منتدى استراحات زايد - صقار على شاص....الله يعينك.

السلام عليكم ورحمة الله وبركاته.

مساكم/صبحكم الله بالخير مع مراعاة التوقيت.:D

اخواني وخصوصا مستخدمين الشاص. لايخفى عليكم معاناة راعي الشاص خصوصا في التكيه الي تتعب الطير ويمل منها بسرعه هذا طبعا من غير المطبات الي بعضها تشوفه وبعضها لا يعني احيانا ياخذ مطب من لا شيء بس كذا عنجهيه ههههههههههه.
وخصوصا التكيات الي تجي مفصله وتباع في محلات الصقور وسبب عدم كفائتها هو ان ذنيبا الطير ما ترتاح ومع ادناة مطب وهو مكافخ.
طبعا اول مايتبادر الى ذهن القارئ (يبيعه ويشري نيسان ولا جي اكس وووو الخ...)
طيب فرضا انه راعي ابل او غنم ويحتاج الشاص اما يشيل اغراض او ناقه مصغر يشيل ولدها وقت الشديد.
سوف يتبادر الى ذهن القارئ راعي ابل طيب يشتري موتر للمقناص ويخلي الشاص للأبل.
طيب خوياي في حملة المقناص يبون موتر يشيل اغراضهم وعفشهم خصوصا المهابيد البعيده. وابغى طيري يكون معي وانا مع مقهوري وابلي يمكن القى حبارى.:D

طبعا اخوكم عنده موتر نيسان للمقناص وعنده شاص ولكن الموضوع الي ابي اوصل له اني قمت بعمليه جميله منذ العام الماضي واراحتني كثيرا وهي غطا التكيه.
رحت لمحل القرناس وقمت بتغيير غطا التكيه وخليت وجه الطير يكون يم السواق وذنيباه جهة مرتبة المعاوني وارتاح الطير وارتحت انا.
حتى تفريعه واخذه وغله اسهل ولا يأثر على تفتيش الطير وسبره وتطلعه.

هذا ما واجهت وابي الأخوان يعدون تجاربهم يمكن فيه شي احسن من طريقتي.

تحياتي للجميع.
الله يعينكم ياكثر الكلام الي مكتوب فوق.:o