¨°o.O (بحــــط قلبـــــي بيـــن يدينكــ.. هديهــ..) O.o°¨ - الصفحة 3

ملاك الخاطر · 07-21-2009, 03:43 PM

المشاركة الأصلية كتبت بواسطة нεя нiḠhиεšs

مرحبا الساع --[ ملـاك الخاطر

ياويلي عليج و ع مدونتج الفنتك [=..

اسميج ربشـ‘ه ورابشـ‘ه المدونـ‘ه معاااج لوولز ..

حبتين واللـ‘ه دخلت مزاااجي من سوالفج p=

و ماشا اللـ‘ه متروسـ‘ه أكشنااأاات ؛؛

ربي يحفظج ويحفظ ماماتج وبسج من تلعوييزها -_- <<-- طاااآع من يرمس ههه

بس جيي يعني ؛؛ ادري تفلسفت واايد --[ شنسوي بعد pp=

واكيد نتريا اليديد d=

تسلميين [mark=#CC6699][mark=#FFFF99]حبيبتي[/mark] [/mark]عيونج الحلوة .. استانست الصراحة .. عااد ماماتي خليها بروحها سالفة ههه ..يعجبني تفلسفج .. انشاالله في اقرب وقت بحطي كل يديد ..

нεя нiḠhиεšs >> تسلميين حبيبتي __DEFINE_LIKE_SHARE__

ملاك الخاطر · 08-01-2009, 09:19 PM

هلا و الله .. اخبااركم .. علومكم ..؟؟

ادري اني غبت فترة طويلة عن مدونتي و عن اعضاء منتدانا الغالي .. فاسمحولي لان كانت عندي ظروف و ما كان عندي وقت اكتبلكم .. بس الحينة رجعت ^^ ..

ما بحدد الايام و جي لان واايد اشيا استوت فبقولها باختصاار .

الله يسلمكم الاربعا مب ها اللي طااف رحت دبي موول انا و اختي و اخوي .. رحنا الصراحة رووعة وووااايد كبير حتى انا ما اعتقد اني لفيت نصه .. تكسرت ريوولي .. تمينا لين الساعة 10 تقريبا و ردينا رااك ..

و يوم الخميس و الجمعة ما استوا شي .. بس الجمعة رحت المناار اكمل اغراض السكوول .. السبت و الاحد و الاثنين ما استوت اشيا مهمة ما ظهرت من البيت ..

اما الثلاثاء رحت انا و اختي الكبيرة السووق و بن ظااهر هي تشرت حق عيالها ثياب و خرابيط حق مدارسهم .. و الاربعا رحت الامرتس موول و يا بنت خالتي و ناااسه استانسنا يعني صج صج طولنا هنااك و شلييت نص الموول .. ههه

و يقولكم يوم الخمييس رحت عند دكتور الاسناان و عطاني موعد ع الاسبووع الياي برووح اركب تقوييم ..>> يعوور ..

و الجمعة كل الاهل تيمعوا عندنا في البيت و ربشة وو ناسه .. احلى شي شلييت اعضاء شلتي اللي هم نواري .. و عواش .. و ندوه .. >> شلتنا المعروفة كلنا قد بعض ..^^ و ضاربينها خبال و اغاني و سوالف و لعب و جي ..

و السبت اللي هوه اليوم ماصار شي .. ملل كله تلفزيوون و لعب ويا اخوي سوني .. >> ما عندي شغله ..

و بـــــــــــــــــــــــــــس .. ها كل اللي صاار في اسابيعي الماضية .. و اسمحولي مرة ثانية ...

BrB

__DEFINE_LIKE_SHARE__

ملاك الخاطر · 08-20-2009, 04:32 PM

هلا و الله .. ادري اني قصرت علييكم واايد و اني طولت الغيبة و انكم اشتقتولي >> مااالت

بس كانت عندي ظرووف و رحت دبي و قعدت فيها تقريبا اسبوعين ما كنت شاله الاب فاسمحووولي ..

