أنا || سميتك الدنيا وأنتّ وش تسميني ؟ - الصفحة 13

أشواق تائهة · 10-16-2012, 08:09 AM

المشاركة الأصلية كتبت بواسطة MËMØ2639

صوبنا صصوبنا.،
ابا بارت..

ممم تبيـن بارت 10 صفحات بحطـه بس أنا أبا اكتب زياده
السموحه كان عندي إمتحان وما كتبت __DEFINE_LIKE_SHARE__

MËMØ2639 · 10-16-2012, 03:55 PM

لا عادي فديتج..كتبي ع راحتج

وانا فانتظارج.. __DEFINE_LIKE_SHARE__

أشواق تائهة · 10-17-2012, 08:31 AM

البارت السادس عشر
فجر:"تهزه وهيه تصيح" وليد قوووم يلا قوووم قوووووم
وليد:"يتكلم وهو بعده مغمض" شو فيج
فجر: قووم نش والله بمووت بمووت"تمت تصيح"
وليد:"قام" بسم الله شوفيج
فجر: خلاص تعبت والله تعبت أستحملت لين ما قلت بس صبرت وصرت زينه وياها تقولي هيه انت تتمسكنين لين تتمكنين ويوم أرد عليها قالت لي قليله أدب أهلج ما عرفو يربونج وليد تعبت جووف لك حل
"بهاللحظه تبطل الباب وحدرت أم وليد"
فجر: "منصدمه هذي كيف جي تحدر"
وليد: هلا اميـه شو بلاج؟!
أم وليد:"تمسك فجر " أنتي قاعده تمزرين راس ولدي علي
فجر: عمووه والله ماقلتله شي والله
أم وليد:" تسحبها لين الباب وتعقها برع وتسكر الباب بالقوه"
تمت منكمشه ع بعضها ع الارض تصيح
.
.
قام من فراشه تعبان أصلا هو ما رقد موول ما درى كيف ترياها تحدر المسن لين رمسها مادرى كيف ترياها هو كان يستحقر اللي يركض ورا بنت وهيه تركته وبعده يركض وراها !!!
دخل يتغسل ولبس كندورته وطلع برع
تفاجأ منها متكوره ع روحها وشعرها اللي واصل لفوق كتفها منتاثر ع ويهها
عرفها ع طول أنها فجر كان منصدم منها كيف جي قاعده وليش جي لابسه
كانت لابسه جلابيه بدون كتف وطويله
إحتار ماعرف يتقرب ولا لا!!!
.
.
قامت من رقادها وهيه حاسه بشي ثجيل ع بطنها ومضايقنها فتحت عيونها جافت إيد سلطان محطنها ع بطنها
إبتسمت و شلت إيده باستها وردتها تحت وراحت تتغسل وطلعت برع
.
.
قاعده ترمس إختها بالفون
مثايل: قولي قولي
غلا: بقول بس موو تضحكين
مثايل : ههههههههههه قولي
غلا: بس عاد لا تضحكين ترا ما بقولج
مثايل: ههههههههه زين صبري شوي "حاولت قد ما تقدر ما تضحك" كملي قولي ما بضحك
غلا: ماشي دخلت المحل أبا اشترري لي نعال وقلت لميرة تعالي ميرووه ما طاعت إتي معاي زين قلتلتها سيري عند ماما وبابا وأنا بدخل ع السريع داخل وبيي لكم عاد ميرة طلعت ما صدقت ع الله شوي مثايل أنتي ويااي
مثايل: هيه وياج كملي إختصري بليز خيتو يايه تقولين قصه حياتج ترا برقد
غلا: هههه زين سمعي جفت نعال حلوه عيبتني سرت قلت للعامل إييب مقاسي وطلعت بالضبط علي يوم سرت أحاسب جان أدعم بواحد
مثايل: ههههههههههههههههههههههههههههههههههههههههههه
غلا: لا تضحكين والله والله بزعل
مثايل:"تمسح عيونها من الدموع" ههه زين أااه قلبي
غلا: تخيلي طلع منووه
مثايل: منووه
غلا: طلع عمي ذياااب
مثايل: غلوووي كل هالسالفه وأخر شي عمي ذياااااااااااااااااااااااااااااااااااااااااب !!!!!
غلا: وتخيلي جفت وياه حرمه
مثايل: حرمه !!!
غلا: هيه عااد أما شو إرتبك وحسيت الرووح طلعت منه من الخوف
مثايل: منوه هاذي
غلا: مادري
مثايل: ما سألتيه
غلا: بلااااااا بس سحبني ع ينب وقالي لا تخبرين حد
مثايل: ونتي ع شو ناويه
