|
يالربع وش الحل مع القطو اللي استوطن بيتي ؟ السلام عليكم ورحمه الله مساكم الله بالرضى والسرور مالكم بالطويله عندي بالبيت مخزن صغير بالحوش و جتني البنت الصغيره قبل كم يوم تبتسي وتوريني رجلها مشخها القطو :p اللي فهمته منها ان فيه قطو بالمخزن اللي بالحوش , عاد انا اناظرها وهي تصيح واقول ( اوريتس فيه وانا ابوتس اللحين ) و فتحت باب المخزن ناوي اطلع القطو سلمياً بدون تهديد السلاح , اول مافتحت الباب مير يطمر علي ويمشخ ويعض رجلي , طبعاً بعد المعركه هذي فكيت نفسي من هالقطو المفترس الشرير وصكيت عليه الباب و بنتي تناظرني تقول : يبه وراك ماطلعته من المخزن , قلت لها وانا مطأطأ الرأس ( ماعليتس يابنتي بهجم عليه غدره في الليل ) طبعاً ابداً ما ابي ابين لها اني خسرت المعركه :p وجيت بالليل وكان معي سلاح ( عصا مكنسه ) , بس يوم شفت الوضع صارت انثى وكانت بالزاويه منسدح ترضع عيالها و اول ماقربت منها ابي اهشها بدت ملامح الشراسه في وجهها ولا كان ودي استعمل العنف معها يوم شفت انها ام وعيالها صغار حاول ادفها بالعصا بس انها تقعد عند باب المخزن ماتتحرك مسيكينه تبي عيالها فـ ارحمها وافتح لها الباب وتدخل وصار لها اللحين اسبوع وزود ماعندكم حلول , شلون تطلع من المخزن مع العلم انها بالبدايه ماكان احد يعطيها اكل بس يوم احتلت المخزن صارو عيال يجدعون لها دجاج عقب الغداء |
| الساعة الآن 02:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir