|
لحظه وداع برهان ......المعتزل بسم الله الرحمن الرحيم احبائي اعضاء ومشرفي منتدى مكشات العزيزين على قلبي السلام عليكم ورحمه الله وبركاته وكل عام وانتم بخير وعافيه ومبروك عليكم الشهر والله يغفر لنا ولكم ويرحمنا ويجمعنا واياكم مع النبيين والصالحين احبائي اسمحولي بهذه المشاركه وانا سعيد بمشاركتي لاول مره اشارك فيها مشاركتي هي عباره عن قصه للاخ العزيز على قلبي مثلكم وهو الاخ هاني الجهني (موفق) وهو احد خوياي في عزبه المقناص والذي كان عنده طير وكري يحبه حب لدرجه الجنوون ومسميه (برهان) ودايم يقول فيه الكسرات ومن محبته لطيره لو ان احد اعطاه مبلغ يفوق الخيال لما باعه ومن اقواله برهان انت ترى عيوني ............................واغليك مثل الذهب والماس لو البشر فيك لاموني ..............................بـيـزيد حـبـك وابـيـع النـاس ومن اقواله برهان يشرح ترى صدري ...............................لاشفت فعله وهداته انسى همومي معاد ادري .................................هييه كذا دوم عاداته وبعد المقناص تم ربط برهان وبعد صفاء ريشه كانت الصاعقه فوجئت بتنزيله المزاد وذالك لغرض شراء جيب نيسان وبعد بيعه ارسلت له كسره اقول فيها يا خاين العهد ياهاني ..........................يرضيك تكسر كذا برهان وعذرك تبي جيب نيساني ...........................تحسب فلوسه بتقضي شان ورد عليه يقول يا معتزل بيعه ابكاني ..............................واليوم عارف انا غلطان برهان حبه كما اخواني ...................................لاعله الزين ماينهان ويقول فيه بعد يا معتزل في المنام اريت .....................................برهان جاني يعاتبني لجل ايش بعتني وش انا سويت ....................................وشوفك اليوم كارهني وان كان انا عليك اخطيت ....................................لرضيك واليوم رجعني وانا مغيرك انا حبيت ..................................وانت الذي دوم فاهمني لعلك اليوم لي حنيت .....................................وبكره اتحراك تاخذني وقفى وبعده انا فزيت .....................................ودموع عيني تغرقني ويارب ياللي حميت البيت ......................................اطلبك عنه تعوضني ومعوض خير ان شاء الله يا ابو صالح ونقول الله يبارك لـ سلطان السهلي اللي شراء برهان ويطرح له البركه ويسعده بهداده وفاله التام ان شاء الله واتمنى اني اسعدتكم بمشاركتي واوعدكم ان شاء الله بالمزيد من المشاركات وتقبلو تحياتي وتقديري المعتزل |
| الساعة الآن 07:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir