في الحديقة,,
الحديقة كانت عالم ثاني اول شي ممر طويل كله ورود بعد الممر في بركتين صغار على اليمين و اليسار فيهن سمك من النوع اليباني الونهن ابيض و احمر وذهبي كان احلى نوع وبعدين في نهر صناعي صغير فيه ضفادع صغار و هذلي فقع جبد مريوم بس نورة و اليازي عيبهن شكله و تمن يهددن مريوم انهن يفرنها داخل و هي فالخه منهن تدري انهن يسونها و ينسن انها بنت عمهن و راحت اندست ورى فطوم و فطوم ناقعه ضحك ع خبال هذي الثنتين بعد الحواطة و تكسير الريول اقترحت نورة انهن يروحن ياكلن و كلن و خلصن و قامت يزوي تحوط كانن البنات متفقات اذا ضاعة وحده منهن و و صلة الساعه واحده ترد البيت بروحها لان الحديقه كانت وااايد عوووده
اليازي:اااااااااخ و ين رحتن بس,,و تمت ادور و دار راسها وطالعة الساعه انها و حده الا ربع ماكانت منتبه و هي تمشي ف دعمت فواحد وبغت اطيح بس هو ماقصر و مسكها من خصرها و طاح تلفونها و انكسر رفعة راسها تشوف منو مسكها انصدمت,,حمداااان,,وهو بدوره انصدم,,بعدت عنه
اليازي:اسمحلي اخويه ماكنت منتبهه
حمدان:اسمحيله كسرت تلفونج
اليازي و توها منتبهه عى التلفون:لا عادي
حمدان يظهر تلفون من مخباه:هذا بداله
اليازي: لا لا لا لا ماباه عندي واحد ف البيت
حمدان:مسكي انتي شكلج ضايعه خلي عندج
اليازي بستسلام:Ok,,بس برده
حمدان:ان شالله
راحت اليازي وهي سرحانه في ملامح حمدان الملفته للنظر خشمه الطويل سله السيف ولا عيونه المرسومه رسم مع رموشه الكثيفه وشعره الاسود عاكس بيايضه,,دقت على البنات و قالولها انهن ردن البيت وقفت تاكسي و راحت المستشفى
في السكن,,
نورة:مريووووووووووووووووووووووووم
مريوم:هااااااااااااااااااااااه
نورة ببرأه:انا بنزل الدكان
مريوم:الحين مناديتني و تزاعقين عشان تقوليلي انج بتروحين الدكان!!!!
نورة: ابا فلووووس
مريوم:قولي كذي من اول شي
نورة خذت الفلوس و هي تتجهز لشرده:عيل تتحريني اناديج عشان سواد عيوونج
مريوم:ااااا يالحماره انا ارويج

نوره عند اللفت:خخخخخ,,هبله
سالم ماصدق عيونه:السلام عليكم
نورة:و عليكم السلام
ركبت نورة اللفت و ماكانت منتبه ان البوك مفتوح فطاحن فلوسها,,سالم الي نتبه على الفلوس بعد ماركبت نورة اللفت ,,خذ اللفت الي بعده و نزل تحت لمحها رايحه الدكان و راح وراها

في الدكان,,
..طبعا الكلام كله بالنجليزي..
راعي المحل: 55 دولار
نورةفتحت البوك ماحصلت فلوس,,انصدمت:اوووه نسيت الفلوس فوق
راعي المحل:ماعندج فلوس؟
نورة:لا نسيتهن فوق..ثواني وبرجع
.. عند الباب دخل سالم و هي توها بتظهر..
سالم:ختيه
نورة:نعم
سالم:فلوسج طيحتيهن عدال اللفت
نورة:شكرا اخويه
.. ردت دفعت و خذت الاغراض و ردت فوق..

في المستشفى,,
.. الكلام كله بالنجليزي..

حمدان:متى اخر مره كل ؟
النيرس:ماطاع ياكل الغدا
حمدان:اهاا,,بس انت لازم تتغذي!!
المريض:اكلهم هب حلو
حمدان:بس انت ماكلت شي من بعد العمليه
المريض:صح دكتور خلاص الورم اختفى؟
حمدان:هيه و انشالله مابيرد مره ثانيه
المريض:انشالله
حمدان:بس بحطلك مغذي
المريض:لالالالا
حمدان:عيل كل و مابحطلك
المريض:Ok,,بس كله ولا المغذي
حمدان:ههههه,,مع السلامه
..طلع حمدان من غرفة المريض و دخل الي بعدهاو هو ماسك ملف المريض..
حمدان:صباح الخير
المريض:صباح الخير
حمدان:اخبار الويع؟
المريض:احسن بس ماراح
حمدان:نحن حاولنا نوقف النزيف وقدرنا
المريض:الحمد الله ,,متى اروم اطلع؟
حمدان:ههههه,,ليش مستعيل لازم نراقب حالتك لين ماتستقر,,وبعدين بنظهرك
المريض بستسلام:Ok
.. ظهر حمدان رايح صوب مكتبه عقب ماتأكد ان كل مرضاه بخير,,وهوفي الدرب شاف واحده ماسكه راسها و باين انها ماتروم تتحرك من الألم راح صوبها
حمدان و هو ماشاف و يها الأنها كانت منزله راسها:السلام عليكم
اليازي مارفعة راسها بس حسة ان الصوت مش غريب عليها:و عليكم السلام
حمدان:راسج يعورج؟
اليازي:صداع ويروح
حمدان:لا تتحركين من محلج بروح و برد
اليازي ماسمعة شو يقول بس قعدة على الكرسي,,بعد دقايق رجع حمدان و في يده كوب ماي و حبه
حمدان و هو يعطيها الماي و الحبه:كليها
اليازي رفعة راسها:ح..م..د..ا..ن
حمدان استغرب كيف تعرف اسمه بس بعدين اذكر ان مبارك نداه قدامها:هيه انتي كلي الحبه
.. طاح الكوب و نكسر و هي طاحة على الأرض و يتها نوبة صرع قرب منها حمدان و حط يده تحت راسها و هوماسكنها عشان مايضرب راسها ع الأرض,,ناد على الممراضات عشان يشلونهاو حجز الها غرفه على حسابه الأن المستشفى خاص..

بعد ساعة في غرفة اليازي,,
اليازي قامت وراسها يعورها حست انها بترجع قام حمدان و قرب منها صحن رجعةفيه,,استغربت ان حمدان معها في غرفتها
اليازي بصوت مبحوح:انا وين؟
حمدان:انتي فالمستشفى
اليازي:منو يابنيه؟
حمدان:ماتذكرين ليش انتي كنتي هني؟
اليازي بعد تفكير:هيه كنت بروح صوب يديه
حمدان:يدج اي طابق و كم رقم الغرفه؟
اليازي:الطابق الـ 8 غرفه رقم 15 بس ليش؟
حمدان:بروح اشوف هلج وبخلي حد يقعد معاج
اليازي:لا لا تخبر حد اني هني
حمدان مستغرب:ليش؟
اليازي:ماريد حد يدري انتي تعبانه كفايه يدي
حمدان:يعني هذي مش اول مرة تيج نوبة صرع
اليازي:لا اول مره
حمدان:عيل كيف كنتي تعبانه؟
اليازي:صداع و لوعة واحيانا ازوع و مرات ماروم احس بريوليه بس بعد تقريبا خمس دقايق عادي احسبهن
حمدان بتفكير:اهااا بس لازم انتي ماتظهرين لازم اسويلج فحوصات
اليازي بخوف:ليش انا فيه شي
حمدان:ماعرف لازم اسويلج كما فحص
اليازي و هي تشل اللحاف و توها تنتبه ان عليها ثياب المستشفى الي كانت توصل لين فوق الركبه بشويه و الظهر كله مفتوح استحت و حمدان انتبه انها و مستحيه فنزل راسه
حمدان:انزين تريدين تظهرين ماعليه بس لازم تردين و اسويلج كما فحص
اليازي:ماعليه يستوي خير,,فتحت الكبت وشلت ثيابها و دخلت الحمام تبدل
حمدان تم سرحان في ملامحها الي اول مره يشوفها عن قرب و يها القمري و عيونها العسليات و شعرها الأسود الحرير كان طايح على كتوفها ووهو اول مره شافها في المطار نبهر بجمالها بس الحين حس ان مشاعره بدت تتغير تجاهه
اليازي:حمدان حمداااان
حمدان و هو توه منتبه انها قدامه:لبيه
اليازي:انا بروح وبحاول ارجع باجر عشان الفحوصات
حمدان استانس انه بيشوفها باجر :اوكي,,مكتبيه في الدور الرابع و اذا ضعتي اسألي الرسبشن و هو بيقولولج مكانه
اليازي:ان شالله,,بس ماتباني ايب اوراق او شي؟
حمدان:هيه جوازج و بس
اليازي:خلاص بحاول اي باجر الصبح على الساعة 9
حمدان:خلاص ارقبج