استفسار : مبتدئ وابشتري ساكتون وابي مساعدة يالربع السلام عليكم ورحمة الله وبركاته كيف الحال ياخوان ان شاء الله بخير اسعد الله اوقاتكم بكل خير اينما كنتم في بقاع خليجنا الغالي عندي كم سؤال على الماشي وابي خبرتكم يالمخضرمين 1- انا ساكن في الرياض في الروابي وعندي محلين قريبين مني وهم الرماية على طريق خريض و الرميح على شارع الاربعين ايهما افضل لشراء سلاحي منه 2- التصريح وما ادراك مالتصريح اخواني قريت موضوع قديم هنا عن واحد مثلي توه مبتدئ وقالوا له الاخوان عشان التصريح يبيلك صورتين او هم يصورونك بالمحل وصوره من بطاقة الاحوال و2 شهود وشيخ عشان تملك على السلاح :D صراحه انا صرت كذا :eek: فـ يا اخواني ابي اعرف كيف اطلع تصريح لحمل الساكتون معي للبر ووش المطلوب بالضبط لأني بكره بروح ونقطة اخرى سمعت اذا بتشتري سلاح وانت 21 سنه لازم تحضر بطاقة ابوك او هم يتصلون فيه ليش .؟ والي عمره 21 و 5 شهور ! و ابوه شايب كبير مايقدر يقوم لحاله 3- وش افضل انواع الساكتون الناري .؟ وكيف الرصاص حقه زي ابو عكفه ak 74u ميزانيتي تسمع اشتري سلاح بـ 3000 ريال 4- والسؤال الاخير هل يقبلون كاش والا لازم بطاقة .؟ اتمنى تصححون لي معلوماتي اخواني لآن لو فيها قروشه بهون :( |
الساعة الآن 06:37 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir