وش تفيد الملامه دام دمي سفيح .!~ - الصفحة 2

[ملاك الروح] · #1 09-24-2009, 01:08 AM

[align=center]صوب مايد & محمد :...

مايد :. حمد الله يهديه خوفني ..
محمد :. ليش شو كان يبا منك ..
مايد :. تخيل شو يسالني ..
محمد :. شو ؟!..
مايد :. اني احب اخته من صدق والا العب بمشاعرها ..
محمد :. ( منصدم ) شوووووووووو ؟!.
مايد :. ( يشوف محمد بطرف عين ) ليكون انته قلتله شي ..
محمد :. لا ما قلتله ولا اصلن رمسته بهالموضوع ..
مايد :. ليكون تقوله ..

وعقب الكل رجع بيتهم ..

والريم في غرفتها هب قادرة ترقد ..

ويرن فونها :...

رن رن رن رن

مهره :. مرحب الساع ..
الريم :. مرحبتين بالغلا ..
مهره :. شحالج حبيبي ..
الريم :. يسرج حالي فديتج .. ومن صوبج ..
مهره :. بخير ربي يعافيج .. الريم ..
الريم :. لبيه ..
مهره :. لبتج روحي .. همم اليوم يوم كنا سايرين مول الامارات ، بشو كنتي تفكرين .. لانج حيرتيني .. و سلطان مول هب مخلني اللي يالس يقولي الريم بلاها و بلاها ..
الريم :. ههههه فديت روحه والله ...
مهره :. انزين شو كان فيج .. بشو كنتي تفكرين ..
الريم :. مهره حبيبي .. انا شاكة بشي ..
مهره :. بشي ؟!. مثل شو يعني ..
الريم :. مهره انا حاسه انه محمد يحبج ..
مهره :. ( سكتت شويه ) محمد ...
الريم :. هيه محمد ..
مهره :. ومايد ..
الريم :. ماادري .. الصراحه احس انج بتعانين ويا الاثنين ..
مهره :. انزين الريم انا بخليج الحين .. شي في الخاطر ..
الريم:. لاتخبرين حد باللي قلتلج اياه خصوصا مايد ..
مهره :. ان شاء الله ..
الريم :. انزين ومن صوبنا شي في الخاطر ..
مهره :. سلامتج يالغلا ..
الريم :. ربي يسلمج و يسلم غاليج و مغليج وكل اللي يحبونج .. فـ داعة الله ..
مهره :. داعة الرحمن .. الرب حافظ ..

وسكرت عنها ..

والكل مارس حياته الطبيعية ..

و خوف البنات زاد بسبب هالايام اللي يعيشونها ايام امتحانات ..

و مرت الايام كالبرق و كل وحده من البنات تتحدا غيرها و الكل ابتعد عن اللي يحبه بسبب هالازمة الاقتصادية اقصد الازمة الامتحانيه ..لووووووووول

اخر ايام الامتحان و هذي احلى الايام للبنات و خاصه للعاشق سلطان .. لانه بيخطب الريم رسمي جدام الكل .. واللي اتوقع بيملج عليها .. لانه مثل ما تعرفون سلطان يحب يتم ويا الريم بروحها مثل اي حد يحب يتم ويا اللي يحبه بروحهم ..

اخر يوم في الامتحان :...

الريم :. مهره ترا من نخلص من الامتحان بسير الصالون ..
مهره :. ليش ان شاء الله ..
الريم :. لاني بفتك ..
مهره :. حطي في بالج انه بعده باقلج فصل ..
الريم :. وان شاء الله يمر بسرعة ..
مهره :. لا غناتي .. عادي خله يمرر ببطء بس المهم النتيجة حلوة ..
الريم :. انا ما بخلي يوم يمر الا وماما داعتلي ..
مهره :. فديت ماما انا ... ما يمر يوم الا وهي داعتلي قبل ما اظهر من البيت ... واتخيلي شو الدعوة ..
الريم :. شو ؟!. ليكون تظهرين ولا ترجعين ..
مهره :. تستهبلين حظرتج ..
الريم :. عيل شو تدعيلج ..
مهره :. اني من اظهر من البيت الريل يكون واقف جدام بيتنا ..
الريم:. شوفي خالوه تبا الفكه منج .
مهره :. فديت ماما اصلن ما تقدر تستغني عني ..
الريم :. ههههه .. يعل ربي لا يبعدج عنها ..
مهره :. من باك لباب السماء ..
الريم :. نط العرج ..
مهره :. ههههههه . فديت عرجي ..
الريم :. حمدي ربج انه عرجج مثل عرجي ..
مهره :. الريم .. بسالج سؤال ..
الريم :. اسالي و يا كثر اسالتج اللي ما تخلص ..
مهره :. شو الشبه اللي بيني و بينج ..
الريم :. هممم .. الصراحة مافي شبه ..
مهره :. قولي لاااه .. شو الشبه ..
الريم :. انتي عمرج شفتي قمر له شبيه ..
مهره :. انزين ادري انه القمر ماله شبيه .. بس يلا قولي شو الشبه ..
الريم :. ( تسوي عمرها تفكر بعمق ) امممم .. العيون وساع .. الخشم سيف .. الضعف و الطول ..( وسكتت شويه ) كل شي اصلن اللي يشوفنا من اول مرة يقول خوات ..
مهره :. صدق انه ما عندي اخت من ام و ابو .. لكن الصراحه لقيت معني الاخوه من بنت عمي و بنت خالتي ..
الريم :. فديت روحج..

وفجاه الريم تضحك ...

مهره :. ريماني بلاج ..
الريم :. مهره تدرين انه يوم انتي بتعرسين وانا بعرس ..لا ماما بتفقدين و لاامج بتفقدج .. تعرفين ليش ..
مهره :. عشان انتي بتكونين بدالي وانا بكون بدالج ..
الريم & مهره :. هههههههههههههههههههههههه..

ويرن جرس يعلن ع بدايه الحرب اقصد بداية الامتحان ..

مهره :. ربي يستر .. احس اني بخربط في الامتحان ..
الريم :. لا ان شاء الله .. ويلا طوفي نحدر القاعة ..
مهره :. ربي يسهل علينا ..

ودشو قاعة الامتحان :...

في بيت بو سلطان :...

الحبايب ام سلطان و ام مايد يالسات في الصاله و كل وحدة تدعي بالتوفيق البنات ..

ام مايد :. ياربي سهل لهم الامتحانات و فرح قلوبنا ..

ينزل سلطان في هالوقت ..

سلطان :. و خلهم يعرسون باسرع وقت ..
ام سلطان :. ربي يسمع منك ..
سلطان :. ماما ..
ام سلطان :. عونك ..
سلطان :. عانج الرحمن .. امم دام انه ام مايد يالسه الحين .. بغيت اخبركم اني بغيت اتزوج ..
ام سلطان :. فالك طيب ..
ام مايد :. خبرنا عنها و انا و امك بنسير نخطبها لك ..
سلطان :. انا ابغي اخطب الريم ..
ام سلطان :. هااا ام مايد شو رايج ..
ام مايد :. والله الراي رايها..
سلطان :. خاالوه ترا الريم ما عدها اي مانع ..
ام سلطان :. ما شاء الله مخططين ..
سلطان :. شوفوا حبايب قلبي ... انا الحين بملج عليها .. و يوم بنخلص الثنوية بنعرس ... شرايكم ..
ام سلطان :. انزين اول شي شاور الريم ...
سلطان :. الريم ما عدها مانع .. وانا والريم متفقين ع كل شي ..
ام مايد :. ماشاء الله مخططين لكل شي ..
ام سلطان :. الحين بس اللي ناقص يعزمون اللي يبونه ..
ام مايد :. ام سلطان .. انا من رايي انه البنت تاخذ شهادة الجامعة من بريطانيا و عقب يملجون ..
ام سلطان :. هي حتى انا رايي جيه .. عشان تضمن مستقبلها ..
مايد :. كونوا امها طيبات و اربطوا راسين بالحلال ..
ام مايد :. ترا مثل ما قلنا لك عقب ما تخلص الجامعة تعال اخطبها ..
ام سلطان :. هي جيه زين .. ع الاقل انته بعد تكون ماسس عمرك عدل ..
سلطان :. ( والدموع شويه و بتنزل من عينه ) والله ان ما يوزتوتي الريم .. والله لاترك لكم البلاد واهاجر ويا الريم و ما تشوفون ويهنا مرة ثانية ..
ام مايد & ام سلطان :. ههههههههههههه..
ام مايد :. يا ريال ترا احنا ما عدنا اي مانع .. وجان تباها من الحين خذها ..
سلطان :. صدق ..
ام مايد :. جيه تتحرنا يهال نقص عليك ..
سلطان :. دام انه جيه .. ترا اليوم انا و الريم و مهره بنتغدا في مطعم ..

