تركني حبيبي وزوجوني اياك غصب - الصفحة 18

يا ما بكيت على الاطلال · 02-19-2014, 06:58 PM

المشاركة الأصلية كتبت بواسطة كلي فخر الامارات

السلام عليج كاتبتنا
اشحالج
تسلمين علي بارت الطرر و الجنان و الحماسي
توقعاتي

ميود ومروان بيقدرون يرجعون اجواء البيت مثل ما كانت ؟! هيه ان شاء الله بيقدرون و خاصة ان شاء الله بيعدلون حال سلامة و الدانه

شو سبب تغير سعيد المفاجأ؟! على شو ناوي يا ترى وشو هو التغيير الثاني؟! اممم يمكن من التلفون و سبب عمار الي عكر مزاجه و اممم يمكن بيرد الحال بس مب شرات قبل يعني يمكن معاملته تجاه الدانه بتستوي برادنه و يمكن ايكون ايحب ديالا

ديالا على شو مقرره!! يا اما تودر الامارات و ترد من وين كانت او يا تسامح ابوها و كل انساها بس ما تحبهم شرات قبل

راشد بيزور ديالا ولا لا؟! يب اعتقد بيزورها لانه هيه مالها ذنب في الي صار

شو بيصير بين ديالا ونواف؟! بتسامحه بس ما بتعطيه ويه ولا اي اهتمام و نواف بيحاول قد ما يقدر انه يرضيها
و نترياج غلايه

شكرا على الرد الجميل اوي والتوقعات الاجمل __DEFINE_LIKE_SHARE__

يا ما بكيت على الاطلال · 02-22-2014, 03:13 PM

[align=right]فتّحت عيوني لما شِفتك يا عيوني
جايي تحللي بِعيوني دِنيتنا بكلّ شَي فيها
شمّيت ورودي إِنتَ وحلّيت وجودي
حُبّك توَّجلي وعودي وكِلمتنا لا ما محيها
خبّيت بصدري قلبك كان وِدّي دفّيك
شمّيت الكِذب بحبَّك إي الله يقوّيك
جايي تحمّلني ذَنبك ما أنا قَبلك ناسيك
مين إنتَ تاااريك

نواف "دشيت عليها ولقيتها نايمه"

ديالا "سمعت صوت الباب ينفج مره ثانيه, عبالي الدكتور ولا حد من الممرضات" : it’s ok I’m fine no need to anything

نواف "تكلمت بدون ما تفتح عيونها, عبالها حد من الممرضات" : احممم

ديالا " فتحت عيوني وجفته ع راسي ومبتسم ابتسامه عريضه"

نواف: سلام عليكم

ديالا "ما اعرف شو اسوي!! ما بقول اني ما شتقتله لاني صج اشتقتله.. اشتقتله!! انا شنو قاعده اقول"

نواف: انزين ع الاقل ردي السلام

ديالا: ليش يييت ؟!

نواف: افااا الحين بدال لا تقولين وعليكم السلام شحالك نواف, تقولين لييش يت!!

ديالا "تنهدت وقلت" : وعليكم السلام

نواف "عم السكوت امبينا لفتره, لكني كسرت ه الهدوء لاني مب متعود ع السكوت" :شو تحسين احين

ديالا "ابتسمت بسخريه" : احساس حلو تصدق

نواف: الحمدلله ع السلامه

ديالا: زين يوم فكرت تقولها

نواف: انا آسف ع الي صار قبل

ديالا: ماله داعي تعتذر, الشي الي صار مجرد ماضي بالنسبه لي

نواف: اوك

ديالا "اوك!! هذا الي قدرت تقوله يا نواف"

نواف: كلتي!!

ديالا: اعتقد ما يخصك اذا كلت ولا لا

نواف "احاول اضبط اعصابي" : حبيت اسالج بس

ديالا: اوك

نواف "اوك!! شو الي اوك بالضبط؟!" : على فكره الكل مشتاقلج ويبي يجوفج

ديالا "مشتاقيلي !! اساسا اذا كانوا مشتاقيلي بيصرون انهم يجوفوني" : من ذوقهم

نواف "حسيتها تستهزء بكل شي اقوله, انا من النوع الي يعصب بسرعه, ما اقدر اضبط اعصابي اكثر من جذي" : انزين شو احساسج من بعد الحادث

ديالا "تميت اصارخ" : احساسي وااااااااايد حلووو من بعد الحادث , تصدق تجربه كانت وايد حلوه ما بنساها في حياتي كلها

نواف " ما ادري كيف قلت جذي, انا كان قصدي اقول بشو تحسين, شي يعورج, والله ما اقصد" : ما كان قصدي كنت ابا اسألج اذا شي يعورج

ديالا: هيه اتألم كل شي يعورني, ممكن الحين تروح وتخليني لان وجودك اكثر شي يعور

نواف: انزين لا تصارخيييين , احين بروح ولا بتجوفين رقعت ويهي

ديالا " لف بيروح, ليش يا نواف, نواف ارجع بلييز" " حاولت امسك ايده لكني حسيت بالم فضييييع حطيت ايدي ع صدري, حطه ايده ع مقبض الباب بيروح, تحركت بلحقه, لكن "

نواف "شي طاح ع الارض, لفيت لقيتها متمدده ع الارض, ركضت صوبها بسرعه"

ديالا " طحت ع الارض, ماقدرت اتوازن, انا لا يكون ما اقدر امشي, هيه صح انا مسويه حادث, يعني انا ما اقدر امشي, نزلن دموعي" : نواف

نواف "كانت ماسكه ايدييي وتبجي, حطيت عيني في عينها, ذبحتني من قالت نواف, حسيت بالم من تذكرت كلام الدكتور: ديالا يمكن ما تقدر تمشي"

: هلا والله هلا بالغالي ولد الغالي, هلا الي بييته نور البيت

"بابتسامه كبيره" : فديييتج والله, اصلن البيت منور بوجودك

: فديييت روحك انا, يلس بويه سعيد استريح فديتك

سعيد: اوووه يدوووه لا تعوديني ع ه الدلع خلاف ما بتلحقيلي براس

يدوه: واذا ما دلعتك ادلع منو

سعيد: هههههههههههه يدوووه الحين جوفي ابويه غااار مني دوه يذبحني

في بيت ابو علي:

علي: هااا هدى شو قلتي

هدى: والله يا علي محتاره

علي: ترى الريال ما ينعاب

هدى: ادري والله بس ما اعرف

علي: الريال من زمان يتريا, قرري بسرعه

هدى: انزين عطني يومين زياده, بستخير وبردلك خبر

علي: يومين بس ولا تراني بقول لريال لا

اماااا في الصاله

راشد: اميييه ما رحتي تزورين بنت ريل خالوه

ام علي: والله يابويه مادري

راشد: شو الي ما تدريبه!!

ام علي: يعني ما ادري خالتك متى بتروح

راشد: امييييه عاااد هب لازم كل شي تسوينه يكون نفس خالوه

ام علي: خلاص فكني من حشرتك, شل خواتك وزوروها

راشد: وانتي؟!

ام علي: انا بعدين بروحلها ويا خالتك

فوق في غرفة البنات:

رشا: اقول ساروه

ساره: خيير شتبين!!

رشا: اوووف وانتي من حد يرمسج تنطريبه

ساره: خلصيني وقولي الي عندج

رشا: حشى ما تتقاربين, بس بغيت اسألج ه الايام ماعندج اشغال!!

ساره: شتقصدين؟!

رشا: لا بس يعني كنتي دووم مشغوله بطيور الحب

ساره: اهااااااااااااا قصدج الدانه وسعيد

رشا: هيه اقصد منو بعد

ساره: الحمد لله والشكر , هذا الي انتي فالحه فيه, تراقبيني شو اسوي ومع منو اتكلم

سلطان: عن شو تهذربن من الصبح ؟!

ساره: اقول انته شل قشك وطلع برع الغرفه يالقذر

سلطان "خلني اطلع بكرامتي احسن قبل لا تاكلني ه العله ساروه": قذر محد غيرج يالسباله

ساره: ايييه ع وين يالحبيب, لقط كشرتك قبل لا تروح

سلطان "دقلي ميود" : هلا ميود, الحين الحين ياينك

ساره: طاااااع الحمار خلا كشرته وراح, اصلن نحن ليش حطينا تلفزيون بغرفتنا ليييييييييييش

ابو عامر: انته لين متى بتم على هذي الحاااااال

عمار: اي حال

ابو عامر: لا تخليني افقد اعصابي

عمار: انزين انا شو سويت

ابو عامر: قول شو ما سويت

ام عامر: شبلااكم اصواتكم طالعه برع

ابو عامر: اسألي ولدج شو مسوي, انا خلاااص تعبت منه ومن مشاكله

عمار: انزيييييييييييين انا شو سويت

ابو عامر: لا تعلي صووتك يا قليل الادب , اصلن الغلط هب منك الغلط مني انا الي عاطنك ويه

ام عامر: انته شو مسوي بعد

عمار: شدراني اسألي ريلج

ابو عامر: انته ادب ما فيك, كل يوم والثاني طالعلي من المخافر, استح ع ويهك شطولك شعرضك, فضحتنا عند الريايل

عمار: والله يوم الناس قليلين ادب انا شو ذنبي

ابو عامر: والله محد قليل ادب غيرك

عمار: اووووه روح ول زين

عامر "كنت توني راجع البيت وسمعت الحوار الي داير بينهم" : ايييييييييييييه انته اقصر حسك واحترم ابويه

عمار: انته جااااااب ما يخصك, لا تتدخل احسلك

عامر: يخصني ونص, اجوفك تعلي صوتك ع بويه واسكت, لااا يا حبيبي

عمار: اقول اسكت لا ادفنك احين

عامر "تجدمت منه ومسكته من كندورته" : لا تخليني اعصب

عمار: هه واذا عصبت شو بتسوي يعني

عامر: لا تختبر صبري انته بعدك ما تعرفني عدل

عمار: هههههههههههههههههههههه حسستني يعني

عامر "استفزني وضربته"

عمار "هذا الخايس يضربني, انجنيت وماحسيت بعمريه الا اسدحه واعطيه بكسات"

عمر "كنت توني نازل من الدري, متكشخ بطلع مع الربع, جفت عمار يضرب عامر وابويه يحايز امبينهم, الخايس عمار ضرب ابويه, عصبت ورحت بخلص عامر من بين ايدين ه الجلب عمار" : انته يا حيوان كيف تمد ايدك ع ابويه

عمار: خووووووزوووا عني يا جلاب

ابو عامر: انته تمد ايدك عليه

عامر: انته ما تستحي ع ويهك, كيف تمد ايدك ع بويه

عمار: جااااااااااااااااااااااب خوزوا عني

عامر "كتفته" : عمر سرعه يب الحبل

عمار: خوووزواااااا عني قلتلكم

ابو عامر: هذي اخر تربيتي فيييك يا الخايس

في بيت ابو خالد:

سياف: اقول حمووود انا خلاص قررت

حمد: شنو قررت يا حظي؟!

سياف: بسافر باجر

حمد: يعني خلاص

سياف: انا لازم اجوف مستقبلي

حمد "حظنته" : الله يوفقك وين ما رحت وان شاء الله بوقف وياك في كل قراراتك

سياف: فدييييتك ياخويه والله ما تقصر

وليد " دشيت عليهم الغرفه " : يالمنحرفيييين

سياف: لا حووول انته بعد

وليد "حركت حياتي غياضا له" : ابوووووووووووووووووويااااااااااااااااااااااه

حمد " سرعه توجهت صوبه, لانه وليدوه اخويه واعرفه عدل, لازم يألف حكايه جديده" : اقووول سياف شرايك تشل هذا وياك وتصير مدير اعماله مره وحده, صدقني بتيب فلوس من وراه, خله يطلع كل مهاراته فالتمثيل

سياف: ههههههههههه هذا لا له خوك يباله رش بالعصى لين ما يتأدب، مافي حل غير جذي

حمد: هزرك!!

سياف "وانا احرك حياتي غياضا لوليدوه" : هيه هيه

في غرفة خالد:

خالد: والله!!

دلال "بعد الي صار ويا سعيد ردت المياه لمجاريها بيني وبين خالد, تأثرت وايد من بعد الحادث وخفت اني اخسر خالد, اكتشفت اني احبه وما اقدر ابتعد عنه حتى لو حاولت مردي ارجعله" : هيه

خالد: من متى ؟!

دلال: من شهرين

خالد: يعني عمر الولد شهرين !!

دلال: هيه

خالد " طرت من الوناسه وحظنت دلال ودورتبها بالغرفه"

دلال: خلااااااااص خااالد

خالد: تصدقيييين عاااد اني احبج

دلال: وانا بعد احبك

خالد "سرت صوب جوييد ويلست العوزها" : حليييلج بيطييح سوقج من اييي خوج

دلال "ضربته ع كتفه" : خااالد خلاص عاد خل البنت في حالها

ام خالد: خلاص ردينا عليهم بلا

مياسه: فكه ريحتيني من ه السالفه

ام خالد: كييفج خلج تصطفلين ويا راسج هذا, وتري عاااد لين ما يطق بابج معرس ثاني

مياسه: اوووف خلاص عااد هذي حياتي وكيفي فيها

ام خالد: ييي يالهبله والله ما تحصلين احسن من محمد, ريال يحبج وشاريج, تبيعينه بخساره ليش

مياسه: خلااااااااص امييه فكيني من الحشره

ام خالد: يالثوله هالزمن ما تحصلين ريايل مثل محمد, كلهم يبون الشل, اعنبو دارج يوم ياج ريال نعرفه ونعرف اخلاقه ترفضينه, على شو انتي متكبره , تراج هب احسن عنه, الكبر هب زين يا بنت

مياسه: اميييييييييييييه خلاااااااص ما ابييه مب بالغصب

ام خالد: مب منج من الي عاطنج ويه

عند بثينه:

جاسم: طلااااااااق مافي

بثينه: قلتلك خلاااص انا ابي اطلق

جاسم: وانا قلتلج ما بطلقج

بثينه: عطني سبب ليش ماتبي اطلقنيييي

جاسم: ما في سبب كيفي جذي ما ابي اطلقج

بثينه: شو تبي عشان اطلقني!!

جاسم: مابي اطلقج افهمييييييي

بثينه: اوك لا اطلقني, بس مافي زواج

جاسم: هههههههه ترا اذا ابيي ايب الثانيه, بدخلها احين غصبن عن راسج

بثينه "رديتله الضحكه عشان استفزه" : ههههههههههههههههههههه ترا اذا دخلت الثانيه من ه الباب انا بطلع من الباب الثاني

جاسم: لا تستفزيني

بثينه: تبي تتزوج حبيبتك, تزوجها عادي ما يهمني, واذا ما طلقتني بخلعك باي طريقه, ولا ليش اتعب عمريه, ابويه بيحلها

جاسم: لا دخلين حد في مشاكلنا, وترا اذا تزوجت الثانيه مب عيب ولا حرام, كيفي الشرع حلل اربع

بثينه: انزين حد قال حرام ولا عيب!! توزج الثانية والثالثة والرابعة والخامسة بعد اذا تبي مالي شغل, مثل ما حللك الشرع بعد حللي اني اطلق

جاسم "عصبت منها ومسك ايدها" : لسانج هذا اقصريه, ما ابيه يطلع وانا موجود

بثينه: اااااااايييي بطل ايدي يا حقييير يامنحط

جاسم "عطيييتها طراااق" : تبين الطلاق, اوكي انتي طااالق طاااااااااالق طااااااااااااااالق و ولدج ما بتجوفينه من اليوم

راشد "محد طاع يروح وياي من البنات, اونه بيروحن يوم تروح اميييه, رحت عندها فالمستشفى , كان الباب مفتوح شويه, كنت بدخل بس جفتها في احضان نواف"

نواف "كنت حاظننها واهديها, احس بضعف جدام دموعها, انا نقطة ضعفي دموع الي احبهم" : صدقيني ما فييج شي, وان شاء الله بتقدرين تمشين, انتي بعدج ما صحيتي, من تصحين ان شاء الله كل شي بيكون بخير

ديالا: انته جذي جايف!!

