منتدى استراحات زايد - نداء للأخ كبسوله وبدوي ولأهل الخبره الفزعه يا النشاما تكفون

السلام عليكم ورحمة الله وبركاته

تقبل الله طاعتكم اخواني في هالشهر الفضيل

عندي مشكلة غريبه في قير في اكس موديل 2000 تماتيك وهي كالتالي :

لما اكون صاعد صعده قويه شوي يطلع صوت جرشه قويه في القير مع رجه قويه وتبويش في القير اول ما اشيل رجلي من البانزين وادوس مره ثانيه يمشي طبيعي ويصعد عادي .

قبل فتره كانت تطلع معاي اذا كانت السياره واقفه ودست لها بقوه كانت تطلع اشيل رجلي وادوس مره ثانيه عادي تمشي ولافيها شي والحين صارت على الصعدات القويه تطلع .

مع العلم ان القير تباديله ناعمه وحلوه ولا فيه الا هالمشكله !!!
الكراجات احس انهم دايخين ويصرفوني قالولي كلام انا ما اقتنعت فيه يقولي القير بيطق استعمله لين يطق وبعدين جفته !!!!!

القير يا جماعه تباديله ماشاء الله ناعمه ومنتظمه وعزم السياره ممتاز واللي زاد استغرابي من الكراجات ثنين من الربع عندهم نفس المشكله واحد يقول تصير معاي بس قلييييل يقول احيانا اذا اخرط القير بسرعه من بارك الى الدي تصير معاي .

والثاني يقول بجيبي قبل وقالولي نفس الكلام واستعملته سنتين وبعته ولا فيه الا العافيه .

انا متضايق لأني راعي بر ومقناص والموسم قريب ولا ابي الموتر يعومسني بخراب وتضيع علي المكاشيت والوناسه :mad:

وعندي استفسار ثاني الله يرحم والديكم موتري هايدروليك ومغيره عادي ومركبله معاونيات اولد مان عمدان الترفيع حقت ال في اكس تكون تكون ضعيفه وقصيره عكس الجي اكس تكون متينه واطول شوي هل لها تأثير على الموتر اذا ما بدلتها ؟؟

مشكورين مقدما وجزاكم الله خير