منتدى استراحات زايد - سالفة:يا هلااا هماك ميت..قوافي

http://t0.gstatic.com/images?q=tbn:A...R5NN9xNh4Ogreg
حياكم الله اخواني.اخواتي.زوار مكشاتي الكرام
فيه اثنين اصدقاء من يوم هم صغار وكبرو وهم على صداقتهم ومعزتهم لبعض ..
كانت عندهم هواية المقالب ولا يزعلون او يشيلون من بعضهم وصار كل واحد يدور للثاني مقلب ..
واحد منهم حرمته ميته وخطب وحده من قريه حولهم وعلم صديقه بيوم العرس وانه عازمه ويبيه يجي يحضر عرسه..
قال رفيقه :ابشر ومن غير عزيمه ..
مرت الايام ويوم جا يوم العرس الضهر راح الصديق للقريه وعلى صلاة العصر كان عندهم وقلط بالمجلس وتقهوا معهم وعلمهم انه صديق ابو فلان اللي هو المعرس همن اسكت ولا عاد تكلم
اهل العروس يرحبون ويهلون وذا مسكت ومن فنجال لفنجال قالو يمكن ان قل الكلام طبع !! لكن مستغربينه؟؟
ويوم جاقبل المغرب بشوي (نسيت اقول ان السالفه هذي قبل التلفونات ) قال لأخو العروس :
ماودي اضيق صدوركم لكن ،،قدر الله وما شاء فعل،،وهذي الدنيا ..وترى معرسكم يطلبكم الحل:(:(
لا حول ولاقوة إلا بالله وإنا لله وإنا إليه راجعون ..
هلل اخو البنت وترحم وقال متى ووشلون قال ابد جا ولده يقعده اليوم الضحى ولاه ميت !!حللوه ..
قال اخو البنت لازم وضروري نروح الحين نعزي وادام الجماعه مجتمعين نروح كلنا مره وحده عقب صلاة المغرب إن شاء الله..
يوم أذن المغرب ولين الدنيا حوسه عقب الخبر الشين ومتولمين للصلاة ثم يمشون للعزا وما درو إلا ومعرسهم جاي والبواري والصجه واللجه والضيوف يوم وقفو عند باب انسباهم ولا كلن طايرتن عيونه واللي بالمجلس كل واحد يناظر وراسه فيه الف سوءال وسوءال..
المعرس يوم تلفت بين القاعدين ولين رفيقه قاعد درا ان السالفه به مقلب يوم نقز الرفيق من مكانه وقال:
ياهلا ياهلا اللــــــــــــــه يرحمك همكاك ميت!!!!!!
وسحب رفيقه من ايده واقعده جمبه وهو يبارك ويهلل يالله ان تحييه يالله ان تحييه ..
تحياتي
اختكم
..قوافي..