| ||||||
 |
| | LinkBack | أدوات الموضوع | انواع عرض الموضوع |
12-17-2013, 11:05 PM
| رقم المشاركة : [ 546 ] | |
| عضو دائم  |  آلبآرت آلتآسع عشر .. دخلت الغرفة ولقته يقرآ قصة , سكرت الباب ورآحت قعدت على الكرسي ويودت آيدهآ وقعدت تلعب في آيدهآ وسرححت .. سعيد حط الروآية على ريله : في شو تفكرين ؟ شمسه رفعت عينهآ وتطآلعه مآتعرف شو تقول ؟ ترد تعيد كلآمهآ آنه يطلقهآ ولآ آتم ويآه لآنهآ تحبه , كآنت جد محتآرة , : آمم ولآ شي ! سعيد : يبين عليج التعب ريحي عمرج شمسه ابتسمت من طرف وسكتت عنه .. سعيد : آنآ آعرف آنج مآنسيتي ولآ بتنسين بس مب زين اللي قاعده تسوينه في نفسج ! شمسه : مب مضطر تتعآمل معآي بهاللطآفة , انا قلت اللي عندي , طلقني وخذهآ , انا مستحيل اعيش معاك ولو عشت معاك مستحيل ترجع حيآتنآ مثل مآكآنت .. سعيد تنهد : شمسه استهدي بالله , وآستغفري ربج شمسه تطآلعه : استغفر الله .. سعيد : لآ تتسرعين بقرآرج شمسه سكتت عنه وهو تم يطآلعهآ شوي عقب رد يقرآ روآيته , يآت آم ذيآب ودقت آلبآب ودخلت بعد مآقآلولهآ تدخل وسلمت عليهم آم ذيآب : آبويه شمسه تعآلي سآعديني بالمطبخ شمسه قآمت وطلعت لهآ شيلة : آن شاء الله عموه آم ذيآب طآلعتهآ : سبقيني شمسه : آن شاء الله " طلعت عنهم ورآحت المطبخ " آم ذيآب : شفيهآ شمسه ؟ سعيد نزل راسه : ممآععرففف آم ذيآب : ترآك مآتعرف آتجذب , قول الصدق احسن لك ! سعيد : آمي سالفة قديمة صارت ممكن مآنتكلم فيهآ .. آم ذيآب : اذا ماتبي تتكلم فيها رآضي حرمتك , ترى يبين عليهآ التعب سعيد : آن شاء الله آميه آم ذيآب : انا بنزل اشوف العشا معآهآ لين آي ذيآب , آحيده رآح المطآر مع محمد يودع مرته سعيد : زين نزلت آم ذيآب عنه ورآحت تسوي العشآ مع شمسه , قعدوآ يسولفوآ بسوالف ثآنية , شمسه تحآول تنسى , وام ذيآب تساعدهآ آكثر عشان تنسى هالموضوع وترد لريلهآ وتنسى موضوع الطلآق .. شمسه : تعبت , آخيرآ خلصنآ , بروح اسبح وبرد انزل آم ذيآب : بتريآج شمسه صعدت فوق وعلى طول سحبت ثيابها وسبحت وتعطرت وتحجبت وعلى طول نزلت تحت , عقبها بشوي سعيد وبوذيآب وعمر وعمير واحمد كلهم نزلوآ عسب يتعشون كلهم كانوآ يآكلون الا شمسه كانت بس تشرب شوربة .. بوذيآب : بنتي ليش مآتآكلين شمسه : آممم شبعت آم ذيآب : لآ تجذبين شو كلتي سعيد : شمسه مآتحب تاكل سمج وهالسوالف شمسه سكتت , مآتوقعت انه ركز في هالاشياء الصغيرة اللي هي ماتحبهآ , مآعرفت وقتهآ تستآنس ولا تعآتبه اكثر لانه حتى في فترة زوآجهم كآن مع آختهآ .. آم ذيآب : وييه عيل جيه ساعدتيني وماخبرتيني شمسه : مب مشكلة عموه تكفيني الشوربة .. آم الذيآب : مرة ثانية قوليلي انزين شمسه : ان شاء الله .. شمسه ماتحب السمج ولآ تحب تشم ريحته , بس كآنت مستحمله وقاعده , حست عمرهآ بترجع وعلى طول صعدت فوق ودخلت الحمآم وقعدت ترجع من الريححه .. سعيد صعد فوق ودق عليها الباب : شمسه آنتي بخير شمسه بصوت تعبآن : بخير بس ريحه السمج لوعت بي سعيد : ترى استغربت انج قاعده , آنتي احسن ؟ شمسه : هي هي احسن سعيد رآح على الشبريه وقعد وفر عكآزآته .. بعدههآ ب شوي طلعت شمسه وكان ويها شآحب وآيد , على طول رآحت تنآمم .. آمآ سعيد قعد يتآملهآ ولمآ حس انها نآمت قعد يلعب في شعرهآ .. سعيد ابتسم من قلب وقآل في خاطرهه " تشبه مروى في كل شي , آلملآمح , والشعر وآلآبتسآمة لكن الاسلوب يختلف , آفف استغفر الله شو اقول شمسه حلالي اما مروى صارت محرمه علي وماتعنيلي اي شي , سآمحيني شمسه , انا كيف جي سويت , كيف اخليهآ زعلآنه , اففف ياليت اعرف طريقه اقدر اراضيها فيهآ بسهولة !! " . . بعد مآروح ذيآب وعقبها ب شوي لحقه محمد وروح , رحنا كلنا لنآ شي وخذنآ لنآ سويتآت للطيآرة وعلى طول عقبها ركبنآ الطيآرة , كنآ حآجزين كلنآ نفس السيد يعني سيدين , وكآنوآ مكس وحشرة ماشاء الله يعني حسيت ان عايلتنا محتله نص الطيآرة , آلمهم كنت اتمشى واتفقد واحط اغراضي عقب قعدت ف النص وعلى الدريشة غايه وعلى يميني مهور , بعد مآطآرت الطيآرة ومرت ساعات الكل نام الا انا , مادري ليش يعني بس ماياني رقاد ابد , رحت اتمشى صوب الآهل واطمن آن الكل موجود , ههه بلغة ثانية اذا حد واعي ومتفيج يسولف وياي الكل كان راقد الا خآلد لما جافني ابتسم من طرف .. خآلد : ليش مب نآيمة ؟ قعدت حذال كرسيه بس على الارض : مب يايني رقاد وانت خآلد : وانا بعد : خآلد هممم تذكر ؟ خآلد : ههههههههه كنتي حيوآنه وآيد , حد يننسسسى : ههههههه اذكر لمآ هزبتني وآآآآآآآآيد لما عرفت اني مخبله فيك ووكل يوم اوني اعالجك بآدآوت الطبيب مالي واضربك ابره في ايدك من فوق , والله كانت ايام حلوة .. خآلد : هي وآلله سهيل يا من ورآي وسوالي حركه بغى قلبي يوقف ولما يت ابا اصارخ سكر على حلجي ولما لفيت وجفته كفخته لين عيزت , جد انه حيووآننن .. خآلد : هههههههههههههههههههههههههههه منظركم يضحك يوسف تجدم وطالعني بآحتقآر : عن الآزعآج والسخآفآت , وبعدين شحقه قاعده معاهم انتي مب مخطوبة ؟ سهيل : شو يعني مخطوبه وبعدين ذياب منا وفينا ويثق , رد نام بارك الله فيك وآكرمنآ بسكوتك شقيت حلجي على دفاع سهيل السريع , سمعت صياح ياهل وراحت وجفت انه ظبيه مب قادره تنام من ولدها وكان يبين انها تعبانة ف خذته عنها ورحت صوب خلود وسهول وقعدنآ نسولف ويلآعبوآ الياهل شوي ويا نصور صوبنآ وقعد يسولف , سولفت معاه بصراحه صح ان بعده كان حاز ف خاطري من الطراق لكن نسيت كل شي بمجرد مآجفته انه رد على طبيعته .. نآصر : ولد منو هآ ؟ : ولد ظبيه خخآلد : عسول هالبيبي ربي يحفظه : آقولكم يلآ آنخمدوآ عسب يوم نوصل آطلعونآ .. نآصر : وآليآهل ؟ تذكرت كلآم يدوه قمت وعطيته الياهل : تصبحون على خير " وعلى طول رحت " نآصر توهق : انأ مآعرف اشل اليهآل !!!! خآلد لف الصوب الثاني وسآند راسه على ظآهر ونآم , اما سهيل راح مكانه صوب يوسف وبعد سوا لنآصر طآف , نآصر آنقهر , يعني هو يتقبل اليهال لكن مب بهالعمر لانه يخاف يطيحهم او يصيحون وهو مآيحب عوآر الرآس !! نآصر حضنه وسكت الياهل ولمآ جآفه لقآه نآيم , رآح وخلآه عنده وقال يوم بيوصلون الصبح بيعطيه للهنوف .. نص الليل فآلطيآرة انتبهت روضة انها راقده , كآنت تبا تروح الحمام قامت ورآحت وهي راده تحركت الطيآرة شوي وبغت اطيح على خآلد لكن يودت الحد اللي بين الكرسين اللي بين ظآهر وخآلد , تمت سآكته حتى نفس مب قادره تتنفس لا حد منهم يقوم , قعدت تتآمل شكل خآلد كيف وهو نآيم , تضآيجت في دآخلهآ شلت آيدهآ بهدوء وردت مكآنهآ وكملت رقآدههآ .. ! . . برع البلآد .. فالبلكونه , تطآلع النجوم وتشرب كوفي , يآهآ حمد وتم يطآلعهآ .. حمد : شفيج ؟ عذآري : بردآنه شوي حمد : عيل حد يلبس هاللبس بهالجو ؟ " حضنهآ " عذآري استحت : عن هالغرآميآت نص الليل حمد : ههه يزآتي آدفيج عذآري سكتت وتقبلت الموضوع : هممم حمد اشتقت لاخوي ابا اروح اشوفه , يعني انا نسيت ادق لهم من رقمي اليديد من اخر مرة يت احسه شال في خاطره علي وايد .. حمد : افا يا عذآريي , والله حتى انا ملتهي ومقصر معاه , مب مشكله خلال هاليومين بنكلمهم ان شاء الله ! عذآري : آن شاء الله حمد : على فكرة انت زطية " وخوزهآ من حضنه " عذآري لفت تطآلعه : افا ليييش !!! حمد : من الصبح واقف وبردآن ولا عطيتيني كوفي , زطيييه لا وبعد مآمسوية لي واحد .. عذآري عطته كوبهآ : فدوة حمد : ههه اسولف حبيبي شربيه بالعافيه عذآري بطلت ايد حمد وحطته فيه : اشربه عسب تدفى انا شربت بمآ فيه الكآفية حمد : آوك انتي دخلي داخل روحي نامي ورآنآ دوآمآت بآجر عذآري : آن شاء الله لآ تتآخر برع حمد : آن شاء الله عذآري خلته ورآحت تنآم , عقبهآ بشوي هو لحقهآ عسب باجر بيقومون من وقت عسب يروحون الدوآم .. . . بعد 7 سآعآت ف الطيآرة وصلنآ تآيلند بسلآم , كآنت آلآجوآء عندهم رهيبه , لآ هي حر ولآ هي برد , نسيم عججيب يهب عندهم , آستآنست على الجو وآلله وفي خاطري تمنيت لو آن ذيآب كآن قاعد معآنآ , كآن في بآص يتريآنآ هنآك وركبنآه وحملنآ آغرآضنآ ورحنآ للفندق , نسيت شو اسمه بصرآحة بس كآن بعيد عن المطآر والدرب كآن ممل , بس غآية قلبت مود الباص بكبره بعصبيتهآ وضرآبتها مع مهور .. غآية : قلت عطيني اياه سرعه ! مهره : مابا غايه مطت الشنطة بقو وبطلتها وطلعت لها ردبول : فكري تصبيه وآلله بصفعج ! : آفففففففف عن هالصدعه روضة : خلوهآ تشرب اللي تبآآه مثآيل : مب زين آنزين ! يوسف : نحن الشباب ماشربنآه آنتي تشربيه ! ظبيه : آممم غايه ترى هذا مب زين مضر للصحه .. غايه : آففففففففففففف آبوييييييه شوفهم مآيخصصصصهم فينيي بوخآلد لف : الله يهديج من بنت كم مرة بقولج هذآ مب زين سهيل : ههههههههههههههههههههههههه جبهتج وين ؟ ابوي ابد مآدآفع عنج وييييييو غآية تتنآزع : وقف الباص , آقولك وقف الباص يالثووور بنزل مابتم مع هالقروب السياحي اللي يجلط آم خآلد : لآ حول ولا قوه الا بالله العلي العظيم " صرخت عليهآ " آنتي شو فيج صايرة ملسونه وحلج كله ترمسين , سكتي , شربي هالعلل لكن عقب اذا صار فيج شي ان تنطقتي بصفعج فاهمه ولآلآ ! غايه : والعثثثثثثثثثثثثره , آمي كيف اهون عليج لطيفة قعدتهآ : يلسي خلاص سكري الموضوع !! روضة بطلت سمآعتهآ وتمت تطآلعني : ممكن الايفون ؟ عطيتهآ الايفون , وشغلته وحطت اغاني وركبت السمآعآت وقعدت تسمع .. ظآهر يكلم ظبيه : ابا مآي ظبيه طلعت وعطته وسالته : ظهور وين ولدي ؟ نآصر رفع الياهل : هنننننننننني ظبيه ابتسمت على شكل ولدهآ , كآن يضحك ومدخل ايده كآمل في حلجه , ابتسمت له وتمت سآكته .. آبوي كآن يرمس يدوه بالتلفون : هي آميه كلنآ بخير , هآآ , منو تبين , متآكده ؟ آنزين لحظه " نآدآهآ " غآيه يدتج تباج على التلفون ضروري .. كلنآ استغربنآ يدوهه دوم تتضارب مع غايه والحين تبا تكلمهآ ؟ آكيد في شي مب طبيعي بالموضوع .. غايه رآحت ويودت التلفون : هلآ , آسمعج الله يهديج لآ تصارخين , هي , هي , هههههههههههههه كففو وآلله , جفتي كيف انا لي قيمه , لعيونننج آعتبريهه تمم , تمآم ولآ يهمج , هي هي ماعليج اعتمدتي على الشخص المناسب , عيني توصلج , يلآ ديري بالج على حآلج , مع السلآمة " بندت عطت ابوي التلفون " بوخآلد : شو تبآج آمي ؟ غآية : سآمحوني قالت مآخبر حد فيكم , وانا قد ثقتها آمي : الله يستر دام اعتمدت عليج غايه : ههههههههههههه صراحه الله يسآمحج خآلوه , جد جد حطمتيني : آمآيه , الفندق بعده بعيد ؟ ترآ ملييييييييت بوصآلح : لآ تآكلون قرصكم وهو ني , تحملوآ عآد شوي مآبيصير شي لطيفة بحمآس : آحلى شي آن وصلنآ الصبح عسب الظهر نطلع ونستآنس ظآهر بطل تلفونه وعلى طول رن : آلو , هي , لآ حولوني فرع الآمآرآت , هي , ههه جب يلآه , جآن تبآ تعآل , هي , الله كريم , آوكيه , مع السلآمة " بند " سهيل : بدينآ !! ظآهر : جب جب شسوي اشتآقولي ام خآلد : منو هاي اللي اشتاقت لج ؟ سهيل يبا يضحك : آميه يقصد الشقرآآآ هذيك آم خآلد آطآلعت ظآهر بنظره افتشل منهآ .. ظآهر : خآلوه يجذب عليج هذيل الشغغل ! آم خآلد طآلعت سهيل : آنت متى بتوب من سخافاتك ؟ سهيل : لمآ ظآهر بيعرس , صدقيني بصطلب ! نآصر يلآعب الياهل عقب حطه في حضن بشآير : لآعبيه , لآ تكوني جي حزينه , نحن مسآفرين عسب نغير جو بشآير غيضت : ناصر شله عن ريلي اخاف يطيح ناصر : اذا يودتيه بايدج مآبيطيح بشاير ترتجف ويودت الياهل : آخآف .. نآصر : لا تخآفين ماببيصير له شي ! بشاير : آخآف مآ آرد آمشي وآعيش جي طول حياتي ناصر : تفآىلوآ بالخير تجدوه , تفآىلي بشاير يودت نفسهآ وقعدت تلآعب الياهل عسب تنسى .. نآصر : لو يبتي ولد سميه ناصر بشاير آطآلعته : ليش ان شاء الله ؟ نآصر : وآلنصآيح هآي على الفاضي شوه ؟ بشاير : ههههههههههههههههههههههه آوك يصير خير لهذآآك اليوم " عطته اليآهل " خذه نآصر آول مآشل الياهل رجع عليه : آخييييييييييييييييييييييييييييييه ظآهر : شو استوى ! نآصر : ولدكم زآع علي ! ظآهر : ههههههههههههههههه مآمن شي يالغالي كل ساعه وهزيته , تعرف آن نحن مآكلينه قبل لا تنزل الطيآرة !! نآصر : شلوه شلوه , لوع بجبدي الله يهديييه بشاير : هههههههههههههههههههههههههههههههه ناصر : كنتي تعرفين بشاير سكتت ويودت ضحكتهآ : وآلله لآ غآية يات وشلته : آنآ بآخذه " وتشمه " آحح آحبب ريحه الياهل لما يزوعون كل اللي بالباص : آآعييييه عليييج !! غآية : بسم الله شفيكم , كيفكم , هذآ رآيي الشخصي .. " حطته عند لطيفة " بدلي له لطيفة : مآعندي الشنطه ظبيه : هآتيه عن اتعبج لطيفة : لآ وآلله عآدي تعبج رآحه هآتي الشنطه ظبيه عطتها ولطيفة قعدت تبدل له وردت غايه شلته وحطته عند نآصر .. نآصر رافع حياته : تبينه يزوع علي !! غآية : لآ خلآص بدلنآ له كل شي لا تحآتي بس شله نحن تعبآنين نآصر تنهد وشله .. بعد نص ساعه زيآدة ونحن فالدرب وصلنآ الفندق , كآن جد المطآر وآيد بعيد , وصلنآ كنآ حآجزين فندق جي نظآم شقق , كل شقه فيهآ غرفتين وصآلة ومطبخ , وعآد حجزنآ ماشاء الله طآبق كآمل عشان يكفينآ وكنآ جد مستآنسين , لكن من التعب نمنآ ومآقمنآ الا قريب العصر , قمنآ سبحنآ وتجمعنآ .. لكن ظآهر وظبيه وجرآح مآكآن لهم حس فطرشنآ لطيفة تعرف ليش تآخروآ .. لطيفة آدق الباب : ظبيه , ظبيييييه بطلي الباب ظآهر بطل الباب وكآن شعره متكشكش وتعبآن لطيفة بهتت في شكله وتمت سآكتتته : آآآ ظآهر : ظبيه نآيمة ! لطيفة احمررت : نحن بنطلع لو بتطلعون ويآنآ " وآختفت من جدآمه " ظآهر رد دخل ووعى ظبيه ودخلوآ يسبحون وسبحت جرآح وعدلته ونزلت هي واخوهآ وشافوهم كلهم بالاستقبآل .. لمآ جآف لطيفة استوعب انه كآن لآبس بنطلون البجآمه وبس فانيلته مب قميص البجآمه , افتشل شوي لكن سوآ طآف للموضوع اما هي ماقدرت تنسى وندمت آنهآ رآححت عندهم .. ! ظبيه : ليش مآحد يآ يوعينآ يالنذلآت !! : تستهبلين طرشنآ لكم لطيفة ظبيه : آوونهه , شكلهآ مآيآت لطيفة مفتشلة : بلآ يت لكن اخوج بطل عني الباب وقال انج راقده وخبرته ان نحن بنطلع ونزلت عنكم تحت غآية : آنزين ليش مستحيه عآدي ظهور منآ وفينآآ .. روضة : مسرع طيحنآ الميآنه غآية تغمز لهآ : هههه آفآ عليييج !! طلعنآ ورحنآ الام بي كي وكنآ ف الطآبق التحتي ف شفنآ مطعم كبير فيه عده مطاعم لدول مختلفة فدخلناه وطبعآ قررنآ كلنآ نآكل من الاكل الهندي الموجود هنآك , خذنآ طآولة كبيرة شباب + بنآت , آمآ الريايل والحريم كآنوآ ف طآولة بروحهم .. بعد مآطلبنآ يبنآ آلآكل قعدنآ نآكل .. لآحظت آن روضة بين فترة وفترة تطآلع خآلد , وبعد لآحظت آن لطيفة مرة رفعت عينهآ وطآحت عينهآ بعين ظآهر واستحت ولفت , معقولة لطيفة تحبه ؟ استغفر الله ههههه لزوم آخبر غآيييه .. دزيتهآ عسب اقولهآ وشرقت ف آكلهآ وقعدت تكح ! غآية : شفيج بسم الله ساسرتهآ فآذنهآ : آحس لطيفة تحب ظهور غآية شهقت : شوووووووووه ! الكل لف صوبنآ , غآية ضحكت ضحكه آصطنآعيه غآية : هههههه غربلآت بليسج يآ الهنوف آسميج سوآلف " غطت ويهآ من صوب الكل وتمت تطآلعني وملآمح ويهآ مآتبشر بالخير اكيد بتضربني " .. نآصر : في هني منطقه اسمهآ بتآيآ فيهآ بيت رعب شو رآيكم نروح له اليوم نحن بس ! لطيفة زآغت : لآ مآنروح غآية : لآلآ بنروحح وآلله تحمسسسسسسسسسسسسسسسست الاولآد كلهم وآفقوآ والبنآت بعد وآفقوآ ومآحد آهتم لرآي لطيفة آبد , عقب قنعتها مهره عسب لا تم بروحهآ مع الحريم فرضت تروح , بعد مآخلصنآ آكل قلنآ لهم آن بنروح عطونآ فلوس وخذنآ كذآ تكسي وركبنآه وتوجهنآ ل بتآيآ , كآنت بعيده بعد عن المنطقة اللي نحن قاعدين فيهآ , كآنت تقريبآ مآل ساعتين جي , بعد مآوصلنآ دخلنآ المول كآن قريب المغرب رحنآ حجزنآ تذآكر عشآن ندخل بيت الرعب وكنآ وآقفين نتريآ دخلنآ قروبآت طبعآ , كنت انا فالدفعه الاولى اللي تدخل وكان معاي خآلد ويوسف وصالح وغايه وبشور , اما القروب الثاني كآنوآ لطيفة وظآهر وجرآح وظبيه ونآصر , القروب الثالث كآن مهره وروضة ومشاعل وايمان وعواش والقروب الاخير الباقين اللي تموآ , كآنوآ يدخلونآ بالدور , منظر الممرضه اللي واقفه برع اللي هي تقص لنا التذاكر بروحهآ يخوف بالقوو بس اونه لان غايه وياي انا متصبرهه ولا انا ماحب هالسوآلف , دخلنآ ولآ درينآ عن الباقين .. بس آول مآدخلوآ قروب قوم نآصر وسكروآ عليهم اللفت , وطلع لهم وآحد من الطرف الثاني يعري ويسحب فأسه معاه صرخت لطيفة من الزيغه .. لطيفة يودت ثياب ناصر : الله يخليك خله يروح وهو تم يضحك ولطيفة مصكره على اذونهآ من كثر الزيغه وقاعده ترجف , عقب قعدوآ يتصورون ويآه الا لطيفة رفضت هالفكرة تماما .. ! تمت تمشي وراهم وهي خيفآنه , وهم كل مآلهم يزيدون في سرعتهم والكل يضحك الا لطيفة فجآه لما كآنت تركز مالقتهم خآفت زيآدة وهي تشوف كل ساعه شخص يطلع لهآ من صوب قعدت تصآرخخ بالحيل اللي عطآهآ اياه الله , نآًصر وظبيه وجرآح كآنوآ بعيد متجدمينهم بوآيد نآصر كآن يتحرآ اللي وياه لطيفة وظآهر يتحرا اخته وياه لكن لمآ آنتبه انها لطيفة توتر مآعرف شو يسوي .. ظآهر : لطيفة آهدي لطيفة ترجف وهي مغطيه عينهآ : الله يخليك طلعني من هالمكآن مابا اتم هني انا خيفانه ظآهر : زين خلاص بطلعج بس اهدي مايصير جي .. اما صوب ناصر : لططوففف " ولف صوبهآ ولقى انهآ ظبيه افتشل وقال " وين لطيفة ووظآهر ؟ ظبيه ششوي خوف مبين على ملآمحهآ وميودة ولدهآ : مآعرف انا تحسبتك ظآهر من جي لحقتك ! نآصر : آنزين ليش خيفانه عادي ترى حلو المكان ظبيه : يخوف , يلآ مآعليه خل نكمل الحين بيون الباقين خل نطلع من هالمكآن !! نآصر : يلآ ! ظآهر : الله يهديج لطيفة تحركي شوي ! لطيفة ترتجف : مب قآدرررررره , مآقدر امشي بروحي !! ظآهر يود ايدهآ وحطهآ على قميصه : يوديني وامشي وراي " ومشى جدآمهآ " لطيفة تمشي وراه واي شي يصير ترص على قميصه لين فجآه هو مشى ووقف وهي مانتبهت وضرب راسها على ظهره افتشلت بالقو .. غمضت عينهآ .. لطيفة : اسفه ظآهر : مب مشكله , بس تراه وسعتي قميصي لطيفة آحمرت وهدت ايدهآ : خلاص بمشي ورآك ظآهر : لآ عآدي ردي يودي مافيني تضيعين لطيفة : آنزين " يودت قميصه " وتمت تمشي هي وظاهر لين وصلوآ دآخل كآن المكآن كله ظلمآ ومآشي ابد ليتآت , ظآهر كآن يتعبث من تلفونه يبا يشغل الليت عسب تهدى لطيفة , لين سمعهآ تصيح توتر .. ظآهر : لطيفة بس عاد ترا ياين عسب نستآنس لطيفة مغمضه عينهآ ومغطية على ويههآ وتشهق : آنآ آخخخآف من الظلآمم ظآهر شغل الليت وعطآهآ تلفونه : يوديه , جي بترتآحين بس لآ تصيحين ! لطيفة مسحت دموعهآ : آنزين شكرآ ظآهر : عفوآ وقعد هو يمشي وهي كل ساعه تقلب الليت في مكان عسب تطمن لين وصلوآ نفس الجسر كآن فوق , وهم يمشون كآن يلحقهم وآحد ميود منشارته ويضحك ركضت لطيفة قبل ظاهر وهو ميت ضحك عليهآ , واول مادخلت داخل وقفت وتمت تترياه لين وصل عقب كملت وياه .. آمآ صوب الباقين كآنوآ مخلصين اوردي من اللعبة ودآخلين مكآن ثاني ! غآية : صبروآ , عرفت تعآلوآ .. بشور : آلمكآن يخوفف , كيف جي كله مرآيآ : لآزم ندور شي يفتح لنآ الباب !! خآلد ويوسف قعدوآ يدورون وكآنوآ كل مرة يدخلون مرحلة يديده .. نآصر : عطيني الياهل اكيد تعبتي من كثر مآشليتيه ظبيه افتشلت ومدت له جرآح : آممم شكرآآ نآصر : عفوآ ظبيه : بنتريآهم هني صرآحة مآقدر آخون في لطيفة آكيد خيفآنه !! نآصر : آوك بنتريآهم .. بعد مآدخلوآ بند الليت اللي في تلفون ظآهر وهو كآن سآبقنهآ ومآيعرف هي وين وهي تمشي ودوره تحآول تشوف لكن مب قادره من الظلآم اللي في المكآن تمت تمشي بخطوآت اسرع , ظآهر لف عسب يشوفهآ وين وفجآه شي عوره ف صدرهه نزل راسه يشوف لطيفة تمسح يبهتهآ : آححح شو دعممت .. ! ظآهر يمسح على صدره : لآيكون مفكرة عمرج دآعمه اليدآررر , دعمتيني لطيفة ذآبت من المستحى مدت له تلفونه ومشت جدآمه كآنت خيفآنه لكن تحس انهآ مصختها مع ظآهر , مشت ولقت ان النور بدى يطلع وعرفت انها وصلت لاخر اللعبة وظهرت على طول جافت ظبيه وركضت صوبهآ ووقفت تريا ظآهر يطلع عقبهآ بشوي ظآهر طلع ورآحوآ لعبة المرآيآ وكملوآ لعبهم .. ! ظبيه تسآسر لطيفة : شو صاير ؟ شفيه ويهج محمر ؟ لطيفة : آآ ولآ شي انسي ظبية : قولي يلآ عآد لطيفة تسآسرهآ : صحت , انا اخاف من الظلآم ظبيه : افتشلت ليش خليتوني بروحي هني !! مآكنت اعرف ان اللي وياي عمج لطيفة : يعني انا اللي كنت اعرف ان اللي وياي اخوج الله يهديج بس .. ظبيه : خلينآ نروح يلآ ! بعد مآخلصنآ لعب تجمعنآ , ورجعنآ , كآن الدرب بالنسبة لنآ ممل لدرجه آن معظمنآ نمنآ .. ولمآ وصلنآ الفندق من تعبنآ بدلنآ ونمنآ ! . . منآر فتحت الرسآلة وردت تقرآهآ مرة ومرتين وثلآثة , اندق باب الغرفة وعلى طول خشت الرساله تحت مخدتهآ وقالت : تفضل آبوهآ دخل : بنتي شخبارج ؟ ترى بعد يومين بوديج آنكلترآ منآر : بس آبوي انت توك رآد من هنآك بروح بروحي عسب اتعود آبوهآ : يصير خير لهاك اليوم , آنآ رآيح اريح منآر : آوكي .. آبوهآ طلع عنهآ ركضت وسكرت الباب , ردت يودت الرساله ودقت على الرقم مرة ثانية , تريت مرة ومرتين وثلاثه عقب رد سيف مرة ثانية عليهآ .. ! سيف : منو ؟ منآر : آآ , انا اللي عندي نسخه ثانية من الرساله ممكن سؤال ؟ سيف : اسال منآر : وين النص الثاني من الرساله , وانت من وين الحين تكلمني ؟ سيف : انا ف لندن !! منآر بتفكير عميق قالت : خلآص مب مشكله .. سيف : لحظه منآر : آمر ! سيف : من وين يبتي هالرساله ؟ هالسوالف اكبر منج بوآيد لآ تتدخلين فيهآ منآر بعنآد : شو يعني آكبر عني ؟ سيف : يعني الشغله فيهآ شي قديم , هالرقم اللي مكتوب والرقم اللي تتصلين عليه وانا اكلمج منه , هالمبآيل فيه تهديدآت كبيرة , آكبر عني وعنج , فآنتي خلج برع الموضوع وخلي هالموضوع ينفتح في وقته , لا تسبقي الاحدآث منآر : لو مآسبقنآ الاحدآث , الاحدآث عآدي آدمرنآ سيف : آنتي من وين يبتي الرساله ! منآر : ممن مكتبه آبويه سيف تنهد : خلآص انا مشغول الحين عندي شغل اخليج بس دقيقة , الرقم اللي وآصلني الحين طآلع لي آنه الامارات ؟ منآر : هي انزين انا فالآمآرآت سيف تنهد : خلآص , قلت لج لا تدخلين عمرج بهالسوالف , اننا ببند , مع السلآمة ! منآر : مع السلآمة " بندت " سيف : منو هآي ؟ وليش تبا تدخل عمرها بهالسوالف , آروح آكمل شغلي احسن لي .. منآر : منو هالغلس اللي يكلمني , عساس هو كبير يعني آونه " تعيب عليه " لآ تدخلي عمرج بسوالف اكبر عنج , آفف آسميه طفس . . برع البلآد .. آم فهد ترتب آغرآضهآ : الحين انا اخر زمن اضطر ارد عشآن وآحد مآيقدر شو يعني آلآم .. بوفهد : آنتي خليتيه جي يستوي , آنتي بايدج قاعده تخسرين ولدج ! آم فهد بدون آهتمآم : اخسره ليش ؟ عشان وحده حيه مثل نوف تحآتي مصلحتهآ بوفهد : نوف بنت سنعه وبنت نآس وعرب وعمرنا مالقينآ منهآ المضره آم فهد : لو تعرف كيف آكرههآ بس , آخخ بس لو فهد يسمع كلآمي ويتزوج غيرهآ جآن انا برتآح !! بوفهد : عن هالهذربه الزآيده وسوي شنطنآ اليوم خلآص نحن مسآفرين .. آم فهد : آنزين ترا شو قاعده اسوي ! فهد يلآعب ولده في غرفته وقآعد يكلمه : حبيبي مآمآ قريب بتصير زينه وبترد لنآ آوك .. طلآل : بابا ابا الوح عند مآمآ " وصآح " فهد حضنه : خلآص حبيبي لآ تصيح , الحين مآمآ تعبآنة ونآمت بآجر بنروح لهآ .. طلآل من كثر مآيصيح نآم , فهد قآم ولحفه وطلع عنه من الغرفة ورآح شآف آمه تنهد , كآن وده يصآلح آمه لكن آمه تستآهل هالمعآمله عسب تغير معآملتهآ لنوف ومآتتصرف وياها بهالشكل , وعسب يثبت لهآ آن لو شو مآصآر هو مآرآح غير نوف ولآ رآح يآخذ اللي فيه بآلهآ آبد !! .. سلم على ابوه بآحترآم آمآ آمه سلم عليها ببرود , آهله رآحوآ المطآر وهو صعد فوق عند ولده .. . . | |
| ||
 |
|
12-17-2013, 11:05 PM
| رقم المشاركة : [ 547 ] | |
| عضو دائم | بعد مآمر اليوم ونمنآ , قمنآ الصبح ونحن مروقين على الاخر , كآنت تآيلند سآبقة آلآمآرآت ب 3 سآعآت تقريبآ ف قمنآ ونحن مصحصحين ونشيطين على الاخر , آلكل كآن تحت الا لطيفة , مستغربين على هالبنت بصرآحة من ينآ هني وهي منقلب حآلهآ 180 درجه , آحس ورآهآ شي لكن آكيد مآبتخبرنآ . . . غآية تسآسرني : آقول وينه صلوح عيل مآشوفه هني ؟ سآسرتهآ : حتى لطوف !! فجآه قمت بعيد عن اذونهآ وقعدت آطآلعهآ , وفكرنآ آن صلوح يكلم لطيفة الحين لكن يمكن تفكيرنآ غلط , طبعآ هزبونآ الكبآر عسب نحن نتساسر والكل موجود .. آندق عليهآ باب الشقه مره ومرتين وثلآثة هي اوردي كآنت يالسه تسبح من جي مآبطلت الباب , بعد مآخلصت ولبست ولمت شعرهآ رآحت تبطل الباب لقته ظآهر , آنصدمت وافتشلت وآيد .. لطيفة : آآ بغيت شي ؟ ظآهر يحك رآسه ومآقآل اللي كآن يبآ يقوله : خلص الماي من عندنآ عندكم مآي ؟ لطيفة : هي عندنآ دقيقه " خلت الباب مفتوح ورآحت يابت له ماي وعطته " تفضل , شرب الهنآ ظآهر : الله يهنيج " خذآ آلمآي ورآح عنهآ " لطيفة مستغربه وقبل لا تسرح وتهيم في عآلمهآ ردت رفعت نظرهآ ولقت صآلح جدآمهآ : هئئئئئئئئئئئئئئئئئئئئئئئئئئئئئئئئ صآلح : بسم الله شفيج , انتي ليش هني مب تحت ويآهم ؟ لطيفة يودت قلبهآ : آففف منك , يعني مآتعرف تبعد شوي عسب اشوفك , كنت اسبح وتآخرت الحين بنزل صالح : يلآ ننزل مع بعض لطيفة طآلعته بنظره وسكرت باب الغرفة وقفلتها ورآحت ورآه فالمصعد ! صآلح قبل لآ يبطل المصعد قآلهآ : لو قلت آني بتقدم لج بتوآفقين عليه ؟ لطيفة كآنه حد صب عليهآ مآي بآآآررررد ححححيل , تمت سسسسآكككتتتته , صآلح نزل وتحرآهآ نزلت ورآهآ لكن تسكر المصعد ورد فوق وهي بعدهآ مبهته ومب عارفه كيف تتصرف او شو تقول انفتح المصعد وشافت عمرهآ بروحهآ , خآفت شوي لكن سمت بالله وشوي طلع ف ويهآ ظآهر .. لطيفة في خآطرهآ " بسم الله الرحمن الرحيم , بلآهم نآوين علي هذيل اليوم ؟ آآهه يآ دقآت قلبي كيف !! " ظآهر يطآلعهآ بطرف عينه وركب المصعد : فيج شي ! لطيفة : لآ ظآهر : آحيدج مساعه بتنزلين لطيفة : آآ لآ ولآ شي نسيت عمري ف المصعد سرحت ورد صعد فوق ظآهر : آهآآ " سوى الطآبق الارضي وتسكر المصعد " وقبل لآ يوصل المصعد بدقآيق , وقبل لآ يتبطل قآلهآ ظآهر .. ظآهر ابتسم من طرف : شكرآ , البآرح آستمتعت ويآجج , والسموحه لو تمآديت , " تبطل الباب ونزل قبلهآ " تنحت لطيفة مآتعرف شو تتصرف , وآحد يشكرهآ بآدب والثاني يسالها لو آتقدم لهآ شو رده فعلها , رفعت راسها بهدوء لقته ميود المصعد ظآهر ابتسم : عسب لآ تروحين فوق مرة ثانية نزلي يلآ ! لطيفة تنحت اكثر بابتسآمته اللي كآنت بالنسبة لهآ وآيد جميلة .. ظآهر يحرك ايده جدآم ويههآ : بسم الله شفيج لطيفة : آححمم , لآ مآفيني شي " نزلت من المصعد وسبقته , هو تريآ شوي عقبهآ رآحح " غآية : شوفي شوفي يات , بس صلوح كآن قبلهآ : تتوقعين بتخبرنآ ؟ غآية : لآ , لطيفة وآيد تكتم في قلبهآ يعني عادي مرة جي تنفجرر , مآدري بهالبنت متى بتعقل ! : حبيبتي قصدج هي العاقله ونحن لآ غآية : آنزين فرضآ لو صلوح تقدم لهآ .. مهره قربت منهم : عن شو تتكلمون !! غآية : مآتلآحظين آن لطوف اختي تاخرت وقبلهآ بشوي دخل صلوح عقب هي , آحس بالموضوع انه !!!!! مهره : لآ آنه ولآ شي مستحيل صلوح يحط عينه على لطوف : وشو اللي يخليج وآثقه هالكثر مهره مدت ايدهآ وبآلتخصيص , صبعهآ الصغير : وعدوني انه بيني وبينكم مدينآ آيآدينآ ووعدنآهآ وقالت لنآ مهره : صلوح يحب اخت مصعب من جي ماحس انه بيحط عينه على لطيفة .. : ششووووووووووووووووووووه ! غايه حطت ايدهآ على حلجي وهي مصدومه : مآصصصصدق .. مهره : صكروآ الموضوع , مآحد يدري غيري , تريقوآ عقب بنكمل سوآلف مآفينآ الكبآرية يهزبونآ ! ظبيه وجرآح وظآهر قآعدين على طآولة ويسولفون بروحهم .. ظبيه : آممم ظآهر اقولك شي ومآتزعل ؟ ظآهر كآن يطآلعهآ : قولي ظبيه : آنت غير مرتب بالمرة كيف جي تفر ثيآبك , يعني لو يوآ نظفوآ الغرفة , وبعدين مآتخآف يشلون شي من اغراضك ! ظآهر : هههههههه تعععودت , شسوي , هاي حححيآة العزآببييية ! ظبيه : لآ صرآحة هالشكل مايمشي لازم ازوجك ظآهر : مآبتزوج قبل مآ طمن آنج تزوجتي وآن ريآل زين وولد آيآويد يربي ولدج ظبيه حز ف خآطرهآ : آتزوج ؟ وانا عندي ياههل !! ظآهر آنت عن شو تتكلم , دخيلك سكر الموضوع خلآص ظآهر : ظبيه , أنا مابا اجرحج بس مب كل الناس مثل ريلج الخايس , في نآس تحب وتصون وتآمن على ولدهآ عن ريال زين , حتى لو مآكآن هذآ ولده بتلآقينه حآطنه في عيونه , يعني انا الحين لما ربيت الياهل , كنت اعرف انه ولد اختي ؟ ظبيه نزلت رآسهآ : لآ ظآهر : عيل لآ تتضآيجين , في ريال بي وبيسعدج وبيكون آحسن من ريلج بعد , آنتي مآتعلمين الغيب ظبيه : بس انته , لو انا رححت عند منو بتم ؟ ظآهر : بتم بروحي ظبيه : لآ وآلله , عيل دام جي انا مابعرس ظآهر : ههههههههههههه اسولف , آنتي خلي معرسج اي اول عقب انا بفكر اعرس لما بشوفج مستقره ومستآنسه ! ظبيه : هممم " لفت تشوف جرآح " انا ماقدر اتزوج ظآهر , لو تزوجت بيقدر يآخذ مني حضآنه جرآح .. ظآهر : يخسي الا هو , آنتي كلي اكلج انا مب يايبنج هني تكدرين خاطرج , يحلهآ ربج لهآك اليوم آنزين ظبيه : آنزين خآلد دخل من البوآبة وكآن يضحك ويرمس بالفون بند وصبح على الكل وقعد على طآولة سهيل ونآصر وعبدالله .. موزة : كيف كانت رحله البارح , لبيت الرعب ؟ : آآآآآه فآآآآآآآآآآآآآآتججج كآن تحففففففففففففففففففففففففففهه كل لحظة فيه كآنت مميزة غايه : هي وآلله عمري مآبنسى هالشي لطيفة في خآطرهآ " ولآ آنآ , مستحيل آنسى اللي صآر .. " موزة تضآيجت : حسآفففه , وآلله كآن خآطري اروح معآكمم لكنن ميود مآخلآنننني مهره : ليش عاد متنيحس هالمآيد !! مآيد سحب كرسي وقعد حذآلهم : ترى سمعتج , وبعدين اذا انتي بايعه عمرج , انا مابايع قلب حرمتي , وبعدين حرمتي الحين مب عندهآ قلب , قلبين , عآدي لو صار شي هناك ياثر على الياهل انتوا ميانين ماشي عقل تفكرون من هالنآحيه , دآيمآ تطلعوني نحيس : حبيبي اخوي , صدقك , موآز لآ تضآيجين بنروح آمآكن آحححلى , وبعدين فكري فيهآ من نآحيه ولدج بتنسين الموضوع مآيد : هي , كفو , هالرمسه السنعه مب رمسه مهور ! مهور : جد آحيآنآ آحس آنك تستوي غلس .. مآيد : غلس هآآ , آنتي شو عرفج آني غلس ؟ مهور : بآين من تصرفآتك , نحن يآين نستآنس وبعدين الرب حآفظ والجنين مآبيصير له شي مآيد : مآعليه , حرمتي بتستآنس بس مب هنآك ! مهور : عيل وين ؟ مآيد : بتستآنس لمآ مآبتجآبل ويوهكم يآ ويوه النحس روضة : ليش عاد ميود جي تقول عنا , هاي بس مهور ويه النحس لو ريلها هني حس مابتسمع لهآ بتم مستحيه وحآلتهآ حآله مآيد : ترآج الا اخس عنهآ روضة افتشلت : ميييييييييييييييود مهره : لآلآ جد يعني ليش جي مستوي نحيس ؟ مآيد يضحك : ههههههههههههههههه لآني ابا اقهركم موزة : بشو يآ حسرة ؟ آنك تخليني اتضايج مآيد يود آيدهآ : لآ حبيبي بالعكس انا يايبنج عشان تستآنسين مب عشان يتكدر خآطرج , وبعدين مب بيت رعب هذا جي تضايجتي عليه , مآعليه الامآكن اليايه احححلى .. مهره : لآ آحس مآبتكون حلوة ! مآيد : عآد مهره جب .. مهره : جد هنآك مغآمرة مآيد قآطعهآ : مآعليه حتى نحن بنسوي آحلى مغآمرة بدونكم غآية : ميود آنت شو تقصد : من مساعه تقول مابتجآبل ويوهنآ , وبتستآنس هنآك , وآلحين بتسوي مغامرة بدونآ , على شو نآوي ؟ مآيد : صرآحححة آنتي ذكككيييةة , لكن مآبخببببرجج !! : عشآن خخخآطططري موزة بحمآس : هي خبرنآ عشآني آطآلعت موآز : حتى آنتي مآتعرفين ؟ موزة : لآ مآيد بآس ايد موزة : لآ تضايجين آنتي بس , بتحوطين آكثر عنهم : شتقصد ؟ مشاعل : هممم اكيد بيوديهآ آمآكن وقت مآنحن رآقدين .. مآيد : هههه لآلآ مب جي , يوم آنتوآ بتردون نحن بنروح الجزر وبنتم هنآك , وآنتوآ كل وآحد بعدهآ بفترة بيرد لدوآمآته وانا خذت آجآزه سنوية خلآص !! موزة آستآنست : صدددققق !! مآيد : هي صدق حيآتي موزة : آلله لآ يحرمني منك مآيد : ولآ منج حبيبتي مهره : يهآآآآآآآآآآآآآآآآآآآآآآآآآآآآآآآآآآ , ليش نحن مآتودونآ الجززززر يعنننني بوصآلح : مآشي وقت يادوب نحوطكم هني , ويآدوب الهنوف وروضة ياخذون لعرسهم لفيت صوب روضة وفتحت حلجي , نسيت موضوع العرسسسس , آفففف والله مآلي خآطر اقعد اتشرى من الحين !! ظآهر يكلمهآ : بآجر لو تبين تطلعين معآهم طلعي انا بروح المستشفى ! ظبيه بخوف : ليش ؟ ظآهر : فحوصآت عآدية ظبيه : متآكد ؟ ظآهر : هي لآ تحآتين , بروح بروحي بعد مآخبرت حد ظبيه : بس مآيصير جي .. ظآهر : آنتي قوليلهم آني طلعت آتمشى , مآبيهم يحآتوني ومآبتآخر وآيد .. بآخذ موعد اليوم ظبيه : آن شاء الله ! بعد مآخلصنآ آكل قمنآ وحجزنآ من الفندق نفسه بآص عسب نروح مصنع المجوهرآت عقب نروح حديقة الحيوآنآت , حسيت آني تحمست خآصه لموضوع المجوهرآت هذآ , آحححب اخذ لعممري من هالسوآلف بس ولآ مرة تجرأت آسوي الشي اللي احبه .. بس هالمرة باخذ لعرسي وحق عمري لعقب .. مآتعبنآ وآيد لين مآوصلنآ صح كآن بعيد بس مب لذآك الزود , يعني لهتنآ السوآلف ومآنتبهنآ للوقت , وصلنآ المصنع وخذنآ لنآ شي نشربه وعلى طول دخلونآ وشفنآ كيف يسون المجوهرآت بآيدهم عقب دخلنآ نفس القاعه الكبيرة , كآن ف كل صوب مجوههرآت , كآنت ثمينه ويبين آنهآ غآلية وآيد كآنت رآقيية بشكل فضيع , حبيت وآيد اشياء لكن كآن بالنسبة ععآدي اخذهم كلهم لكن آمي هزبتني هزآب وقالت انه وآيد غآلي ويا اخذ واحد يا ما اخذ شي مول , خذت لي وآحد عآدي بسيط جد حبيته وحسيته بيطلع انيق علي , كآنت سلسلته عآدي لكن الزمردة اللي معلقه فيه , نآدره , جميلة , وفوق هآ لونهآ يجذب , بنفسجي ههآدي ممزوج بغآمج , كآنت باختصآر شي مميز , خذته وحآسبت عنه , طلعنآ نحن كلنآ ورحنآ مكآن ثآني فيه يبيعون بعد شي ثاني بس آسآور مصنوعه باليد يعني مب الماس وهالسوالف بس انواع من الزمرد وآلآحجآر في سلآسل ومسآبيح وجي .. كنآ نتفرج بصرآحة ولآ شي لآمس ذوقي من هالاشياء اللي جفتهآ , بس خذت لي مسبآح لونه آبيض وخذت وآحد ثاني بنفس اللون لذيآب حآسبت عنهم وتميت آتريآهم , لآحظت آن ظآهر طلع من مكآن المجوهرآت بعدنآ وكآن شآل كيسه , هالانسان احسه احيآنآ غآمض , لكن طبيته وآسلوبه يجذبون بشكل فضيع , هذآ طبعآ غير جمآله وعضلآته وآبتسآمته , يعني كل بنت عآدي تغرم فيه بس انا الحمدالله احب ذيآبب وآحس آن ذيآب مآله بديل لو شو مآسسوت هالنآس مستححيل تتغير نظرة ذيآب في عيني .. بعد مآخلص قروبنآ كآمل وشروآ اللي يبونه طلعنآ وتمينآ نتريآ البآص .. ظآهر : تفضلي .. ظبيه استحت : شو هآ ظآهر .. ظآهر : هههه هآ حقج لآه كلنآ لفينآ نجوفه شو يعطيهآ , فضول مب طبيعي طبععععآآآ ظبيه استحت آكثر لمآ جآفتنآ : تعبت روحك ! , مشكور وآيد ظآهر : العفو , والسموحه لو مآعيبج تعرفين ذوق ريآيل لآه !! ظبيه : بفتحه هنآك .. غآية بحمآس : كلنآ بنكون ويآجج ظبيه : آنزين ظآهر لف وقال : ياللقافه غآية : سمعععععععععععععععععععععتك ظآهر ضحك وهو عآطنآ ظهره ورآح صوب سهيل ونآصر .. ! . . آم ذيآب قآمت على الحشرة ونزلت تحت ولقتهم يطآلعون فلم , بغت تنجلط : عيآآآآآآآآآآآآآآآآآآآآل عمر وعمير : نععععععععآآآآآآآآآآآآآآآآآم آم ذيآب صعبيه : نعآمه ترفسكم يالحمييير , ليش مب راقدين للحين ! عمر : نشوف ثور آم ذيآب : آنت بروحك ثور وتشوف ثور كيف عمير : هههههههههههههههههههههههههههههههههههههههههههههههههه ههههههههه عمر : هههههههههههههه هاي شو درآهآ بس " على صوته " آمي على هذا فلم تآريخي عجيب , نتثقف للمدرسة سيري نامي آم ذيآب على نيآتهآ : اذا للمدرسة زين بس مآيصير تسهرون .. ذيآب طلع من الغرفة وهو متمملل وميود تلفونه على امل ان الهنوف تتصل : آمي آنتي شو موعنج ؟ آم ذيآب : سمعت حشرة التلفزيون , لكن العيال طلعوآ يطآلعون فلم تاريخي للمدرسة , وحليلي عليهم حتى فآجآزتهم مب متهنين , انا راده انام , عن اذنك يالغالي " ورآحت عنه " ذيآب كآتم ضحكته وآول مآنزل آنفجر : هههههههههههههههههههههههههههههههههههههه يالحيوآنآت جآذبين على امممي !!! عممممير : آنآ مآيخصني ذيآب : آخخ بس لو درت عنكم , ترى السالفه فيها قص رقاب عمر يحط ايده على رقبته وبلع ريجه : معروفه الوآلده كآنت تقص رقآب الخرفآن لهم فالعيد الاضحى عمير : هههههههههههههههههههههههههههههههههههههههههههههه سعيد طلع من غرفته وطل من الدري : شوهالحححششره نبا نآآمممم .. ذيآب مستوي ياهل اشوفك وياهم ذيآب : شو يخصني انا توني نازل ! سعيد : زين خففوآ صوتكم نحن تعبآنين " ودخل غرفته " ذيآب : خففوآ صوتكم ترى سعيد جد تعبآن , وقصروآ على التلفزيون آمي وآبوي وآحمد نآيمين ! عمير قصر : آن شاء الله .. . . برع البلآد .. عذآري : مسآكم الله بالخير الكل : مسآج الله بالنور دكتورة .. عذآري : شخباركم ؟ الكل : بخير وآنتي ؟ عذآري : آلحمدآلله .. الممرضة : حآلة المريض في غرفة 321 صعبه وانه لآ يكف عن الصراخ والبكي ! عذآري : سأذهب حآلآ " على طول لبست لابكوت مآلهآ ورآحت غرفه المريض وطلبت من الممرضة تطلع " مهند مهند يطآلعهآ وهويصيح : شو يايبنج , آنتوا هني تعذبونننني , آكرهكم ! عذآري قعدت حذآل الكرسي : ممكن تهدآ عسب اكلمك مهند هدآ : قولي !! عذآري : كآن في قصة لعيوزين مهند عصب : مآبآ آسمعهآ .. عذآري قالت : لو مآكآنت بتهمك مآكنت بقولهآ بس اسمعهآ ! مهند تم سآكت ويطآلعهآ : قبل لآ تقولينهآ , وين آههلي ؟ ليش للحين مآحد منهم زآرني .. عذآري : نسيت , آنك قبل لآ تدخل العمليات تنآزعت شوي عليهم وهددتهم لو حد منهم يا شو بيصير ! مهند دمعت عينه : انا ريال , عآدي كنت اموت ف العمليات معقولة مآحد آهتم لي ؟ عذآري تغير الموضوع : كآن في شوآب 2 في غرفة آلآنعآش , كآنوآ خلآص محتوم عليهم بالموت , كآن وآحد منهم قريب في الدريشة والثاني بعيد , اللي كان حذآل الدريشة كآن يقدر يحرك جسمه شوي اما الثاني ابدا مآيقدر يحرك ولآ شي في جسمه .. مهند يسمع لهآ بآنصآت ! عذآري : كآن اللي قاعد صوب الدريشة دآيمآ يقول للريال الثاني اللي مايقدر يتحرك , آن السمآ صآفية , وآلآجوآء برع جميلة , وآنه يشوف تحت ف الحديقة عائلة كآمله , آبو وآم وعيالهم , كآن يقوله ادق التفاصيل , من آلصبح للمسآ , بكل تفاصيل انت متخخخيل , كآن يخبره حتى عن صوت العصافير , كآن يقوله عن كل شي جممميل ممكن يتخيله الثاني اللي مآيقدر يتحرك .. طبعآ اللي كآن مرقد صوب الدريشه كآن كل يوم يحكي للريال الثاني عن تفاصيل اليوم من الشروق للغروب بكل التفاصيل الصغيرة منهآ والكبيرة , بعد فترة مآت الريآل اللي كآن حذآل الدريشة , والريال الثاني لما ماقعد يسمع اي شي بس يسمع حركه الممرضات عرف ان اللي يحكي له عن كل شي مآتت خلآص .. ومرة من المرآت يدخل الدكتور على المريض اللي مآيتحرك وشآف آنه حآلته بدت تتحسن شوي ويقدر يتحرك شوي اما المريض قعد يترجآه بآن ينقله صوب الدريشة .. مهند متآثر بالقصه : وبعدين ؟ آكيد الدكتور مآرضى ينقله !! عذآري : لآ , قآله الدكتور ببسآطة آنت ليش تبانا ننقلك صوب الدريشة وخبره المريض عن كل اللي صار له لما كان صديقه معاه وخبره انه وآيد زعلآن بفقدآنه من جي هو يبا يروح صوب الدريشة يشوف الشي بعيونه وبروحه , لكن تفآجآ لمآ قاله الدكتور آن الدريشة اصلا مسكره لا تطل لا على حديقه ولا على اي شي حتى النور مآيقدر يدخل منهآ , وآنصدم آكثر لمآ قآله آن الشخص اللي كآن ويآه في غرفة الانعآش آعمى , مآيصبر آبدآ , المريض الثاني حزن وآيييد لمآ عرف هالشي لكن حمد ربه آنه لقى وآحد زين مثل هذاك كآن ويآه فالغرفه , رغم آنه آعمى مد له الامل , مد له التفآؤل , مد له القوه , وبفضل الله ثم فضله قدر هذا رد يتعافى ويقدر يتحرك ! . . مهند تضايج من القصه : سبحآن الله , بس ليش تخبريني آيآهآ .. ! عذآري : بس , كنت اصيح نفسك وكنت متضايج وآيد وفي شخص غالي على قلبي لمآ خبرني هالقصه تفآئلت وصرت دكتورة الحين وصار قلبي قوي واتحمل كل شي , يمكن آنت محتآج هالقصه عسب تصير شخص ثاني , تنسى المشآكل بين اهلك وترد لهم , تهتم فيهم ويهتمون فيك , مب كل شي ترى ينحل بالعنف .. مهند ابتسم بيآس : بس هم كآرهيني خلآص .. عذآري : مآفي آم تكره ضنآهآ ! مهند : بحآول .. عذآري : لآ تيآس " قآمت وقبل لآ تطلع " مهند قآلهآ : دكتتوورةة ! عذآري : نعم مهند : آنتي متزوجه صح ؟ عذآري : هي مهند : ههههه ححسآفه طآفني نص عمري ولآ كآن طححت في غرآمممج ! عذآري : ههههههههه طيح وآستريح يآ مهند , وودر سوآلف العشق عنك , يلآ ريح " وطلعت عنه " عذآري رآححت تتطمن على نوف ولقتها رآقده , آحتآرت شو تسوي ف رآحت مكتبهآ ودقت لحمد وقعدت تكلمه عسب يمدهآ بشوي آمل وحممآس , لآنهآ تحس آنهآ بحمد تستوي آقوى , تستوي الدكتورة المثآلية , لكن بدونه هي ولآ شي .. ! . . شمسه قامت الفير وقعدت ترجع , حست للحين الريحه عالقه في خشمهآ ومب قآعده تروح , ريحه السمج , تنهدت , سبحت وبدلت وصلت وتمت وآعيه مآيآهآ رقآد آبد , خلت سعيد يريح ولبست شيلتها ونزلت تحت سوت لهآ عصير ليمون بنعناع عسب تروق شوي وتروح عنهآ اللوعه وقعدت برع .. فجآه لقت آحمد يآي يركض ويلعب قعدت تطآلعه وتضحك , وتمت تفكر لو هي وسعيد عندهم يآهل جآن يمكن انحلت الامور بسهولة , طلعت هالافكار من رآسهآ وفكرت من حيث كيف بتتعقد الامور وان عادي سعيد ياخذ الياهل منها بالقوه ويعطيه لحرمه ثانية تربيه , طلعت هالافكار من راسها كلها لما شافت احمد مآد ايده لها ويقوله .. احمد : ثبآح الخيل , آمو انا يابيت لث ولده حلوا " صبآح الخير , عمو انا يبت لج ورده حلوة " شمسه صعدته ف حضنهآ وباسته وخذت الورده : صبآح العسسل يا احححلى عسسل انته , شكرآ وآيد حبيبي على الورده الحلوة آحمد : شو تثربين , ابا " شو تشربين .. " شمسه شربته ولما جافت ملآمح احمد ماتت من الضحك : هههههههههههههههههههههه احمد : آاح شمسه : حآمض صح احمد هز راسه ب هيه عقب نزل من حضنها وراح يلعب .. سعيد نزل وشافها وسلم عليها وقعد معاها بالطآولة اللي برع : صبآح الخير .. شمسه : صبآح النور سعيد : شخبارج ؟ شمسه بدون اهتمام : الحمدالله سعيد : لمتى بنتم جي ؟ شمسه : لي مآ آطلقني سعيد : ولمآ بطلقج يعني بتكلميني ! شمسه : آكيد لآ .. سعيد : هالموضوع انتهينا منه شمسه : بننتهي منه لما بطلقني , بنتنهي منه نهآئيآ لما مابشوفك ولآ بتشوفني " طآلعت عيونه " لمآ بتآخذ مروى وبتخليني ف حالي سعيد عصب : شمسه شمسه ببرود : لآ تقولي انتهينآ ومآنتهينآ مآبغير رآيي آبد ولآ ابا اشي منك خلآص , خلني ارتاح وخذ اللي يحبها قلبك انا مليت بصراحة , كل يوم ضرابه كل يوم شي يديد , ليش ماتبانا نرتاح ؟ أنت تحب مروى وهي تحبك , آنآ دخلت عرض في حياتك وبطلع منها مثل مادخخخلت ! سعيد : لآحول ولآ قوة الا بآلله .. شمسه ابتسمت ولفت تطالع احمد وهو يلعب وكملت شرب عصيرههآ .. سعيد : آنآ تعبت صرآححة وآنآ آحآول اقنعج , لي تشوفينه صح بسويه " قآم ودخل عنهآ " شمسه غمضت عينهآ " بعد مآعلقني فيه , الحين بيروح , خلاص جي آححسن لي وله ! " قعدت تحت عقب نزلت وياها ام ذياب وقعدت تسولف ويآهآ وتنصحهآ لكن قالت لها شمسه ان جي احسن لهم , ويمكن بهالحل ترتآح ماعارضتها ام ذياب لان بالنهآية هاي حيآة شمسه وسعيد وهي مآلهآ آي حق تتدخل بالموضوع .. استرخصت منها شمسه وقالت لها انها بتروح فوق , رآحت فوق ولبست عبايتها وشيلتها وشلت غشوتها ! سعيد : على وين ؟ شمسه : اظن نحن مآلنآ خص ببعض ولا نسيت سعيد : قلت على وين , وبعدين ليش متلبسه من الصبح منو بيوديج ؟ شمسه : الدريول , بروح الجمعيه شوي وراده ! سعيد : زين آذآ محتآييه .. شمسه قاطعته وبقهر : لآ مب محتايه فلوس اطمن " شلت شنطتهآ وغشوتها ونزلت تحت " سعيد : استغفر الله من هالحرمه مادري على شو ميبسه راسهآ !! شمسه شافت ام ذياب وقالت لها ان مابتتاخر , ركبت مع الدريول ورآحت اول شي المستشفى سوت فحص دم عقب تمت تتريا ربع ساعه عقب دخلوهآ عند الدكتورة وكآنت متوترة شوي ! الدكتورة : ليكي حبيبتي شمسه مآتتوتري , وخليكي مبسوطه لان الله بدو يكرمك ويرزؤك بيبي ينور لك حياتك , ليك آلف مبروك تؤبريني .. شمسه تطآلع الدكتورة وهي مبهته : لكن , متى , كييف !! " غطت على ويهآ ويتهآ الصيحه " من متى انا ححآمل !! الدكتورة : انتي لسى بشهرك الاول شمسه : دكتورة ممكن اخذ التقارير .. الدكتورة : آي طبعآ , تفضلي " وعطتهآ " شمسه : مشكورة دكتورة مآتقصرين " شلت بعمرهآ وطلعت من الغرفة عقب حطت التقرير في شنطتهآ وركبت عند الدريول " روح الجمعيه , ! الدريول ودآهآ , خذت لهآ اغراض تزين الكب كيك وسوالف الكب كب كيك وردت البيت .. على طول صعدت غرفتها ولما شافت ان سعيد مب موجود تنهدت برآححه , تحس راسها بينفجر وان فيهآ صيححه , الحين ؟ بعد مافكرت تطلع من حيآة سعيد جي يستوي , وعرفت ان لوعه البارحه ماكانت من ريحه السمج بس .. الدريول : بابا ذيآب : نعم , تعآل انت وين كنت ! سعيد : رآح يودي شمسه الدريول : هيي ودي حورمه مال بابا سعيد , المستشفى عقب وديتي جمعيه سعيد آطآلع ذياب عقب اطالع الدريول : ليش المستشفى ؟ الدريول : مآفي معلوم سعيد : تقدر تروح !! الدريول راح عنهم وذياب تم يطآلع سعيد .. ذياب : شي صاير ؟ سعيد : بتجلطني هالحرمممه , قالت بس بتروح الجمعيه ذياب : قوم شوفهآ يمكن صاير لها شي سعيد شل عكازاته وصعد فوق وشافها سرححآنه وتصيح رآح وقعد ف الكرسي اللي مجابلنهآ .. سعيد : ليش ماخبرتيني انج رايحه المستشفى ؟ شمسه : هه ماشاء الله دريولكم فيه كمية وفاء غير طبيعيه , ولآ آنه فتآن بزيآدة !! سعيد : سالت سؤال وجآوبيني عليه شمسه بلعت ريجهآ ونزلت راسها , بهالوقت ام ذياب لما نزلت تبا تكلم سعيد خبرها ذياب عن اللي صار ف صعدت عندهم عسب تتطمن عليهم ودقت الباب عقب دخلت .. آم ذيآب : آبويه سعيد شفيك على البنت ! سعيد : آميه بعد شوفيني ماقلت لها ولآ كلمه من دخلت وهي تصيح .. آم ذيآب رآحت وقعدت صوبهآ : بلآج يا بنتي تصيحين ؟ سعيد تم يطآلع آمه عقب لف يطالع شمسه .. شمسه تمسح دموعهآ : ولآ شي عموه آم ذيآب : بسكم جذب علي ولعلمكم مابطلع من الغرفة الا لمآ آعرف كل شي سعيد يآس وخبر امه عن كل شي صار معاه يوم كان باسترآليآ ولمآ حب مروى لكن عقب كيف تزوج شمسه , طبعآ آم ذياب كانت هآدية وآيد لآنهآ آوردي تعرف السالفة كآملة ! سعيد معصب : يعني انا غلطت لكن مب للحين وهي مصره على الطلآق لمتى يعني !! شمسه دموعها تطيح على ويهها ومنزله راسها .. آم ذيآب تنهدت عقب لفت على شمسه : وآنتي ليش تصيحين ؟ عسب هالموضوع شمسه هزت راسها ب " لآ " آم ذيآب : عيل ليش ؟ شمسه ودموعهآ تنزل : ل..أن .. لآن يوم طلبت الطلاق منه " بطلت شنطتها وعطتها الورقة " آكتشفت هالشي !! آم ذيآب خذت الورقة وقرتها وفهمت وابتسمت على طول حضنت شمسه وهي تصيح : آشش لا تصيححين .. سعيد توتر : ممكن اعرف شو صاير !! آم ذيآب : بستوي يده وآخيرآ .. سعيد تنح : شوه ؟ آم ذيآب : مرتك حآمل سعيد مايعرف يستآنس ولآ شو يسوي بالضبط تم سآكت وهو يطآلع شمسه .. ام ذيآب : بآخذهآ شوي عنك عقب بيك " خذت شمسه غرفتها وقعدت ويآهآ " اما سعيد بعد مآستوعب الموضوع نزل وهو يمشي بسرعه بعكآزآته ووصل عند ذياب وحضنه : تعرف اني احبك ذيآب : ههههههههههههههههههههه بسم الله , آمي فرت لك راسه !! سعيد : لآلآلآلآ آمي مآيخصههآ " بحمآس " بتستوي عممم يآلدددبببب وآخخخيرآآ ذيآب تنح : تراني عم لعيال عامر لاه سعيد ضربه على راسه : لا تستغبى , بتصير عم لولدي ذيآب : كففففففففففففففك , هههههههههه اخيرا يالشيبه بتصير ابو !! سعيد : آخيييرآ ذيآب : بنسمع حشرة غير حشرة احمدو هني سعيد : عقبالك انت وحبك ذيآب يرفع ايده : آميييين سعيد : ههههههههههههههههههه جد مآتستحي وين امي عنك بس . . . ذيآب : ههههه ياريال والله استانست لك , خلك مني الحين ! آمآ صوب ام ذيآب قعدت تنصحهآ وشبه قنعتها تتراجع عن فكرة الطلآق من سعيد خآصه ان بيصير بينهم ياهل الحين .. آم ذيآب : انا نصحتج وقلت اللي عندي بس لو تحسي ان الطلاق احسن حل , آطلبيه شمسه : مشكورة عموه آم ذيآب : على شو ؟ شمسه : لآنج متفهمه ولآنج وياي وتوقفين مع الحق , ومآدآفعين عن سعيد لآنه ولدج ! آم ذيآب يودت ايدهآ : انا دوم معاج وبعدين انتي حالج من حال عيالي , وقريبآ بتستوي ام وبتعرفين انا كيف احس تجآهكم شمسه حضنتها : الله لآ يحرمني منج آم ذيآب : ولآ منج , شو ناوية اليوم ؟ اشوف اكياس جمعيه بالبيت ! شمسه قامت وقالت بحماس : مآعرف قلت بسوي كب كيك بدل الملل اللي نحن فيه آم ذيآب : زين يلآ عيل نزلي سويه , شوي وبيج شمسه : آن شاء الله " وسبقتها ونزلت المطبخ " ذيآب استرخص من سعيد ورآح الشركة , اما سعيد رآح الصآلة وقعد يفرفر فالتلفزيون لين رن تلفونه ورد . . . سعيد : آلو ؟ مروى : آهلين .. سعيد بملل : شو تبين ! مروى : نسيت كل شي بينآ , نسيت شقد آحبك " تمثل انها تصيح " بهالسهولة تتخلى عني .. سعيد بحزم : مروى !! شمسه كآنت بالمطبخ ولما سمعت اسم اختها بطلت باب المطبخ بهدوء وتمت تطالع سعيد من طرف وتسمع كل شي يقوله ! سعيد كمل كلآمه : نحن اتهينآ من هالشي من زمآن , خلآص الماضي ماضي ! مروى بضيج : سعيد شهالكلآم , شمسه سحرتك .. سعيد : هي سحرتني وانتي شو يخصج ؟ دآم هي تحبني وانا احبها انتي لا عاد تتدخلين مروى : بتشوف آن مآ دمرت حيآتك يا سعيد مثل مآدمرت حيآتي سعيد ببرود : وآنتي عبالج آنآ بهتم لج ؟ ولآ متفيج اشوف رقعه ويهج مرة ثانية !! , انتي اللي بغيتي هالشي لمآ خليتني اتزوج شمسه ودامني مرتاح مع شمسه الحين ومستآنس لآ عآد تتدخلي " بعصبيه آكثر " ولآ بخبر ابوج عن كل شي وعندي كل الادله مروى : هههههههههههههه تتوقع ابوي بيصدقك ؟ وبعدين عادي يخليك آطلق شمسه لانك وقح وخبرته الصراححه سعيد : بس انتي ماسمعتي كل الصرآحححة , الصرآححة آني عفتج واني اعشق تراب شمسه , وآني بصير ابو قريب , وآن شمسه صارت كل حياتتتي ولو ابوج طلب اطلقها مابطلقها لو تنقلب السما على الارض , ولعلمج , آمي عرفت عن كل شي عسب تكوني بالصورة يعني , الشي اللي بينا انتهى وصدقيني يا مروى لو شفت رقمج مرة ثانية في مبايلي ماتلومين الا نفسج مروى بقهر صرخت وقالت : آككككككككككككرررررررررررررررررررررهههههههههككككككك كك سعيد : والله يكون آحسن آنج تكرهيني , آوه صح , بعد لو شفت مسجآت منج تضايج شمسه ولآ متصله فيها عسب تسمعيها كلآم , بعد بتشوفين مني شي مآيعيبج , آوكيه يا حلوة ؟ وصل الكلآممم ولآ بعدهه .. مروى : الله ياخذك سعيد يتمصخر : آمممين , يآخذني لحضنه شمسه " ورقع الخط ف ويهها وهو يضحك " هالبنت مش صاحيه عبالها الناس ميته عليها !! شمسه تضايجت شوي على اختها لكن ارتاحت على الكلآم اللي سمعته من سعيد , واستانست ان سعيد متحمس لفكرة الياهل فردت وكملت طبآخهآ عسب لا حد اي ويشوف انها كانت تسمع سعيد عند البآب .. . . برع البلآد .. ترفة فتحت الايفون مآلهآ وفتحت سنآب جآت وقآعده تصور عمرهآ وتطرش لميثآ وعليآ وكل ساعه يوصلها فيديو وتموت من الضحك , كآنت تمشي رايححه الجآمعه عسب تشوف آمور الكتب وامور السكن كيف !! , دعمت وحده وهي تسجل اخر سناب جات قبل لا تدخل آلجآمعه وقالت فالتسجججيل .. ترفة : آآآآآآآآآخ " وطرشته بالغلط لميثآ وعليآ , سكرت فونهآ ولفت على البنت " فطومم ؟ شو يايبنج هني كل يوم اشوفج ! فآطمه : ههههههههههه انتي دفشة دوم , كيف جي تضربيني ترفه تراويها الفون , وآلله مآيخصني كنت قاعده اصور لربيعآتي .. وفتحت اخر فيديو وصلهآ من ميثآ كآنت مصورة عمرهآ وتقول " طول عمرج يا ترفة دفشة , الله يعين اللي ضربتيها , واذا مآ ضربتي او دزيتي حد اكيد دعمتي شي , ديري بالج ع حآلج يالخفوق " فآطمه : ههههههههه حآفظينج هآآ , شوتسوين هني ! ترفة : يايه اشوف امور الكتب وجي بما انه باجر بنبدآ .. وآنتي ؟ فآطمة : ترى فآرس يقدم هني للطب من متى , وآليوم يخلص اموره هو بعد لكن مآبيسكن بالسكن تحولنآ بيت قريب من بيت خآلوه وبنتم هني ! ترفه : يآحيكم وآلله فآطمة : هي , دخل هالتخصص عشان امي , وانا بدرس هندسة ان شاء الله ترفه : آن شاء الله , يلآ عيل انا بشوف امور الدراسه ولو خلصت بتمشى ويآج لو فاضيه فاطمة : آكيد عادي يلآ روححي بترييآجج !! ترفة رآحت وطول الوقت تفكر كيف فشلة ان هي بتدرس مع آولآد , تحس انها مابتتآقلم لكن مستحيل تتخلى عن حلمهآ عشان سبب تافهه مثل هآ , سوت امور كتبها وقالولها ان باجر بتستلمه وقالولها ان السكن مسموح لها بالصيف بس لازم اجدد دفعها في بداية الكورس ولمآ طلعت لقت فآطمة .. فآطمة : خلصتي ؟ ترفه : هي , تتريني صح ؟ فآطمة : هي قلت لفآرس يروح واني بروح ويآج ترفه : تمآم , يلآ بنتمشى عآزمتنج على مطعم يسوي باستآ , تآكلي اصابعج ورآهآ فآطمة : يوعتيني , يلآ نتمشى . . . قعدت ترفة وفآطمة يتمشون عقب ودتهآ مطعم قريب كانت تروح له هي وعليآ وميثآ يآكلون فيه بآستآ , وقعدوآ يسولفوآ عن وآيد اشياء وتقربوآ نوعآ مآ من بعض وصآروآ اصدققـآ من هاللحظة . . . . | |
| ||
| |
|
12-17-2013, 11:20 PM
| رقم المشاركة : [ 548 ] | |
| عضو دائم | آلسلآم عليكم ورحمةة الله وبركآتهه * آخبآركم قرآئي ؟ آتمنى تكونون بآلف صحة وسلآمة . . طبعآ آعتذر آول شي على آني قلت لكم بصلح آلآخطآء الاملآئية بالبآرت القبلي بس للحين مآصلحته بحآول قريب اصلح الآخطآء الاملآئية فيه . . . . ثآني شي بعد اعتذر على الاخطآء الاملآئية اللي في هذآ البآرت , كتبته على السريع , < كآتبتكم مب شريره شفتوآ  مآخلتكم تتريون ل شهر وآحححد , ل بعد آمتحآنآتهآ ! على العموم طوفوآ الاخطآء وقريب بعدل الاخطآء فهالبآرت والبارت اللي قبله .. شي 2 آلبآرت طويل بذبحهآ اللي بتقولي البارت قصير  تعبت وآنآ آكتبه آتمنى تقدرون هالشي وآتمنى آلآقي ردود تفتح النفس آدريبكم مآبتقصصصصرون . . . . كتبت وآيد احدآث فيه , كتبوآ رآيكم فالروآية فالشخصيآت آي شي بس مآبي ردود سطططحححيه ~ طبعآ كآتبتكم عليهآ فاينل بآجر بس مآهنتوآ عليهآ ف نزلت البآرت لكم آول , وشكلي بيب العيد  * هههه دعوآتكم بس ! آلبآرت اليآي تريوآ عليه مده ل عقب آمتحآنآتي بس لو قدرت آكتب قبل جي وآنزله لكم رآح آكتب ان شاء الله ومآرآح آقصر ! ملآحظة ؛ بعد مآتخلصون كتآبةة ردودكم , رجآء خآص منكم لآ حد يكتب لي هني ف صفحه الروآية متى البآرت اليآي ؟ لآن الصفحآت تزيد على اسالتكم , عندكم الزوآر وآلآسك آي شي , وسبق وذكرت لكم متى البآرت الياي و و و و بس هذآ اللي عندي للحين . . قرآءهه ممتعه للجميع وآترك المسآحهه لآقلآمكم الذهبيه الجميلةة آنرتوني جميعععآ . . . . لكم وديي ♥♥♥♥♥
__DEFINE_LIKE_SHARE__
| |
| ||
| |
|
12-18-2013, 12:32 AM
| رقم المشاركة : [ 549 ] |
| عضو جديد | رووووووعه الحمدالله ان شمسة طلعت حامل و سعيد افتك من مروى موزه و مايد احلى ثنائي الله يخلييييهم لبعض افف يوسف كريهه ما اداني احس ظاهر بيخطب لطيفة وناصر بيقتنع ف كلاام امه وبياخذ ظبية وبس هذا الي عندي و نترياج حبيبتي و الله يوفقج ف امتحاناتج __DEFINE_LIKE_SHARE__ |
|
| |
| |
|
12-18-2013, 08:51 AM
| رقم المشاركة : [ 550 ] |
| عضو جديد | السلام عليكم ورحمة الله وبركاته شخبارج كاتبتنا ♥ البارت ماعليه كلام واايد حلوووووو ماشاء الله ... جميله شخصية ظاهر ان شاء الله يكون للطيفه ورووضه إحسها حبت خالد ياارب تزوجه ويستويله شي ه القطري و ذيااااااااااااب حبيب البي لو سمعتني الهنوف بتقتلني يجنننننن ه الإنسان .. وشكرا لج مرة ثانية بارب ولا اروع وكل مره تبهرينا باشيا ثانية . وربي يوفقج في إمتحاناتج كلها ويسر وامورج
__DEFINE_LIKE_SHARE__
|
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري | alna3ma | عدسة الاعضاء , كاميرا الاعضاء | 34 | 07-23-2011 03:03 PM |
| شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد | porshcia | عدسة الاعضاء , كاميرا الاعضاء | 12 | 08-10-2010 12:26 AM |
| شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ ! | * мя. άl-мansooᴚi | سيارات و دراجات | 13 | 12-11-2009 07:40 AM |
| .،|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ |/.، | « ݕڨـﭑﯦﭑ בـطٱم ™ | المسنجر وملحقاته , توبيكات , ماسنجر بلس , msn | 69 | 07-13-2009 02:18 PM |
| { ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري | alna3ma | عدسة الاعضاء , كاميرا الاعضاء | 14 | 04-17-2009 09:49 PM |
الساعة الآن 07:36 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227