| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-03-2013, 07:06 AM
| رقم المشاركة : [ 6 ] | |||||||||||||||||||||
| عضو جديد | 
واسأل الله ان يوفقني وإياكم اجمعين __DEFINE_LIKE_SHARE__ | |||||||||||||||||||||
|
| ||||||||||||||||||||||
 | ||||||||||||||||||||||
|
04-03-2013, 07:09 AM
| رقم المشاركة : [ 7 ] | |||||||||||||||||||||
| عضو جديد |
شكرا ع الرد الرائع و التوقعات الاروع دمتي بود __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
04-03-2013, 07:21 AM
| رقم المشاركة : [ 8 ] |
| عضو جديد | السلام عليكم و الرحمة الله وبركاته اقدم لكم البارت الثالث و الرابع قراءه ممتعه للجميع البارت الثالث : يدووه : ها سلامه وينه ؟! سلامي : هلا يدووه , احين نازل بعد الغدا سعيد يجوفني بنظرات يعني اصرفي يدووه باي طريقه , قاعده ءأشرله ما اعرف كيف , طالعني بنظره من بعدها قلت : يدووه انتي شكلج تعبانه سيري ارقدي فديت روحج يدووه : هب تعبانه ولا عندج خبر سلامي واا فشيلتي : يدووه ما اقصد شي بس سيري ارقد والله شكلج تعبانه وبعدين انا بسير البيت بعد اشويه بتيلسين مع منووه يدووه : ادريبج مييه بس انا اتريا هالشيبه المخرف سلامي وعلامات استغرااب !! : يدوه يديي شيييبه اهنيه , تراه امطلقنج من سنة يدي يدووه : وااايه يا سلامه شبلاااج عليه اليووم لا اذكريني بالمواجع ,, اهووو بي اليوم يبي اوراق مهمه وبيلتعن فـ ارض الله سلاامي : يدووه خلاص خلاص هب زين ادقولين يلتعن يدووه : يا ربي يا سلاامه انتي يالسته اتواجعيني بين كلمه وكلمه سلامي بقهر : يدووه الله يهدييج احين منو الي يواجع الثاني حسيت ان النار بتشتعل بين يدوه وسلاامي فتدخلت بسرعه : يدوووه امسات ياي يدي وخذ الاوراق من عند ابويه , خلاص ما بي , سيري ارقدي شكلج تعبان وانا بوصل سلامي بيتهم وبرد اذااكر وراي امتحانات يدووه : يلا عيل انا بروح ارقدلي ساعتيين تجدمت من سلامي وانا ابتسم مجامله , مدري ليش احس اني ودي اصفعها , مدي ليش معصب جذي فجأه , هل من الدانه الي فاجئتني بخطوبتها ولا من سلامه الي دشت غرفتيه وانا راقد : سلامه بسألج وجاوبيني بصراحه سلامي "جاوبته وانا ابلع ريجي" : اسأل سعيد : منو الحيوان الي خطب الدانه ؟! سلامي : م مدري سعيد " الشرار يتناطر من عيوني , حسيت ان سلامه تعرف بس ما تبي ادقولي " : سلاامه اسألج وانا متأكد انج اتعرفين الاجابه وبعدين ما يبيلها شي كلمتين بس سلامي : مب جذي السالفه بس انا هب متأكده اخاف اقولك شي ويطلع شي ثاني سعيد : ع ضمانتيه ان طلع الريال غلط , انا الي بتفشل هب انتي سلامي : ولد ربيع ابويه اضن اسمه عمار الـ *** سعيد " صرخت صرخه هزت البيت " : عماار الـ*** الجلب مااغيييره ؟؟؟؟ سلامي " انصدمت من ردت فعله " : هيه سعيد : بأي حق يخطبها , اصلن كيف تجرأ ويت الفكره في بااله سلامي " قلت هالكلام وانا حااسه انه سعيد بيجتلني , بس لازم اقول لان من ردت فعل عميه مستحيل يرفض ولو ع حساب سعادة بنته " : سعيد خلااص انسى الموضوع الدانه هب من نصيبك وعمي مستحيل يتراجع في كلامه عطى الريال " ماكملت كلامي الا ونا طايحه ع الارض " سعيد " ماحسيت بعمري الا اني اعفد ع سلامه واعطيها طراق من قوته طاحت ع الارض وما كفاني هذا , لاا ومسكته من كندورتها وقلت وانا ضاغط ع ضروسي لدرجه اني حسيت شويه وبيتكسرن " : انتي ينيتي ولا شوو ؟! تبغيني ادفنج في هالصاله احين , والله ان سمعتج ادقولين هالكلام مره ثانيه ما تلومين الا نفسج , من وين يبتي هالوقاحه وانتي تعرفين انا بيني وبين الدانه مو شي عادي فجأه دش ابويه الصاله وجافني شو امسوي بسلامه ركض صوبي وقعد يحايز بيني وبينها : سعيييد انته غبيي؟! شو مسوي ببنت عمك ؟! سعيد : ابويه انته مالك شغل خلني اتفاهم وياها ابو سعيد : سعيييد بطلها احييين ؟! انته ينيت ولا شوو ؟! كيف تسمح لنفسك اتمد يدك ع بنت عمك ," لفيت وجفت ويه سلامه احمر كأن سعيد عاطنها كف " انته ضربتها ؟! سعيد : تستاهل الذبح بعد ابو سعيد بجديه : انت كيف تتجرأ تضرب هاليتيمه , كيف تسمح لنفسك تسويبها جذي , انته ما تخاف من ربك ؟! الله موصنى ع اليتيم ما يصيير جذي سلامي " تيمعت الدموع في عيوني من سمعت كلمة يتيمه اتذكرت كلام يدتي عن اهلي الله يرحمهم , ودي لو اجوف اشكالهم في المنام , بس ابي اسمع حس امييه وابوويه ما ابي شي ثاني" سعيد " من قال ابويه كلمة يتيمه انرخت يدي , حسيت ان حيلي انهد بالكامل , ما قدرت امسك نفسي , طحت ع الارض وانا مغمض عيوني ومحطي ايدي ع قلبي حسيت بشعور غريب وكآبه اول مره اتيني , انقطعت