| ||||||
 |
| | LinkBack | أدوات الموضوع | انواع عرض الموضوع |
| |
|
#1
02-24-2014, 12:10 AM
| |||
| |||
 آلبآرت الـ26 .. برع البلآد .. ترفة بطلت كتآبهآ عشان تدرس لآن تحس آن وآيد فآتهآ , آول مآشآفت الملآحظآت تمت متوترة وخيفآنه , آن كيف خذوآ كل هذا وهي مآكآنت موجوده ويآهم بالكلآس , تآملت خط فآرس الدفش ويلست تضحك , الحين هي كيف بتفهم ملآحظآته , مآتعرف ؟ قررت آدق حق فطآمي سكآيب وتسآلهآ عن بعض الكلمآت اللي مآفهمتهآ من خط فآرس , دقت لفطآمي سكآيب ومآردت عليهآ فودرت الفون وحآولت على قد مآتقدر تركز ف خط فارس عشان تفهم شي لكن فقدت الامل للاسف ! ترفة تكشكش شعرهآ : يآربي شو آسويي الحححين ؟ " يودت فونها وردت دقت على فطآمي على امل آنهآ ترد وتفهمهآ شي " فآرس : فططططآمي تلفوونننج اذذذذييييه فطآمي ميوده كتآب آلكآلكولاس جدآمهآ وتدرس : آوففف فكنننني خلني بالبلوه اللي انا فيها فآرس شل التلفون ورد وتم سآككت ترفة : آوووووووه الحمدالله رديتتتتتتتتتي سمعععي ابوس ايدج فهميني خط اخوج , شو هااا تقول اثر ديايه فارس رفع حياته وكتم ضحكته وقال برجولته القوية : عفوآ ؟ ترفة ذابت ف مكآنهآ وكآنت بتبند ف ويهه بس خافت يزعل او يحس انها تهينه , تمت سآكككتتتتتته تمنت الارض تنشق وتبلعها ولآ يصير معاها هالموقف ويتها الصيحه بعد , مآتوقعت آن هو اللي بيرد عليهآ . . فآرس آبتسم : مب مشكله آنتي طرشي الكلمآت على فون فطآمي يآ في مسج او بالبيبي وانا برد عليج وبفهمج ترفة بصوت متقطع من كثر مآ مفتشلة : ل..أ خل..أص ك..ل ش..ي مف..هو..م ( لآ خلاص كل شي مفهوم ) فآرس : آدري آنج مآفآهمه شي واونج مستحيه , بتريآ الكلمآت , يلآ مع السلآمة " وبند " ترفة تاكدت انه بند خلآص وفرت الفون وغطت ويههآ فالمخده وتتحرطم : آلحين شو بيقول عنج يآ غبيه , آوففففففففففف الحين اطرش لج الكلمآت ولآلآ , وآلله هذيك بتآكلني لو مآفهمت معانيهم , لآزم اطرش له , " يودت فونها وبطلت البيبي ام ويلست تكتب لفطآمي عن الكلمآت " *فآلبيبي_آم* ! ترفه طرشت الكلمآت : بس هذيل .. تم يرد عليهآ فآرس من فون فطآمي وخبرهآ عن معآني الاشياء اللي هي مافهمتها , آمآ هي قعدت تكتب تآمي : ويت بطرش شي ترفة : آوك بعد 5 دقايق , وصلهآ كلآم كبييير , يلست تقرآهه وآستآنست وآيد لآنهآ فهمت كل شي فالدرس , كآن فآرس كآتب لها ملخص كل الدرس وبطريقة سهله وآيد .. ترفة : شكرآ وآيد فآرس من بيبي آم " تآمي " : عفوآ ترفة فرت فونهآ وبدت تذآكر وتحس ان كل شي صار سهل بالنسبه لهآ , يلست تتآمل خطه ويودت ضحكتها عشان مآترد تضحك عليه , تذكرت الموقف اللي صار , تحس في شي غريب في فارس هي بروحها ماتعرف كيف توصفه آو تقوله , ليش يساعدهآ ؟ معقولة هو طيب لهالدرجه ! ولآ هو نفس الشباب الباقين , خذت الافكآر وودتهآ لين نآمت على كتبهآ ! . . نآصر كآن يفكر في ظبيه وكيف يقدر يحل هالشي , مآيبآ يبدآ حيآته بمشآكل وضرآيب , وحط في رآسه , آنه متزوج عشآن آمه مب عشان يحبهآ , نآصر كآن يتمنى يتزوج وحده منقبه لآنه بالاساس يعرف عمره آنه غيور وآيد ويحب التملك , خآصه اذا كآن الشي ملكه مستحيل يفرط فيه , كآن خآطره هو يختآر البنآت بغظ النظر لو كآنت قبيحه آو جميلة آو جمآلهآ هآدي آهم شي عنده آخلآقهآ وانها تقوم بالوآجب من حيث امه وبيته ! سهيل : نصور في شو سرحآن ؟ نآصر : ولآ شي " قآم ورآح عنهم " ظآهر : آحسه متضآيج , شي صاير له ؟ خآلد : يمكن , اصلا حتى لو كآن صآير له شي مستحيل يقول لنآ , تعرفه كيف ميبس راسه صآلح يلعب بالفون : لكن بيخبر الهنوف آو غايه , احسه فري معاهم من جي لآ تستبعد سهيل : لآ آحس نصور بيقول للهنوف لآنهآ آقربهم له , على كل حآل من الاحوآل , الله يبعد عنآ الضيج جميع ظآهر : ويرزقنآ حرمه طيبه وسنعه خآلد : آمممممممممممممممممممممممميييييييييييييييييين صآلح حط تلفونه : آلحين انتوا الثلآث ليش ملقوفين على العرس ؟ ترى وآلله العرس عوار راس ظآهر : بالعكسس انا احس انه بودر مصاختكم ويمعاتكم هاي وبتكبر مسؤولياتي سهيل : صلللوح , انا ضآمن عمري خلآصصص , فديت آختك وآلله صالح رفع حياته : نعم سهيل : شو شو ؟ مآيخصك حرمتي وكيفي , وآآآآلله خآلد : هههههههههههههههههههههههههههههههههههههه قويييه صآلح : الله يصبرني عليك سهيل : انا نسيبك المفروض تمدحني مب جي تحش فيني , عن تفر راس حرمتي ترى يآويلك ظآهر يسويله مآلت : آقوووول , روميييو , خلآص اسسسسكت ! . . يوسف كآن قآعد بروحه ويشرب كوفي , كآن وده يسير يعتذر من عمه ويعتذر من محمد , مآكآن ودهه يصير كل هذآ .. رفع عينه من كوبه وشآف ان في الطآولة اللي على اليسار قاعد محمد بروحه , كآن بيسير يعتذر له لكن . . . في شي يمنعنه , حس وقتهآ آن مآحد منهم حآس فيه , صح مشاعره تتغير لكن هو بعد فالنهآيه آنسـآن ! عبدالله قعد ويآه : مساك الله بالخير بوالشباب يوسف مستغرب : مسآك الله بالنور عبدالله : سرحآن اشوف ؟ لآيكون هيمآن في وحده من ورآي يوسف ابتسم : لآ آطمن لآ هيمآن ولآ شي عبدآلله : يوسف بصرآحه آنت لآزم تعتذر من آبوي ومن محمد اللي سويته غلط يوسف : بعتذر بس مب اليوم ! عبدالله : عيل ؟ يوسف : بعد مآنرد ان شاء الله , عبدالله : لي يريحك , شو طآلب لك ؟ يوسف : كآبتشينو وذ موكآ عبدالله : زين بروح آطلب لي وبيك يوسف : خذ رآحتك عبدالله رآح وطلب له كوفي ولين مآزهب الكوفي كآن يفكر كيف يوسف بيعتذر , عبدالله يحس ان يوسف محتآج حد ويآهه , خآصه بهالوقت لآن الكل انقلب ضدهه , لمآ رد قعد وياه وتم يغصص فيه .. عبدالله : تحبهآ ؟ يوسف : منو ! عبدالله : روضة يوسف : بنسآهآ عبدالله : آنت وآيد تآخرت , ومآتكلمت بالهدوء , شكلك مآعصابه يوسف : هههههههههههههه مب لهالدرجه عآد , مآعليـه بنسآهآ اذا مآكآنت من نصيب عبدالرحمن اكيد بتكون من نصيب خالد عبدالله : توقعتك تكره خآلد ؟ يوسف : يمكن الحين آكرهه لآن بياخذ الشي اللي حبيته بس عادي عقب بتقبل عبدالله : يوسف احس انك بتسوي شي كبير وجآيد , والله قلبي ناغزني يوسف : آطمن , مآرآح اضر حد خلآص , آنآ بروحي مليت ! عبدالله ابتسم : الله يهديك يآرب دوم يوسف : آمين يآرب .. . . غآيه : ومآيطييييييييييق الصبرآآآآآآآآآآآ عآشششو : خلآص آميه خلآص عورتيلي راسي غايه : آنتي شفيج جي صايره كئيبه ؟ : لآني مليت , الطيآره تآخرت غايه آعتدلت بحمآس : نونآ فرضآ فرضآ ذيآبو خلآج شو بتسوين ؟ : آممممم مآعرف احس لآلآ " صرخت " مستحيل مآتخيل حيآتي من دونه غايه تبا تقهرهآ : آنزين تخيلي تقدم لي ؟ رفعت حياتي : وليش يتقدم لج ؟ غايه بغبآء : لان صوتي حلو , وهو صوته حلو وبجي عيالنا بيطلون ذات احبال صوتيه ذهبيه : هههههههههههههههههههههههههههههههههههه ضحكتيني وانا مالي نفس , آطلعي من حيآتي بسني منننجج غايه : سيري لآهه , اصلا انا بلآقي فارس آحلآمي وبيكون معضل هذا اهم شي : تخيلي يكون فيه غمازه بعد غايه اونه تهف على ويههآ : آويلي هني اروح وطي : ههههههههههههه وقسم بالله مب صاححيه مهره يات صوبنآ ومن شفتها يايه بقوم لكن غآيه يلستني وهي تقول .. غايه : دآم خليتيها تتراضى مع محمد كملي جميلج معاها وسآمحيهآ , ترى نحن بدون بعض ولآ شي ! : بس انآ . . . . غآيه قآطعتني : لآتكآبرين , خلآص قلت لج الحين بنصفي النية : غايه مستوية مصلحه اجتمآعيه ماشاءالله غايه تكح : آخجلتي توآضعي مهره : آممممم غايه : آهلين مهره , حيآج مهره قعدت : بصرآحه آنآ . . تميت سآكته , آحس ماباها تعتذر , لآ تعتذر دآم تصالحت مع محمد خلآص , ها اهم شي , سعآدتهآ ! غآيه : نحن مسآمحينج مآيحتآي تعتذر .. مهره ابتسمت ! : هي مآيحتآي خلآص نحن مب زعلآنين , اصلا نحن خوآت ومآبينآ هالاشياء بس آتمنى اللي سويتيه مآيتكرر مهره : آن شاء الله غايه : مهره تخيلي محمد ياخذني مهره فهت : شوه ؟ غايه : يعني عشان هو جميل وانا جميلة ف بيطلعون عيالنآ ملآك كل وآحد آغوى من الثاني مهره ضربتها ويودتها من اذنهآ : حآطه عينج عليه ؟ غايه : ههههههههههههههه وآلله وآلله لآ خوزي عورتيني " ضربتها ع ايدهآ ومهره خوزت ايدهآ " آحح يعور يالحيوآنه ! : هههههههههههههههههه نفس الكلمتين هذيل قالتهم لي مهره : وكيف سكتي عنهآ ؟ : لآني اعرف انها مابتاخذ ريلي فديته مهره : هيييييه , خوزوآ عنننآ عآد ذيآب ههذذذآآ غايه : انا بسير : وين ؟ غايه : بدور ريلي مهره : لآ تستهبلين اقعدي غايه : الوضع لآ يطآق يآ جمآعه " تمط ثيابها بقوه " طفرت , الجفاف العاطفي زاد فيني من سوآلفكم هذي !! " ورآحت عنهم " : الحين هاي من صدقهآ فيهآ جفاف عآطفي ومتعذبه مهره : هههههههههههههههه شو عرفني فيها , مسكينه , ياخي الله يرزقهآ : آمممين يآرب !! مهره : خلينآ نقوم نروح صوب الاهل يلآ قمت معآهآ : يلآ " ورحنآ " . . برع البلآد .. حمد منسدح على الشبريه , كآن يبا ينام لكن هون لمآ جآف عذاري يايه صوبه .. عذاري : غريبه مآنمت للحين ؟ حمد : وآلله تعبآن ابا آرتآح لكن , من شفتج يايه هونت بسولف ويآج عذاري : نآم اصلا حتى انا تعبآنه بنآم حمد : آنزين يلآ تعآلي عذاري راحت وانسدحت حذاله عقب رفعت عمرهآ ونآمت على صدره وغمضت عينها وطآحت دمعه حآره منهآ على اللي صار ! حمد قرب آيده من ويههآ ومسح دمعتها : عذآري , ممكن تهدين عذاري عضت شفايفها ورصت على ايدههآ , وحآولت على قد مآتقدر انها ماتصيح , وكل مايكلمهآ حمد مآترد عليه تعرف انها بتصيح , وهي ماتبا تضيج فيه اكثر من جي .. حمد : عذآري ! عذاري صآحت وخشت راسها في حضنه : خلآص حمد روح تزوج وحده ثانيه عشان تيب لك ولد يشل اسمك , انا فقدت الامل في نفسي .. حتى لو كنت مآعآقر وقبل عقيت , مآقدر اضمن لك اني انا بيب .. حمد عصب : عذاري شو قاعده تخبصين ؟ عذاري قامت من صدرهه وراحت وحطت راسها على مخدتهآ , يعني عطت ظهرهآ لحمد وكملت صيآحهآ , حمد حضنهآ من ورى .. حمد : مابآ عيآلي غير منج , اباهم يطلعون مثل خشمج الجميل وعيونج البريئه , وبعدين انتي ليش كل مرة نطري فيه هالموضوع تصيحين , انا ادري انج مب عاقر , لان لو كنتي عاقر ماكنتي بتحملين وبتسقطين .. عذآري تمسح دموعهآ : بس انا مابا تكمل حياتك جي , انا ادري ان خآطرك في هالشي وانا مابا عموه عقب تقول اني انانية واني ماخليتك تكمل حياتك ! حمد : عذآري , الحيآة مب كلهآ آطفآل وتربية , الحيآة حب , آهتمآم , انا مآقولج آن مآخآطري بيهآل بس انا مابا يهال من وحده غيرج , ودآم انا مرتآح جي لو سمحتي لآ تردي تعيدي الكلآم اللي قلتيه .. عذاري لفت وردت خشت راسها في حضنه : لآ تخليني , تزوج سوا اللي تباه , بس لا تبعد , لآتروح حمد مسح على ظهرهآ : مآبروح , ومآبتزوج , انا ويآج دوم عذآري رصت على قميصه وكررت جملتهآ : لآ تخليني ومن عقبهآ صخت , حمد حس ان ايدها بدت ترتخي , قال في خآطره آنهآ آكيد نآمت من كثر مآتصيح .. حمد باسها على راسهآ : نوم العوآفي يالغآلية " نزل رآسه ويوم وصل صوب اذنهآ همس لهآ " آحبج وآيد ! . . آم فهد قدرت توصل لرقم مكتب فهد وعلى طول اتصلت فيه , وهو على طول رد ! فهد : آلو .. آم فهد : آهلين ولدي فهد آنصدم لكن حآول مآيبين هالشي : آنتي من وين يبتي رقمي ؟ آم فهد : بسم الله تكلمني كان وحده من حبيبآتك وخليتك , انا امك , شلت الرقم من عند ابوك بدون لآ يدري , فهد عندي اخبار حلوة لك ووآيييد بتريحك ! فهد في خآطره " الله يستر " وقال لهآ : آمريني , شو هالاخبار ! آم فهد : خطبت لك البنت اللي خاطري فيها , بصرآحه مآقدرت اخليها بخآطري فهد مسح على ويهه بملل : استغفرالله العظيم , ترى وآلله مآبتقفطين غير عمرج لسببين , انا ماراح ارد الامارات , ومآرآح اخذ البنت اللي انتي كلمتي اهلها , وضح كلآمي ولآلآ آم فهد : بتكسر كلمه آمك فهد : آلود ودي مآكسرهآ لكن آنتي معنده رآسج ! آم فهد : , صلي استخاره ولو مآرتحت انا بعتذر لهم , لكن اذا ماصليت بتم على كلآمي هذا .. فهد تنهد : شو بتستفيدين حتى لو ارتحت ؟ آم فهد : ابي رآحتك , مابي شي ثاني ! فهد : ليش تكرهين نوف ؟ آم فهد : انا ماكرههآ لكن نوف بعدهآ مآصحت وطلآل ماعنده حد وانت بالشغل , كيف تامن على ولدك ف الحضآنه ؟ فهد : آآمن عليه لان نحن من زمآن عايشين هني وبعدين انا اعرف اللي تشتغل بالحضانه ف عادي ماله داعي لكل هذا اللي قاعده تسويه .. آم فهد : انا قلت لك , ولآ تنسى آن رضآي هو آهم شي بالدنيآ ! فهد عشان يرآضيهآ لآنه يعرف زين شو بيصير لو آمه مآرضت عليه : خلآص لي تشوفينه , رآح آصلي لكن لو مآرتحت تفركشي هالزوآج وهالخطبه اللي مالها داعي بالاساس .. ام فهد بونآسه : ان شاء الله , بس انت صلي وخبرني شو بيطلع معاك باقرب وقت ممكن فهد : آن شاء الله , يلآ عندي شغل آميه بكلمج بعدين عشان بعد مرة على المرتين تكلمين طلال آم فهد : فديته وحشني , خلآص مب مشكلة , عيل دير بالك على حآلك فهد : آن شاء الله , مع السلآمة آم فهد : مع السلآمة " وبندت " . . برع البلآد – المستشفى .. نوف قآمت بسرعه وقآمت ترجع , وحست عمرهآ وآيد تعبآنه ف ضغطت على جرس النيرس ويتهآ تركض وتمت تفحصهآ , عقب لما شافت ان وضع نوف مآيطمن على طول آتصلت بعذاري , بس مآردت عليهم .. نوف تمت ترتجف وانسدحت بالفراش وسوت عمرههآ رآقده آمآ النيرس طلعت وآتصلت في ريل نوف ( فهد ) وخبرته كل شي صار , ولما عرف تخبل وفر كل الاوراق اللي في ايدهه وعلى طول رآح عندهآ عشان يطمن عليهآ .. ولما وصل بدآ باستجوآب الممرضه ! *بالترجمه* فهد : مآذآ حصل لهآ ؟ هل هي بخير الان ! سوزي : هي بخير لآ تقلق ولكننآ لآ نعلم مابها بالضبط , قبل مده اجرينآ لهآ فحوصات ولكن الدكتورة عذاري هي من آخذت جميع النتائج ولم تسمح لنا بقرائتها ولم تخبرنا ماذا يحدث للانسه نوف , لذا جميع الاخبار هي عند الدكتورة عذاري ! فهد بتوتر : حسنا اي هي الدكتورة عذاري ؟ سوزي : غآدرت المستشفى منذ ساعات , ولن تآتي هذه الفترة فهد : لماذا ؟ سوزي : طلبت آجآزه لمدة اسبوعين , ولقد تمت الموافقه على طلبها .. فهد : يآ صبر الارض " رد يطآلع سوززي اللي مفهيه ومآفهمت له " حسنآ , آين نوف الان ؟ سوزي : في غرفتها نآئمة .. فهد طنشها ورآح غرفة نوف , دخل بهدوء وسمعهآ تشآهق , مآعرف شو يسوي يدخل عشان يخفف اللي فيها ولآ يطلع عشان لا تعصب وتصارخ وتزيد حآلتهآ سوء , تم وآقف على الباب وبس يسمع صوت صيآحهآ , وقلبه يتقطع ! عذآري نشت من النوم وشافت تلفونها ولقت تلفون من المستشفى على طول اتصلت لهم وخبروها عن حاله نوف تنهدت بحزن وقالت لهم انها الحين بتي بتشوفها وبتتكلم مع فهد , قآمت بسرعه من على السرير ورآحت الحمآم *عزكم_الله* تغسلت وبدلت لبسها لفت صوب حمد وشافته بعده رآقد ويبين عليه التعب , رآحت آلصآله وشلت ورده من المزهريه وكتبت ف ورقة صغيره " انا رحت المستشفى لان نوف رجعت لها الحآله , مآرآح اتآخر , آحبك " حطت الورقة والورده حذاله , فالجهه اللي هي كانت نآيمة فيها , شلت شنطتها وفونهآ وتحجبت وطلعت من الشقه بهدوء عسب لا تزعج حمد , خذت لهآ تكسي وعلى طول رآحت المستشفى . . . بعد 5 دقايق وصلت المستشفى وهي تمشي رايحه غرفة نوف لمحت ان حد واقف عند الباب قربت وشافت انه فهد , قالت بهدوء عذاري : اهلين فهد .. فهد لف وهو شبه متوتر من اللي بيسمعه من عذاري عن حآله نوف : آهلين دكتورة عذاري تاشر على مكتبهآ : ااذا ممكن تتفضل وياي هناك عشان نتكلم بهدوء فهد : تفضلي عذاري : مآعليه بس انت اسبقني انا بطل على نوف ولآحقتنك فهد : آن شاء الله " وسبقها , ورآح مكتبهآ لقآه مقفول رآح وخلا سوزي تفتحه عقب قعد يترياها " عذاري دخلت سمعت نوف تصيح , عورهآ قلبهآ : نوف نوف بطلت الفراش وكانت محمره ووآيد تعبآنه : آنتي منو بعد ؟ انا ليش ماتذكر حد , صآرحيني اذا انا مينونه بس لآ تخلوني جي الله يخليكم .. ليش انا ما عرف حد منكم رغم ان كلكم تعرفوني وتعرفون اسمي ؟ آصلآ اسمي هذا هو الحقيقي ولآ آنتوآ بعد سميتوني جي عشان تعرفون تنآدون مرضاكم عدل " صرخت " مابا اشوفكم كلكم طلعي برع .. عذاري بشده : لا تخليني اسمح لهم يعطونج ابره مهدئ , خلينآ حلوين مع بعض " رآحت صوب الايباد وشغلت القران " الله يعافيج يارب " شافتها بنظرة آمل , عقب طلعت عنهآ , اما نوف بدت نفسهآ تهدآ تدريجيآ بسمآع القرآن عقب نآمت " عذاري راحت مكتبها وقعدت على الكرسي : ليش مادخلت عنهآ وهديتهآ ؟ فهد : بصرآحه انتي تدرين شو يستوي بها من تشوفني , مآحبيت ازيدهآ عذاري : آيوآ , غريبه ياي هني ؟ فهد : بصرآحه عرفت آنج مسويه فحوصات وتحآليل حق نوف , ممكن ليش انا ماعرف عن النتآيج آو عن الفحوصات ؟ عذآري : بصرآحه يا فهد , آمك كآنت هني وكانت كل يوم مسببه مشكله , مآحبيت اتكلم بهالموضوع عشان لآ تصير مشآكل , لآني اشوف الرفض التام من آمك لنوف , على كل حآل من آلآحوآل كانت فحوصات عآديه .. فهد بشك : لو كآنت فحوصات عاديه ليش ماخبرتي سوزي عن النتآيج ؟ عذاري : كانت فحوصات عاديه صدقني لكن , انا كنت شاكه بشي معين وطلعت شكوكي صحيحه ! فهد بخوف على نوف : دكتورة ترآج تخوفيني على حرمتي , ريحيني خبريني شفيها .. خبريني هي بتصح ؟ آنقلهآ , خبريني مكان زين اعالجهآ فيه ! عذاري : مآنصحك تشلها من هني دامها بدت العلآج هني , هذآ آول شي , ثاني شي لا تخآف نوف مافيها الا العافيه بس , آنت ماتذكر من متى نوف كانت عندنآ ؟ فهد : بلآ من شهرين ونص ! عذاري : آيوآ , بصرآحه ماعرف شو اقولك .. فهد ميود اعصابه : دكتورة لا تحرقي اعصابي شفيها نوف ؟ عذآري رفعت راسها وتمت تطآلع فهد وقآلت : بصرآحه يآ فهد , نوف حآمل , ومب في شهرهآ الاول هذا شهرهآ الثالث , وهذا سبب تعبها اليوم , كنت اعرف وقتها ان لو امك الله يخليها لك سالت سوزي , سوزي عادي تقول شوفيها نوف , مآحبيت حد يعرف بهالموضوع لان مب وقته حتى احس ان لو نوف عرفت مآرآح تتقبل هاليآهل خآصه آنهآ بتشك ان هاليآهل مب بالحلآل خاصه آنهآ فاقده الذآكره ونآسية كل شي ف مستحيل تتذكر انها متزوجه , وانا مابي ااذي نفسيتها , خبرتك هالشي لآنك تستحق آنك تعرف .. فهد آنصصصصدم , آنرربببببط لسسسآنه , مآعرف شو يقول . . . . عذاري : فهد , نوف محتآجه تشوف اهلهآ , يمكن تذكر شي لا شافتهم , هي كل مرة تنسى فيها تسالني عن اهلهآ ! فهد : بيبهم , والله بسوي اي شي خاصه بس ابا نوف ترجع مثل قبل , دكتورة عطيني امل ان نوف بترجع مثل قبل وان اللي في بطنهآ بيعيش . . ! عذاري ابتسمت : لو الله كتب نوف بترجع , وضنآك بتشوفه ان شاء الله وبيتربى بينكم آنت وهي فهد : آن شاء الله , سآمحينآ عطلنآج عن اجآزتج عذاري : مب مشكلة " قآمت " ولآ تنقل نوف من هالمستشفى فهد : مب مشكلة ماراح انقلها عذاري : انا ماراح اي المستشفى لمده اسبوعين لظرف خاص , يآليت تي تطل عليها وتحآول تيب لها طلال , وتحآول تتواصل مع اهلها عشان ايون ويشوفونهآ .. فهد : آن شاء الله عذاري : يلآ عيل برخصتك فهد : مشكورة دكتورة .. عذاري : العفو " وطلعت من مكتبهآ ورجعت الشقه " فهد طلع من مكتب عذاري ورآح غرفه نوف , دخل وشافها راقده باسها على راسها وحط ايده برجفه على بطنهآ وهو يفكر كيف بيه ياهل عقب هالشهور الطويلة , ومن الانسانه اللي يموت فيها , حس بشعور مآينوصف اببببد , تذكر اخر شي صار بينه وبينهآ وقبل لآ تفقد الذآكره وتمرض وتتعب هالكثر . . . . . . . [ نوف كآنت متحدية فهد مآتتعدل له خاصه انه معآند ويبا يشوفها بمكيآج , اتفق ان هو يمكيجهآ وخلآهآ مهرج طبعآ وعصبت عليه ومسحت اللي في ويههآ لآنهآ مآتحب تحط مكيآج ابببد ولآ تعرف كيف تحط ايشدو آو اي شي , بس تعرف كيف تسوي جحآل خفيف داخل عيونهآ آو برع من طرف , قعدوآ ف الصآله يسولفون ! فهد يغايضها : اللي اتمنآه آنج تطلعين حآمل نوف : انا مابا اكون حآمل عشان لا اتوهق يكفي طلآل مطلع طوري فهد : مب على كيفج , كل شي بايد رب العآلمين نوف ابتسمت من قلب : والنعم بالله , آنزين اسسسمع , ليييش انت خآطططرك بيآهل ؟ فهد : هي خآطططريي نوف يودت ايده وتلعب في صبوعه : آسمع لو طلع ولد بنسميه نآدر , عشان اطقم انا وياه باول حرف من اسامينآ , اما لو كانت بنت بنسميها فآطمه آو فتون عشان تطقم وياك .. فهد ابتسم على تفكيرهآ : على هوآج حبيبتي , عيالي هم عيالج ومآفي اي اشكآلية , الاسم اللي بتختآرينه ترى حآضرين ! نوف انسدحت على ريله وهو بطل شعرها وقعد يلعب فيه : آقدر آقولك شي ؟ فهد : قولي نوف : انا خايفه , اخاف انك في يوم تنسآني , وتنسى كل شي حلو عشناه مع بعضنآ " قالت بغصه " وتاخذي غيري وهي اللي تربي طلآل " غمضت عينهآ " امانه طلآل لو صار فيني شي تزوج حرمه زينه , انت اختارها لا تخلي اي حد يختار لك حرمه من بعدي , فهد تضايج : نوف , شو منآسبه هالكلآم ؟ نوف بطلت عينهآ ويودت ايده ورصت عليهآ : بدون منآسبه , انا بس اخبرك , لاني اباك تكون مستآنس حتى لو ماكنت انا موجوده في حياتك , حتى لو مآيبت نآدر وفتون وفآطمه " حطت ايده على راسها " اقرى علي المعوذات وخلك قريب , هني انا بكون مرتآحه فهد قرى عليهآ عقب نزل وباسها على راسها : مآحد يحل مكآنج يالغاليه , وسوآء يبتي لي نآدر آو فآطمه آو فتون آو لآ , بتمين انتي الغآلية آم طلآل , بتمين آنتي آول آمنيآتي وآخرهآ ! نوف ابتسمت وسحبت ايده على عيونهآ من الاحرآج ولما قال لها كلمه *غآزلهآ* نزلت ايده شوي وعضتها وقعدوا يتضاربون وهي تشرد منه وهو يلحقها لين قعد طلآل وعصب عليهم وقعدوآ يضحكون على عمآرهم وعلى تصرفاتهم الطفولية .. . . . . ] فهد : ليش قلتي هآك الكلآم " قال بضيج وبخنقه " ليش ؟ كنتي حاسه يعني باللي بيصير , كنتي حاسه أنج بتتعبين لكن بتيبين لي نآدر آو فآطمه آو فتون " باسها على راسها مرة ثانيه ومسح على راسها بهدوء " الله يشافيج ويعافيج يا قلب فهد ويردج لي ولولدج وللضنآ اللي بتيبينه قريب بالف سلآمة يآرب ! خلآهآ وطلع من الغرفة ورد الشركة وهو يحس بمشاعر مختلطه , مشاعر وناسه وضيج وكتمه وآمل , آمل على انه نوف بتصح وبترد له نفس قبل بدون لآ ياخذ عليها وحده ثانية عشان تربي طلآل .. آمآ سوزي لما لاحظت آن عذاري روحت وفهد روح على طول رآحت تقفل باب غرفه عذاري , لآن عذاري جي موصيتنها , وفي دربهآ وهي رايحه لغرفة استرآحه الموظفين , مرت على كذا غرفه تطمن على المرضى الموجودين هنآك عقب كملت دربهآ ورآحت .. . .  |
