منتدى استراحات زايد - الموضوع مهم والكل لازم يشارك

بسم الله الرحمن الرحيم

اخواني الكشاته والصيادين كما تعلمون بل وتشاهدون في كشتاتنا لانرى الا تحرك الاغصان وربما الحشرات لم نعد نر طيور وزواحف وثديات كل شي بدء يختفي وربما الاكثر بدء ينقرض حتى العصفير اصبح نادر تسمع لهاصوت وهذا كله بسبب رحلات صيدنا الجائر الثروة الحيوانيه لدينا انتهت وبدئنا نذهب الى الدول الشقيقه لنقضي على ماتبقى لديهم مستغلين حاجتهم للمال.

والمشكلة اننا نأيدهم بي كلامنا ((صايد وفايد)) ((هذا الصيد ولا بلاش)) ومن هذا الكلام وهو من الوناسه تلقاهم ثلاثه بدل مايصيد غزال يصيد اربع او خمس عشان يعرضها في مكشات وحنى نقول ماشاالله عليك ونصفقله
يا اخوان لازم اللي زي كذا نشد عليه وناقشه ليش صايد خمس ونتم ثلاثه عشان ايش يااخوان متى نفهم ان الصيد هوايه في وقتنا ذا الصيد مهو حاجه الواحد لاراح يصيد يصيد حق ست شهور قدام تقول اننا في عصر ما قبل التاريخ ياخي الحمدلله الثلاجات ملاينه دجاج والخير متوفر ياخوان الصيد ذواقه يعني انت مشتهي قميري مثلا ياخي رح صد ثلاث اربع اما اباده خمسه وعشرين ليش طيب هذاك في الديره ماتشتهي احيانن دجاج رح لم المطعم وطلب 25 دجاجه ما تسويها ياخواني والله ماقول الكلام ذا الا من شي شفته اللحين تخيلو نجد كلها مافيها الاغربان ونسور حتى في الربيع ماتشوف شي يا اخون لازم نحط خطه لنا نقنن فيها عملية الصيد ونقلل عشان ترجع الحياة مثل اول وزين حتى الوحوش ماسلمت من يصدق ان نجد اول مليانه غزلان وارانب وطيور والشمال كذالك يا اخوان فكرو زين لاتخلون شهوتكم تصيطر عليكم خل نتعاون نجيب ارانب بريه من برى ونطلقها في صحارينا ونمنع صيدها خمس سنوات ونجيب غزلان ونسوي نفس الشي موكل شي تقوم فيه الحكومه حنا لازم يكون لنا دور وما نحط شبوك ومحميات زي الحكومه نحط محميات داخل انفسنا وعقولنا ونسيطر عليها.

وفي الختام تقبلو تحياتي وارجو ان لااكون اطلت عليكم