البارت السادس عشر
كتب مايد أسامي الشباب و البنات و ام منصور
مايد : الحين منو بيسحب من الشياب
بو سعيد : انا بسحب
مايد : لازم حد بعد
ام عمر : خلاص انا بعد بسحب
مايد : اوكيه , اول شي خالو ام عمر بتبدا بس محد يقول اسم اللي عنده لين ما يسحب الشخص الثاني
سحبت أم عمر وبعدها سحب بو سعيد
مايد : ها اسم منو طلع
ام عمر : عبود
بو سعيد : ام منصور
مايد : انتو الاثنين ويا بعض
ام منصور +عبود : اوكيه
سحبوا مره ثانية
ام عمر : يزوي
بو سعيد : مايد
مايد حس بفرحه بس ما بين لحد
بعدها ظهر اسم ذياب و سيف آخر شي ظهر اسم منصور و شيخة
مايد : الحين بقول كل واحد ويا منو
الكل :أوك
مايد : خالي بوشيخة و أم شيخة ويا بعض , خالي بوعمر و ام عمر , خالي بو اليازية و ام اليازية ويا بعض , خالو ام سيف و بو سيف , و خالو ام ذياب و بوذياب ويا بعض , و خالو ام سعيد و بو سعيد ويا بعض , و امي و أبوي مع بعض , عبود و خالو ام منصور مع بعض ,انا و يزوي مع بعض , سيف و ذياب , شيخة و منصور مع بعض , الحين الكل عرف هو ويا منو صح
الكل : هيه
بدو اللعب و الكل كان متحمس و مستانس و يا الوقت انه مايد يقول منو بيعزم منو
مايد : احم احم يالله بقول منو فاز , بوشيخة فازعلى أم شيخة , و ام عمرفازت على بو عمر,ام اليازية فازت على بو اليازية , بو سيف فاز على ام سيف , ام ذياب فازت على بوذياب , ام سعيد فازت على بو سعيد , و أبوي فاز على أمي ,عبود فاز على خالو ام منصور, ويزوي فازت علي , ذياب فاز على سيف , و شيخة فازت على منصور , والحين كل واحد يشل اللي عازمنه و يسير , اليوم عندكم الحرية
شيخة : إنزين لازم نتعشى ف مطعم الشاليه و الفندق ولا عادي لو برع
مايد : كيفكم اي مكان تبونه
سيف : بس مب الكل يقدر يطلع برع لان مب كلنا ياين بسيايرنا و بعدين عبود كيف بيطلع و انت بعد
شيخة : شوف انا ما احب اعطي سيارتي حق حد بس ما يغلى شي على مايد ف خله ياخذ سيارتي و عبود بيي وياي انا و منصور
مايد : وااي فديت روحج انا
ام مايد : استح على ويهك شو هالكلام بعد
مايد : شيخو شرات اختي , المهم موافقين على كلامها
الكل : هيه
مايد: انزين يالله روحوا تلبسوا و كل واحد يشل اللي عازمنه
الكل سار يتلبس و يتجهز , بعد نص ساعة الكل كان جاهز و اتوجهوا صوب السيارات
--------------------------------------------
صوب سيارة شيخة الي خذاها مايد
مايد : ها يزوي وين تبين تروحين
يزوي (بخجل) : اممم مادري كيفك

مايد : لا أنتي أختاري المكان
يزوي : عادي أي مكان , أنت أختار و سولي سبرايس
مايد : ههههههه أوك
-----------------------------------------------
صوب ذياب
ذياب : اقولك سيف
سيف : قول
ذياب: مب جنه المفروض شيخة ما تسير ويا منصور
سيف : ليش ؟
ذياب : شو ليش بعد , ترا ما يقربلها ولا شي
سيف : ترا مب بروحهم عبود و ام منصور وياهم
ذياب : هيه صح
-----------------------------
صوب سيارة منصور
طبعا هذيل آخر ناس طلعوا لأن
شيخة : لا والله خالو انتي ركبي جدام
ام منصور : لا حبيبتي أنتي ركبي
شيخة : لا خالو شو عيب و بعدين هذا ولدج لازم انتي تركبين معاه
عبود : يالله اخرتونا
ام منصور : أنا مب راكبه يعني مب راكبة , إذا ما ركبتي بزعل عليج ترا
شيخة : منصور رمس أمك
منصور (غمز حق أمه ): أنا ما يخصني إنتي أتفاهمي وياها
عبود : خلاص انا بركب
ام منصور : أنت اسكت , محد بيركب غيرج
شيخة : خلاص أمري لله بركب
ام منصور : هيه جي أباج
------------------------------------------
طبعا كل الشياب قرروا يسيرون نفس المطعم , بس الشباب قرروا كل واحد يسير مكان , حتى عبود و ام منصور نزلوا مكان غير عن مكان شيخة و منصور
------------------------------------------
وصلوا شيخة و منصور المطعم و المطعم فيه مكان تيلسين داخل و برع ف شيخة اختارت أنها تيلس برع , كانوا ساكتين و الهدوء مسيطر على المكان, شيخة كانت تتأمل المكان و منصور يتأملها , حست شيخة أن منصور يطالعها , ارتبكت و
شيخة : أحم
منصور (حس على عمره ) : اممم يالله سولفي ليش ساكته
شيخة : ما أعرف شو أقول
منصور : امم إنزين تذكرين أول مره تلاقينا
شيخة (تحاول تتذكر): لا والله ماذكر
منصور : يوم كنتي يايه تشلين امج من بيتنا

شيخة : هييييه تذكرت , تدري اول ما شفتك قلت (يخرب بيته محلاته) ههههه بس بعدين قهرتني
منصور : احم أدري إني حلو
شيخة : عن تصدق عمرك بس , هيه صح شبهت عليك ف دبي مول بس مب متأكده إذا أنت ولا لا لأن إلي شفته وياه بنت
منصور(توتر): لا أكيد مب أنا
شيخة : أنا قلت بعد لأن هذاك شكله كان ويا حبيبته ,ليكون إنت شراتهم
منصور (توهق): لا شو وين أبا
شيخة : هههههه ليش زايغ إنزين ترا الشي عادي الحين كل الشباب جيه , الله يهديهم
منصور : هههه آمين,(قال فخاطره: الحمدالله ما شكت بشي)
------------------------------------
صوب مايد و يزوي
مايد : عيبج المكان
يزوي: هيه وايد , يجنن
مايد : صدق ؟!!!
يزوي: هيه والله , أنا أحب الأمكان المفتوحه
مايد : أدري
يزوي : كيف تدري!!
مايد : بعد ربج
يزوي : صدق قول
مايد : أعرف و خلاص
الكل استانس ف هاي الطلعة و حسوا أنهم غيروا روتين حياتهم شوي , الكل رجع الشاليه و تيمعوا ف الصالة
مايد : ها الكل استانس ؟
الكل : هيه
مايد : زين عيل , اووه صح مشكووووووووووورة وايد شيخة على السيارة , و على فكره تراج خطيره
شيخة : هههههه العفو , ليش؟
مايد :أونج مزوده السيارة
شيخة : هيه شو تتحرا انا قو
مايد : خفي علينا يالقوو
شيخة : ما بخف (و طلعت لسانها)
الكل ضحك عليها , لأن حركتها عفويه و شكلها استوى شرات اليهال , و طبعا في ناس يوم شافوها تخبلو عليها >> ما بخبركم منو
و مر هاليوم على خير و الكل سار يرقد و هو مستانس
-----------------------------------------------
توقعاتكم حبايبي :-