وش تفيد الملامه دام دمي سفيح .!~ - الصفحة 8

мάη9oяџiα ЯờџαŁ · #1 10-04-2009, 05:41 PM

قصج روووعه بس بعدني ماخلصتها __DEFINE_LIKE_SHARE__

[ملاك الروح] · 10-07-2009, 04:03 PM

[align=center]البارت 6 و الأخير ..

في بيت بو سلطان :...

سلطان :. هااا حمووود شو كنت تبا مني .. الا يالس اتقولي ابغيك بشي ضروري ..
محمد :. سلطان .. انا بقولك السالفة كلها .. واذا ما صدقت جدامك بسمعك الدليل...
سلطان :. محمد ... تراك خوفتني ... قولي السالفة .. تراك حمستني ..
محمد:. مايد ولد عمك ..
سلطان :. بلاها ميووود ..
محمد :. الصراحه ما اعرف كيف ابدي وياك بالموضوع ..
سلطان :. محمد تراك تحسسني اني بمسابقه وهب عارف شو تقول ..
محمد :. سلطان انا بغيت اخطب اختك مهره ..
سلطان :. انته مثل ما تعرف انه مايد يحب مهره ..
محمد :. سلطان .. ترا مايد ما يحبها و يلعب بمشاعرها ..
سلطان :. يلعب بمشاعرها ..
محمد :. هيه ... وجان تبا الدليل بسمعك اياه ..
سلطان :. انزين سمعني ..
محمد :. انزين .. اول شي ازقر اختك مهره عشان ارمس مايد جدامها و تصدق ..
سلطان :. انزين ..

وسار سلطان زقر اخته مهره ..

في غرفه مهره :...

سلطان :. مهره .. مهره ..
مهره :. هااا شو بغيت ..
سلطان :. لبسي بسرعة وقايتج و انزلي وياي تحت عند محمد ..
مهره :. ليش ..
سلطان :. مهره بسرعة ..

مهره خافت من اللي مستوي و بسرعة لبست وقايه و نزلت الميلس ..

في الميلس :...

مهره :. السلام عليكم ..
محمد & سلطان :. عليكم السلام ..
مهره :. هاا شو مستوي .. تراكم خوفتوني ..
سلطان :. مهره حبيبي .. انتي لين الحين تحبين مايد ..
مهره :. ( انصدمت من اللي قاله لانه هو يعرف انها تحبه ) هي احبه و اموت فيه بعد ..
محمد :. مهره .. لو اكتشفتي انه مايد يلعب بمشاعرج .. شو بتسوين ..
مهره:. ( فهالحظة حست انه في مشكله مستوية ) يلعب بمشاعري ..
سلطان :. سمعي محمد الحين بيرمس مايد .. و عقب حكمي بنفس يا تذلين عمرج عليه والا تتركينه لانه محمد خطبج ..
مهره :. اوك ..

دق محمد لمايد وحط سبيكر :...

رن رن رن رن

مايد :. الوووو..
محمد :. مرحب ..
مايد :. مرحبتين ..
محمد :. مايد بغيت اسالك ..
مايد :. هااا اسال ..
محمد :. انته الحين تحب مهره والا لا ..
مايد :. ماشي شغله احبها ... مثل ما تعرف انته اني بس احاول اتسلى وياها ..
محمد :. انزين يعني عقب هذا كله .. لعبت بمشاعر البنت .. وخليتها تتعلق فيك .. شو بتستفيد ..
مايد :. ما بستفيد شي .. وعلى سالفه تتعلق فيه .. بتزوجها و عقب كم من شهر بخليها من نفسها تطلب الطلاق ..
محمد :. انزين حرام عليك .. جان ما تباها صارحها ..
مايد:. لا بصارحها ولا شيات .. اصلن محد ضربها ع ايديها و قالها تحبني ..

مهره من سمعت هالكلام حست انه الارض شوي و بتبلعها .. الدموع حرق خدها .. و الحزن غمر قلبها ..

خذت الفون عن محمد :...

مهره :. يالحقير .. يالنذل ... جيه تسوي فيه .. عقب ما بنيت احلامي عليك .. جيه تيازيني .. انا اللي حبيتك ومن صدق حبيتك ، بس تدري انا الغلطانه يوم حبيتك ووثقت فيك.. المفروض اللي مثلك نذل يكون ميت من زمان ..
مايد :. ههههههه... والله لو انتي هب غبيه جان ما صدقتيني .. انا الحين لو الود ودي جان طلقت الريم من سلطان .. لكن ما اروم الحين اسوي شي .. ع العموم اسمحيلي يا بنت عمي و حقج عليه ..
مهره :. اسمحلك وانته اللي خذت قلبي مني.. انا اللي حافظت على قلبك و صنته ... انا اللي هديتك قلبي لكن للاسف ما كنت قدر الثقة و الامانه ..ولا تقول بنت عمك .. لو كنت بنت عمك جان ما سويت جيه فيه .. جان خفت عليه و صنتي من كل شي ياذيني..
مايد :. انزين لو مثل ما تقولين انج تحبيني .. شو ميلسنج الحين ويا محمد .. اكيد مسويه بعد علاقه وياه ..

سلطان من سمع هالكلام منه خذا الفون من مهره :...

سلطان :. جب ولا كلمه يالجبان .. مسود الويه .. الحين لو امك والا ابوك و الا عمك والا اي حد من اهلك درو باللي تسويه .. شو بيكون موقفك .. شو بتكون ردت فعلهم ..

وسكر سلطان الفون ع ويهه...
وقام و حظن مهره :...

الريم تدخل عليهم :...

الريم:. بلاكم صوتكم لين وين واصل ..

وتشوف مهره وهي تصيح ..

الريم :. مهره .. بلاج حبيبي .. شو مستوي ..
مهره :. النذل ... الجبان .. اللي ما يخاف ربه ..
سنين وقلبي ذااايب في هوااااك..
واللحينه بكل سهوله انصدم بطبيعة مشاعر قلبه..
الريم :. شو السالفة ..

عقب سلطان قال حق الريم السالفة و قالها ما تسير بيتهم هالايام عشان مايد ما ياذيها ولا يلعوزها..

الريم :. مسود الويه .. اللي ما يخاف ربه ... جيه يسوي ببنت عمه ..انا لازم اخبر عليه ابويه ..
سلطان :. لا تخبرين ... و مهره ان شاء الله بتنسى مايد ..

وتسير الريم و تحضن مهره ..

محمد :. مهره .. ممكن تسمعيني ..
مهره :. ( بصوت واطئ و مغمور بالحزن و الضعف ) هاا ..
محمد :. اتنمنى منج تنسين مايد ... و ان شاء الله انا و اهلى بني نخطبج الاسبوع الياي ..
الريم :. مهره .. عشان خاطري وافقي .... عشان ميووود هالخايس يحس شوي باللي سوااه ..
مهره :. لكن ماف سمعتيه شو يقول .. يقول اونه من بيني انا و محمد علاقه ..
الريم :. مهره ما عليج من هالنذل .. وانا عندي لج خطة عشان مايد يعرف انج الحين هب متندمه باللي سواه فيج ..
سلطان :. خطة ... خطت شو ؟!..
الريم :. خل مهره تقول تتلبس و تتعدل و خل نقوم و نسير بيتنا ة تضحك و تمرح .. عشان مايد يعرف انه ماعادت تهتم فيه .. و سلطان يوم بنكون هناك انته قول انه واحد من ربعك خطب مهره ..

سلطان :. هيه .. هالفكرة اللي بتخليه صدق ينقهر ..
محمد :. يلا مهره قومي تعدلي و اكشخي ..

وصعدت مهره لغرفتها و فرت عمرها ع الشبرية .. اللي بكل يوم تزيد حزن .. و الريم تدخل عليها ..

الريم :. نحنا تونا شو قلنا ...
مهره :. انزين .. انا بحاول انساه ..
الريم :. يعل محمد يعوضج عن مايد و ينسيج اياه ..
مهره :. اميييين ..
الريم :. عيل انا بنزل تحت بقول لسلطان يخبر خالوه انه محمد خطبج عشان ما ينصدمون عقب ..
مهره :. اوك ..

و نزلت الريم و خبرت سلطان

في الصاله :...
ام سلطان & سلطان & بو سلطان & الريم

سلطان :. ماما ..
بو سلطان :. انته الحين معرس و لين الحين ماما ..
سلطان :. خلاص خلاص عن تاكلنا يالوالد ... اميه ..
ام سلطان :. لبيه ..
سلطان :. لبيتج روحي .. ترا محمد ربيعي طلب ايد مهره اختي شرايكم ..
بو سلطان:. والله محمد ريال و النعم فيه .. لكن اهم شي راي مهره ..
سلطان :. يعني انتوا ما عدكم اي مانع ..
ام سلطان :. يا سلطان .. نحنا نشتري الريال الزين و الرزين لبنتانا .. و نتمنالها الخير ..
سلطان :. انزين .. عيل مهره انا برمسها .. و برد عقب خبر لمحمد ..
ام سلطان :. ربي يوفقها .. و ييسرها حياتها ..

تنزل مهره من غرفتها و كانت لابسه بنطلون سكني احمر و قميص اسود و عليه كتابه بالاحمر .. و رسمت عيونها .. و حطت كلوز احمر .. و لبست نعال سبورتي اسود و فيه كلام ع الاطراف بالاحمر .. و لبست عبااه مفتوحة و مطرزة بالاحمر ..

ام سلطان :. سميت عليج بالرحمن ..
سلطان :. داام انها يت بقولها الموضوع ..
بو سلطان :. انا اللي بقوللها الموضوع ..
ام سلطان :. انزين يلا واحد منكم يبدا بالموضوع ..
بو سلطان :. مهره غلايه .. تعالي ايلسي حذالي ..

يسلت مهره حذاله .. واونها ما تعرف الموضوع ..

مهره :. امر ابوية ..
بو سلطان :. يالله يا مهره . كبرتي وغديتي حرمة ، خلاص بتخلينا وبتروحين ..
توترت هره من كلام ابوها .. وحاولت تغير الموقف ..
مهره :. ومنو قال اني بخليكم . انا يالسة على جبدكم ..
بو سلطان :. ههههههه .. >> كان يبين التوتر على مهره لدرجة انها قامت تحرك ريولها وتلعب بصبوعها ..
بو سلطان :. ترى البنت من تكبر وتعقل مالها غير بيت ريلها . و قبل شوي سلطان رمسني و خبرني محمد ربيعه يباج .. >> سكت شوي
بو سلطان :. هاا شو رايج .؟

مهره:. ( تشوف صبوعها ) والله مادري .. الشور شوركم ..
بو سلطان :. لا يا مهره . مب شورنا . انتي اللي بتعيشين وياه مب نحن .. >> مهره ماعرفت شو تقوله ..
بو سلطان :. مهاري حبيبي .. عندج وقتج تفكرين فيهم على راحتج واستخيري ربج وربي يوفقج ..
مهره :. ان شاء الله ..

سلطان :. يلا انا اترياكم في السيارة :...

سارو الريم و مهره و ركبوا وياه :.:...

في الدرب :..

سلطان :. اونه اليوم في ناس مستحين ..
الريم :. مهره الصراحه بغيت اعرف عميه يوم قالج بالموضوع بشو حسيتي ...
مهره :. خفت يوم قالي ..
الريم :. ليش ؟!..
مهره :. مادري حسيت انه حياتي بتتغير ... وبعدين انا متعودة عالبيت ويا اهلي ما اتخيل اطلع منه..
الريم :. حسيتي انا كيف حسيت قبل ..
سلطان :. ليش انتي خفتي يوم كانوا ياخذون رايج ..
[/align] __DEFINE_LIKE_SHARE__

[ملاك الروح] · 10-07-2009, 04:05 PM

[align=center]الريم :. هيه .. ما كنت اعرف شو اسوي ..
سلطان :. اونه انتو يالبنات تخافون و تستحون .. ونحنا يالشباب الا تنريا جنه رحله انتظار ..
الريم & مهره :. هههههههههههههههه..
سلطان :. هيه جيه نباكم تضحكون ..

ووصلوا بيت بو مايد ...

دشو سلطان & الريم & مهره ..

وكان مايد يالس في الصاله يشوف التيفي ..

سلطان :. مرحب الساع ..

مايد اول ما شاف سلطان خاف انه يقول شي .. لانه ما كان مجهز عمره لهاليوم.. يتحرا بنات الناس لعبه بيدينه وقت ما يمل منهم صدهم ..

مايد :. مـ مـ مـرحـبـ بتين ..
سلطان :. شحالك ..

مايد :. تمام..
الريم :. عيل وين ماما ..
مايد :. في المطبخ ..

لين الحين مايد ما انتبه لمهره

سلطان :. شو بتخلينا واقفين عند الباب ..
مهره:. جنه هب عايبتنه زيارتنا ..
مايد :. ( انصدم ) مهره ..
مهره :. هيه مهره .. اللي لعبت عليها .. و لعبت ع مشاعرها .. لكن لا تخاف .. الحين انته ما تهمني دام حب القلب بيحافظ عليه غيرك .. تمنيت العمر قربك أعيشه في دفــى ووصالك ..ولكن فارس أحلامــــــي قتلها واحرق اوراقي..

الريم:. مهره .. تعالي خلينا نسير عند ماما ..
مهره :. ( بكل غرور ) يلا سارينا ..

سلطان يلس ويا مايد في الصاله عشان يبا يعرف ليش سو جيه في بنت عمه ..

صوب ام مايد في المطبخ ..

الريم :. بووووووووووو..
مهره :. هلا والله ..
ام مايد :. اهلين و سهلين و بوستين ع الخدين ..
الريم :. كل البوسات حق مهره ادري ..
مهره :. انتي عندج من يعطيج البوستين و اكثر ..
الريم :. ادري لاني هب محتاجه لبوساتكم ..
ام مايد :. ربي يخليه لج .. و يوفق مهره باحلى معرس بالامارات ..
الريم :. طاااع ماما شو تقول .. اصلن محد احلى عن سلطان ..
مهره :. ( بكل ثقة ) طاااع اللي صدقت الحين .. اصلن ريلي احلى عن ريلج ..
ام مايد :. لا ريلج احلى ولا ريلج .. بو مايد احلى ريل ..
الريم & مهره :. ههههههههههههه

وساروا الصاله

سلطان :. انزين يلا اتكلم ليش سويت جيه فيها .. يعني انه ما عندك ضمير يانبك ..
مايد :. ( بدون رد ) ..
سلطان :. ليش ما ترد ..
مايد :. خلاص اللي صار صار ..
سلطان :. خلاص سكر السالفة الحين عقب بتفاهم وياك .. و حط في علمك مهره خلاص عافتك و عافك قلبها ..

ويسير سلطان يسلم ع ام مايد

ام مايد :. شحالك غناتي ..
سلطان :. فرحان و طاير من الفرح ومن صوبج ..
ام مايد :. يعل الفرح مديم .. بخير ربي يعافيك .. هااا منو شو طاير من الفرح ..
سلطان :. ( و يصد صوب مايد و يقول باحتقار ) مهره اختيه انخطبت ..

مايد انصدم ..

ام مايد :. ( تحضن مهره ) مبرووك يالغاليه .. الحين امج اكيد طايرة من الفرح ..
مهره :. هيه ..
ام مايد :. انا كان خاطري مايد ولدي ياخذج .. لكن نصيب ..

من قالت مايد ياخذج .. مايد استاذن و صعد غرفته من القهر .. و شوي و سلطان يصعد عنده ..

سلطان :. ممكن ادخل ..
مايد :. ادخل ..

سلطان من دش غرفه مايد و شاف حالت مايد اللي كان يانبه ضميرة ..

سلطان :. بلاك صعدت غرفتك ..
مايد :. ( شوي و بيصيح ) هاا ماشي ..
سلطان :. اخيرا حسيت .. حسيت باللي سويته باختي ..
مايد :. سلطان .. انا ابغي اخطب اختك ..
سلطان :. سوري ... اسمحلي اختي الحين مخطوبه حق انسان بيحافظ عليها .. انسان ما جرحها مثل ما انته سويت .. والله عيب عليك يا مايد اللي سويته فيها ..
مايد :. ( يصارخ ) مهرره ..
سلطان :. شو تبا تقول بعد ..
مايد :. سلطان .. انا صدق ما كنت احب اختك مهره .. لكن صدقني من عقب اللي استوا تحت عرفت اني احبها و اعزها .. و مالي غيرها ... وجان تباني اعتذر لها بعتذر لها .. و بداوي الجرح اللي نزفته ..
سلطان :. مايد حبيبي اسمحلي ما اروم الحين اسوي اي شي .. لانه مهره خلاص الاسبوع الياي بتملج ...
مايد :. ( تم ساكت من القهر اللي انصب عليه كالماي الحار ) ..
سلطان :. يلا عيل انا استاذنك .. و اقولك .. لا تلعب ع بنات الناس ...

وسيدة ظهر عنه

في الصاله :...

الريم :. لا انا ابي اسمي ولدي محمد ع عميه ..
مهره :. انصحج لا تسمين محمد .. لانه بيظهر نفس ابويه شيطان ..

