وكيل فليبس والجي وبي ام دبليو غشونا في خلاط فليبس
 

السلام عليكم ورحمة الله وبركاته

ما ادري الخيمة هذي مناسبة لموضوعي ام لا

الموضوع ومافيه شريت من اكسترا في الراكة جهاز خلاط بـ300 ريال تقريبا نوعه فلبس قبل كم شهر وبعد يومين من الاستخدام تعطلت الاكسسوار العلبة صارت تطلع صوت ولا تدور ورجعت عند اكسترا عشان الضمان وقالولي روح الوكيل الناغي هو وكيل ال جي ووكيل بي ام دبليو ووكيل فلبس . رحت للوكيل طريق الخبر الدمام وقلت لهم الجهاز تعطل بعد يومين من الاستخدام قالو الضمان على المحرك فقط اما الخلاط العلبة ماعليها ضمان لانها اكسسوار !! واذا اكسسوار فيه حديث ولا اية تمنع ضمانكم عنه !! قلت له ليه ماقلتولي الضمان على المحرك والباقي لا ؟ المهم باعوني العلبة بعد المكاسر 40 ريال ولما اخذت العلبة الخلاط اتضح لي شي ماكان على الحسبان
الوكيل يبدل الخلاط الاكسسوار بتجاري تستخدمه مرتين وثلاث ثم ترجع تاخذ من عنده الاصلي والعامل يقول ماني اول واحد اشتكي ! الاصلي لي كم شهر داعكه دعك ولا قال لا والحمدلله

يا اخوان اذا رحت اكسترا او غيره فك الكرتون وشوف اللون بتلقى العلبة طبق الاصل بالشكل ولا شعرة اختلاف فيها لكن اللون باهت او بيج والجهاز لونه ابيض نيلي اذا شفته كذا لا تاخذه وان قالو لك اصلي اطلب ضمان عليه في الفاتورة . والله يجازي من غشنا

هذا الخلاط
http://im30.gulfup.com/2012-07-29/134359255592.jpg

صورة العلبة اللي على اليمين الاصلي واليسار التجاري المغشوش اللي جا في الكرتونة

http://im30.gulfup.com/2012-07-29/1343592555381.jpg