|
اقروأ السالفه .. ما اعرف اضع لها عنوان... راح تعجبكم السلام عليكم ورحمة الله حدثني احد الاصدقاء عن قصة حدثت لا احد جماعته يقول ... فيه واحد من ربعه عزمه جاره عند ضيوف اجناب ... وقبل يروح للعشاء ..اتصل بواحد من ربعه قال : يا فلان انا معزوم عند جارنا فلان عند ضيوفه من بعيد وانا بعزمهم ... بس ما عندي شئ تقدر تدبر لي بكره ذبائح انت رجال شغال في الحراج واخر الشهر اعطيك حقك ما تقدر انا ما ني محدود اروح للعشاء با عتذر من جاري وماني مواجه الضيوف ... قال رفيقه لا والله رح وان شاء ادبرها لك .... راح ذيبان وعزم الضيوف وحلف علييهم ... من بكره بعد الظهر راح للحراج وشاف رفيقه اللي تزهل له فلان وين الذبائح ...قال يا ابو فلان اليوم ما جانا جلابه ولقيت شئ غالي علي وعليك ( المهم انخبل رفيقه) بقول ما كان في جيبي الا مائه ريال ... منه منه ما لقى احد دخل يصلي العصر ...بعد الصلاة ناداه واحد من جماعته اللي حضروا العشاء البارح عند المعزب الاول وخابر العزيمه ...ناداه فلان وجهك علامه متغير ومسود احد من عيالك من الجماعه جايه شئ قال لا ماهنا خلاف ...وقف شوي الرجال .. قال ابو فلان شريت ذبائحك ... قال لا باقي ...قال تعال تعال .. وعلى اول سياره واقفه في الحراج .. وطلع منها اثنين طليان على كيف كيف ... قال خذ ذبائحك وانا بحاسب الرجال يقول ومن الفرحه واخذ الذبائح وعلى المسالخ واسلخها واروح يم البيت وادخل البيت اعرض من الفرحه .. يا مراه اطبخي عشانا ( هو معطيها خبر قبل يطلع تجهز قدرها) قالت يا ابو فلان والله يا الرز ما عندنا الا كيلو ... قال ما عليك ركبي القدر والله يرزقنا ويروح لمحل ارزاق حولهم يبيع فيه شائب هو وولده ولد الشائب عليه قل صحه ... المهم يوم جاء المحل ما حصل الا الولد المسخن الله يرحمه ( توفي فيما بعد) المهم قال يا ولد عطني كيس رز ابو 10 ك ( قيمته في ذاك الايام 37 ريال ) يقول واعطيه ال 100 اللي معي ويرد لي الولد باقي 500 يقول واحطها في جيبي واروح اشري الفواكه والبارد يقول بعد ما جاء الراتب .. واعطي راعي الذبائح اللي شراها لي حقه ورواح للشائب واعطيه حقه واعلمه اني داري عنها بس كنت محتاجها ...يقول لدرجه انه بغى يحلف عنها وبهذا يقول هذي من اصعب المواقف اللي مرت علي والله يسرها لي من عنده هذا وصلى الله على محمد وسلم تسليما |
| الساعة الآن 08:59 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir