استشاره في تركيب بالون على بطل الدروب(الباترول) تفضل افدنا لاهنت
 

السلام عليكم

كيف حالكم ي القروم

وكيف الصيام

اسئل الله ان يتقبل منا ومنكم صالح الاعمال بالخير والتقوى


ي اخوان

انا عندي باترول 2010 400hp

وابي اركب عليه بالون مقاس 17 900

طبعا جنوط وكالته مقاسه 20

وانا بشتري جنوط 17 وبركب بالون 900 ماكسس :good2:

المهم

بصراحه احد الاخوان اللي اعرفهم خوفني وقمت اهوجس وحالتي حاله وتحطمت

لان يقولي اذا ركبت البالون شهرين 3 شهور والا القير معدوم

ما ادري وش سبب هل هي معلومه خاطئه منه او الله يعلم

انا انسان احب اقنص وادخل اماكن وعره جدا

وراعي صيد

وانتم عارفين قرب موسم القميري

والمنطقه كلها وعره وحصى وشوك والطرق هناك تكسر الموتر

وكلها تغاريز (الترابيع_الشوكي)

ف انا ابي اركب بالون

هل تنصحوني ام الا مع ذكر السبب رجاء منكم


يعني لاحد يقول لاتركب ويروح بدون سبب

تكفون ي اخوان ساعدوني الموسم قرب وانا ماسويت شي

و وش افضل بالون موجود حاليا

انا سمت بالون ماكسس 900 بـ730 ريال الواحد

انتظركم ي اخوان