ام مايد :. عاش العاشق ..
سلطان :. يلا عيل انا بخليكم ... بسير اييب الريم و مهره من السكول ... شي في الخاطر ..
ام سلطان:. سلامتك ..
ام مايد :. هالله هالله عن تسوي في بنتي شي ..
سلطان :. افا عليج خالوه ... جان ما شرديتها وياي ..
ام مايد :. ما تيوز من سوالفك ..
سلطان :. ههه ... يلا عيل فـ داعة الله ..
ام سلطان & ام مايد :. داعة الرحمن .. الرب حافظ ..

في المدرسة :...

صوب الباركنات :..

الريم :. اففففف متى الا ميوود بييني ..
مهره :. ان مايد مايه ترا بتروحين وياي ..

في هالوقت وصل سلطان ..

مهره :. يلا طوفي وياي ...
الريم :. ( وهي معصبه لانه مايد تاخر عليها و مايها ) انزين ..

نهايه البارت :...

شو تتوقعون ام مايد توافق ع الخطبه والا لا ؟!..
وهل الريم بتترك دراستها بس عشان سلطان ؟!..
مايد من درا انه سلطان خطب الريم هل هو بعد بيتجدم و بيخطب مهره ؟!..

[/align] __DEFINE_LIKE_SHARE__

الطبع الذبوحي ×!! · 09-24-2009, 03:29 PM

كمل البااارت رووووووووووووووووووعهـ __DEFINE_LIKE_SHARE__

الطبع الذبوحي ×!! · 09-24-2009, 03:49 PM

شو تتوقعون ام مايد توافق ع الخطبه والا لا ؟!..
يب يب بتوآآفق

وهل الريم بتترك دراستها بس عشان سلطان ؟!..
يمكن توافق ع الخطبهـ و الملجهـ بعد ما تخلص الجاامعهـ و بعدين بيعرسون و بياخذها و بيروحون يدرسوون ربااعهـ و جيهـ محد بيضيع مستقبلهـ =)

مايد من درا انه سلطان خطب الريم هل هو بعد بيتجدم و بيخطب مهره ؟!..
لا ما اظني هذا ما يستااهلهاا .. انا احس ان محمد بيتصل في مهره و بيقولها عن كل شي .. و بعدين مهره بتصرف نظرها عن ماايد و بتحب محمد و محمد بعد بيحبها .. و محمد يستاهل مهره لكن ميوود ابداا ما يستاهلها ..

و السمووحهـ اتريا البااارت بفاارغ الصبر .. =)

تيك كيير __DEFINE_LIKE_SHARE__

الطبع الذبوحي ×!! · 09-24-2009, 03:50 PM

شو تتوقعون ام مايد توافق ع الخطبه والا لا ؟!..
يب يب بتوآآفق

وهل الريم بتترك دراستها بس عشان سلطان ؟!..
يمكن توافق ع الخطبهـ و الملجهـ بعد ما تخلص الجاامعهـ و بعدين بيعرسون و بياخذها و بيروحون يدرسوون ربااعهـ و جيهـ محد بيضيع مستقبلهـ =)

مايد من درا انه سلطان خطب الريم هل هو بعد بيتجدم و بيخطب مهره ؟!..
لا ما اظني هذا ما يستااهلهاا .. انا احس ان محمد بيتصل في مهره و بيقولها عن كل شي .. و بعدين مهره بتصرف نظرها عن ماايد و بتحب محمد و محمد بعد بيحبها .. و محمد يستاهل مهره لكن ميوود ابداا ما يستاهلها ..

و السمووحهـ اتريا البااارت بفاارغ الصبر .. =)

تيك كيير __DEFINE_LIKE_SHARE__

[ملاك الروح] · 09-25-2009, 12:48 PM

[align=center]part 2

في المدرسة :..

صوب الباركنات :.

الريم : اففففف متى الا ميوود بييني ..
مهره : ان مايد مايه ترا بتروحين وياي ..

في هالوقت وصل سلطان ..

مهره : يلا طوفي وياي ...
الريم : ( وهي معصبه لانه مايد تاخر عليها و مايها ) انزين ..

سارت وياها و سلطان اول شي وصل الريم بيتهم عشان تتلبس و نزل مهره بعد بيتهم و سار عقب مر ع الريم عشان ياحذها و يمر ع مهره و يسيرون المعطم يتغدون ..

في المطعم :..

سلطان : احم احم ..
مهره : عيش و لحم ..
الريم : رز بلب ..
سلطان: عندي لكم مفاجاة ..
مهره : الريم ترا اقولج من الحين مفاجات سلطون كلها خري موول هب شي ..
الريم : خلينا نسمع المفاجاه ..
سلطان : انا نويت اتزوج ..

الريم تطالع مهره .. لانها كانت مصدومة عشان سلطان ما خبرها..

مهره : ومنو هاااي تعيست الحظ اللي بتاخذك .. اقصد سعيدة الحظ ..
سلطان : انا بخطب الريم ..

الريم انصدمت هب عشان بيخطبها .. بس عشان انه ما خبرها بالموضوع ..

مهره : اوب اوب .. عيل دام انها الريم انا موافقه .. لكن بشروط ..

الريم مول ما رمست ..

سلطان : وشو شرطج ان شاء الله ..
مهره : الفليل ترقد عندي ..
سلطان : تخسين .. انا ابا الريم لي انا هب حق حد غيري ..
مهره : ( تطالع الريم ) الريم جنج هب موافقه ..
الريم : هاااا ...
سلطان : يتهنا اللي ماخذ بالج ...
الريم : سلطان ..
سلطان : لبيه حبيبي ..
الريم : لبتك روحي ... انا ( نزلت راسها ) موافقه ..
سلطان : قلببيببببببي ...
الريم : بلاه قلبك ..
سلطان : بمووووت ..
الريم : يعل يومي قبل يومج ..

سلطان يضربها ع ايدها بالخفيف و الريم ع طول شلت ايدها ..

سلطان : لا تقولين جييييه .. انتي تدرين انتي ما اروم اعيش دقيقة من دونج ... تدرين انج اكسجين حياتي اللي اتنفس منه ... تدرين انج اغلى هديه بين ايديه ... يعني شو تبيني اضيعج من بين ايديني ..
الريم : سلطان حبيبي .. وانته ما تدري انه من سنتين وانا احبك ... و كل يوم اصبر عمري عليك غصب عني ..
مهره : احم احم .. نحنا هنا ..
سلطان : انتي ما يحلا لج اللي تخبرين علي الملذات ..
مهره : انا ما اعرف هالكلام اللي تقولونه .. عيب عيب ..
الريم : سلطان حبيبي اسكت الحين ... نسينا وينا ياهل ..
مهره : محد ياهل غير ريلج ..
سلطان : عن الغلط علي ..
مهره : بل بل الحين كلكم علي .. بخبر عليكم ماما ... (وتسوي عمرها تصيح اهى اهئ ) ..
سلطان & الريم : هههههههههههههه...
مهره : طااع هذيل .. صدق الحين بتستقوون علي ..
الريم : اليوم في وحده ربي يستر عليها قبل ما تحدر قاعة الامتحان كانت خايفة .. ماادري جنه سايرة تقدم طلب ..
مهره : جب جب .. عيل في وحده تقول اونه يوم بنخلص الامتحان بنسير الصالون . ما ادري ليش .. جنه بتعرس والا عنده عرس ..
سلطان : عادي اللي بتسير الصالون سايرة تتعدل حق ريلها ... اصلن هي من دون صالون قمر بس في ناس لازم يسيرون الصالون عشان يحلوون ..
مهره : اففففففففففف منكم .. والله انكم تقصصون ..

وتمو سلطان و الريم يقطعون مهر لين ما خلوها تصيح و تطلع من المطعم ...

سلطان : مهره صبري صبري ...
الريم : انته حاسب المطعم و انا بلحق مهره ...

سارت الريم ورا مهره .. و الحمد لله انها لحقت عليها جان روحت عنهم مشي ..

في السيارة :..

سلطان : في وحدة ربي يستر عليها ... شردت من المطعم .. جنه هب متعودة ع اكل المطاعم .. او سوري نسيت انج مال الكفتريات ..
مهره : ان ما سكت والله لانزل من السيارة ..
سلطان : نزلي محد يودج ..

مهره اغتاضت من كلامه و سيدة فتحت بابا السيارة :..
وسلطان صد عليها و صك الباب .. ولكن اول ما صد جدام شاف عمود الكهرباء و ما قدر يسيطر ع السيارة .. فدعم العمود ..

مرت دقايق من الحادث لكن محد لين الحين عرف بالحادث .. لا الناس عرفوا .. و لا حتى اي كائن حي عرف .. و كانت مهره تنزف من راسها شوي و فاقده الوعي .. و الريم كانت موول هب قادر تقوم ... و سلطان ايد ما كان يقدر يحركها و تمو بهالوضع تقريبا نص ساعة ...

سلطان : ( بكل الم (( كان يبا يحط اي شي ع راس مهره لانها نتزف و مول ما كان قادر يسوي شي ) مهره ..
مهره : ( بدون رد ) ..
الريم : سلطان ... حاول تسوق لين المستشفى .. لانه مهره حالتها ما تسر ..
سلطان : لو الود ودر جان سقت لكني هب قادر ..
الريم : ( تحاول تطلع فونها من شنطتها عشان ادق لاي حد عشان ايوونهم ) اففففففف ها وقته ...
سلطان : بلاج الريم ..
الريم : فوني مافيه رصيد .. سلطان عطني فونك ..
سلطان : ما اعرف وينه ... يمكن طاح تحت السيت ..
الريم : سلطان .. حاول ترجع ورا .. وانا بسوق السيارة لين المستشفى ..
سلطان : ماترومين ..
الريم : ما نسيت اني كنت اسوق في البر ..
سلطان : انزين . تعالي ساعديني ارجع ورا ..

الريم يلست سلطان وراء و حاولت بكل جهدها انها توصلهم للمستشفى باسرع وقت ..

وصلت المستشفى و عقت راسها ع السكان .. لين ما تمت تضرب هرن ..

عقب يو الممرضات و شافوا حالتهم جيه... و سيدة ودوهم عند الطوارئ ..

مهره كان عندها نزيف في راسها .. فاجروا لها الدكاترا الاجراءات اللازمة و عقب حطوها تحت المراقبة لمدة 24 ساعة ..

سلطان كان عنده كسر بسيط في ايده اليمين .. فجبسوها له ..

والريم بس كان فيها جروح بسيطه .. هي اصابه بجروحه بسيطه لانها كانت رابطه حزام الامان..

عقب ما تلقا الكل الاجراءات اللازمة بس مهره هي اللي تنومت في المستشفى اما سلطان و الريم روحوا البيت بدون ما يقولون شي للحادث ...و الريم روحت بيتهم

في بيت بو سلطان :..
ع العشاء :..

ام سلطان : وينها مهره ... ليش ما تي تتعشا وياكم ..وانته يا سلطان بلاها ايدك ..

الريم تطالع سلطان :..

سلطان: ماما ... مهره في المستشفى ..
ام سلطان :مستشفى @@ وشو تسوي في المستشفى .. فديت بنتي .. ودوني عندها ..
سلطان : ماما يالغالية .. ترا نحنا يوم كنا راجعين من المطعم سوينا حادث .. كله من مهره فتحت باب السيارة وانا صحيته عنها و عقب دعمنا عمود الكهرباء ..
بو سلطان : وليش ما قلتولنا ..
سلطان : نحنا بروحنا محد يالنا .. الا الريم ساقت السيارة لين المستشفى ..
ام سلطان : الحين منو ويا مهره..
سلطان : الدكاتره و الممرضات ..
ام سلطان : ودوني عدها ..
بو سلطان : بتسيرين شو بتسوين ..
سلطان : الدكتورة قالت انها بتم عدهم في الملاحظة 24 ساعة ..

والحين ام سلطان فتحت عليهم الحنه و الصياح طوول الليل ...

بو سلطان : انته ليش قلتلها ..
سلطان : يعني اخبي عنها ... لو ما عرفت اليوم بتعرف باجر ..

في بيت بو مايد ..

مايد : بلاه راسج جييه ملفوف ..
الريم : سوينا حادث ...
مايد : حادث ... حادث شو ..
الريم : المطعم ... الباب ... دعمنا ... الكهرباء ..( قالت له السالفه ) ...
مايد : ( يسوي عمره خايف ع مهره و هو امناك يتمنالها الموت عشان يفتك منها ) والحين مهره وينها ...
الريم : هالكثر خايف عليها .. وانا اختك ما سالتي شو فيج ..
مايد : يعني شو اسوي .. انزين ما قلتيلي وينها مهره الحين .. وشو فيها ..
الريم : تنزيف في الراس ... لكن الحين الحمد لله بخير ... وبيخلونها تحت المراقبة 24 ساعة ..
مايد : فديتها ... وانتي شو فيج .. و سلطوون هاللي بو سبع ارواح بلاه بعد ..
الريم : ( مدت له البوز ) مالك خص في سلطان .. و لو سمحت اسمه سلطان هب سلطون و هو هب اصغر عيالك فهمت ...
مايد : بل بل ذبحتينا .. ما قلنا شي ..
الريم : اول شي ثمن كلامك عقب ارمس فهمت ..
مايد : دام سلطان جيه بيسوي فيج .. خلاص انا اظهر حجرتي احسن عن تاكلينا ...
الريم : هههههه..اتريا بيي وياك ..

سارت الريم ويا مايد حجرته ...

مايد خذا لابه و يلس ع المسن ..

الريم : انا بسير اييب لابي و بي ..

سارت الريم ياب لابها و يلست ع الشبرية ..

مايد : شوي شوي ع شبريتي ..
الريم : بل بتاكلنا عشان شبرية ..
مايد : محد حاس فيه غير شبريتي ..
الريم: و ليش يعني ..
مايد : كلما احزن شبريتي تحتفظ بالامي ..
الريم: شي طيب الصراحه ..

حطت الريم اغنيه لفاضل المزروعي ..

راح و تناساني
الخاين الجاني

هاجر و خلاني
و الروح ولهانه
حبيته من قلبي
يشهد علي قلبي
اخلصت في حبي
وقلبي يبي وصاله

مايد : اغنيه منو هاي ..
الريم : فاضل المزروعي ..
مايد : طريشلي اياها ..
الريم : مابا ..
مايد : يلا لااااه .. بلا نذاله طرشيلي ..
الريم : بطرش لك رابط الاغنيه و انته نزلها .. مابي اخذ اثامك ..
مايد : اوك ..

طرشت له الرابط ..

مايد : يعني الحين يوم طرشتي الرابط ما خذتي اثام ..

الريم سيدة تسيرة و تبند لابه عشان ينمسح الرابط ..

مايد : اييييه شو سويتي ..
الريم : عشان ما اخذ اثام ..
مايد : اففففف منج .. سخيفة ..

وعقب دقايق حدر سلطان المسن ..
وسوو انفايت مايد و الريم وسلطان ومحمد ربيعهم و حمد اخو سلطان

سلطان كان نكه " مـنَ يحبڪ ڪثر مآ ••• أحبڪ أنَــــآ Д "...

مايد كان نكه " بين آلسطور بتشوف ڪـل جفآ آلسنين ••• و ليلة فقدت فيهآ صوتـڪ يم بابي "

حمد كان نكه " وشَ لهَ تزَعلْنٍيَ ¦••• علَىِ شَانَ آخَليَڪَ؟! "

الريم كان نكه " الحِبّ )¦ مِاْيحتآجِ لِاْ گِلاْمِ وِلِاْ نِظِرٍ "

محمد كان نكه " •••::جــيــ[ــتني::•••بالحــــب~~ هــــ]ــــايم••• "•••وجــــيــ]ــتك••• للــفــراق•••مــــــلـــ[ــهوف•••"

[/align] __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
«غيماريش الوصل» على صفيح ساخن	راعـــ الــحــب ـــي	رياضة محلية و عالمية	1	05-10-2010 09:37 PM
التحاليل الاخبار##تفيد او لا تفيد	محروم.كوم	منتدى أخبار المواقع والمنتديات العربية والأجنبية	0	05-10-2010 10:30 AM
خــيل شـيخ حـرب......	محروم.كوم	منتدى أخبار المواقع والمنتديات العربية والأجنبية	0	10-13-2009 01:30 AM
كلاب صـيد.مـدربات.للبيع	محروم.كوم	منتدى أخبار المواقع والمنتديات العربية والأجنبية	0	07-06-2009 06:40 AM
صـدى صــوؤؤتك ..!$	ღЯмşħ αℓ3ίήღ	شعر و خواطر	4	02-19-2009 04:05 PM