|
الدكتور و الوكالة وقال صلى الله عليه وسلم : ( خيركم من يبدأ صاحبه بالسلام ) السلام عليكم ورحمة الله وبركاتة اخواني انا مالي في الخطابات والمقدمات (خيرالكلام ماقل ودل) المشكلة او نقول القصة لانها صارت قصة نوع المشكلة طقة في المكينة نوع السيارة تويوتا جيب قبل عدة اشهر طلع صوت طقة في مكينة احد الاصدقاء هذا الصديق معروف انه من المحافظين على السيارة استشارني في الموضوع رفعت كلتا يدي وقلت لها مكنيكا ثقيلة لالالالااعرف دور غيري وانا معك متابع فقط قلت خل نروح لبو جميل (الوكالة)ذهبنا اليهم ودخلنا افتح الكبوت اجتمع المهندسين شغل دوس زاد الصوت خلاص طفي وبعد اجتماع مصغر بينهم النتيجة (عملية قيصرية) عمود الكرنك فيه مشكلة قلت لصديقي فل نذهب لفلان (مكنيكي مشهور) ذهبنا اليه فوجدنا رتل من السيارات وبعد نصف ساعة وصلنا الدور كشف على السيارة وقال مثل ابو جميل نظرت الي صديقي وقلت الله يكون بعونك متا نجيب لك السيارة بعد اسبوع طيب مع السلامة. وفي طريق العوده وفي حينا فيه ورشة صغيره لااحد الاصدقاء شاب سعودي قلت خلنا نشرب عنده بيالة شاي دخلنا سلمنا علية وقلت في نفسي خلني اسوي له اختبار وشرحت له المشكلة افتح الكبوت شغل دوس طفي والله في نفسي اضحك وش يبي يقول نظر لي وقال ابي سكين :d ظحكت سكين !!!! شكيت انه يمزح لاني اعرف الرجال موب راعي خربيط ولاكان قلت .... المهم شفت الرجال صادق رحت وجبت سكين اخذ السكين وادخل يده على صدر المكينة وقطع السير . قلت الله يعين وش يسوي هذا قال شغل شغلنا السيارة ما فية صوت دوس ما فيه صوت صديقي من شدة الفرح مسكه وقبل راسه وعطاه 200 بل الغصب جبنا سير وركبنه وصار الموتر جديد الحمد لله ربطبت الدكتور بالمكنيكي لانهم في بعض الاحيان يحطون فيك امرض ليست بك الفائدة انك ما تكشف عند واحد وخلاص اقل شي رح لثالثة حتا تتاكد موفقين |
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir