السلام عليكم ورحمة الله وبركاته
 

بسم الله الرحمن الرحيم

السلام عليكم ورحمة الله وبركاته

كم انا مشتاق لكم والتمس العذر منكم

ومن الجوال ارسل هذه البيوتات رمز محبه وشكر

والقادم افضل بإذن الله

سلام يا اهل الوفاء والوفاء كار
...... لأهل القلوب الطاهرات النقية
انتم لكم عندي معزه ومقدار
...... وأبعدت عنكم والدواعي خفية
خير×ً على ماقيل يا أطوال الأعمار×
........ والحمد لله يا الرجال الوفيه
عدنا وشاركنا لوافين الاشبار
...... في خيمة الالغاز ×بأجمل هديه
التهنيه بالعيد وترحيبنا الحار
........ بالكل ترسل ×من خوي الخويه
مضمونها سلام يانسل الاحرار
......... يالمبدعين الصادقين الوفيه
غبنا ووفيتو ومشهود ما صار
......... وقفة وفاء جتني سوات العطيه
مشكور يالرايق ابن عم مع جار
........ كفؤ لك البيضاء هناك وهنيه
بادرة ثم بعدك غدا الجو مدرار
........ والكل شارك قدر ماهي حميه
وافين ثم وافين اعضاء وزوار
....،. وصلت مشاعركم كما المزهريه
والكل عندي إكبار او كانو اصغار
......... دعواتهم والشكر جتكم هدية
دله حوة بنن وهيلاً ومسمار
......... ودله لسواقن خذا الاولويه
و دله لمن ضيع دليله ومحتار
........ ودله غلامك وأحتسب له مطيه
تجمعت في قلب ماهاب الإخطار
....... صاحت وناحة واشتكت من آذيه
تجتازه يا شيخ لا درت الأفكار
.......... لاهيب لارسلان ولا شاذليه
بالمختصر أنشدك عنها بالامصار
.......... خويها بالفظ يصبح سميه
اربع حروف أطوال لوكانت اقصار
........ سلطانها يمسك حبالن قويه
نسمة هواء من دونها يصبح إعصار×
........ ومن دونها تضرب خلا المهميه
لاشلت راسه عن معزبه ستار
....... والا نباتن وسط ارضن خليه
وان راح ذيله واضحن مابه أسرار×
....... نعمه من الله ما خذاها وصيه
درسن درسته بين نارن مع غار
......... في موقفن معدومه الجاذبيه
مضرب مثل في ماذكر ماله أسوار×
........... رمعه تجيبه في شراك المنيه


أخوكم ابونايف الخامسي
من الجوال يهديكم السلام والحمد لله عدنا
وبالمشاركة سعدنا،،،

واعذروني لو تأخرت عن الرد لانشغالي ومحاولات لتفريغ نفسي قدر المستطاع للرجوع لاخوان احبهم في الله ويستاهلون ان اكون معهم قلباً وقالبً
دمتم بخير وإلقاء قريب ان شاء الله