|
02-24-2014, 12:10 AM
| رقم المشاركة : [ 2 ] | |
| عضو دائم  | لآحظت آن ظبيه مب على بعضهآ , استحيت اسالها شو فيج لان خفت تردني آو تقول ان هالشي من خصوصياتها , يمكن ظبيه ماتقول واني بالغت بتحليل هالشي لكن انا متاكده ان ظبيه بتنفي كل شي وبتقول ان مافيها شي من الاساس ! مهره : احس اني تعبآنه ومصدعه , حد عنده بندول ؟ لطيفة : آحيد ظبيه عندهآ .. مهره : ظبيوه عندج ؟ ظبيه في عآلم ثآني طبعآ . . مهره ولطيفة ياشرون لبعض بمعنى شوفيها ظبيه متضايجه ومب على بعضها ؟ غايه حطت ايدها على كتف ظبيه : ظبيوه ظبيه انتبهت : هلآ حبيبتي غايه : شي يعورج ؟ ظبيه : لآ آببد .. لطيفة : مآنعرف نحسج متضايجه ومب على بعضج ! ظبيه : لآ ابد انا بخير لآ تحآتون , آمروني بغيتوآ شي ؟ مهره : ابغي بندول لو ما عليج امر ظبيه بطلت شنطتها وطلعت لمهره حبه بندول ومارضت تعطيهآ حبه ثانية : مب زين وانتي مب ماكله عدل حبه تكفيج لطيفة : صدقهآ , وان شاء الله هالحبه يكون مفعولها قوي وتصحين بسرعه مهره شربت الماي وبلعت الحبه : ان شاء الله , مشكورة ظبيه ظبيه : العفو .. " آنتبهت لجرآح آنه نآيم حذآلهآ " مادري ليش خطر فبالي انه قآم غايه : لآ تخآفين وبعدين حتى لو قآم كلنآ ويآه , مآعليه شر , الله يخليلج اياه هالنتفه ويحفظج عواش : آممممين ويسعدههآ مع نصصصور يااربببب ايمآن & مشاعل & مهره ولطيفة وآنآ وغآيوهه : آممممميييييين ظبيه انحرجت وحست باحباط شديد خاصه ان مآحد حاس فيها ولآ حد سالها , كآن ودهآ تقول وتشكي , على الاقل تخبر اخوها لكن دوم تفكر في كلام غايه لما قالت ان بتستوي مشكلة من بينهم وبيفترقون ومادري شو , تنهدت وابتسمت مجآمله لهم عسب لآيحسون بشي .. . . مزنه تركض : عمييييييييييييييييييييييييييه عمير : هآ عمي شوتبببببين شو هالحشششششره ؟ عمر : طبها عنك لآ تسويلها سالفه , هاي حشره مزنه كفخت عمر على راسه : جب انته الحشرة يا حيوان عمير : شششششششششت راححححت الهيييييييييييييييييييبه يا عمووووووووووووووووور عمر زخها وقعد يعضها في بطنها مال مصخره وهي ميته تضحك : قولي اسفه , سسسسرعه ولآ بفرج عند الحرآمية مزنه قآمت وتعلقت ف رقبته بخوف : خلاص والله انا اسفه والله ماعيدها والله انا احبك موت عمير : ههههههههههههههههههههههههههههههههههههههه والله انها خوآفه مزنه قآمت من حضن عمر وطالعت عمير بحقد : آنته جب " وردت حضنت عمر " مابتوديني صح ؟ عمر : هي مابوديج مزنه قآمت عنه وراحت بعيد : والله اخبر عليك بابا انت وهو " وطلعت لسانها وشردت فوق " عمير : هههههههههههههههه عادي , اصلا نحن كنا بنوديج الالعاب لكن خلاص ماشي لا العاب ولا جمعيه مزنه من سمعت هالكلمتين ركضت المطبخ وشلت الكوكيز مالها وركضت صوبهم : حبيبي عمييه ماتبا تاكل وياي ؟ عمر : طآآآآآآآآآآآآآع هاي , هاتي حبيبي بناكل بس ماشي جمعيه ترى ولآ العاب " وشل حبه " مزنه ضربته على ايده بقوه وطيحت الكوكيز اللي بايده : ياجذابيين " وشلت البوكس مالها وشردت فوق " عمير : هههههههههههههههههههههههههههههههههههههه والله انت اليوم جبهتك مقصوفه من هالخششه ! عمر : جببببب انا اوريها فيك , آن مآخرعتها فليل آم ذياب طلعت من المطبخ : بتخررررررررررررع منووو لآيكون بنت آخوك " قالت بتهديد " لو خررعتها بينسحب عنك البلستيشن والتلفون ؟ عمر : آووووووووهوووووووووو علينآآآآآآآآآآآآآآآآآآآآآآآآ " على صوته " آحمممممممممممد , آحمممممممممممد احمد يا يركض : ها ها ثو فيك ؟ عمر : ماما تحب مزنه اكثر عنك احمد من سمع هالكلمتين طاح على الارض وقعد يصآرخ ويصيييييييييح .. ذياب نزل على هالحشره : هآ هآ شو صااااااااااااااااااااااير , آحححمد قووووووووووم عن الارض احمد يصيييح : مآآآآآآآبآآآآآآآآآآآآو عمر وعمير : هههههههههههههههههههههههههههههههههههههههههههه ام ذيآب : وآبويه على الولد , شو مآبآو , قول مابا مب ماباو احمد يعاند ويصارخ وهو يصيح : مآآآآآآآآآآآآآآآبآآآآآآآآآآآآآآآآآآآآآآآآآآآآآآآآآ آآآآآو ذياب : حبيبي اسمع الكلآم يلآ نش من على الارض احمد قلب راسه الصوب الثاني وكمل صريخ وصياح .. ذيآب مستغرب : ليش جي يعاند ويصيح شو مسوين فيه ؟ ام ذياب : هذا الحمار عمر قاله اني احب مزنه آكثر عنه ! ذيآب : هههههههههه والله ولدج غيور طلعع يبا الحب كله حقه " يكلم احمد " احمد انزين قوم اقعد لآ تحط ويهك جي بالارض .. احمد سمع كلآم ذياب وقعد , وعمير وعمر يضحكون عليه لان ويهه كله دموع ومخآخيط .. عمير : آخيه عليك يآلوصخ احمد لف عنه الصوب الثاني .. عمر : طآآآآع " صرخ عليه بصوت عآلي " آحممممممممممممد احمد من سمع حد على صوته عليه رد انسدح ويصصصارخ وهو يصيح وكلهم هلكوآ من الضضضضحك , يعرفون آنه مآيحب حد يعلي صوته عليه آو ينآديه بطريقة مب آوكيه ! عمير : آوف صدعنآ , لآ تقعد تسويله حركآت خليه في حآله احمد لف صوب عمير وتفل عليه , ورد انقلب الجهه الثآنية . . عمر : ششتتت , متعلم يتفل هذا , آححححمد آحمد لف صوب عمر وتفل عليه , وبعد لف ويهه الصوب الثاني .. ذيآب : آحمد حبيبي , آنآ آحبك آكثر عن مزنه يلآ قوم بوديك الالعاب اليوم شو تبا اكثر من جي احمد قآم ويطآلع ذياب : ثدق ؟ ذيآب : هي صدق " قومه من على الارض وودآه الحمآم ومسح الدموع والمخاخيط وغسل ويهه وودآه الصآله " شيخكم وصل ام ذياب : فديت شيخنآ انا , تعآل احمد انخش مع ذياب : انا ذعلان لا تكلميني ام ذياب رآحت صوبه وشلته وتمت تبوسه : ويي فديييت الزعلآنين , قولي شو تبا وبسويلك ؟ احمد : ابا ايس كليم , وابا الوح الزمعيه والالعاب بث بدون مذنه الثاحره ذيآب : هههههههههههههه عيب بعدين عامر اذا سمعك جي تقول عن بنته بيعصب احمد لف الصوب الثاني : مآيخثني انا عمر : آمي بصرآحه هآ ولدج مكآررر عمير : ودلوع بزيآدهه بعد ام ذياب تمسح على ظهر ولدهآ : فديته , خلوه يتغلى مثل مايبا , هذا اخر العنقود , مآسمح لحد منكم يزعله , وآنت حبيبي احمد مب زين جي تسوي لمزنه , ترى انا احبك وآيد وبعدين ذياب اليوم بيوديك الالعاب , شو الحين مب زعلآن منآ ؟ آحمد : لآ آم ذيآب باسته : يلآ عيل انا بسير آسوي شآي واشياء خفيفه عشان نآكلهآ الحين " نزلت احمد ورآحت المطبخ " آحمد تريا ذياب يقعد عقب على طول رآح يقعد حذاله وقعد يسولف ويآه , آمآ عمر وعمير كملوآ لعب بالبلستيشن ! . . ف لندن – شقه سيف , سيف : لآ حول ولآ قوة الا بالله حمدآن : صدق يآخخي آنت شفييييييييك سيف : مآيخصك , ولو مب حآب تدخل بهالموضوع لآتدخل .. حمدآن : آنت تحس آن حمد يعرف عن هالموضوع ؟ سيف : لآ حمدآن : انزين صدق ياخي سيف , سكر هالموضوع شوي , حمد بآجر رآد الآمآرآت يعني خلنآ نشوف سالفه الشركة ونحل الاوراق وبعض العمولآت لآ تنسى آن عقب فترة مب وآيد طويلة بيصير آجتمآع وآن شاء الله الشخص اللي في بالنآ يشترك مع حمد بالشركة سيف : هي وآلله , بصرآحه اتمنى من قلب آنه يوآفق على الشرآكه مع حمد , لآنه حمد ريآل وآلنعم فيه حمدآن : عيل دآم هذا رآيك , خل تفكيرك في حمد وفي الشركة وطلع هذيل الناس من بالك ! سيف : بس . . . حمدآن قآطعه : لآ بس ولآ شي , لو سوينآ هالاشياء الحين , ندور الارقام , الاسامي , والشيكآت و المبآلغ وكل شي نبا نوصل له ولقينآه مستحيل ننسى هالشي بسهولة آو نتغاضى عنه لآن بنكون وصلنآ لخيط من الخيوط اللي نباها , وبجي مآبنخلي هالقضيه ولو عرف حمد عن كل اللي نسويه من ورآه بيعصب , لآن بالنهآيه هاي شركته وهو آولى منآ آنه يعرف بكل هالآمور , فآحسن ننبش في هالموضوع بعدين , بعد مآيخلص العقد مع الشخص اللي ف بالنآ ! سيف : على هوآك حمدآن : دآم آنه على هوآي , ابا ماي عطشآن فز يب لي سيف : انا عندي نظآم فالشقه يسمى بالخدمه الذاتيه , يعني تقوم تهز طولك وتيب لعمرك .. حمدآن : تفو على هالصدآقه يا حمآر " قآم وياب له ماي " اقول سواف سيف : قول حمدآن : مب نآوي تاخذ آجآزه ؟ سيف : بلآ بس دآم حمد خذاها قبلي ف بتم لين هو يرد عقب انا بروح , وآنت بتروح آلآمآرآت ؟ حمدآن : لآ سيف : غريبه ليش ؟ حمدآن يتهرب من الجوآب عشان مايبا يتذكر اي شي عن الماضي : بس مآلي خآطر وآهلي هني شو ابا اروح الامارات سيف : آحيدك تحبهآ ؟ حمدآن : آلآمآرآت فقلبي دوم , ولو سنحت لي الفرصه بروح ان شاء الله بس مب الحين سيف : بصرآحه آمرك غريب حمدآن يحآول يغير السالفه : يآخي انت شو جي شقتك مزبله ؟ سيف : شقه عزآبي شو تباها تكون مرتبه وملمعه ؟ حمدآن : هي وآلله صدقك , حتى انا لو مب الوالده الله يحفظهآ جآن الغرفه الله وكيلك العن عن شقتك .. سيف : الله يحفظهآ .. حمدآن : يلآ دآمني يت الحين عندك خل نبدآ بشغل هالاسبوع لآن احسه وآيد بصرآحه سيف : هي يلآ " وبدوآ يشتغلون بجد , عشآن لآ يخذلون حمد وعشآن يخلصون من هالامور بسرعه وينبشون بهذيك السالفه " . . بدآ آلندآء الآول لطيآرتنآ , ورحنآ وركبنآ الطيآره , والغريب انها كانت زحممممه , بعد مآتجمع الكل سكرت الطيآره آبوآبهآ وآقلعت متجهه للآمآرآت . . بعد مآمرت ساعتين , لآحظت آن الكل نآم من التعب , لفيت الا اشوف الساحره غايه تطآلع فلم وميته ضحك مع نفسها , ومهره قآمت من على كرسيها ورآحت الحمآم *عزكم_آلله* , اما انا حاولت آنآمم , واول ماغمضت عيني طرت في بالي روضة لفيت صوب كرسيها واشوف خالد يغصص فيها من ورى وهي مفتشلة , لفيت الصوب الثاني وانا ادعي ان روضة تكون من نصيب خآلد , لآنه فعلآ يستحقهآ ! خآلد يدخل ايده بين الكرسيين , وهي تضربه على ايده بآحرآج .. روضة لفت عليه وقالت بصوت خفيف : آيييه لآ تستهبل عقب بتنش بشاير خآلد غمز لها وهمس لسهيل بشي وعلى طول قآم ورآح صوب روضة .. سهيل : اقول قومي شوي روضة : نعم ؟ سهيل : قومي سسسسرعه روضة قامت وتبا تشوف شو يبا يعني ؟ سهيل قعد مكآنهآ ووعى بشاير وقعد يسولف معاها .. روضة رافعه حياتها : آحلف بس انته خآلد يود ايد روضة وسحبها ودخلهآ مكآن سهيل : الحين انا مرتآح روضة بآنحرآج : بسسسس يا ويلنآ لو حد جججآففففنآ لآ تستهببببببببببببلون سهيل : سكتي لآ تخربي جوي روضة : آوف منك يالزفت " ولفت صوب الدريشه تطآلع " آمآ صوب خآلد لما اطمن آن الكبآر نآموآ , طآح على كتف روضة وغمض عينه بتعب , من زمآن وده يحس بقربهآ .. اما هي انصدمت من حركته وآيد وحست انها شوي وبتدخل في ثيابها من الاحراج .. كآنت يايه بتخوز رآسه من على كتفهآ قبل لآ حد من آخوآنهآ يشوفهآ ويلعنهآ , بس انشلت ايدهآ من الحركه لمآ شافت خآلد يشبك اصابعه باصابعها ورص عليها .. روضة همست بعجز : الله يخليك لآ تعذبني اكثر ! خآلد مآرد عليهآ .. روضة ساند راسها على الكرسي وغمضت عينهآ بالم وتمت تفكر , لو تقبلت فكرة انها لخالد من البدآية حتى لو مآكآن عايبنهآ كآن احس بوآيد من اللي الحين قاعده تعيشه مع عبدالرحمن ,, مهره لما ردت شافتهم وعورها قلبها وعلى طول مشت جدآم شافت محمد نآيم , تساندت وبطلت اللحاف الخفيف ولحفته , ويوم يلست تعدل اللحاف على جسمه انتبه لها .. محمد بتعب : أنتي ليش مب نآيمة ؟ مهره : مآعليه بس مب يايني رقاد بقعد مع الهنوف محمد : ريحي عشان عقب مآتتعبين مهره : آن شاء الله .. محمد لف بتعب ورد نآم , قعدت تتآمله شوي عقب على طول يات عندي كنت شبه مقفله , عين مسكره وعين مفتوحه , قالت لي انام وانا ماصدقت حد يقول هالكلمه على طول نمت طبعآ , وتمت هي تسولف مع غايه .. . . ظبيه قآمت وشلت جرآح وشلت شنطته الصغيره ورآحت الحمآم *عزكم_آلله* وبدلت لولدهآ البآمبرز وبدلت ثيآبه وطلعت , وهي راده عشان تقعد مكآنهآ شافت آن الكل نآيم , كآنت وآيد تعبآنه وتبآ تنآم لكن مآقدرت , خاصه ان مآحد عندهآ يشوف جرآح فوقت نومهآ .. نآصر قرب منهآ : ممكن جرآح ظبيه كآنت مدوخه عطته بتعب وهي ناسيه كل شعور كآنت تحسه , كآنت بس تبا تنآم وترتآح .. ناصر : تبين بندول ؟ ظبيه : لآ مشكور , بنآم وبيروح عني الصدآع والالم , دير بالك عليه ناصر : آن شاء الله " ورآح " ظبيه على طول حطت راسها على الكرسي ونآمت .. . . ظآهر آنتبه فليل , وحس بآلم فضيع في ظهره قآم وطلع الهآند باق مآله وطلع منهآ الاوراق عشان يدقق الحين شو مكتوب وشو هي الادوية , جآف آنه لآزم يآخذ كذا نوع من الآدوية , من كثر مآيحس بالالم طآحت الورقة من الايده ورص على ايدهه , لطيفة كآنت تتمشى وتتطمن على القوم وشافت الورقة طآيحه استغربت , شلت الورقة وآول مآلفت وشآفت ملآمح ظآهر خآفت .. لطيفة بخوف : ظآهر ؟ ظآهر بطل عينه بآلم : هلآ لطيفة : آوعي سهيل ؟ تبا تشرب شي؟ ظآهر : لآ لطيفة شلت الاوراق وقعدت تقرآهآ , كآن يبا يسحب عنهآ لكن مآقدر , وآنصصصدمممت وآيد : سهيل يعرف عن هآلآورآق ؟ ظآهر هز رآسه بتعب ب " لآ " لطيفة : لآ حول ولآ قوة الا بالله " ردت الاوراق في الشنطه وسكرتها وردتها فوق وقالت له , وطلعت مخدآت وحطتهآ ورى ظهره " الحين ريح واذا تعبت بعد نص ساعه قوم امشي لك شوي عل وعسى الالم يروح ظآهر قآل بتعب : مشكورة لطيفة , يزآج الله الف خير لطيفة ابتسمت بحب : مآبينآ , يلآ عيل بخليك ترتآح , دير بالك على نفسك " ويوم رآحت يود آيدهآ وآسسسستححححت " ظآهر قال وهو يحس انه بيموت من زود الالم : لآتخبري سهيل لطيفة : لآ تحآتي مآرآح آقوله .. ظآهر هد آيدهآ بهدوء : مشكورة لطيفة : العفو " ورآححت , وهي تحس ان قلبهآ شوي وبيطلع من جسمهآ من كثر مآيدق بقوه " . . منآر قآعده في شقتها ملآنه , مآتعرف شو تسويي , قررت تطلع تتمشى , لبست وكشخت , وطلعت , قعدت تتمشى , وفجآه دش خآطرهآ تآكل فرآولة , مرت الجمعيه وخذت وقعدت تتمشى وتطآلع المكآن , كآنت لآبسه بنطلون ليقينز فيه ورود , وقميص فوقه تيفآني وفوقه جآكيت لونه وردي , وشيلتهآ بعد تيفآني , ومسويه منآكير وردي هآدي , كآنت تتمشى وتبتسم , تحس بغربه , تحس انها من الدآخل تحترق ومآتعرف شو تسويي , بالغلط ثنين كأنوآ يركضون وواحد منهم دز منآر وانصبت عنهآ كل الفرآولة , تضآيجت وبنفس الوقت خآفت , بدون لآ ترفع عيونهآ تمت تلقط الفرآولة من الارض لآن حرآم لو حد دآسه , شوي لمحت ايد ثانية تلقط معآهآ , رفعت عينهآ تشوف منو وشافت انه واحد وآنحرجت . . سيف : سآمحيني بالغلط منآر تنحت فيه عقب قالت : لآلآ عآدي سيف رن تلفونه ورد وهو يلقط : شو تبا يالحيوآن ؟ حمدآن : هههههههههههههههههههههههههههههههههههههههههههههه آشوفك تلققققط سيف : الملف بباخذذذه بطلعه من عينك يا كلب " بند ف ويهه , وبعد مآخلص قآم " السموحه مرة ثآنية منآر بفشلة : مب مشكلة .. سيف : ممكن اقولج شي ومآتزعلين ؟ منآر : تفضل سيف : صوتج مؤلوف انتي من متى هني ؟ منآر : انا اول مرة اي هني , شكلك مغلط , ماشاء الله شكلهم وآيدآت اللي تكلمهم سيف رفع حيآته : لو سمحتي لآ تتمآدين " قآم بعد مآخلص لقط الفرآولة , وقالها بحده " السموحه على آكلج معوضه خير ! منآر تفشلت : السموحه ماكان قصدي شي سيف رن تلفونه مرة ثآنية وسمع زعيق : هآ شو صآير ؟ آلمخزن " زعق " آحححلف لقيييت تكملة الرساله , الحين ياي " بند " عن اذنج اختي مستعيل مع السلآمة " وقبل لآ يروح منآر تذكرت " منآر ركضت ورآه : لو سسمممححححت سسيف مستعيل : آمري ! منآر توترت وتمت مبهته فيه , تفكر تقوله ولآلآ , رجفت بخوف وقالت : شو سالفه الرساله ؟ سيف عرف انه حسهآ : انا اقول صوتج مؤلوف انتي صآحبة النص الثاني من الرساله ! منآر : هي سيف : بتين وياي ؟ منآر رآفعه حيآتهآ وبخوف : آروح معآك ؟ سيف : عشان تشوفين المكآن منآر بخوف : لآ مآبروح سيف : لي يريحج " رآح بعيد عقب رد وعلى صوته " بالمنآسسسبه , آسسسمي سسسييففف منآر صرخت : وآنآ ممممممنآآآآآآآآآآآآآآر ابتسم ورآح يركض لحمدآن عشان يشوف شو بيصير ويآهم , وهل لقوآ طرف من القضيه ولآلآ ؟ . . . . . نآصر : حبيبي " وباسته على رآسه , وسرح وهو يفكر , شو ذنب جرآح من كل اللي قاعد يصير بينه وبين ظبيه وسليمآن ؟ " ظبيه قربت صوبه وتحرك ايده جدآم ويهه وهمست ف اذنه نااااصصصرر ناصر حس بآنفآسهآ ولف على طول صوبهآ وويوهم تجآبلتتت مآكآن بينهم غير شعرررهه , على طول ظبيه بعدت عنه بآنحرآج , اختلطت عليهآ مشآعرههآ , شو تسوي آو شو تقول ؟ نست كل شي بتقوله ! نآصر قآل بجمود : آمريني ؟ ظبيه : كنت يايه اخذ جرآح عشان تريح , الدرب بعدهه طويله . . . نآصر : مب مشكلة .. ظبيه : لآ مآعليه عطني اياه , بيقعد يسليني ناصر : تعآلي خذيه ماعرف كيف ارفعه ظبيه رفعت حياتها بمعنآتهآ " شو هالعيآره ؟ " ونزلت تبا تاخذ جرآح ويوم نزلت بتآخذه , بآسهآ نآصر على خددههآ وقالهآ .. ناصر بصوت خفيف : انا اسف ظبيه شلت جرآح بسرعه وقبل لآ تروح رد كلمهآ ناصر : ظبيه ظبيه لفت وهي منحححرجججه تحآول تلهي عمرههآ بجرآح وقالت بآنحرآج : آمر ؟ نآصر : ديري بآلج على نفسج وعلى جرآآح ظبيه : آن شاء الله وآنت بعد , " وعلى طول رآحت " . . 1 : آقولج آحببببببببببببببببببببه 2 : الله يخسج يمكن الريآل مرتبط 1 : لآتقولييين " تضآيجت " لآلآلآلآ مآبخليهآ له هو لي آقولج آحبببه 2 : وآنتي كيف حبيتيه ؟ 1 : شففففته بالجآمممعه , وآلله كله هييييببببه وخقققه وفوق ها جمممميل , والاهم من هذا كله يدرس طب , والله ها كله هوآمش بالنسبه لي لكن مآدري ليش حبيته ياخي انقذيني 2 : والله آحسج مب صآححححية ؟ كيف حبيييتييييه جيي !! 1 : شعععرفنننني في نفسي ؟ 2 : الله يهديج 1 : آوفففففففففف آحببببه آحححبببببه يآ عآلمممم آبآهه يحسسس فييينننننيي . . فآرسس : تعآلي تعآلي فوآغي : فلوث ثو ثويت فيني فآرس : مآخخخلصت " مطهآ وقعدهآ " صبريي فوآغي : ثو بتعطيني لو يلثت ثآكته ؟ فآرس : بعطيج حلآلآلآوووةة وبودييييج عند صديقققه فطآمي فوآغي شهقت : عند تلفا فآرس : هههه هي عند ترفففه " وقال في خآطرههآ ؛ فديتهآ " فوآغي : آوتي يلآه فآرس قعد يعدلهآ عقب طردهآ من الغرفه عشان هو يكشخ ويطلعهآ , عقب خذاها وطلع , كآن كآشخ من الخآطر , وكآن مستآنس آنه بيشوف ترفه , بس كان مستحي يقول لها انهم بيون ف سوآ طآف وقال بيمشي فوآغي , ولمآ كآنوآ بتمشون بالصدفه شآفوههآ تتمشى وكل ساعه تصور عمرهآ وتضحك عقب فجآه سمعوآ صرخه فوآغي وفآرس على طول رآحوآ صوبهآ .. فوآغي : ثو فيج ؟ ترفة شوي وبتصيييح : طآححححت سسسللسسستتتتتي , آممممي هآدتني اياها مابااا " كآنت بتنزل النافورة عشان تيبها " فآرس يودههآ : ترفة استهدي بالله , انا بيبها , تمي هني مع فوآغي ترفة بخوف : آنزين يمكن تغرق ! فآرس يته ضحكه , وين اغرق والمآي مابيوصل لنص ريلي , وقفي مع فوآغي تراها تخآف تم بروحهآ .. ترفة : آن شاء الله بقعد وياها " وتمسح دموعهآ " فآرس رآح ونزل النآفورة ويآب لهآ سوارتها وطلع وهو متوصخ بالمآي وعطآهآ اياها : مرة ثانية حآفظي على اغراضج ترفة حضنت السلسلة وعقب باستها وفتحت عينهآ بونآسه : مشكووور فآرسسس , سسسوري تعبببببتكك ويآآآآآآيي فآرس ابتسم : ولو فوآغي : تلفا يلا نلوح خلاث فآرس : يلآ فوآغي يودت ايد ترفه ومشوآ قدآم فآرس , وكل ساعه ترفه وفوآغي يتهآمسون ويضحكون , لين وصلوهآ آلسكن , عقب قبل لآ يروحون فوآغي همست لهآ في آذنهآ . . فوآغي تهمس في آذن ترفه : تلا فلوث طلعني عثانج , هو قالي انه يحبث ترفة ذآبت في ثيآبهآ وهمست فآذن فوآغي : آقولج سر فوآغي تحمست وقالت : هي هي خبليني ترفه همست لها بآحرآج وعلى طول دخلت دآخل . . فوآغي ركضت صوب فآرس وحضنه وقعدت تصآرخ : تلفااا قالت لي ثررر فآرس : شو قآلت لج ؟ فوآغي : قالت انها تحب فلوث وايد فارس حس عمرهه بيطير من الونآسه , حضن فوآغي وقعد يبوسهآ عقب نزلهآ ويود آيدههآ ومشى بيرجعها البيت لآن تآخر الوقت , لف ورآهه وشآف السكن , حس آنه قلبه معلق هنآك خلآص ! . . ظلك و أنَا !
وأشّباهنا ، كل المواقف ضَدنا، عٌمر وَ فنا ، حزنْ و عنَا ، رتب لنَا موعد فٌراق ، أشّواقنا مَ هي لِنا . | |
| ||
| |
|
02-24-2014, 12:18 AM
| رقم المشاركة : [ 3 ] | |
| عضو دائم | آلسلآم عليكم ورحمةة الله وبركآتهه * آخبآركم قرآئي ؟ آتمنى تكونون بآلف صحة وسلآمة السسسموححه من قلب على هالتآخخخيير بس وآلله آنضغطت بشغغغل الجآمعه , وفوق ها نزلت لكم البارت قبل لآ آخلص شغلي على العموم هآلله هآلله بالردود الجميلة هي صح , طوفو الاخطآء الاملآئية اعرف آنهآ وآيد لكن بعدلهآ بآقرب وقت ممكن  بخصوص البآرت الـ27 آول مآخلصه بنزله يعني مآبيكون بآجر للآسف وآتمنى مآحد يتذمر لآن وآلله العظيم لو تشوفون كيف مضغوطه  مآبتقولون وينج وتآخرتي , ونبآ بآرت *آحسسكم بالذنب شويي* هههه على العموم اتريآ رآيكم يآ حلوين بالبآرت وتصبحون على خير / لكم وديي جميعععآ <33
__DEFINE_LIKE_SHARE__
| |
| ||
| |
|
02-24-2014, 12:48 AM
| رقم المشاركة : [ 4 ] | |
| مشرفة  | انااا يييييييييييت البااارت يجنن الجنون الجنوني ياخي وبمناسبة انه انتي مضغوطه ف لا تحاتين الكل راح يترياج لين تفضين وتنزلين بارت على راحتج حبيبتي متى ما بغيتي تنزلين نزلي ومتى ما حسيتي انج مشغوله خليج مركزه ف شغلج تقبلي مروري اللي ما منه فايده خيتج : Ms.greenesh __DEFINE_LIKE_SHARE__ | |
| ||
| |
|
02-24-2014, 01:23 AM
| رقم المشاركة : [ 5 ] |
| عضو جديد | شكراً من القلب روعه حبيت التسلسل في الاحداث حماااس الصراحة متشوقه للبارت الياي ربي يوفقج كاتبتنا
__DEFINE_LIKE_SHARE__
|
|
| |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري | alna3ma | عدسة الاعضاء , كاميرا الاعضاء | 34 | 07-23-2011 03:03 PM |
| شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد | porshcia | عدسة الاعضاء , كاميرا الاعضاء | 12 | 08-10-2010 12:26 AM |
| شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ ! | * мя. άl-мansooᴚi | سيارات و دراجات | 13 | 12-11-2009 07:40 AM |
| .،|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ |/.، | « ݕڨـﭑﯦﭑ בـطٱم ™ | المسنجر وملحقاته , توبيكات , ماسنجر بلس , msn | 69 | 07-13-2009 02:18 PM |
| { ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري | alna3ma | عدسة الاعضاء , كاميرا الاعضاء | 14 | 04-17-2009 09:49 PM |
الساعة الآن 12:12 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227