منتدى استراحات زايد - رجعنا لكم بقصة الشايب مع الدراسه بالخارج ووصايا الشايب الجزء الثاني

بسم الله الرحمن الرحيم .. تقبل الله صيامكم وقيامكم وصالح اعمالكم .. رجعنا في الجزء الثاني من قصة الشايب مع الدراسه الجزء الثاني .. واللي ماشاف الجزء الاول .. يستاهل ز. :D امزح هذا رابط الجزء الاول http://mekshat.com/vb/showthread.php?t=521135

وصل الوالد امريكا وشاف العماير والدنيا والناس منبهر .. المهم يوم انه راح السكن ويدخل يقول والله ماكملت خمس دقايق الا انا طاقتني ضيقة في صدري وانا اللي اهل الدمعه ابي ارجع ديرتي :( .. المهم يقول قالولي بعد اربع ايام تبدا دراستك .. وبنجيك ناخذك .. قلت يصير خير .. المهم ذا الحين انا جايع :D وابي اكل وما اخبر الديره .. المهم والله وبدل ملابسي .. واكشخ لك بذاك البنطلون حق الرياضه :D:D والبدله حقت السعوديه :D واحول تحت وابرق يمين ويسار الا والله هذا واحد امريكي وامسكه يقول ليتني ما مسكته .. المهم يقول وابلش مدري وش اقول مدري وش احكي .. وش الدبره واقوم ااشر له بيدي كني اكل وهو كني به يقول وش ذا التيس :D المهم الا والله ويجيني ذاك ولد الحلال سعودي مبين عليه ان فلوسه واجد :D ويقول لي امرني وش فيك .. قلتله ياولد ابي اكل انا جايع ولا اعرف احكي لغتهم قال امش معي المهم ويقولي وش تبي تاكل .. قلت والله كان حصل مطيزيزات وجريشه تراها زينه :D المهم وهو اللي يطق الضحكه قلتله وش فيك قالي مافيه هنا قلت اجل وش قال فيه همبرجر وفيه ساندويشات .. المهم يقول انا سكت دقيقه .. افكر وش الهمبرجر :D يقول وقلتله وش الهمبرجر قالي لحم لحم . .قلت ايه زين ودنا يقول ونروح ونطلب لنا همبرجر ويوم جا واشوفه وابرق فيه يمين ويسار ناقص شي .. قلته ايه ناقص كاس لبينه ههههه قال فيه ببسي واحنا ذاك الوقت نسمع بالببسي قلتله ايه عطن واحد يقول ويجيب لنا واحد واجربه الا والله طعمه يصك الراس وابدا اكل المهم قضت الايام وصرت اروح لهالمطعم كل يوم اقوله برجر وبس .. واشوف فيه قطع لحم زينه صغار ويوم اسال خويي ذا قلتله وش ذا .. قالي عساك ماكلت منه .. قلت الا ... قالي ذا بيكن :D قلت وش ذا .. قالي لحم خنزير .. قلت افااا .. المهم وانا اللي تطقني دوخه واطيح عليهم :D احسبه يموت هاللحم هههههههههه .. المهم يقول بديت ادرس يقول ما امداني اكمل اسبوعين .. الا انا معزم عالرجعه خلاص مالي مقعاد زهقت ابي الديره ابي اهلي ابي المشعاب :D ابي اعود .. يقول واكلم هاللي على البعثه واقوله بعود .. يارجال يمين يسار قلتله مافيه بع:Dد .. قالي اسمع اسبوعين ثانين .. اما عجبك الوضع عود يقول واقعد اسبوعين الا والله وهاه كنه بدا يجوز لي .. المهم يقول واكمل سنه .. ويوم جيت اعود الديره واركب الطياره .. واللغه كانت عندي زينه مهيب مثل ااول وافهم .. المهم واركب الطياره وتقلع وكني وجابو اكل المهم وانا اللي اكل واشبع يوم خلصت .. الا والله بطني يخور علي :D:D قلت ايه والله البلشه .. يقول واصبر .. ويوم هاه ماعاد بي حيل وانا اللي تشوفني كالخيل الاصيله .. الى دورة المياه واريح واعود لكرسيي واحط رويسي ابرقد مابه نوم .. المهم اللي يمي من ركبنا نايم ويوم صحا الا هو سعودي واسولف معه ونستانس المهم وصلت الديره .. ويستقبلني ابوي واحب خشمه ويقولي هاه بشر وين الشهاده .. قلت تو يايبا باقي لي 4 سنين .. قال يعني بتعود لهم قلت ايه قال الله لايبارك فيها ساعه جيتك :D قلت افا ليه .. قال هما انا قايلك لاتجي الا بالشهاده .. قلت بلا بس جيت بزوركم .. المهم وصلنا البيت .. واروح للوالده وهي اللي تبكي يوم شافتني .. واسلم عليها .. وتسويلي ذيك الليله مطازيز وجريشه وثريد :D وابرد خاطري فيهم .. المهم عدت الايام سريعه وعودت لامريكا .. ديرتي اسمها سانت لويس .. المهم واشتري لي ونيت شفر مستعمل .. واتونس واروح واجي فيه .. المهم ذاك اليوم اسوق الا والله عجوز خاطرتن الشارع وانا اللي امسك بريك واصقعها صقعة خفيفه واحول لها .. الا والله هي اللي تقول الحمدلله ياربي مافيها شي وتهددني بقاضيك ومدري وش قلتلها لاتقاضيني ولا اقاضيك وش تبين قالت ابي الموتر قلت فداك بس فكيني من الورطه .. :D الممهم يقول وعدت السنين واعود بشهادتي متخرج تخصصي كان اداره صناعيه .. المهم نختم سالفتنا .. ومشكورين للمتابعه .. واعذروني ان طولت عليكم ..