بخبركم الي استوا في الايام اللي طافت ..

كان يوم الاثنين الساعة 10 الصبح و انا راقدة .. الا فجأة هجووم ع الحجرة اخووي يزاعج اونه يبى يقومني .. المهم عاندت ما رضيت انش كان فيني رقاد من الخاطر خلاص منتهيه ..

بعد شوي الا احصل عمري مفروره ع الارض ..

انا :: ايييه ياال*** ليش تفرني ..

اخوي :: لانج مب راضيه تقومين و ها الحل الوحيد ..

انا :: و ليش اقوم بطبخ قالولك ..

اخوي :: كيفج بتفوتين سيره دبي ..

انا :: دبي!!. منو بيسير ..؟؟

اخوي :: كلنا يلا قومي لين الساعه 12 ما خلصتي اغراضج نحنا مروحين ..

انا ما صدقت ع طوول طيرااان الحمام عزكم الله .. و مرتبشة المهم بعد الغدا توجهنا لدبي و تمينا فيها اسبوعين تقريبا

و في هاي المرة اللي رحت فيها دبي صديق يديد راح وياي و اللي هوه التقويم >>

ركبــــت تقويييم اسمييه عورني و نص دمي رااح صدق كاان يعور و الحيين زاد الطين بله ما اقدر اكل شي كل ما كليت يعلق .. >>>لوعــــة ..

و هيه صح .. مبرووك علييكم الشهر مقدما .. احتمال يكون باجر الجمعة و لا السبت ..

احم نرد ..

رحنا دبي الصراحة ونااسه كل عايلتنا الكريمة سايرة يعني صج كان ربشه .. و كل يوم في مكاان .. ما خليت مكاان في دبي ما سرته ..

و يحليه ابويه كل ما اشوفه اقوله عطني ..هههه مفلستنه .. كان يقولي ورثتيني و انا بعدني حي >> فديته باباتي الله يطول بعمره ..

و طبعا يوم ردييت رااك .. رحت بيت ربيعتي عازمتنا و استانسنا وياها و جي .. ووو باقيلي كمن غرض من اغراض المدسة ما خلصتهن .. بس اغراض العيد شطبت عليها .. >> شادة حيلها ..

و بـــــــــــــــــــــــــــــس .. قلتلكم كل اللي كان خاطري اقووله .. و اسمحوولي مرة ثانية ..BrB

__DEFINE_LIKE_SHARE__

ملاك الخاطر · 08-22-2009, 09:02 PM

هلا و الله ..

كل عام و انتوا بخيير .. و مبرووك عليكم الشهر الله يعوده علينا كل سنة و كل حول ..
مثل ما نعرف كلنا انه اليووم الي هوه يوم السبت [mark=#FF9999]22\8 [/mark]اول ايام شهر رمضان ..

اليوم طبعا كل حد في بيتنا صاايم الااليهاال .. كان يوم حلو و خفيف .. صح اني حسييت بيووع بس ما علييه اخر شي فطرنا ..

اليوم فطورنا ممم كان ثريد + عيش برياني دياي + فطااير .. وو بس ع ما اعتقد .. >> يم يمي .. اوب نسييت حد يبى ..؟؟ هه

احم احم و يقولكم اليوم انا اللي سويت السوييت .. ايس كريم بالبسكوييت >> عجييب ..
مم احلى شي بعد الفطوور .. طبعا صليت و جي و يسينا جدام التلفزيون ..

انا طول السنة بس اتريا شعبية الكرتوون احلى شي الصراحة ..

وو شفت خوصة بوصه .. احسه حلوو و كوول ..

همسه ( مم حبايبي متابعين مدونتي مم ما اقولكم ما تطاعون شي بس لا تقضون وقتكم كله في التلفزيون تراه اخر شي ما بينفعكم .. ) [mark=#FF9999]>> طاع منو اللي يرمس [/mark]

هييه .. يقولكم امس انا و اخوي و اخوي الثاني كنا سهرانين .. نحن الثلاثة بس .. مصخرة و سوالف و كل واحد يطنز ع الثاني مب جنة ليلة رمضان ..