وينزل سلطان :...

سلطان :. و شو فيه اسم محمد ..
الريم :. شوف مهره اختك اقوله اذا ربي رزقنا بولد بسميه محمد تقول لا تسمينه محمد ..
ام مايد :. سمي ولدج اللي بتسمينه ونحن شعلينا منج ...
سلطان :. انزين يلا عيل نحنا نستاذن ..
ام مايد :. توه الناس ..
سلطان :. خالوووه ترا عدنا شويه شغل ..
الريم :. يلا ماما عيل ديري بالج ع حالج ...
سلطان :. يلا فـ داعة الله ..
ام سلطان :. داعه الرحمن .. ربي يحفظكم ..

وظهروا و مهره متحمسه تبا تعرف شو سو سلطان :...

مهره :. سلطان .. مايد شو قالك ..
سلطان :. جيه سويت جيه ..... احبها .... بخطبها ..... انقهر ... ( قالهم السالفة ) ...
الريم :. والله يتادب ..
مهره :. انزين انا الحين شو اسوي ارجع له والا لا ..
سلطان :. شو ترجعيله .. ترا انتي الحين خطيبه محمد و الاسبوع الياي ان شاء الله الملجة ..
الريم :. مهره .. نصيحة مني سمعي كلام سلطان اخوج ..

ورجعوا البيت و مهره التفكير ذابحنها

فسارت ع الساعة 1 و نص الفليل عند ابوها عشان تقوله انها موافقه ع زواجها من محمد ..

و مر هالاسبوع ع خير و مهره ملجت ع محمد .. ومايد قلبه متقطع ع اللي سواه في بنت عمه ..

في بيت بو سلطان :...

بالتحديد في غرفه العاشقين سلطان & والريم

الريم:. حبيبي.. ابا اقولك شي ..

سلطان كان يلعب فتلفونه بند التلفون وصد صوب الريم..

سلطان :. قولي غناتي .. (( مسكت الريم ايده بالقو .. استغرب سلطان منها))
الريم :. تحبني .؟
سلطان :. امووت فيج . . اعشقج .. اهوااج

نزلت الريم راسها دقايق بعدين ردت كملت ..

الريم :. حبيبي نحن بنكون ثلاثة ...

سلطان مافهمها ويلس يشوفها باستغراب..
[/align] __DEFINE_LIKE_SHARE__

[ملاك الروح] · 10-07-2009, 04:07 PM

[align=center]سلطان :. شووو .؟؟!! ...

(( حطت الريم ايد سلطان على بطنها ))..

الريم :. انا حامل ..
سلطان:.( بصدمة ) هااااا ..

سكتت الريم وتمت تشوفه لين ما استوعب السالفة ..
سلطان :. يعني .... يعني ..
الريم :. هههههه .. هيه يعني يعني ..
سلطان :. قولي والله..
الريم :. والله وغلاتك عندي ..

تخبل سلطان ويلس يصرخ ..

الريم :. هههه حبيبي بلاك تخبلت ...

سلطان شل الريم ويلس يلف وهو يصرخ ..

الريم كانت تحس بلوعة ..

الريم :. سلطان ... سلطان نزلني ماروم ..

نزل سلطان الريم ويلسها عالكرسي..

سلطان :. حياتي استوالج شي ..
الريم :. لا حبيبي مافيني شي ..
سلطان :. تحسين بدوخة .؟؟
الريم :. لاا بس احس بلووعة ..

غمض سلطان عيونه وحط راسه ع جتف الريم
سلطان :. آآآآه ** أخيـراً كل اللي كنت اباه استوالي ... الحمدلله

مرت الايام ويه ووقفت الاقلام و سطرت الحروف و جف الحبر .. و كتب الشعار احلى القوافي لعرس احلى عروس الكون مهره بنت محمد آل ........ ع شيخ الشباب محمد بن سعيد آل ........
الكل كان متلعوز لانه كل شي كان مستعيل عليه .. من ملجو بشهر عرسو ..

الريم كانت احلى بنت في العرس كانت لابسه فستان باللون التركوازي و الوردي لين الركب و مسويه شعرها بف .. يعني كانت شبيه القمر .. ولو اوصفها اكثر ما بقدر اوصفها لانها ماشاء الله عليها احلى من القمر ..

الساعة 10 و نص تخلت العروس باحلى زفه من كلمات شيخ الشباب محمد .. اللي هب مصدق انه اليوم مهره بتكون عنده ..

ام مايد :. الريم .. شوفي اخوج مايد اليوم موول هب باين ..
الريم:. ان شاء الله اميه ..

دقت الريم حق مايد

رن رن رن رن

الريم :. اففففف .. بلاه هااا ما يرد .. اخيرا حس باللي سواه ..

رن رن رن رن

الريم :. اخيرا رديت ..
مايد :. ( بكل قهر و ندم ) هااا شو تبين ..
الريم :. ميوود بلاك ..
مايد :. يعني ما تعرفين شو بلايه ..
الريم :. والله محد قالك سو هالسواه اللي سويتها ..
مايد :. والله اني حمار .. كانت بين ايديني.. انا شو سويت..
الريم :. انزين .. اميه الحين تسال عنك .. شو اقولها ..
مايد:. قوليلها ساير بوظبي ويا ربيعه و يمكن يبات هناك ..
الريم :. مايد ..
مايد :. هااا ..
الريم :. دير بالك ع حالك ..

سكر مايد عنها و بدون ما يتريها تقول شي زيادة .

كان مايد صوب الحصى ويلس يشوف البحر د. (ليش دايماً مكتوب لي اتعذب ؟؟ ليش كل شي احبه واتعلق فيه يتركني ويروح ؟؟ ليش .... ليش ..؟؟؟) :. ليـــــــــــــــــــــــــــــــش ؟؟ قالها مايد من غير ما يحس . قالها من كثر الالم اللي فقلبه .. انا السبب .. انا اللي لعب عليها .. انا اللي ضيعتها من بيد ايديني .. قالها وسمع البحر وهو يرددها . سمع صداها .

نرجع للعرس

عقب ما تعشوا الحريم ... دخلوا المعرس ... واول ما شافها انصدم من جمالها ..

محمد :. ( فخاطرة ) وربي لاعوضج عن حب مايد و سواياه ..

محمد كان يمشي شوي و يوقف ... يمشي و يوقف ..

سلطان :. بلاك يا ريال .. هلكثر هب مصدق اللي تشوفه ..
محمد :. تصدق احس اني بحلم ..
سلطان :. اقول شرايك ندق زار و نستنزل ..
محمد :. احلف انته بس ..
سلطان :. كيفك .. انا كنت ابعد انظار الناس عن انهم يحسدون هالقمر اللي يالسه ع الكوشة ..
محمد :. يلا دقينا ..

سلطان وقف في نص القاعة و هز راسه اونه بدايه للرقص ..

محمد :. سلطوون لا تستهبل و يلا مش .. ابغي اوصل لحرمتي باسرع وقت ..

سلطان كان يمشي بكل رقة بس عشان يقهر محمد ..

الريم من شافت سلطان جيه سارت له ..

الريم :. سلطان .. بلاك مش بسرعة .. عن الريال يسوي فيك شي ..

سلطان تم واقف وخله محمد و حمد و بو سلطان و بو مايد يزفون محمد للكوشة ..

سلطان :. فديتج .. اخ يا قلبي ..
الريم :. سلطان .. بلا هالكلام الحين ..
سلطان :. الريم ..
الريم :. لبيه ..
سلطان :. لبيتج روحي .. شرايج بعد مره نعرس ..
الريم :. ههههه.. ماايوز ..
سلطان :. عاادي .. دام انج بتكونين محلوه جيييه كل شي ايووز ..
الريم :. هههههه..
سلطان :. فديت هالضحكة ...

يتهم ام مايد ..

ام مايد :. بلاهم الحلوين متيمعين ..
سلطان :. خاالوة انا باجر بخطب الريم مرة ثانيه ..
ام مايد :. هههههههههه..
الريم :. سلطان حبيبي .. بلاك اليوم ..
ام مايد :. انا اخليكم الحين ويا الرومنسية مالكم ..

سارت عنهم...

سلطان :. يـا كـثـر مـا بالـقـلـب لـك مـا حـكـيـتـه ..بـعـض الــغـلا مـالـه نـهـايـات وحـدود..
الريم :. سلطان حبيبي .. الحين هب وقت هالكلام ..
سلطان :. متى بتروحين من العرس ..
الريم :. سلطان بعده الوقت ..
سلطان :. انزين لا خل نروح الحين .. ما اروم اتحمل اكثر .. تصدقين انج تعبتيني زيادة من حلاتج ..
الريم :. ( تحط عينها بعيونه و الخجل غمرها ) سلطان خلاص بعدين نتكلم هب الحين ..
سلطان :. أنا من الشوق كثر الشوق متعبنــي..ويا طول صبري على شوقي وتعذيبه..لابات والشوق متعبني وغالبـــــني..واذا زاد اشتـــــــــياقك وش تسويبــه..
الريم :. سلطان حبيبي ... خل هالكلام الحين .. وفي البيت بيلس و و بسمعك لين ما تمل .. بس يلا خلنا نسير عند العرايس ..
سلطان :. ان شاء حبيبي ...

وساروا صوب الكوشة ..

الريم :. مبرووك يالعروس.. اخيرا بتعرسين و بتيبن لنا يهال ..
مهره :. ( من سمعت يهال استحت من خاطرها ) ربي يبارك بعمرج ..
سلطان :. مبرووووووووك منك الفلوس ومنها التيوس ..اقصد العيال ..
محمد :. التيوس محد غير عيالك ..
سلطان :. عن الغلط ع عيالي .. لاخذ اختي الحين .. وماشي زواج ..
مهره :. ما تقدر ..
محمد :. ( يقلدها ) ماتقدر .. اصلن هي الحين حرمتي و ماعليك شو عليها ..
سلطان :. طااع هاا من الحين بيصرف عليها ..
مهره :. كيفه والله هب انا حرمته .. له حق يسوي فيه اللي يباه ..
محمد :. سمعت اسوي اللي اباه .. سلطان ..
سلطان :. عونك ..
محمد :. عانك الرحمن ..هالمعازيم متى بيروحون ..
سلطان :. لا تخاف ترا مهره ما بتطير .. ولاحق ع كل شي ..

محمد شاف مهره ..
محمد :. مبرووك عليج انا ...
مهره :. ربي يبارك في حياتك ..
محمد :. يعني ما بتباكيلي ..
مهره :. مبرووك يالمعرس ..
محمد :. ربي يبارك فيج ... محلوه وما شاء الله ..
مهره :. اصلن دومي محلوه .. محمد ..
محمد :. لبيه ..
مهره :. لبتك روحي .. مايد ولد عمي وينه ..

محمد من سمعها سالت عن مايد تضايق هب عشان يغار منه بس عشان اللي سواها فيها ..

محمد :. الصراحه ما اعرف وينه .. اكيد الحين حاس بتانيب الضمير ..

مهره نزلت راسها و الدموع تارسة عيونها .. محمد رفع راسها ..

محمد :. حبيبي اليوم هو عرسنا صح والا انا غلطان ..

مهره هزت راسها بمعني هيه..

محمد :. عيل خلينا الحين من مايد .. يعني هو ما عرف قدرج غير الحين ..
مهره :. ( ابتسمت ) تدري كل كلامك صح .. وخل الحين نمدي حياتنا بكل سعادتها ..
محمد :. فديتج والله ..

وخلص العرس .. و المصورة تعبت وهي تصور المعاريس .. لانه محمد مستعيل لكل شي .. حتى ما خلها تصورهم ع راحتها لين ما طردها ..

في الفندق عند الحبايب ..

محمد:. مهاري حبيبي ... يلا تعالي تعشي ..
مهره :. ان شاء الله حبيبي ..

وسارت كلت شوي و قامت عقب وقفت صوب الدريشة المطلعة ع البحر ...
يه محمد و عط ايده ع جتفها ..

محمد :. ادري انج ما كنتي تبيني ..و كنتي تبين ولد عمج ..
مهره :. محمد لا انا اباك .. وولد عمي خلاص عافه الخاطر ..
محمد :. ( من سمعها قالت عافه الخاطر ابتسم ) وربي لانسيج اياه .. واعيش في جنه ..
مهره :. ( ابتسمت ) فديت روحك .. حبيبي ..
محمد :. لبيه حبيبي ..
مهره :. لبتك روحي .. انته بتفكر بيوم من الايام انك تنساني ..
محمد:. أنساك كلمه مالها أيّة وجود بمرجعــــي..والقلب لامنّه نوى غيرك حبـــيبي بامنعه تنتابني ذكراك ما بين الوعي واللاوعي .. ما كنّك الاّ بحر حلمي والمشاعر الأشرعه..
مهره :. ( بدون رد )..

محمد حنظها بكامل قوته .. هو وعد عمره انه يحاول ينسيها مايد لكن بدون ما يستعطف وياها ...

في بيت بو سلطان بالتحديد عند العاشقين :...
سلطان & الريم :...

سلطان :. تعـال نـام في عـروقي ودمـّي تلحفـني دفا .. واتلحّـفك شـوق..تعـال وقصّـر الأبعـاد يمّـي تعـال وناظر المكنون منـطوق..
ياطيـف حتى لو جـاني بهمّــي ابضحـك مابقت دمعـات بالموق..ياصـورة انثنت من كثـر ضمّـي..حبيـبك بالوله ذايب ومحــروق..
ياعينـه قبل ما تدعيـن سمّـي..حلالك كلّي وكلّي لك حقـوق..يفـرّج همسك ونجـواك غمّـي..أبي أرقـد وسط عينك ولا أفوق..
حبيبي أرقـد بقـلبي ودمّـي..تناديني وله .. وآلبي بشــوق....

الريم :. أخاف تحس بأشواقي عليك..وتعرف اني مجنونك..وأذوب بنظرة عيونك..واحاول اكتم انفاسي..واكتم احساسي..علشانك..أخاف الناس يدربوك...يحسدوني على حبك لأني صرت محبوبك..
سلطان :. دام انه هالكلام الحلو طلع منج .. خلاص لازم كل يوم نسير عرس ..
الريم :. ههههه .. فديت روحك ..
سلطان :. الريم ...
الريم :. لبيه ..
سلطان :. لبيتج روحي .. ودي اعوضج ما مضى وكان مفقود..مني عــــــلى مر الليالي الطويله..بعطيج من قلبي غلا ماله احــــدود..انتي الغلا انتي لي مــا ادور بديله..
الريم :. حبيبي .. بوجودك انته معاي .. هذي احلى هديه .. ربي عطاني اياك .. عشان اريحك و تريحني معاك ..
سلطان:. اخ قلبي ..قلبي ... قلبي .. بموت..
الريم :. يعل يومي قبل يومك ..
سلطان :. شو يعل يومج قبل يومي .. انتي تدرين انج اكسجين حياتي .. تدرين اني ما اقدر اعيش الدنيا من دونج .. انتي بدنيتي كلج غلا في غلا ..
الريم :. فديت روحك حبيبي ..

مرت الايام ع الكل بالفرح و السعادة الا ع مايد اللي انجلب احواله .. هب قادر ينسي اللي سواه ببنت عمه من لحمة و دمه ..

صوب مهره و الريم :...

الريم :. انزين و محمد شحاله ..
مهره :. بخير ربي يعافيج .. الا مايد اخوج وينه ..
الريم :. ماادري عنه شي .. كل ما اسير البيت يكون ظاهر ..
مهره :. الصراحة كاسر خااطري .. ما يستاهل اللي يصير له ..
الريم :. لا يستاهل .. عيل حد قاله يلعب بمشاعرج ... الصراحه لو كان بهالجريمة فيه قانون جان زين ..
مهره :. ههههههه...
الريم :. هيه جيه نباج .. دوم الضحكة ما تفارجج ابد ..
مهره :. الريم ..
الريم :. عونج ..
مهره :. عانج الرحمن ... امممم انا حامل ..
الريم :. صدق ..
مهره :. هيه ..
الريم :. وجااان افرح لج .. خبرتي محمد ..
مهره :. لا ...
الريم :. ناوليني الفون خلني اخبره ..
مهره :. لا انا بقوله ..
الريم :. لا انا .. يلا ناوليني الفون ..

رن رن رن رن

محمد :. الو ..
الريم :. مرحب الساع و العيون لوساع ..
[/align] __DEFINE_LIKE_SHARE__

[ملاك الروح] · 10-07-2009, 04:08 PM

[align=center]محمد :. مرحبتين ..
الريم :. شحالك ..
محمد :. يسرج حالي .. ومن صوبج ..

الريم :. بخير ربي يعافيك ..
محمد :. اسمحيلي خيتوو ما عرفتج ..
الريم :. افا يا محمد .. ع العموم انا الريم حرمت سلطان ..
محمد :. هلا والله بالريم ..
الريم :. اهلين فيك .. محمد انا يايبتك بشارة ..
محمد :. بشاره حقي ..
الريم :. هيه .. اول شي شو تعطيني ..
محمد :. جان تبين فار ميت افا عليج ..
الريم :. دام انه جيه خلاص ما بقول .. كنت بفرحك ..
محمد :. انزين قولي شو تبين ..
الريم :. تذبح مهره ..
محمد :. اذبح عمري و لا اذبحها..
الريم :. عاش الحب عاش ..
محمد :. انزين شو الابشارة لانج شوقتيني ..
الريم :. اونك يا بو جسووم شوقناك ..
محمد :. يلا الريم بليييييييز قولي ..
الريم :. خلاص دام انك ما فهمت .. بخلي مهره بروحها تبشرك ..