انفاسي وحسيت بروحي قاعده تطلع : اشهد ان لا إله الا الله واشهد ان محمد رسول الله , ماحست الا وانا فاقد وعي ابو سعيد " انصدمت من سعيد , استغربت منه شياه فجأه , انقبض قلبي من سمعته واهو يستشهد , طار عقلي من جفته يطيح ع الارض , نزلت لمستواه وهزيته , خفت انه راح من هالدنيا , الي خلاني ءأكد شعوري اني سمعته يستشهد : سعيد يا ولدي , شبلاك ؟! سعيد ابويه نش الله يخليك " ما حسيت بدموعي وهن ينزلن " سعيد مالي غيرك في هالدنيا , سعيد الله يخليك نش , كل الي حولي ما يغنوني عنك , ما اقدر اعيش بدونك , انت ولد وسندي الوحيد , ما اقدر اتخيل الدنيا ابدونك , سعيد نش الله يخليك سلامه " تجمدت في مكاني , تلخبطت افكاري , تفكيري بين اهلي وسعيد الي فجأه طاح علينا , تذكرت قبل سنه , يوم كنت واقفه اسولف ويا سعيد وفجأه صار لسعيد الي قبل شويه صار جدامي " في بيت ابو خالد " اخو ابو عبدالعزيز و ابو سعيد و ابو علي " خالد : عمره 28 سنه متزوج بنت عمه ابو عبدالعزيز " دلال " و يشتغل مذيع حمد : عمره 25 سنه يشتغل في شركة ابوه نائب مدير سياف : عمره 20 , يدرس طيران , حلمه يصير ممثل يمثل اجنبي , لدرجه انه كل صيف يسافر بريطانيا ياخذ كورس لغة انجليزية , لغته الانجليزيه بيرفكت , لكن للاسف ابوه وقف ضد احلامه لسببين , اولا ان التمثيل يخالف العادات والتقاليد الي تربوا اهله عليها ومن الناحية الدينيه يؤثم , ثانيا ابوه رافض التمثيل الاجنبي بسبب ان هناك خطوط حمراء بين الريال والحرمه وهذا ما يعاكسه المجتمع الاجنبي مياسه : 18 سنه , تدرس تصميم ازياء , سنه اولى جامعه وليد : عمره 14 سنه , في المدرسه , عليه حركات مقالب في غرفة خالد و دلال : خالد متسدح ع الشبريه : دلووول قلت لا يعني لا ومستحيل اغير رايي في الموضوع دلال : خااااااااالد عااد ما يحقلك ترفض خالد : نعم نعم نعااااام شو ؟! دلال بقهر : ماااااااا يحقلك تررررررفض خالد : حبيبتي ليش ما يحقلي ارفض منو ولي امرج ؟! دلال : ابويه وامييه خالد بضحكة استهزاء : هههههههه لا يعمري انااا ولي امرج , انتي احين ع ذمتيه وانا الي يرفض و يوافق وفي كل شي لازم تاخذين شوري او بالاحرى انا اتخذ القرار عنج دلال " مقهوره لدرجه ودي اكفخه ع راسه " : على راسي والله بس بعد ما يحقلك ترفض انته تشتغل وشغلك تتعامل وياه مع حريم تقدم برامج مع حريم تتريق و تتغدا مع حريم واحيانا تتعشى مع حريم كل وقت مع حريم خالد يقاطعها : هذا والله طبيعة شغلي وانتي قبل ما تخذيني عارفه كيف شغلي ووافقتي وبعدين انا لو مب شغلي كان ما تعاملت مع حريم دلال : بما ان طبيعة شغلك جذي انا تقبلت واحترم هذا الشي وفي المقابل لازم تحترم وتتقبل رغباتي خالد " قمت من مكاني ورحتلها , قلت وانا في قمت القهر " : ماااااااا بتقبل هالشي ولو يلستي من اليوم لباجر اتزنين عليه مااا بغير راايي ومن سابع المستحيلات اغيره دلال : انزين عطني سبب مقنع , بس سبب واااحد خالد : لانج بتضطرين تتعاملين مع رياييل واكون وااضح اكثر بتيلسين بين ريااايييل شو سبب مقنع اكثر من جذي دلال : بس انااا ملييت وابا اشتغل واكثر من عرض مغري رفضته وماا ابي ارفض هذا بعد خالد : انا الحمدالله مب مقصر وياج في شي , تلبسين بنتج احسن الماركات وانتي كل يوم لابسه شي يدي وكل اسبوع تطلعين وعطلة الربيع والصيف تقضينها برع البلاد وعندج احدث التكنولوجيا تلفونات لابتوبات ايباد سامسونق , شنو تبين اكثر من جذي دلال " والله شويه وبصيح ليش خالد مو راضي يفهمني , انا مو قصدي اي شي بكلامي " : انزين والله العظيم ما شكيتلك عن هالشي ادري انته هب مقصر ولا بتقصر بس افهمني شوي انا ملييت انته تفكريني فرحانه جذي , يعني خلاص عطيتني كل شي يعني لازم ما اشتكي , انا مليت من قعدت البيت ابي اشتغل , هذا الي ابيييه خالد : طلعي عند اهلج , زوري ربيعاتج , اطلعي ويا خواتج , مياسه موجوده , امييه وخالاتي كلهم موجودين حولينج دلال " بجيت من قهري " : اوووف خاللد اوووف ليش مو راضي تفهمني , افهمني شوي , عيش الي انا اعيشه لمدة اسبوع , لا ليش اسبوع , يومين بس يومين خالد " الله يهديج يا دلال ليش انتي مب طايعه تفهمين " : اقولج من اخرها دلال : قوووووول خالد : شغل مااااااااااافي دلال : خاااااااالد خالد : عووونه دلال : الله يخليك خالد : لاااااء دلال : عطني بسب ثاني يقنعني وصدقني ماا بقول شي وبرضى بلي تبيه خالد : اغاااار , امووت غيره , انتي تكلمين سطعووون ولد عمي احمد "ابو علي" لا ليش سطعون وليييد ولييد اخويه واتخبل من الغيره , كيف اذا بتشتغلين مع الف وااحد في بيت ابو عبدالعزيز : ع