|
سالفه الخيمه والبر وسحاب نجد - راعي شقراء عاد هالحين ابي اعلمكم بسالفه لي وهي في سنه من السنين خيمنا انا واثنين من الربع يعني حنا ثلاثه بس اللي يسمع صجتنا يقول قبيله كامله وفي الليل طق سا مري وحنا ثلاثه بس والله وناسه يوم جاء ثالث يوم ويدخلون الربع اللي يبي يشوف امه واللي يبي يجيب له اغراض قلت روحوا وانا ابجلس عشان لا يجي احد ويسرقنا وانا مالي شغل في الديره راحو الربع وتركوني لحالي كان ذا الكلام السا عه 9 الصباح جاء الظهر ماجو (ممداهم ما ر يروحون) بس تعرف اللي خايف الساعه بسنه جت السا عه 2 بعد الظهر وذاك اليوم حر بزياده وكان فيه برميل كبير سمونه ابو ثنعش ومقصوص غطاه من فوق وكنا مالينه من الوايت مويه علشان نرشبه الدكه جنب الخيمه ونسفهل مع البراد المهم حر بزياده سولت لي نفسي اطب في البرميل عشان ابرد شوي وطبعا ما معي لبس سباحه افهمها؟؟ وطبيت ماكوشي قلت استانس المهم بسم الله الرحمن الرحيم الا بالصالون اللي مليان عايله متجه يمي جا ي من وراء الخيمه وماانتبهت له ويضرب بوري جنب الخيمه انا مدري وش اقول وفيه حريم وبزور ورجاجيل موقف ما احسد عليه وهالحين مااقدر اطلع ماعلي شي وذولا شافوا رويسي في البرميل قال ولدهم يبه شف ذا اللي في البرميل ويقرب الجمس جنبي وقال السلا م عليكم وانا غايص في المويه قلت وعليكم السلام قال: وشفيك في البرميل. قلت: في البرميل (ماعرفت احكي) قال: وشفيك . قلت : وشفيك انت. قال: ورا ما تطلع. قلت :ماني طالع... وتعال شف ضحك الحريم والبزور والرجال جمسه مليان خذوا علي فصل وانا ماطلعت الا راسي قال: ماودك اكبك انت والماء (طلع عيار) قلت: ان كبيتني ما هو احسن لك. قال: وش تبي تسوي. قلت: ماني مسوي شي بس وضعي ما يسمح لي بالخروج قدامكم .. والله ياضحكوا علي ضحك كل اللي في السياره واللي قهرني ولد لهم شكله توه با لغ ويتميلح يبي يجي يمي وقلت له ارجع احسن لك قال: معك سلك اشتراك. قلت: لا ومشوا من عندي ويالله راحوا وطبعا اكيد اني ابطلع انتهى حافظكم الرحمن الرحيم من كل شر واسعد قلوبكم بس تبون الامور تزين كثر قول استغفر الله |
| الساعة الآن 03:59 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir