منتدى استراحات زايد - هل نفعل مثل هذه الملاحم .... اقروأ واعطوني رأيكم

بسم الله الرحمن الرحيم

السلام عليكم ورحمة الله وبركاته

هاتان السالفتان ( لغة عربيه ماشاء الله) حصلت

في منطقتيين من مناطق المملكة قبل حوالي 70 سنه

وانا اعرف ابطالها ( رحمهم الله ) ولا اريد ذكر

الاسماء ( وهم يستحقون ) ولكن لا اعرف سياسة

المنتددى في ذلك ..

هذه الملاحم التي قلت اننا لا نستطيع فعلها ليس قصورا

وانما اختلاف تام في الزمان والمكان والظروف المعيشيه

المهم لا اطيل عليكم :

الملحمة الاولى :

كان هناك رجل من رجال قبائل المنطقه الغربيه ( حاليا ) مطلوب لشخص في مبلغ

( 46) ريال وكانت انذاك كثير ... المهم الشخص مشهور بالكرم والشجاعه وشاعر

له قصائد تعتبر درر .. المهم ولضيق ذات اليد تاخر في سدادها .. فتقدم صاحب المال

للاماره وكانت انذاك هي الكل في الكل يعني الامير هو القاضي والحاكم الاداري ويسمى

( الامير ... او ... المنصوب ....) المهم بعد تقدم صاحب الحق بعث الامير

احد الخدام ( وهو موظف في الاماره يسمى الخادم او الخوي) لذلك

الرجل المطلوب وهو خارج البلده بمسافة يوم تقريبا ...وبعد وصول موظف الاماره لذلك

الرجل في خيمته لم يكن يملك سوى عنز وولدها وكان وصول موظف الاماره مع حلول

المساء وعندما قلط الموظف عند الرجل ... قال له انت مطلوب بالاماره ..فرد عليه

اجلس والامير ملحوق عليه فبعد ان شرب القهوه قال يا فلان هيا بسرعه ..

قال يا ابن الحلال عشاك على النار واذا اصبحنا مشينا .. المهم الرجل عشا موظف

الاماره العنز الوحيده لديه ... وفي الصباح قال يالله هيا وانا والله ما عندي الا اللي

تعشيناها البارح ...قال موظف الاماره مشينا وربك يزين الامور ... وبعد الوصول للاماره

ذهب موظف الاماره للامير .. وقال يا الامير انا طالبك طلب ..قال الامير ابشر ...

قال الموظف او الخوي انا بسدد عن فلان وبروح لعميله عساه يقبلني قبيل له

وابيك تتوسط عنده ... قال اذا وافق ما هنا خلاف ...

ذهب موظف الاماره لاحد الميسورين في البلده وطلب منه سلف ( 46 ) وشاه

قال التاجر وش تبي بها يافلان ثقيله عليك ...

فسرد عليه السالفه وقصة هذا البدوي المديون وكان مشهور بالكرم والطيب

فقال التاجر ... خلاص بعطيك طلبك بس لي طلب بعد انا .... قال الخوي اطلب :

قال التاجر :

الذبيحه شفها في الحوش .... والفلوس انا بشاركك في نصها للسداد عن فلان

فتشارك التاجر والخوي في سداد عن البدوي المديون نظير انه ذبح عنزه الوحيده

اللي يحلبونها لعياله الصغار لضيفه مندوب الاماره

وقام الخوي بارجاع البدوي الى خيمته على سيارة الاماره الوحيده

فلله درهم جميعا .... والله اننا نعجز عن فعل هذا في ظل هذه المتغيرات

واخيرا كلا يفعل الطيب بس نسأل الله ان يوفقنا لفعله

الملحمة الثانيه بعد ان اشوف رأيكم والله يحفظكم