تعاطي مهره الفون :...

مهره :. هلا والله ..
محمد :. اهلين و سهلين و بوستين ع الخدين ..
مهره :. محمد ..
محمد :. قلبي .. روحي .. دنياي .. كلها فداج ..
مهره :. انـ نـ نـا حامل ^^..
محمد :. ( هب مصدق اللي تقوله ) هااا شو قلتي .. انتي ...
مهره :. هيه ... هيه ..
محمد :. واخيرا بستوي ابو ..
مهره :. بس عاد لا تنسانا يوم بيي البيبي ..
محمد :. مانسيتك " كيف ينساك قلب ذاق سكر غلاك ؟ ضاع بين مرك وبين بلسم حلاك !..
مهره :. انزين حبيبي بخليك الحين ..
محمد :. افا .. اكيد تبين الفكة مني ..
مهره :. لا فديت روحك .. انا عمري ما بي الفكة منك .. انا لو الود ودي جان لصقت لصقه و ما افارقك ابد .. بس بسير اريح شوي ..
محمد :. دام عشان جيه .. اوك ...
مهره :. شي في الخاطر ..
محمد :. هيه ..
مهره :. امر ..
محمد:. ابغيج موول ما اتعبين عمرج ... و ابغيج يالسه في مكانج واذا بغيتي اي شي خل الخدامة تييبلج اياه ..
مهره :. ان شاء الله حبيبي ..
محمد :. احبـــــــــــــج .
مهره :. وانا بعد .. اموت فيك ..
محمد :. يلا حبيبي .. جني طولت عليج ..
مهره :. عااادي وقتي كله فدا لك ..
محمد :. يلا حبيبي ... فـ داعة الله ..
محمد :. داعة الرحمن .. ربي يحفظك و يسمنك..

في بيت بو مايد :...

ام مايد :. ماايد انزين قولي شو فيك .. تراك تعبيتني وياك ..
مايد :. امييييييخ خليني بروحي ..
ام مايد :. انته من شهر و جيه حالتك .. و تقولي اخليك بروحك .. انزين قولي بلاك و طمني ..
مايد :. اميه سيري عني لاذبح عمري ..
ام مايد :. مايد .. ( وتنهار من الصياح ) قول لامك عن اللي سوابك جيه .. لا تخلي قلب امك محروق عليك .. جان انه حد مزعلنك والا حاط في خاطرك من حد خبرني ..
مايد :. اميه ما فيه شي ..

نزلت ام مايد عنه ..

ودقايق نزل مايد .. وحالته حاله اللي يشوفه يقول واحد من اللي يتعاطون ..

ام مايد :. مايد حبيبي بلاك ..
مايد :. ( ما رد عليها و ظهر برع ) ..

ام مايد دقت حق الريم ..

الريم :. الوو ..
ام مايد :. السلام عليكم ..
الريم :. عليكم السلام ..
ام مايد :. شحالكم ..
الريم :. بخير ربي يعافيج .. ومن صوبكم ..
ام مايد :. ما اعرف شو اقولج عن حالتنا ..
الريم :. اميه شو مستوي ..
ام مايد :. مايد .. شهر ... حالته ... طلع ... مارد ... ( قالت لها السالفة ) ..
الريم :. انزين الحين هو وينه ..
ام مايد :. اكيد سار البحر .. لانهم كلما ارمسه يقولي بيسير البحر .. بس اليوم ما قالي ..

الريم:. خلاص اميه.. لا تحطين في بالج .. انا الحين برمس سلطان و بخليه يسير يدوره صوب البحر ..
ام مايد :. انزين عيل رمسيه و ردي عليه خبر .. و خله يعرف شو فيه ..
الريم :. ان شاء الله ..
ام مايد :. فـ داعه الله ..
الريم :. داعة الرحمن ..

في بيت بو سلطان :..

الريم :. سلطان ... سلطان .. قوم نش ..
سلطان :. هااا ... خليني تعبان من الشغل ..
الريم :. سلطان .. بغيتك بسالفه .. يلا قوم نش ..

عقب ما صحت سلطان بالغصب ..

الريم :. اميه توها دقت لي و قالت لي انه مايد حالته وايد متغيرة ..
سلطان :. ليكون درا انه مهره .. حامل ..
الريم :. ماادري ..
سلطان :. انزين الحين هو وين ..
الريم :. اميه تقول يمكن سار البحر ..
سلطان :. خلاص عيل انا بتلس و بسير برمسه ..
الريم :. اوك ...

وعقب سلطان تلبس و سار عند مايد :...

في بيت بو سلطان :...

الريم ادق لامها ...

الريم :. مرحب ..
ام مايد :. مرحبتين ..
الريم :. شحالج يالغاليه ...
ام مايد :. حالي ما بعدها حال الا برجوع حالل مايد لحالها ..
الريم :. اميه .. سلطان الحين ساير عند مايد .. بيعرف كل اللي فيه ... وشو اللي مغير حاله ..

صوب البحر عند سلطان & مايد

سلطان :. مايد ... انا اعرف اللي فيك ..
مايد :. سلطان .. انته ما ييت تطلب مني تبرير .. و انا اليوم بشكي لك زمان الهواني ... راويتها الاذي مني من دون تقصير .. وزوت الجروح .. خلاص الحين مهره حااامل ...
سلطان :. هب كانت بيدينك .. ضيعيتها ليش .. رخصيتها ليش ؟!.. مب انته ولد عمها .. لعبت بشماعرها بس عشان تحدي .. لكن شو التحدي وين وصلك .. اللي تحديته هو اللي صانها و امنها ع قلبه .. هو اللي كان صادق معاها بكل كلمه .. تدري لو الحين محمد مارمس و ما قال ع اللي انته تسويه .. شو راح تكون حالت مهره..
مايد :. ارحمني يا سلطان .. خلاص خلاص ..
سلطان :. شو خلاص ... هذا اللي ياك هب شويه .. انته جرحتها تعرف شو يعني جرحتها ... الحين لو مهره تشوفك تتوقع شو بتسوي فيك .. انته احمد ربك انه محد من عرف بالسالفه.. جان ظحكوا عليك الناس ..

مايد فهالوقت فقد عقله و سار صوب البحر و تم يسبح في البحر .. وكان يحاول ينتحر لكن الحمد لله انه سلطان كان وياه ..
وحاول سلطان انه ينسي مايد مهره واللي سواه فيها ..

سلطان :. مايد .. انا اتمني انك تنسي مهره ..
مايد :. انساها .. شو يفيد النسيان يوم دمـــــي سفـــــــــيح..
سلطان :. خلاص مايد .. الحين مهره ع ذمت ريال .. وان شاء الله هالريال بيكون ابو عيالها ..
مايد :. انزين كيف انساها .. انا من صدق حبيتها ..
سلطان :. من صدق حبيتها ... عقب ما لعبت بمشاعرها حبيتها ... عقب ما جرحتها فكرت ببنت عمك ... مايد خلاص اكسر الشر و انساها .. لان خلاص ما يفيد الندم ..
مايد :. خلاص انا بطلع برع البلاد ...
سلطان :. بررع البلاد .. شو تسوي برع البلاد ..
مايد :. بيسير اكمل دراسي برع البلاد.. عشان انساها ..
سلطان :. وظنك جيه بتنساها ... لو هب بارادك ما بتنساها و لو تسير اخر الدنيا ..
مايد :. لا بنساها .. وانا من باجر مسافر ..

وعقب ما تفاهم سلطان ويا مايد ...
دق للريم يطمنها ع مايد ..

رن رن رن رن

الريم :. هلا والله بحبيبي ..
سلطان :. اهلين و سهلين و بوسات ع الشفايف ..
الريم :. سلطوون لااا يوز الحين هب وقته ..
سلطان :. شو هب وقته .. انتي حرمتي ووقتج كله فدا لي ..
الريم :. فديتك والله .. وفديت وقتي اللي وياك .. انزين تعال ما خبرتني شو سويت ويا ميوود ..
سلطان :. اتفاهمت وياه ..
الريم :. انزين كيف تفاهمت وياه ..
سلطان :. البحر .. متضايق .. انساها ... حامل .. احبها ... بهاجر ... الدراسة ... ( قالها السالفه كلها ) ..
الريم :. يعني خلاص بيسير يكمل دراسته برع ..
سلطان :. هيه ..
الريم :. خلاص عيل انا ببند عندك الحين بطمن اميه ..
سلطان :. طمنيها و ردي دقي ..
الريم :. مابدق ..
سلطان :. وليش ان شاء الله ..
الريم :. تباني تعالي البيت ..
سلطان :. أخاف تحس بأشواقي عليك..وتعرف اني مجنونك..وأذوب بنظرة عيونك..واحاول اكتم انفاسي..واكتم احساسي..
علشانك..أخاف الناس يدربوك.يحسدوني على حبك لأني صرت محبوبك..
الريم :. يلا حبيبي .. فـ داعة الله .. احبك ..
سلطان :. قلبببببببببي ... فديت روحج ديري بالج ع حالج و ع حمووود ..
الريم :. ان شاء الله بدير بالي ع حمووود فديت روحه ..
سلطان :. طااع والله تتفدينه و جدامي ... انا اغااار ...
الريم :.:. من عرفتك وانته في حياتي غرام ...من شفتك ضاع كل الكلام ...يا حبيبي شو مشكلتك .؟؟...محيرني وانا بك هيمان
...مشتاق لك وعاشق وولهان ...متى تجبيني يا بعد كل الانا م...والله ابيك والله ابيك ..
سلطان :. متى اوصل عشان اضمج واطفي نار الشوق اللي بصدري ..واحضنج لين ارضرض عظامج ..يمكن في هالوقت تقدرين معنى كلمة ولهان ..مشتاق لج موت والله وتعبان ..دخيلج ريحني ..
الريم :. حبيبي ..
سلطان :. لبيه حبيبي ..
الريم :. لبتك روحي ... انا الحين لازم ابند .. اميه ع الخط الثاني ..
سلطان :. ديري بالج ع حالج .. و سلمي ع خالوة ..
الريم :. ان شاء الله .. فـ داعة الله ..
سلطان :. داعة الرحمن .. ربي يحفظج و يسمنج ..
[/align] __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«غيماريش الوصل» على صفيح ساخن	راعـــ الــحــب ـــي	رياضة محلية و عالمية	1	05-10-2010 09:37 PM
التحاليل الاخبار##تفيد او لا تفيد	محروم.كوم	منتدى أخبار المواقع والمنتديات العربية والأجنبية	0	05-10-2010 10:30 AM
خــيل شـيخ حـرب......	محروم.كوم	منتدى أخبار المواقع والمنتديات العربية والأجنبية	0	10-13-2009 01:30 AM
كلاب صـيد.مـدربات.للبيع	محروم.كوم	منتدى أخبار المواقع والمنتديات العربية والأجنبية	0	07-06-2009 06:40 AM
صـدى صــوؤؤتك ..!$	ღЯмşħ αℓ3ίήღ	شعر و خواطر	4	02-19-2009 04:05 PM