبتنك اني بولد ...
سلطان :. ما اقصد جيه .. بس السيارة ما فيها بترول .. و المحطة طفناها ..
الريم :. سلطان .. ما اروم استحمل خلاص ..
سلطان :. خلاص الريم .. بدق حق الاسعاف خلهم ايونا ..

اتصل سلطان للاسعاف :...

رن رن رن :...

سلطان :. الووو ..
الممرضه :. مرحبا..
سلطان :. بسرعة لو سمحتي بغينا سيارة اسعاف .. حرمتي بتولد ..
الممرضة :. انزين وين العنوان ..

سلطان وهو يعاطيها العنوان ...

الريم :. سلطاااااااااااااان الحقني .. سو شي ..

في هاللحظة الريم كانت محتاجة انها تولد باسرع وقت ... فسلطان قرر انه يولدها و ما يخليها بهالوضع ..

سلطان ولد الريم لكن ما عرف كيف يقطع الحبل السري فاتريا الاسعاف ..

وصلت سيارة الاسعاف و اجروا الاسعاف اللازمة للريم ..

في المستشفى :...

سلطان اول ما شاف الدكتورة ..

سلطان :. هاا دكتورة .. طمنيني ع الحرمة و المولود ..
الدكتورة :. ماشاء الله عليهم حالتهم زينه .. و ماشاء الله عليك يا اخ سلطان عرفت تولدها صح ..
سلطان :. والله انا ما اعرف كيف ولديتها اصلن ..
الدكتورة :. المهم الحمد لله ع سلامتها و المولود اليديد .. يتربا بعزكم ان شاء الله ..

سلطان عقب ما خلص من الدكتورة اتصل لابوه عشان يقولهم انه ويا الريم في المستشفى ...

عقب ما صحت الريم :...

كان سلطان ماسك ايدها و راقد ع جتفها و الدموع كانت ع خده .ز

الريم :. حبيبي ... سلطان ..
سلطان :. الريم .. الحمد لله ع السلامة .
الريم :. ربي يسلمك .. ها طمن شو صار لحمود ...
سلطان :. فديته روحه ... نسخة ثانيه من امه ..
الريم :. تدري عقب ما ولديتني حسيت انه اخر يوم بحياتي ...
سلطان :. هههههههه ... بسم الله عليج .. تدرين فالوقت هالك ما عرفت شسوي ..
الريم :. لكن الصراحه طلعت دكتوور ..
سلطان & الريم:. هههههههههههههههههههه..

يدخلون ام سلطان & بو سلطان & ام مايد & بو مايد & مهره & محمد ..

ام مايد :. هااا بنتي .. شي يعورج .. شي فيج ..
الريم :. الحمد لله ما فيه شي ..الدكتور سلطان حل كل شي ..

سلطان من قالت جيه استحي ..

ام سلطان :. هااا وين حفيدي ... فديته روحه ما شفته ..
بو سلطان :. اكيد الحين بييبونه ..
ام سلطان :. انتوا متى طلعتوا من البيت .. نحنا ما حسينا فيكم ..
الريم:. ع اذان الفجر حسيت بويع و سلطان يابني لين الشارع ..
محمد :. افا لين الشارع ..
الريم :. ترا السيارة ما كان فيها بترول ..
مهره :. وعقب شو سويتوا ..
سلطان :. دقيت للاسعاف فلين ما يو ... الريم ولدت ..
بو مايد :. و ان شاء الله منو ولدها ...

الريم تطالع سلطان و سلطان يطالعها و يضحكون ...

الكل مستغرب منهم ..

ام مايد :. ليكون سلطان هو اللي ولدها ..
الريم :. هيه .. سلطان اللي ولدني ..
ام سلطان :. عقبال محمد ما يولد مهره ..
محمد :. وانا اشلي بالتوليد .. جان سلطان كان ماخذ كورس في التوليد خله هو يولدها ..

سلطان :. طااع اونه ماخذ كورس .. انته ما تعرف انه الدنيا تجارب .. وانا جربت و نجحت ..
الريم :. سلطان ليكون جايفني فار تجارب ..
سلطان :. منو قال جيه ... خل اسير اييب ولدي و ايي..
مهره :. فالح في الشرده ..

تدخل الممرضة و يايبه محمد ولدهم ..

ام سلطان :. هااتو ولدي فديت روحه ..
بو سلطان :. عطيه امه خله تشوفه ..

ام سلطان تعطي البيبي الريم و سلطان ..

سلطان :. الريم شوفي ولدنا شحلاته ..
الريم:. طالع ع ابوه قمر ..
سلطان :. لا ع امه طالع ..
الريم :. خلاص ماخذ مني شويه ومنك شويه ..

وفي الوقت هاا حست مهره بعوار هب طبيعي ..

مهره :. اميه ... بطني ... يعورني .. اه اه ..
ام سلطان :. بلاج .. شو فيج ..
مهره :. بطني ... محمد الحقني ...

محمد يركض يزقر الممرضة ...

وعقب الممرضة خذت مهره لغرفة عمليات الولادة..

وعقب مرور 3 و نص ...