غلا: أبد
مثايل: ههههه غلوي أدري بتستغلينه عسب يسوي لج إللي تبينه
غلا: يب يب
مثايل: هههههه زين
غلا: ماكو
"وتمويسولفو ويسولفو هههه"
.
.
مهره طلعت برع غرفتها تتمشى كانت لابسه جلابيه حرير حمراا وفيها ورود فوشي ومعاها شيله سودا ومطلعه قصتها ع طرف حسست بالملل بالصاله لدرجه فضيعه بتقعد روحها يعني مشت للدري تبا تنزل بس عقب قالت مستحيل أنزل كل هالمسافه ههه إبتسمت لما تذكرت كيف ركبت الدري أمس
سلطان كان شالنها طوول هالمسافه كان يقولها ماكوو دري وتعب وانتي حامل
إبتسمت إبتسامه مايلة ورجعت الغرفه جافت سلطان توه طالع من الحمام" ربي يعزكم"
سلطان: مهره وين كنتي
مهره: طلعت برع أمشي كنت بنزل أتريق تحت بس ما قدرت أنزل ع الدري " تتقرب منه" أبي حبيبي يشيلني
سلطان: مكاااااااااارة
مهره: سلطوون حرام"تحط إيدها ع بطنها" تخيل يصير شي للبيبي
سلطان: ما بيصير شي
مهره: سلطااااااااااااااان
سلطان: مممم بشرط
مهره: آمرني عيوني لك
سلطان: بوسة الصبح وينها
مهره:"تقرب منه وتبوسه ع خده اليمين"
سلطان:"طالعها وماد بوزه "الثاني تراه زعل
مهره: هههههه "تقربت من خده الثاني وباسته"
بهاللحظه حضنها سلطان
سلطان: مهروووه لا تخليني
مهره: ما بخليك
سلطان: أوعديني مهره
مهره: وعد يارووح مهره
سلطان: أحبج
مهره: وأنا بعد
إبتعد عنها
مهره: سلطان فيك شي
سلطان: ماشي بس ولهت عليج
مهره:عيااااااااااااار
سلطان: أحم تبيني اشلج
مهره:"تهز راسها بطريقه طفوليـه" هيه
سلطان تقرب منها وشلها بخفه هيه أصلا حيل ضعيفه حتى بالحمل ما متنت وايد بس باينه كرشتها شويـه
.
.
تقرب منها
سيف: فجر
رفعت راسها توقعته وليد بس خاب أملها وايد لما جافته سيف
سيف: فجر شوتسوين إهنيه
فجر: "ترمس وأحيان تخونها شهقاتها بين الحروف" أم..ـك طرد..تني جي
سيف: لا حول ولا قوه إلا بالله قومي بوديج بيت أهلج
فجر: ونا جي
سيف:"تركها وتوجه لغرفه وليد"
دق الباب وبطلته أمه
سيف: "تجاهل أمـه" وليد شوفيها فجر
أم وليد:"شهقت" بعد جووف وليد سايرة تشتكي لأخوك صدق مافيها أدب
سيف: وليد أنا بوديها بيت اهلها
وليد: تسوي خير
سيف: بس عطني عباتها وشيلتها
سار شل عباه من المعلاق ومعاها شيله وعطاه
سيف:"يهمس له" الله يعينها
وليد:"بنفس النبرة عشان ما تسمع أمـه" قولها تسامحني قولها مالي ذنب
سيف:"هز راسه وهو يقول" لا حول ولا قوه إلا بالله
.
.
.
سار لها عطاها الشيله والعباه وهو منزل راسه وقالها يترياها بالسيارة
.
.
مهره: سلطان وين سايرر
سلطان: بننزل باللفت
مهره: في لفت إهنيه
سلطان: هيه
مهره: عيل نزلني
سلطان: مابا
مهره: سلطان نزلني انا صايره ثجيله والله
سلطان: مابا
"يتبطل اللفت ويطلع منه بو حمدان"
بو حمدان: صباح الرومنسيه
سلطان:"نزل مهره مستحي" أبويه
بو حمدان: هههه سيرو أبويـه نزلو تريقو
سلطان: "يبوس راسه" إن شا الله ابويه
.
.
مثايل:"بخاطرها" شقد إشتقت لميثووه لا وحمود مول مب حاس فيني
تسمع صوت من وراها: منو حمود بعد اللي مب حاس فيج
مثايل:"تصد وراها تجوف خالد" خرعتني ويا ويههك
يقعد ع الغنفه اللي مجابلتنها
خالد: أجوفج خذتي علي بسرعه
مثايل: أنا جي طبيعتي أتعود ع الناس بسرعه
خالد: اها زين منو حمود اللي مب حاس فيج أبد