المغرب الكل ميتمع في الصاله ما عدا سلامه و الدانه ابو عبدالعزيز : عيل وين هي سلامه ام عبدالعزيز : راحت عند عمتيه ولا ردت لين احين نايف بقهر : تلقاها احين اتسولف ويا سعوود مروان بخبث : وانته ليش مقهور ؟! نايف : جب انته شو يخصك مروان : ههههههه لا بس احسك شوي مقهور نايف : وع سلاامووه مروان " وانا اتصنع العصبيه " : وشو فيها سلاامي شيخة الحريم اصلن تمون انته نايف : هدي يا بو الشباب ما قلنا شي مروان : هي عبالي بعد " بغيت اجوف ردت فعل نايف وياليتني ما تكلمت " تراني ناوي اخطب سلامي وياريت يوم اتجوفها تحطي حدود بينك وبينها ما تتجاوزها , ومن اليوم ورايح لا اطول الكلام وياها واياني وياك اتلعوزها نايف " انا ماسك اعصابي واترياه يخلص كلامه , كل كلمه يقولها احسها سنه لين ما تطلع " : نعم ؟! ومن متى ان شاء الله , لا حيااتو صك الدعنه انا محطي سلامه في بالي واياني وياك اتفج حلقك وادقول انا اباها مروان " فيني الضحكه كنت بطلقها لكن كلمات العله ميود خلت الضحكه اتغص في مكانها " مايد : لا انت ولا هوو , سلامه مخطوبه من ولد خالتها وكلنا نعرف هالشي نايف و مروان نفس الافكار" كنت برد عليه لكن هيهااات هذا ميود العله اذا قلنا شي ابويه بيسكتنا هذا الدكتور مووو حي الله " عبد العزيز : ههههههههههههههههههه شبلاكم سكتوا , ولا ميود سكتكم هههه ريما : خيييبه من تكلم مايد اسكتوا مايد " قلت هالكم كلمة من ورى خشمي " : وليش يسكتون , عادي ما فيها شي يمكن خلص الكلام ريما " حسيت ان مايد وده يتناجر ويايه , صح ان اسلوبه حز في خاطري , لكن ضغطت يد عبدالعزيز الي معناها ما علي حبيبتي امسحيها في ويهه والي كانت ماسكه يدي خلتني اسكت , بدقولون كيف عرفت انه يقصد هالشي , لان كل ما اضايق من مايد او حس اني تضايقت قالي حبيبتي امسحيها في ويهي هـ المره " نايف " حسيت الجو بدا يتلطخ فكنت ابا اغير جو لكن سؤال ابويه وقفني " ابو عبدالعزيز : وين الدانه عيل ؟! مروان " على قسوة ابويه على غير العاده الا انه ما يتحمل اليلسه بلا الدانه , مهما كان ابويه يالس بين نارين , الاول حبه لبنته والثاني رفيج عمره الي مايقدر يرفضله طلب بحسب العشره الي بينهم " عبدالعزيز : في غرفتها , رحت الها العصر وكانت ناويه ترقد , اكيد احين رقدت ابو عبدالعزيز : تغدت ؟! ام عبدالعزيز " عندي كم من كلمه يمكن اتخلي ابو عبدالعزيز ايغير رايه " : لا تريقت ولا تغدت , امره اليوم ما كلت شي , وما طلعت من غرفتها كله اتصيح وما تبي تظهر مكان ابو عبد العزيز : خلها يوم بتمل بتنزل , وبعدين كلها يومين وبتتعود ع الموضوع مايد " حسيت بقهر كان ودي اوقف في ويه ابويه واصرخ الدانه ما بتاخذ الا سعيد , بس للاسف اذا قلت هالشي بتتعقد الامور اكثر وبطيح الدانه في مشكله اكبر , طبعا انا اعرف الي بين الدانه وسعيد , تكلمت وفي صوتي باين القهر " : حتى لو كان اعز ربعك ما يحقلك تغصب اختيه ع شي ما تباه ابو عبدالعزيز : كلمتي وما بتتغير مروان " كان ودي اعطي ابويه كف من الخاطر , استغفر الله العظيم , بس جد قهرني , هب ابكيفه يغصبها ع شي ما تبيه وعلى شان منو ؟! عمااار الزق " : بس انا بوقف ضد هالزواج ومش موافق ابو عبدالعزيز " قهروني عيالي كلهم واقفين ضدي , يعني هم يتحروني مستانس بلي قاعد اسويه " : هب مهم موافقتك المهم راي انااا وكلمتي هي الي بتمشي في هالبيت والي هب عايبنه يشل اغراضه ويطلع برع هالبيت وعتبت هالباب ما تقبله عبدالعزيز " كلام مايد و مروان , 100% صحيح , انا بعد ضد هالزواج " : ابويه نحن وين عايشين , اي مسلسل هذا الي قاعد اتطبقه , شلو اغراضكم ومن هالكلام , كلام مايد ومروان انا ءأيده ابو عبدالعزيز " كنت بتكلم لكن كلام نايف قاطعني " نايف : والله عااد موافقين هب موافقيين مالكم شغل مادام ولي امرها بعده عايش وموجود مالكم كلمه مايد " نشيت من هـ المكان الي يغث الواحد وطلعت برع , لان ما ودي اسمع كلام نايف , بالطقاق ما همني , الي تبيه الدانه بيصير " مروان " نشيت من مكاني وتفاجأت بمايد و عبدالعزيز سو نفس حركتي كلهم هب راضيين بهذا الشي , حسيت بسعاده مدري ليش , يمكن لان نقدر نسوي شي يغير مجرى القصه " عبدالعزيز " مسكت ايد ريما ومشينا , استانست يوم جفت مايد ومروان نشوا في نفس الثانية واللحظة الي نشينا فيها , سوينا اكبر طاف لنايف , احين اكيد مقهور , بس نحن هب مضطرين نسمع كلامه , وهب من حقنا انسكته لان كل واحد فينا له حرية التعبير بما ان ما زلنا نعيش في الديمواقراطيه " نايف " انقهرت من الحركه الي سوها , بس والله ان هالزواج بيستوي ما دام ابويه يبا هالشي " في بيت ابو عامر : جواهر بملل : اميييه متى بي عموور ؟! ام عامر : والله بي الاسبوع الياي جواهر : الله عموور بي الاسبوع الياي , واخيييرا بنظهر من البيت عمار " دخلت الصاله وانا اسمع كلام جواهر , انقهرت منها حسستني ان حابسينها طول الوقت فالبيت " : انتي اصلن لو اربع وعشرين ساعه فالمول بدقولين ما ظهرنا , محد يملي عينج غير عموور ان وداج العزبة مره وحده وبعدها ما طلعج قلتي عموور ودنا وعموور رجعنا ,, ابا اعرف شسالفة هالحب الي انبينكم , خبري انكم خواان هب حبايب جواهر : تفو تفو تفو , عن الحسد , اخوي كييفي لو يابلي جبس من الدكان كأنه معشني في مطعم عمار " كان ودي اكفخها " : اوووف متى بتعرسين وبنفتك منج , ويوم اتعرسن ما بتشوفين عمورج الا في السنه احسنه جواهر : بسم الله عن هالفال , لا تتفاول علي بالزواج , ويااشينه هالحسد , استغفر ربك لا يصير لعموور شي عمار : حشى حشى ما قلنا شي جواهر " اوووف انا دومي غبيه جذي ليش ما عندي كلام قوي افجر راس عماار من العصبية " عمار : اجوفج سكتي جواهر : خلاص خلص الكلام عمار : ههههههههههههه والله انج غبيه جواهر : عاااااااااااااااااااااااااامر جوف اخووك سكته بليييز , وقوله لا يقول غبيه عمار : طاااع الياهله , ليش ما تواجهيني وجه لوجه , ليش جذي خوافه وتحتمين بعامر جواهر : جب جب لا ترمسني عمار " ياخي هالبنت كم مره بعلمها , يعني لازم اصيحها عشان تحترمني " والله يا جواهر يقوم اصفعج كف ان ما حترمتيني مره ثانيه جواهر : شو قلت انا عمار : بس بس فكيني من ثمج جواهر : الله يعين الي بتاخذك يا النفسيه عمار " عصبت وما حسيت بعمري الا اصفعها كف , كلمة نفسيه تغيضني يوم اسمعها منها , دايما ادقولي نفسية ومريض نفسي ومن هالقبيل , لدرجه اني شكيت في نفسي وقلت براجع طبيب نفسي " : هذا عشان تتأدبين مره ثانيه جواهر " كان ودي ابجي بس رحت عند امايه ودفنتن راسي ع جتفها , ما ابي اجوف عمار , تلومت يوم قلتله نفسي , انا دوم اقوله انسان نفسي , اخاف بعدين يتعقد من الكلمه , ما عدت افهم نفسي , يمكن انا اكون انسانه مريضه نفسيا , والي يثبت هالشي اني ارمس ويا نفسي واتخيل اشياء ما صارت والمشكله اني اشتط ويا السالفه " عامر " حسيت الجو تكهرب , بثنيناتهم غلطانين " : امييه ما قالتلج بثينووه متى بتي ؟! ولهت ع حمووود ام عامر : يمكن اتي بعد العشا عامر " حسيت بكآبه , اهي بتي بعد العشا ما يمدي الوقت اقعد وياهم لان مستحيل تقعد اكثر من ساعه , الوقت متأخر وانا ولهان ع حموود من شهر ما جفته " : امييه ليش ما قلتيلها اتي امبجر , ما يمديني ايلس وياها , ولهان ع حموود , ابا اسوولف ويااهم واطفر بحموود , تدرين الوقت يطوف بسرعه ام عامر : لا تخاف , اذا يت بتقعد اسبوعين , بتلعب ويا حموود لين ما تشبع لدرجه انك بدقول شلووه عني عامر " طرت من الوناسه , واخييير بسولف ويا بثينووه وبلاعب حموود , بودييه الدكان , خخخخ انا اعتبر حموود شرات ولديه , واعبي الفراغ الي فداخله , ابووه ما يقعد وياهم واايد , ما يهتم في حمد ابدا " : ياااااا سلااااااااااااااااام واخيرا بترجع الحياه لهذا البيت عمار " خخخ مادري ليش احيانا احس عقلية عامر عقلية يهال , دووم يتحمس لجوفت بثينوه وودلها , ودي اعرف شو سر تعلق عامر بـ بثينه و حموود " : هدي هدي يا بو الشباب , الا حموود بييك هب وزيير الداخلية عامر : ياربيييه انته ليش جذي حاسدني على الفرحه , وااايه لا تحسدني واصير نفساني مثلك عمار " قمت وانا حازه في خاطري هالكلمه , صراحه تعقدت منها وااايد , ما توقعت عامر العاجل يقول جذي , صدمني حيييل , احين تأكدت اني لازم اجوف طبيب نفسي " عامر" والله مادري كيف ظهرت مني هالكلمة , والله مب قاصدنها , الله يغربل بليسج يا جوااهر من كثر ما دقولين هالكلمة علقت في لساني " نهاية البارت الثالث بداية البارت الرابع : في بيت ابو علي : ابو علي : اكبر واحد من خوانه , ريال طيب ولكن عصبي ام علي : حرمه طيبه وحنونه , احيانا اتعصب بسبب عصبية ريلها وتحط حرتها في سلطاان علي : البجر , يشتغل في الجيش , عمره 30 متزوج , عنده بنتين ساره وحصة , 5 و 3 سنوات هدى : عمرها 25 , كانت مخطوبه لعبد العزيز لكن انفصخة الخطوبه راشد : 23 , مزاجي , معظم وقته ويا نايف , يكمل ما جستير ادارة اعمال سلطان : 18 , سنه ثانيه جامعه , يدرس انجليزي , اتصال جماهيري رشا : 17 سنه ,سنه اولى تأسيسي بالجامعه , ناويه تتخصص it ساره: آخر العنقود عمرها 16 وصديقة دانه الصدوقه دش راشد الصالة وياه سلطان راشد : احين تعتذر من امييه سلطان : روووح ول زييين راشد يكفخ سلطان ع راسه : بتعتذر يعني بتعتذر سلطان : فكنا فكنا من حشرتك راشد : سلطعووون ابو علي : اييييه راااشد بلااك ع اخووك ؟! راشد : هذا ولدك قليل ادب امبجي اميييه ولا يبي يعتذر ابو علي : خلاص خله , هب لازم ادقوله شو يسوي احين هو ريال ويعرف الصح من الغلط راشد : بس ابو علي يقاطعه : لا بس ولا شياته , اعنبو محد يرتاح في هالبيت فوق ما انكم تبون الشل ويا تخصصاتكم ما تخلون حد يرتااح راشد " اوووف ذليت عارنا ترااك " : احين شياب هالطاري ؟! ابو علي : راشد احترم نفسك وارمس بأدب , ويلا اذلف ما ابي اجوفك جدامي راشد " من زين اليلسه وياك , جد جد من زينها يعني , لو الواحد ما يبا يقول هالكلام الا غصبن عنه بيرمس " : اساسا امبوني امروح سلطان : رااااشد تعااال راااشد , ابووويه انته ليش جذي , راااشد تعااال ابو علي : اشوف اطولت وامصخت سلطان " عصبت وصرخت من قهري , ابويه دووم امعصب وامييه اتعصب وياه , في حياتي ما جفته مستانس ودي اعرف شو السبب الي خلاه جذي " : انته ليش دووم امعصب , ياخي طفرتبنا , دووم ساكتين لان انته ابوونا لكن بس عااد لين متى بتم اذلنا على الشي الي اخترناه , هذي حياتنا ونحن بنكملها " ما خلصت كلامي الا ويد ابويه معلمه ع خدي , مشى وخلاني , لحقت راشد , مهما الي يصير امبينا نظل اخوان , وراشد على فوق مزاجيته الا انه حساس واايد " راشد " عصبت من ابويه , انا دووم اعصبه منه , ودي يوم من الايام يقولي يا ولدي تعال ايلس عدالي , حتى علووه تزوج وخذله بيت برووحه وبعيد عنا , ما يبي يجابل ابويه , خلانا بروحنا انجابل عصبيته , سمعت سلطان يزقرني بس ما اهتميت , قلبي يقولي اترياه وعقلي يقولي خله يولي " في مكان ثاني بعيد شويه : " فتحت عيوني بصعوبه , جفت راس ابويه ع الشبريه وماسك ايديه وفي ايدي الثانية المغذي , و وحده يالسه ع الكرسي ومغمضه عيونها , ركزت اكثر في ملامحها وعرفت انها سلامة , شكلها راقده " " حسيت بحركة وفزيت , جفت سعيد ولديه سعيد ضناي فج عيونه , شقيت حلجي من الوناسه " : سعيد يا بويه الحمدالله ع السلامه , خوفتني عليك , زين قلبي ما وقف سعيد " فديتك يا بويه يعلني ما خلا منك , انته ابويه وامييه وخواني وبعدهم كلهم , بدونك انا ما اقدر اعيش " : اسف ابويه , خليتك اتخاف عليه ابو سعيد : اذا ما خفت عليك اخاف على منو سعيد " الله يستر لا يكون عرفوا شو فيني " : هيه صح شو استوى ابو سعيد : مدري فجأه طحت علينا , احين بي الدكتور وبيقولنا شفيك " فتحت عيوني لكن سكرتهن بسرعه , استانست يوم جفت عمي كيف يعامل سعيد , هب متخيله انا احين عمي متزوج وعنده ولد كبره , بس الي يأكدلي تصرفات عمي , احسها تصرفات واحد عنده درزن عيال واحد عمره فوق الـ 45 , الله يخليهم لبعض , بس فجأه تعكر مزاجي , تذكرت قبل سنه الموقف الي صارلي ويا سعيد " قبل سنه : سعيد : هلا سلامي , شحالج و شخبارج ؟ وشخبار الدراسة , وين من زمان عنج , ابدا ما تنجافين سلامي : هههه بخير ربي يسلمك , الحمدالله امشيين , اناا موجوده الا انته وين ما تنجاف سعيد : تدرين عااد امور الدراسة والامتحانات وجذي يعني سلامي : ههههههههه لا وبعد فوق هذا تشتغل , ياخي قالك عميه شتبي الشغل ادرس وخلص دراستك وخلاف اشتغل الا انته راسك يابس وما تسمع الرمسه سعيد : خخخ طالع عليج سلامي : هيه صح سعيد , اووف نسيتن شو بقولك " غمزت لسلامي وقلتلها " : يوم تذكرين تدلينه بيتنا , تعالي وخبريني " لفيت عنها بروح , لكن ما قدرت اتوازن وطحت ع الارض " سلامي " اخترعت يوم جفته طاح ع الارض , نزلت لمستواه وهزيته " : سعيد سعييييد شبلاااك , شياك جذي فجأه , سعيد سعيييد تسمعني سعيد " نشيت وانا اضحك , اسلك ع الموضوع عشان ما تعرف ش فيني " : خخخ لا بس تخرطفت وطحت سلامي " ما صدقته بس ما حبيت اضغط عليه , قلت يمكن دار راسه من قلت الاكل , لان سعيد معروف انه ما ياكل عدل وغير جذي كل وقته دراسة وشغل مايرتاح ابدا " : ههه يعني عشان ما تتفشل سويت عمرك مغمى عليك سعيد : عليييج نوووور خخخ يلا انا بروح " لفيت عنها وانا مغمض عيوني لاني يوم الف الجهه المعاكسة يدور راسي سلامي " جفته وهو مغمض عيونه , شكله تعبان بس ما يبا يقول , اصلن الرياييل من سابع المستحيل يشتكون اذا شي يعورهم , وما يحبون يجاوبون ع حد لانهم يحسون ان كرامتهم تنجرح , عكسنا نحن الحريم , اذا ما اشتكينا فاليوم اكثر عن مره ما نرتاح " : يلا فمان الله , وانتبه لرووحك يوم جديد على ابطالنا : اوووف شو هالحشرة , محد يقدر يرقد فـ هالبيت , ازعاج في ازعاج وغير جذي اموعينا من فير الله خلود " بلاها هذي جذي سرحانه " : ودوووم بلاج سرحاانه , خلي عنج السرحان وتعالي ساعديني ودوم : فكينا انتي الثانية بعد من حشرتج , احين وقتها هذي العزيمة الي مدري من وين طاحت عليهم فجأه , بلا عزايم بلا خرابييط , وبعدين ليش دووم احنا الي نعزم , ليش هم ما يعزمونا , هذااا كلا لان سلااامووه بتي , ليش ما اتي بروحها شمعنى اهلها كلهم بيوون , ولا لانها الست سلامووه لازم انش من فير الله خلوود : ااااش اسكتي لا تسمعج اميييه , ترها ما ترضى على سلاامي , حرمة ولدها المستقبلية ودوم : وعييييج الله يعيينه اخويه كاانه بياخذ سلااموه , الا انا شي محيرني في هالموضوع , شمعنه امييه خطبت سلامة لاحمد ولا خطبتها لمحمد ؟!!! خلوود : اووهييين انتي شخصج , انتي الي بتاخذينها ولا اخوويه , ما يخصج في هالمواضيع , والدنيا نصييب ودوم : عبالج احمدووه يبييها , الا امييه غاصبتنه علييها خلود : يبييها ولا ما يبيها انتي ما يخصج ودوم : فكييينا فكينا خلاص ام محمد داشه المطبخ : يااا بناات تراكن طفرتبي اسكتن وفكنا من حشرتكن , اشتغلن عشان انخلص قبل لا ايون العرب ودوم : والله البشاكيير امكودين , اشعنه نحن الي لازم نشتغل ام محمد : ودووم اشتغلي وانتي ساكته , كيف جذي تبين البشاكيير يشرفون ع ضيافة العرب , لو نحن هب مشكله , وبعدين انتي طول عمرج ما تدخلين المطابخ ولا اتشلين شي من الارض الا وقت العزايم , وهب من كثر العزايم الي عدنا ودوم : اووهييين خلاص خلاص بنشتغل ابو محمد : بزنس مان , ريال طيب وحنون , معظم وقته برع البيت , سفراته واايد بحكم شغله ام محمد : طيووبه واايد لكن وضع ريلها اهو الي معكر مزاجها وهب عايبنها ابدا محمد : البجر , يشتغل في السياحة , عمره 26 ويفكر يخطب مياسه اخت خالد ولد عم سلامي والدانه والخ احمد : عمره 24 يشتغل في الجيش , امه خطبتله سلامي وواافق خلود : 23 اخر سنة في الجامعه تدرس هندسة زراعية ودوم : 20 , مزاجية , تدرس علوم سياسية , اموقفه الدراسة حاليا , مالها مزاج تدرس في بيت ابو عبد العزيز : الكل محتاس ويجهز عمره الا الدانه سلامي : الدانه قومي يلا احين بنسير الدانه : انتي ما يخصج , انا هب سايره سلامي : اووهين دندوون يلاا عااد ما ابي اسير بروحي اهناكي الدانة : عليينا , راايحه عند حبيب القلب , الا بتملجيين علييه بعد شهرين , حظ القبايح في السما لايح وحظ الملايح فـ الارض طايح , ما اقول الا مالت على حظي بس سلامي " حطيت في خاطري , وعصبت من كلامها , لا امبلا عصبت من صج يعني , شـ تقصد بهالكلام " : هيييي هييي انتي هييي , احترمي نفسج , في هالدنيا كل واحد ما ياخذ الا نصيبه , وانتي مالج نصيب فـ سعيد , فلا تحطين حرتج فيييه الدانه : اقووول عااد مالي خلقج ويلا انقلعي , وبعدين يا اخي بكيفي ابي اروح ولا لااا سلامي : مالت علييج , تمي بـ الغرفة , بس حطي هذا الكلام في بالج , لو قعدتي مليون سنة اهنيه , ان كان لج نصيب في عمار بتاخذينه ماشي بيتغير " ظهرت من الغرفة والنار اتشب فـ داخلها " نايف : مرواان .. مروان والصمخ , كرواااانوه مروان " كنت اسمعه بس امطنش , من سمعت كروان , عصبت , يغيضني هالاسم " : نعم خييير شتبي يالطيب نايف " اووب اووب امعصب ابو الشباب " : ولا شي مروان : يوم ماا عندك كلاام ليش تزقرني نايف " اووهين عااد , شكله يبا يضارب " : اسفيين يالطيب , الظاهر ازعجنااك مروان : هه هااا " شفت سلامي نازله على الدري , حبيييت اعصب بنيووف , ادري ان نايف يحب سلاامي وسلاامي ما تدري عن هوى دااره " هلا بالحب هلا , انورت واسفر , من جفتج طاارت العصبية , ياااربااه بيغمى عليه يوم اسمع طاريج وياااا سلااام انتي دواا مفعووله قوي بس من اول نظره سلامي " هذا مريااانووه بلاه البيت اممرره ما يسر , هو ضحكت هـ البيت , يخلي المهموم ينسى همه والمضايق يوسع صدره , ويحب يطفر بالكل وياااحبه للمغايض وخاصه ويا ناايف , بس ابا اعرف ليش من يجوفني يسوي جذي " : اهلين بالحب مروان : وياا حلات هالكلمة من لساانج سلامي : اخلص اخلص شتبي , اصلن انته ما تسمعني هالكلام الحلو , الا شي ورااك مروان " عارفتني والله " : افاا علييج بس , بذمتج بذمتج انا هب كل يوم اسمعج هالكلام الي يبرد الفوااد سلامي : ياااربي غصب الوااحد يضحك , والله مالي خلق اضحك مروان " وانا متعمد اقول هالكلمات " : دخييييل ربك يااا ناايف قولي بس قولي شسوي بهالبنت نايف " عصبت بس ما حبيت حد ينتبه " : اقول هدي هدي لا تموت عليينا " رحت وخليتهم يكملون كلامهم , لاني اذا يلست اكثر عااد اكسر مروان " مروان " يـــــس واخييرا " : ياااحلوج والله يوم اقول انتي ويهج خير علينا ما صدقتي " رحت عنها وانا