منتدى استراحات زايد - سحاب نجد- راعي شقراء

هلا بالغالين على قلبي شوفو ترا سواليفي من واقع الحياه وعلشان تدرون ان مشاكلي مع القطاوه ما تنتهي بس هذي السالف قدييييمه جدا يعني من موبطي يومني صغير وقبل لا ابدا اخاف من القطاوه اسمعو السالفه

قالت لي عجوز الله يغفر لها ووالديني وكل مسلم تعال تكفى اظهر ذا القطوه

اللي عندي في الصفه والصفه هي الغرفه تقول لي العجوز انها ياوليدي مولده وكل ما جيت

ادخل الصفه كلخت في وجهي يعني روعتني وادخل وانا اتنافض بس يعنني ما اخاف الله

يغفرلها معطتني خيشه تقول حطها فيها هي وعيالها واثقه اني ابا امسكها المهم يوم فتحت

باب الصفه يعني الغرفه ترا لو نقول منول الغرفه يضحكون علينا يقولون الله من الموقه

يسمي الصفه الغرفه هههههههههه ولا يقولون الله يهون ضده الله من المدنه المهم فتحت

باب الصفه انا مدري وش تبي ذا العجوز من ذا الصفه كلها روض يابس وسبط والروض

والسبط واصل نص الغرفه قالت لي ابا اكشها عليك تعاني القطوه وانت هج الخيشه واذا دخلت

اربط الخيشه عليها قلت طيب المهم خذت هي عسيب ورقت على الروض تكش القطوه علي

وجتني القطوه هي وعيالها تطامر مطامر على الروض والسبط لو ما ينقزن غاصن في

الروض والسبط المهم لاهي مع القطوه فاتح الخيشه ابيها تنقز وتدخل في الخيشه مثل كوره

السله العجوز بيني وبينها الساريه الي في الوسط وانا مانيب يمها يم القطوه هي وعيالها

المهم القطوه ياما جت يمي ياما راحت للعجوز والعجوز معها عسيب يكفي خرفشته هبل

بالقطوه المهم شوي والاي اسمع حس العجوز صار بعيييد اثرها مع المعارك سقطت وسط

الروض وغاصت والاها تقول تكفى ياوليدي ابي اموت تعال اضهرني واقعد ادورها والقطوه

وعيالها يطامرون في ذا الروض معاد علي منهن هالحين ادور العجوز واقول وينك فيه تقول

مدري ههههههههههههه بس كني تحت الارض واقعد ابحث وادور واشيل منها الروض

واكب منا ومنا اثرها ضعيفه مندفنه في الروض هههههههههه وهي تقول كني تحت الارض

ههههههههههه الله لا يلومها انخفس بها ذا الروض وسقطت ولا قلت احكي علشان ادري

وينك فيه تقول امتلا اثمي عودان وانا ادور عليها وانا عجل ابي انقذها واهبد فوقها ولا حسها

تقول ضربتن تظربك طحتا علي وامسك يدها واجرها وهي تقول لا تمصعني المهم وانقذها

ويوم طلعتها من ذا الغرفه والاها طالعه كنها صوبه روض كلها عودان وهي دايخه واثر

القطوه طالعه قبلنا هي وعيالها في المجبب ويوم طلعت انا والعجوز وتهد علينا القطوه

متصوبين عيالها عندها وانطلق وانحاش والعجوز طايحه في الارض وتخبط على رجلها

وتقول لي ضربتن تضرب لا تروح وتخليني صدقوني واقعيه وانا وش الله بالشني والعجز

ورجعت لها بعد ما فتحت باب السوق واحوش القطوه وتطلع هي وعيالها ويوم رجعت للعجيز

والاها منسدحه على جنبها وتسبح الظاهر انها استخفت هههههههههه المهم راحت القطوه
ولا عاد رجعت وهذا هو المطلوب