نواف "مسحت دموعها وابتسمت" : ان شاء الله

ديالا : انزين ساعدني عشان ارد ع الشبريه

نواف "شليتها مره وحده لان عندها كسور وااايد ولازم اشلها كأنها قطعه وحده, حطيتها ع الشبريه, وغطيتها باللحاف" : انتي احين ارقدي وبعدين انا بمر عليج وبيب الاهل كلهم

في بيت ابو عبدالله:

الدانه: هزرج ادقله؟!

سلامه: مادري, يمكن يكون راقد

الدانه: اوووووووف بس ما برتاح اذا ما دقيتله, قوليلي شو اسوي

سلامه: والله كييفج , انا لو كنت مكانج بعد ما بعرف شو اسوي

الدانه: اووف منج اوووف يااا, محد ياخذ منج لا حق ولا باطل

سلامه: اوووه روحي لاه, انا بروحي الي فيني مكفيني هب ناقصتنج انتي بعد "وروحت عنها"

الدانه: شفيها هذي بعد

نايف: اوووووه اوووه سلامي عندنا

سلامه: ههههههه شو ه السخافه بعد يعني عايشه في نفس البيت وين تباني اسير

نايف: فديييت ه الضحكه لو انها يت مع طنازه

سلامه "نزلت تحت وانا مستحيه, ما ادري ليش استحيت, يمكن لاني مب متعوده ع نايف الي الكل يخاف منه, يقول جذي" : استحححح يا ولد

نايف: هههههههههه هبله

سلامه: سمعتك يا حمااار

نايف: لا تقولين حمااار

: حماااااااار ونص

نايف: جب انته

مروان: يوم اقول حمار

نايف "عضيت ع شفايفي" : ينعن ه الشكل

مروان: احلف بس ترا لا تحاول ينعن هي نفسها يلعن, ما غيرت شي

نايف: والله عاد كل واحد ونيته

مروان "وانا نازل ع الدري" : هذا انتوا, كل ما قلتوا شي قلتوا والله النيه

نايف "وانا واقف عند الدري فوق واعلي صوتي" : اقول يالحبيب لا تفتي على كيفك

مروان: مب كيفك

نايف: شو الي مب كيفك

مروان: مب كييفك مب كييفك "تذكرت الفيديو الي جفته كيف يبركنون الشباب والبنات, ويت على بالي وحبيت استهبل"

نايف: اهبل ه الولد

راشد "غمضت عيوني بقهر, انا كيف حبيتها, كيف سمحت لمشاعري تلعب فيني, قطع تفكيري رنت تلفوني, طلعت من المستشفى وانا معصب, وفشيت خلقي في المتصل" : اناااااااااااااااا قلتلج خلاااااص لا ادقين ع هذا الرقم مره ثانيه, كل شي بيني وبينج انتهى, انا مابي حرمة تنق فوق راسي ليل ونهار, تسألني عن الحوا وعروقها, تتصلي اربعة وعشرين ساعه, ترمس عشرين غيري, خلاااااص يابنت الناس افهمي لا عاد ادقين عليه

: مب كيفك تنهي كل شي وقت ماتبي

راشد: لا تنرفزيني يا بنت الناس عن لا ارتكب فيج جريمة

: اوك يا راشد , انا يا انته والايام امبينا مردلك اتردلي

راشد: اوووووووووه اقلبي ويهج لاااه "وبندت المكالمه, بعدني مقهور من الموقف الي جفته, غرت يا راشد !! هيه غرت, انا كيف حبيتها ما ادري مع ان ماصارلي وايد مواقف وياها, بس خلاص قلبي حبها, ودي اذبحه ه النواف, صح انه ولد خالتي لكن علاقتي وياه هب لذاك الزود, اجوفها في حضن غيري وخاصة نوافوه انجن, شو قلت يا راشد !! تنجن !! اوووف انا شو قاعد اخربط , انا اصلن ما احبها هذا مجرد اعجاب بشكلها, ايام وبروح "

نهاية البارت
رايكم وتوقعاتكم لكل من الشخصيات :
سعيد:
سلامه:
نايف:
الدانه:
مروان:
نواف:
راشد:
ديالا:
سلطان:
بثينه:
هدى:
مياسه:
ام خالد:
وليد:
سياف:
حمد:
جاسم:
عامر:
عمار:
عمر:
ساره:
رشا:[/align] __DEFINE_LIKE_SHARE__

Amooon_Alnahdi · 02-22-2014, 04:19 PM

البارت شي خياآال ..
احس الدانه وسعيد: بردت مشاعرهم ماعرف كيف بس تغيروا عن بعض ..

ديالا: للحين ما اكتشفت اذا هي تحب نواف ولا اعجاب ولا شو بالضبط ..

نايف و سلامه: ان شاء الله يكونون من نصيب بعض ..

عمار: الحقير كرهته بشكل كبير في هالبارت ..

دلال وخالد: اخيراً تراضوا والله لا يغير عليهم ..

راشد: ما اتوقع انه اعجاب او يمكن انه اعجاب لكن اتوقع مع الايام بيستوي حب ..

وليد: شخصية اكثر من رائعه , اتحمس يوم تييبين عنه , نكته قسم بالله ..

وووبس والله هذا اللي عندي بالنسبه للشخصيات وشسمه فأنتظار البارت القادم بحماآس .
البارت بيكون كل سبت ولا شو ؟؟
__DEFINE_LIKE_SHARE__

Melano · 02-22-2014, 06:41 PM

البارت حلو وايد وفيه احداث حلوه
راي في الشخصيات :
سعيد: حبيت شخصيته، اتوقع انه بينهي كل شي بينه وبين الدانه
الدانه: مره احبها ومره اكرها
سلامه: عسوله
نايف: اممممم احيانا احبه واحيانا اكره، اتوقع انه يحب سلامه
مروان ومايد وسلطان ووليد: هم نكهت الروايه
نواف: يقهرني احيانا واتوقع انه يحب ديالا
ديالا : اتوقع انها بتحب نواف
راشد: اعتقد انه يحب ديالا
عمار :اكثر شخصيه اكرها
هدى : احسها ما بتوافق
مياسه :خاااايسه ه البنت ليش ترفض محمد
جاسم: انسان حقيير
بثينه: عجبتني جراتها في طلب الطلاق

امممم هذا الي عندي وفي انتضار البارت القادم __DEFINE_LIKE_SHARE__

يا ما بكيت على الاطلال · 02-22-2014, 10:16 PM

المشاركة الأصلية كتبت بواسطة amooon_alnahdi

البارت شي خياآال ..
احس الدانه وسعيد: بردت مشاعرهم ماعرف كيف بس تغيروا عن بعض ..

ديالا: للحين ما اكتشفت اذا هي تحب نواف ولا اعجاب ولا شو بالضبط ..

نايف و سلامه: ان شاء الله يكونون من نصيب بعض ..

عمار: الحقير كرهته بشكل كبير في هالبارت ..

دلال وخالد: اخيراً تراضوا والله لا يغير عليهم ..

راشد: ما اتوقع انه اعجاب او يمكن انه اعجاب لكن اتوقع مع الايام بيستوي حب ..

وليد: شخصية اكثر من رائعه , اتحمس يوم تييبين عنه , نكته قسم بالله ..

وووبس والله هذا اللي عندي بالنسبه للشخصيات وشسمه فأنتظار البارت القادم بحماآس .
البارت بيكون كل سبت ولا شو ؟؟

مشكورة الغلا ع الرد الجميل الي يفتح النفس و على الراي الرائع في الشخصيات.. البارت بيكون كل سبت واربعاء ان شاء الله __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحل الغالي عني و تركني وحيدة	ضحية زمانـــــي	شعر و خواطر	6	03-20-2012 12:57 AM
ذا اللغز في الحيرة تركتي تركني ’’’	محروم.كوم	منتدى أخبار المواقع والمنتديات العربية والأجنبية	0	02-04-2012 12:10 AM
^_) يا مسافر عني عمان )_^___ تركني وحيد___	أمير الحزن	شعر و خواطر	3	08-07-2009 11:35 AM
إلى من تركني وحيدة	محروم.كوم	منتدى أخبار المواقع والمنتديات العربية والأجنبية	1	06-01-2009 02:44 AM
تركني بعــز احزانــي ... ~	AlNseem	تصاميم الاعضاء	34	04-06-2009 05:17 AM