طاير من الوناسه , وهي فاجه حلجها ما تدري شو السالفة " مايد " نشيت وانا معصب , مالي خلق لحد , والي قاهرني اكثر حركة غلا امس الفليل , كأن امها امجرجتنها علي , والي زادها علي اليوم عصبيت امييه يوم يت ادق علييه , جني ماكل حلاالهم , رحت صوب غرفة الدانه , من يومين ما جفتها , مانزلت تحت ولا تغدا ولا تعشت , ابدا ما تاكل شي هاليومين " الدانه : منوو ؟! مايد : انا ميوود افتحي الباب الدانه " ياربي فرحت من سمعت صووته هو الي فاهمني في هـ البيت , ما اقدر اشتكي براحتي الا ويااه " : اهليين حبيبي ميود ادخل ادخل مايد " دخلت وحبيتها ع خدها " : شلووونه الحلو اليوم ؟! الدانه " ابتسمت مجاامله , اما ابي اكسر بخاطره ولا اكشر في ويهه , اصلن من شكله مضايق " : الحمد الله , انته شحالج شخباارك مايد " يلست عداليها ع الشبريه " : خليها مستووره احسن , انتي خبريني عنج ليش ما تنزلين ولا تاكلين الدانه : والله يا ميود مالي خلق مايد : انتي شرايج بالموضوع الدانه " ويعني ما تعرف " : انته تعرف رااي في الموضوع , انا مش من الناس الي يحب ويخون , لا يمكن اني اتقبل فكره اني اخذ واحد غير سعييد مايد : ما بيستوي الا الي تبينه , وبعدين سعيد اذا خطبيج محد يقدر يرده , اذا كان هذاك ولد اعز ربع ابوج , ترا هذا ولد اعز خوانه من بعد بوو سلامه , وانا لا يمكن ارفض هالشي لان سعيد ولد عميه واخويه قبل كل شي متربين ويا بعض وولد عمج احقله من الغريب الدانه " كلام ميوود واايد ريحني , ياربي ع هالاخو , الله يحفظه لي " : مشكور ميوود ريحتني مايد : افا عليج بعد بقولج شي يريحج اكثر ترا مروان وعزووز كلهم واقفين ويانا وامييه بعد هب راضيه بالي يسويه ابويه الدانه : وناايف مايد " من ذكرت اسمه تعكر مزاجي اكثر " : هذا خليه علينا ما يقدر يسوي شي ترا لا يغرج الي يقووله , كله كلام فاضي الدانه : اهم شي انك اتم ويااي ع طول مهما كانت النتيجه مايد " افا علييج حبيبتي الكل يتغير عليج الا ميوود حبيب قلبج الدانه : هههههههههه و وااثق بعد مايد " ضربت كتفي في كتفها " : اكييد طاالع علييج عبد العزيز : ريما بتروحين ولا لا ؟! ريما : قلتلك لااااء ما ابي اروح ودني بيت اهلي عبدالعزيز " عصبت من تصرفاتها " : خمس دقايق ان ما جهزتي ايلسي فـ البيت عبد العزيز فالسيارة : والله شي يقهر ريما ركبت عيالها وركبت السياره عبد العزيز " تحركت بدون ما اقول شي وانا كاتم الغيض في قلبي , وصلتها بيت اهلها ومن نزلت على طول شخطتها ويل حتى على عمتيه ما سلمت " ريما " اوووف الله يهديك انته الثاني , يعني غصب اروح " دلال : اناا مروحه خالد " وانا رافع حياتي " : ع وين ؟! منو بيشلج ؟! دلال : مروان بيمرني خالد : ع المااشي جذي بشورج اهوو , لا استأذان ولا شياته دلال " وانا ابتسم بغيض " : يعني تدري ان من اسبوع عازمتنا خالة سلامة خالد " رديت الابتسامه لكن بقهر اكبر " : مااافي سيره دلال : اوكي حوبي احين بتصل لابويه وبقوله ما بسير " شلت التلفون ودقيت ع رقم مروان " : الوو هلا ابويه مروان " ابويه " : ااايه انتي خرفتي ولا شوو ؟! , انا مروان دلال : هيه ابويه , انا ما اقدر اخالف راي زوجي , اذا قالي لا تروحين ما اروح انا مروان : زوجي بعد , اقول المصريه خلصيني انا برع خالد " خذت التلفون عنها " : هلا عمييه مروان " لا عميه مره وحده " : اهلين خالد خالد : شحالك ؟! شخبارك ؟! مروان " يلا بشوف اخرتها , حطيت الغتره ع ثميه وغيرت صوتي , اهوو بيشك بس بسلكها " : بخير والحمدالله , اقول ابويه خالد مروان احين برع خله يشل دلال , خالة سلامي تبا اتشوفها خالد " وانا اشعنه هب عازمينيه " : الا عميه بسألك ليش صوتك متغير ؟! مروان : مزكم شويه لحظه شويه خالد " بعدت التلفون وانا اضحك لـ هالدرجة خالد مدمغ " خالد ابويه انا احين لازم اسكر خلاف برمسك خالد " سكرت التلفون وانا مقهور , تصرفات عميه متغيره , احس السالفة فيها ان , رمستها وانا رافع حياتي " : اخالف كلام ولا بعد زووجي " هزيت راسي " واضح واضح دلال " ابتسمت ابتسامة انتصار " : يلا حبيبي عن اذنك خالد " اذنج هب زاخنها , وهااا بعد قبل لاتسيرين , الساعه سبع فالبيت دلال : اوكي حياتي انته تامر خالد : لا حسني دلال " شليت اغراضي وفتحت الباب وكنت بطلع الا صوت خالد وقفني " خالد : دلووول حياتي انتي ما كأنج ناسيه بنتج دلال : لا عيوني البنت بتم عندك خالد : اقولها من الاخر ما تظهرين الا وبنتج وياج دلال " اوووف " : خاالد ما بشل البنت عزوز ما بيشل عياله خالد : انا شو يخصني فـ عزيز , شلي بنتج ويلا دلال : مااااااااااا ابي خالد : الساعه 5 فـ البيت , لا تشلين بنتج بس بشوف اخرتها دلال : الساعة 3 لو تبا بعد " هين يا خلوود هذا ان ييت الساعه 1 وركبت السياره " مروان : لا حياتي كاان حضنتي ريلج بعد قبل لا اتيين " صارخت " مسااافره انتي مسااافره دلال : مريااانوه والضمخ اسمع انا اسمع , ما تأخرت مروان : لا حشااج من ثلث ساعه اتريا دلال : انزين حصل خيير مروان : من وين بييني الخييير , الموهييم بنتج وين ؟! دلال : عند خالد مروان : لاااا حلوو الصرااحه , ولا بعد ابووويه هاااا وريلج المدمغ ليش ما عزمتيه ؟! دلال " بقهر" : خله يتأدب مروان : وشو بدقولين لبويه اذا سألج دلال : ما يبيلها مريض والبنت بتم وياه نوره : نوااال والله ان ما خليتي كتاابي يرويج احين نوال " وانا ادلع عليها " : احلمي واحين بطره نوره " ما حسيت بعمري الا وانا افر الفنيان عليها , بس الحمدالله ما يتها والا احين عمار وابويه قابريينيه " نوال " شهقت شهقه , بغيت اموت " : يغربلج ان شاء الله " طريت كتابها من الخرعه وشردت " نوره : العثــــــــــــــــــــــــره يا كواال والله ما تعيشين اليوم عمار " دخلت الصالة وصرعني صراخ نويير الجلبه , دووم اهزبها لكن الهزاب ما يفيد وياها " : العثره اتعثرج انتي قولي امييين , صرعتينا يعل صوتج البح , انتي ما تفهمين الرمسه , يعني تبيني استخدم اسلوب ثاني وياج , كم مره قلتلج كل شي ينحل بالتفاهم ما يبييله زعيج نوره " شتبي انته الثاني , تشوفني معصبه , لكن ما تحترم عصبيت الواحد " : شوووف ختك المصوون شو سوت , هذا بعد ما يحتاجله صرراخ؟! , وبعدين يا المحترم زعييج غير عن صرااخ , زعيج يعني ازعاج وصراخ يعني صرااخ عمار " كفختها ع راسها , اكره شي فلسفتها " : وفسر الماء بالماء , اقول انجلعي فووق بس نوره : بنجلع لكن حضر لجنازت اختج , بتمووت علي يديه عمار : وين تبين تقبرينها نوره : وين واقف بالضبط عماار : نويير انجلعي و ياويلج ان قلتي لختج شي نوره : ياااعمي ول زيين , ترضى علينا وما ترضى ع هـ المتخلفه " لازم لازم طالعه علييك , متخلف ومتخلفه والي بتاخدها متخلفه مثلكم " عمار : جليلة الحيا , انا ادريبج انتي ساس الدمار في هالبيت , اكييد متحرشه فيها عشان جذي طرت كتابج , تستاهلين ولو فلعتج احسن " انتبهت ع الفنيان المكسور واشرت عليه " وهذا منو كاسرنه ؟! نوره : اسأل المتعجرفة كوال ابنت ابيك عمار : والله اني شاك فيج , انتي الي كاسرتنه صح ؟1 نوره " يا عيني ع هالغباء , يعني اذا كسرته بقولك , اشرت ع راسي " : هني ماشي مخ الحمد الله والشكر عمار " اااخ يالقهر شردت ملعونه الصير والا كاان ذبحتها " سعيد " الحمدالله انقذني الدكتور الي يعالجني , بس هب في كل مره تسلم الجره , اعتقد ان حالتي بدت تسوء اكثر , كل ما الف راسي الدنيا تسود فعيوني حتى اذا كنت واقف ويلست ولا يالس ووقت الدنيا تسود " يدووه : سعيييييد والصمخ من ساااعه ارمسك انا سعيد " انتبهت ليدوه , شكلها من ساعه تزقرني وانا ولا ع بالي " : هااا يدووه شبلاج ؟! يدوه : خلاص خلاااص سعيد " هذا وقتج يا يدووه , والله مافيني حيل اراضيج " بعد العزيمة في بيت ابو محمد : محمد " اغمز لـ احمد : هاا شفت حبيبت القلب ولا لا؟! احمد " هه والله لو تدري يا محمد كان قلبت البيت فوق حدر , المشكلة اني احبها لكن .... " : لا محمد : افااا ليش ؟! احمد : محمد خلاص سكر ع الموضوع محمد " نشيت من مكاني ورحت عنده " : احمد شوف اذا ما تبي سلامي قول من الحين هب تتزوج البنت وتلعوزها ترا هذي بنت خالتنا وانا ما ارضى عليها حتى لو كنت اخوويه احمد " كل يوم نفس الكلام ,لازم من اتينا سلامة ولا نحن اروحلهم محمد يسمعني هالكلام " : محمد هذا هب شغلك انا الي باخذ البنت هب انته محمد " نشيت وانا مقهور تصرفات احمد تقهرني , احس فالموضوع ان , الموهم انا قلته وبشوف اخرتها يا احمد " صباح جديد ع ابطال الرواية , واليوم الريوق في بيت ابو عبد العزيز : ابو عبد العزيز : بااجر العرب بيونا وبيخطبون رسمي , قولوا هـ الكلام لـ الدانه نهاية البارت الرابع السموحة على التأخير توقعاتكم ربي لا هانكم والسموحه على أي اخطاء املائية
__DEFINE_LIKE_SHARE__
اتقبل النقد بكل سرور ولا تترددون اذا عندكم تعليق رأيكم على راسي دمتم بود |
|
| |
| |
|
04-03-2013, 11:52 PM
| رقم المشاركة : [ 9 ] |
| عضو جديد  | مشكوورة الشيخةة على البارت الحلوو
__DEFINE_LIKE_SHARE__
|
|
| |
| |
|
04-06-2013, 12:47 AM
| رقم المشاركة : [ 10 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 07:55 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227