تكفى يالربع أخوكم من الكويت ومتعطل في الطريق إلى أبها
 

السلام عليكم

يالربع أخوكم مسافر من الكويت إلى أبها ومعي عايلتي انا سيارتي لاند كروزر جي اكس ار 2007 قير اوتوماتيك سته سلندر ،، وقبل السليل تقريبا بمية كيلو وانا على سرعة 120 كيلو طفى عداد السرعة وعطاني صفر وانا امشي 120 واشتغلت ليتات بالطبلون المهم يوم وصلت السليل نزلت اصلي ويوم حركت ع الموتر وعند التبديل من الثاني إلى الثالث قعد يسحب سحبة قوية اول مره تجيني وبعدها يبدل تبديلاته الباقيه طبيعي المهم قلت بروح لوادي الدواسر يمكن مشكلته من الكهرب وتكون سهله وصلت لوادي الدواسر وعرضته على كذا واحد قالو ما نعرف قلت ما دام الموتر يمشي بوديه لأبها وبعد ما استقر بوديه للورش اللي هناك وبصلحه طلعت من الوادي عند اول محطه شيكت بنزين ويوم حركت لما جا يبدل القير من الثاني إلى الثالث علق عالنمرة ولا عاد بدل رديته لوادي الدواسر وكانت اغلب المحلات مسكره وديته اليوم الصبح لكهربائي قلت يمكن مشكلة القير كهربه (وانا بعد قريت موضوع لاخوي اصيل حجازي قال فيه ان تعليق القير الاوتوماتيك يمكن تكون كهربائية) الوكاد الرجال بدل ترس حق امبير السرعة واشتغل امبير السرعه وطفت الليتات اللي اشتغلت على الطبلون والكهربائي يقول هذي مشكلة قير مو كهربه ،، اخواني اهل التخصص والخبرة هل تعتقدون المشكلة كهربائيه ولا من القير الاوتوماتيك ،، هل تنصحوني احمل السياره على سطحة واودي السيارة لخميس مشيط أو أبها وإذا نعم شنو اسامي او عناوين الورش الشاطرة في حل مثل هذه المشاكل ، وشكراً