مثايل: محمد أخوي تعودت ع بنته ما تعودت أودرها
خالد: اها عيل قايمه من الصبح
مثايل: هيه ماياني رقااد
خالد: ايواا عيل وينهم
مثايل: توه أبوي كان اهنيه تريق وطلع فوق ويدووه ع راس الخدامه تزهب حق الغدا ويديـه بالحديقه يجوف الزرع
خالد: ايوااا زين زين
مثايل:"تقوم" تبا جاي
خالد: لاا بتريا الغدا
مثايل:"ترد تقعد" زين
يوصلها مسج
" صباح الورد .. إمنوه"
أضحكت من كل قلبها يعني حمدان من البارح لليوم وهو يفكر منو صاحب الرقم وما عرفها
طرشت له " قلبك وروحك وسميـه بنتك"
خالد: إمنوه
مثايل:"تهمس" أخوي بس لا تخبر حد
خالد:ليش
مثايل: لانه أبوي مضارب وياه
خالد: هالعايلة مب مترقعه من كل صوب ضرابه
إتيهم خلود
خلود: يوعاااانه
خالد: اهناك الاكل
مثايل: صباح الحب
خلود: صباح الورد رووحي هههه
خالد: إستغفر الله شو هذا
خلود: سوالف بنات ههههه
مثايل: هههه عيل علايه وفطامي بعدهن راقدات
خلود: هيه "تقعد ع طاوله الطعام"
صاله الأكل مفتوحه ع القعده يعني الصاله كبيرة بدون أي يدار بينهم وجي مقسمه
خالد: عيل انا بسير فوق
خلود: ما تبا ريوق
خالد: الحينه وقت غدا إميـه
خلود: 2 في 1
خالد: هههه يلا بسير شوي برتاح فوق
.
.
ركب السيارة يترياها وشوي جافها يايه صوبه
لما جافها قربت من السيارة مد عمره عشان يبطل لها الباب اللي جدام
ركبت منه
فجر: سلام عليكم
سيف: عليكم السلام
فجر: إزعجتك وياي
سيف: لا متعود
فجر: علي
سيف: لا ع امي
فجر: "تنهدت بقوه"
سيف: هدي بالج وليد يقولج سامحيه
فجر: عيزت أقوله خل نطلع خل نطلع وهو أبد يقولي أميـه ماقدر أخليها
سيف: البنات اهنيه
فجر: لا خليتهم ببيت اهلي هه أونه باخذ راحتي مع ريلي تخيل خليت أختي تعدل فيني وأخر شي انطرد بهالطريقه
سيف: "يحرك" الله يهدي بالج شو رايج نروح مكان
فجر: وين
سيف: البحر
فجر: مممم ودني بيت أهلي سيف
سيف: ولو إني كنت اباج تقعدين ويا روحج شوي بس يلا سرينا
فجر: سرينا
.
.
.
ياا هم سلطان ومهره
مثايل: يا صباح الخير يا صباح الحب أنا اقول شو فيني اليوم أثاريني مب مصبحه ع ويهك يالغالي
سلطان:"يقرص خدها" أم المكر أنتي
مهره: سلام عليكم
مثايل: عليكم السلام حبيبتي شحالج
مهره: الحمدلله
خلود: تعالو لحقو ريووق
مثايل: الريوق يكون الساعه 6 بالكثير 7 ونص مب الحينه
مهره: هههه هيه صح أنا قبل كنت جي من الصبح أقوم مب الحينه
خلود: هيه الحمال وايد يغير بنفسيه المره
مهره:"تقعد ع السفره" سلطان تعالتريق
سلطان: ياي من عيوني
.
.
.
تحدر فجر وشكلها تعبانة
تقوم لها خلود
خلود: فجوور شفيج
فجر:"تبتسم لها إبتسامه باهته " ماشي حبيبتي بس شوي تعبانة
خلود: سيري تحت بالغرفه إرتاحي
فجر: وينها فطووم بناتي وين
خلود: بعدها راقده لا تحاتين البنات عند أمج ولو أي شي صار انا بكون وياها بساعدها
فجر: زين بروح بتمدد شوي
خلود: أوكي روحي غرفتي
فجر:"ابتسمت لها لان فهمت اننها تبا تقعد روحها"اوكي
.
.
.
عقب الغدا
مهره: سلطان بتروح دبي
سلطان: هيه باجر عندي إمتحان مهرووه
مهره: "تتخصر له" سلطان ليش ما ذاكرت
سلطان:"يحط راسه ع المخده" مهره عادي
مهره: تقومه سلطان قسم بالله لو ما بطلت كتابك تذاكر بتزعل عنبوه من يومين قاعد ولا مسيت كتاب
سلطان: "يغمز لها" تعالي اننام
مهره: سلطاااااااااااان
سلطان: عيونه
مهره: ترا لو ما قمت تذاكر بزعل
سلطان:"يقوم" إفف زين بذاكر بس بشرط
مهره: وبعد يتشرط
سلطان: هيه لزوووم سمعي انتي خلصتي إمتحاناتج كلها وباجي النتايج وأنا باجر أخر امتحان بسير دبي اليوم وباجر بعد الإمتحان بيي وانتي تمي اهنيه
مهره: ليش
سلطان: أخاف عليج تمي إهنيه عند مثايل أختي بتسليج حليلها حبتج بسرعه
مهره: هيه حليلها لاحظت
سلطان: مهروووه تعرفين شي
مهره : شوو 1!!
سلطان: مثايل تعرف اني متزوجنج من زمان
مهره: صدق
سلطان: هيه فديتها
مهره: سلطان ودر عنك السوالف وقوم ذاكر وبراجع لك يعني لو فكرت تتهرب بوقف لك "تأشر ع بلعومها" إهنيه
سلطان:زين بشرط
مهره: شو بعد
سلطان:"يقرب منها ويبوووسها ع خدها" بس خلاص
.
.
فطامي: مثايل سجلتي حق الجامعه
مثايل: لا ههههه
علايه: ليش مثايل طاف إمتحان السيبا الاول والثاني بيفتح بعد إسبوع بيضيع عليج
مثايل: مممم زين بسجل الحينه شو لازم نسوي
فطامي: لازم أوراقج الثبوتيه جوازج هويتج والجنسيه وصوره شخصيه و تسجلين بناياتج
مثايل: و الاوراق يبالها سكان صح
فطامي: يب يب أنتي ييبيهم وأنا بسوي لهم سكان عندنا سكان بغرفتي
مثايل: أوكي خل اسير فووق غرفه أبوي وبجوف الاوراق
علايه: أبوج وين سايرين
مثايل: دبي مادري بوظبي ماعرف
فطامي: علاقتج بإمج أبد مب عايبتني
مثايل:خليها ع الله صح بلاها فجر
فطامي: مضاربه ويا ام ريلها بس لا تخبرين حد
علايه: أنا لو بعرس باخذ واحد مقطوع من شيره
فطامي: ههههههه زين زين
مثايل: يلا بسير فوق وبيي
.
.
.
قاعدين مجابلين البحر
فلاح: سووواف اجوفك هالايام موول مب عايبني
سيف: "يتنهد" ماشي فلاح ماشي
فلاح:"يغمز له" تحب
سيف:" إبتسم له" حاس فيني يعني
فلاح: قولي فضفض قول إللي بقلبك ياريال أنت روحك تعبان بعد تكتم ع قلبك قولي شو فيك
سيف: فديتك ياخي شقا ارتاح لك
فلاح: سواااف لا تضيع السالفه قولي شوفيك ؟
سيف: حبيت وضاعت إعلومي
فلاح: طحت بالقفص يعني
سيف: طحت طحت
فلاح: ههههههههه
سيف: "يسرح ببعيييييييد" بس هيه مب حاسه فيني
فلاح: ليش
سيف: "يقوم" ماشي ياريال قووم بوديك بيتكم وبسير برقد
فلاح: أفا مليت مني
سيف: ههههه
"يقومون للسيارة"
فلاح: سيف حبك من طرف واحد
سيف: "إبتسم له" أصلا هو ما يدري هل فعلا حبه من طرف واحد ولا من طرفين مايدري
فلاح: هونها وتهون ياخوي
.
.
سايره غرفه أبوها تدور الاوراق
مثايل: أمممممممم وين ممكن ألاقيهم أففف لو مخبره ابوي كان يابهم لي بدال العباله والتدوير وعوار الراس
اول ما رفعت راسها جافت التجوري "الصندوق اللي يحطونه في الاغراض المهمه هههه مادري جي أسمه هههه"
تقربت منه جافته مقفول أمممم شو تسوي فكرت تتصل بأبوها بس قالت لاا بتدور المفاتيح
فتحت كبت ابوها ودورت فوق تحت لين حصلته تحت الغتر هههه خوووش مكاان يا بو مثااايل
شلته وفتحت التجوري لقت اوراق وااايد
من بينهم الهويات
شلت هويتها و شلت الجنسيه والجواز دورت اي واحد جوازها وشلته كان محطايات ع طرف
جافت أوراق ثانيه ياها فضووول هههههه انها تقراهم
فتحت الاوراق
وإنصدمت من الللي قرته
إيدها ترجف بالأوراق وهيه تقرا حرف بحرف
شووووووووووو يعنننننننننننننننني !!!!!!!!!!!!!!!!!!!!!!!
.
.
.
__DEFINE_LIKE_SHARE__

أشواق تائهة · 10-17-2012, 08:56 AM

اممم بس بغيت اخبركم شي
أنا دوامي بالكلية من 8 لين 4
وأرد البيت متاخر ولين أذاكر وهيك وأقعد ويا الاهل
راح الوقت
كاتبتكم صايره عيووز ترقد من وقت ههه

لاني أنش من وقت كل يوم عسب الكوليج
.
.
فما يكون عندي وقت أكتب إلا يوم يكون عندي بريك بالكلية ولا بالبيت بالوقت إللي ما يكون عندي إمتحان فيـه
.
.

ههه ف سوري لو مرة أتأخرت عليكم بالبارت ..
.
.
__DEFINE_LIKE_SHARE__

بس كيفي~ · 10-17-2012, 10:25 PM

لا عادي حبيبتي اهم شي رااحتج
والبارت روووعه تسلمين ماتقصرين
اتووقع الي قرته انه مثايل مب بنتهم
عسب معامله ام حمدان الها تقول جي ههه __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليتك معي في كل وقت تسليني	راقيه باسلوبيْ}~	الأناقة والجمال والموضه والطفل	5	05-04-2012 09:49 PM
أنا سميتك الدنيا وانته وش تسميني ,×	محروم.كوم	منتدى أخبار المواقع والمنتديات العربية والأجنبية	0	08-22-2011 11:10 AM
لو كان عندك رقم موبايلي ...... شو تسميني ؟؟ ؛؛	سمرة وكلي دلع	العاب , فكاهه , مسابقات	14	06-09-2010 07:33 PM
كيف سميتك حبيبي :><:	آلـῳـولعيه	عدسة الاعضاء , كاميرا الاعضاء	27	01-08-2010 07:53 PM
انا سميتك الدنيا انت وش تسميني ؟ ؟؟	داعمة دورية	الشعر المنقول	9	05-31-2009 02:08 PM