طلعت الدكتورة من الغرفة :....

محمد :. هااا دكتورة حرمتي شو فيها ..
الدكتورة :. مبروك ... يابت بنت ..
محمد :. بس هي بعدها في الشهر السابع ..
الدكتورة :. كنا محتاجين انا نولدها ضروري ... لانه الجنين ما كان عنده اكسجين .. لكن الحمدلله حاولنا نسيطر ع الوضع ..
محمد :. الحمد لله .. الحين اقدر اشوف الحرمة ..
الدكتورة :. الحين لا .. لانه راح نخليها تحت المراقية لمدة 12 ساعة ..
محمد :. اوك .. بس ديروا بالكم عليها ..
الدكتورة :. هذا واجبنا ..

محمد سما بنته الغلا ..

و عقب مرورو سنه .. في عيد ميلاد حمود و الغلا

في بيت بو سلطان :. ..

سلطان :. يلا حموود حبيبي اكبر سنه ... و بخطب لك هذيج القمر اللي من تمشي الكل وراها ..
حمود ولد سلطان :. بابا ثو يعني تختطب ..
محمد :. يعني انته يوم بتكبر بتعرس ..
حمود :. ليث انا ثغصير ..
سلطان :. لا بابا .. انته كبير .. بس نحنا الحين نتريا الغلا تكبر .. عشان تخطبها ..
حمود :. ليث الغلا بتخطبني ..
محمد :. لا حمود لا الغلا بتخطبك و لا انته بتخطبها ..
سلطان :. محمد جنك غلط ع المعاريس .. ترا نحنا من الحين نقولك بنتك الغلا محجوزة لحمود ..
محمد :. هممممم .. يوم بيكبروا بنفكر ..
سلطان :. شو تفكرون ..
محمد :. يمكن البنت ما تحبه ..
سلطان :. لا بتحبه ..

الريم :. يلا يا الشباب تعالوا .. بنطفي الشموع ..
محمد :. يلا الغلا حبيبي نفخي انتي و حمود ..

النهايه :...

[/align] __DEFINE_LIKE_SHARE__

[ملاك الروح] · 10-07-2009, 04:11 PM

[align=center]الملخص :...

مايد بيتم عايش برع لين ما يخلص دراسته و عقب بيسير الكويت و بيتزوج كويتيه ... و بييب منها 3 بنات و وولد .. الكبيرة بيسميها مهره و الثانيه الريم و اخر بنت المها ... و الولد بيسميه سلطان ..

اما سلطان و الريم :.. عقب ما يمر عليهم سنتين الريم بتحمل و بتيب بنت و بتسميها روضة .. و بيعيشون في السعادة و الهنا ..

اما محمد و مهره :.. بعد عقب ما يمر سنتين بتحمل مهره و بتيب ولد و بتسميه سهيل .. و اكيد محمد بيضارب ويا سلطان بس عشان يحجر روضة لسهيل ..

اتمني القصه نالت ع اعجابكم و رضاكم ..
و اتريوني بقصه ثانيه .

[/align] __DEFINE_LIKE_SHARE__

نوني474 · 10-07-2009, 06:24 PM

يعطييج الف عافييه ع القصه الروووعه ...

و الصرااحه ذكرتيني بمسلسل نور و مهند ... لما سلطان يولد الريم ..هههههههه... تسلميين الغاليــ‘ه ...

و نتريا المزيييد من ابداعاتج ..

ربي يحفظج .. __DEFINE_LIKE_SHARE__

[ملاك الروح] · 10-07-2009, 08:48 PM

المشاركة الأصلية كتبت بواسطة نوني474

يعطييج الف عافييه ع القصه الروووعه ...

و الصرااحه ذكرتيني بمسلسل نور و مهند ... لما سلطان يولد الريم ..هههههههه... تسلميين الغاليــ‘ه ...

و نتريا المزيييد من ابداعاتج ..

ربي يحفظج ..

تسلمين الغلا ع هالتواصل الحلو منج .. __DEFINE_LIKE_SHARE__

ياعمري · 10-07-2009, 08:25 PM

نااااااااااااااااااااااااااااااااااااااااااااااااا اايس ستوووووووووووووووري

تسلمين يا الغلا على الطرح المميز __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«غيماريش الوصل» على صفيح ساخن	راعـــ الــحــب ـــي	رياضة محلية و عالمية	1	05-10-2010 09:37 PM
التحاليل الاخبار##تفيد او لا تفيد	محروم.كوم	منتدى أخبار المواقع والمنتديات العربية والأجنبية	0	05-10-2010 10:30 AM
خــيل شـيخ حـرب......	محروم.كوم	منتدى أخبار المواقع والمنتديات العربية والأجنبية	0	10-13-2009 01:30 AM
كلاب صـيد.مـدربات.للبيع	محروم.كوم	منتدى أخبار المواقع والمنتديات العربية والأجنبية	0	07-06-2009 06:40 AM
صـدى صــوؤؤتك ..!$	ღЯмşħ αℓ3ίήღ	شعر و خواطر	4	02-19-2009 04:05 PM