الموووهيم .. في هاييج اللحظة و احنا قاعدين امس .. مسوييين حشرة في البيت .. يدخللنا ابووي ههه ..

ابويه : انتوا شو تسوون صج انكم مسودين الويه حشرة ما تخلون الواحد يرقد لا صلاة و لا دين ...الخ >> ما خلا شي ما قاله ..

بعد الهزاب كل حد قام و صلى و رقد ..

هههه .. و اليوم استوالي موقف .. ناسية اني صايمه .. نازله من فوق حضرتي ..

انا : اميييه .. ماااامااا ..

اميه : نعم شفييج ..؟؟

انا : وين الغدا الساعة 2 و نص و لين الحين ماشي غدا ..؟؟

امييه : لا و الله احلفي انتي بس نحن صيام و انتي وين الغدا ..

انا :

ووو بـــــــــــــــــــــــــــــــــــــــــــــــــ ـــــــــــس .. ترقبوني في يوم ثاني في برنامج ملاك الخاطر ههه>> استهبل ..

[align=center]BrB [/align]

__DEFINE_LIKE_SHARE__

ملاك الخاطر · 08-23-2009, 08:53 PM

هلا و الله .. اخباركم ؟؟ شحالكم ؟؟ علومكم ..؟؟

شحااال الصيام وياكم ..؟؟

اليوم و في يوم يديد من ايام ملاك الخاطر >> اللي هيه انا

قمت ع الساعة 12 و نص الظهر .. قمت و صليت و جي و نزلت تحت .. رحت الصاله ..

انا :: هلوو ايفري بدي ؟؟ هاور يو ؟؟

اخويه :: ماااالت ع الويه .. اونج تبين تسوين عمرج تعرفين تتفلسفين بالــenglish

انا :: هييه تصدق ..

امييه :: اقوول تراه خالج و حرمته و عياله بيفطروون عدناا ..

انا :: امييه انا اللي بسوي السويت ..

و صج بالفعل انا اللي سويت السويت اليوم و عيبهم >>

و ع الفطوور .. كان خالي و حرمته .. و عيالهم ..اللي هم .. عبادي الصغيرون .. و ميثانه صف اول .. و ميوود اللي هوه اكبر عني بسنه ..

هههه و يقولكم اخر خبر في جريدة عايلتنا .. اختي الصغيرة مريووم صاامت اليووم ههه و مسوتلنا حفلة كل ما شافت حد قالت انا صمت انا صمت .. ههه

ههه .. ها الموقف بعد الفطور و نحنا قاعدين ع التلفزيون ..

ميوود :: الله .. خالوه منو اللي مسوي السوييت ..حلو ؟

امييه :: ههه بنت خالتك ..

انا :: هيه فديتني شادة حيلي

ميوود :: عيل يع مب حلو ههههههه ..

انا :: تتمنى تاكل من ايدي مالت ..

و الموهيم قبل شوي روحوا ابوي و اخواني الاثنينه و خالي و ميود ساروا المسيد يصلون التراويح ..^^

و يلا انا بعد بسير اصلي قبل ما توصلني الهزية .. هههههه ..

يلااا جداامي كل حد يسييير يصلي الاولااد قوموا ع المسييد .. و البنااات يلا ع السيادة هههههههه >> اسوولف حبايبي

BrB

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الفـــرق بيـــن iPhone 4 and iPhone 3GS	محروم.كوم	منتدى أخبار المواقع والمنتديات العربية والأجنبية	0	06-13-2010 11:00 PM
" ضرآبــــه بيـــن شيــبــه ۈ عــيــۈز "	سمرة وكلي دلع	التراث والحضارة	12	02-09-2010 07:17 AM
قضيـــــة بيـــن أخــــــويـــن فى المحكمــــة..!	محروم.كوم	منتدى أخبار المواقع والمنتديات العربية والأجنبية	0	10-26-2009 08:00 AM